بارت جديد

رواية شرع ربي ولا اعتراض -52


رواية شرع ربي ولا اعتراض - غرام

رواية شرع ربي ولا اعتراض -52

محمد/قالت لي لاتعلق بنت الناس بشي انت ماراح تسويه يامحمد..وقعدت احلف لها اك غير وان احنا مع بعض صار لنا فوق الثلاثة شهور واني ابي اخطبك بس تبعل لظروفك مابقدر اخطبك الا برمضان....
فوزية/وش قالت...
محمد/قالت لي ودها تتعرف عليك...
فوزية/ههههه
محمد/بجد...
فوزية/مدري احس اني منحرجة وكاني بعرف ناس توني اتعرف عليهم مو بنات خالي!!!مدري يامحمد انت وش تشوف...
فهد/اقول بابا سارة بكرة بنطلع نتغذى انا وانتي بعد ماتجين من المدرسة طيب...
لمى/وليش سارة يابابا مو كلنا!!!
سارة/وانتي وشعليك؟
فهد/علشانها الكبيرة...
فيصل/طيب انا الصغير...
نجلاء/وليش بعد ها الطلعات برى عندكم الطباخ وقولوا له يسوي لكم اللي تبونه؟
فهد/لا انا عازمها برة بالمكان اللي هي تختاره
سارة/ياااي...
لمى/بابا انا متى راح تعزمني؟
فيصل/وانا بعد متى بتعزمني؟
فهد/كل اسبوع بعزم واحد واطلع انا معاه طيب...
سارة/أي موافقين....
فهد/طيب وش رايكم نروح المزرعة ها اليومين...
نجلاء/وش نسوي فيها عاد !!!
فهد/انتوا ماتبون تروحون؟
فيصل/بلى نبي..
لمى/أي من زمان مارحنا...
فهد/خلاص بكرة تقررون متى تبون تروحون طيب...يالله اللحين تصبحون على خير وكل واحد على فراشه..
سارة/يالله قوموا كل واحد سريره..
فهد/يالله سمعوا كلام اختكم الكبيرة؟
سارة/سمعتوا انا اختكم الكبيرة....
فهد/بتوصلكم على غرفكم وبتتطمن عليكم وبتروح بعدها غرفتها....
كانت قاعدة بشقتها بروحها وكل شي حوالينها هادى...
رغم انهم مايتفقون واذا قعدوا مع بعض ماتطلع من السالفة الا وخاطرها مكسور بس حاسة بغيابها وبفقدان البيت له..
غمضت عيونها بقوة وهي كاويتها نارها..اليوم ثالث يوم وهو بالبر مع اصحابه..مافكر حتى يتطمن عليها ولايكلمها مرة وحدة من راح وكان فراقها صحيح عيد!!!!
كانت دموعها تنزل بلاتوقف على خدها....
الموت اهون لي من عيشتي معك ياعلي....
أي ذنب هذا اللي ارتكبته علشان استاهل منك ها المعاملة القاسية بس..مسكت جوالها وترددت كثيرا..تبي تحسسه انها مخنوقة وانها متضايقة بس ماهي عارفة ..بالنهاية قررت انها ترسل له مسج واللي فيها فيها...
نجود/ناموا؟
فهد بهمس/أي..
نجود/معك احد..
فهد/لا...
نجود/وشلون استقبالهم؟
فهد/فرحانين ....
نجود/الله يديمك لهم؟
فهد/ان شاءالله
نجود/ونجلاء...
فهد/عادي..كل اللي قالته بعد حمد الله على سلامتك يوم الاربعاء بتسوي عشاء بالبيت لااهلها ويوم الخميس لصديقاتها..يكون يعني عشى السلامة...
نجود/ماعلينا تعرف اني فرحانةانك طلعت بالسلامو وهذا الاهم!!
فهد/ماقلتيلي ليش شوفة بكرة؟
نجود/لشي كان المفروض يكون بعد ماجيت بيتكم بيوم بس الظروف اللي صارت منعت..
فهد/طيب ماممكن اعرفه..
نجود/بلى ممكن بكرة تعال على الوقت بفندق فهد كروان وانت تعرف؟
فهد/وانا شستفدت يوم سالتك؟
نجود بعناد/تعرف اني ماراح اقولك...
فهد/عنيدة..
نجود/طالعة لحبيبي..
فهد/لاوالله انا عنادي تحت عنادكم يطلع ماهو شي....
نجود/قلت لك ان واحد من عيال ولد عم ابوي متقدم لي؟
فهد بنرفزة/وانتي شقلتي؟
نجود بثقة/قلت بفكر...
فهد بعصبية/ياسلاام !!وش تفكرين بعد!!!
نجود/انت ناسي انه تقدم لي وانت وانا بعيدين عن بعض!!
فهد/ولو هذا مايعني انك تفكرين لو كنتي فعلا تحبيني!!!
نجود بخبث/وانت ليش مضايق نفسك..انا قلت فكرت ماقلت وافقت وفي فرق بين الردين!!!
فهد /ولاشي..
نجود/قولها....ودي اسمعها..
فهد بعمق/المفروض انا اللي طالع من المستشفى وانا اللي اسمعها مو اقولها!!!
نجود/لاتخاف بتسمعها..قريب حيل بتسمعها مني!!!!شسويت مع سارة؟
فهد/عزمتها بكرة..
نجود باعتراض/ياسلاام وحضرتك نسيت اني عازمتك؟
فهد/انتي اسمعي بالاول وبعدين تكلمي...عازمها على غذى..وانتي الليل بكون معك؟
نجود/أي فكرت بعد انك نسيت موعدنا...ولاتكثر اكل معها تراني عازمتك على بوفيه مفتوح....
فهد/شوي وتقولين لي لاتروح معها!!
نجود/ههههه ياليت والله!!!شسوي اغار من كل شي يقرب صوبك؟
فهد/صحيح؟
نجود/شلون مو صحيح...
فهد/تعبان يانجود وودي انام بالمستشفى ماكنت انام عدل...
نجود/حط راسك ونام وش اللي مصحيك لها الوقت عاد!!!
فهد/نيميني انتي...
نجود/ياليت ياقلبي يليت..
فهد/شوفي انا بحط راسي وبغمض عيوني وانتي ظلي سولفي وسولفي وسولفي لين انام طيب..
نجود/ولايهمك حبيبي.....اهم شي تنام وترتاح...

كان قاعد قبال النار اللي شابيها بالبر...
وقاعد بروحه بعد ماناموا كلهم...كل شي مضيق خلقه...هوشته مع ناصر ..حس انها كلها غلط بغلط وخصوصا يوم انه رفع يده عليه....بس شيوسي وهو اللي مايعرف طريق الاعتذار ابدا!!قطع عليه افكاره نغمة رسايل واصلة له..فتح جواله وقرا بهدوء شديد...
كانت الرسالة من عبير....
(اقلها اسال علي,,شوف ميت ولاحي,,,ولا الفرح مستكثره,,يدخل بقلبي لو شوي!!!)
مايدري ليش حس بالاحراج والضيق من نفسه بها اللحظات,,,
فعلا وش كان بيخسر لو كلمها طمنها عليه وهي اكيد تحاتيه ولاتقدر تتصل فيه لايغسل شراعها كالعادة اذا كانت مالها أي سالفة بس تبي تتطمن!!!
حس انه قاعد يفكر بعبير بشكل جدي...وبكلام نجود عن لمياء...
من شافها وغيرت حياته وهو مو قادر يلتقيها من جديد ويعرف عن حياتها أي شي..وكلام نجود مردده هل هو صحيح ولالا؟
وعبير....عبير الوردة اللي قاعدة تذبل يوم بعد يوم علشانك ياعلي...وانت ولاانت حاس فيها....
اه منك يادنيا كل مافيك يتعب ويضيق الصدر؟؟؟؟
اليوم الثاني الضهر,,,,
فهد/وهذا المطعم اللي اخترتينه ياسارة...
سارة/اكلهم حلو ..دايم كنت اسمع من ملاك انها تجي هنا مع صاحباتها...
فهد/سارة....انا جاي هنا علشان...
سارة/علشان السالفة اللي صارت صح؟
فهد/لا..علشان نذكر ايامنا قبل...تذكرينها؟
سارة/....
فهد/ايام ماكنتي صغيرة وشيطونة ودايم تبكين وماتبين احد...كنتي بحياتي مرحلة جديدة وماكنت اعرف اتعامل معك ابدا!!لاني اصلا ماكنت متعود اشيل العيال وهم يبكون...
سارة/وكيف قدرت بعدين تتعامل معي!!
فهد/بالصبر....خالتك ام مشاري قالت لي العيال يبيلهم صبر...اذا كنت تحبها وتبيها تحبك لازم تصبر عليها..اليوم زعلانة وبكرة بترضى..اللحين ساكتة وبعد شوي تصيح..ويوم على يوم لين كبرتي ياسارة,,وكل ماكبرتي زاد تعلقي فيك اكثر؟
سارة/ليش؟
فهد/لانك بكل مرحلة تتعلمين تسوين اشياء جديدة؟؟؟تتكلمين بكلمات جديدة وتقلدين الحركات....
سارة/طيب منو كنت تحب بصغره اكثر انا ولا لمى ولا فيصل؟
فهد/كل واحد فيكم له شي مميز...انتي مثلا المميز فيك انك كنتي البداية وعلمتيني كل شي فيوم جوا اخوانك كنت عرفت من خلال وجودك بينا كثير اشياء...
سارة/امممم
فهد/سارة..انتي وش طموحك تصيرين اذا كبرتي؟
سارة/دكتورة...
فهد بفرح/صحيح...
سارة/أي....
فهد/ليش؟
سارة/علشان اذا شفتك تدخن اقوم اعطيك دوا يخليك ماتدخن وتتعب نفسك؟
فهد/.....
سارة/ماراح تصدقني صح؟
فهد/وليش مااصدقك؟
سارة/لان امي قالت لي ان ابوك عازمك اليوم علشان يهاوشك على اللي صار بس بيبدي معك بهدوء وبعدها بيوديك عند اخته ام مصعب؟؟صدق؟؟
فهد لحظتها تمنى فعلا نجلاء تكون موجودة علشان يذبحها وحس انه هاج وبيبدي يتكلم بعصبية بس تذكر كلام نجود له قبل شوي بالسيارة وهي تقوله لاتعصب معاها ابدا وخلك هادى علشان تكسبها..
فهد بهدوء/اولا ام مصعب عمتك...واذا رحتي زرتيها ولاتعلمتي منها أي شي فهذا موعيب..انا مازلت اتعلم من اخوي بو مشاري شغلات مااعرفها...
سارة/؟...........
فهد/وبعدين مو لازم يكون كلام امك صحيح واني جاي اتهاوش معك صح ولالا؟
سارة/............
فهد/انتي تشوفين ان احنا جاين نتهاوش؟
سارة/مدري..اخاف بعد شوي....
فهد/بابا سارة سمعيها مني...بالنسبة للي صار ماكان الموقف حلو بس ودي اقولك شي....انا عارف ان في بعض الاحيان الانسان يقول شي ولايسوي شي يمكن مايقصده ,,يمكن يفلت لسانك وتتكلمين بكلمة جارحة ولاتسوين حركة ولاابتسامة ولااي شي تنرفز اللي حواليك,,لكن صدقيني الضماد الوحيد والنقذ بها الوقت يكون الاعتذار,,,أي الاعتذار اللي ناس كثيرة تشوف انه صعب وماينطقونه...يمكن انتي غايب عن بالك شي ياسارة,,ترى لمى تعتذرين لااحد وانتي لطانة تكبرين بعينه ويكبر احترامك وقدرك عنده ..يابنتي ياسارة اعتبري انك تمشين بخط الحياة ومئات الناس تمشي معك وداست رجلك بالخطا على رجل انسان يمشي جنبك,,,اذا مااعتذرتي منه بسرعة وان الشي صار بغير قصد منك راح تتفاجئين ان بزحمة الناس اللي يمشون الاف الناس بتدوس عليك وبدون ماتعيرك أي اهتمام!!!
الليل بفندق فهد كروان..كان العشى على المسبح مع رذاذ مويه مرة رهيب...والبوفيه شكله مغري لاابعد حد...والاهم ان المكان كان هادى ومافيه زحمة....
نجود/اول شي حمد الله على سلامتك..
فهد/واللي قبل اول شي وش ها العباية ؟
نجود/وش فيها؟
فهد/مو كانها مخصرة؟وين راحت عبايتك؟
نجود/ثالث شي لاتخرب الليلة باشايء تافهمة ملها أي معنى؟
فهد/رابع شي من قال مالها أي معنى؟؟بالنسبة لي تعني لي الكثير...؟
نجود/انت مو شايف الناس وش تلبس؟
فهد/وانا وش يجبرني البس مثلهم!!
نجود/طيب..في هذا غلبتني..ماراح البس لك ها العباية مرة ثانية وفضها سيرة..
فهد بتاكيد/ماراح تلبسينها اصلا لامعي ولامع غيري!!!
نجود/هذا طلب؟
فهد بثقة/لا..هذا امر؟
نجود/..............
فهد/خلصنا..يالله وش له عازمتني؟
نجود/غمض عيونك لثواني...
فهد/وش له بعد؟
نجود/طيعني...
فهد/وش اغمض عيوني مااعرف...
نجود بدلال/حبيبي يالله ثواني بس....
فهد/نجود بلاحركات المراهقين وش غمض عيونك بعد!!وش سالفتك انتي اليوم؟
نجود بنفس الدلع/خلاص بطلت بقوم من الفندق بكبره اذا ماتغمض عيونك..يااخي ثواني بس ...
فهد باستسلام/امري لله وانا اقدر اجاريك بعد وكل شوي وهددتيني بزعل وبقوم...
غمض عيونه ورفعت العلبة الحمرة اللي كانت جايبتها من الكيس وفتحتها وحطتها قباله...
فهد/خلاص افتح عيني..
نجود/افتح عينك...
فتح عينه وهو يناظر فيها مباشرة بدون مايناظر بالطاولة..
فهد/وش اللي صار بها الثواني اللي غمضت عيوني فيهم!
نجود بثقة/سلامتك ولاشي بس حبيت اشوفك وانت مغمض شلون تكون ..
فهد باندهاش/بس!!
نجود بلامبالاة/أي..وبصراحة منت وسيم مرة مثل وانت صاحي!!!
فهد هز راسه وهو محتقر الفكرة من اساسها وجا بيشرب من كاسه وانتبه على العلبة المفتوحة واللي كانت ملايانة ورد احمر طبيعي...
وبوسطها علبة ساعة...
ناظرها باندهاش...وبدون مايتكلم,,,
نجود بحب/كل عام وانت بخير..عارفة ان الاحتفال تاخر شوي...وكان المفروض يكون يوم الثلاثاء اللي فات بس ماكان ذنبي!!!
فهد/..............
نجود/ان شاءالله تكون على ذوقك عاد!!
رفع علبة الساعة وفتحها وهو يقول بسخرية/ساعة روليكس بعد!!مشاءالله ..انتي منو جايبة قيمتها؟راتبك كامل خمسة شهور مايجيبها..
نجود/ياسلااااام!!!
فهد/لايكون بس ماخذة سلفية من البنك على حساب انك تشترينها؟........
نجود بدلع/سلفية...سارقتهم ..مو شغلك المهم انها تعجبك وبس!!
ناظرها بجدية وقال بحنان/تعرفين ان هاذي اول مرة احد سحتفل بعيد ميلادي!!!ولامرة بحياتي حتى يوم كنت صغير مااحتفلت فيه ابدا!!!
نجود تقربت منه وقالت بهمس/هذي بداية حياتنا يافهد وبتشوف كيف تتغير حياتك معي..انت بس عطيني الامان بقربك وانت بتحب حتى لحظات هدوئنا مع بعض..
فهد/مو عارف شقولك يانجود..فعلا فاجئتيني ولاكان في بالي انك ممكن تذكرين ها اليوم وانتي ماعشتي معي غير وقت قصير,,
نجود باصرار/قلتها لك قبل وبعيدها لك مرة ثانية في ناس تعيش العمر كله بقربهم وماتحس باي شي..وفي ناس تعيش معهم بس يومينوتحس بكل شي؟؟
فهد حط علبة الساعة مكانها ورفع يد نجود لعنده وظل يناظر بيدها وهو بقمة الهدوء والشرود..كان يفكر بكلامها وتصرفاتها ..فعلا هي قاعدة تغير بحياته كل شي....
وعلى قولتها هاذي البداية,,,يعني معقولة بكرة اذا تزوجوا بتريحه اكثر من ها الراحة اللي يعيشها كل ماسرقوا من بعض كم لحظة!!!
ماانتبه الا وصوتها يناديه...
رفع راسه ولقاها تناظره باهتمام..
نجود/وين سرحت انا اكلمك؟
فهد/كنت افكر فيك...ليش شكنتي تقولين...
نجود/بكمل الهدية وبغني لك؟
فهد باهتمام واضح/يابختي...بصوتك راح تغنين لي!!
نجود/أي وليش انا عندي اعز من صوتي ولااغلى منك !!!
يوم الاربعاء...
نورة/اقول لبسوا شيلاتكم ناصر يبيكم بسالفة؟
لبنى/اوووووف ويدخل ليش يتكلم من وراء حجاب؟
جواهر/قوله يختصر بيركبون شقتنا يشوفون الصبغ؟
ام ناصر/كلكم على ولدي اسم الله عليه؟
مضاوي/ههههه
عبير/خليه يدخل يانورة ...حرام واقف بالبرد....
نورة/ادخل نويصر..
ناصر/احم احم..نويصر بعيونك..
هنوف/ههههه
ام محمد(ام جواهر)/هلا وغلا بالمعرس..
ناصر/هلا خالتي..زليش خطبتيلي علشان اصير معرس؟
ام علي/انت بس قول نويت والعروس لاتشيل همها يمه..
ناصر/زين يصير خير ارتب اموري بس...
ام بندر/وش ها الامور اللي دايم تتحججون بترتبونها؟
نجود/يااخي اختصر وش تبي؟
ناصر/أي...المهم انا مجمعكم يابنات وياحريم ويامراهقات..
هنوف/اعترض؟؟مين المقصود بالمراهقات!!
ناصر بثقة/جواهر ونجود..
هنوف/طيب كمل..
جواهر/ههههه أي كمل انتي بعد..وش انا وصديقتي مراهقات..
ناصر/يااخي خربتوا خطبة الشيخ ناصر!!
لبنى/كمل ياولد عمي ماعليك منهم انا اسمعك..
ناصر/أي....انا مسوي لكم مسابقة...
ام علي/وش مسابقته بعد ياناصر؟
ناصر بثقة/مسابقة احسن طبخة؟
هيا/شنو؟
ناصر/أي مسابقة احسن طبخة..كلكم مشتركين بالمسابقة غصبا عنكم..
لبنى/لاوالله عدل!!
ناصر/ولكم تطبخون اكثر من طبخة في حالة انكم تحسون انكم قادرين مو تلفيق وشغل حيا الله!!
جواهر/ومتى ها المسابقة لاتقول لي بعد ساعتين!!
ناصر/لا ولو اعرف الحريم وعيارتهم هذا ناقص الاغراض ماهي كاملة مدري شنو؟المسابقة بتكون عندكم ان شاءالله ليلة بكرة...كل الاطباق بتنحط بمجلسنا وفيه لجنة حكم بتعرفونها بعدين...
ام بندر/وفيها هدايا ياناصر؟
ناصر/أي فيها هدايا بس قبل الهدايا لازم تتفقون على ان كل وحدة منكم تسوي طبق مختلف ومايتكرر الطبق لاينرمى اكلكم !!
نجود/يصير خير ينرمى وانت موجود؟
ناصر/ههههههه
لبنى/طيب وش الهدايا اذا سعر الهدية اقل منعشرة الاف ريال مو مشتكرة؟
ناصر/حشى من وين اجيب لك هدية بعشرة الاف ريال!!اسرق بنك واعطيك؟
عبير/طيب وبس طبق واحد اللي بيفوز.؟
ناصر/هو يفترض ان لجنة التحكيم تتفق على طبق واحد بس...بس مدري صراحة وش يصير معهم بكرة.....المهم ترى في جوائز ترضية لبقية المتسابقين اللي مابيحالفهم الحظ....ويالله نلتقيكم بكرة ان شاءالله,,,
ها اخباركم واخبار البارت معاكم ان شاءالله كويس ...
****هل فعلا بيكون في المسابقة غش باختيار الطبق الفائز ؟ومنهي اللي بتفوز؟
*****نجود وفهد والله يبعد عن حبهم كل عين؟
***محمد وخواته اذا عرفوا عن فوزية؟
**عبير وعلي.....وهل فعلا هذا الهدوء قبل العاصفة وبالمثل لمشاري ولمياء اللي صفا الجو بينهم؟
****بندر وجواهر وتعكيرة الجو من محمد اخوها ياترى لمتى بتدوم؟
يابعد قلبي ...
اي كذا الناس اللي تحب تسال عني وقت الغياب ههههه بصراحة خجلتوني بسؤالكم عني وعرفت قيمتي عنكم (كل يوم بسويها وبغيب نذالة هههه)
سلامتكم يابعد قلبي مافيني شي بس خبركم ها الاتصالات المقاصيف الله يقصف باعمارهم(ماابي ادعي عليهم بس هم يجبروني والله ههههههههه اهم شي مافي احد سياسي من هنا ولامن هنا يشتكي علي ههه)
وحشتوني يالغلا وماصار في مجال انزل لكم البارت من مكان ثاني لاني ماطلعت بس يالله اهم شي صحتي وسلامتي وان مافيني الا العافية)(واثقة ياشيخة من نفسك ههه)
يابعد قلبي يالحلوة مررة,,واي وش هذا كله احرجتيني يالغلا بس ليش ماتتواصلين مثلهم معنا بارت ببارت ,,كل ذا خجل فديت الخجلانين انا ,,,وان شاءالله هنوف بنحاول نخليها لناصر بس مووعد(خلصنا من الرواية وانا ماعندي غير احاول ههه شسويك في مو راضية تتقبلين انهم مو لبعض)
المهم الف شكر غاليتي واتمنى اشوف اسمك منورني مو بس على الخاص لا بكل بارت,,,,

البارت الاربعين


هنوف/لحظة لحظة الهدايا اول مااتفقنا شبتكون الهدية لصاحبة افضل طبق؟
نورة/أي والله!!
ناصر/بكرة نتفق عليها..
ام محمد/لاحبيبي اللحين نتفق عليها مايصير بكرة..بعدين تشوف الاطباق قدامك وتنسى السالفة!!
جواهر/وامي صادقة؟
ناصر/الهدية...مدري ...
لبنى/يالله بتنازل وبنزلها لسنة الاف ريال؟
نجود/ويالله نرضى عنك بعد!!!
ناصر/لا ستة الاف؟؟؟تدرون شلون..اللي بتفوز تطلب أي شي في بالها وملزوم اعطيها اياه؟
هيا/متاْكد؟
ناصر/افا...رجال وكلمتي وحدة..
لبنى/كفو ياولد عمي ...بكرة تجيك العلوم الغانمة ..يارب انا اللي افوز..
ناصر/يارب تخسرين؟
ههههههههههههه
لبنى/ليش ها النذالة عاد!!
ناصر/لانك متحلفة ياعشرة الاف ياستة الاف؟؟؟

في شقة بندر فوق وبعد مانزلوا كلهم ظلت نجود وجواهر بروحهم,,,
نجود/كان بينزل الشرقية ها الاسبوع ويخطبني من ابوي؟
جواهر/وشنو قلتي له؟
نجود/قلت له ياجلها للاسبوع الجاي....اكون تطمنت على صحة ابوي....
جواهر/اممممممم تكلمتوا بكل شي..
نجود/مبدئيا تكلمنا بالسكن بس....
جواهر/شنو صار؟
نجود/بياخذ لي شقة بالدمام علشان لو نزلنا هنا خميس وجمعة..
جواهر/وبالرياض؟
نجود/انا عارفة ان فهد بيسكني بقصر لو بغيت..وبنفس الوقت مايبي يبتعد عن عياله وهم صغار ومحتاجينه ويكون ظلمهم...
جواهر/يعني شلون..شبتسون بالرياض؟انتي بشقة وهو في بيتهم!!
نجود/لا...
جواهر/ها...
نجود/بسكن معاه في بيته!!
جواهر/في بيته...؟
نجود/أي بيته كبير ونصه مساحات فاضية ولاغرف مسكرة...اقترحت عليه اقتراح علشان انصفه..يكون لي ملحق مستقل عنهم وبنفس الوقت بنفس البيت مع عياله ومايحس انه ابتعد عنهم ولاان حياتي معه ظلمة عياله؟
جواهر/......
نجود/بياخذ لي المساحة اللي بالحديقة وبيدخلها على المجلس وبيسويلي ملحق غرفة نوم بحمام وغرفة تبديل وصالة بمكتب...
جواهر/انتي مقتنعة؟
نجود/هاذي فكرتي؟
جواهر/مو كان حبك لفهد مخليك تتنازلين عن اشياء كثيرة؟
نجود/انتي قلتيها حبي لفهد...شسوي قلبي اللي قعد يسيرني وراه..المهم اكون جنبه...وبعدين شبسوي في بيت كبير علي انا وهو لوحدنا....انا لو هي جاية علي سكنت بالمزرعة بس هو مارضى؟
جواهر/الله يتمم عليكم.....شفتي بندر وش مسوي....
نجود/صدق ماورانا مخطط القاعة ولا موقعها ولاشي؟
جواهر/كل شي مفاجاْة...
نجود/متى بيوصل؟
جواهر/باقيله ساعتين.....بيجي وبيتعشى وبيريح شوي وبعدها قلت له خلنا نروح بيت الانصاري نشوف لنا طقم كنب للصالة وللمجلس...
نجود/وغرفة النوم؟
جواهر/ههه لسه ماوصلنا فيها لحل...
نجود/ههه ازمة عالمية...
محمد/احم احم..
رحاب/والله هاذي عاشر مرة تحمحم فيها قول دوختني ؟
محمد/افا..
رحاب/انا ادري عنك هاذي بالموت الا نامت وانت كل شوي وحمحمت لي!
منال/هههههه
محمد/بغيت افاتحكم بموضوع وبما انكم خواتي العزيزات على قلبي...فا..
رحاب/اختصر بلا تطويل وتعريض؟
محمد/على فكرة هاذي اخر مرة تولدين فيها اخلاقك صارت ميح بالمرة؟
منال/هههههه مسكينة..تاخذها منك ولامن بسمة؟
محمد/من بعد ابو احمد..
رحاب بنفاذ صبر/بتقول ولاقوم اقلب وجهك!!!
محمد/بصراحة وبدون مقدمات انا صار لي فترة اكلم وحدة..
منال/وين الجديد؟
محمد/لاتقاطعوني....وحبيتها..حبيتها بكل مافيني وتركت وراي كل علاقاتي الطايشة؟؟غيرت لي حياتي فعلا....
منال بجدية/انا فعلا ملاحظة تغيرك بالفترة الاخيرة..
محمد/احبها..عمري ماتخيلت نفسي اني ممكن احب ها الانسانة وانها تشاركني اهتماماتي...والحلو بالسالفة انها من زمان تحبني؟
رحاب/مني ها المجنونة؟
محمد/انا اللي غلطان قايل بكلم منال بس !!وش اللي جابني لدارك ماادري؟
رحاب/قول منهي...تحبك...اللهم اجعله خير...
محمد/أي بس ابي السالفة بيني وبينكم ...
منال باهتمام/انت قول وسرك في بير ؟
محمد/حتى هي ماابيها تحس انكم تعرفون ها الشي طيب؟
منال ورحاب طالعوا في بعض باستغراب
رحاب/احنا نعرفها يامحمد؟
محمد/أي..
منال/منهي؟
محمد/...................فوزية بنت عمتي؟
ام مصعب/كلمت نجلاء يافهد ولاغيرت رايك عن السالفة؟
فهد وهو يناظر في الساعة/اليوم معزم اكلمها وكاهي للحين ماشرفت من حفلتها...
ام مصعب/قالت لك عشى بمناسبة سلامتك ماهي حفلة....
فهد/سلامتي!!ليش هي هامتها سلامتي؟
ام مصعب/حرام عليك؟لاتخلي فركة الزواج تعميك عن كل شي؟
فهد بالم/قاعد افكر شلون صبرت ها الفترة الطويلة كلها....لاقدرت اغيرها واخليها تتقرب مني وتمشي على مزاجي..ولا تغيرت انا لمستواها..عشنا وبينا جدار يكبر كل يوم يااختي....لين هي عافتني وانا صرت اتذلل لها وهي تتصدد عني؟؟صرت حاير ياام مصعب حاير..مدري شلون الله مدني بالصبر كل ها الفترة..مااكذب عليك من بعد ولادة فيصل انتهت كل علاقتنا تقريبا!!!!صار همها الحفلات والسهرات وتكشخ برى البيت وبس!!لاتدري عني ولاعن عيالي!!ولا المصيبة انها كل ماقعدت معهم عطتهم افكار


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -