رواية قلوب تجرعت الحب -13
ام سلطان /يبنيتي ريحي نفسكروعه/ما فيني شي يا خالتي
ام سلطان/شلون ما يفك شي شوفي وجهك قالب لونه
روعه/صدقيني ما فيني شي هذا كله من شغل البيت
ام سلطان/وانتي بعد شايله البيت على راسك روحي غرفتك ارتاحي شوي
روعه/حاضر يا خالتي
لما صعدة غرفتها حست بوجع قوي عمرها ما حسته بس حاولت تبان طبيعيه عشان سلطان ما يحس ويخاف عليها
كان بندر قاعد يسولف مع جدته
رغد/بنات شفتوا شلون بندر حاقرها ولا كنها عروس
فاطمه/صراحه ما توقعت ها الشي
العنود/والله يا بسوم منتهي بهينه سافه عروسته وقاعد معك
ابتسام/الله يخليه لي
بندر/ش قاعدين تقولون لايكون تحشون فيني
فاطمه/لا تخاف حتى لوا بغينا نحش فيك عندك الحكومه ابتسام ما تسمح لنا
بندر/بعدي والله اكيد بدافع عني
جواهر/ها شي الاخبار
هند/اخبار طل بوجهي
جواهر/ليه
هند/اف توهقت وخذيت واحد قروي رافع ضغطي
جواهر/حبه حبه وفهميني
هند/تخيلي قال ما في شهر عسل
جواهر/تتكلمين من جدك انتي
هند/لا وازيدك من الشعر بيت تراي انا الحين في البيت والاخ حاقرني وقاعد مع خواته العلل وزجته ذي لا ولا جدته ذا العجوز ترفع الضغط طول وقت الغدا وهي طايحه مدح فيها ذا الابتسام حتى على العشا ما كلف نفسه يصعد يتعشى معي
جواهر/اصبري عليه مصيره راح يعرف قيمتك خصوصا لما تجيبين له ولي العهد حزتها راح ينسى اسمها لوا تبين
هند/شكلي راح اتعب معه يلا سلام
جواهر سلام
فهد/مهاااااا تعالي بسرعه
مها/هذانا جيت ليه تصرخ
فهد/حمودمشى
مها/مشى يعني مشى
فهد/ايه مشى بوريك الحين يلا حمود
مها شالته/يا حياتي وباسه
فهد/عطيني ياه
محمد/يلعب بخشم ابوه ماما
فهد/لاء حبيبي قول بابا
محمد/ماما
فهد/لاء انا بابا
محمد/ماما ويأشر على مها
مها/هههههههههههههههه ولد ويحب امه وش مزعلك
فهد/لا والله وانا وش اطلع
مها/موت بحرتك هههههههههه
في الممر فوق كانوا ابتسام وبندر واقفين
بندر/شلونك الحين
ابتسام/الحمدالله زينه
بندر/روعتيني عليك البارح
ابتسام/لا تخاف علي
بندر/شلون ما اخاف عليك وانتي عمري كله
ابتسام/نزلت منها الدمعه غصبا عنها
مسحها بندر با صبعه ومسك وجهها بيدينه
بندر/غلاي انا اتحمل اي شي الا اني اشوف دموعك الغاليه
ابتسام/باسة ايدينه وضمتهم لصدرها /الله لا يحرمني منك
بندر/ولا يحرمني منك
ابتسام/يلا روح الحين مي عدله تخلي العروس لحالها روح لاتخاف علي
بندر/باس ايدينها وراح
دخل الغرفه لقاها في الحمام(وانتوا بكرامه)
قعد يقلب في القنوات
طلعت لقته يتفرج وله حاس فيها راحت عن التسريحه عدلت مكيا جها وجت عنده
هند(بدلع)/بندر
بندر/نعم
هند/حبيبي ليه تكلمني وانت منزل رااسك انا زعلتك بشي
بندررفع راسه وانصدم بلبس النوم الي لابست ورد نزل راسه/الحين انتي وش تبين
هند/ابي اقعد معك
بندر/انا الحين تعبان وبروح انام
راح وخلاها قاعده بروحها
(هذا وش فيه حتى راسه منزله مصيرك راح تجي لحد عندي صبرك علي)
سلطان/روعه صار لازم اوديك الدكتور شوفي وجهك شلون صاير من التعب
روعه/حبيبي صدقني ما فيني شي كله من شغل البيت
سلطان/بعدين وشلك بشغل البيت ومخليه ذا الشغالات مرتاحين خلي لهم الشغل وشوله جايبينهم اجل
روعه/امرك بس لاتزعل
سلطان/انا مصمم اني اوديك المستشفى لوا يهمك رضاي
روعه/خلاص بس عشان تتأكد انه ما فيني شي
كانت قاعده على السرير تبكي سمعت صوت رساله على الجوال ما كان لها خلق تفتح بس لما شافت الاسم (غناتي)فتحته
ليتني ما شفت في عيونك دموع
منظر الدمعه بخدك هلاك
يا مضوي في دجى عمري شموع
الحزن ما انخلق لعيون الملاك
ضمة الجوال وصارت تبكي لحد ما غلبها النوم
اماني/ها رجوي شلون الاهل
رجاء/زينين وكلهم مشتاقينلج
اماني/للحين الوالده محاربتني وما تبي تحاجيني
رجاء/انتي تعرفين الوالده مصيرها بطخ وبتنسى السالفه
اماني/انا ودي افهم ليه موا مصدقه اني مبسوطه بحياتي معاه ولا يمكن اهده
رجاء/خلاص امون لاتبجين انشالله تنحل السالفه
اماني/يلا مع السلامه
رجاء/مع السلامه
دخلت الغرفه لقته قاعد على السرير
حس بنفسها بالغرفه وحس انها كانت تبكي
عبدالملك/اماني
اماني/هلا يا قلبي
عبدالملك/تعالي قعدي جنمبي بكلمك
جت قعدة جنمبه
عبدالملك/كلمتي اهلك
امني/ايه كنت اكلم اهلي
عبدالملك/والوالده للحين ما تبي تكلمك
امني/..ها
عبدالملك/انا عارف اني خالتي ماتبي تكلمك من يوم ما رجعتي لي ادري انه انا السبب في الي بينكم
اماني/ضمت يده بقوه لاتكمل يا عبدالملك ما في شي في ها الدنيا بيخليني ابتعد عنك حتى اهلي
عبد الملك/حضنها وهوا يحمد ربه انها ما تركته
في الصبح قام لقاها نايمه توضى وصلى ولبس وطلع وخلاها نزل تحت لقا الوالده والجده وسيف ولد رغد في الصاله وابتسام ورغد في المطبخ يجهزون الفطور
بندر/صباح الخير
الام والجده/صباح النور ياولدي
الام/الا وين زوجتك يا ولدي
بندر(من غير نفس)/نايمه فوق
الجد/وش ذا الحريم الي نايمين لها الوقت ولا يدرون عن رجلهم حمدالله والشكر
رغد/صباحوا يا عريس
بندر/صباحوا
بندر/الا انتي رجلك متى راح يجي ياخذك
رغد/لا يكون قاعده فوق ارسك وانا مدري
بندر/ههههههههههههههه وش فيك امزح صراحه ما ينمزح معكم يا جنس حواء
بندر/وين ابتسام
رغد/في المطبخ الحين بتجي
بندر/بروح لها عن اذنكم
رغد/حمدالله يا شيخ كله لازق في البنت اركد
بندر/الحين وشوله اللقافه من الصبح
الجده/ههههههه ما عليك منها يا ولدي روح رح لها
سلطان عند الباب
كانت تبخره
سلطان/يلا يا قلبي انا الحين بروح الشركه موعدنا العصر يلا باي
روعه/في حفض الله
دخل المطبخ لقاها تصلح الشاهي جالمها من ورى
بندر/صلاح الخير
ابتسام/صباح النور
بندر/كيفها غلاي اليوم
رغد/غلاك بخير
بندر/بسم الله انتي من وين طلعتي
رغد/يعني من وين ياروميوا زمانك من الباب اقول اهجد شوي يعني لازم كل يوم تسوي لي فيها العاشق الولهان ترا الحريم على فكره ما يحبون الرجال الخفيف
بندر/يضم ابتسام اكثر عشان يقهر رغد/كيفي بعدين بسوم تحبني كيف ما كنت
والمسكينه ابتسام منحرجه دايم يحرجها قدام خواته وجدته
قامت ما لقته غيرت ملابسها ونزلت تحت دخلت المطبخ شافت ابتسام ورغد يجهزون الغدا ما تكلمت معهم خذت كاسة عصير وطلعت غرفتها اتصلت عاى بندر
بندر/ش تبين داقه علي اخلصي وراي شغل
هند/لابس حبيبي بغيت اقولك اني راح اتغدى في بيت اهلي اليوم
بندر/خلاص بس خلي السواق يوديدك سلام
هند/سلام
بعد العصر في المستشفى
بعد ما سولها الفحوصات الدكتور طلب سلطان في مكتبه
سلطان/ها يا دكتور بشر
الدكتور كان بودي اطمنك بس للأسف
سلطان/تكلم يا دكتور زوجتي وش فيها
الدكتور/للأسف زوجتك عندها فششل كلوي في احدى الكلى والثانيه تعبانه ولازم لها نقل كلى
سلطان/حس انه كل عالمه بدى ينهار قدام عيونه بعد ما حس اخيرا بالسعاده
سلطان/انا يا دكتور مستعد اتبرع لها بس زوجتي تعيش يا دكتور
الدكتور/اهدى يا سيد سلطان حنا بنسي لك الفحوصات بس انا ودي اهلها يسون بعد عشان احتمال كبير احد من اهلها يطباق انسجتها
سلطان/انا بقولهم يا دكتور
وبعد ما سوله الفحوصات رجع لروعه الي كانت قاعده في الاتنظار
روعه/حبيبي وش فيك تأخرت
سلطان/(كان متلثم بالشماغ وحاط نظارته الشمسيه عشان ما تشوف شكله وهوا منها)/لا بس الدكتور كان يوصيني عليك
روعه/شفت حبيبي قلت لك كله تعب من شغل البيت وانت كبرت السالفه
وصلوا البيت وصعدوا غرفتهم على طول روعه كانت تعبانه فنامت على السرير جلس سلطان جنمبها وصار يطالعها مو قادر يتخيل حياته من غيرها شكثر يحبها ويموت عليها
روعه/حبيبي
سلطان/سمي يالغاليه
روعه/الدكتور وش قالك عن حالتي
سلطان/لاء ما قالي شي
روعه/عيونك تقول غير هالشي قول انا مؤمنه لاتخاف يا سلطان
ضمها وصار يبكي وهوا ساكت
بيت بندر
في المقلط كان قاعد بندر مع راكان
راكان/كيف المعرس
بندر/تمام والله اقول يا شيخ ليه ما تنقل شغلك لرياض والله بهدله مقطعين نفسكم بين هنا والدمام
راكان/والله بديت اصفي اشغالي هناك بس يبلي وقت على بال ما انهي كل تعاملاتي هناك
دخلت رغد وهي شايله سيف الي قام يصرخ لما شاف راكان
رغد/خذ سيف شكله مشتاق لابوه
راكان/خذ سيف تعال يا حبيب ابوك
راكان/اقول رغوده بس سيف الي مشتاق لابوه
رغد/استحت وماردة
بندر/ههههههههههههههههه والله وتستحين موا الصبح لسانك علي اش طوله صراحه هذي أول مره اشوف جانبك الانثوي ههههههههههههههههه
رغد/تستهبل يلا هذي جتك وبتفتك مني وبرجع الدمام خذ راحتك
بندر/هههههههههههههه والله زوجك سوا فيني خير يوم جا يا خذك
راكان/اقول لايكثر انا جيت عشان مشتاق لها ما عليك منه دام عندك انا لاتفكرين فيه
بندر/هههههههه اخص يا الرومانسي
راكان/هههههههه قليلا من ما عندكم
بيت الجيران
ام هند/قومي يا بيتي تأخرتي على رجلك
هند/يمه توه الناس
ام هند/وش توا الناس يلا قومي
هند/طيب امول روحي جيبي الابتوب حقي باخذه معي
امل/وش تبين فيه
هند/ماعليك انتي جيبيه
في اليوم الثاني الكل عرف بمرض روعه والبنات كلهم راحولها
اخوانها سلمان ونواف سوا الحوصات
فاطمه/ماتشوفين شر يا قلبي
روعه/الشر ما يجيك بعدين وش فيكم محسيسيني اني راح اموت الحين
العنود/سلامتك لاتجيبين طاري الموت
ابتسام/والله مسوين لها مناحه وماتبونها تجيب طاريه انشاله بتصير زينه
روعه/ايه كذا ارفعوا معنوياتي
مها/ايه خلونا نغير جوا الحزن ذا شوي
فاطمه/اضحكم
ابتسام/يالله عطينا جديدك
فاطمه /يقولكم في حرامي كان يسولف مع خويه الحرامي قاله تدري الدنيا ماعاد فيها امان
قاله خويه ليه قال البارح جيت اسرق الوالد لقيت بوكي بجيبه
الكل/ههههههه
روعه/هههههه الله يقطع ابسليك والله حرامي محترم ههههههه
ابتسام/ههههه لاويقول الدنيا ما فيها امان هههه
كان محمد يلعب قدامهم
ابتسام/يا حياتي حمود شوفوه شلون يلعب ولا همه شي
فاطمه/يا حياتي عليه
العنود/حمودي حبيي تعال ايوه تعاله اوبا
صار يمسك شعرها ويلعب فيه
مها/يا حياتي
العنود/طالع شيطان وانا كنت ناويه ازوجه بنتي الحين غيرت راي
فاطمه/حبيتي محمد حق مرام
روعه/ههههههههههه تخطبون له من غير ماتعرفون رايه
العنود/على فكره عشان اكون السباقه مبارك عليكم الشهر الفضيل
فاطمه/الحمدالله والشكر باقي عليه شهر
العنود/عادي متعوده كل شي عندي بدري
فاطمه/بهذي صدقتي تدرون بنات تعيد علينا بنص رمضان
الكل/هههههههههههه
في المستشفى الكل كان هناك مع سلطان بعد ماسوا كل الشباب الفحوصات
نواف/ها يا دكتور بشر
سلطان كان على اعصابه لدرجة انه ماقدر يسأل الدكتور عن شي
الدكتور/للأسف النتايج كلها ماكانت مطابقه مافي احد من الاهل يقدر يتبرع متأسف بس هذي الحقيقه
حس سلطان ان الدنيا قامت تدور فيه وطاح اغمى عليه وبعد فتره صحى لقا الشباب حوله
سلطان/وين انا فيه
بندر/انت طحت علينا وانت الحين في المستشفى
سلطان/سلمان الدكتور اش قال عن حالة روعه
سلمان/قال انه رايح يحطها تحت لستة المحتاجين لنقل الاعضاء
سلطان/يعني راحح ننتظر على بال ما يلقون لها ولاء
زياد/اهدا يا سلطان موزين الي تسويه بنفسك على الاقل عشانها
جا البيت وهوا متضايق ما كان له خلق يشوف هند فصعد فوق عند غرفة ابتسام
دخل شافها قاعده تطوي سجادة الصلاه جلس على الكرسي وفسخ شماغه وعقاله
ابتسام/ها بندر بشر عسى الاخبار زينه
بندر/لا والله ولا واحد فينا تطابق معها ومطرين ننتظر الين ما يلقون لها متبرع
ابتسام/ماهي بشاره الله يكون بعونها ما تستاهل
بندر/وسلطان موا احسن منها تخيلي انه لما عرف طاح علينا في المستشفى
ابتسام/الله يكون بعونهم حبيبي شافيتك تعبان
بندر/ايه حاس اني منهد حيلي
ابتسام/اجل يلا قوم تحمم بعدين انزل محضره لك خوش طبخه
بندر/خوش طبخه وشي لايكون اتسمم بعدين
ابتسام/ماسكه خصره لا ه تطنز
بندر/اكيد اطنز وش مسويه
ابتسام/ماراح اقولك
بندر/بتقولين لي الحين ولا راح اتصرف تصرف ما يعجبك
ابتسام/لا ما ني خايفه وراحت فتحت باب الغرفه عشان تطلع لحقها بس صارت تركض على الدرج بسرعه نزلت وراحت تتحامه بالجده
بندر(يلهث)/تعالي
ابتسام/لا ماني جايه
الجده/ههههههههه كنكم بزران وش تبي ملاحقها
بندر/ما في شي كل السالفه يا طويلة العمر ابي اعرف وش طابخه بس
الجده/هههههههههههههههه خليته يجي طردي وراك عشان ها السالفه اسمع ابتسام مسويت لك ورق العنب الي تحبه ارتحت
بندر/حلفي ورق عنب صارلي شهر اطر منكم تسونه اخيرا سويتوه
ابتسام/روح بدل على بال ما اجهز الصفره
بندر/طياره دام السالفه فيها ورق عنب
طبعا هند ولا هي حولهم كانت بغرفتها لاهيه بالمسنجر
كان سلطان يودي كل اسبوع روعه للمستشفى عشان غسيل الدم الي كان يتعبها زياده وهوا قلبه يتقطع عليها مع انه ام سلمان طلبت ان تجي بنتها تقعد معها عشان تراعيها بس سلطان رفض
جا الشهر الفضيل شهر الرحمه والتسامح
بيت بندر كان الكل هناك في أول يوم من الشهر الفضيل لانه من عادتهم يتجمعون هناك كل مره في أول يوم رمضان
\كانوا كل الحريم في المطبخ الا هند الي راحت تفطر في بيت اهلها
طبعا كانت روعه قاعده لانها تعبانه
تخيلوا جوا المطبخ وناسه الكل يحضك ويطبخ هذي تصلح القيمات وهذي السمبوسه وهذيك الشوربه وهذي تقطع السلطه والحريم الكباربعد معهم
عند الرجال كانوا قاعدين ومحمد يلعب حولهم هوا وسيف
ابوا سلمان/شوفوا العيال والله يا بوا سلطان كبرنا والعيال كبرونا وصار لنا احفاد
زياد/افا يا عمي لساتكم شباب يعني لازم تتزوجون مرة ثانيه عشان تصدقون
ابوا سلطان يمازح ولده/عندك وحده لي على يدك
زياد/الله يبه هذي اخرتها تبدي وحده على الوالده
ابوا سلمان/هههههه عادي الشرع حلل اربعه
نواف/شكلهم الكبار مسوينها يالربع وقاعدين يمهدون لنا السالفه قبل ما يصدمونا
سلمان/الظاهر
ابوا سلمان/ها يا ولدي ياراكان عسا نقلت كل شغلك هنا
راكان/ايه الحمدالله ياخالي نقلت كل شغلي وماعاد لي رده هناك ابد
عبدالملك/اقول بندرشخبار فواز الا متى عرسه
بندر/والله زين وعرسه مطول موب الحين على بال ما تخلص دراستها
زياد/ياهوا سلطانننننننننننننننن وين رحت
سلطان/هذاني معكم
فهد/هونها يا خوك وانشالله يلقون لها
ابوا سلمان/وكلها لربك يا ولدي هوا ارحم بعباده
سلطان/وانعم بالله يا عمي
(الجرعه الثانيه والعشرين)
بعد الفطور كانوا الحريم كلهم في الصاله مع البزران سيف ومحمد ومرام
الجده/ماشاء الله عليك يا ابتسام صدق انك حرمة بيت
فاطمه/ والله واحنا نطلع منها ترى حنا بعد انهدت حيلنا في المطبخ
الجده/هههههههههههههههههههههه لاتزعلين كلكم صراحه ماشاء الله عليكم عيني عليكم بارده
ام سلمان/شفيك ياروعه
روعه/ولا شي يمه شوية تعب لاتخافين
العنود/شلون ما نخاف شكلك تعبت بالحيل
فاطمه/قلتلك اقعدي ارتاحي بغرفتي الي قبل ما رضيتي اصريتي الا تقعدين معنا في المطبخ
ابتسام/عن اذنكم شوي وراجعه
راحت دقت على بندر
بندر/هلا ابتسام بغيتي شي
ابتسام/لاحبيبي بس بغيتك تقول لسلطان انه روعه تعبانه شوي فياليت ياخذها البيت ترتاح لانها رافضه ترتاح هنا
بندر/خلاص انا اقوله الحين يلا سلام
ابتسام/سلام
بندر/سلطان تعال بغيتك بكلمه
سلطان/وش
بندر/الاهل يقولون ان روعه رافضه تريح حالها وتعبانه شوي فيبونك توديها البيت ترتاح
سلطان/اوكي يلا باي
سلم على الكل وطلع دق على روعه
روعه/هلا سلطان
سلطان/حبيتي كيفك الحين
روعه/زينه
سلطان/يلا انا انتظرك برى
روعه/على وين
سلطان/بنرد البيت نسيت كلام الدكتور لازم ترتاحين
روعه/خلاص اسلم على البنات وبطلع
سلطان/يلا باي
روعه/باي
روعه/يلا بنات مطره اروح سلطان ينتظرني مع السلامه
الكل/يلا مع السلامه
في السياره
سلطان/كم مره قلت لك لاتعيبين نفسك بندر يقول انه الاهل قالوا انك منت راضيه تريحين حالك
روعه/حبيبي والله ماتعبت حالي بس قعدة معهم بالمطبخ وشوله اقعد بالصاله بالحالي
سلطان/ولوا شكلك ما ينفع معك الا الحبسه في البيت
روعه/واهون عليك اقعد بالحالي
سلطان/ليه انا ما اكفيك
روعه/هههه تكفيني وزياده
سلطان/هههههههههه الله لايحرمني منك
روعه/سلطان تحبني
سلطان/اكيد احبك وما اتخيل اعيش يوم من غير ما اشوفك
بيت الجيران
امل/ها هند بشري احوالك مع بندر
هند/احوالي هوا اساسا يعبرني طول الوقت لازق مع ابتساموا
جواهر/طب ما في شي بالطريق
هند/خبله انتي قاعده اقولك ما جا جنمبي من تزوجنا
امل/تتكلمين جد انتي من تزوجتوا للحين
هند/ايه
جواهر/يا الخبله انتي حسني تعاملك مع زوجته
هند/لا من جدك انا اساسا اكره شوفتها
جواهر/خليني اكمل
هند/يلا كملي
جواهر/انت حسني علاقتك معها ومع العجوز جدته على حسب ما قلتي لي انه ما يحب احد يزعلهم ويحبهم فأنت اقعدي معهم اخذي واعطي معهام حسيسيه انك تحبينهم الين ما تميلينه صوبك وتجيبن له الولد عقبها ابلي زوجته باي بلوه تطردها من البيت عاد انتي هند ام الافكار
ابتسام/ها عسى عجبكم الفطور
بندر/صراحه ابدعتوا تسلم ايدينكم خوش فطور
ابتسام/بالعافيه
ابتسام/حبيبي ممكن طلب
بندر/امري
ابتسام/خاطري اطلع معك بكرا ماله من قعدة البيت
بندر/بس كذا ما طلبتي شي انشالله بكرا بعد العشاء اطلع امشيك شي ثاني بعد
ابتسام/لا شكرا بتنام الحين
بندر/ايه بنام شوي قوموني على السحور
ابتسام/على عيني
بندر/تسلملي عينك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك