بارت جديد

رواية شرع ربي ولا اعتراض -105


رواية شرع ربي ولا اعتراض - غرام

رواية شرع ربي ولا اعتراض -105

ملاك/بسافر..ببتي حياة جديدة مع ناس جدد مااعرفهم ولايعرفوني وبظل هناك لين نهايتي....
نجود/مشاء الله هذا القرار اللي وصلتي له؟؟؟وبئس القرار ياملاك؟؟؟؟
ملاك/؟؟؟؟؟؟؟؟؟ماقدر اكمل حياتي هنا....
نجود/ليش..اللي اعرفه انك اقوى من الشي اللي تحاولين تخفينه عن الكل....
ملاك/لا..مو صحيح....انا اضعف من اني احاول اعترف لنفسي بوجودها بحياتي....طول عمري اكره ها الانسانة وبظل اكرهها..
نجود/بس انتي ماسالتيها اذا كانت تبادلك ها الشعور ولا شعورها مختلف؟
ملاك ضحكت لنفسها بشماتة /مختلف!!لامااظن....اللي بيني وبينها مايدعي لشي ثاني اذا بعدها صورتي في بالها....
نجود/ملاك..يمكن ماتصدقيني بس انا زرتها وحكيت لها كثير عنك وهي قالت لي انها مانستك ودايم تفكر فيك وودها تشوفك ودها تتعرف بيوم من الايام على اختها الكبيرة...ملاك هي ايامها بالدنيا معدودة ولحظات السعادة اللي تدخل قلبها بعد معدودة ليش ماتضغطين على نفسك مرة ومرتين وتروحين تزورينها....
تراها بريئة حييل وحبابة...
ملاك قامت تبكي..
نجود/حبيبتي انا عارفة انك حاسة بالذنب تجاهها بس هي ماهي شايلة بقلبها وانا ااكد لك انك مو السبب في اللي صار لها ومحد يقدر يحاسبك...لاتسجنين نفسك باقي عمرك على شي انتي عارفة انك مو مسؤلة عنه....
اذكري الله واذا تبين استخيري قبل لاتفكرين تروحي واذا بغيتي تروحي تشوفينها انا ماعندي مانع اروح معك وازورها معك..تراها تعرفني....
ملاك/,,,,,,,,,,,,,,,
طلع من غرفة لبنى علشان يدور عبد العزيز اللي ماشافه قاعد بنفس مكانه..لف ولف ولف ومالقاه...طلع يدوره بمواقف السيارات ومالقى سيارته ..
طلع جواله ودق عليه ..
عبدالعزيز/هلا ناصر..
ناصر/وينك انت...
عبدالعزيز/في شي...
ناصر/يعني لازم يكون في شي علشان اشوفك؟
عبدالعزيز/لا مو القصد بس كنت تعبان ورجعت البيت اريح....
ناصر/لااذا كذا اجل معليش بس كنت ابي اتطمن طلعت ومالقيتك..
عبدالعزيز/تطمنت على نتيجتها وقلت ارد البيت...
ناصر/عبدالعزيز والله اني مو عارف شقولك ياخوي...
عبدالعزيز/اهم شي صحتها طمني عنها ياناصر؟
ناصر/والله انا مابع شفتها يعني سلام من بعيد يوم اوصل عمي لها بس شكل ابوي مايوحي انها مية بالمية ..
عبدالعزيز تنهد/اللي مرت فيه اكيد مو شوي...عسى ربي يريح بالها ان شاءالله...
ناصر/الله يسمع منك...عموما اذا ريحت وشبعت راحة دق لي بغيت اسولف معك....
مشاري دخل الشقة وهو ثاير بركان ويناديها باعلى صوته..
لمياء بخوف/عسى ماشر وش فيك؟
مشاري ماقال شي بس ظل يناظرها ينظرات قاسية مالقت لها أي تفسير....
مريم/بابا وش فيك تصارخ؟
مشاري بعصبية/روحي غرفتك يامريم..
مريم/مو رايحة لاتصارخ..
مشاري بصراخ/اقولك انقلعي غرفتك.....
راحت تركض غرفتها بعد ماانفجرت بالبكي..
وتقربت منه لمياء ..
لمياء/مشاري وش فيك علامك معصب كذا...
اول مرة بحياته يرفع يده على احد وها الاحد مو أي احد..ها الاحد زوجته وحبيبته وام بنته..
لمياء بذهول/جنيت انت!!!!
مشاري بقمة عصبيته/لك ساعة وحدة تلمين فيها زبالتك وحثالتك وترجعين لااهلك ماابي ارجع والاقيك هنا فاهمتني؟؟؟
لمياء/مشاري انت وش تقول؟
مشاري بعصبية/اللي سمعتيه؟؟؟روحي لعلي حبيبي القلب خله يتزوجك انا ماابيك ولاعدتي تعنين لي أي شي...وبنتي بتضل عندي حرام انها تتربى عندك فاهمتني...
مريم..يامريم....مريم..تعالي هنا بسرعة..
مريم وهي تبكي/وش تبي يالكسلان؟
مشاري/لبسي جزمتك بسرعة بنطلع انا وانتي...يالله....
كانت حاطة يدها على خدها وماهي عارفة شتقول حاسة ان الدنيا كلها تسكرت قامها..
لمياء من بين دموعها برجاء/مشاري اسمعني..اوقف اسمعني اللهي خليك..
مشاري وهو ماسك يد مريم بنته بقوة/اكثر من ساعة ماراح اعطيك يازبالة فاهمتني ولالا؟؟؟ياليت ماتتركين من اغراضك ولاشي......
طلع وتركاها مرمية على الارض تمسح دموعها...وش اللي صار ياربي..وش اللي جاب سالفة علي لمشاري....وشنو بيصير اللحين؟؟؟
اول ماشافت ابوها قدامها حست بنار ثايرة فيها...
هذا الانسان هو اللي عذبني ها الشهر اللي راح كله..اي هو سبب عذابي...
هو سبب قهري والمي وتعبي وحزني..
هو سبب كل اللي انا فيه ...
هو اللي خلاني اصير مثل السجينة في بيت ذاك السافل الحقير....
هو اللي برمشة عين كان ممكن يدمرني لو اني قعدت هناك اكثر واكثر..
مقدر اشوفه واقف قدامي بكل برود وماكانه باعني بكل رخص....
باعني وانا اترجاه ذاك اليوم يرحمني ومايرمين ها الرمية بس انه كان مصر ...
تعال شوف النتيجة بعينك....تعال شوف همي وغمي وتعبي وكدري..
تعال شوف يديني اللي مدري وش صار فيهم ولاابي ادري,,,
ابو بندر /لبنى..
لبنى بضعف/وين امي...ابي اشوفها؟
ابو بندر تنهد بتعب/حمد الله على سلامتك يابنتي....
ابو علي حس بتطنيش لبنى لاابوها وانها قاعدة تتصد بعينها... وراح يقعد جنبها,,
ابو علي/امك بخير بس لو تطيبين وتطلعين انتي لها بالسلامة مانبي نخوفها عليك...
لبنى/هي مسالت عني وين..
ابو علي/بلى بس اللحين احنا ماقلنا لها انك بالمستشفى يابنتي...
لبنى ببكي/بس انا مشتاقة لاامي...ابيها ..وحشتني حييل ياعمي...
ابو علي/وش فيك يالبنى يبى كلميني...
لبنى قامت تبكي بصوت عالي وهي تقول كلمات مو مفهومة/عمي تعبانة حييل...تعبانة مووت مو قادرة اتحمل حاسة نفسي بموت...هناك شفت الموت بعيوني ومحد حولي!!!
طبعا كان بارت طويل....ومحد يقدر يقول غير كذا وبكرة انشاءالله بيكون مثله..
بس ابي اعرف توقعاتكم لهنوف وناصر ونجود وفهد وعبدالعزيز ولبنى ومصعب وجواهر وعبير ومشاري وعلي ولمياء وبندر بكرة في البارت الاخير وش بتكون؟؟؟
,,,صحيح اللي قالوا اني قلت اقل من اسبوع بخلصه ومضى اسبوع وماخلصته مو صحيح انا قلت ها الكلام يوم الثلاثاء واليوم السبت يعني ماكملت اسبوع بعدني وامس مادخلت مو بيدي؟؟
مرحبا فيكم,,(هاذي شكلي اخر مرة بقولها ومو طايعني قلبي اقولها ابدا)
شلونكم يابعد قلبي وشخباركم وشخبار الجو معكم اللي انقلب بسرعة وصار برد مرة,,,(متاْثرة بالاحوال المناخية)
ادري امس كان ضايق خلقكم بس ماابي احطها بالنت حرام ماله شغل بس انا كنت تعبانة وماقدرت حتى اتحرك من مكاني وبغيت منكم تسامحوني ادري مللتكم معي بتعبي وضاق خلقكم بس ماعليه هذا ختام المشوار وان شاءالله نطلع منه متصافين ويعجبكم يالغلا..
والصدق الصدق الصدق بتوحشوني حتى اشعار اخر,,,

البارت الاخير

ابو علي/بلى بس اللحين احنا ماقلنا لها انك بالمستشفى يابنتي...
لبنى ببكي/بس انا مشتاقة لاامي...ابيها ..وحشتني حييل ياعمي...
ابو علي/وش فيك يالبنى يبى كلميني...
لبنى قامت تبكي بصوت عالي وهي تقول كلمات مو مفهومة/عمي تعبانة حييل...تعبانة مووت مو قادرة اتحمل حاسة نفسي بموت...هناك شفت الموت بعيوني ومحد حولي!!!
ابو علي ضمها لصره وقال بحنان وهو يربت عليها/خلاص يابنيتي الايام اللي راحت ولت بدون رجعة والايام الجاية خير عليك ان شاءالله..
لبنى ببكي/عمي انت ماشفت اللي انا شفته بها الشهر....عساك ماتشوفه لاانت ولاالناس اللي تعزهم....عسى الله مايوفقه وين ماراح ووين ماجا....عمي انا مابرد له لو شيصير بموت نفسي قبل لاامشي معه...
ابو علي/اذكري الله يالبنى وطلبي له الرحمة والمغفرة وان الله يسامحه ويتوب عليه ويرحمه برحمته....وش ماكان مسوي فيك ماتجوز عليه الا الرحمة اللحين...
لبنى بذهول/مات!!!!!!!متى ماتّ!!!!!!
شبيصير بحياتي بدونك ياجواهر...ماني قادر اتخيل أي شي ابدا بدونك؟؟؟؟
معقولة بنكمل حياتنا وكل واحد بعيد عن الثاني,,,
طيب لمتى عاد!!!!
معقول قلبك مايرضى يسامح ويغفر لي..ولا على الاقل يسمع اللي ابي اقوله....
انتي تدرين مقدارك عندي زين وعارفة ان كل اللي يصير وبيصير مابيبعدني عندك وبيظل عندي امل معك لااخر يوم بحياتي.....
طلع من غرفته بعد ماااْيس انها تفتح نافذتها وراح وقف عند باب بيتهم ودق الجرس....
طلع له محمد....
محمد/بندر....
بندر/ابي اكلمها...
محمد بارتباك/مدري شقولك....بس مااعتقد ترضى...
بندر/لاتقول لها اني انا اللي عند الباب ..الله يخليك يامحمد انا محتاج اشوفها واسمع صوتها...
محمد براْفة/طيب بحاول فيها....بندر لو شفتها وكلمتها قول لها انك ماكنت تقصد تتزوج عليها حرام يضيع حبكم وتضيع ايامكم وعشرتكم على مجرد انك فكرت تعرس وماعرست..لاتخليها تظلمك.....
مايدري بندر ليش دمعت عيونه.....ويقول بنفسه (ياليت اللي جرى ماكان,,,ياليت اني مااتخذت ها الخطوة من الاساس ولا طعت نزواتي وشهواتي ,,,,اه ياليتني حافظت عليك ياجواهر وكنت صريح معك من البداية,,,,,وش فيها لو اني قايل لك اني انفصلت من شغلي وبديت حياة جديدة وصريحة معك ولاخسرتك ها الخسارة الكبيرة,,,,)
انتبه على صوت محمد يناديه وتلفت له,,
محمد بزعل/قلبها عارف ان انت اللي جاي وقالت لي لو نطبق السماء على الارض ماراح اطلع له..
بندر بحسرة/هي قالت كذا؟
محمد بزعل/بندر انا اسف بس هذا اللي صار...
كان يمشي بسيارته بسرعة متهورة وماهو عارف وين يروح..
كان يناظر بمريم بنته اللي جنبه واللي بكت بكت لين نامت,,,,
ماكان متوقع ها الشي ابدا ولامر على باله,,,,
كان طول عمره يحبها ومخلص لها ولايرضى عليها بكلمة وحدة تنقال قدامه,,,
كان يدافع عنها بكل ماانعطى من قوة لانه فعلا كان يحبها,,,,
ماتوقع خيانتها له وماتوقع انها ممكن تحب شخص ثاني وهي على ذمته,,,,
طلع جواله ورجع يناظر بمقطع الفيديو اللي عطاه اياه علي من الصبح يوم يلتقي فيه على قولة علي بمحض الصدفة!!!
حكى له عن لمياء وعن علاقته فيها وانها كانت تبي علي بس هو اللحين مايبيها وعطاه مقطع فيديو لهم يوم كانوا بالمقهى قاعدين يوم التقوا اخر مرة ..يوم يطلب علي من الهندي انه يصورهم هو ولمياء بالجوال مقابل مبلغ من المال بحيث انها ماتنتبه لهم....
رجع تنهد من جديد....معقولة تحبين ها الانسان وانتي على ذمتي!!!!
تخونين يالسافلة يالحقيرة؟؟؟؟
لفت انتباهه صوت مميز بالاذاعة يشدو بشي يحاكيه ورفع الصوت بقوة وحط راسه بين يدينه وقام يبكي....
كان صوت راشد الماجد طارب السيارة بحزن,,
قهر ماكنت انا ادري تعيش بقلبي كذابة,,
قهر توي عرفت انك على الحبلين لعابة,,
كذب كانت سواليفك,,,
وكل كلمة على كيفك,,,
وانا اللي كنت احسبك روحي,,,
ولقلبي اقرب احبابه,,,,
الجازي/العشى جاهز مابتنزلين؟
فوزية/مالي نفس...
الجازي/بس ابوي قال لي لاتنزلين الا وهي معك....
فوزية قامت من مكانها ونزلت مع اختها وقعدت مع ابوها وامها ومصعب على الطاولة بدون ماتتكلم...
ابو مصعب/ليش مارحتي اليوم دوامك؟
فوزية بدون مبالاة/ماخذة اجازة...
مصعب/كم يوم....
فوزية بنفس اللهجة/مفتوحة.....
ام مصعب/ليش؟؟؟؟ماورانا سفرة ها الايام...ومو من زين جو الرياض بها الفترة علشان نتمشى ونروح ونجي...
فوزية بحدة/أي بس انا فيني قهر وماني قادرة اتواصل مع العالم الخارجي!!!!
ابو مصعب/فوز.......
سكتوا كلهم...........
فوزية وهي تناظر امها/دريتي ان محمد سافر اليوم.....راح لمنال امريكا...
ابو مصعب/وانتي من قال لك؟
فوزية/خالي فهد.........
ام مصعب/ماقال لي ابوه انا مكلمته اليوم ومافتح لي سيرة........
فوزية/وش يهمك تعرفي......مو محمد مايعني لك أي شي من الاساس!!!
ام مصعب بحدة/سمعي عاد.....ماهو اخر الناس بالعالم علشان تزعلين نفسك علشانه....بيجيك اللي احسن وافضل منه....
مصعب بتمتمة/مااظن...
ام مصعب/وانت شعندك بعد؟
مصعب/ولاشي....
ابو مصعب/امك تقول انها شايفة لك بنت حلال.....خلنا ناخذ منهم موعد ونروح نخطبها لك......
مصعب/ماله لزمة...ماتناسبني.....
ام مصعب/انت ماتعرفها كيف جزمت انها ماتناسبك.....
مصعب/قلت لك انا ذوقي صعب ومايرضيه أي شي....
بعدين انا بنفسي بدور لروحي زوجة لاتتعبون حالكم...
ام مصعب/شها الكلام.....
مصعب/يمه...ماابي وحة حسب مواصفاتك انتي واللي تبينه انتي فيها!!!ابي وحدة لي انا تعيش معي انا...حسب رغبتي ومواصفاتي انا!!!
نجود/وبتتاْخر؟
فهد/شوفي وش يصير...مدري مقدر اوعدك بساعة محددة ارجع فيها..
نجود/طيب لاتطول حبيبي لاتنسى اني بنتظرك...
فهد/لاياعمري بحاول اني مااتاخر....
نجود/طيب وبومشاري يبي يروح معك..
فهد/لامارضى..يقول كافي اهانة امس وولده مو من شينه علشان يرفضونه في الف وحدة تتمناه...
نجود/وهم الصادقين الرجال مهما سوى ومهما قال ماينعاب!!وبعدين هذا ولدهم وعارفين ازين لهم من شي مايعرفونه...
فهد/المشكلة انهم يبون بعض....هي تبيه ورافضة تاخذ غيره وهو يبيها....
نجود/عموما اذا حسيت ان السالفة بتكبر وبتكبر بينك وبينهم اطلع منها انت مالك شغل....مو بالنهاية تطيح السالفة فوق راسك.....
فهد/وش بتسوين ..بتقعدين تجهزي لي سهرة حلوة ولا شلون؟
نجود/ياسلاااام انت تطلع وتتركني وانا اجهز لك سهرة حلوة....مو كفاية ان ام فيصل بتكون معك هاذي بروحها تكفيني انها تحرقني!!!
فهد/وش تحرققك فيه يابنت!!!!!انتي عارفة انتي منو وشنو ؟؟؟
نجود بثقة/عارفة بس ماابيها لاهي ولاغيرها ياخذونك مني....حتى لو بس مدة مشوار رايح جاي.... !!!
فهد/نجود ترى بنتظرك على نار...لاتسوين لي حركات من هنا وهنا وتنامين....
نجود/انت ناسي ان جواهر بكرة بتجي مع ناصر لازم اجهز نفسي..
فهد/حلوة ذي وش تجهزين فسك فيه؟؟
نجود/ههههههه...
فهد/كل شي تمام بالمزرعة....كلمت مصعب وقال اذا بغيتي شي دقي عليه وهو بيجيبه لك لاني باعث الحارس ياحذ اغراض لها...
نجود/طيب مو مشكلة...بس ترانا مابنروح المزرعة بدري لان ناصر مدري كيف نظامه بيقعد كثير ولا بس بيسلم وبيطلع..
فهد/لاابشري بياكل قلبك لين تقولين له وش بتسوين بسالفة خطوبته؟
علي/تبين شي يابنت عمي..
عبير/لاشكرا...
علي/..............
عبير/................
علي/طيب فيني اخذ حمود معي مشوار..
عبير/لاهو مايرضى يطلع مع احد...
علي/طيب خليني اجرب...تعال حمود بنروح البقالة؟
حمود/لا....
علي/ماتبي تشتري حلاوة وشيبس...
حمود ناظر بعبير..
علي/طيب تبي تروح الالعاب....
حمود/ابير تعالي معي...
عبير/لاحمود تعال خلاص..
علي/ليش ياعبير..خليه يتعود علينا ليش تبعدينا عنه...
عبير/.............
حمود/يالله ابير...
عبير/خلاص اذا شفنا ناصر بعدين خليناه يودينا...
علي بزعل/ليش ياعبير....ليش ناصر أي وعلي لا؟؟؟
عبير/...............
علي/ادري انك مو مصدقتني بس انا مشاعري صادقة معك...انا فعلا احبك وندمان اني فرطت فيك...لالمياء ولاستين الف منه ممكن يغيرون ها القناعة عندي...عبير انتي كنزي الوحيد والاثمن واللي ماابي افرط فيه طول ماانا عايش...الله يخليك عطيني فرصة اثبت لك ها الشي....
ظلت تبكي وتبكي وتبكي بعد ماطلعوا بعد انتهاء الزيارة....
يوم عرفت ان مسفر ماااااات...اصرت على عمها تعرف وش اللي صار وكيف هي هنا....
اللي تعرفه انها تخبت مع الطباخ برى الحوش واتفقوا اول ماتبدي السهرة يطلعون بس اللي صار انهم تفاْجاوا بالنار الشابة بكل ارجاء البيت وبعدها ماتدري وش اللي صار قعدت اليوم ولقت نفسها في المستشفى,,,
كيف وصلت هنا ها الشي ماتدري عنه..كيف التقت في عمها ماتدري بعد...
سالت عمها وقال لها ان عبدالعزيز هو اللي جاهم البيت.



قال لها السالفة من البداية لين ماوصولها المستشفى ناصر وعبدالعزيز هي مع الطباخ......
تجمعت الدموع بعيونها وماقدرت تمسك نفسها .....
عبدالعزيز...كيف ..كيف ها الشي صار؟؟؟
ماهي قادرة تتخيل انها كانت بذكراه وكان خايف عليها,,ماهي قادرة تتخيل كيف وصل لها هناك ماهي عارفة وشلون نظر لها بعد ها السالفة وش ممكن يكون قال عنها...
لاياعبد العزيز لاياحبيبي انا مااخذته عن قناعة وبرضى...
اخذته غصبا عني وتحت تهديد منه...
قال لي اذا مااخذته بيطلق امي وكان لازم اتنازل علشان حياتها ماتندم,,,,
حبيبي...الله يخليك سامحني على اللي صار وعلى فراقنا اللي ماكان محسوب ..بس انت طمني عنك شلونك,,شخبارك وشنهي علومك,,,
عايش ومرتاح ومتهني..ولابعدنا مضايقك بعده,,,
ابو مصعب/فهد علامك متضايق كذا!!!
فهد بنرفزة وهو يناظر بااخته/كان لي عتب عليك وعلى اختي بس ماله داعي..
مصعب/شدعوة ياخالي....
فهد/يعني معقول اكون اخر واحد يعرف بموضوع الخطوبة؟؟؟؟
ام مصعب/ياخوي..
نجلاء/وليش ماقالوا لك بيت اخوك مو هم اللي جايين يخطبون؟
فهد بحدة/انا عارف السالفة من بو مشاري.....وعرفت بعد عن الرفض بس كنت انتظر اسمع الخبر منكم...معقول اسمعه من مصعب وفوزية ومااسمعه منك ياام مصعب؟؟؟اشوف فاضية بس تمسكين لي الزلة عن نجود وعن لبسها وعن علاقتها بالبيت و فيكم ومنتي فاضية تكلميني عن السوالف المهمة بالعائلة واللي تناخذ بجدية؟
ام مصعب/:كنت جاية بقولك ذيك الليلة و....
فهد/وشنو؟
نجلاء/وشوفة نجود سدت نفسها وماقدرت تقولك؟
فهد بتهديد/انتي ياتسكتي يابندخل المجلس نتكلم بروحنا محد طلب منك تقولين شي!!
ابو مصعب/فهد..شها الحكي؟
فهد/بذمتك اللحين السالفة وش يدخل نجود فيها؟؟؟؟
ام مصعب/فهد خلاص ياخوي السالفة صارت وانتهت وحقك عليّ!!
فهد/ومن قال عاد اني جاي علشانك....انا جاي علشان فوزية طلبت مني اجي واقول اللي عندي....
ام مصعب ناظرت في بنتها اللي كانت مستقوية بفهد...
فهد/اجل مايشرفكم ولد اخوي......لاقين لكم واحد احسن منه علشان كذا رافضينه؟
ام مصعب/فهد لاتاخذها بها الحساسية بس لاتنسى انها بنتي وتهمني مصلحتها وانت عارف محمد ولد اخوك وسوالفه.....
فهد/اللي اعرفه انه من زمان قال ابيها وكنا بالبيت دايم نقوله انتظر لين يجي الظرف المناسب...انتظر لين يرجع ابوها..انتظر وانتظر وانتظر....وانا واحد حاس بالاحراج ...لاني كنت من مؤيدين انتظاره لين رجعتك يابو مصعب واخر شي ماسويت لنا شي بها الانتظار؟؟
ابو مصعب/؟؟؟؟؟؟؟؟؟؟؟؟؟
فهد/عارفة ان بنتك تبيه وعارفة من زمان انه يبيها....
ام مصعب/بس انت ماترضاها لو كانت بنتك ياخوي...انت عارف محمد وعارف سوالفه وعلاقاته..
فهد/والكل يضل على نفس اطباعه مايتغير؟ولا تبين يجيك واحد راعي حسب ونسب من الناس اللي ترفعين راسك فيهم وبس تتعود عليه يوريها حقيقته؟هذا انتي عارفته وعارفة امه وابوه وتربيته ومعدنه..وعارفة أي حياة بتعيشها بنتك معهم والاهم من هذا كله عارفة ان بنتك تبيه وماهي متنازلة عنه....
عموما ياام مصعب القرار بالنهاية كان لكم وماشاورتوا بنتكم وانتوا اللي خسرتوا محمد مو هو اللي خسركم سهل انه يلاقي بدل فوزية الف وحدة بس بنتكم صعب تلاقي واحد مثله وبمثل مواصفاته ومواصفات اهله......
ابو مصعب/فهد........خلك وجه خير بينا وخلنا نرجع نتكلم بالسالفة من جديد..
ام مصعب/لا....
فهد/ومن قال لك ان السالفة عاد فيها حكي ..محمد سافر وبعد كم يوم بيرجع وامه قاعدة تدور له بنت حلال واخته بعد تدور وان شاءالله يلاقون ويتهنى معاها..
فوزية بحسرة/خالي..
فهد/فوزية انتي فاهمة ومقدرة ها الشي...[س اهلك رفضوه ولاتتخيلين ان محمد ممكن ينتظرك ولايرجع يطلبك مرة ثانية بعد اللي سمعه من امك!!!اكيد بيدور غيرك....ادري انك ماتوقعتي اجي واقول ها الكلام بس انا لازم اقوله لك اللحين وقدام اهلك...فوزية اذا انتي حاطة شوية امل ان محمد ممكن يرجع ويتصلح كل شي بينكم فاانتي غلطانة يابنت اختي.....
تظل كرامة الرجال اغلى ماعنده وتاْكدي لو انجرحت مرة بيظل طول عمره شاسلها بقلبه ولاراح يرضيه أي شي مهما سويتي ؟؟؟
فوزية وهي تبكي/بس انا مالي شغل ياخالي..الرفض ماكان عن طريقي ..هم رفضوا بدون مايعطوني أي خبر...ويوم دقيت له انقل له وجهة نظري وقراري مارضى يرد عليّ!!
فهد/تفاهمي مع اهلك......انا تاخرت ولازم امشي...تصبحون على خير......
ابو مصعب/تو الناس يافهد اقعد خل نتعشى سوي...
فهد/أي عشى يابو مصعب ؟؟من زمان تعشيت وجيتك؟؟الساعة داخلة على الاحدعشر اللحين...
مصعب/خالي ودي اسولف معك شوي ...
فهد/مرني بكرة المكتب..
مصعب/لامااقدر بكة انا مشغول ولانسيت ان بكرة.....
ام مصعب/شعندكم بكرة؟
مصعب.،/ولاشي يمه...سالفة بيني وبين خالي.....المهم ماقلت لي متى؟
فهد/مدري والله اشوف وبعدين اعطيك خبر.....
نجود/وانتي خلصتي مذاكرتك؟
لمى/أي...
نجود/وليش مانمتي وسهرانة للحين؟
لمى/لان بكرة المدرسة بيسوون يوم مفتوح وانا ماراح اروح...
نجود/ليه...خبري البنات ينتظرون اليوم المفتوح من بداية السنة ليش انتي بتغيبين.؟
لمى/ملل...مو حلو...احسه يوم صارم وكله انظمة وقوانين...مو مثل باقي المدارس...لا نقعد بالمسرح من الصبح لين وقت الفسحة واحنا بس نشوف افلام تعليمية وبعدين نروح نشتري من المقصف المفتوح اللي يسوون ونقعد بالساحة نفطر وبعدها نرجع المسرح من جديد نشوف الفقرات اللي هم معدينها بمشاركات بعض الطالبات...
نجود/اممممم...
لمى/عشان كذا قلت لاامي اني بغيب ماراح يفوتني شي.....
سارة بغتها فرصة/احنا اصلا يومنا المفتوح سخيف بعد نظل من الصبح ندرس للفسحة وبعد الفسحة نقوم الساحة اللي مافيها غير اشياء سخيفة للبيع ومافيه أي نوع من انواع الرفاهية...
كانت نجود تناظرها وهي عارفة انها تبي تتكلم معها..
نجود/انتي بعد عندكم يوم مفتوح بكرة وبتغيبين؟
سارة/لا...انا بكرة عندي موعد لااسناني وماراح اروح....
نجود/وليش ماخذة الموعد بيوم مدرسة عندك يوم الخميس ولا اخذيه بالعصر....حرام تضيعين عليك يوم وتغيبين,,
سارة/انا مالي شغل امي هي اللي سوت لي الموعد...
نجود/وفيصل وينه....
لمى/كان بالبيت يلعب مع مريم...
نجود/لمياء هنا..
لمى/لابس مشاري.....
نجود/ليش ماتقصين شعرك يالمى بتطلعين احلى وبتبان ملامحك الطفولية....ليش مخليته بها الطول؟
لمى/ابوي مايرضى نقص شعورنا....
نجود/قلتيلي.....
لمى/انتي ماحكيتي لنا عنك شي..
نجود/وش تبين اقولك,,,,,
لمى/أي شي.....
نجود/بكرة ناصر اخوي بيجي يزورني وبتجيني صديقة عمري جواهر.....
لمى/أي اتذكرها ...تشبهك صاحبتك...مدري احسكم نفس الشي...
نجود/طبيعي نكون نفس الشي احنا مع بعض من كنا اصغر منك ..من اولى ابتدائي واحنا مع بعض وظلينا مع بعض لين كبرنا ماعمرنا افترقنا ولامرة بالمرسة نفسها وبالفصل نفسه وبالكلية نفسها وبالقسم نفسه...بس يوم طلع لنا التوظيف هي كانت بالشرقية وانا كنت مرتين بالضهران والمرة الثالثة جيت بالرياض وتثبت اللحين هنا...
سارة/أي بس على كذا ماتعرفتوا على جماعات ثانية وظليتوا حاكرين علاقتكم في بعض؟
نجود/لاطبعا...عندنا زميلات كثار بعضهم مشترك وبعضهم لا..بس يظلوا زميلات مو صديقات؟
لمى/وش الفرق..الزميلة مثل الصديقة؟
نجود/في فرق ..الزميل يتعامل معك بالواجب وحسب الرسميات بس تظل بينكم خطوط ماتتجاوزوها..
بس الصديق هو اللي تتعاملين معه بكل شفافية وصراحة ووضوح ويعرف عنك كل شي واسراركم مع بعض ماتخشونها عن بعض....في فرق بين الصديق والزميل ولا مافي؟
لمى/في.....
سارة/خالتي....ممكن اتكلم معك..
نجود/خير...
سارة/خالتي انتي.....
نجود/شنو؟
سارة/انتي بتظلين زعلانة مني؟
نجود/وانتي يهمك هاالشي....
سارة/أي...
نجود/ليه؟
سارة/لاني ماابيك تظلين زعلانة مني....ابيك تكونين قريبة.,,,
نجود/.............سارة,,فكرتي بكلامي اللي قلته لك ذاك اليوم؟
سارة/أي,,


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -