رواية ما يموت عزمك دامني جنبك -22
راكان--ماعليه عزيز وغالي
راكان--توكلنا على الله
بيت ال سعود حيث الريــــــــــــــــاض--
عبير حست بخمول وتعب -- فتحت المسن لدقائق لم تشعر برغبه في الحديث او البحث فاغلقته واستسلمت للنوم
بيت ال خالد
على صلاة الفجر --نايف اللي صلى العشاء ورفض العشاء و نام والحقيقه مايدري هو نام ام لا؟؟
من كثر مافكر يشعر انه نام وهو يفكر واكمل افكاره داخل احلامه
اليوم الاربعاء
مر على غرفة البنات ..
وسمع اصواتهم عرف ان السهر جاب نتيجه معاهم ... بس مو زين كل يوم سهر ..ودوام ..ويرجعون ينامون ..ويجمعون الصلاه ؟؟؟
طرد افكاره اللي لو زاد التفكير بيقرر يتفاهم مع ريناد
صحى بندر ووثق من صوته انه بيلحقه للصلاه ..
بعد مارجع سمع صوت البنات بالمطبخ تمنى لو يسمعها على طبيعتها من بينهم..
هل انتي مغروره معي فقط..ام الجميع يعانون من.
هل هي ضريبه جمالتس.. ان تكوني ..
لا اعتقد ..
فانتي شبه امك ذات الروح الطيبه الشفافه ..
فلماذا اختي ملامحها دون الاهم .. لو كنتي .. لكنتي الاجمل في عينــــــــــــــي انا .انا . لوحـــدي
خرجت لمى وحنون بصينيه متوجهين للطاوله
والحقيقه ان افكار نايف انسته ..ان يتنحنح معلنا تواجده في الصاله ..
رجعوا ركض للمطبخ واهو تنحنح وصعد لغرفته..
في المطبخ نوره ..تدهن ساندوتش لفيصل وبني سعود..
سمعت ماحدث في الصاله ..
ارسلت لحنان نظره عدم الرضا.. حنان انا ابي افهم شرشفتس وينه ؟؟
حنون -- انا وش دراني انه قايم ولا في احد بالصاله الغلط منه؟؟
نوره -- الظاهر ان رجعتنا للبيت قربت .. افطري واخلصي البسي بسرعه
ريناد اللي توها جايه من الحديقه جايبه نعناع -- وين نويران تعالي الفطور ؟؟
نوره بهدوء -- مابي .. بروح اصحي رهوف ؟
لنــــــــــــــــــــدن --حيث يوجد بها خمس مطارات
مطار هيثرو (Heathrow)،
مطار غاتويك (Gatwick)،
مطار لوتون (Luton)،
مطار ستانستيد (Stansted) و مطار المدينة (لندن) (City Airport).
وفي مطار هيثروا حيث احد رحلات العوده للسعوديه على الدايركت
فلاح وراكان اللي وصلوا متاخر --
فلاح وهو يبتسم --يالله وش هالزحمه شفت كلن بيروح وانت جالس هنا
راكان بابتسامه شكليه ارجعها له --( خلها على ربك )
اقترب فلاح ليضم اخوه وصديقه ..اللي ولأول مره يفارقه منذ ان تعرف عليه واستضافه في شقته ..فلاح( يعز علي ان بيسافر وانا اشوفك هالايام تايه ومشغول بالك)
راكان--(يمكن ماحتاجك .. بس الاكيد اني بفتقد حسك ياخوي)
فلاح--(ودي امس وحنا مع بعض شكيت لي وش بخاطرك وليش كل هالتفكير والسهر ..)
راكان سلم عليهم كلهم وجعلك ماتشوف شر لاتنسى تطمني بوصولك x سلمت من الشر الله يحفظنا وياك فمان الله
غادر راكان المطار وهو يدعو ان يكون بعد شهرين هنا هنا .. بمطار هيثرو ومنه للسعوديه
الريـــــــــــاض - بيت ال خالد
حصه تاكدت ان رهوف ركبت الباص مع الشباك
وبعد ماتطمنت ان بندر طيب وراح مع محمود للمدرسه وهي تدعي انه مايتعب ولا يصيرله شي مره ثانيه
نايف ينزل مع الدرج --وهو لابس ثوبه ..وشماغه وعقاله .. بيده اليمنى .. وهو يذكر مسج خالته اللي ارسلته له وبداخله --( مبرووك علي طفلتكم اللي بتكبر عندي )
لكنه اكتفى بطبع مسج لها--الله يبارك بعمرتس وايامتس..
قبل راس والدته --صبحتس الله بالخير وشلونتس يالغاليه
حصه--ياهلا والله بالمعرس-- يــــــوالله .. لاتسمعني النوري
نايف استغرب من الجمله الاخيره ولكن رجولته لن تسمح له بالسؤال -- كملي يمه برري ؟؟ ليش قلتي كذا
<<ينتظر ان تكتمل جمله والدته
حصه -- ماري عجلي يايمه عاد وراهم مشوار للجامعه --
نايف بهدوء -- هم جاهزين؟؟؟
حصه--اي بعد قد قالوا محنا برايحيين وعيت عليهم رنو قالت لهم ههههههههههههه نايف مهوب مخليني اغيب واشوى وافقوا
نايف بهدوء-- من اللي مايبي يروح --؟؟؟
حصه ماتبي تقول احد معين -- قصدهم اليوم زواج جيران ال سعود الاولين .. ويبون ينامون عشان تزين وجيهم للعرس
مهوب عذر -- قومي افطري معي ياله
لاياعيني عليك بالعافيه كليت مع البنات
نايف--الله يعافيتس
راحت حصه للمطبخ تبي تحرر الفكره اللي ببالها--
رن جرس الباب ---
لف نايف عالباب قام وهو مقبل عالباب سبقته ماري وفتحته -- انتظر بمكانه ليرى من جاي هم بهالساعه-- نزلت طرحتهــــــــــا السلام ماري وين بنات ؟؟
نايف عطاها ظهره ورجع مكانهx افنان ارتبكت من ردة فعله ووجوده اللي فاجاها
في غرفة البنات
نوره -- ترانا رايحيين بدري
ريناد -- لا على بال مانوصل
نوره -- وش من بعد المسافه ياليتنا غايبين ازين
افنان بتعب من الدرج --ياويــــــــــــلي شافني شافني
ريناد -- هلا والله وش فيتس
افنان وهي تسلم عليهم --اخوتس ياشيخه شافني ....يافضحـــــــــي والله
ريناد --يوه هو تحت اجل تاخرنا عليه ياله ياله
لالا شكله يفطر
نوره ( شافك وانت متزينه كذا ؟؟؟؟ هذا الظاهر ماخلا وحده ماشافها ...)
ريناد نزلت ورجعت لهم يالا بنات جاهزين ترانا متاخرين
لنـــــــــــدن --
يوم جاف اشرق على محيا راكان..
شعر ان لندن لاحياة فيها اليوم..
دون رفيقه واخوه ومن اعتاد على صحبته في غربته ..
وان كنت عرفته منذ فتره الا اني شعرت بقيمه ان يكون معك احد .. يشاركك حياتك
راكان لايوجد لديه محاضرات صباحيه .. ولنفاذ صبره ..
وقلة احتماله على الانتظار اكثر .. وكانه يبي يرتاح ويضمن السفره .. ليحقق مناله..
قام وصلى وادى صلاه الاستخاره --ودعى ان يكتب له الله ..بمافيه خير وصلاح له
بعدها راكان قرر يحرر الفكره اللي بباله -
-قرر زيارة العجوز اللي ساكنه فوق سوبر ماركت Hollywood lovers shop
عشاق هوليود
توجه راكان لمكتبة في المركز الاسلامي (مسجد الرجنت بارك ) ..
فيها كتب تدعو الى الاسلام باللغة الانجليزية ..وسعر الكتاب فيها 1 باوند
وهو اقرب لمحطة على المسجد (البيكر استريت ) ولكن مشي تقريبا من 10 دقائق الى المسجد
والكتب توضح لها اهمية الدين الاسلامي ومبادئه والحلال والحرام فيه ..
هاهو يطرق الباب عدة طرقات -- ومن ثم انتبه لوجود جرس ..وهاهي تفتح له الباب --
الرياض حي السفـــــــــــــارات --
فهد الذي كان يقود السياره باخيه..
فلاح --كان طول الطريق يسأل--
وفهد الاخر يجاوب عن مافعلوه من تجهيزات .. و في اي قاعه.؟ وكيف نفسيه العنود ؟وماخلا شي ماسال عنه ....
تفاجا فلاح عند وصوله البيت.. ان اخوه فهد عازمه عالغداء ..وماخلا احد ماعزمه لرجوعه بالسلامه ..
الرياض بيت ال خالد --
نزلوا البنات ..تقدمتهم رنو .. والاثنتان تاخروا في الظهور امام من يجلس في الصاله ..
طلعت امه من المطبخ -- يمه نـــــــــــــايف يمه لاتروووح
ريناد -- لالا هذا حنا مابعد رحنا--
جاءت حصه وهي منشغله بوضع العود عل الجمر --ومن فرحتها قالت-- تبخر فديت انا اللي بيعرس ...
نايف متعطر نفدى عمرتس -- الله لايهينتس -- طاب طيبتس
حصه --وعاش حبيبك يابعد عمري
ريناد بضحكه -- بيعـــــــــــــرس صدق.. كاني اشم ريحة شي مخبينه عني ؟؟
حصه تضيع الموضوع -- ان شاء الله انه بيعرس
نايف وقتها استغرب للمره الثانيه -- ان امه ماتبي تعلم احد
افنان التفـــــــــتت على طول على نوره اللي كذبت اللي سمعت -- بيعرس من بياخذ!!!!!؟؟؟
نوره بهدوء وهي تحاول تخفي شيئ غريب انتفض بداخلها-- مـــدري
لنــــــــدن صباحا حيث غربه الروح والمشاعر راكـــــــــــان--
بعد ان انهى زيارته لها حيث شكرته ووعدته بقراءتها لاعجابها بالدين الاسلامي وتقدير الاسلام للمراه .شكرته كثيرا ..ووطلبت منه المرور بها دائما.. للسؤال عنها
لم يكن يريد السير بالسياره ففضل المشي قليلا -- استكشف كثيرا لهاتفه يترقب احدا يتصل من السعوديه -- لا احد
عسى مافيهم شي ولا فلاح يمكن وصل تعبان ونام
قلب بهاتفه كثيرا واخيرا قرر الاتصال بابيه ناصر--<<<<<<<<<لايوجد رد
انتفض قلبه توقع الساعه في السعوديه ليش يعني ماراح للشركه .. بنتظر الى مابعد المحاضره ..
والله يستر يمكن مايكون عنده .. او مشغول .. لالا ..طــــــــرد افكاره وهو يتذكر -- انه لابد يحسن النيه ولايتفائل الا بالخير .. ولابيذبحك القلق ياراكان..
في السياره متوجهين للملز --
كعادة نظارته تخفي الكثير ممايدور بداخله .. ولذلك اعتاد على لبسها نهارا
لف على اخته سالها-- معتس مصروف --
رنو--ها ايييــــ
نايف بهدوء--هم معهم
رينادقربت اكثر منه -- اي اكيد ترا امس ماخذت الميه
نايف اللي مالتفت عليها يوم سمع جملتها - مثل اللي ماستبعده منها
جو الهدوء ملئ السياره .. واللي بالخلف.. من الحياء يتمنون يكتمون حتى انفاسهم
رفع نظره للمرايه -- يجهل هي اي وحده الاثنتان تقريبا خلف ريناد من هي منهم ..
(اشتقت لصوتها .. اصبحت تعنيني اكــثر
ترفض مني كل شي .. مع اني لم افعل لها شيئا ..!! ماذا سيكون حالها لو تعلم باني تقدمت لها .. واهلها لم يمانعوا .. وهي لي الان ؟؟
ابي اقولها .. امي ماتبي ليش ؟؟بس اكيد هي اللحين تدري .. اكيد خالتي قالتلها.. اي اي تدريـــ معناه تسمع كلامي وتطيعنيــــ )
وعند الاشاره القريبه من الجامعه -- التفتت ريناد على الخلف من جهة بابها -- اوششششش النوري..
نوره اللي انتبهت لها -- اشرت باصبعها --وشو
جبتي المرجع الي استعرناه
نوره شهقت----لـــــــــــــــــــــــــــاء
لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
---- البارت السابع والعشرون ---
نايف اللي سمع صوتهــــا--( يــــــا فديت هالحس .. وشفيتس بسم الله عليتس)
ريناد تمسك غضبها-- يالله عليتس عسى ماتطلبنا ..لانو الاربعاء اليوم ماراح تنتظر الى السبت
نوره ببراءه -- حاطه ايدها على جبهتها ..ومنزله راسها بقهر
نايف يبي يعرف وش السالفه بس رجولته ماتسمح له يسال عن ----
وقفت السياره --
نزلوا للجامعه تابع الاثنتان ..وعرف انها الوسطى بينهم ومايدري ليش تابعها الى ان دخلت البوابه معهم
قطع افكاره هاتف رقم الشركه --اللي بلغوه عن اجتماع الظهر
راح الشركه اللي تحدد عنده اجتماع الظهر مع مدير المستودعات الشرقيه --
انشغل وهم خلصوا محاضراتهم بدري ..
اقصد..قررو عدم حضور المحاضره الاخيره ..ليستعدوا للزواج
اتصلت عليه ريناد
وقال-- بخلي محمود يجيتس انا مشغول
نوره افتقدته كثيرا.. افتقدت من يوترها
حضوره،
وحركاته ،
ونظراته ،
وهدوءه ،
وصوته ،
وغضبه ،
وبروده ،
وبداوته،
وحتى تخلفه في امور مستحبه لديها--
افتقدته كثيــــــــــــــر واستوعبت انها كانت تراقبه وتتوتر منه .. اذا كان بالسياره واستوعبت مصيبتها انها .كانت تحس الطريق قصير معه وطويل مع محمود اليوم؟؟؟؟؟؟
الرياض-
على قرب اذان العصر --بيت ال سعود
شيخه تفتح الباب -- هلا ومرحبا ..وعليكم السلام .. تفضلوا حياكم
ام سوسن مع عاملاتها الثلاث -- يااهلا فيكي بس لايكون اتاخرنا عليكو ؟؟؟...
شيخه بحماس-- لاحبيبتي اللي توه جاي،، واللي توه يتحمم
بروح اجيبهم لتس .. تعالي في المقلط .. تعالوا هنا تفضلوا
وصت الشغاله تدخل عليهم القهوه والشاهي والعصيرات على بال ماينزلون البنات
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك