رواية شرع ربي ولا اعتراض -67
ام مصعب/تعال اخوي ماكو غيرنا يعني منو بيكون موجود؟
فهد دخل وبيده سيجارته..
منال ابتسمت له/تفارق العالم وماتفارق صاحبتك؟
فهد/تعودنا..
ام مشاري/الله يفكك من بلاها بس...نذر عليّ بس تترك التدخين اسوي عزيمة طول بعرض...
فهد/معناته احتفظي بقيمة العزيمة ياام مشاري؟؟
فوزية/شفتي ياخالتي..خالي فهد يحبك ومايبك تخسرين..ههه قال ماله داعي يخسرك..هههه
ام مصعب/شلون رحلتك ياخوي؟
فهد/ماشية...تمام...
ام مصعب/مصعب تركنا ولا موجود؟
فهد/وش عاجلك خلك قاعدة؟
ام مصعب/الليلة السبت ياخوي..ورانا مدارس مثلكم...
فهد/بلى موجود مع محمد ...ولف لمنال..
فهد/الله يوفقك مع تركي..تراه كويس..وفاهم الدنيا..
منال ابتسمت له..
فهد/يالله دورك عاد فوزية جيبي لنا معرس انتي بعد!!
فوزية/ههه اطر يعني؟؟؟هههههه
ام مشاري/ههه وش تطرين...الف واحد يتمناك يابنيتي...
ام مصعب/ان شاءالله الله يبلغني وافرح فيهم...
ام مشاري/بتفرحين فيهم ان شاءالله وبعيال عيالهم بعد!!بس قولي امين...
ام مصعب/امين يارب...الله يسمع منك.
ام مشاري/وانت بعد يافهد بتفرح بسارة وبلمى وبفيصل ان شاءالله....واخوانهم بعد!!!
فهد/حرام عليك!!!
فوزية/افا يابو الشاب...
منال/شوف ولدك بالينا...ومطلع لنا ها اليومين سالفة جديدة تعالوا بيعوني بسمة؟
فهد/وينه مااشوفه؟؟قعد شوي معنا بعدين تملل وقام..ناداه تركي تعال يابن الحلال بسولف معك..قال انت لاوراك احمد ولاعندك بسمة شسوي معك اسولف!!!
ام مشاري/يموت على ها البسمة..
ام مصعب/جيبوا له ياخوي...
وقف فهد معلن انتهى الجلسةوانه مايبي يتكلم بها الموضوع/انا طالع تبون شي..
ام مشاري /سلامتك يابو فهد...
صعد فوق لداره يبدل ونجلاء بحضوره ماقالت كلمة وحدة..
فوزية/عمتي شفيك؟
نجلاء بدون نفس/ولاشي....
ام مشاري/يالله منال مشينا يمه...
منال/يالله..
ام مصعب/وين...
ام مشاري/بروح اشوف البنات..
منال بغمز لعمتها/والاهم ابو البنات؟؟تشوفه وشيسوي؟؟؟
ام مصعب/هههههههه الله يخليه لها اذا كلكم رحتوا عنها ترى ماعندها غيره..
ام مشاري/انا ادري فيهم ها البنات!!بنشوف بكرة تتركين تركي؟
منال/كانها قلبت السالفة عليّ؟
فوزية/المهم لو بغيتي تروحين لنجود عطيني خبر اروح معك..
منال/صار.....
على الساعة عشر كانت سيارة نجود وصلت لمزرعة فهد اللي كان ينتظرها من قالت له انها وصلت الرياض,,,,
نزلت السيارة بخطى واثقة....وتقدمت حتى تقربت منه...
ابتسم يوم شافها واقفة بطولها قدامه...
فهد/نورتينا والله..الف حمد الله على سلامتك يالغالية..
نجود/الله يسلمك....ويخليك لي يارب...
ظل يناظرها وحالها اليوم غير عن امس بكل شي..حتى وجهها مورد ورجعت حيويته..ومانسى كحلها اللي بعيونها وبسرعة سالها/عادي تتكحلين؟مايضرك؟
نجود ابتسمت لانها عارفة انه قاعد يتفحصها بمهل وبشكل دقيق/لا..مامنه مضرة...خلاص كل شي طبيعي...
فهد/يالله تفضلي ولاناوية تضلين واقفة طول الوقت؟
نجود وهي تتلفتت للبركة اللي وراهم/ورى مانقعد هنا؟
فهد/لا الجو بارد عليك....
نجود ناظرته بقوة خوفته وقالت بثقة/اذا بردت فنت بتكون جنبي وبتدفيني!!!انا ماعندي مشكلة مع البرد؟
فهد/.........
نجود/.........
فهد/يالله ندخل....
مشى وماعطاها مجال ومشت وراه وهي تتامله بثوبه الشتوي الكحلي اللي عاطيه هيبة ووقار اكثر واكثر وشماغه عليه لافه بس ..
فتح باب الصالة ووقف ينتظرها تدخل هي قبله...
دخلت وهي تتامل بكل المكان.....
كان الورد الاحمر منثور بكل جهة والشموع متناثرة على كل ركن وزاوية....
ومافيه غير كنبة وحدة لااثنين بس ..ومغطية بالورد من فوقها لتحتها....
كانت تتامل بالمكان الهادى والموسيقى الكلاسيكية اللي ماتدري وين مصدرها وهي تقول له...
نجود/فهد..مين جهز لك المكان؟
فهد بصرامة/نجلاء؟؟؟
طالعته بنص عين وهي تضحك وفاهمة عليه وقالت بدلع/كنت متوقعة انه يطلع منك بس اللحين اكدت لي ها الشي واكدت لي بعد ان احنا بنكون اسعد اثنين مع بعض؟
فهد مسك يدها وراحوا للكنبة وقعدوا.....وظل ماسك يدها...
فهد/ممكن اقولك شي...ن
جود/طبعا..وانت تستاْذن علشان تتكلم يافهد ؟
فهد وهو يناظر بالارض/كنت خايف عليك يانجود...يوم دخلت غرفة العمليات معك حسيت باحساس فظيع,,,,خفت اخسرك وانا مابعد ربحتك!!!!
شكلك ...صورتك ماهي قادرة تفارقني....اسرتني بكل مافيك من قوة وعنفوان وثقة وهيبة....ويوم شفتك لاحول ولاقوة بغرفة العمليات انكسرت...حسيت ان فقدانك اصعب من اني اتصوره......
ويوم قلتي للدكتور اني الشخص الوحيد اللي تحبينه وتعزينه بالعالم..انذبحت ماقدرت اكمل معك وانا اللي روحات وجيات علشان ادخل معك غرفة العمليات....
طلعت ...بكيت...ظليت ابكي وابكي بروحي وانا مدري وش اللي جرى لي....كل اللي اعرفه اني كنت تعبان وخايف ومتردد..تعبان من تعبك وخايف عليك وماابي يمسك شي..لعنت نفسي لحظتها ليش عرضت موضوع العملية عليك....
انا اللي جبت لك التعب بنفسي..وبيدي..
حبيبتي...صدقيني اول مرة بحياتي احس بها الاحساس....مدري ليه كنت خايف عليك لهدرجة...تعرفين..ذكرتيني بمشاعري يوم ضاع فيصل ..يوم لقيتيه تذكرين...
كانت مشاعري متلخبطة مثل ذاك اليوم بس انتي كانت معك اكثر..بكيت وانا اللي عمري مانزلت مني دمعة وحدة؟؟؟
حسيت اني لو خسرتك ماراح تكون لي قيمة بعدك يانجود وبظل الوم نفسي اكثر واكثر...
مدت يدها الناعمة ورفعت راسها بيدها وتواجهوا والتقت عيونهم مع بعض.....
نجود بهمس وعيونها مقربة تدمع../لو ماني مصدقة عيونك كان قلت لك احلف!!!بس عيونك ماتكذب عليّ حتى لو كذبت انت!!!!فهد حبيبي..صدقني انت عندي شي ثاني...شي مايتصوره بشر ولاراح يحس فيه غيري وغيرك بس!!!
امتدت يده ومسكت يدها وقربها من شفايفه وباسها بنعومة..
نجود/احبك...واموت بقربك....يالله هانت كلها كم يوم...ونكون لبعض...واوعدك..وعد ..وعد يافهد مابيغيرني عليك الا الموت!!
فهد/اسكتي ولاعاد تقولين ها الكلمة مرة ثانية؟انا مااحبها...انتي وردتي ...اللي ماراح تذبل وبتظل متفتحة لي علطول.....
ابتسمت له بهدوء بدون ماتعلق ودق جوالها وتضايق فهد...
نجود/علامك...لاتخاف ماراح ارد اذا بيضايقك اني ارد؟...يالله فل مابرد..
فهد بضيق/طيب بيدقون مرة ثانية؟
نجود/مااقدر اقفل جهازي لاني ادري انهم يبون يتطمنون عليّ!!
فهد/معناته ردي من اللحين وفكينا وقولي لهم انك بتنامين علشان مايدقون خلاص؟؟؟؟
كان بندر يتحمم وجواهر بالغرفة تجهز اغراضه..
طلعت من الغرفة وردت بعد عشر دقايق..وهي مرتبكة وحمدت ربها ان بندر لساته بالحمام وكاهو صوته يغني...
ردت مفاتيحه مكانهم..وهي تبتسم...
جواهر/هذا مفتاح جدة وصار عدنا....وعدنا الاسبوع الجاي يابندر...بتفرغ لك تفرغ تام علشان اشوف وش مسوي انت بعيد عني ياحبي!!والله متصورة وضع المكان كيف مكركب وحالتك لله واكلك من ها المطاعم وثيابك مرمية....
بس بجننك بغير لك كل شي وانت ماتدري منو اللي مسوي ها الشي وماراح اقولك......
بندر/منو تكلمين؟
لفت بفزع/بسم الله!!!
بندر/يمه..خرعتك!!!ماخبري اني اخرع كثير يعني!!
جواهر/لامو كذا...بس انا كنت افكر بشي....
بندر لبس ثوبه/بشنو؟
تقربت منه تسكر له ازارير ثوبه وقالت بدلع/حبيبي جهزت لك شماغ ثاني ...بندر/أي بس هذا مافيه شي؟
جواهر بنفس الدلع/عطني اياه حبيبي الليلة ودي انام وانا لافته عليّ علشان تبقى ريحتك معي طول الليل,,
بندر حط يده بشعره وقال بهمس/اخذيني انا نوميني عندك ليش تاخذين الشماغ بدالي!!!!جواهر ابتسمت له/حبيبي...ودي اطلب منك طلب؟
بندر/امريني الغلا...
جواهر لزقت فيه/مو كاْنك مقصر معي!!من زمان ماقلت لي كلام حب وغزل؟؟
بندر مسوي روحه مصدوم/من زمان!!!قولي والله!!!لالالا هاذي سالفة ماينسكت عليها ابدا!!طيب وليش ساكتة ماقلتيلي قبل كذا!!
جواهر بنفس الدلع/قلنا نتركك على راحتك انت تحس...بس شكله ماكو فايدة...خلنا نتعامل بصراحة افضل,,,,
بندر مسوي انه متاْسف وندمان ومو عارف شيسوي من الاحراج/ياربي...شلون كذا!!!!سامحيني !!مدري شلون صار التقصير وماانتبهت!!
جواهر وهي ماسكة ياقة ثوبه/وماعندك وقت طبعا علشان تقول لانك بتمشي!!
بندر همس لها باذنها/نخلق وقت مو مشكلة!!ولف يناظرها وهو يغمز لها بعيونه..
جواهر ابتسمت/لاتصير خبيث ترى انا اموت اذا شفت عيونك كذا!!!بندر مسك يدها وجرها معه..جواهر/وين؟
بندر/يبى بعطيك معلقة حب وغزل ولايصير بخاطرك بعد!!!خوب مايصير مااقول لك بعد مانبتهتيني على ها الشي واسوي نفسي ماسمعت واروح عادي.....
جواهر/لاحبيبي مسامحتك انا اليوم بس ابي وعد اسبوع الجاي تجي تسلم على اهلك وتقعد معهم مابقول ربع ساعة...يالله نص ساعة خلني كريمة معهم..وبعدها تركب فوق هنا..انا بكون منتظرتك؟
بندر/غريبة ماقلتي بمعتقل بيت الهاجري!!
جواهر/لا مدام السالفة فيها تعويض مانبي مقاطعات من محمد كل شوي..
بندر/أي يابنت الحلال خلك كذا دايم..عاقلة مو يزر عقلك من تشوفين ذاك الفرعون؟جواهر/ها بندوري بتزعلني منك!!ترى مهما صار اخوي وماارضى عليه ابدا!!!!
ملاك كانت قاعدة بغرفتها وهي تفكر بنجود...
بكرة بتجي المدرسة....وبتنورنا..ان شاءالله تجي مثل ماوعدتني اليوم بالتلفون يوم كلمتها...
يااني مشتاقة لها حيل وودي اشوفها....
بس ياترى هي وش تبي مني!!قالت ابيك بموضوع جديّ وبتناقش معك فيه!!!شنو ياربي شنو,,,,معقولة علشان البنات...هي دايم تقولي اختاري لك بنات متميزات وامشي معهم...بنات من فصلك وبعمرك..مثلا الجازي..ولانور ولامروة ولاشما...ياترى ها الشي اللي تبيني علشانه ولافي شي ثاني!!معقولة تبي تسالني عن سارة وانا قلت لها كل اللي اعرفه عنها وان علاقتي فيها انقطعت خلاص من بعد ها الموقف!!!
وش تبي مني...وهل بتكلمني بكرة ولا بعد كم يوم...لامااعتقد بكرة...بتكون تعبانة وتها جاية ومافي فرصة...يمكن بعد يومين كذا!!!
ام رائد/ملاك.....وش ها الهدايا هاذي كلها...
ملاك/يمه..قلت لك بكرة نجود بتجي؟
ام رائد/أي صح..
ملاك/ها ان شاءالله نسيتي بعد توصين الطباخ على غذاها لبكرة؟انا قلت لك بجي بتحمم وباخذ الاكل وبروح لها...تراني موصية عليه بس بعد ذكريه انتي..
ام رائد/ان شاءالله يايمه...الا وش فيك سرحانة؟
ملاك بتردد/يمه..ابلة نجود امس قالت لي...انها تبي تكلمني بموضوع جديّ وتبيني اتقبله منها واخذي واعطي معها....
ام رائد بفرح/أي..وبعدين..ووين المشكلة مو ابلتك وتحبينها وكل شي فيها يعجبك؟
ملاك/يمه...وش تتوقعين تبي تكلمني فيه؟
ام رائد/مدري يمه..انتي شتتوقعين؟
ملاك/مدري قولبتها براسي..واحترت...يمكن علشان البنات هي دايم تقولي اختاري لك صديقات مضبوطين مثل ماقلت لك..ولا يمكن عن بنت انا عارفتها من زمان اللي اسمها سارة وقلت لك عنها...بس هذا اللي طلع معي!!
ام رائد تلاشت فرحتها/بس!!!طيب هي مالمحت لك كيف نوعية الموضوع اللي تبيك فيه؟
ملاك/لا..بس كل اللي قالته ابي اكلمك بموضوع واعتبريني اخت وصديقة..
ام رائد/ملاك...وش ماكان الموضوع راح تتقبلين منها؟
ملاك باندفاع/وبدون أي تفكير..ولو هي من ها المطوعين وتقولي لبسي عباية راس وغطي شعرك ووجهك ولبسي قفازات كان لبست حتى لو مااقتنع ابوي!!!اهم شي هي ترضى..بس مدري ليش محتارة بالسالفة اللي تبيني فيها....
ام رائد/كم باقي على امتحاناتكم؟
ملاك/اممم اسبوعين...
ام رائد في بالها(وش ها التوقيت الفاشل يانجود قبل اسبوعين بتكلمينها عاد!!انا متاْكدة انها بتتعب حييل ولابتروح امتحانات ولاغيره....انا لازم اكلمها واقول لها تاْجل الموضوع شوي)
نرجع لنجود اللي كان راسها متوسد حضن فهد وهو يلعب بشعرها......
نجود/تعرف يافهد شنو امنيتي!!او اول شي بسويه اذا تزوجت؟
فهد/شنو؟
نجود/بقص شعري..
شدت يده على شعرها اللي كان يلعب فيه والمها..
نجود/أي...
فهد/وش قلتي؟
نجود/امنيتي اقص شعري,,ماتدري كيف ابوي حارمني من ها الشي من زمان!!تصدق من وانا بالمتوسط ماعمري قصيته؟؟
فهد/هاذي كذبة ماتتصدق!!بالمتوسط يعني المفروض يكون اطول من كذا مو ها الطول بس!!!(عجبتني يافهد هههه)وبعدين منو قال لك ان سجني بيكون اخف من سجن ابوك؟؟؟
نجود/شلون يعني!!لاتقول ان حضرة جنابك معترض؟
فهد/ا لا معترض ونص بعد!!قص شعر مافيه,,حالك من حال لمى وسارة..مايلمسون شعورهم لو شيصير....حلاة البنت بشعرها الطويل...
نجود بابتسامة/وثوبها القصير!!لايابابا...معناته زين قلت لي..علشان اقصه بالكوافير يوم العرس اكون دخلت عليك ولايمديك تقول لي شي!!!
فهد/مافيه قص يعني مافيه قص ومافيها نقاش زيادة؟
نجود/وبعدين منو قال لك اني بترك لمى كذا!! لاحبيبي...البنوتة مسيكينة ضعفونة ووجها كرزة صغيرة وشعرها لضهرها!!كيف تجي بالله ذي...ماعليّ منك اول ماادخل باخذها وبقصه لها....سندها بصدره وكانه ينهي الموضوع ولفت له مرة ثانية بعد ماشمت عطره..
نجود/فهد انت مغير عطرك؟
فتح عيونه على وسعها وبعد راسها عن صدره شوي..
فهد بدهشة/وش عرفك؟
نجود/ليش ماادري عنك ولا مو متابعة تحركاتولاادري انت وش تستخدم!!!ماغابت عني ريحتك من اول مادخلت بس قلت يمكن مشككة بس اللحين تاْكدت انك مغيره,,,...بعدين ترى تغيير العطور فيه عدم استقرار بالمشاعر وهذا يدل على عدم الثقة بالنفس والشخصية تكون الى حد ما مهزوزة!!ادري مايناسبك بس لاتحاول تغير كثير لانك فعلا بتتغير بشخصيتك..كانك البنت الحلوة اللي عندي؟
فهد باستفهام/أي وحدة فيهم!!
نجود/وفي غيرها جواهر هانم!!الصباح عطر خاص وللمدرسة عطر خاص وللبيت عطر خاص ولليل عطر خاص وللطلعة عطر ولليل واخره وسهراتها مع بندر عطر....مابقى عطر بالعالم مو عندها؟
فهد/انتي وش سالفتك مع ها البنت الحلوة على قولتك؟وش تعني لك؟
نجود ضحكت/هههه جواهر..حبيبة قلبي والله...
فهد بابتسامة/حبيبة قلبك ها!!طيب وش سوالفكم البطالية مع بعض قولي سمعينا!!
نجود وهي تضحك/اوه ه ه اسرار مانقدر نقول ههههه...بينا عمر من زمان وسوالف ماينحكى عنها لااحد مهما كان لانروح فيها!!!جر خدها بالقوة وهي ميتة ضحك على ضحكته,,,
شبيطلب محمد من فوزية وهل بتتضايق من طلبه ولاشبتسوي؟
**وليش مااغار!!تعرفين قدرك عندي شقده وماتعبريني وتسالين في اللي مايسال فيك؟
**لو ادري ذكرتك بالبارحة قبل لاينشف ريقي؟
**مو لازم تعرفه يكفيك اني بطلبه وانه طلبي ولازم تحققه لي؟
**دلع وشنو بتسوي بين بندر وجواهر وهل بتنجح وبيتم الموضوع مثل ماخططت؟
البارت التاسع والاربعين
يوم السبت بالمدرسة...
منال/هلا وغلا..حمد الله على السلامة..
نجود/الله يسلمك..ها احلويتي...كان انخطبتي من زمان!!
منال ضحكت/يالله بطلي من سوالفك بس!!
هاجر من وراهم/يالله باقي انتي نجود شوفي لك معرس بعد وش تنتظرين؟
لفوا لها وتقربت منها هاجر تسلم عليها..
هاجر/حمد الله على سلامتك..
نجود/الله يسلمك..
هاجر/وحشتينا مرة يانجود...دوم نذكرك بالخير ونسولف عنك..
نجود/ماتقصرون والله..
منال/الصدق الصدق اشتقنا لك...
نجود/من ذوقكم والله....
هاجر/شلونك اللحين؟
نجود/الحمد الله ...عال العال..يالله انا عندي حصة بروح ...اشوفكم بعدين....
اخذت كتبها ومشت لفصلها وكانوا نص البنات برى الفصل,,,,,
ابتسمت وهي تشوفهم..ياانهم وحشوها حييل..بمشاغبتهم وخوفهم وعنادهم وكسلهم وكل شي فيهم...
كانت ملاك الوحيدة اللي مادخلت الفصل ويوم شافت نجود طاحت منها دمعتين ومسحتهم..
وراحت تركض لها تسلم عليها وشوي وتحضنها بس نجود ماعطتها مجال..
ملاك بوناسة وفرح/حمد الله على سلامتك نورتينا والله..
نجود وهي تمشي معها للفصل/الله يسلمك...ليش طالعة برى الفصل ها؟
ملاك/هههههه توك رادة بتتحلفين فيني!
نجود/يالله دخلي قدامي وعلى مكانك بسرعة....
دخلت ملاك وبعدها بشوي نجود..
نجود/السلام عليكم..
وعليكم السلام ورحمة الله وبركاته...
نور/شلونك ابلة نجود..وحشتينا مرة؟
شما/الفصل بدونك ماكان يسوى أي شي؟
مروة/اشتقنا لك؟
ملاك/زين خلوها تاخذ نفسها بعدين تكلموا؟
ريم/ملاك وش عليك منا!!نبي نقول اللي بخاطرنا؟صح ابلة نجود؟
نجود/ملاك ليه مغيرة مكانك؟
كانت ملاك باخر الصف تقعد واللحين قعدت جنب نور وشما قدام بالنص قبال مكتب الابلة..
ملاك بفرح/اكتشفت اني غبية تاركة لهم ها المكان الذهبي والاستيراتيجي...
نجود/على مكانك يالله..
ملاك/لا ابلة مايصير؟؟وبعدين انا مااشوف ورى؟
البنات/هههههههه
نجود/توك مكتشفة انك ماتشوفين؟
ملاك/شسوي..وخصوصا بحصص العربي؟
نجود/ملاك خلك قاعدة هنا بكل الحصص الا حصتي ماابي شوفتك هنا اذا ماعندك مانع!!
ملاك/اووووف انا ماابي الا حصتك؟معليش من الحصة الجاية نطبق النظام...
نجود/وش جايبن معكم؟
مروة/مطالعة..
نجود/يالله خلاص خلونا نبدي بالجد....
في القصيم...
عبير/رياض...شلونك ياولد خالي...
رياض باسى/هلا عبير...
عبير/علامك كذا متضايق ومكدر خلقك..يبى الاعمار بيد الله وماحد ياخذ اكثر من يومه؟
رياض/عبير انتي شلونك؟
عبير/............
رياض/بعدك بمثل وضعك ماتغيرتي؟
عبير/الحمد الله على كل حال.....
رياض/تذكرين يوم ان ابوي يكلم امك علشان تخطبك لي وابوك قال انك لولد عمك علي....
عبير/السالفة مرت عليها اكثر من سنتين ياولد خالي....
رياض/انا تعبان ياعبير...شوفة عينك..امي تعبانة وماهي قادرة تقوم بولدي..وخواتي ثلاثهم صغار ومايعتمد عليهم اكبرهم باولى متوسط؟والشغالات عانينا منهم لدرجة ان احنا فضلنا نموت قهر ولانجيب وحدة منهم!!شسوي بولدي ياعبير شسوي..
عبير/الله كريم..ادعي لها بالسلامة يارياض..
رياض/الله يقومها بالسلامة.....
عبير/..............
رياض/يتيمة وربيناها من الصغر..لاعندها احد ولااحد يدري عنها غيرنا...وبالطلعة والدخلة توصيني على ولدي...وانا خايف من ها الموقف ياعبير مدري شسوي.....
عبير تنهدت/افراجها عند رب العالمين يارياض...
في مكتب فهد,,
مصعب/خالي..
فهد/شسالفتك انت من البارح خالي وخالي؟شعندك.؟
مصعب قعد والهم باين بوجهه..
فهد/قول؟
مصعب بانت دمعتين بعينه ماعرف كيف يمسحهم..وقال بنبرة باكية وزعلانة../ابي اسمع صوتها ياخالي!!
فهد بذهول/مصعب؟؟وش سالفتك انت!!
مصعب بترجي/صدقني بس اسمع صوتها واتركها واشيلها من بالي بعد!!!
فهد بصرامة/مصعب..البنت مرتبطة وقايل لك ها الحكي الف مرة؟؟؟اعقل وش جاك انت وخلاك تصير كذا!!
مصعب بالم/خالي انا عارف انها مرتبطة...بس كنها ساحرتني ها البنية كل ماقولبتها براسي ابيها تطلع الاقيها اخذت حيز اكبر من تفكيري!!!
فهد بنفس الصرامة والقوة/مصعب وقسم بالله لوعرفت بس انك للحين تفكر فيها ومالشتها من بالك ماراح يصير خير..طيب...انت اعقل من كذا..والله اني ماهقيتها منك ابدا!!معقولة توصل فيك لهنا...شوف حالك كيف صاير كنك مجنون مو عاقل!!
مصعب كان منزل راسه وكنه يداري دموعه لاتنزل...
فهد/اسمعني زين يامصعب..انا بكلم اختي وبقولها ولدك كبر دوريله عروس لمتى بعد!!!اخطب...بتشيلها من بالك وبتبدي حياة جديدة...وبلاش تزعلني منك وتضل تفكر ها التفكير اللي ماوراه غير التعب والجنون لك؟؟ولاالبنت تبي خطيبها وتحبه وتموت عليه.....
ابو مشاري/لو تدري نجلاء وش ناوي عليه فهد كان تقوم حرب عالمية؟
ام مشاري/هو مو ناوي يقول لها؟
ابو مشاري/بلى...قال بيعطيها خبر...وحتى عياله بيقول لهم؟
ام مشاري بهمس/هو حاط عينه على وحدة يابو مشاري؟
ابو مشاري/والله انا نشدته..قال لا..بس انه تعبان بحياته ويبي يرتاح وها الشي من حقه...وانا مقدر اقوله شي..
ام مشاري/يعني اختك ام مصعب عارفة؟
ابو مشاري/أي عارفة..
ام مشاري/وهي اللي بتختار له؟
ابو مشاري/لا ماظنتي..هي سالته منهي واذا كانت مطلقة ولاعندها عيال ولاكبيرة بس فهد تعرفينه كتوم ومايتكلم قال بتعرفونها بوقتها....
ام مشاري/يعني ماشال الفكرة من راسه؟
ابو مشاري/لاوالله شكله معزم عليها بقوة بعد..يقول بيخطب ها اليومين بعد مايكلم نجلاء وبعد رمضان بيتزوجون...وبيجيبها البيت.
ام مشاري/بيجيبها مع نجلاء بنفس البيت؟؟؟راحت فيها؟؟؟خله ياْجر لها شقة؟
ابو مشاري/قايل له...اجر شقة ولاخذ بيت ابوي وطلع منه المتاْجرين وعدل فيه وسكنها هناك..قال عن عيالي ماراح ابعد..بياخذ المساحة الفاضية هاذي اللي بجهة البركة وبيدخل عليهم المجلس الصغير والغرفة اللي جنبه وبيسوي لها شقة ..غرفتين وصالة وحمامين ومطبخ ..
ام مشاري/يا انها بتمر عليك ايام يافهد الله يعينك فيها..
ابو مشاري/انا قلت له يوم انك ماخطبت للحين لاتخطب الا اذا قلت لها وشفت ردة فعلها..
ام مشاري/هي اكيد بتدري اذا شافت العمال يشتغلون ليل نهار بتدري..الله يستر بس منك يانجلاء؟
هنوف/امي ماجت للحين؟
لبنى وهي مقهورة بوقفتها بالمطبخ/من صدقك انتي !!البارحة رايحة الليلة بتجي؟
هنوف/انتي مارحتي الكلية؟
لبنى بقهر/لا...حضرة جنابه ابوك مارضى...قال مافي روحة..قعدي اليوم بالبيت قابلينا طبخي وشوفي وش نبي مدام امك غايبة؟
هنوف/اها....قدر عليك السيد الوالد؟؟؟الله يكون بالعون..على فكرة وش طابخة لنا غذى ترانا جواعى؟
لبنى بعصبية/طابخة هم وضيم وقهر؟
هنوف بسخرية/وااااااااو؟؟؟شكلها الطبخة عجيبة!!مينة من مكوناتها بعد مايحتاج!!!
لبنى رمت عليها ملعقة الخشب اللي كانت بيدها/ذلفي عن وجهي انتي بعد لااحط حرتي فيك!!!
هنوف/ههههههههه
لبنى/الله يهداها امي وش موديها عند خالي بس!!!
هنوف/جنيتي انتي!!اخوها هذا شلون ماتبيها تروح له؟
لبنى بقهر/طيب ياخلت عبير معنا!!ولااخذت زوجها معها!!شوفوا ترى انا بحط الغذى وبركب انام مالي شغل با احد؟
هنوف طلعت وتركتها بروحها...ودق جوالها...
لبنى بزعل/هلا..
عبدالعزيز/وش ها الهلا الزعلانة؟.
لبنى بضيق/مافيني شي؟
عبدالعزيز/وراك مادقيتي لي اليوم ؟مو مفروض بين العشر والاثنعش فاضية ماعندك محاضرات!!!
لبنى/أي انا مارحت الكلية اليوم؟
عبدالعزيز بخوف/ليه!!فيك شي؟
لبنى بقهر/صايرة ربة بيت على اخر الزمن؟؟امي ماخذة الشغالة معها وانا اطبخ وانظف واسوي كل شي!!تصور...
عبدالعزيز بمسخرة/لا,,,مسكينة الله يعينك...وش مسوية لهم مندي ولامظبي ولامحشي ولاهامور؟
لبنى/لاتتمسخر انت بعد؟
عبدالعزيز/وانا شقلت عاد!!ابي اتطمن بكرة لارجعت من الدوام وش بيكون ينتظرني؟
لبنى/توست وجبن ماغيره...عندنا خميس وجمعة بس اللي بنتغذى فيهم!!!
عبدالعزيز/افا!!ليش عاد!!
لبنى /انت ناسي ان وراي كلية وماارجع الا بعد الثنتين....حبيبي مافيني اقابل المطبخ انا كل اللي اعرف اسوي اذا وصلت البيت ابدل وانام!!!
عبدالعزيز بحسرة/يعني ماراح تطبخين غير الخميس والجمعة بس!!
لبنى بفزع/ومن قال اني بطبخ عاد!!الخميس عند اهلك والجمعة عند اهلي!!!!
بندر/حبيبي مشتاق لك مووت؟
جواهر/يابعد عمري تدري فيني نعسانة توني رادة من المدرسة بعدين اكلمك لاصحيت؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك