رواية لص في متاهات العشق -28
نزار: جوالك يدقيارا نزلت مع جواد..
ياسر: ها..جوالي؟؟وين يارا؟
جواد : هذه هي
يارا انقهرت لم سأل عنها..وهي متكفة: نزلت
ياسر يطلع بجواله..وقف لها: جدتي دقت عليي تبينا نروح لها..سوري نمت بدون ماحس
يارا بدون نفس: عادي..
ياسر : انتي البسي عبايتك اساس نروح لها ع طول
يارا ودها ترفض بس مو قدام اخوانها..ابتسمت( بتكلف)..
ياسر : انا بروح شقتي ابدل ملابسي وبجي لك ع طول
يارا: اوكيه
وتركتهم..ياسر دخل جواله بجيبه..جواد ونزار يطلعوا فيه مستغربين
ياسر تفاجىء من نظراتهم: شفيكم؟
جواد: اول مرة تجي بيتنا؟
ياسر تلعثم: لا..بس انا مشغول كثير..عن اذنكم بطلع
ياسر طلع..وقف جنب سيارته بس ماركبها..العمارة الي ساكن فيها قريبه لبيت يارا..ركض لشقته..بدل ملابسه..وتكشخ..وحاول يخبي الضربات الي في وجها..صحيح ياسر انضرب بس لسا وسيم هع
وقف جنب المرايا شوي..وذكر رندة..حس اعصابه تفور من جديد..وهو مصر يخرب عليها كل شي..اخد مفتاح سيارته ونزل بسرعه
وصل لسيارته..وهو يدق هرنات ليارا..يارا طلعت..وهي محتارة تجلس وين؟ ماتبي تجلس جنب ياسر..لان هالشي مايعجبها
ياسر عصب فتح الباب الي جنبه: دخلي يالله
يارا جلست بدون نفس
ياسر:لهدرجة حاقدة عليي
يارا ماردت..لان الجواب معروف
ياسر كمل الطريق وهو ساكت...يارا ظلت ساكته..ماتبي تفتح معاه اي سالفه
ياسر : انتي هادئة كذا ع طول؟
يارا: لا بس مع الاشخاص الي مارتاح الهم
ياسر عصب من ردها القوي..: يارا..ليش انتي حاقدة كذا? انا عارف اني غلطت لكن مالي خص بصالح..وانا كلمته ماياذيك مرة ثانية
يارا عصبت: انت ماتعرف شنو عمل الي..عذبني..طوال ثلاث سنوات يلاحقني..صرت ماحس بالأمان في اي مكان..وتبي ردة فعلي تكون طبيعية..انت ماتحس
ياسر استغرب من انفعالها حسها جد معانية
يارا ولدموع في عيونها: تمنيت الموت بسببه..
طلعت في ياسر: انا ماعملت له شي..يعني من حق اي بنت تختار شريك حياتها..انا مو مجبورة اوافق ع اخوه..
ياسر عطف عليها: يارا..
يارا تمسح دموعها..: انت ماتعرف اي قد عانيت معاه..فكرت نفسي برتبط بشخص يحسسني بالامان..لكن حظي كتب لي اخد ولد عمه..
ياسر وقف سيارة : بس انا مو مثل صالح
يارا ماتحسه يفرق عنه.. فسكتت..وهي تفكر (رب ضارة نافعه) يمكن بسببه توقف صالح ولا يضايقها..
ياسر نزل من سيارة..وهو يحس يارا ابد ماتتفاعل معاه.. ولاتعطيه وجه..
يارا نزلت سكرت باب سيارة..
ياسر وقف ينتظرها..مشت جهته..ياسر استناها تتقرب له..لما صارت جنبه..حط يده ع نظارتها طبية..ودخلها بجيبه..
يارا: لييييييييش..انا ماشوف صح بدونها
ياسر: انتي كذا احلى..
يارا سكتت..ياسر فتح باب الفيلا..يارا دخلت وراى..
ياسر.. استغرب ماشاف احد بصاله..يارا طلعت في الفيلا متعجبه..حلوووووووووة حييييييييييييييييييل..عائله بطرانة جد
شاف الشغاله سالها وين جدته..قالت له فوق..ياسر رجع ليارا
ياسر: اركبي معاي ..جدتي بجناحها..
يارا: اوكي
ياسر ركب ويارا تلحقه..لما جت بتحط رجلها ع اخر درجة..ماشفت صح كانت بتطيح..ياسر انتبه لها...ومسكها..يارا اختلعت..كانت تسترجع انفاسها..وياسر لسا ماسكها..
رندة طلعت من جناحها..وانتبهت لياسر ويارا..ظلت متجمدة مكانـــــها
يارا تباعدت عن ياسر وشكرته..
ياسر: شكلك جد ماتشوفي..
يارا: قلت لك..اعطيني نظارتي
ياسر ابتسم: لاتحاولي..كذا احلى
يارا: اعطيني وياها..لااطيح مرة ثانية
ياسر: لاتخافي بكون معاك..بعطيك نظارتك لما نطلع
يارا عصبت..ياسر رايق..وهي مايعجبها هالشي
ياسر دار راسه بيكمل طريقه..انتبه لرندة..الا تطلع فييه مصدومــــة..وعايش غراميات مع خطيبته..
يارا شافت ياسر وقف..: ليش وقفت؟
دارت راسها وانتبهت لرنـــدة
يارا: رنـــــدة؟؟
رندة اننتبهت ليارا متفاجأة..ابد ماتوقعت ان يارا نفسها خطيبة ياسر ابداااا..رندة دموعها في عينها..وهي تحس بطعم الخيانة صصصح..
ياسر نزل عينه عن رندة..وحس حاله لازم ينتقم منها ..مسك يد يارا..
يارا تنرفززت منه ليش يمسك يدها
رندة حقرته وعودت دخلت غرفتها ع طول
ياسر مشى مع يارا لغرفة جدته..يارا سحبت يدها من يد ياسر
ياسر تركها..
رندة تحس حالها بحلم..معقولة معقولة يارا نفسها خطيبة ياسر..كيفففف وليش؟..ذكرت لما كانوا بالمنتجع..الدبله كانت ع يد يارا ذاك الوقت..معقولة كانت خطيبته في هالوقت..مع انهم تهاوشوا بقوة..
ذكرت صورتهم بالحديقة..وعرفت ليش ياسر انفرد بيارا شوي
الظاهر كانو يتفقوا ان يخبوا هالشي عنها..
رندة تفكر..بس ماشفت نظرات حب بين ياسر ويارا بالعكس حقد وكره..هي تعرف ياسر لما يحب..*لحظة رندة اذا انتي تعرفي ياسر يحب..يعني ياسر كان يحبك؟؟ ..اووه انتي لسا غبية ومخدوعه وتفكري يحبك؟..
عودت لها صورة ياسر ويارا من شوي..وبضبط ملامح ياسر..كان يبتسم من قلب..رنـــــــــدة ياسر راح ينساك..مالك احد بعده يدافع عنك
جلست ع السرير تبكي..وحقدت ع يارا انها خطيبة ياسر..مارح تظل ساكته كذا لازم تتصرف..
Enchanting twins
ياسر دق باب جناج جدته..فتحت الشغالة
دخلوا ياسر ويارا..ياسر جلس ع الكنبه واشر ليارا تجلس
جلست وهي تطلع بالمكاان..
ياسر ابتسم: كنك اول مرة تشوفي مكان كذا
يارا استحت : اي اول مرة ..شنو فيها؟
ياسر: مافيها شي..
جدته تمشي بهدوء..ياسر جمدت ملامحه وهو يطلع في جدته..يارا كانت تطلع فيه ..دارت وجها تطلع في جدته..
كانت طويلة..ومبين عليها عايشه في عز..فماهي مثل العجايز الباقي بالعكس كاشخه..وتحاول تبين انها اصغر من عمرها..رغم انه التجاعيد مبينه في ملامحها..ملابسها كانت كشخه مرة..يارا نفسها ماتبلس كذا..يارا وقفت ومدت يدها تسلم عليها..مريم طلعت فيها من فوقها لتحتها..يارا ارتبكت من نظراتها فكرتها ماتبي تسلم عليها..حبت تحرج جدة ياسر اكثر..تقربت وحبت راسها..ياسر ابتسم ع تصرف يارا فشلت جدته..
جدة ياسر استحت مرررررررررررة..وتوترت من تصرف يارا
يارا ماعملته هالشي عشان تكسب رضاها كان قصدها تفشلها ..جدة ياسر فهمت العكس..وبكل الحلاتين راح تتفشل
مريم: ششنو اسمك يابنتي؟
يارا: يارا..
مريم جلست ع الكرسي..ويارا عودت مكانها
مريم: انتي عارفه ان ياسر خبى علينا خبر خطوبته منك؟
يارا ارتبكت من سؤالها..: ايه عارفه
ياسر ماتفق مع يارا اي شي غير سالفه سلمى..
مريم: شنو رايك بتصرفه..؟
يارا حست حالها في مقابله..مالقت غير انها تجاوب بصراحه..ياسر حاول يدخل جدته طلعت في نظرة..
يارا: طبعا ماعجبني..اي وحدة مكاني هالشي مايعجبها..
مريم: انتي ناوية تستمري معاه؟
يارا : هاااا؟؟
مريم: ناوية تستمري معـــــــــــــــاه؟؟
يارا:.
الفصل 16
يارا : انا..
توها بتتكلم..وياسر ينتظر جوابها هو وجدته..انتبهوا ان باب الغرفة انفتح..
يارا + ياسر+ مريم..داروا راسهم..يطلعوا في الي دخل..
: جدتي..ودي اقول لك شي
مريم: رنـــــــــــــدة؟؟
رندة ركضت لجدتها متجاهلة وجود ياسر ويارا
رندة جلست جنب جدتها وهي ماسكة يدها..
مريم: بنتي الوقت مو مناسب نتكلم..الحين انا مع ياسر و زوجته
رندة عصبت: بس الموضوع الي بقوله مهم
مريم طلعت في يارا...:اسمحي لي بنتي دقيقة شوي اتفاهم انا ورندة
رندة: لا ماراح نقوم من مكانه لازم الكل يسمع
مريم مستغربة من تصرفات رندة: قولي
رندة: اليوم راح يجي شاب يتقدم لخطبتي
مريم: هاااا؟؟؟؟
يارا تفاجأت...ياسر تضايق وكشر..وقام يحرك رجله بقوة..
مريم: من هذا؟
رندة: راح يجي يتعشى مع عمي ابراهيم انا قلت لعمي..وهو وافق وقال حياه البيت بيته
مريم: انتي تعرفي من اي عائله؟
رندة: ايييه من عائله محترمة..وراقيه..وبطرانــــــــــه (تعمدت تشدد عليها اساس تحسس يارا انها مو مثلهم)
مريم: والله فاجئتيني..بس دام ابراهيم وافق مافي اي مشكلة خله يجي نتعرف عليه
رندة فرحت وحبت راسه جدتها..
ياسر: جدتي مو كنه رندة مستعجلة..انا ماراح اوفق ع خطوبتها
رندة عصبت: انت مالك دخل..والله تزوجت وماتبي غيرك يتزوج
ياسر: الزواج مو لعبه..وتشوفي لك اي واحد من طريق وتقولي تبيه زوج..اعقلي رندة
رندة: ياسر احترم حالك..وماسمح لك تغلط ع دانيال
يارا تطلع فيهم مستغربة..ليش كل هذه الهوشة؟؟
مريم: ياسر..ع الاقل رندة ماخبت علينا..وانا احترم رغبتها..واكيد احنا ماراح نسلمها لاي واحد..راح نعرف اصله وفصله
ياسر تأفأف..وحط يده ع خده مايقدر يتكلم..رندة فرحت..مشت بدلع وهي تطلع في يارا نظرة حقد..يارا طلعت فيها بقوة..وطنشتها
رندة سكرت الباب..
Enchanting twins
مريم:اســـــــــفة ع الازعاج يارا..نكمل سالفتنا..
يارا بلعت ريقها...: اوكي
مريم: انتي تبي تستمري معاه؟
يارا تقول في بالها (لا مابي..وانا ماحب ياسر..ولا راح احبه..بس ماعندي الجرأة اقول هالشي..)
يارا: اذا الله كتب نستمر راح نستمر..
مريم حست جوابها غامض..وماتبي تتكلم...
الشغاله جت لهم ..وقالت لهم العشى جاهز..
جلسوا ياسر ويارا في جهة..ومريم في جهة
دخلت ام ياسر سلمت عليهم..وطلعت في يارا بنظرة تفحصها..يارا تضايقت من نظراتها حست ام ياسر مغرورة مرة وشايفة حالها جلست جنب مريم
يارا مارتاحت ابد تحس الكل يطلع فيها
شوي دخلت رندة ..جت وجلست جنب ياسر من الجهة اليمين
ياسر ارتبك..حس رندة ناوية ع شي..
يارا فجأة حست بحركة من تحت الطاولة..خافت..مسكت كتف ياسر بدون ماتقصد..: ياسر..في شي تحت الطاولة..
ياسر تطلع تحت الطاولة انتبه لجوفانا..: اوو جوفانا
يارا: جوفانا؟
ياسر نزل لها وحملها...: هه لاتخافي منها هذه حق اختي
دخلت نسرين :جوفانااا
تقربت لياسر وواخدتها بقوة..دارت وابتسمت ليارا: اوو انتي زوجة اخوي العفن
يارا: ايه !!!
نسريين/ واااااااااو حلووة..شرايك جدتي..حلوة صح..احلى بنت شفتها بحياتي
الكل متفاجأ من رد نسرين...اصلا هي حبت تبالغ اساس تقهر رندة
نسرين: الحمدالله انك صرتي من نصيب اخوي ولا بنت ثانية
يارا ساكته وهي مو عاجبها الكلام..تمنت العكس..قالت بدون نفس: شكرا
نسرين: كل يوم تعالي النا البيت اوكيه؟
رندة خلااااص مو عاجبها الوضضع..واصله حدها
نسرين سحبت يارا وجلستها ع الكرسي وجلست جنبها
ياسر فاهم حركات نسرين..جلس بدون مايقول ولا كلمة
ام ياسر متفاجأة من ردة فعل بنتها..مريم ع نياتها استانست ان نسرين ارتاحت ليارا..اول مرة تشوف حفيدتها خيرة
ابراهيم دخل..الكل سلم عليه..انتبه ليارا ابتسم الها..وهو يفكر (اخيرا ياسر تحرك..وبدى يعيش بنت صاحبه في الاجواء..فقام يبين اهتمامه ليارا
لما بدوا عشا
ابراهيم: بنتي يارا..اي شي تحتاجي قولي..لاتستحي..وياسر ماراح يقصر معاك
يارا : مشكور
مريم استانست ع طيبة ولدها المفاجئة..:يارا..انا ارتحت لك كثير..شكله ياسر عرف يختار..
يارا : تسلمي
ياسر ياكل العشا بدون نفس..
رندة فيها غصة..بتبكي..اليوم اسوء يوم بحياتها..
ابراهيم: رنود..متى راح يجي الشاب الي قلتي لي عنه؟
رندة: اممم..بعد شوي..
ياسر كان بيتكلم..ابراهيم قاطعه: اهم شي يعرفه ياسر
ياسر : ها ؟..لا هو صديق وسام
ابراهيم: كم عمره؟
ياسر: 22 يدرس بأمريكا..ومن عائله محترمة
ابراهيم: راح نسال عنه اكثر
ياسر تضايق..بعد مانتهى العشا ..ياسر ويارا طلعوا
يارا دخلت السيارة وتنفست ببقوة
ياسر ضحك: ليش هالنفس الطويل؟
يارا: احس ماخدت راحتي..الكل يطلع فيني..كني مراقبه
ياسر: شي طبيعي لانك زوجتي
يارا انقرفت من كلمة زوجتي..وحستها قوية بحقها
ياسر: يالله الحين بنروح شقتي؟
يارا خافت انها بتروح معاه شقته: ولييييييييييش؟
ياسر: نسيتي بعطيك الدرس الاول ^-^
Enchanting twins
نروح لبريتيييييييييييييييي لانــــــــــــــــــــــــــــــــــــــد
المنتجغ صاير هادىء بدون رندة وياسر
نور وهي حاطة يدها ع خدها..: في شي بين رندة وياسر
وسام جلس جنبها: اوافق نورو في كلامها
عماد متحطم مرة وجالس وهو حزين لان تأكد ان رندة ماتحبه
وسام يقول لنور بصوت نزيل: ويش فيه عمادو متحطم؟
نور وهي تساسر وسام: اليوم اكتشف ان رندة ماتحبه
وسام : اظن هالشي واضح من زمان ^_^
نور: ايه بس ماتضر المحاولة
وسام: يالغبية ..ليش تخلي يحاول وتعطيه امل
نور: يالعبقري..المحاولة تخليه يتاكد انها ماتحبه
وسام: اهااااااااااااااااااا
نور: شفت كيف انا عبقرريه
وسام يضحك عليها
عمـــــــــــــــاد وراهم معصب: تتكلمـــــــــــــــوا عني
نور +وسام صاروا كذا 0_0 لاابــــــــــــــــــــــــدا
انكارهم بس ..يخلي يتأكد انهم يحشوا فيه ^_*
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك