رواية بعلمك درس -9
وطلعت موبيلها وراحت غرفتها تكلم صديقها الثانى ))) ......وطبعا فيه ثالث ورابع .....الخ الخ......
((فى بيت ملاك))
ام صالح : الو
صالح: قوة يمه
ام صالح :هلا والله بحبيبى
صالح:اشلونج يالغاليه واشلون ملاك؟؟؟؟؟؟؟؟؟؟
ام صالح :الحمد لله يمه ......مالك نيه تجى والله ولها نه عليك؟؟؟؟؟؟؟؟؟؟؟؟
صالح ان شالله يمه ان شالله
صالح: يمه بغيتج ابموضوع......
ام صالح : شنو امر يمه
صالح :يمه من فتره تقدم لى الدكتور منصور اتخبرينه اللى ايعالجج..........يبى اي خطب ملاك لولده ....وانا يمه
سالت عنه ناس اعرفهم بالكويت .......وحتى اللى معه بالدوام كلهم امدحوه
ام صالح : الساعه المباركه ان كانه مثل ابوه والله والنعم ....
صالج :والله يايمه اهم خوش ناس والولد انا سالت عنه عدل .....كل اللى حوليه امدحوه ......
ام صالح :ان زين ياولدى اهو شكبره..؟؟ وشنو يشتغل؟؟
صالح: اهو يا طويله العمر ضابط بالشرطه وعمره 32سنه وبعد شنو تبين تسالين عنه
ام صالح :لاطرى على سؤال بدق عليك
صالح: ههههههههه ماشى متى ماطرى عليج دقى
ام صالح :الا يولدى مو كنه كبير عليها ؟؟؟؟؟؟
صالح:بالعكس عمره حلو والرجال مايعيبه هالشى يمه بس انتى لا اتحججين.
ام صالح:لاوالله ياولدى بس هم عندنا مشكله ثانيه ؟؟؟\\\
صالح :شنو؟؟؟؟
ام صالح :عمها
صالح :لاء يمه عمها خليه ..........على انا والله يمه ودى اكون عندكم الحين بس صعبه صعبه حيييييل
صالح:الحين بلغى ملاك وخليها اتفكر وتستخير وتردلى خبر هاليومين وبعدين عندهم فترت الخطبه يعرفون فيها بعظ اكثر
ام صالح :ان شالله يوليدى
وسكرت ام صالح من ولدها التلفون ........(والله انهم خوش ناس بس امه ماهى مريحه .......بس اذا الرجال ما
عليه يقدر يحافظ عليها ما عليها من احد .........انا بقولها واهى كيفها)
ملاك ملاك يمه وينج تعالى ابيج ابموضوع....
ملاك: هلا يمه امرى ؟؟؟
ام صالح يمه اقعدى ابيج اب موضوع ؟؟؟
اقعدت ملاك ....وهى مستغربه ....امرى يمه ....
ام صالح :ملاك يابنيتى اليوم دق على خالج ويقول ان الدكتور منصور خاطبج لولده وانه سال عنه وقال ما عليه
الظاهر انه اللى شفناه ذاك اليوم؟؟؟
ملاك مو مصدقه !!!!!!!!!((معقوله معقوله والله مو مصدقه اللى قاعده اسمعه اكيييييييد بوافق....... طبعا )))
ملاك: مادرى يمه بفكر واشوف وبستخبر بس انتى يمه اشرايج
ام صالح :والله الناس خالج يمدحهم ولا انا ما اعرفهم عدل؟؟؟؟؟؟
ملاك: انزين يمه انا ما اقدر اخليج ابروحج لو شنو يصير
ام صالح :ييييييوه يبنيتى ما عليج منى انا ماراح اقعد ابروحى محمد ولد صالح بيجى عندى
ملاك اصعدت غرفتها وهى طايره من الفرح .......معقوله ان تبهلى ذاك اليوم معقوله.....مثل ما انا اتبهت عليه
مانى مصدقه الانسان الوحيد اللى قدر يحرك مشاعرى يجى ويخطبنى ......
(((فى بيت ابو فيصل )))
الكل حايس وضايق خلقه من خالد والموقف اللى هو فيه ولا الحين مارد البيت .......
فى غرفت البنات .....
فجر وهى تلعب ابشعرها :وناسه بيصير عندنا عرس عن قريب
فرح: اكيد اب تستانسين ان خالد بياخذ وحده ثانيه غير ريم
فجر : اكيد طبعا انا بنت خالتج هذى ما احبها ما اواطنها نهائى .....
فرح :ليش بالله اشفيها ريم ........ابصراحه انا احس انج اتغارين منها....
فجر: انا اغار من هذى ليش بالله اشعليه هذى انسانه صطحيه ....نفسج انتى
فرح: وهى اتقوم من مكانها اصلا انتى موكفو انى اقعد معاج يالخبله .....
وعلا المغرب الا خالد يدش البيت
فرح وين امى
فرح :خالد وينك انت امى اتحاتيك
خالد :ليش شايفتنى بزر اصغير اتحاتونى
فرح :لاء بس بعد سالفت ابوى امى اقعدت اتحاتيك وهى بعد حدها متضايقه
خالد :انزين وينها الحين.؟؟؟؟؟؟؟
فرح :فوق ابغرفتها
وصعد خالد لغرفت امه ولقاها تتمكيج لانها معزومه علا عرس........
خالد:باين يمه انج متضايقه
ام فيصل :وهى اتمد ايدينها عشان اتحظنه .......خلود يمه تعال ابحظنى ...جها خالد وباس راسها
خالد:يمه وين رايحه
ام فيصل :يوليدى انا مطره اروح اوجب للناس وارد علا طول
خالد:يمه شفتى ابوى اشسو فينى
ام فيصل:ماعليك ياولدى انا وخالتك فكرنالك ابفكره حلوه
خالد:شنو
ام فيصل: انت تزوج هالبنيه اللى ايقالك ابوك عنها .......وارضى ابوك فيها وبعدين تزوج ريم من وراه وحطه امام
الامر الواقع
خالد:شالسلفتكم انتى فيصل كلكم اتقولون تزوج وبعدين سو اللى تبيه .......ياناس انا ما ابى اتزوج....
ام فيصل :خالد ياولدى ابوك ما راح انرد كلمته جدام الناس وانت تدرى فناخذه علا قد عقله وان سوى احنا اللى
نبيه بعدين............وايذا علا هالبنيه ما عليك راح اتحمل وذا ماعجبها الباب ايفوت جمل والحين روح استسمح من
ابوك وقوله مالك الا طيبه الخاطر .....ولاهدى وسوينا اللى يبيه انسوى احنا اللى نبيه
خالد: مادرى يمه احس انى موقادر اسامح ابوى علا اللى سواه ..........
ام فيصل:الحين روح ارتاح وباجر كلم ابوك ......
خالد:لاء يمه انتى اللى كلميه لانى ماراح اوعده اب شى انا ما راح اسويه
وطلع خالد لغرفته وخذاله شوى ونسدح علا السرير وقعد ايفكر منين اطلعتلى هالبلوه .....اخ لو عندى اجازه جان
سافرت عند لينا اهى الوحيده اللى اتنسينى الهم وصلى العشى ونام
.......فى بيت ام صالح......
بعد كم يوم من خطبت ملاك .........كانت ملاك وجدتها يتقهوون باللصاله
ام صالح :ملاك مارديتى على صار لج كم يوم ولحد الحين ما رديتى على؟؟؟؟؟؟؟؟
ملاك:يمه انا استخرت ومادرى يمه احس مانى مرتاحه
امصالح:ليش يمه انتى يمكن عشان ما تبين اتخلين المكان اللى عشتى وكبرتى فيه وهذا شعور طبيعى لما اتخافين
ملاك:يمكن يمه
ودق التلفون
ملاك:الو
ساره :وينج يالقاطعه
ملاك :هلا والله سارونه
ساره هلا فيج وين مختفيه
ملاك :ساره دقيتى ابوقتج
ساره :ادرى احس فيج
ملاك:يالله عاد خلينا من الافلام الهنديه
ساره :انزين اش عندج قولى
ملاك :ساره تذكرين ولد الدكتور اللى سولفت لكم عنه
ساره:اى اى اشفيه
ملاك :خطبنى
ساره :العن ابو الحظ
ملاك:ييييوه ساره
ساره :اجل اشتبينى اقول صراحه حظج مو طبيعى يارب ايخطبنى ولد عمج تركى وانا ياحظى ميته عليه وما جانى
ولا حتى عبرنى وانتى يم حظين اعجبتى فيه بس الا هوجاى ايخطب بعد
ملاك:ههههههههه حسبى الله علا ابليسج اذكرى الله عاد انت بقى احد ما اعجبتى فيه...واذا بيخطبونج ..كل اللى
اعجبتى فيهم منتى ملحقه علا الخطاطبيب...........
\
ساره :بس تدرين عاد ما الومه انت من ما يشوفح ىولا يعجب فيج
ملاك: ساره المشكله انه ........تدرين اش رايج تجينى البيت ونسولف علا راحتنا ....
ساره : ماشى اقوال لمى واجييج
ملاك : يالله وانا بزهبلج الجاى والحب المدخن .....
ساره :يالله مسافت الطريج
وبعد ما جت ساره وسلمت علا ام صالح وجاراتها اللى علا طول عندها اصعدت فوق مع ملاك
ريم :حبيبى يعنى ماراح اتحب غيرى مهما صار
خالد :لاء ياروحى انتى وبس وهذى مثل ما قلتلج عشان ابوى .....اما انتى عشانى انا وبس
ريم:خالد والله راح اموت قهر لما اشوفك مع وحده ثانيه لاء........ وبالكوشه بعد.........
خالد: ياقلبى لاتغارين انا بكون بالكوشه ابجسمى وبس ولا قلبى لج ومعج لاء وبخليه ليله عرسى اينام ابحظنج
ريم :يعنى جسمك معاها هاه اى قص على ........
\
خالد:يعنى الجسم اشلون بيتحرك من غير القلب
ريم :انا ابى جسمك وقلبك ...........ايصير....قالتها ابدلع خلته ايدوخ
خالد :ايصير وايصير بعد لا تخلينى اخربها وتزوجج الحين
ريم :وابوك
خالد:اااااه لاتذكرينى
ريم :ومعاها خط ثانى خالد حبيبى الظاهر ابو جاء اكلمك بعدين
خالد : اوكى خلاص احبج
ريم وانا بعد احبك
ساره :يالله قوليلى اشفيج خايفه
ملاك:ساره انا اول ما خطبنى ابصراحه طرت من الفرحه ......بس بعدين فكرت ابجدتى ....بس خالى قال لما اتزوج
ملاك راح اخلى محمد يقعد عند جدتى بس امحمد ماراح يقعد معها بالبيت وراح ايضيق خلقها
ساره : ملاك انتى من صجج ترى هذى سنه الحياه ولازم يجى يوم وتتركينها وبعدين انتى بتكونين عندها تقريبا
كل يوم.............. يعنى من كبر الكويت ابعد منطقه بالسياره ما توصل الساعه وانتى يم جدتج...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك