بارت مقترح

رواية لص في متاهات العشق -27


رواية لص في متاهات العشق - غرام


رواية لص في متاهات العشق -27

سمر باعدت يد أمها بسرعه..وهي معصـــــــــــــبة...

امها تفاجأت منها..

سمر لبست عبايتها...وحجابها...

امها : ع وين بنتي ؟؟ ويش فيك انتي مجنونة

سمر ولدموع في عيونها قالت بقوة: اييييييه مجنونة..

امها: حسبي الله عليك يايوسف جننت بنتي

سمر لبست شنطتها..وفتحت الباب وطلعت ..

امها لحقتها...وهي تركض..مسكت بنتها من ايدها ..

سمر تباعد ايد امها: تركيني..انا لازم اتصرف مع يوسف بنفسي

امها: ابوك بيتصرف..تركي ابوك يحل المشكلة

سمر: لا..مستحيل...ماما اذا تحبيني..خليني اشوف يوسف اخر مرة..

امها: مستحيل اترك تطلعي في شارع كذا..وانتي مو طبيعيه

سمر: انا الغلطانة..والغبيه والمجنونة الي فكرت في مشروع مثل كذا..انا الهبله الي صدقت ان واحد ماحبني من البداية راح يحبني بنهاية..انا الغبية الي فكرت ان حبني عشان روحي...اتركيني ..

امها عورها قلبها ع بنتها..تركت كتفها الي كانت ماسكته..سمر ولدموع في عينها ركضت لبره... بتروح ليوسف..

يوسف يسمع كلام سمر..وكل مايسمع كلمة منها يستانس ويضحك..حس حاله سعيــــــد..ويحب سمر...مستانس لأنها قالت هالأعترافات الحلوة..طار من السعادة...

طلع الشريط وباسه..صار اسعد انسان بالكون

ام سمر العكس..اتعس انسانة بالكون :(

يوسف والابتسامة لسا شاقة الوجه اخد جواله..دق ع سمر..

سمر بطريق..انتبهت لجوالها يدق حقرت...

يوسف دق مرة ثانية..سمر رفعته..وتكلمت ع طول توا يوسف بيتكلم وهو مبتسم : سمرحبيبتي

سمر: يوسف انتظرني في حديقة بيتكم انا جايه

وسكرت في وجها...يوسف طارت السعادة الي كانت في روحه..ويش فيها سمر استغرب..!!

يوسف نزل..وهو واقف بالحديقة...ويفكر في كلام سمر..

جلس ع الكرسي...افكار توديه وافكار تجيبه..

سمع صوت باب سيارة انفتح وانقفل..

وقف ع طول...سمر مشت للحديقة..شافت يوسف..

يوسف ابتسم لها..مشى لها بسرعه..جى بيحظنها ع اعترافاتها الحلوة سمر دفته عنها..وصفعته كف

يوسف سكت شوي..بعدها قال: سمر ويش فيك؟

سمر فسخت دبله..ورمتها ع يوسف..

يوسف:؟؟

سمر:يوسف..انا راح افسخ الخطبة..لاني كنت غبية لما استمريت معاك

يوسف: سمر شنو تقولي..ويش فيك ؟ انتي مجنونة

سمر: مجنونة...ايه مجنونة..لاني وثقت فيك ..اه ياريتني ماكملت معاك..ياريتني انسحبت بكرامتي...

يوسف: فهميني شنو تقولي انتي..؟

سمر طلعت فيه نظرة: لاتعمل حالك غبي وماتفهم..والكلام الي قلته بشريط..انت تجرحني وبعدها تقول عن حالك صريح وماتفهم...

يوسف وقف منصفع..عرف ان غلط بالاشرطة..

سمر: لاتحاول تكذب وتقول انك بريء..لاني خلاص مابي اسمع منك اي شي

سمر جت بتمشي..

يوسف: سمر.. سمر

يوسف لحقها ومسكها من كتفها..: سمر انا غلطت بشريط..صدقيني انا بالأول قلت كلام..لكن لو كملتي شريط راح تعرفي ان مقلب مني..وكل الكلام كان عكس الي قلته

سمر ماصدقت يوسف ..ولاتبي تسمع ولا هي مستعدة تسمع اي شي

باعدت يده..بقوة بدون ماتطالع فيه...وصعدت سيارة وهي تبكي..

يوسف ظل متجمد مكانه مو عارف كيف يتصرف..انتبه لدبلة سمر مرمية ع الارض..نزل ياخد الدبله وهومو مستوعب سالفه؟؟ سمر بتتركني؟؟

ليش انفعلت كذا؟؟انا كنت امززززح..

يوسف مايدري ان سمر انفعلت لان تفشلت وانحرجت قدام امها وابوها..وهي كانت متأملة ان يوسف يقول كلام غير..مو يفشلها ويقول العكس قدامهم..

Enchanting twins


يوسف دخل البيت وعيونه حمرة..حس حاله وحيد من الحين..فتح باب البيت بيدخل..مايشوف الا ابوه يطلع في نظرة قوية..ومعصبببب حده...يوسف يطلع فيه مستغرب...ابوه تقرب له ومسكه من كم قميصه

ابوه: ليشششش تصرفت كذا ليييش؟ فشلتني مع صاحبي الله ياخدك

يوسف: ابوي...ويش فيك؟ عن ايش تتكلم؟؟

ابوه دفه ع لجدار: لاتعمل حالك غبي..ليش ماقلت من البدايه ان سمر ماعجبتك..كيف تفشلني قدام ابوها كذا

يوسف حاول يستوعب سالفه: طيب ..اتركني

ابوه باعد يده: بسرعه تكلم..

يوسف: في البدايه ماعجبتني لكن بعدها حبيتها..وحاولت اصحح اغلاطي

ابوه: شنو هالمشروع الا يتكلم عنه ابوها..والكلام الي غلطت فيه ع سمررر..تعرف كيف صار موقفي قدام ابوها..اتصل لي من شوي معصب..

يوسف ((كيف اكتشفوا اهلها المشروع..كيف ماخبرتني..واي كلام يقصد..معقولة شاهدوا الشريط معاها..يوسف انت في ورطة..كيف راح تحل مشكلتك..كيف؟))

ابوه: تكلم ياولدي وريحني..فشلتني حسبي الله عليك فشلتني..اهلها يطلبوا انك تنفصل عنها..تكلم وريحني( ابو يوسف كان منفعل مرة)

يوسف: انفصل؟؟؟؟؟؟..مستحيل..انا لايمكن اترك سمر

ابوه: شنو تقول انت..البنت ماكنت عاجبتك..وتغلط عليها بكلام بايخ مثل وجهك..والحين تقول مابتتركها..مجنون انت

يوسف: انا ماقصدت الكلام..انا كنت امزح..والكلام مقلب..

ابوه: ياولدي..عارف انت كم عمرك؟..كيف تمزح في هالأمور..انت متى راح تكبر؟

يوسف: ابوي..انت ماتعرف كل السالفه..

نتــــــــــــــــــــــرك يوسف

Enchanting twins


ياسر طلع من المنتجع..شاف رندة تمشي بتدخل..ياسر وقف في طريقها

رندة تطلع في ياسر..وتحس قلبها يدق بقوة من تشوفه..ياسر يتكلم بهدوء وحزن..

ياسر: رندة ..الخطبة الي سمعتي عنها مو حقيقية..

رندة دفت ياسر ماتبي تسمع..ياسر مسكها من يدها

ياسر: رندة طالعي في عيني..

رندة مباعدة عينها ماتبي تطالع فيه

ياسر: رندة طالعيني..

رندة بهدوء طالعت فيه..شافت نظراته مركزة عليها..رندة ارتبكت من نظراته الجادة شافت في عيونه كلام ماقدرت تفهمه..

ياسر: انتي توثقي فيني؟..معقولة انا اكذب عليك وماحبك..وكل الكلام الي قلته لك كذب؟؟..رندة انتي تعرفني لايمكن اكذب

حط يده ع اذنها..الي فيها ((الحلق)) نفس الحلق الي عطاه وياها في عيد ميلاده..

ياسر: يعني واحد مايحبك..ممكن يذكر عيد ميلادك كل سنة..!!

رندة دمعت عينها..ياسر ينتظر ردها..

رندة حبست دموعها الي كان واضح انها بتطيح..باعدت يد ياسر

رندة: ياسر..لاتحاول..انا راح اصير على ذمة رجال غيرك

ياسر فتح عينه بقوة..: رندة شنو تقولي..فهميني؟

رندة ..: راح يتقدم الي دانيال..وبعد اسبوع حفلتي..راح اعملها بالمنتجع

ياسر..خلاص حس حاله بيجن: رندة لاتمزحي معاي..انتي مجنونة؟

رندة عصبت : لا مو مجنونة..

ياسر: انا ماراح اوفق ع الي تعمليه..ولا راح اسمح لخطبتك تستمر

باعد رندة بقوة ومشى عنها..

رندة لحقته توقفه: من هو انت عشان تخرب حياتي..انت ماتبيني لاني بنت شوارع غيرك يبيني..ياسر ماراح اسامحك اذا منعت زواجي من دانيال

ياسر دار ليها معصب: من الي يقول اني مابيك عشان كلامك السخيف..ودانيال من متى تعرفيه اساس ترتبطي فيه..رندة بليز لاتطلعيني من طوري بتصرفاتك الطايشة..

رندة: مالك خص من متى اعرفه..انا راح اتربط فيه وانتهى الموضوع

رندة مشت عن ياسر..

ياسر تضاايق من كلام رندة الي صفعه..رندة مجنوونة كلمة مجنونة قليله في حقها...>_<,

ياسر طلع من المنتجع..صعدت سيارته وهو معصب..طلع في جواله..شاف عشر مكالمات..ثنتين من جدته اربع من امه واربع من ابراهيم..

كان رامي جواله بسيارة..

تأفأف..شنو يبوا منه...دق ع جدته

من اول رنة رفعته

جدته: وينك فيه؟ اختفيت لما قلنا نبي نشوف زوجتك؟

ياسر: الظروف منعتني..خلاص اليوم بجيبها لك

جدته : اذا كذبت عليي وماشفتها..ياويلك..

ياسر: خلاص قلت لك اليوم بجيبها

جدته: استناك ع العشا

ياسر: طيبببببببببب

سكر من عندها..ودق ع ابراهيم

بس مالقى رد منه..دق ع امه

امه: ياسر ليش مارجعت الفيلا امس

ياسر: كنت مشغول..انتي تعرفيني اذا مشغول مارجع

امه: طيب..متى بنشوف زوجتك المصون؟

ياسر: يالله..اليوووووووووم..ع العشى

امه: ياسر لاتفكر اني راح انسى الي عملته بسهولة..بصراحه ماتمنى زواجك يتم من هالبنت..لاني كرهته من الحين

ياسر تأفأف" ماتوقع يتم اصلا..جدتي هي الي راح تقرر

امه: وليش مو انا..انا امك واحق منها في اختيار زوجه لولدي

ياسر: تعرفي جدتي هي الامر وناهي في البيت

امه: حتى ولو..انا راح اتدخل هالمرة

ياسر:امري الى الله

سكر من عند امه..وتحرك بسيارته..وهو يفكر في مليون شغله

Enchanting twins

وصل عند بيت يارا

نزل من السيارة..دق باب بيتهم..سمع صوت يارا

يارا: مــــــــــن؟

ياسر: انــــا ياسر..

يارا استغربت ليش جاي؟..

فتحت له الباب..ياسر طلع في يارا واستغرب من شكلها بدون نظارتها الطبية..وقاصه شعرها وتاركته مرمي ع كتفها..لابسة بلوزة حمرة طويلة..وشورت ابيض..شكلها صاير غير..وقف مثل لمفهي يطلع فيها

يارا هالفترة كانت مرتاحه لان المضايقات وقفت..فقررت تنسى كل شي قامت قصت شعرها..

يارا : ماراح تدخل..؟((وهي منقهرة من نظراته لها))

ياسر انتبه لحاله..: ايوة..

ياسر دخل..وجلسوا بصاله بيت يارا..

يارا جلست بملل تنتظر ياسر يتكلم..ياسر مو عارف كيف يقنع يارا الحين

يارا: ياسر..ليش جاي؟

ياسر: اولا..أشكرك ع مساعدتك لي

يارا: لاتشكرني..هذا بس كان رد للمعروف الي عملته..مابي اصير مديونة لك بشي..(قصدها لما ساعدها وطلعها من سيارة صالح)

ياسر: اوكيه... ثاني شي..ممكن تجي تتعشي مع اهلي اليوم جدتي تبي تشوفك

يارا: هاااااااا؟؟ ماتوقع انك تبي تعترف بخطبتنا قدام العالم..واني مايهمني هالشي اصلا..ولا ودي اعترف فيها بعد

ياسر تنرفز: يارا..من قال هالكلام..لما ماخبرت اصحابي كانت مفاجأة بس

الحين لازم تجي..جدتي راح تزعل..

يارا: ياسر اسمع..انت تطلب كثير..

ياسر: انا ماطلبت منك الا هالمرة بس

يارا: امم.. مادري من الي قال راح يعلمني كيف ادافع عن نفسي ولا شفت شي بعدها

ياسر: انتي شوفي فيسي بس..وتعرفي اني كنت معذورر

يارا طلعت فيه بنص عينها ..: اوكيه

ياسر: راح اعلمك اليوم اذا تبي؟

يارا: جـــــــد؟

ياسر: اكييييييييد..بس بعد ماتشوفي جدتي

يارا تفكر...:ماودي

ياسر: الله يخليك يارا..جدتي من امس تتكلم تبي تشوفك

يارا رحمت على حاله: اوكي بس نص ساعه وارجع

ياسر فرح: مشكورة..مشكورة يارا

يارا مستغرب من ردة فعل ياسر..الظاهر الضرب اثر فيه..حست مو ع عادته..هادىء ومنكسر غروره شوي

يارا جلست معاه..ومالها نفس تسولف وياه..كان ودها تقوله يطلع..لانها جد تكره..وماتحب تشوفه لانها تذكر صالح ع طول..وتذكر كيف عذبها..

يارا ظلت تغير بتلفزيون تبي تنشغل اساس لاتسولف مع ياسر وتأشر له ان يطلع..ياسر حس ان يارا الى لان حاقدة عليه وماتتحمل منه اي كلمه

ياسر : يارا..راح اقول لك شغله بسيطة

يارا بدون ماتطلع فيه: امممم

ياسر متنرفز تكلمه بدون ماتحط له اي اهتمام..طنشها..: لما نروح لجدتي..راح تشوفي امي

يارا وهي تغير: سلمى تقصد؟

ياسر: لا..سلمى زوجة عمي ثانية..فلا تتكلمي عنها..لان امي ماتعرف ان متزوج عليها

يارا طلعت فيه : ماشاء الله..شكله انت وعمك نفس النوع

ياسر: شنو تقصدي؟

يارا: اممممم الي في بالك

ياسر: اففففففف..انزين ليش ماتطلعي فيني وانتي تتكلمي..

يارا:............

ياسر تقرب لها..وحط يده ع وجها يجبرها تطالع فيه..

يارا انقهرت..وظلت تطلع في عينه بنظرات حقد...ياسر توتر من نظراتها..

وجها كان قريب لوجها...

ياسر بصوت هادىء: ليش تطالعيني كذا؟

يارا باعدت يده,,,: وكيف تبيني اطالعك بعد معاملتك زفت لي

ياسر : بس ..انتي

يارا: لاتفتح سالفه من جديد..لاني مو مستعدة اسمع اي تبرير

ياسر: ...

ياسر يفكر جد حقدت عليه..سند راسه ع الكنبه..وهو يفكر في رندة..حس بين رندة ويارا تشابه..طلع في يارا الي كانت تطالع تلفزيون وبالها مو معاه اصلا..ياسر حس حاله يشوف رندة..من التعب سكر عيونه ونام..

يارا بعد نص ساعه استغربت من هدوء ياسر..سرقت نظرة عليه..بس طولت لانها انتبهت انه نــــــــــام 0_0

عصبت..ماتبي ياسر ينام في بيتها..لانها ماتحبه اصلا. .. تقربت له بعصبية..تصحيه

يارا وهي تهز كتفه: ياسر..ياسر..

ياسر تعبان حيييييييييييييييييييييل مانام من الالم امس..تعب وقلة اكل ونوم..

يارا تهزة بقوة اكثر: ياسر..ياسر..

ياسر ماقعد اذا ينام وهو تعبان مستحيل يقعد..طاح راس ياسر ع كتف يارا

يارا تجمدت..باعدته عنها بقوة وكنها منفرقة..و وقفت..متوترة..

طلعت في ياسر..تكرها..ماتحبه اصلا..طلعت من الصاله راح تجلس في غرفتها الين مايصحى بنفسه..

جلست ع سريرها..وهي تطلع بساعه..كانت سبع ..ماتعرف متى بيصحى ..ولا همها..راح تتركه مرمي بصاله..احسن لها ماتبي تتعرف ع عائلته..

بعد سااعه..دق جوال ياسر مرة ومرتين وثلاث..ولا صحى..>>>>. نومه ثقيل

دخل جواد البيت..وهو ينادي ع يارا..انتبه لياسر نايم بصاله استغرررررررررررب اول مرة يشوف خطيب اخته موجود

دخل نزار البيت ورى اخوه..وفي يده الكورة

شاف جواد داخل صاله..

نزار: جوادووووو ويش فيك

جواد: مو هذا ياسر .. خطيب اختي ؟

نزار: اييييييييه..في مرة شرى الي هدايا بس ماخدتهم لان يارا مارضت>>>>لسا باله في الهدايا ^_^

جواد: كيف نايم كذا بصاله..وين يارا.؟

نزار : مادري

جواد: بصعد بناديها

جواد صعد..نزار يطلع فيه..الا دق جوال ياسر مرة ثانية

نزار: هي انت..جوالك يدق

يحرك في ياسر..ياسر وكنه حس ان احد يقعده..باعد يد نزار بقوة..منزعج يبي يكمل نومه

نزار يصرخ: جوالك يدددددددددددددددددددق

ياسر ولا حس..نزار عصب وقام دقه بالكورة ع راسه..

ياسر صحى: ايييييييييييييييييييييييييييييييييييييييييييييي

نزار: هههههه

ياسر عصب سحب نزار من يده..: انت ليش تدقني؟


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -