بداية

رواية فصول شتاء -1

رواية فصول شتاء - غرام

رواية فصول شتاء -1

بقلم ::: القادم المجهول
تتعدد الفصول والأبواب وتتلاقى الأحداث والمواقف
فما كان منهم إلا أن تشتت بهم في عالم الخيال
كان يجمعهم نسيج لرواية [ فصول شتى ]
كتبت في دفتر وضع على مكتب مرتب وأنيق
ليس فيه إلا دفتر و قلم ينسج ما كان بين
الخيال و الواقع
مواقف عشناها و مواقف كان لها من الخيال نصيب آخر
نضع روايتنا الأولى بين يديكم و عسى إن تنال جزء
من إعجابكم !
تحكي عن فتيات عدة
{ ...جوري .. أريم .. هند .. غلا .. غصون .. غالية .. جنان... }
في بارتات متعددة و كواليس مختلفه لبارتات منوعه لحد النهايه تتراوح مابين
{... المزح و الجد الهبل و العتب ...}
أسميناها [ فُصُوّلٌ شَتَى ] . . لـ . . [ رمش الح‘ـلآ ، رمش الغ‘ـلآ ]
ღ..ღ

~ { البداية «
. . { مشهد ؤلم ~
في ليلة شتوية بٱرده
خرج من بيته لزيارة أخته ٱلصغرى
ٱلتي طٱلمٱ کٱن يعتبرهٱ طفلته ٱلمدللة
رفع يده إلى ٱلجرس قبل أن يضغطه سمع صوت أرعبه
.......: خلٱص تکفى هدني بأموت
أتركني بموت تكفى خلآص ..
وقف مصدوم يستمع للصوت من الداخل وبحركه سريعه
مٱ کٱن منه إلٱ أن کسر ٱلبٱب ودخل بسرعة
ليجد مدللته ٱلصغيرة غٱرقة في بحر من ٱلدمٱء
التفت بكل عصبيه : ياحقير ابعد عنها
وبكل قوه وإندفاع للرجل أبعد عنهٱ هذٱ ٱلمتوحش
و حملهٱ بسرعه جنونيه إلى سيٱرته ليصل بهٱ إلى أبوٱب مستشفى
[ لعبة المشاعر ]
. . { بعد مرور سنتين ~
,’,
ما هقيت أن فيه لعبة اسمها
[ لعبة المشاعر ]
ما هقيت أن الناس ماعندها قلب
تلعب في مشاعر غيرها و بدون أي { إحساس }
,’,
السبت في المدرسة بعد البريك رجعوا أريم و جنان للكلاس لقوا على طاولة أريم ورقه مرسوم عليها قلبين ومكتوب إلى أريم
قرت أريم الورقة واستغربت من مين هذه الورقة ..؟!
و صدقت نفسهـا مر اليوم بخير وانتهى الدوام
حكت السالفة لغصون و غصون قالت : أبصم بالعشرة أنه مقلب و خلي عنك التفكير أريموه
أريم مازالت مستغربة : بكيفها خلاص بأنسى السالفة طيب قولي لي من بيجي يأخذك
غصون بحماس : ساميو فديته
أريم : خخخ كل هذا لأخوك يكفي
غصون : ايش حارق رزك
ღ..ღ
بالليل في بيت أبو أنس
هند : أنسوه قوم بسرعة
أنس : همم
هند : أنسوه قوم شوف الساعة 9 يرحم والديك من العصر ما شبعت نوم
أنس : دقيقة بس
هند : أنس خلاص كمل نوم أبنادي أبوي
أنس تروع من طاري أبوه بيهزئ فيه لأنه من العصر نايم : جربي تعلمين
هند : طيب مو مناديته بس قوم أبحاكيك
عدل أنس جلسته : أمري كم عندنا من هنوده
هند : بتطلع اليوم ..؟!
أنس : وليه السؤال ..؟!
هند : بس كذا يالغالي
أنس : من الآخر يا حلوه
هند : بغيت تجيب لي ماك
أنس : طيب بس بشرط
هند : يعني لازم المذلة أشرط
أنس : بأسألك سؤال
هند : كلي أذان صاغية
أنس : يعني أي وقت عندي سؤال تجاوبين عليه بالغصب
هند : لا والله وش هالشرط اللي مثل وجهك . .
أنس : مالي شغل ترضين فيه ولا طسي عني . .
هند بيأس ونفاذ صبر : أوف منك تحب تذل الشخص ..
انس وهو يبتسم : وه من قالك من زمان اخلصي قبلتي بالشرط ولا لا ؟ !
هند : اوك خلاص
انس : أحلفي عشان اصدقك ما ضمنك بصراحه
هند بعصبيه : والله خلاص لاتكثر هرج . .
ღ..ღ
في مطبخ بيت الجد أبو عبد الله
مبروكة: محدودة أنتي في مألوم اليوم في هلال إلأب كوروه و إلا ما في إلأب ..؟!
" محظوظة أنتي معلوم الهلال بيلعب كره أو مو لاعب "
محظوظة : ما في مألوم واللهي
مبروكة : أنا يبقى شوف هنا في وناستْ " أبغى أشوفه وناسه "
محظوظة : أنتي يبقى شوف هذا أنا يبقى تليبون بيبي حق أنا " أنتي تبغي تشوفي هذا و أنا أبغى أكلم ورعاني "
مبروكة : بيبي أنا من جمان مابي تليبون أنا مسس بيبي حق أنا " ورعاني من زمان ما كلمتهم أنا مشتاقة لهم "
محظوظة : الله كريم ميتا أنا شوب " الله كريم متى أشوفهم "
ღ..ღ
من بكره بعد البريك رجعت أريم و معها غصون و حصلوا ورقه ثانيه على طاولتها تفاجأت أمس وتناست السالفة و اليوم مره ثانيه قرأت الورقة
غصون جت طايرة و قرأت معها : أمم من تتوقعين ؟
أريم : مدري بس أحس أملوه و رغيّد هاذي حركاتهم
غصون : يمكن يردون مقالبنا فيهم والله ترى اوب سهلين
أريم : و أنتي الصادقة أوب سهلين
و راح اليوم كله بالتحقيق مع الشلة و جرحوا مشاعر أريم بقوه بس يحطمون فيها و صارت مسرحه طول الوقت مو مع الدروس نست الدفارة
» نسيت أقول أنها دارفورة ^_*
غصون و أريم جننوا أمل و رغد على الأقلام إلي مكتوب فيها بالأوراق عشان يعلمونهم أنهم مكشوفين
ღ..ღ
في بيت هنادي أخت أريم
هنادي :سارونه حبيبتي قومي مابقى إلا خير
ساره : مامي دقيقة بس
هنادي : حبيبتي قومي يله بنروح لأهلي اليوم ..؟!
ساره فتحت عيونها : يله شنو يومه ..؟!
هنادي : الأحد و إلا نسيتي
ساره وهي تقوم : أوه راح عن بالي
هنادي : يله حبيبتي بدلي و بدلي لرغوده معك
ساره و هي تبوس رأسها : من عيوني
طلعوا لبيت أخوالهم " بيت أبو أريم "
أريم كانت نايمه و طلبت محد يقومها و غادة نزلت تحت و آخر وناسه
خصوصاً أن هنادي موجودة
ღ..ღ
بعدها بيوم ما جاء رسايل لأريم و أريم و غصون يحاولون يعرفون المهم أريم و غصون قرروا ينتظرون إلى البريك و بعد
ما طلعوا البنات غصون رقت فوق و قعدت تستنا الكلاس يفضى و تشوف من آخر بنت تطلع و أخيراً طلعت ...... انصدمت غصون وطيران على أريم تعلمها
غصون من بعيد : أريموه تعالي شوي
أريم أبعدت عن البنات : عرفتي ..؟!
غصون تلهث من الركض : أي عرفت نفس ما توقعنـا أمل و رغد ما غيرهم
أريم : اهاا طيب يعني يردون مقلبنا أوريك فيهم هالتبنات
غصون : أريم ايش بتسوين فيهم خليهم يخلصون مقلبهم أحسن ثم تسوي أنفسنا مانعرف ايش السالفة زين
أريم : زين و نشوف أخرتها معاهم يله خلينا نرجع للبنات شكلهم شكوا وبيزعجونـا
غصون : يله مشي مشي
ღ..ღ
في مكان آخر في المدرسة الواسعة
أمل: رغد ما شفتي أمس أريم تنرحم مسرحه طول الوقت خخخ
رغد تضحك : هههه ملاحظه عليها بجد خبله خلصوا البنات عشان نعجب فيها هي !
أمل : طيب ايش نسوي ألحين ؟
رغد : حطيتي الورقة على طاولتها ؟
أمل : أي حطيتها
رغد : زين خلينا نكمل الأسبوع و الأسبوع الجاي نكشف الحقيقة
أمل : الله يعينها على الصدمة القويه « ما يدرون أنهم مكشوفين هاهاها مساكين
ღ..ღ
في نهاية الدوام
غالية : أريم غصون ايش عندكم من اليوم
أريم تستغبي : حنا وش عندنا .. ؟
هند : حنا و إلا زيت هههه < < ادري بايخه بس مشوها
غصون : ايش أسوي ألحين أضحك بايخة
غالية : لا أنا أي أنتم كل وحده تهمس في أذن الثانية محنا عِميان لذا الدرجة و في البريك فجأة اختفيتوا وش عندكم يله اعترفوآ
أريم : سلامتك يا غالية الغالية بس كنت أقولها سالفة خاصه جداً
هند بلقافة : سالفة شنو الخاصه ذي ..؟!
غصون : قد أحد قالك أن اللقافة مزروعة فيك زراعه ولايمكن احد يحصدها بتاتاً << هع خشت جو ..
هند : أبداً ما أخذتها من بعيد أكيد من غصون
غصون تتمسخر : يا حليلك يا هند ارحمك !
غالية : يعني مو قايلين ؟
غصون : لا بس كنا نتكلم عن جمعة خوالي إلي بعد بكرة
جوري : يعني مو جاية لعماني ؟
غصون : مدري
غالية : أوه سوري على التدخل أجل هاي سالفه خاصه من جنبها
ღ..ღ
في بيت غالية
مستحييه مره من جت و عزيزة ماسكتها تعليق عشان ............ « تعرفون مع الأحداث
عزيزة : كللللووووووووووش يالدبة
غالية و لا عبرتها من جت و عزيزة تبارك لها
عزيزة : شنو فيك مو رايقة شاركيني فرحتي فيك يادوبا
غالية منحرجة: خلاص طيب من جيت و أنتي تباركين والله استحي ترى ^_*
عزيزة : من فرحتي قيك صدق انك ما تستاهلي تعبي إلي من اليوم
غالية : تكفين فكيني من السالفة طيب قولي لي شنو أخبار الجامعة و ايش صار على بحثك قبلته الدكتورة ولا لا ..؟!
عزيزة : لا تذكريني أكيد قبلته و إذا ما قبلته تطق رأسها بأقرب طوفه
غالية : هههه خربت أخلاقك بالطاري أحسن << نذله *_*
عزيزة : يا شينك شيناه في احد قال انك ماصله .. ؟
غاليه : ايوآ كثير مو انتي اول وحده هع . .
ღ..ღ
المغرب في بيت أبو سامي
« نغمة مسج
فتحت غصون عيونها: و الله ناس مروقه هذا وقته من جد فاضين
فتحت المسج
قلبي معك
روحي معك
محفظتي ضايعة أظنها معك
المرسل : ماي توينز » يعني توأمي
غصون : صدق أنها فاضيه ذا الأريموه من جد فراغ . .
ღ..ღ
أمل تكلم رغد على المسن
أمل :رغيد افهمي أكيد اكتشفونا ما تشوفين أريم تقول عطيني ذا الأقلام و غصون تقول شايفتهم بس مدري وين والله مكشوفين
رغد : شايفتهم يعني وش تبين نسوي نكمل ونشوف ايش يصير معنا نجرب الدنيا تجارب
أمل :اممم اوك وش ورانا على قولتك
رغد : طيب أبسكر أختي تبي الجهاز
أمل : أوك أخليك
رغد : باي
ღ..ღ
يوم الإربعاء الصباح في بيت أبو سعود " أبو غلا "
عهد تفتح تسريحة غلا: غلاوي وين اكسسواراتك الجديدة أبي منها أشياء صعنونة
غلا : تبطين عطيني ظهرك بسرعة أبلبس اخلصي علي
عهد : تكفين أبيهم أبرجعهم أول ما أرجع
غلا طيب قلبها ما تتحمل أحد يترجاها حنونه ^_* : طيب اخذي إلي تبين بس رجعيه أول ما تجين أوك
عهد : مشكورة يا أحلى أخت في الدنيا
غلا : أشوفك على خير
عهد : و أنتي من أهله
ღ..ღ
. . { انتهى ~
توقعآتکم يٱلغوآلي ~
من هي إلي کٱنت تصٱرخ قبل سنتين ..؟!
أريم .. غصون .. رغد أيهم تتوقعون ..
تتوقعون ماهو سر حيـآء حبيبتنـآ غاليه ؟
لكم ودي مع ارق تحيه ..
خوآتكم ..
. . { رمش الح‘ـلآ ، رمش الغ‘ـلآ ~
,’,
أتمنىآ أشوف توقعآت على البآرت هذآ
عجب !
وقت البريك قاموا أريم و جوري و غصون و غلا
ملوا من الرسميات على قولتهم يتسابقون في المدرسة ثالث ثانوي ايش ورآهم
آخر سنة متعة وفله ووناسه
أريم : وقفوا بلا غش واله غش وقفوآ وقفوآ
جوري : يله بس لايكثر 1-2-3
و طيران ما في بنت ما صدموها ما في حاجه ما سووها بالبنات توطوا فيهم و خربوا كششهم تغيرت أشكال بنات المدرسة بفضل الله ثم أريم و إلي معها
تقولين خبال مبزره مو أوادم . .
غصون بمحاس : وصلت وصلت
جوري : وصلت أنا بعد وصلت ترى
غلا : ما تدرون ايش سوينا في بنات المدرسة غيرنا لهم أشكالهم وخليناهم تحف
أريم وصلت تضحك : شفتوا أشكال البنات هههههههههههههه تحفه والله تحفه
جت بنت من بنات أولى من ورآهم : خير وينا فيه بزران والله
أريم : هلا عمتي بغيتي شيء مالبزر إلا انتي » تتمسخر عليها *_^
البنت منفعلة : خيييير تركضون ايش سويتوا فينا شوفي كيف صار شعري ( برقه تقولها )
غصون تتطنز : هههههههههه تمسكي بس تصدقين كذا شكلك أحلى عاد
جوري : صدق أحلى من البف إلي رازته من الصبح كأنه محشوا بكيس بطاطس تسالي بالكاتشب » ايش دخل مدري بس دخلوه
البنت شوي و تصيح : كش عليكم كش والله
ود & ألاء شافوهم من الأول إلى الآخر و تسدحوا من الضحك : ههههههههههههههههههـ
طبعا كل وحده مع صديقاتها بس شهدوا على الحدث
ألاء أشرت لود من بعيد خلينا نروح لهم
ود راحت تمشي لهم و ألاء
ألاء : هاي
البنات : هايات
ود : سلام ما قلتوا لنا أنكم متوحشات
جوري : متوحشات في عينك هذي أشد أنواع الرقة شفتيني طلعت عضلاتي << اعصابها ^_*
ألاء : بعد فيه عضلات وريني ( تتطنز )
غلا : عز الله وصلت فضيحتنا لجلاجل دام ود & ألاء شهدوا بوجود العضلات
ود : ايش قصدك يعني
غلا : أمزح عليك يمه منك تروعين !
ღ..ღ
بعد ما ملوا أريم و غصون من الخناق مع إلي رايح و إلي جاي
رقوا للكلاس
غصون : أريموه شوفي فيه ورقة موجوده . .
أريم جايه طايرة : صدق قولي قـآإآ
غصون تقرأ بصوت مسموع : أقـإأ اسمعي بس { ريم أنتي هواي إلي أتنفسه و الحياة إلي أنا عايشة فيها غيابك عن حياتي بيكون موتي تحياتي moon }
أريم : الله الله الله كل ذا لي
غصون : موب سهلين يا أمل و رغد والله تعرفون تسوون مقالب
أريم : ننتظر و نشوف ايش بيصير وياهم هالعفنات . .
ღ..ღ
في بيت أبو فيصل
فيصل : جوجو
جوري : خير
فيصل : ايش فيها الأخلاق تجاريه يابنت اعقلي
جوري : في أي مول أقول من الأخر فصول
فيصل : أذكر أني الكبير بس نمشي نمشي لك المهم يبجون بيت عمي تركي بكره ؟
جوري : و ليه تسألني !
فيصل : أسأل بس قلت يمكن تعرفين ؟
جوري بملل: مدري عنهم والله
فيصل : أذكر أنهم عيال عمك ايش فيك كذا !
جوري مقفلة معاها : قال ايش قال عيال عمك طيب عارفة أقول يا خوي سألت وخلصت وانا جاوبت ممكن تشرف برآ
فيصل يقوم : الكلام معك ضايع و طالع بس مو لسواد عيونك ترى *_*
ღ..ღ
في بيت أبو جهاد
جنان : يبه و صل الواثق « الحصان حقها
أبو جهاد : لا يبه ما وصل في الإسطبل إلي في الخرج
جنان : طيب يبه متى نروح نشوف الإسطبل الجديد ودي اشوفه
لمى : أكيد امتلاك " الحصان حقها " كبرت و صارت أحلى يبه خلنا نروح عشان نصورها بعد بليز
ناصر : يبه أنا إلى الحين ما وصل حصاني متى بيوصل والله طفش
أبو جهاد : و ينك يا أم جهاد تعال سكتي عيالك أكلوني بأسئلتهم من جد حاله
جنان : يبه
أبو جهاد : خلاص انتظروا إلى الخميس الجاي و يصير خير
أبو جهاد قاعد على جهازه و يشوف الأسهم : ايش صاير بالأسهم معقولة لهذه الدرجة تنزل
جنان : يبه السنة الجاية أبدخل إدارة أعمال عشان أدير أعمالك و ما تخسر بالأسهم << تتطنز هع
ناصر : أقول ما عندنا بنت تشتغل حدك بيت رجلك يله مناك
جنان : ايش وين عايش الناس وصلت للقمر و أنت بعدك على الأرض ياحبيبي
ناصر : أنتي قلتي بلسانك الناس مو إحنا << مسوي ذكي ^_*
لين بصراخ : خلاص أنا أبغى أسولف مع بابا خلاص اوص
ღ..ღ
الفجر غصون و أريم على الجوال و كل وحده تحكي للثانية ايش صار في رواية يقرؤونها و حماس على الآخر واشكالهم توحفه
أريم : شفتي يوم تنصدم أختهم الصغيرة
غصون بحزن : لا تذكريني صحت لين قلت بس آآآآه بس
أريم : بجد و فقدت الذاكرة حكاية ثانية ومؤلمه بعد << تحمسو واجد
غصون : أي حاله ثانية و خصوصا أن أخوها إلي صادمها والله ترحم !
أريم : أما فتون يوم يطلعون البر و تغرز بسيارة فيصل والله وناسه . .
غصون : هههههههههه تحفة مدري كيف متحمل الأخ . .
أريم بشاعريه : ايش يسوي يحبها الحب بلوى .. << مجربه الأخت ^_^
غصون : تكفين يالرومنسية فكينا بس
أريم : آه بس
أريم : لا و منال عاد هذي أنا كارهتها و خصوصا إلي سوته في أم سعود وجي اصكها بكف يأدبها
غصون : الله يقلعها بس ، عاد وعد لا تجينها هذي أحلا شيء في الرواية آه بس فديتها . .
أريم خاشه جو : هههه مو هي سكر الرواية
ღ..ღ
,’,
لقاء محبة !
من بكرة العصر
أريم : مامي ، مامي ، مامي
أم أريم : سمي يمه وش عندس ..؟!
أريم : يمه غصون اليوم مو رايحين لأعمامهم
أم أريم : أقول وش فيس مربوشة أثر السالفة فيها
أريم : يمه خلينا نروح لأخوالي بليز ماما
أم أريم : أشوف بس ابعدي عني
أريم : يمه وش تشوفين خلينا نروح تكفين
أم أريم : أجل دقي على علي قولي له يجي عشان يروح معنا
أريم : من عيوني وه بس فديتك ^_^
أم أريم : و تجهزي بسرعة
أريم : أوف كورس
ღ..ღ
أما عند الأعمام
أبو فيصل وصل مع عياله و أبو سامي مع سامي و أبو رنا و أبو أروى و أماني و ساره
و اجتمعوا الرجال سواء و النسوان سواء و الورعان سواء والكل يرعى « جمعتهم ما تنمل أبداً
عند البنات حصة و فاطمة و رنا و جوري
رنا : الشينات ما جو ودي اصفقهم
جوري : ما ملينا عينك يادوبـآ
رنا : أفأ عليك ماليتها وزود وزود بعد
حصة : أحسب بعد
رنا : أقول قوموا نطلع في السور " الحوش "نتمشى في الهواء الطلق الرقيق << ركبوهـآ عـآد
جوري : أما طلق كثري منها عاد يله وش ورانا نطلع نطلع
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -