رواية شرع ربي ولا اعتراض -53
ام مصعب/انت شلي فجر كل شي براسك مرة وحدة؟مو كنت صابر وساكت ولاهي بعملك ومكتبك ليش تغيرت؟من زمان وسالم يلمح لك بالعرس وانت ولاانت معه!!شلي صار ياخوي يافهد؟
فهد/....تعبت وابي ارتاح؟
ام مصعب/وحاط في بالك شي معين؟
فهد/ابي اول اعطي نجلاء خبر...وقبل اعطيها فرصة اخيرة لتغير اذا تغيرت ولا كل واحد بينام على الجنب اللي يريحه؟
ام مصعب/طيب واذا تغيرت؟بتعدل عن فكرة الزواج!!!
مايدري ليش طاحت سيجارته من فمه وكانت بتحرقه لو ماتداركها باخر لحظة!!
يعدل عن فكرة زواجه من نجود!!!!نجلاء تتغير ؟؟؟ماكان متخيل الفكرة اصلا علشان يفكر فيها!!!!
في سيارة بندر..
بندر/وانشاءالله كل مابنقول بنروح مكان بتكون بالوسط معنا؟
محمد اللي كان قاعد جنب بندر/أي عندك مانع لين تتزوجون؟
بندر/لا تكفى حتى اذا تزوجنا تعال معنا!!
جواهر/ههه ليش معصب اخوي هذا حبيبي..
محمد/لاانا عندي كرامة يكفيني اقعد معكم شهر العسل بس؟
بندر/ياسلاااام !!من قبل لاتجي بيقلبون اسمه من شهر عسل لشهر نكد!!
محمد/وشلون اضمن انك متاذي اختي!
بندر/يابنت الناس انتي مشتكية علي؟؟
محمد/لا مااشتكت بس انا سمعتها هي ونجود يسولفون ذاك اليوم واختي قالت لنجود انك حضنتها!!يصير تحضن اختي وانا موجود مايصير؟
بندر/أي والله مايصير احضنها لانها مو مرتي؟؟حتى بعد العرس بعد مااحضنها؟
محمد/اكلم الهيئة اشوف بالاول؟
بندر/اممم رد لي خبر بعدها موتنسى!!يبى اخوك وجهه نوديه معنا بيت الانصاري!!هذا نوديه سوق التلفزيون نغويه ونرجع عنه!!
جواهر/ههه لاعاد اخوي وماارضى عليه يابندر؟
جواهر/لالالاكلش الا اخوي ابو جواهر حبيبي مااتخلى عنه؟
بندر/اه منك من اخوك..ان شاءالله بس الحالة ماهي مطولة معاه؟؟؟
محمد/لامطولة معي ان شاءالله!!وبعدين نرجع البيت كل واحد بيته مانحب بصراحة احد يقعد في بيتنا لوقت متاْخر!!!وموتسوي نفسك ناسي شي وتبي تعطيه اختي!!اذا ناسي شي من اللحين عطها اياه وريحنا واللي يعافيك؟
جواهر ماتت ضحك على اخوها وبندر في قمة الغضب..
بندر/مشاءالله عاجبك حكيه ها!!اوريك لكن صبري علي!!!!
جواهر/ياحبيبي هذا مراهق ياخذونه بالسياسة مو تحط باسك في باسه وتنتظر منه يرضخ لك؟
بندر باستسلام/امري لله وباخذه بالسياسة بشوف وش يطلع معي............اقول محمد ..انت وش هواياتك؟
محمد/ماعندي هوايات!!
بندر بنفاذ صبر/ابدا!!
محمد/ابدا..
بندر/ولاتحب شي معين؟
محمد/لا..
بندر وهو في قمة الغيظ/ولاتحب مثلا تسبح في بركة ونروح نغرقك فيها بدون قصد؟ولا تركب على خيل ونطيحك من فوق واحد وتتكسر علشان تفكنا!!
محمد/هذا ماخذني بالسياسة يعني!!الله يخلف عليك وين انت ووين السياسة؟
منال/معقول عاد!!تحب فوزية بنت عمتي؟
محمد/وش اللي مو معقول في السالفة؟
رجاب/ان احنا ماحسينا بتغيرها ابدا!!!
محمد/يمكن كانت تتصنع قدامكم؟
منال/ولا لاحظت أي شي وانا معها حتى لمى نلتقي فيك بالصدفة؟
محمد/فوزية غيرتني بجد؟
رحاب/واهم شي تكون مقتنع بتغيرها لك وراضي فيه وماتكون مجرد فترة طيش يامحمد؟
محمد/لا يارحاب..انا تعلقت فيها حيل وتعلقي فيها خلاني انسى علاقاتي السابقة كلها..اصلا انا قلت لها عن كل الماضي اللي تعرفه واللي ماتعرفه وطلبت منها اني افتح معها صفحة جديدة وهي وافقت وصارت بجنبي لين تركت كل شي وتعلقت فيها هي وبس!!
منال/وهي مقتنعة فيك مثل ماانت مقتنع فيها تماما!!!
رحاب/أي يامحمد هي مقتنعة فيك؟
محمد/أي هي تحبني ..اصلا هي كانت من زمان تحبني من بعيد لبعيد وماتجراْت تقولي لانها كانت تشوفني طايش ومابقدر حبها لي ..بس بعد ماتعلقنا في بعض صارحتني بها الشي....
رحاب/طيب وانت شبتسوي اللحين؟
محمد/انا انتظر يجي ابوها برمضان واكلم ابوي ونروح نخطبها...
رحاب/على بركة الله ياخوي...الله يتمم عليكم بخير ويعطيكم الذرية الصالحة ان شاءالله..
منال/امين يارب...
هيا/اوووف مالي خلق اشترك بمسابقة نويصر؟
نورة/كل العالم بيشترك فيها الاانتي!!!
هيا/قلت لك مالي خلق...
نورة/بالعكس تغير بروتين ها الاسبوع...حتى امي وخالتي وخالتي ام بندر وام محمد كاهم يسولفون اللي بتسوي هريس واللي بتسوي عصيدة واللي بتسوي جريش..واللي بتسوي مطازيز,,,,
نجود من وراها/وانتي وش بتسوين؟
لفوا هيا ونورة..
هيا/وش يعرفني عن اختك شاغلة بالها على الفاضي!!
نجود/ليش انتي مو ناوية تسوين شي؟
هيا/لا..الا اذا انتي بتسوين؟
نجود/وليش مااسوي واثقة من طباخي الحمد الله..
نورة/نجود ساعديني مااعرف اسوي شي بروحي كل شي صعب..
نجود/من شروط المسابقة ان محد يساعدك؟
نورة/انا ماسمعته قال!!
نجود/مو لازم يقول..كيف بتفوزين وغيرك مساعدك!!!وبعدين لاتاخذين لك شي صعب سوي شي بسيط.....
نورة/مثل شنو؟
نجود/هذا عيب انك مادخلتي المطبخ مثلنا من صغرك؟
هيا/الله يسامحك يابو علي دخلت ناس دون ناس!!!
نورة/يالله عاد عن العيارة كاني ادخل معكم اللحين..
هيا/شبعده حبيبتي بعد ماشيبتي!!!احنا من كنا بالابتدائي واحنا بالاجازات وبرمضان تلاقينه بس بالمطبخ؟
في شقة علي,,,,
دخل الشقة وهي كانت منبطحة على الكنباية وبيدها كتاب الطبخ تقراْ فيه..
ماحست على دخوله لانه كان هادىء جدا وهو بعد يوم شافها ماانتبهت ماحب يحسسها باي شي قعد قبالها مباشرة وكان يتاملها..ولااول مرة بحياته يتامل شكلها..كانت عيونها ذابلة ...ووجهها شاحب...الاكيد ان شكلها مو نفسه قبل سنتين واول ماتزوجوا!!!
كانت ماتبيه بس شكلها كان يانع ووجهها نضر..اللحين صار يحس انها كبرت عشر سنين فوق عمرها زيادة!!!
مايدري ليش نزل راسه فجاْة ووقف عن شوفتها..يمكن لانه حس ان تعبها وشحوبها هو اصله واساسه!!
كان المفروض يكون ارفق بحالها معه ويخف عنها شوي..مثل ماهو رافضها هي بعد رافضتهّّ
بس بالنهاية هي ماتقدر توقف في وجه ابوها وتقول لا ماابيه,,اذا هو الرجال ماسواها كان يبيها هي تسويها!!!
عبير....هل ياترى فعلا احنا ظلمنا نفسنا بها الزواج!!!!!!
انتبه على صوتها تناديها وهي منذهلة من وجوده ..
عبير/علي!!متى جيت؟
علي وبدون مايناظرها وهو يذكر رسالتها اللي قبل يوم ارسلتها/قبل شوي..
عبير/......ان شاءاللهى انبسطت بطلعتك؟
علي/يالله انا نعسان تركي اللي بيدك وقومي ننام,,,
قام ومشى للغرفة وتركت الكتاب اللي بيدها بدون أي مجادلة لانها عارفة حتى لو قالت ماتبي تنام بيقولها قومي بالغصب,,,خليها تختصر على نفسهاا الكلام ووجع الراس وتقوم من حالها افضل..
حطت الكتاب على جنب وطفت الانوار ودخلت معه,,,
اخرالليل,,
فهد/وشلون صحة الوالد ؟
نجود/الحمد الله افضل...
فهد/هو وش كان عنده؟
نجود/سلامتك بس تعرف عنده السكري واذا لخبط باكله يتعب لاتنسى عنده اشياء ممنوع من اكلها ومايصير في توازن عنده دايم تجيه دوخة علشان تنظيم الاكل مو صح عنده...
فهد/مايشوف شر,,,يعني موعدنا الاسبوع الجاي...
نجود/ان شاءالله....صارت عندك مستجدات؟
فهد/بس مع ام مصعب...سالتني اليوم اذا كنت بعدني مصر وهل كلمت نجلاء ولا لسه؟
نجود/امممم
فهد/ملزوم اكلمها اللحين علشان ابدي اشتغل بملحقنا
قاطعته نجود/رتقول ملحق تضايقني ها الكلمة؟قول جناحنا...
فهد/ولايهمك جناحنا,,,,
نجود/اهم شي يصير مثل ماانا ابي..
فهد/كل شي بيكون حسب اختيارك انتي لاتخافين....
نجود/بكرة عندي مسابقة..
فهد/مسابقة!!وش مسابقته ؟
نجود/نويصر مسوي مسابقة افضل طبخة وكلنا مشتركين فيها..
فهد/ياسلاام على الروقان,,,
نجود/هههههههههههه
فهد/وش بتسوين لهم؟
نجود/طبختي المفضلة.....سيزلنج ربيان..
فهد/خلاص اعتبري نفسك فزتي بالجائزة الاولى من عندي..
نجود/يابعد عمري انت...ذكرني اسويه لك ترى اضبطه صح....
فهد/وش الطاري على ها المسابقة عاد؟؟
نجود/نويصر وافكاره....
فهد/وفي جائزة صدق ولاخرطي...
نجود/هو على كلامه في بس بالنهاية اتفقنا على ان اللي بتفوز هي تقرر هديتها بكيفها وش مابغت يعطيها وهو ملزوم يكون عند كلمته,,,
فهد/راح فيها!!
نجود/هههه المشكلة لبنى حاطته في بالها وماهي متنازلة من ستة الاف لعشرة الاف...ولو تشوفه طول الوقت يدعي انها ماتفوز....
اليوم الثاني,,,
في بيت الهاجري,,
بندر/وش عندهم خالتي وجواهر بسرعة قاموا؟
ابو جواهر/يادوب يلحقون على طبخاتهم لمسابقة الليلة؟
بندر/مسابقة؟أي مسابقة؟محد قال لي!!!
محمد/ناصر مسوي مسابقة افضل طبخة واللي بتفوز تطلب اللي تبيه من ناصر؟
بندر/وش له نويصر عاد ماقال لي!!
محمد/وليش يقول لك؟منت من المشتركين؟
بندر/اقلها اكون بلجنة التحكيم علشان افوز طبخة جواهر.....وقام بيروح المطبخ...
محمد قام وراه
بندر/لاتخاف معها امها ياحضرة الشرطي!!
ابو محمد/ههههه
بندر بقهر/عمي ماتشوف لك صرفة مع ولدك!!مو قادر اقعد مع خطيبتي مثل العالم والناس منه!!!
ابو محمد/ليش وش مسوي لك؟
محمد/بس يتبلى علي يبى؟
بندر دخل وهو مقهور للمطبخ وكانت ام محمد بجهة وجواهر بجهة ثانية,,
تقرب بندر منها وهمس لها/حبيبي..
جواهر بلامبالاة/بندر معليش ابعد محتاجة اركز بطبختي علشان افوز؟
بندر بزعل/انتي ماقلتيلي عنها؟
جواهر/شنهي؟
بندر/المسابقة؟
جواهر/وهذا انت دريت؟
بندر/ياسلاام يعني اليوم مااراح نقعد مع بعض؟
جواهر/بندر لاتلخبطني ترى ها الطبخة اول مرة اسويها وماابي احد يلخبطني,,,
بندر/اوووف ومتى بتخلصينين؟
جواهر/انت روح اللحين وادعي ان انا اللي افوز فيها؟
بندر/بركب غرفتك خلصي وتعالي؟
محمد/لا روح بيتكم!!
بندر بقهر/انت وش فيك علي!!
ام محمد/اذا بتتهاوشون طلعوا برى وخلونا نخلص شغلنا يالله!!
محمد/سمعت!!يالله اطلع لاتخرب على امي واختي روح اهذر عند امك وخواتك علشان يتبهدلون ومايفوزون؟
في بيت السبيعي,,
ناصر/يم يم..اشم روايح طيبة انا...يالله همتكم يابيت السبيعي ترى الساعة سبع كل الاطباق تتقدم وماباقي لكم غير ثلاث ساعات بس...
نجود/انا طبختي مابسويها اللحين مايبيلها وقت كثير..
ناصر/والله ياخوفي تروح عليك وماتقدمين طبقك..
ام علي/شوف يمه ترى انا سويت لك الثريد اللي تحبه عاد فوزني انا!!
ام ناصر باعتراض/لا عيوني ولدي ويحب طبخي ومسوية له هريس انا اللي بيفوزني؟
ناصر/صلوا على النبي ياجماعة لجنة التحكيم هي بتقرر انا مالي شغل..يمه صدق جهزوا الشاي والقهوة علشان اذا وصلوا الجماعة بعدين..
نجود/يعني من جد في لجنة تحكيم ؟وانا افكرك تسخر..
ناصر/افا بس ولااسخر ولاشي....
نورة بزعل/ناصر سويت تبولة..تكفى ياخوي فوزني...انا عارفة محد بيعطي صوته لتبولة بس انا اختك ومالي وطبخاتهم مقدر اسوي مثلهم!!فوزني تكفى..جيب راسك ابوسه!!
ناصر/لالالا الا راسي..حاط بشعري جل بعدين تعفسين لي خلقتي !!!
ابوعلي/هههههههههههه
ناصر لف له/هلا يبى..
ابوعلي/اللحين انت وش سالفتك مع ها المسابقة ها..
ناصر/اشغلهم يبى بدل قعدتهم كذا فاضين؟
ابو علي/ومنو لجنة الحكم بالله!!
ناصر/افا يالغالي انت اولهم..
ابوعلي/محد قال لي..
ناصر/يبى البيت بيتك محد يقولك ترفس الباب وتدخل المكان اللي عجبك الله يسلمك.
نجود بخبث/لاتتحيل على ابوي..ترى ابوي حبيبي عنده كرامة مايجي بدون دعوة؟؟
ام ناصر/انتي طلعي منها وخليهم صافين!!
ناصر/سمعتي!!!
الشغالة/بابا ناصر بندر يمبى انت بره...
ناصر/يالله يبى تعال معي لاتلخبطهم ..
نورة/يبى قوله يفوزني...
ابوعلي/وش مسوية انتي؟
نورة/تبولة..
ناصر/يبى في ذمتك...بيتركون الهريس والثريد وها الصواني الزينة وبيصوتون لتبولة!!
ابوعلي/أي بس هاذي اختك ولازم توقف معها!!
نورة /أي وتشجعني وتشد من عزيمتي علشان دايم ادخل المطبخ واساعدهم مو تقول مافاز طبقك وبعدين انحبط وتجيني ردة فعل وماارجع ادخل المطبخ من جديد؟
ابوعلي/لالا فوزها ياناصر تستاهل نوير...يكفيك انها على اسم جدتك!!
ناصر/؟؟؟؟؟حسابك بعدين....انا بروح اشوف بندر...
نجود/يبى اقعد سولف معنا شوي مشتاقين لك....
ابوعلي/وهاذي قعدة وقعدنا.....السوالف عندك انتي ...شلون الرياض؟
نجود/موت..برد برد مو طبيعي....
ابوعلي/وش صار مع سالفة فواز؟
نجود/........يبى ماله نصيب فني!!
ابوعلي/والاسباب يانجود؟
نجود/يبى شخصيته مختلفة تماما عن شخصيتي!!ماراح نتفق ابدا!!اصلا هو شخصية ماعنده!!!!
ابوعلي/أي بس هذا مو عيب يانجود؟
نجود/ماقلنا شي بس انا موحاطة في بالي اتزوج واحد كذا ابدا!!!!!
ابوعلي/يبى مايصير كل ماخطبك واحد قلتي هذا فيه عيب وهذا مايناسبني وهذا مدري شفيه..
قاطعته نجود/يبى نصيبي بيجيني وباخذه رغم كل شي يكفي انه نصيب ومكتوب ..واحد يقدر يرد المكتوب يابو علي!!
ابوعلي/............................
علي/وش عندك انتي بالمطبخ؟
عبير راحت فيها لوتقوله مسابقة بيلعن لها ابو اللي جابها وبيطلعها من المطبخ عناد وبيعتبرها افكار اطفال....
عبير/ها...لا نجود داقة علي وتقول ان ابوك ولاناصر عاد مافهمت عندهم الليلة عزيمة ولا شي كذا وقالت لي اذا فيني اسوي شي..وقلت لها بسوي..
علي/امممم..نجود قاعدة يعني ؟
عبير/أي اكيد الساعة اربع..
علي/وتتوقعين ابوي هناك.
عبير/يوم دقت علي ماسمعت صوته ماكانت غيرها هي وخالتي ام ناصر وخالتي ام علي واختك هيا بس...
علي/طيب....انا رايح اشوفهم...
اول ماطلع دق قلبها ومسكت سماعة التلفون تكلم نجود علشان تنقذها لانه لو درى انها تدري بتروح فيها ..وهو مايبيله شي ويمسك عليها مسكة,,,
ناصر/هلا..
بندر/لاهلا وسهلا..
ناصر/بسم الله الرحمان الرحيم...
بندر/ههههههههه
ناصر/وش فيك؟هههه
بندر/كيف تسوي مسابقة وماتقول لي؟
ناصر/ليش تعرف تطبخ!!ودك تشترك بالمسابقة يعني!!!
بندر/لا بس علشان اكون بلجنة التحكيم؟
ناصر/بتجي تتعشى حياك الله بس لجنة التحكيم مالك شغل فيها عارفينك تبي تصوت لمنو؟
بندر/لازم مرتي اللي تفوز مو كفاية انها تاركتني وقاعدة تسوي لكم؟
ناصر/بيني وبينك المفروض تكون رومنسي معها؟
بندر/شلون؟
ناصر/مو هي تاركتك ومو شايلة همك...
بندر/أي..
ناصر/لازم طبختها ماتفوز علشان تحس انها قصرت بحقك وفي النهاية ماجت النتيجة مرضية وتجيك وتعتذر لك وها السوالف يعني تعوضك من هنا ومن هنا!!
بندر فتح عيونه على وسعها/مشاءالله من وين جاتك الفكرة!!!شكلك داهية؟
ناصر/صدق عجبتك!!!
بندر/أي والله!!احلى مافيها انها بتعوضني بعدين!!!!
ناصر/يعني انفع اصير رومنسي بالمستقبل مع خطيبتي!!
بندر/الا ابو الرومنسية يانويصر؟والله شكلي بجي اتعلم منك يالداهية!!!
ناصر/ههههههههههههه,,احرجت تواضعي الكريم ياولد العم بصراحة,,,
نجود/ليش....
عبير/قوليله اني ماادري لايسوي لي سالفة.
نجود/طيب..كاهو جا يالله باي...
علي/السلام..
وعليكم السلام والرحمة...
علي/الدنيا حايسة....
هيا/علشان مسابقة نويصر؟
علي/مسابقة؟وش مسابقته؟
نجود/يو نسيت بعد اقول لعبير انها مسابقة..قلت لها عزيمة عندنا وسوي شي ساعدينا فيه..ز
هيا/أي بس هي كانت موجودة امس يوم يقول ناصر انها مسابقة؟
نجود/لا ماكانت موجودة!!!وناظرت هيا بمعنى قفلي...
علي/شسالفة؟؟مسابقة ولاعزيمة؟
نجود/احنا كنا مفكرين انها عزيمة بس ناصر يقول انها مسابقة وفيها لجنة تحكيم وطبخة فايزة....ترى مرتك ماتدري على بالها عزيمة يبيلي ادق لها
علي/امممم..ابوي وينه؟
نورة/توه كان هنا بس الضاهر طلع لناصر وبندر...ماشفتهم واقفين برى
علي/لا ماشفت احد؟
نورة/يمكن ادخلوا المجلس؟
علي/..........انا رايح شقتي اذا بغيتوا شي انا هناك...
رجع الشقة وعلطول لعبير المطبخ,,,,!!!
ابو مشاري/مشاءالله عليها....حلوة..
رحاب/تشبهني وانا صغيرة؟
ام مشاري/لا تشبه اختك مي...
منال/رغم اني احسها تشبه اخوها احمد..
ابو مشاري/فيها منه العيون وشكل الحواجب...منال يبى..
منال بتردد/نعم يبى(طبعا هي قالت لمشاري انها موافقة ومشاري عطى ابوه خبر )
ابو مشاري/في جماعة يوم السبت بيجون يخطبونك..
منال/..................
ام مشاري/من عيال الرميحي.. قاعد يحضر رسالة الدكتوراه بامريكا واذا صار نصيب بياخذك معه مباشرة وبتقعدين هناك سنة كاملة على حسب كلام مشاري..
منال/اذا حسيتي انك مترددة ولا محتارة فيك تقولين له انك موافقة عليه بس سالفة الغربة سنة كاملة ماتقدرين عليها هذا حقك..
منال/لا يبى...انا ودي فيها...لو صار نصيب بقدم اجازة مفتوحة وبروح معه..لمى نكون هناك بروحنا انا وهو بتسير حياتنا طبيعية وبنمشي على سجيتنا انا وهو بدون تدخل من احد لامن طرفي ولامن طرفه....بنفهم بعض اكثر واحنا بروحنا وحياتنا غير عن الحياة اللي احنا عايشينها....انا ودي في ها التجربة يبى..حاسة انها ممكن تقربنا من بعض ...
ابو مشاري/على بركة الله...اذا جونا يوم السبت قلنا لهم انك موافقة...
علي/عبير..
عبير استغربت رجعته لفت له وقالت بهدوء/نعم..
علي/.............
عبير/في شي؟
علي/شدي حيلك ترى نجود تقول انها مسابقة ..يعني احتمال تفوزين؟
عبير باستغراب/ها....مسابقة؟
علي/أي هي الظاهر نست تقولك؟المهم انتي وش مسوية؟
عبير/بسبوسة..
علي/عندك وقت تسوين شي ثاني؟
عبير/ليش..
علي/سوي لهم شيز الاناناس انتي تضبطينه صح..يمكن تفوزين..وخلي البسبوسة لنا نسهر عليها...
وقفت تناظره وهي حاسة بتغير في علي..حتى البارحة معها كان فيه شي متغير بس ماقدرت تتاكد بس اللحين كلامه اثبت لها ان في شي قاعد يدور بذهنه بس لوتعرف شنو هو بس!!
علي/وين سرحتي؟
عبير/ها..لاماسرحت بس قاعدة استعرض مقادير الشيز ومو كلهم كاملين عندي..
علي قعد على كرسي طاولة الطعام وقال/ مو مشكلة اكتبي الناقص بروح اجيبه...
طاح البيض من يدها وتكسر بها اللحظة وهي تناظره والف سؤال وجواب يدور في بالها من تغيره الغير محسوب!!!
حس بالاحراج ذيك اللحظة لانه عارف انها تفاجات اكيد من ردة فعلها اللي ماتوقعتها ابداّّوقال لنفسه انه اذا بيتغير لازم يتغير بالتدرج مو مرة وحدة!!
تنحنح وقام من مكانه وقال لها/اذا كتبتيهم جيبيهم لي بالصالة,,,
طلع وخلاها بحيرتها وحدها,,,ياترى وش اللي ممكن يكون صاير لك ياعلي,,,معقولة المسج كذا اثر وقلب عقله!!!!لاوالف لا وستين الف لا طبعا!!!علي مايغيره مسج,,اكيد السالفة فيها حبيبته ولا ماتغير كذا!!!بس وشفيها عاد!!!هذا اللي صعب اعرفه واعرف مزاجيته كم بتاخذ لها من الوقت!!!!
بعد صالة المغرب كلهم تجمعوا في صالة بو ناصر وناصر بالمجلس عند لجنة التحكيم على قولته اللي هم اصحابه تركي وخالد ومحمد ...
هنوف/مين تتوقعون تفوز منكم!!!
لبنى/يارب انا!!!
نجود/اذا مافزت معناته انهم مو ذويقين وبعدين انا مو شايلة هم غيرهم عاجبه طبخي بدون مايذوقونه!!
ام بندر/مشاءالله على الثقة!!
ههههههههههههه
مضاوي/السؤال مو منهي اللي بتفوز,,,السؤال شنهي الهدية اللي بتطلبها من ناصر؟
نورة/انا ابوي وصى ناصر يصوتون لتبولتي ويفوزني مدري ليش احس اني ماراح افوز؟؟؟
لبنى باعتراض/مصدقة حالك انتي مع تبولتك تفوزين!!!والله لااشب البيت عليكم لو يفوزونك انتي!!!
جواهر/هههههه ترى وقفة لبنى بالمطبخ اليوم متعبتها حييل لاحد يعارض كلامها ابدا!!!!
نورة/بدا الدفاع اشوف!!
جواهر غمزت للبنى/لازم ادافع عنها هاذي غالية واخت الغالي !!
لبنى/أي شفتي!!نتمصلح من بعض ...
هيا/لوفزتي يانجود وش بتطلبين!!
نجود/مافكرت بصراحة....
جواهر/اللي بتفوز تخلي الهدية مشتركة لو سمحت وكلنا فيها,,,,
لبنى/انا مااراح اشاركم فيها,,عشرة الاف بسحبها وبمشي؟
عبير/وش بتسوين بالعشرة انتي كل شوي وقلتي عشرة الاف ريال؟
لبنى بجدية/بها جر من البيت وببتدي فيها حياةة جديدة بعيدة عنكم!!
هههههههههههههههههههه
لبنى/ليش تضحكون اتكلم جد؟؟
جواهر/صراحة عندي خوات زوج مو طبيعين,,بيسلوني كل ماضاق خلقي!!!
هنوف/ليش مفكرتنا اراكوز ان شاءالله؟
نجود/اوه هنيف هنا..وش طبختي اليوم..
هنوف/حلا البونتي,,,,
جواهر/اش اش حركات....
مضاوي/انتي اللي ماعرفنا طبختك ياجواهر شنهي؟
جواهر/انا طبختي سلمك الله طبقات المكرونة بالارز بالدجاج بالبشاميل,,,
نجود/رهيبة تذوقتها تجنن..
لبنى/أي انا بعد سرقت لي كم ملعقة ابدعتي فيها..
بندر/لالالا تخجلوني بندر متحلف يفوزني.....وناصر الله يغربل بليسه مو راضي يدخلها ضمن اللجنة ,,,
نجود باحتقار/الله واللجنة عاد!!لو ادري فيهم خويلد وتريك ماتعبت حالي!!الحمد الله وينهم وين التحكيم ها الاثنين بيطلعون كل الصحون فاضية وكل شي عجبهم مازعلون احد!!
ههههههههههههههههههههههههههه
دق جوال نجود واستاْذنت منهم وقامت فوق,,
نجود/هلا بعمري وحبي وكل حياتي..
فهد/انا!!
نجود/ليش شاك بنفسك ولابوجود غيرك؟
فهد/والله مدري عنك يابنت السبيعي...تجننيني بها الكلام المعسول...
نجود/ومايوفيك حقك بعد!!
فهد/بعد!!!!
نجود/طبعا...
فهد/اه منك يانجود...انتي مين معلمك ها الكلام الحلو,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك