رواية شرع ربي ولا اعتراض -66
نجود/يابعد طوايفي اللي بعد شوي بينورنون الرياض وبيظلمون علينا الشرقية؟
جواهر/مالت ثم مالت..
نجود/عليك وعلى بنرد!!
جواهر/افا!!تبيعيني علشان فهيدان اللي كبر ابوي؟
نجود/أي كبر ابوك انتي بعد!!!شباب فديته...
جواهر/أي بس كني شايفة فيه كم شيبة من هنا ومن هنا؟
نجود/وش فيها..الشيب وقار ولاماتدرين...
جواهر غصت /كح كح كح كح...يمه منك يالعيارة!!!صار الشيب وقار وحلاوة ووسامة يوم انه بفهيدان!!!
على الساعة ثنتين ونص وصل فهد بيته ..وفتح الباب كان الجو هادىء جدا....ومبين ان الكل نايم...
ركب غرف عياله يتطمن عليهم بالاول..
اول مادخل غرفة فيصل ومالقاه بغرفته ووقع قلبه...
راح لغرفةة نجلاء علطول واللي كانت غرفته بس هجرها وترك الغرفة لها ومااهتمت..
فتح الباب بهدوء وماكانت نجلاء موجودة..ناظر بساعته...وين معقولة تكون وهو قايل لها انه بها اللوقت بيكون وصل البيت..وهل ياترى تنتظر وصوله وهو مانتبه لها ؟؟؟ولاتكون نايمة مع البنات!!!
طلع من الغرفة وراح لغرفة سارة وكانت نايمة..غطاها وباسها على جبينها وحط هديتها فوق مكتبها وطلع وراح لغرفة لمى وسوى نفس الشي..ونزل مرة ثانية.....
قعد على مكتبه بعد مافتح كل الغرف ومالقى نجلاء...
رفع جواله يدق على تلفونها..وبعد شوي ردت عليه..
فهد/نجلاء انتي وينك؟
نجلاء/ليش انت وصلت؟
فهد بصرامة/انتي وينك؟
نجلاء/.....انا كنت معزومة بعرس وكاني رادة بالطريق...
فهد/والعيال كانوا بروحهم؟
نجلاء/انا ماطلعت الايوم ناموا البنات...
فهد/فيصل معك؟
نجلاء/لا..
فهد/لا؟؟؟؟وينه اجل؟
نجلاء/يعين وين بيكون بمقر الامم المتحدة علشان يفرون عقله!!
فهد/ومنو اللي عطاك الاذن تطلعين العرس وتقعدين لها الوقت برى البيت؟؟؟؟وانتي عارفة اني بكون موجود الليلة؟
نجلاء/انا دقايق وادخل البيت ...ونتفاهم..
مارجع الشقة الا الساعة ثلاث ونص الفجر..
كان المكان كله ظلمة بظلمة..يعني عبير نايمة او تنتظره بالغرفة....
راح للغرفة وشغل الاضاءة وكانت فعلا نايمة..
قعد جنبها يتاْملها..هاذي اول مرة تطنشه وماتتصل تساله متى بتجي....ولاحتى تقعد تنتظره مو من عوايدها يعني!!!
كان من الامس وهو يفكر برسالتها ومحتار كيف يجاوب سؤالها!!
هو نفسه محتار ومو عارف الاجابة شنو؟
هل هو فعلا انتهى من لمياء واقتنع بكلام نجود وهل ممكن انه يحب عبير ويفتح معها صفحة جديدة فيها حب واحترام وينسون الماضي بكل مافيه!!!!
ها ان شاءالله كفيت ووفيت وماقصرت معكم حبايب قلبي,,,
توقعاتكم اللحين بعد هالقراْة الطويلة للبارت الجاي وش بيصير,,
***شبتقول لمى لاابوها وبتخاف انه يقول لاامها ياترى؟
**صرامة عبدالعزيز مع لبنى وش بتكون اسبابها وهل بتخفف منه وبتقنعه؟
***ناصر وهنوف وش بيكون بينهم وهل بيكتشف ياترى؟
**نجود وهل بستقبلها فهد اذا راحت الرياض؟
***هذا مفتاح جدةوصار عندنا وعدنا الاسبوع الجاي يابندر؟؟ليش بتقولها جواهر ؟وهل فعلا في مصيبة بتشوفها اذا راحت وبينتهي كل شي بينهم؟
***حبيبة قلبك ها؟طيب وش سوالفكم البطالية مع بعض قولي سمعينا؟
***
البارت الثامن والاربعين
صباح يوم الجمعة..
سارة ولمى يركضون على الدرج,,,
سارة/انا اول..
لمى/لاانا قبلك..
لف لهم فهد وهو قاعد على الكرسي اللي بمكتبه..طول الليل وماتحرك عنه..
سارة رمت نفسها عليه حمد الله على سلامتك يبى؟
فهد مسح على شعرها/هلا يبى ..الله يسلمك..
لمى/خلاص وخري دوري..
بعدت سارة شوي وتقربت لمى من ابوها وحضنته/حمد الله على سلامتك يبى..نورت البيت..
فهد/هلا بابا لمى...شلونكم..
سارة/احنا بخير....انت شخبارك...متى جيت يبى؟
فهد/جيت بااخر الليل؟
لمى/وليش ماصحيتنا؟
فهد/دخلت عليكم لقيتكم نايمين وغاطين بسابع نومة ماطاعني قلبي اصحيكم من نومكم.....الا فيصل وينه ماشفته نايم بداره..اكيد نايم مع احمد؟
سارة/أي..امي قالت له يروح معنا بيت جدي بس هو مارضى...
لمى/بابا شكرا على الهدية عجبتني...
ابتسم لها فهد..
سارة/انا مافتحتها لسه قلت اول اشوفك واتحمد لك بالسلامة وبعدين افتحها لاحقة عليها...
فهد/عاقلة بنيتي..الله يكملك بعقلك...اقول سارة روحي نادي فيصل ابي اشوفه...
سارة قامت/ان شاءالله...
فهد/تعالي وين؟
سارة/بروح اناديه...
فهد/وين العباية؟
سارة/..........نسيت..يالله بروح البسها وبجي....
ركبت ولف فهد للمى..
فهد/شلونك انتي؟
لمى/بخير...
فهد/كل شي تمام..المدرسة تمام..
لمى/أي بابا..عطوني شهادة تقدير ها الاسبوع وكرموني بالطابور..
فهد/صدق!!يابعدي ...هاذي يبيلها احتفالية خاصة..لمى ابيك مهتمة دوم بدروسك مو بس اللحين طيب...
لمى/طيب...
رفع شعرها عن عينها وبان تحت اذنها جرح صغير ..
اعتدل من مكانه وهو يناظر فيها بخوف..
فهد/لمى حبيبتي هذا شنو؟
لمى/..........
فهد ناظرها/شنو؟
لمى/انجرحت..
فهد/من شنو؟اكيد مو من الحلق...شوفي وين صاير؟
لمى/................
فهد بصرامة/تكلمي!!!
ام علي/يعني بتمشين الليلة؟
نجود/أي...
ام ناصر/تقدرين يمه..
نجود/يمه شفيك..الحمد الله امس موعدي كان عال العال وصحتي صارت فل شوفيني قدامك وماعندي موعد الااسبوع الجاي يوم الخميس....
ابو علي/على بركة الله....
نجود/ناصر وينه ماشفته اليوم؟
ام ناصر/والله طلع من الصبح يقول معزوم على فطور؟
ابوعلي/وهذا ماينعزم الا على وجبة!!يافطور ياغذى ياعشى؟عمره ماانعزم على قهوة بس!!
ام علي/عيونك عليه باردة يابوعلي لايصير فيه شي؟
ابوعلي/انا مو قاهرني الا جسمه ولاهو راضي يمتلي من كثر ها الاكل..بالعكس كل ماجاه يصير رياضي وحلو..
نجود/ها..ابو علي قول غيران من ولدك؟
ابوعلي/أي بالله غيران!!انا اللي السكري ذابحني ومااكل نص اكله كريشتي قدامي وهو اللي يبلع الدنيا ومافيها صاير وش حلاوته!!!
ام علي/الله يحفظه لشبابه..لانه مايترك الرياضة...وبعدين انت ليش تبي تصير مثله؟
نجود بخبث/علشان يتهافتون عليه البنات!!الرجال يبي يعرس...
ابوعلي/وش فيها بعدني شباب!!
ام ناصر/ها ابو علي..قمت تخور بالحكي؟على منو شباب وكان ماندري عنك؟
نجود/هههه أي يالله عندكم فضحوه...
لبنى/صباح الخير والحب والود وكل شي ..يالله باي..
عبدالعزيز/وش ها النحاسة!!صحيتيني من نومي وبتروحين والله مااخليك؟
لبنى/خلاص انا قفلت وبنام...قلت اصبحك بالخير وارقد..
عبدالعزيز/لايبى..وين...تو الناس؟
لبنى/ وش تبي؟
عبدالعزيز/ابيك انتي ياعسل؟
لبنى/وعاوز مني ايه بالضبط ؟
عبدالعزيز/لامدام تتريقين يعني منتي نعسانة اخذ راحتي!!
لبنى/من قال مو نعسانة!!انا بس عاطيتك وجه بزيادة؟
عبدالعزيز/حبيتي..جد...ابيك تاخذين لي موعد من ابوك..بجي انا والاهل بنخطبك رسمي؟
فهد/تكلمي؟
لمى بخوف/بس ماتقول للماما؟
فهد/لمى..قولي لاازعل منك....
لمى/كنت متهاوشة انا وسارة....
فهد/متى؟وانا غايب؟
لمى/أي..
فهد/وانتوا هوشاتكم ماتخلص؟ليش متهاوشين قولي لي!!
لمى/ هي طلعت ذاك اليوم وماقالت لااحد..ورجعت متاْخر وامي ماقالت لها شي..وانا يوم كنت اكلمك ذاك اليوم كنت بقولك..وقلت لها اني بقولك...وتهاوشنا..وضربتني...وطحت وانجرحت..
فهد/وامك عارفة؟
لمى/قالت لي ان قلتي لاابوك ولاجبتي سيرة ماراح اكلمك وبيزعلون منك كل الناس..لان ابوك بيزعل من سارة لانه يحبك انتي ومايحبها وهي بتروح بيت عمتها...وماراح تسكن معنا وكل الناس بيقولون اني بنت مو كويسة..
فهد/لاحوووول...انا من وين اخذها منك يانجلاء بس!!!!
لمى/بابا لاتقول لها اني قلت لك؟
فتح فيصل الباب بقوة وهو يركض..
فهد ابتسم له/اهلا وسهلا...
فيصل/وين الهدية؟؟
فهد اتلاشت ابتسمته وسوه روحه زعلان وسكت..وسارة دزت فيصل بكتفه..
فيصل/أي عورتيني...
سارة/اول يقولون حمد الله على السلامة...
فيصل/أي نسيت...حمد الله على السلامة بابا..
وراح له وباس يده وراسه وقعد بحضنه..
فهد وهو يلعب بشعره/تعرف انك منافق..
فيصل بملل/بابا وين الهدية..
فهد/تبي سيارة ولا شاحنة؟
فيصل/ليش..مو ثنتينهم لي!!
فهد/لا..وحدة لك ووحدة لااحمد,,
فيصل/طيب وبسمة وش شريت لها..
فهد/والله بسمة ماشريت لها شي؟
فيصل/أي بس انا احبها...يبى انا بشتري بسمة من عند رحاب علشان تصير اختي معليش....
فهد/فيصل بابا شها الكلام!!!
سارة/انت منو معلمك تقول ها الحكي؟؟العيال مايشترونهم يافيصل..
فهد/سمعت اختك شقالت؟
فيصل/طيب..تجيب لي انت اخت صغيرة؟
فهد/عندك سارة وعندك لمى..
لمى/صدق بابا نبي ..
فهد قاطعها/اليوم عمتكم ام مصعب وعمكم ابو مشاري وعيالهم غذاهم عندنا...
نجلاء وهي نازلة من الدرج/انا اقول عشى وانت عناد تقول غذى مدري ليش؟
فهد بصرامة/انا قلت بغذيهم..بعدين الليلة انا مشغول...وماراح اكون موجود لازم امر اشوف اخر قضية وش صار عليها؟؟(اكيد قضية نجود ههه)..
نجلاء بدون نفس/ماقلنا شي...
فيصل/يالله وينها الهدية..
فهد/سارة امسكي اخوك وروحي معه للمخزن شوفي وش يبي وعطيه..
فيصل/حتى حق احمد انا بروح اوديها له..
فهد/كاهي معك سارة....هي بتساعدك...
سارة/ان شاءالله بابا..
نجلاء/روحي وصليه ورجعيه لاتنقعين انتي بعد هناك؟
فهد/وليش ماتبيها تقعد هناك ؟؟ولامنتي معترفة بانه بيت عمها؟؟؟
نجلاء/لامو قصدي..بس بنات عمها بيجون بعدين وبتشوفهم..وهناك محمد ومشاري...
بشقة علي...
قعد الصباح على ريحة القهوة اللي دخلت راسه..
لف حوالينه ومالقاها اكيد قامت...
قام من السرير وهو حاس بارتباك..كيف بيكلمها,,,وشولون بيكون الوضع بينهم,,وهل راح تساله عن شي ولالا؟
دخل الحمام وغسل وجهه واسنانه..وطلع للصالة مباشرة,,,
كانت قاعدة بهدوء وهي ماسكة فنجانها وعيونها بالارض...
في شي بعيونها ...عبير...ماتغيرت ولاراح تتغير...ها الحزن اللي بعيونها من اخذها مو مفارقها ابدا......
قعد قبالها..
علي/صباح الخير...
عبير رفعت راسها بهدوء/صباح النور...
علي/............
عبير/.............
رجعت لهدوءها ورجع لصمته..بس الصمت كان خانقه بقوة وحس انه بيموت وقرر يقطع الصمت باي وسيلة..
علي/نمتي بدري البارحة؟
عبير/أي...
علي/توقعتك تنتظريني مثل العادة؟
عبير/حسيتك بتتاْخر....
علي/مابتفطريني..
عبير/بلى....علي...ممكن اطلب منك طلب...
علي ارتبك وسكت..
عبير بتردد/ممكن اروح القصيم....
علي بذهول/القصيم!!!وش عندك هناك؟
عبير/زوجة ولد خالي تعبانة حييل...وهاذي ايامها الاخيرة..وامي بتروح الليلة تشوف خالي وتتطمن عليها...قلت لو ماعندك مانع بمر عليهم..منها اشوف خالي وبنات خالي اللي من زمان عنهم..ومنها امرها المستشفى اتطمن عليها..البنت يتيمة وبيت خالي مربينها من الصغر وماعندها احد...
علي/..................
عبير/شقلت؟
علي/طيب..بفطر وبعدين اشوف شقرر؟
عبدالعزيز/لبنى حياتي وين رحتي؟انا اكلمك؟
لبنى بزعل وارتباك/معك حبيبي بس الضاهر من النعس قمت اسطل واخور...شكنا نقول؟
عبدالعزيز بجدية/كنت اقول اذا حضرتك ماعندك مانع تاْخذين لي من الوالد موعد علشان الاهل بيجون معي يخطبون رسمي...
لبنى/ها..اي...
عبدالعزيز/وشو أي؟
لبنى/يعني..
عبدالعزيز/يعني شنو؟
لبنى/شفيك؟جايتك بالكلام,,,,
عبدالعزيز/أي...
لبنى بارتباك/اجل الموضوع شوي...
عبدالعزيز بصرامة/لا..
لبنى بارتباك اكثر/حبيبي...
عبدالعزيز بجدية/شوفي لبنى..احبك..بس بعد ابيك على سنة الله ورسوله وبموافقة اهلك اني اكون زوجك.....يبوني مثل ماانا..ولاتراني مااراح اتغير الا اذا نزلت عليّ معجزة من السماء؟؟؟
لبنى بارتباك اكثر/انت ليش تقول ها الكلام!!حبيبي..انا كنت بقول..
عبدالعزيز/شبتقولين؟
لبنى تنهدت بقوة وفي عيونها الف دمعة محبوسة والف دمعة ماقاومت ونزلت على خدها وكانها شلال مطر..
لبنى/يعني في عندنا بالبيت شوية ظروف...ومااعتقد الوقت ملائم لخطوبة اللحين؟
عبدالعزيز بصرامة/شنهي ها الظروف؟
بكت بصمت وهي مو عارفة شتقول..تقطعت على ماقالت له/وانت ليش تبدل كلامك وصرت تحاكيني كذا!!
عبدالعزيز بجدية/لاني ابي ارتبط...ابوي يبيني اتزوج واستقر واشيل البيت وهو غايب...وانا بصراحة قلت لااهلي اني اعرف وحدة وكلمتهم عنك...ولو ان امي رفضت وقالت لي ماراح يقبلونك..هذولا مستواهم غير بس انا مصر....اني اكمل معك للنهاية واكون سويت اللي عليّ؟
لبنى/حبيبي احنا لبعض...بس صدقني اللحين البيت حوسة...تجهيزهم لزواج بندر من جهة وعمال داخلين طالعين بجهة ثانية..وبعدين امي رايحة القصيم تزور خالي والله اعلم كم بتقعد؟
عبدالعزيز/...........
لبنى/زوجة ولد خالي مريضة...يعني مدري كم بتظل هناك وبتقعد في بيت اخوها ويمكن ابوي يروح معها الله اعلم!!!
عبدالعزيز بحزن/طيب لمتى يعني؟
لبنى/اول ماتكون الظروف حلوة بعطيك خبر علشان تجي؟
عبدالعزيز/اكيد مو تنسين؟
لبنى/الا اكيد....طيب بتركك تنام اللحين قصدي انا بنام وبعدين ادق عليك؟باي....
سكرت حتى قبل تسمع جوابه وشنو قال لها ورمت الجوال بعصبية على فراشها وحضنت مخدتها وقامت تبكي بحرقة......وهي تلعن ابو الفلوس والماديات اللي خلتها بها الوضع وتدخل بسالفة وتطلع من الثانية علشان تبين له ان التاْجيل مو بكيفها والظروف حاكمة كذا!!!!
ام مصعب بهمس/شفيه فهد شكله متضايق؟
نجلاء بنفس الهمس/سكتي من البارح وهو قالب الوجه عليّ ومايكلمني؟تصدقين انه مانام من وصل؟
ام مصعب باهتمام/ليه؟؟؟
نجلاء/ليه بعد؟؟سوالفه اللي ماراح تتغير!!!يبي أي شي يمسكه ويقلبه لسالفة مالها أي معنى؟؟
ام مصعب/شصاير؟
نجلاء/البارح كنت معزومة بعرس بيت الخالدي واتصل فيني بوانا راجعة بالطريق ومن جيت استلمني...انتي ماعندك اهتمام قايل لك بجي كيف ماتقعدين بالبيت ومن منو استاْذنتي علشان تروحين وكيف تتركين البنات بروحهم نايمين بالبيت وليه فيصل ماهو بالبيت ومن كل شوي وولعها عليّ؟واليوم قالب الوجه ومايتكالم!!
ام مصعب بلوم/أي معه حق؟؟؟يعني تدرين بيجي وراك ماقعدتي تنتظرينه!!
نجلاء/انتي معي ولامع اخوك؟
ام مصعب/انا مع الحق!!!تدرين انه بيجي وش ياْخرك بالعرس لها الوقت وبعدين كيف تتطلعين وبناتك بروحهم بالبيت!!!انا جويزي وهي شكبرها ومااتركها بروحها يااخوها يااختها بالبيت ولا بيتي يضمني مااطلع!!!!
ام مشاري دخلت /السلام عليكم...
وعليكم السلام والرحمة...
ام مصعب/شلونك ام مشاري..
ام مشااري/الحمد الله..
فوزية/خالتي شلونك..
ام مشاري ابتسمت/هلا..هلا فوز...ها الجازي شلونك يمه..
الجازي/بخير خالتي الله يسلمك....
ام مشاري/حمد الله على السلامة ياام فيصل؟
نجلاء/الله يسلمك...
رحاب/وينه عمي ماشفناه؟
نجلاء بدون نفس/الظاهر انه مع مصعب ومحمد....
ام مصعب/مشاري ماراح يجي؟
ام مشاري/مارجعوا من الشرقية والله..
ام مصعب/قطع وش يقعده هناك عاد!!يقابلها ويقابل اهلها؟
ا م مشاري/هذولا خوال عياله...
ام مصعب/ياشين ماناسب والله!!والله لو محمد بعد ماعليه بس مشاري!!!النصيب!!!
ام مشاري بزعل/ام مصعب..ولدي ومرتاح مو كل ماشفتيه زعلتيه؟
ام مصعب/وانا شقايلة عاد!!من ضيقي عليه؟؟؟ودي له بالزين...
دق جوال منال وردت..
منال/هلا.....اي....ليه...اي بس انا قايلة لك هذا عمي فهد وماْكد عليّ انك تكون موجود وده يتكلم معك ويشوفك فلازم تجي..دبر نفسك...اي...طيب يوم انك جاي ليه بعد تطول وتعرض بالسالفة!!يالله طالعة لك؟
نجلاء/هذا تركي؟
التقت عيونها بعيون منال وقالت منال بقوة/أي..
نجلاء/ماهو بجاي؟
منال وقفت/الا كاهو واقف بطلع له......
المغرب....
ناصر/الو..
هنوف/ناصر..
ناصر/نعم...
هنوف/في واحد جاي ومعه اكياس مطعم عند باب بيتكم يقول يبيك...
ناصر/انا!!
هنوف/لا انا...
ناصر/غريبة..البيت مافيه احد كلهم طلعوا ونجود نايمة وماقالت لي انها طالبة شي من مطعم!!
هنوف/شلون يعني اروح انا اكلمه!!اطلع شوفه..
ناصر/يالله يالله....
نزل بسرعة وطلع لباب البيت وكان في واحد واقف عند باب البيت وهو متلثم واستغرب ناصر...كان طول الوقت يطالع بالارض وماد بيده بالاكياس..
ناصر بجدية/عفوا يالاخو..لمنو هذا.؟
اشر الشاب الواقف على ناصر وماتكلم..
ناصر/أي بس احنا مو طالبين....
اشر الشاب براسه يعني بلى ووراه الورقة مكتوب فيها طلبية ناصر السبيعي ومدفوعة....
ناصر اخذها وهو مستغرب ومشى الشاب شوي من عند البا وهو جنب الحيط..وناصر للحين بتردده ودفعة وحدة راح له..
ناصر/لو سمحت..
وقف الشاب مكانه ومالف لناصر بس ناصر مشى ووقف قبالها ..
ناصر/ممكن ترفع راسك....
توهق الشاب وماعرف شيسوي...
ناصر دقق اكثر وقال بصدمة /هنوف!!!
ناظرته بسرعة والتقوا عيونهم!!
ناصر تلفتت حواليه وحمد ربه ان ماكو احد بالشارع وقال بهمس/قدامي بالبيت لااتوطى في بطنك؟
دخلت قدامه البيت وهي فاطسة ضحك وسكر الباب ولف لها...وهي تسندت وقعدت على اول درجة من مدخل بيتهم,,
ناصر/مجنونة انتي!!!وش مسوية بنفسك؟
هنوف وهي غرقانة ضحك/ملانة...ويوم طلبت لي من المطعم قلت خلني اسوي فيك مقلب واشوف بتعرفني ولامنت عارفني....واشوف ردة فعلك يعني!!
ناصر/لو شافك احد؟ماخفتي!!
هنوف نست حالها وفتحت لثامها وهي تتكلم/تاْكدت ويوم لقيت انه ماكو احد طلعت..طبعا دقيت لك وبعدين طلعت!!
ناصر/اخ بس لو شايفك عمي!!
هنوف ببراْة/كنت بمشي وبوسوي روحي واحد مار من هنا!!
لف لها ناصر وهو مستغرب منها ومن افكارها...وقام يناظر فيها..وهي لافة عليها الشماغ...ولثامها مفتوح..عيونها كانت حلوة حييل وهي متكحلة ومبينة وسعها....مايدري وش اللي خلاه يناظرها كذا....بس حول نظراته فجاْة وهو يحاول يشيل الفكرة من باله وسالها وهو يناظر بالسماء/من وين لك الثوب؟
هنوف ببراْة/ثوبك؟؟
لف لها ناصر من جديد/ثوبي!!!!
هنوف بابتسامة/أي...اللي اخذته ذاك اليوم مارديته..
ناصر/ياسلااااام!!اي بس انتي ماقلتيلي انك بتاخذينه!!!
هنوف/للذكرى...اذا ماعندك مانع!
ناصر/بلى عندي مانع.....
هنوف/هههههههه مانع ولامواساة ماتفرق عندي لاني مابرده ههههههه
ناصر/ظريفة حضرة جنابك؟طيب سعد يمشي ولامايمشي؟
هنوف/هههههه لامايمشي غير مستشفى اسطون ههههه
ناصر/هههه امسكي بس عشاك بلا جنون!!
هنوف بزعل/عشاي!!ماراح تتعشى معي!!
ناصر/.........
هنوف/تكفى..انا قاعدة بروحي...امي وعبير راحوا المطار ابويوداهم علشان يروحون لخالي...ولبنى نايمة بالعسل للحين ماقامت ومضاوي الله بالخير مدري نها حية لو ميتة ماينسمع لها صوت؟
ناصر/والله هالبنت مظلومة بينكم !!
هنوف /شلون يعني مظلومة؟؟
ناصر/يعني صوتها همس ماينسمع!!وبينكم تصيرون وحوش بغابة حواتلينها!!
هنوف بغيرة/ها ناصر اشوفك تدافع عنها شالسالفة؟
ناصر/والله اذا تبين الحقيقة مضاوي ولااروع...ماكو مثلها اثنين بها العالم!!بس النصيب ماراح يجمعنا؟؟
هنوف بانكسار/ناصر؟؟؟
اللي لاحظه تغير ملامح وجهها بس ليش مايدري!!
ناصر/شوفي هنوف..مضاوي اختي بالرضاعة يعني مايصير اتزوجها وحتى لو ماكانت اختي...سالفة عبير وعلي...سكتت كل العيلة عل مااعتقد!!!
كانت نظراتها بالارض ودموعها خانوها مايدري ليش...
ناصر بحنان وخوف/هنوف..علامك ليه تبكين!!
خبت وجهها بين يدينها....
ناصر بخوف اكثر/هنوف...شفيك؟
هنوف من بين دموعها وراسها اللي مخفي بين كفوفها/ناصر..انت كنت تحبها؟
ناصر...........احبها عاد!!ههههه لاانتي ماتتصدقين ولاتصدقين تسمعين كلمة علشان تقلبينها براسك!!!
يوم سمعت ضحكته ارتاحت نسبيا..ناصر مايعرف يلف ويدور...
رفعت راسها وكان الكحل نازل من بين دموعها
ناصر/ول شكلك يخوف!!!لهدرجة مستحيل يمر موقف بالبيت وماتدرين عنه يصير فيك اكتئاب نفسي!!!!
فوزية/يالله احنا بنمشي..
منال/اذا بتمشون احنا بعد بنقوم؟
فوزية/كاْن رحاب ماطولت تغذت وراحت؟
منال بهمس/وضعنامع نجلاء صاير مو مريح ابدا!!!ماتشوفينها كيف تعاملنا!!
فوزية/غريبة عمتي نجلاء وش اللي مغيرها ياترى هي ماكانت كذا!!
منال باصرار/بلى بس كانت بخفيف اللحين صارت علني!!!
فوزية/الله يهدي الجميع..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك