رواية ما يموت عزمك دامني جنبك -13
انا بدق على اروجنايف يبادر انا انا ادق لحظه بس ياليل يهالقلق ياخاله بزران هم ماعليهم شر
حصه بقلق وقفت -- افنان يمه ياله ياله جيبي عبايتي
نايف سمي ياخاله هذي عبير معتس--هلا يمه شلونتس وراحت طلعت برى الصاله
نايف وقف وقال ياله يمه قووموا نروح عندهم خاله مهيب مرتاحه الا ان تشوفوهم
حصه تطالع نايف شاكه -- نايف البنات فيهم شي
وبابتسامه الله يهداتس بعد انتي يمه
قوووموا ياله انا وناجي ننتظركم ياله اللي يبي معه ولا معي ياله
دخلت شيخه وكانها ماقتنعت تقول عبير تصلي العشاء
لا انا مارتحت صوتها مهوب زين وتقول عشانها ماقيلت المهم ياله ياله
انا بروح مانيب مرتاحه الى ان اشوفها
نايف انا دراي اشتغل قلقكم ياله ياله العشاء بيجيكم هناك اركبوا ياله ---
البنات بدو يتسحبون وحده وحده برى الصاله عشان يجيبون عباياتهم
نايف رن جواله -- ياله ياله انا برى
الووو هلا ومرحبا وطلع برى البيت
البنات وكلن لبس عبايته
نوره رايق يكلم ومروق واماته بهالحاله --
اول من طلع شيخه وتقود حصه بايديها --لالا انا مارتحت وين السياره وقفوا عند سياره نايف اللي تشتغل بس الابواب مقفله
شيخه ماتحملت تصبر-- اشرت لحصه -- انا ماعادني متحمله بروح مع سواقي اللي زاهب ماعاد فيني صبر
حصه قرررت تركب مع اختها عشان تهدي من قلقها
نايف واقف يكلم اللي كانت المكالمه مع عبير
تقول ها عسى ماشكت خاله --
نــــــــايف الوضع ان شاء الله تمام بسالتس سديم مدري وش اسمها طيبه ولا ؟
اي الحمدلله صلت ونامت -- طيب اسمعيني عبير اللحين انا بجيبيهم كلهم وانتييييييي
وماعاد تكملت جملته لعبير---- يوم سمع صوت البنات طالعين ومايدري ليه سكت
عبير الووو انا ايش؟
نايف سمع ريناد تقول للبنات تعالوا معي انا بركب مع نايف
قالت وحده اي اي عادي
قالت الثانيه لالا مابي انا بروح مع ناجي
نايف استوعب صوت عبير وهي تناديه-- هلا خلاص ايه انا بجيبهم لك وعندتس بينحل الوضع
وبحزم من سمع كلام الصوت االمبحوح --ياله باي وراح عند سيارته
افنان تقول لريناد-- انا بروح اجل مع ناجي فشله اقط وجهي لحالي
اوك براحتكم
راحت ريناد السياره وركبت نايف قال
محد براكب معنا -
- لا
نايف تذكر كلامها نزل من السياره
راح لجم سي حقت ال ناصر مع ناجي-- قال زحمه عليكم تعالوا معي
حصه لا وسع يابوي -- خل رنو تجي معنا وانت بسلامتك رح جب العشى
نوره توتـــــــرت بس شـــــافته متوجهه لسياارة ناجي
نايف من شباك الراكب حق ناجي -- لا العشى محمود راح يجيبه
نايف انتبه لحركات خالته القلقه
قال معكم مكان يعني لرنو
امه--اي اي
طيب اجل ناجي انزل وانا بوديهم--
لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
البارت الخامس عشر
نوره توتـــــــرت بس شـــــافته متوجهه لسياارة ناجي
نايف من شباك الراكب حق ناجي -- لا العشى محمود راح يجيبه
نايف انتبه لحركات خالته القلقه
قال معكم مكان --يعني لرنو
امه--اي اي
طيب اجل ناجي انزل وانا بوديهم--
بينما حرب المشاعر السامه لانها مختلطه عندها<<<<<
{نوره كانت تلمحه مع كل جمله يقولها لمحه وتطرد عيونها وعلى هالحال تفاجات يوم عرفت انه بيركب
لالا مااااااابي يوديناااا
يوترني هو ماابيه مااابيه}
ناجي يبتسم -- اوك ونزل
راح قال لريناد وطفى سيارته ولحق ريناد لسيارة ال ناصر
ركب وقال ---يمه تعالي قدام انتي وخاله
امه --لاوالله ياوليدي ركبنا خلاص
نايف برجوله كامله -- اجل كانه ضيق عليكم احد يجي مع ريناد قدام
جااه صووت طفولي بريء-- انا انا
ناظر بالمرايه--من ؟
لمحهااا بحضن وحده متغطيه --يامرحبا تعالي ساعدتها ريناد في انها تاخذها من نوره وتجيبها قدام
نايف ماقدر يلمح شي من اللي ورى كلهم الا برقع امه وخالته والباقين كلهم مستحين ومنزلين طراحهم
شيخه -- ليش ميوس والو ماجاااو كان جاواا وش يقعدهم ؟
حصه-- خليهم بيتي وبيتس واحد ماعليهم شر عندهم الخدامات
نايف حط رهوفه بحضنه وهو يسوق
نوره تراقب تصرفاته -- {ليش يحطها بحضنه وهو يسوق وش كذا ؟ يبي يخرب البنت علينا-- ماتعودنا وبابا يسوق تجي بحضنه مو زين خطر عليها}
رهوفه ببراءه -- تتحرك كثير ومو عاقله وكل شوي توقف
نايف وهو واقف عند الاشاره -- مسكها وجلس يبوس فيها وهي تضحك وضحكتها تجنن نايف يلاعبها ويضحكها عالصامت ولاطلع ولا صوت
وفجاه
عضهااا من اذنها عضه خفيفه
نوره انجنت من حركته ليييييييييش هذي بنت صغيره وش هالمزح؟وهي بعد تكمل تبي تعضه شهاللعب مايصير كذااا؟
رهووفه متعوده منه هالحركه -- وكالعاده قررت ---- تردها له
قرب منها وقال لها --- اذاعضتيني ماراح نروح البقاله
رهف شالت الفكره من بالها وهي تحك اذنها-- لااااا حلاث بث نلوح البقاله
ابتسم نايف ابتسامه خبث وانتصار كعادته دوم معها
نوره --ماتت قهرررررر ماله داعي معاملته مع الاطفال مو حلوه الله يعين عياله عليه
قاطع افكارها صوت امها حصه --ريناد يمه خذي رهف من نايف لاتشغله وهو يسوق
ريناد بابتسامه -- هو يبيها -- رهوووف تعالي تعااالي عندي حبيبتي
نوره بصوت خافت -- ريناد جيبيها عنديييييي
نايف سمع الصوووت
اشتعلت افكاره--
{وش فيه وش صار لك
ماسمعت اللي سمعته
وش هالبحه }
هدير محرك الجي ام سي حسوا فيه كل اللي بالسياره انه هدى عن سرعته اللي كانت عليه
لان نايف رفع رجله واستسلم للسياقه الاوتوماتيك يعني على 120 ثابت
وهو يتحكم بالدركسون
نايف شارد بافكاره وبداخله
{وش جاك يانايف؟
صوتها حرك شي غريب بداخلي
تدري اول مره اونس به--
عجبك الصوت
ودي اسمعه مره ثانيه خلوهااا تتكلم
وش هاللي احس فيه
كأنه
لالالاااااااااااا كلموها بتاكد ؟}
قطع عليه ريناد تحاول تسحب رهوفه اللي تمسكت بيد نايف -- مابي مابي
نااايف بصوت رجولي وبحزم --خلوووهااااااا ---عندي ابيها
نوره بس سمعت جملته الاخيره --ارتبكت ونزلت الطرحه اكثر على عيونها
افنااان تميل على اختها لمى اللي جنبها وقدامهم امهم
افنان بصوت خافت باذن لمى -- ياويليييييييه ياحظ رهووفه
لمى انحرجت وخاطرها{ ليته بندر اللي مودينا }-- اووص يمه يخوف احس انه عصبي
افنان عايشه مع افكــــــــارها وباذن لمى -- وش عرفتس هذي الرجووله يالبيييه
حنـــــــان مشغوله بهاتفها -- ترسل لامها
كتبت --مامي حبيبتي وحشتينيي ابي جهاز جوال لاتنسين رقمه n97خلاص مامي امووووووووووووووه سلمي على بابا--
جــــــاري ارســـــال الرســـــــالــــه
هـــدا الصـــــوت في السيـــــــــاره
وبقي صــــــوت سعود بن فيصل وسعـــــــود وفيصل بن خالد اللي باخر الجي ام سي معهم قيم بوي
وودهم بجهــــاز سعود بن فيصل اللي بدى انه مناسب لعمره فضــــلا عن اعمارهم
شــــــانغريلا بوظبـــــــــــي
طلعوا فوق لبس واستعد لشغله بينما ساره ساعدته
فيــــصل وهو يتعطر -- اذا محتاجه شي دقي علي
ســــاره --اوك
ســـــاره تدور جوالها يوم سمعت صوت المسج --
فيـــــصل شوفيه هناك -- وااشر على الاريكه
ســــــاره --اهااا من حنون ههههههههههههههههههههه
تدري وش تقول تبي جهاز جوال
فيـــــصل تبشر كم عندي من حنان انا
ســاره وهي تنسدح بخمول ملحوظ-- الله يخليك لنا يااربي
فيــــــصل عرف انه على وشك تنوم -- مر عليها وهي منسدحه قبلها --ويخليتس لنا ان شاء الله
ســــــاره وهي نعسانه-- اه يافيصل بشتاقلك لاتطول
فيــــصل -- اخلص واجي
ســـــــاره تتكي على ايدها اليسار-- تعال تعال
قرب وهو يضحك -- هو ماصدق انها نادته جلس بجنبها --- لبى روحتس
ســـــاره تعدل جلستها وتقرا-- اعوذ بكلمات الله التامات من شر ماخلق
فيــــصل يبتسم ويحاول يقاطعها وهي تقرا يقرب من شفتها وهي تبعد وتاشر له بعيونها انها تبي تكمل
فيــــصل عرف انها مصره --قرر يستسلم لمتابعة
شفتــــــاها
اسنـــــانها
عيــــوونها
وحركـــاتها
وهذي هي خلصت
ســــاره -- خلاص ياله ماتشوف شر
فيـــصل وهو مركز بعيونها--لا باقي انفخي علي
ســــــاره تضحك -- طيب
جــــات بتنفخ قالها --فيك روج ؟
ســاره تتذكر لانه شككها -- لا مافيني
فيـــــصل اجل قربي طيب لاني تاخرت --ساره فهمته وبشووق قربت منه
الريــــــــاض عند بيت ال ناصر
وهذي السياره توقف عند بيت ال ناصر
نـــزلوا كلهم الا نايف اللي يراقبهم وهم ينزلون وشيخه مرتبكه واول من نزل فيهم
توتر نــــــــايف مايدري وش بيصير جوى
دق على aber
الــــووو
الـــــــوو هذاهم دخلوا اي اسمع اصواتهم انا طالعه لهم ها دروا ايه قلت تعبانه شوي بس جاوك
اوك اوك
نــــــايف لاتروح اخاف يسوون مناحه ولا ماقدر
طيب
طيب
باي
الباب يطق
فتحت عبير مرتبكه هلا خاله
نايمه نايمه
تعالي برى
ياويلــــــــــــي على بنيتــــــــتي وتبكــــــي شكها طلع بمحله
تعبــــــــانه
خــــــــاله تكفين تعــــــــالي
سحبتها وسكرت الباب
شيخه راحت معها للصاله وتصيح وحصه معها عرفوا ان اريج تعبـــــــانه من ملامح عبير وعيونها المتنفخه واثبت ان فيه شي انها رجعت تبكــــــي معهم
كلهم بعباياتهم
افنان تركض تجيب لامها مويه والشغاله جابت جيك وراها وعطت امها حصه بعد
عبيــــــــر تبكي مدري وش فيها
شيخه طايحه هي وش جااها تكفيـــــــن ياعبير وش فيها
رجعت تقوم لهااا وحصه حلفت انها ماتدخل والبنات بكوا يوم شافوا امهاتهم يبكون
عبير ماعاد قدرت تمسك نفسهااا وتشــــــــاهق--- وريناد تضمهــــــــااا -- يقول الدكتور لازم عمليه
شيخه تبكي من قلب وافنان ماعاد عرفت لها هي ونوره وكلهم قلوبهم ماعادت تتحمل كلهم حاسين بمعاناة اريج
اللي ماعمرها حسستهم بتعبها وضعفها على كثر ماجاها
جوال عبير يدق ولا احد يرد وهذي المره 3 اللي يرن فيها
بابا الفله ينفتح يــــــــاااولد --
البنات تغطوا بطراحهم
وافنان قررت تدخل على اريج تطمن عليها بدون ماتدري امها ولاعبير
هاااهااا عسى ماشر
يمه يمه جا وجلس عندها
خير البنت مافيها الا العافيه اشوفكم تفاولون عليها
شيخه تبكي تكفـــــــــى يانايف لو فيها شي مانامت ذا الحزه وماذا بوجه اختك
نايف يشرب امه كاس المويه وبعصبيه ماصارت لو انداري كان خليتكم هناك
وانا اللي جايبكم عشان تتطمنون ان مافيها الا العافيه
انا بدخل اشوفها ريناد راحت مع خالتها شيخه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك