رواية شرع ربي ولا اعتراض -19
نجود/بخير...
ناصر/وش مسوية مع جواهرك؟
نجود/عايشين الحمد الله...وش فيه صوتك متغير؟
ناصر/اه يانجود...
نجود/عسى ماشر ياناصر؟
ناصر/اخوك علي صار بيني وبينه موقف وفهمني غلط كالعادة؟
نجود/وش اللي صار؟
ناصر/والله ماني طايق اتذكر وش اللي صار بيني وبينه!!
نجود /اكيد انت ماتفاهمت معه وكبرت السالفة ياناصر!!!
ناصر /ابدا يانجود صدقيني...هو كان معصب وفهمني غلط؟
نجود/وش اللي صار....انا اعرف علي ماينرفز الا اذا احد غلط عليه ولامتفاهم معه ...كم مرة بقولك ياناصر علي حساس ولازم تتكلم معه باسلوب ثاني غير عن الا سلوب اللي تتكلم مع الناس الباقين...
ناصر/سمعي السالفة واحكمي انتي بنفسك
سارة/مزنة وين ملاك؟
مزنة/والله مدري بس اتوقع انها راحت الفصل اللحين علينا نجود اللي ماتتسمى وتعرفين ملاك رايحة فيها من جت لنا ها النجود وماتتاخر على الحصة لاتوريها الويل؟؟
سارة/تخسي ها النجود تلمس شعرة من ملاك القمر...
مزنة/والله هذا اللي صاير..
سارة/طيب ليش مقفلة جوالاتها امس ..كنت ابي اتطمن عليها..
مزنة/ابلغها اللحين اذا رحت الفصل...يالله بخاطرك..
سارة/سلمي عليها وقولي لها قلبي يدعي لها تنتصر على ها الافة نجودوا الزفتة؟؟؟؟
في السيارة...
جواهر/وش ها المذلة بالله!!ماابي اروح؟
نجود/بلى بنروح...
جواهر/نجود وش صاير لك انتي يابنت!!!انتي بالعادة مو كذا بس ها الفهد مغير لك شخصيتك؟؟
نجود كان في شي منرفزها من اسلوب فهد يوم قال لها عن المزرعة وانه بيكون معهم بس توريها صاحبتها وتطلع بس عنادها وشي بداخلها يبي يشوف فهد خلاها توافق رغم انها ناوية على الشر بالنهاية...
جواهر بزعل/نجود انا ماابي اشوفها بس شقول عاد!!!والله انها مذلة..وصارت تقلد صوت فهد..تعالوا شوفوها وانا بنتظركم وانا اسف لاني مقر اعططيكم اياها اليوم كله!!!عاد انا بموت اذا مادخلتها ؟؟ومن اللحين اقولك اني مابرتاح ومابتعجبني؟؟
نجود كانت سرحانة مع سيارة فهد اللي قدام سيارتهم تمشي وهي ساكتة ..صحيح ماكان عاجبها موقف فهد بس تبي تشوفها..شي داخلها مصر على انها تشوفه....
وصلوا للمزرعة ودخلوا داخل......................
في غرفة هنوف....
نورة/تعبانة بموت مو قادرة...
هنوف/عسى ماشر ان شاءالله؟
نورة/بكرة امتحان كيمياء ومالي خلق بالمرة؟
هنوف/تصدقين رغم اني تغذيت مرتين الا اني جوعانة موت؟
نورة/ههههه كنك نصور مايشبع لو ياكل عشر مرات!!!بس حرام اليوم مااكل شي كان متضايق بس مدري من شنو؟
دق قلب هنوف بقوة متضايق!!وش فيه بعد طوايفي....
هنوف بخوف ماقدرت تخفيه/وش فيه!!!
نورة بلامبالاة/مدري مو متعود يقولي اسراره والاشياء اللي متضايق منها!!!
وحطت راسها فوق المخدة .../أي صحيح ماقلت لك هنوفوا الليلة بيت خالي وبيت خالتي بيجونا؟
هنوف/لا..ليش؟
نورة/مدري..بس هم متعودين كل فترة يمرون يسلمون على امي .....
هنوف/امممم وخطر في بالها خاطر ....
في المزرعة,
كانوا جواهر ونجود يتمشون وجواهر بقمة قهرها وعصبيتها....
نجود/خلاص عاد ياجواهر ,,,مشيها ياقلبي...
جواهر بقهر/اصلا احنا ماعندنا سالفة بجيتنا من الاساس!!!هو مايبينا نجي بس انتي الله يهداك!!!
وصلوا لعند الغرفة الزجاجية اللي فيها الطيور والاسماك وابتسمت جواهر لانها كانت تحب ها السوالف...
ودق جوال نجود وكان فهد هو المتصل......
نجود ردت بسرع وبلهفة ماقدرت تخفيها/هلا..
فهد/وش حابين تتغذون؟؟
نجود/لاماله داعي اصلا احنا طالعين اللحين؟
فهد/ليش عاد!!
نجود بدلع/مو صاحب الكزرعة بخلان فيها ومو راضي يعطينا اياها!!!ومانبي نذل نفسنا اكثر؟؟انا لو ماجواهر مصرة تشوفها وقالت هاذي رضوتها لعلمك ماوطيت مزرعتك مرة ثانية!!!
لفت جواهر لنجود وهي مستغربة من كلامها ولقتها تبتسم وتسوي حركات بعينها....
فهد/...............
نجود/,..............
فهد/طيب اقعدوا خلاص انا ماشي...
نجود بعزة نفس وقوة/لاحبيبي ماحنا قاعدين حنا عندنا كرامة!!!
فهد باحتقار/وينها ها الكرامة من البداية!!!
نجود بعصبية/تدري فعلا اني كنت غلطانة واني ماكنت ابي اجي بس صدق الشره اولا واخيرا علي انا!!!!
قفلت بوجه الخط وقالت لجواهر بعصبية/يالله مشينا!!!
جواهر تنهدت ومشت معها/قايلة لك من الباية جيتنا كلها غلط بغلط!!!
مشت نجود وهي بقمة قهرها وكانت ساكتة لين وصلوا لبوابة المزرعة واللي كان فهد واقف جنب سيارته ..
ركبت جواهرسيارتهم..وفهد نادى نجود...
فهد/نجود..
لفت له وهي بقمة عصبيتها وفتحت لثامها/نعم!!في شي؟
فهد ظل يناظرها وهو ساكت...
نجود بقوة/في شي ياحضرة المحامي الذوق!!!
فهد تقرب منها وقال بهدوء وهو عيونه فيها مذوبتها/لاتقولين زعلتي!!!
نجود لفت عنه/تبي تراضيني!!لاتخاف رضوتك ماهي مقبولة ولاتتعب نفسك!!!
ظل يناظرها وهو محتار يضمها بقوة ولايكسر راسها!!!!!!
فهد/اوقفي خلنا نتكلم!!!
نجود مشت عنه/ماني فاضية لك!!!اصلا النفس عليك ماهي راضية!!!عموما الله يهنيك بها المزرعة!!!!!
قالتها وركبت السيارة ومشى السايق وسط حيرة فهد وهو يناظر طيفها اللي اختفى ..............
في السيارة..
جواهر بعصبية/فتحت الوجه ماكان لها داعي يانجود!!!!
نجود/..............
جواهر بنفس العصبية/نجود وش بلاك ليه تتصرفن كذا!!!!
نجود بعصبية/ولاشي!!!!!
قفلت جوالها وهي ودها تذبح فهد على ها الغرور اللي هو فيه والبرود؟؟؟؟
العصر في بيت السبيعي...
هنوف/يااهل البيت....
ناصر/دخلي هنوف امي بالمطبخ...
هنوف/هلا وغلا....وش عندها امك لها الحزة بالمطبخ!!!
ناصر/جايينها بيت اخوها وبيت اختها وقاعدة تتفنن بالحلويات والطبخات!!
هنوف/قلت لي...يعني مسوية روحها منال العالم!!!!
ناصر/لاوين منال العالم ياخلاف!!!!
هنوف/المهم انا اكتشفت ان فيني موهبة الشعر وكتبت قصيدة وقلت لازم اسمعك...وش رايك تسمعني!!!ناصر كان مبين عليه الزعل بس محاول انه يخفيه/قولي انا اسمعك....
هنوف/احم احم...
أفطر الصبح زيتونه......وأروح المدرسة مزيونه
أرجع البيت مهمومة......وشكلي كأني مجنونه
أذاكر ليل ونهار......وأصبر عالألم والنار
مع هذا أجيب أصفار......وما أطلع من الشطار!!
والله إني مظلومة......كله من أبله معصومه
الحصة الأولى فاضيين......والثانية علينا دين
والثالثه رياضيات......جاتنا أبله عطيات
مليت أنا من هالحصص......كل يوم نفس القصص
تعبت أضرب وأقسم..أحل معادلة أو أرسم
عاد درس الصرف......ما فهمت منه ولا حرف
أما قسم الأعراب ......ما بفهمه ولو شاب الغراب
ما أعرف أكتب تعبير......وما أفرق بين المفرد والجمع تكسير
بوصف لكم معلماتي......ياللي نكدن لي حياتي
نبدأ بأبلة العلوم......هذه تخص عمي سلوم
وعاد أبلة الفنية...... شكلها مره جنيه
أبلة العربي......فالحة بس في ضربي
وأبلة الأنجليزي......تاكل رطب خنيزي
وأبلة الجغرافيا ......تمشي وهي حافية
وأبلة التاريخ......تصنع طايرات وصواريخ
وأبلة التربية الأسرية......راعية الفرن والصفرية
أما المعلم الخصوصي......ما ادري؟؟يتكلم روسي
يوم السبت نسيت فلوسي......والأحد انقلعت ضروسي
في الحصة سرحانة......للبيت ولهانة
تعب راسي من التفكير......وعقلي شوية وبيطير
يا ناااس رحموني......وبالنجاح ادعوا لي
لا تدخلوني في متاهة ......ترى القصيدة للفكاهة وسلامتك ياشيخ الشباب...
ناصر/هههههه بالله انك مو عاقلة ياهنيف!!!
كان يكفيها بها اللحظة شوفته وهو يضحك ومبسوط مستعة تسوي المستحيل بس مايكدر خاطره ها القمر ويزعل لانه اذا زعل معناته البيت كله صار ظلام بظلام!!!!!
هنوف/عجبتك!!!
ناصر/عليك حركات خطيرة!!!!
هنوف/بصراحة انا ماكتبتها ناقلتها من المنتدى وقلت اسمعك اياها...
ناصر/أي وانا اقول انتي مايطلع من عقلك شي!!!مصدي الحمد الله والشكر!!!
هنوف بجدية اكبر منها/ناصر وش فيك!!
ناظرها ناصر بنظرات جدية....وفضل انه يقوم من المكان لانها مابتتركه وبتصر انها تعرف وها الشي هو مايقدر عليه لانه بالنهاية وتحت اصرارها بيتكلم!!!فضل الانسحاب....
بالليل تجمعوا البنات بالفيصلية...
فوزية وهاجر ومنال وجواهر ونجود...
وطبعا مصعب كان عارف انهم بيتجمعون هناك لانه وصل فوزية وقال لها انه بيكون معها
في البارت الجاي ...
وش بيشوف ناصر بغرفته وهل بيعرف من منو؟؟؟
فهد ونجو وتفكيرهم ببعض هل بيخليهم يلتقون من جديد وليه!!!
جواهر وبندر وش نهاية الحب والوفا يابندر!!
عبير وعلي !!!!!
اشوفكم بالبارت اللي بعد ياقلبي....
البارت السادس عشر
التقوا البنات بالفيصلية مثل مااتفقوا وراحوا المطعم البراازيلي اللي عجب جواهر وبما ان العزيمة علشانها هي اختارت المكان وظلوا مع بعض....
وبنفس الوقت بس بمكان ثاني وتحديدا بمارينا مول....
اخذت قطعة مالها أي حاجة فيها بس المهم انها تشوفه....
وكان هناك....
صارت تدعي ربها ان اللي معه يطلع يفارق يصير فيه أي شي بس تاخذ راحتها...بس لاحياة لمن تنادي...
الحظ اذا عاند يعاند....
تاففت من قلب بذيك اللحظة وانتبه لها عبدالعزيز,,,وكانه عرف بللي يدور في بالها... تقرب منها بهدو ءوقال بكبرياء مايناسبه وهو متقطع..
عبدالعزيز/بغيتي شي اختي؟
كانت عاطيته ضهرها وعطته البلوزة على اساس انها تبي مقاس لو لون ثاني وهو سوى روحه يدور,,
لبنى بهمس/ليش ماترد على مكالماتي ياعبد العزيز؟
تنهد وبس...
لبنى/حرام عليك انا قاعدة اموت كل لحظة والثانية...عبدالعزيز انا قلت لك لاتجي وانت ماسمعت كلامي....حبيبي انا ابيك وماابي غيرك صدقني!!!لاتعذبني حرام عليك...
عبدالعزيز لف لها/شوفي هاذي كويسة؟
التقت عيونها بعيونه وحست فيه الانكسار والضعف وهو ماشاف غير الدموع والزعل بعيونها...
عبدالعزيز /تبينها؟
لبنى/أي...
عبدالعزيز بهمس/بكلمك الليلة طيب...
هزت راسها بفرح.....
مصعب كان قاعد وهو حايس بعمره وجوده هنا بها المكان غلط!!!
بس الله يسامح قلبه اللي جابه علشان يشوف عيونها...
كان قاعد بالكافي ومداها القهوة اللي طلبها تبرد من كثر ماهو شارد في العيون اللي جاي يدور عليها ومتنمي يشوفها....
طيب يامصعب لو شفتها هل انت ناوي تكلمها!!وليش لا انا ناوي اعتذر منها عن نظراتي لها ذاك اليوم وافتح صفحة جديدة ومااخليها تاخذ عني فكرة غلط !!
وبعدين يامصعب وش ناوي تسوي ولاتقول لها؟ولاشي...بس ابي اعتذر منها وامشي,,,,,,ووالبقية بتجي مع الايام ان شاءالله!!!!
فيصل/بابا...
فهد وهو يشتغل على جهازه/نعم يابابا...
فيصل/ودني الفيصلية...
فهد/من اللحين تبي تروح الفيصلية؟ اجل اذا كبرت وين بتروح!!!
فيصل بثقة/باريس!!!
فهد/....................
فيصل/بابا انا ملان بيت عمي مافيه احد كلهم طلعوا حتى رحاب راحت عند بيت جد احمد...
فهد/واذا ماطلعت وش بيصير يعني!!!
فيصل/انا زعلان من منال قلت لها تاخذني معاها الفيصلية مارضت..
فهد/وليش تاخذك معها عاد!!!
فيصل/لانها طالعة مع فوزية وهاجر ونجود بيتعشون وانا طالع معهم امس وصرت عاقل ..ليش مااخذتني معها اليوم بعد!!!
فهد/فيصل بابا عيب مايفرضون نفسهم على الاخرين!!
فيصل/كيف يعني!!
فهد بنفاذ صبر وهو من سمع اسم نجود تغيرت احواله/يعني هي طالعة تتمشى مع نجود(وركز على اسم نجود)ليش تاخذك معها!!!
فيصل/هم بس بيتعشون هناك نجود عازمتهم وبيردون.....
سرح بافكاره بعيد مع ها النجود وموقفه معها وموقفها هي معه...
كيف الوصل لها بس كيف؟؟؟
وسرح بعيد ونسى فيصل اللي قاعد يناديه....
دخل غرفته باخر الليل بعد يوم طويل وممل وكئيب من بدايته ..
كانت هوشته مع علي اخوه هي البداية اللي خربت عليه اليوم...
حتى وهو مع خواله وعيالهم وعيال خالاته كان يبتسم ويسولف بدون نفس....
شال ثوبه وشماغه وجا بيرمي نفسه على السرير وانتبه لوردة حمرة على سريره ملفوفة بشريط ستاني ابيض مكتوب عليه كلمة احبك...........
استغرب من وجودها بغرفته !!!ومن الشخص اللي ممكن يكون حطها في غرفته!!!
هاذي مشكلتك يابو نويصر الغرفة تقل بوابة البحرين كل من يبي يدخل مفتوحة للجميع!!!
بس مين ياترى حطها لي هنا !!!حيرة..فعلا حيرة!!!اليوم البيت ملايان بنات واكيد كلهم يحبوني بس مني فيهم بتكون حطتها ياترى!!!
تبسم لنفسه ولتفكيره وحطها جنبه وحط راسه على المخدة وغمض عيونه وراح بسابع نومة,,,,
بعد ماخلصوا عشاهم وتمشوا براحتهم وتعرفوا على بعض وضحكوا وسولفوا وحشوا في فلان وعلان وكل من صادفهم انتهت سهرتهم وتودعوا وجواهر ونجود راحوا واخذوا معاهم هاجر على طريقهم ومنال بعد سايقها كان ينتظر برى وراحت رغم ان فوزية قالت لها بتوصلها بس مارضت ,,واخيرا دقت على مصعب تساله وينه هو فيه,,,,وقال لها انه عند الكافي ماغير مكانه ..
سكرت منه وجته,,
مصعب/في شي؟,,,
فوزية/يالله بنرجع البيت ..
مصعب/وين اللي معك!!
فوزية/كلا راح بيته ومابقيت الا انا!!
طاح قلبه بين ضلوعه,,انتظاره من المغرب للحين ماكان متوفق فيه وضاع عليه هباء منثورا!!!
ليش كان قاعد اجل ؟؟؟وحس لحظتها انه فعلا غبي !!يعني هو كان يبي يشوفها كيف بالله بيشوفها وهي بمكان وهو بمكان!!!
على الاقل قعد قريب منها ولاحظها وين رايحة ووين قايمة وشاف له فرصة يكلمها!!مو قاعد بالكافي وينتظرها تمر عليه!!!!
فوزية/مصعب شفيك انا اكلمك!!
مصعب بحسرة/ها...يالله قايم...
قام معها وهو ساكت وشارد ومو منتبه لسوالفها عن البنات.....
لين ركبوا السيارة وشغل اغنية البراقع من جيد وكانه يتنفس فيها..
فوزية بتشكيك/مصعب وش سالفتك مع ها الاغنية بكل وقت حاطها لنا وبكل مكان!!!!
مصعب تنفس بقوة خلت فوزية تلتفت له..
فوزية/عسى ماشر شكل الاخبار ماتطمن وانا اختك!!
مصعب اكتفى بانه يبتسم عليها وبس!!!!
لبنة بشوق/عارفة انك تعبان وان ذي فرصتك تريح بس والله مشتاقة لك يابعد عمري,,,,, قالتها وجتها غصة وهي تتكلم,,,
عبدالعزيز بحزن/ابوك ماوافق تكونين من نصيبي يالبنى؟
لبنى/عزيز ليش تبي تحرمني قربك!!!قلت لك ماابي غيرك صدقني...
عبدالعزيز بقهر/بس ماراح تكونين لي يالبنى ماراح تكونين!!!كذا احنا نتعب حالنا بدون فايدة....
لبنى/حبيبي لاتفكر باي شي وخلنا نعيش حبنا وماتدري وش اللي بيصير مع الايام!!
تنهد عبدالعزيز بقوة وقال لها بضعف/ماراح يتغير شي يالبنى صدقيني.؟احنا قاعدين نتعب نفسنا والنتجية معروفة,,,,كلا بيكون بطريق!!!
كان الجو هادى بين نجود وجواهر بعد مارجعوا وبدلوا وكل وحدة حطت راسها براس الثانية,,,
وكل وحدة تفكيرها في شي معين صار لها اليوم!!
جواهر تفكيرها اخذها بعيد....لجدة وللي رايح جدة ومبتعد عنها...واللي دق عليها اليوم وزين انها قدرت تمسك نفسها وماتكلمه وترد عليها رغم انها كانت مشتاقة له موووت....
ونجود كان كل تفكيرها بفهد..ها اللي داخل بالها وتفكيرها بكل حركة يسويها!!!!!
لفوا لبعض بنفس الوقت وكانهم كانوا محتاجين يتكلمون كل وحدة عن اللي شاغلها وشاغل تفكيرها......
فتحت عبير عيونها بثقل على صوت علي يصارخ..
علي بعصبية/ماتسمعين!!!قومي سويلي شي اكله جوعان!!!
فتحت عيونها بثقل وناظرت بالساعة لقتها ثنتين ونص!!!من جده هذا يبي ياكل اللحين!!
علي انتبه لها وهي فاتحة عيونها وقال لها بقوة/يوم انك صحيتي من نومك قومي ليش العناد بعد!!!!
عبير /تعبانة ومافيني اتحرك...
علي /شلون يعني؟
عبير/:انت مو توك راد من برى....كان اكلت لك شي بالطريق هذا مو فندق وقت اللي تبي تاكل تجي ووقت اللي تبي تنام تجي؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك