بارت جديد

رواية شرع ربي ولا اعتراض -18

رواية شرع ربي ولا اعتراض - غرام

رواية شرع ربي ولا اعتراض -18

جواهر بذهول/وش ذا يانجود؟؟؟
نجود ماقوت ترفع راسه واكتفت بانها تنهدت...
جواهر/انا اول مرة اشوفك كذا!!! منتي ملاحظة انك شوي تطلعين من التلفون وتحضنينه!!!
نجود بضعف/مدري وش صاير فيني ياجواهر كل ماسمعت صوته حسيت بقلبي يدق بسرعة ومااركز بالشي اللي اقوله!!!
جواهر/اللي يسمعك تكلمينه يقول كانك تعرفينه من سنين!!!
نجود/جواهر انا ماابي اعترف بها الشي بس انا مضطرة انا فعلا احس اني منجذبة له وان في شي يدفعني بقوة لفهد!!!
جواهر/لايانجود لا؟؟؟هاذي اكبر غلطة بترتكبينها بحياتك!!!قاومي نفسك وحطي في بالك انه متزوج وعنده عيال!!!وانكم حتى لو حبيتوا بعض ارتباطكم بيكون مستحيل؟؟؟
نجود/..........................
جواهر/طيب هو كيف كلمك يانجود؟
هو بعد كان محتار من نفسه كان قاعد بمكتبه بالظلام وماغير ريحة السجاير اللي فاضة المكان....كيف تجراْ وكلمها وهو اللي طول عمره ثقل وهيبة حتى مع اقرب الناس له!!!!
شي غريب قاعد يجذبه لها..لنجود بدون مايحس...قوتها,,,هيبتها,,والاكبر ثقتها بنفسها,,,,أي ها الثقة اللي ناوي يحطمها فيها!!!لازم يحطمها فيها!!منهي هي علشان تجي وتحاكيه كذا بدون حواجز وتناديه فهد!!!فهد حاف بدون بو فيصل!!!لاوتقوله لاتكبر نفسك بعدك صغير!!!
راح خياله لبعيد للبنت اللي بالمزرعة وتكلمه باحتقار وهي مفكرته بواب المزرعة!!!وثارت شياطينه ...
وفتح جهازه وراح لاخر الاجهزة اللي ارسل لها..وهو يقرا اسمها ويردده بينه وبين نفسه(يانيوتن انا سر الجاذبية)وصورتها وهي تغني اغنية الدراهم ملاحقته ولاهي راحمته ....وبنفس الوقت كان صوتها الدلوع بعد يلاحقه وهي تترجاه يعطيها المزرعة وشكل دموعها اللي بالمطعم هدت شوي من ثورته وحرارته...وخفف عنه....
صحى صوت ضميره وهو يانبه ...انت السبب يافهد انت!!!انت اللي عطيتها مجال وخليتها تدخل افكارك!!!
كان واقف بحديقة البيت ورغم برودة الجو الا انه كان طبيعي جدا بوقفته ونظراته رايحة لبعيد....رايحة لعند ذيك البنت اللي خطفت قلبه بكلمتين تهزيء!!!
فوزية من وراه/وش اللي مسهرك ياخوي!!!
لف لها مصعب بهدوء من وراها/بس كذا...مافي شي محرز,,,
فوزية/ وش تفكر فيه...مو من عوايدك تسهر لها الحزة,,,,,
مصعب تنهد/لا ولاشي.....افكر فيكم,,في امي,,في خواتي انتي والجازي,,,,,,,,,,,
فوزية/وش فينا احنا!!!
مصعب/ولاشي....اليوم رحت جرير مع خالي فهد علشان لاب توبه ولاقينا منال هناك مع صاحبته الجديدة؟
فوزية/صاحبتها الجديدة ؟؟؟أي صاحبة؟؟؟
مصعب/مدري اللي ساكنة هناك وصلنا منال لها مرة بالفصول الاربعة.
فوزية/اها تقصد...نجود...
مصعب في باله يعني اسمها نجود...
مصعب/ماهي من الرياض؟؟؟
فوزية/لا من الشرقية من عيال السبيعي....بنت ذوق بالمرة شفتها مرة وحدة بس اعجبتني حييل....بكرة عازمتني على الغذى عندها ويمكن مااقدر اروح امر عليهم الليل....
مصعب/ليش؟
فوزية/مدري يمكن مايمديني الضهر استاذن من الدوام واطلع معهم بخلي طلعتي مرة وحدة...
مصعب في باله يعني اسمها نجود السبيعي من الشرقية عاشوا بنات الشرقية والله خوش بنات!!!!
اليوم الثاني بالمدرسة,,,,,
بغرفة المراقبة مها...
مها/اللحين انتي وش تبين ياملاك؟
ملاك/ابي ابلة نجود؟
مها بقهر/وش تبين فيها عاد..انا متعمدة انقلها للفصل الثاني ...
ملاك بعصبية/وانتي باي حق تنقلينها عاد!!!منو امرك؟؟؟انا عاجبني وضعي ووضعها انتي منو دخلك بالموضوع؟؟؟
سكتت مها وهي مقهورة,,,,,
ملاك/ترجعين تنقليها لفصلنا ولا بقلب المدرسة فوق تحت على راسك!!!!
مها/ملاك مايصير ياحبيبتي انا توني ناقلتها امس ومغيرة الجدول كيف اليوم اغير مايصير!!!
ملاك حطت رجل على رجل/دبري حالك مايدخلني.....انا ابوي اليوم بيكلم المدرسة يسال عني وماابي اقوله اني متضايقة ومو عاجبني الوضع!!!
مها بتردد/طيب وش رايك انقلك انتي للفصل اللي نقلتها له؟
ملاك بتحدي/لا هنا احلى بها الفصل...في ناس ابي تكون بينا اكشنات انا وهم!!!
مها بقهر/خلاص لك اللي تبينه ياملاك بروح اعطيها خبر انها ترد لفصلكم ولايصير خاطرك الا طيب ولاتزعلين علينا ياملاك!!!
ابتسمت ملاك ابتسامة نصر وقامت من مكانها رايحة لفصلها بعد ماحققت اللي في بالها...
لاتقولون عاد انه قصير وخلص بسرعة,,,,\
وش بيصير في البارت الجاي...
وهل بيعطي فهد المزرعة لنجود وجواهر ولالا؟
مصعب وهل بيلتقي بجواهر اللي فكرها نجود وهل بيتكلمون مع بعض ولالا؟؟
بندر وقراره النهائي وش بيكون وهل بيحطه بمشاكل جديدة ولالا؟
علي والهم الجديد وش بيكون بعد؟؟؟
مشكورين ياعسل على تواصلكم الرائع والحلو والذوق اللي مثلكم...
البارت الخامس عشر..
هاجر كانت تتمشى مع نجود بممرات المدرسة الواسعة ....
هاجر/وماناوية تدخلين عليهم؟
نجود بلا مبالاة/شوفي هي مية بالمية نقلتنتي الفصل الثاني علشان ملاك وبس!!!! وانا علشان اكسر كلمتها اليوم الفصل الجديد مو داخلة عليهم واذا تبين الصراحة باخذ اليوم اجازة ومني داخلة ولا حصة وبنشوف اخرتها يامها شبتكون!!!!
هاجر /والله انك قوية يانجود وماتهابين شي!!!
نجود بقهر وبقوة/قلعتها ان شاءالله!!!مفكرة وحدة مثل هاذي بتهمني ولا بتاْثر فيني!!!مصيرها هي بنفسها بتجي تكلمني وانا بنت السبيعي؟
هاجر/شخبار جواهر...
نجود/بعد عمري والله جاي على بالي اطلع اليوم بدري واعزمها على الغذى بره....راحت عليك الطلعة امس انبسطنا كثير مع منال وكان معها حمود وفيصل ...وشردت شوي من طرت فيصل وهي تتذكر شكله وكيف انه مافي أي تشابه بينه وبين ابوه....
هاجر/الليلة ان شاءالله.....
نجود/اممم فوزية بعد قالت لمنال ماراح تقدر تطلع معنا الضهر فاقترحنا ان احنا ناجلها لليل بس عاد ها اذا بتنكبون ترى بتروح عليكم العزيمة ومافي غيرها....
هاجر/لالالالا كل شي ولاتروح العزيمة ونخسرها نهائيا....
(هاجر اليامي....بنت هادئة ومتوسطة الحال وبسيطة في تعاملها ورغم انها مو من النوع اللي يعجب نجود كثير بس مشت معها لان هاجر طيبة وسلسة بالتعامل وكانت تمشي كلمتها عليها ..بس رغم هذا كانوا متفاهمين والجو بينهم صافي...
بالنسبة لحياتها الاجتماعية كانت مخطوبة لولد عمها وزواجها بيكون بالاجازة الجاية )
سالم يكلم فهد بالتلفون/والى متى ان شاءالله بيظل البال مشغول كذا!!!!
فهد تنهد بقوة../والله مدري ياخوك تعبان حدي ومو قادر اوصل لقرار....
سالم/ويعني!!!!
فهد/مدري...حاس اني متشتت ياسالم...ساعات ودي اكسر راسها من ها الثقة اللي عاطيتها نفسها...وساعات احس اني ابي بس اسمع صوتها وماافارقه!!!!!
سالم/وش اتفقتوا عليه على اليوم؟
فهد/قلت لها اذا بتمر مع صاحبتها تشوفها اهلا وسهلا لكن يقعدون فيها اليوم كله لا اسف مو مجبر اني اعطيها اياها لاني بالاساس مااعطيها احد....
سالم/وبتروح معها؟
فهد/وين؟
سالم بخبث/المزرعة!!!
فهد بتردد/وليش اروح معها بعد!!!
سالم/فهد وش فيك ياخوي هاذي فرصة وجاتك على ذهب انك تكون معها بمكان واحد يجمعكم سوا وتكون تحت سيطرتك!!!!
فهد بتشكيك/وش تقصد ياسالم!!!
سالم/مايبيلها فهامة وانت عارف شقصد يافهد!!!فرصة وجايتك ويمكن ماتتكرر استغلها ولاتروحها من يدك؟
ناصر كان جاي البيت ياخذ اوراق العمل اللي نسيهم وهو طالع الا وعلي داخل....
ناصر/علي؟
علي/نعم...
ناصر/خير ان شاءالله وشفيك ياخوك تعبان!!!
علي/لامو تعبان!!
ناصر/عسى ماشر اشوفك راد البيت مايتراواللي انتهى دوامك...عندكم شي بالشركة ومطلعينكم بدري؟
علي/لا ماعندنا شي انا ملان....وطلعت من الدوام يعني بكيفي وبمزاجي!!!
ناصر/أي بس هذا عمل وانا اخوك والواحد يالله يثبت نفسه بشغله ويبين جدارته و...
علي بعصبية/وبتعطيني محاضرة بعد!!!
ناصر سكت مرة وحدة وهو يناظر بعلي وتفشل من ردة فعله وقال بارتباك/لا مو قصدي كذا ياخوك!!!انا بس كنت ابي اعطيك وجهة نظري بالسالفة و...
علي بملل/ماحد طلب منك تعطينا وجهة نظرك يااخي!!!
ناصر بعصبية/انت وش فيك ماتتقبل أي كلمة من احد!!!
علي بعصبية/انت ماتلاحظ انك تتدخل في حياتي!!
ناصر بعصبية/وانا وش قايل لك عاد!!!!بكيفك عمرك ولا استقريت بوظيفة انت اللي بتضيع عمرك وبتضيع معك ها المسكينة؟
علي/اها...يعني انت من السالفة كلها تبي توصل لها المسكينة!!!!!!
ناصر/علي شفيك؟؟؟؟انا شقلت اللحين علشان تفسر كلامي كذا!!!
علي بقهر/تبيها؟؟؟؟اطلقها علشان تاخذها يالحنون مو انت مسوي روحك الكل بالكل واللي تنقذ كل شي في ها البيت!!!!
ظل مصدوم من كلام علي اللي طاح عليه مثل الجبل!!!!معقولة علي يفكر بالطريقة هاذي!!!معقولة مفكر اني ابي مرته!!!!وش جاك ياعلي عاد وخلاك تكره كل اللي حوالينك وتفكر كذا بس!!!!
غمض عيونه بقوة وهو يغالب دموع قربت تنزل منه ومن موقف علي معه اللي ججرحه وجرحه بقوة بعد!!!!
جواهر كانت قاعدة بغرفة نجود وتفكيرها مو معها ودموعها تجري على خدها اربع اربع بهدوء
وش سويتي فيني يادنيا ...
من بعد حبه وهيامه وشوقه صار مايتصل ولايسال ولايدري عن هوى داري بعد!!!!
ليش يابعد قلبي يابندر ليه!!!
صدقني ماسكن بقلبي غيرك ولاراح يسكن بعد...انت الوحيد اللي حبيته وبظل احبه طول ماانا عايشة على وجه ها الدنيا...ياليتك بس تحس فيني وتقولي ليش انت قاطعني وهاجرني...مدري وش اللي انا سويته وخلاك تكرهني كذا!!!وتقطعني مرة وحدة؟؟
بندر حبيبي طمني عليك...صدقني ماابي شي من ها الدنيا بس ابي اتطمن عليك يابعد طوايف جواهر...
مسحت دموعها وقامت غسلت وجهه وهي تحاول تشيل صورة بندر من بالها وتقوم ترتب غرفة نجود وتجهز لهم ثياب علشان طلعتهم بعدين....

بندر بعد كان قاعد بسيارته وقت البريك وهو ملان ومتضايق جيته جدة غيرت له حياته وها الدلع مشيبة راسه ..من وين ماراح طلعت له!!لاحقته بكل مكان ووين مايروح....فتح الراديوا علشان تروح صورة دلع من باله وكانت في اغنية ولعت قلبه وذكرته بحبيبة القلب ...
لامست كلامات الاغنية اوتار قلب وتنهد من قلب وهو يذكر ها الحب الجميل اللي علمه العشق والهوى,,,و
(مالومه مالومه لوغابت علومه,,,
وان ماسال عني من حقه مالومه,,
انا اللي زعلته...واصلني واهملته,,
والا حبيب القلب طيوب من يومه,,,)
ذكرته الكلمات بجواهر وفيه ..
كانت سالفتهم ومكتوبة بقصيدة...تعشعشت صورة جواهر في باله وحن انه يسمع صوتها اللي له كم يوم يقاومه ..بس كثر الحنين ها المرة كان اكبر منه رفع سماعة الجوال ودق لها....
في فصل اولى ثانوي..
دخلت ملاك الفصل وقالت للبنات بصوت واثق/يالله البشارة ابلة نجود ورجعتها لكم!!!
نور بفرح/جد!!تسلمين ياملوكة عسانا ماننحرم منك!!!!
ملاك ناظرت بالجازي اللي كانت تتهامس مع مروةوقالت لها/ها اشوفك ماقلتي شي يالجازي !!!يعني ماشكلك فرحتي!!!
الجازي بعزة نفس/وش تبيني اسوي بالله!!!اتحزم وارقص!!!
ملاك،/ياسلاااام!!!
الجازي/من الاساس مافي أي سبب لتغير الفصلين بعد ليش كل وجع الراس وضياع حصتين امس علينا وعليهم مدامهم بيردون كل شي !!!
ملاك اكتفت بانها تناظرها ورجعت مكانها وهي تتهامس مع شلتها عليها....
عبير كانت واقفة بالمطبخ وتقطع بالسلطة وحوستها حوسة بتبهير السمك والرز على الفرن ودخل علي بقمة عصبيته,,
عبير رفعت راسها ولقته واقف مثل البركان وتوها بتفتح فمها وتتكلم الا وهو فاتح اذاعته على الاخر بقمة عصبيته/ وش ها الفوضى بالله!!!وين قاعدين احنا؟؟
عبير بخوف من شكله وهو معصب/انا قاعدة اطبخ الاكل....
علي/وماتعرفين تطبخين بشوية ترتيب!!!!شوفي المكان صاير زبالة!!!وين الواحد يظل قاعد بالبيت ماتقدرين الا تسدين نفسه وتخلينه يطلع!!!!
قالها وطلع بسرعة وهي على وجهها الف علامة تعجب وتعجب!!!!
شقاعد يقول هذا!!وليش دايم كذا بركان اذا جا يكلمها؟؟؟؟
اللي هي متاكدة منه ان كل البيت نظيف ومرتب وكل الغرف مسكرة والمطبخ ماهو بذيك الكركبة والفوضى اللي هو يتكلم عنها!!!!
يعني الحوسة طبيعية ومافيها شي,,,وبعدين هو ماكلمها وقال لها انه جاي اصلا علشان .............اوووف ياربي...لمتى بتعيشين ها العيشة ياعبير لمتى!!!
استغفلا الله العظيم....تركت السلطة اللي بيدها وطفت الرز اللي كان يشتغل وقعدت بالكرسي اللي بالمطبخ وهي في قلبها الف غصة وغصة زمو قادرة تحرك ساكن؟؟؟؟
اول ماشافت اتصال بندر دق قلبها بقوة....بندر متصل عليها!!!ماصدقت حالها وطارت من الفرحة بس شي بداخلها قال لها لاتردي....
تذكرت كلام نجود لها اذا كلمك بعد ها الغيبة ثقلي حالك عليه ولاتردين خله يعرف كيف يعتذر لك ويبرر تصرفه ويبين اسباب هجرانه وبعدها قرري اذا كنتي بتسامحينه ولالا ؟وحتى اذا كنتي بتسامحينه خله يحس اول انه غلط بحقك ياجواهر....
تنهدت من قلب وارسلت له مسج.....
*********

وصل المسج لبندر وتنهد من قلب يوم قراه...
(...توك تجي تسال عني وعن احوالي...
وانا عليك اسال يامشغل بالي...
عا الموعد اجي ملهوف...
لحظاتي تمر سيوف...
حبيبي لاحشى مو انت..
تتركني اسير الخوف...
اخاف الظن فيك يخيب..
وتعذيبي يزيد تعذيب...
حبيبي يابعد روحي..
دواي وبلسم جروحي..
وبالذكرى مع الايام..
واسئل في لياليها...
تلقى الضيم والالام,,\
عذابي واضح فيها..)
ارسلتها له وقفلت جوالها بعدها وهذا اللي حرق قلب بندر وكان بيبكيه..
كان عارف انها زعلانة ومتضايقة منه وعتبانة عليه بس ...يمكن توقع لوانه كلمها بيقدر ياثر عليها!!!
اه منك ياوجع القلب؟؟؟؟؟
شمة/ابلة نجود؟
لفت لها نجود/نعم....
شمة/انتي علينا اللحين مابتدخلين علينا!!!
نجود/موجاية لكم,,بتجيكم الابلة الجديدة؟
شمة/أي بس ابلة مها قالت لي اعطيك خبر ترجعين لفصلنا..
نجود باحتقار/روحي قولي للي دزتك لي ...تقولك ابلة نجود ماهي داخلة علينا عطيها اول اسباب لتصرفك السخيف وكان المدرسة مافيها قوانين وانظمة بعها بتفكر تدخل علينا بمزاجها طيب يابابا!!!
شمة سكتت ومشت عنها...
هاجر/نجود اكسري الشر وروحي لهم...
نجود/هاذي مها ماخذة بروحها مقلب ولازم اعلمها منو اللي بقد انه يحط راسه براسي!!!!
هاجر/.................
نجود/عموما انا طالعة بعد شوي...
هاجر/ليش عاد باقي حصتين وينتهي الدوام خلك لين نهاية الدوام!!!
نجود بلا مبالاة/فرصة ان جواهر هنا وبيني وبينك جت سالفة مها على الكيف!!
لفت الا فصلها ثلاث اربعاه واقف ينتظرها..
ملاك اول من تكلمت/ابلة صحيح مابتدخلين علينا!!!
نجود/أي احد عنده مانع!!!!
مروة بهدوء/طيب ليش!!!
نجود بثقة/والله عاد هاذي انا مدري عنها هذا شغل الاداريات مو شغلي انا!!!!
مشت عنهم وبعدها لفت لملاك واشرت عليها تجي عندها وملاك بغتها من الله راحت طيران...
نجود/وش فيك امس انتي!!!
ملاك بلا مبالاة/مافيني شي؟
نجود/,,,,,,,,بكيفك...
ملاك/ماراح تدخلين علينا!!!!
نجود بقوة/لا؟؟؟
ملاك/طيب وش اللي بيرضيك واحنا بنسويه؟
نجود مشت عنها واخذت اغراضها وطلعت من المدرسة وكانت جواهر بالسيارة حسب الاتفاق...
ناصر كانت الدنيا ضايقة فيه من علي ومن فهمه للموضوع بها الطريقة,,
تنهد من قلب ورفع جواله ودق على اللي يشكي لها دايم وماتوقف معه!!!!
ناصر بحزن/هلا نجودة...
نجود/هلا وغلا...


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -