بداية الرواية

رواية شرع ربي ولا اعتراض -70

رواية شرع ربي ولا اعتراض - غرام

رواية شرع ربي ولا اعتراض -70

موت اذا قلت لها انقلعي وتطالبني باعتذار فوري واحتمال انها ماتقبله لانها عندها ان هاذي شتيمة قوية بالنسبة لكرامتها ههههه)
مريم راحت غرفتها وسكرت وراها الباب..
مشاري قعد جنب لمياء..
مشاري/وش فيكم..ليه متزاعلين مع بعض؟
لمياء بنفس العصبية/لانها عنيدة وماتسمع الكلام واللي براسها تسويه!!
مشاري بضحكة/طالعة على امها الله يحفظهم لي...
لمياء بضيق/مشاري واللي يسلمك مالي خلق مزحك ابدا!!خلني بروحي برتاح شوي؟
مشاري وقف/كبريت مو زوجة!!خلني اروح اراضي حبيبتي مريومة لانك تبين تنفجرين فيني بس بقوم قبل لايجيني طشار!!!!
علي قعد من نومته وشاف عبير قاعدة بالصالة,,
تقرب منها ولقاها ماسكة جوالها وتناظر بصورة عبد الرحمان ولد رياض..
علي بصرامة/كانك من البارحة وانتي تناظرين فيها!!
نزلت الجوال من يدها بسرعة وخوف...
علي/وش سالفتك انتي!!
عبير بتردد/ولاشي...
علي قعد جنبها/أي بس انتي من البارح..وانتي ماسكة صورته وتناظرين فيها؟؟عسى ماشر..
عبير بارتبك/مثل ماقلت لك..ظروفه بس مضايقتني!!واذا يضايقك خلاص بلاها..هذا انا شلت الجوال؟
علي/.........
عبير/شفيك.
علي بعصبية/انتي اللي شفيك؟
عبير/انا مافيني شي...
علي بقمة العصبية/بلى فيك!!!انتي اصلا من رجعتي البارحة وانتي مقلوبة فوق تحت وكاني واحد من الشارع مو زوجك؟
عبير بارتباك/علي..انا بس كنت تعبانة ومو قادرة..
علي قاطعها وهو يصارخ/وش تعبانة موتعبانة!!!!انا ماتمشي معي ها السوالف!!انتي زوجتي فاهمة شنو معنى زوججتي!!سالفة تعبامنةومالي خلق ماتمشي علي!!
عبير بحزن/انا اسفة حقك عليّ!!!
قام عنها وطلع من الشقة وتنهدت بحرقة...وهي تكلم نفسها..
أي هذا علي اللي اعرفه من زمان وذاك كان مجرد انسان ثاني ماهو الاصلي!!!
تنهدت بقوة ورجعت تناظر بصورة عبدالرحمان علشان تنسى كل شي وراها!!!
في مكتب فهد ..
السكرتير/استاذ فهد..
فهد بقوة/نعم..
السكرتير/وصلت لك قبل ثواني..
رفع فهد راسه ولقى بوكيه ورد ابيض..ومعاها ظرف مغلف...تركهم السكرتير على الطاولة وطلع..
امتدت يده وفتح الظرف اللي كان بظرف ثاني..ومكتوب من فوق الظرف....(تسلم حبيبي..عساني منحرم منك ابدا..وتراني مشتاقة لك نار وابي اشوفك)
فتح الظرف وكانت فيه الفلوس....
ناظر في بوكيه الورد ومالقى فيه أي كرت..مسك جواله ودق عليها...
نجود بدون مقدمات/وصلت الامانة!!
فهد بصرامة/ليه كذا!!
نجود/قلت لك....انا
فهد قاطعها/السايق جابهم؟
نجود/أي..انا قلت لك اني بطلع بندة شوي..ومرينا اللحين عند مكتبك يوم خلصت..
فهد/يعني راجعة الشقة...
نجود/أي..
فهد/صار لازم نشوف بعض بكرة...
نجود/ههههههههه
فهد/مجنونة وعنيدة مثلك صدقيني ماشفت؟
نجود/انت قلت خلنا نتعامل مع بعض بصراحة وحرية وكل واحد يسوي اللي يعجبه...
فهد/أي بس ها الاشياء تافهة ومالازم..
نجود/قلت لك وبعيدها لك مرة ثانية لمى اصير زوجتك....بتكون تافهة وماراح نتكلم فيها....وبعدين ماابي اعطلك وانت بالمكتب....
فهد/يابعدي انتي تعطليني مثل ماتبين اذا بتعوضين بدل ها التعطيل بعدين انا راضي!!
نجود/ياعمري انت..
فهد/ماقلت لك,,,سالفة سارة ماشية تمام..
نجود/صدق!!علشان تعرف منهي نجود وش بتغير بكل حياتك؟
فهد/ياعسى الله مايحرمني من عقلها ولامن زينها ولامن قلبها..
نجود/لالالا هذا مو قبول ,,ابي غزل صح بس مو اللحين وانت بالمكتب وانا مستعجلة!!ابي قماري الليلة!!!
كانت واقفة وهي معصبة حييل...
بندر وجواهر...
شي اقوى من اللي توقعته؟
بس مو مع دلع...بيفترقون يعني بيفترقون لو على رقبتي!!!!
يحبها أي نعم.,..بس لازم ينساها وينسى اللي خلفوها بعد!!!
انا عطيته وجه بزيادة وخليته على راحته معها..بس هي طلعت حقيرة وقاعدة تربطه فيها اكثر واكثر بااسم الحب والغرام!!!
لكن على مين,,,عليّ انا وانا بنت ابوي!!!
والله لاابكيها واخليها تندم على انها حبته وارتبطت فيه وعطته اسمها وحبها وقلبها وكل ماتملك!!
انا دلع يابنت الناس دلع,,,حطيني على بالك زين..ماعاش اللي يرد لي طلب ولا يخليني متضايقة ساعة وحدة بس!!!
اذا مااخليك بليلة عرسك تنامين في بيت اهلك قهر وحسرة مااكون انا دلع!!وبتشوفين يابنت الهاجري...حلوة ومزيونة ماقلنا شي ,,بس انا بندر حطيته في بالي,,,ورزيته وعدلته ولبسته ووظفته ..وبيكون مثل الخادم تحت رجلي.,,,,وانتي..خلاص,,,صلاحيتك بتنتهي بالنسبة له...وبتصيرين سلعة قديمة وبيرميها قدام الكل,,,,
بس انا ماابي أي وقت ياجواهر...ابي بيوم عرسك..وبخططها صح ليوم عرسك...لبسي ثوبك لاابوك وامك مو لبندر...ههههههههههههههههههههه
نجود/هلا وغلا زارتنا البركة والله....
ام مشاري/هلا فيك انتي..حمد الله على سلامتك...
نجود/الله يسلمك يارب...والله احرجتيني بها الزيارة ياخالتي؟
ام مشاري باحراج/والله انا الللي مو عارفة كيف ابدي معك الزيارة...من زمان وانا منحرجة منك بعد اللي صار..
منال/يمه قلت لك نجود تفهمت الموقف....
نجود/اللي راح راح....وبعدين انا لايمكن اشيل علك وانتي مالك شغل.....
ام مشاري/الله يسلمك...شلون عينك..عسى ماتعورك؟
نجود/الحمد الله بخير....
ام مشاري/الله يعطيك العافية.....
نجود/وين فوزية مو قلتي انها بتجي معك؟
منال/شكلنا بنجي زيارة ثانية,,,عمتى طلعت واضطرت تقعد مع اختها بالبيت لاتتركها بروحها....
نجود/مع الجازي...كان جابتها معها.....
ام مشاري/لمياء ورحاب بعد يسلمون عليك ويتحمدون لك بالسلامة..
نجود/الله يسلمهم.....دقت لي لمياء وقالت اذا صار عندها وقت فاضي بتمرني...شلونها بسمة كبرت؟
ام مشاري/أي تعالي شوفيها يمكن تخطبيها؟
نجود/لاعاد هذا مو قبول اخطبها وانا بعدني ماانخطبت!!!خل اول انا يجيني معرس بعدين اخطبها؟
منال /ام مشاري/هههههههه
نجود/خالتي وش تشربين..
ام مشاري/بعد جايين لعندك اكيد قهوتك.....
نجود/ان شاءالله...
منال/انتي اللحين يبيلك جزر علشان نظرك....
نجود/تعرفين انها قاعدة مو صحيحة؟الجزر مايغير أي شي بالنظر...زيوت الاسماك هي اللي تقوي النظر وتخليه ثاقب وتقضي على هفوات الكتابة والتلعثم بالكلام.....
م مصعب/اخوي مارجع البيت؟
نجلاء/لا...اليوم قاعد مع العيال لازم يتاْخر بالليل؟
ام مصعب/نجلاء...ودي سالك عن شي..
نجلاء/شنو؟
ام مصعب/شلونه فهد؟
نجلاء/لاتخافين صحته عال العال مافيها شي..
تنهدت ام مصعب بضيق بس ماحبت تبين/...طيب وهو كيفه مرتاح...
نجلاء/وي انتي الثانية بعد!!وش اللي بيضايقه ان شاءالله!!!
احنا لالنا فيه ولاهو لنا ,,وقت مايبي يقعد مع العيال بكيفه ولاتلاقينه بها المكتب وساكت ماندري شفيه...بس ماعليك فهد طول عمره كذا..تعرفينه اخوك كتوم ومايحب يسولف واذا سولف ضيق خلقنا بسوالفه!!
ام مصعب/نجلاء!!هذا اخوي...
نجلاء/أي وانا الصادقة...لايبيني اسولف عن الحريم وين رايحين ومن وين رادين!!ولايبي يقولي اخر اخبار مرة سالم بعد ماتطلقوا!!ولا ها السوالف اللي يحبها قلبي...ماعنده غير ديري بالك على سارة..ومدري وشو..وانا تعبان وماسالتيني شفيك وانا متضايق وانا تارك الغرفة وانتي مالاحظتي....يي...خلنه صاخين بس وقولي..منتي ناوية تزورين ام تركي؟
ام مصعب/وليش ازورها بالله!!!
نجلاء/شلون ليش!!!ياحظي انتي عارفة هاذي من بنته ومن اهلها ومنو ماخذة؟زين اللي صرنا نسايب علشان نتعرف عليها..
ام مصعب بثقل/هي اللي مناسبتنا...ورى ماتبدي الزيارة هي!!ليش نبديها احنا؟
نجلاء/انا عن نفسي بروح ازورها...تبين امرك اذا رحت لها؟
ام مصعب/لاطبعا.....
نجلاء/بكيفك.....
ام مصعب/نجلاء...ديري بالك على اخوي فهد..
نجلاء/ليش شفيه؟
ام مصعب وقفت/يعني لازم يكون فيه شي علشان تديري بالك عليه وتنتبهين له؟؟؟
نجلاء بلامبالاة/لامو كذا السالفة بس..
ام مصعب بحدة/كلمة وماراح اعيدها لك يانجلاء...فهد ضايق فيه البيت يارايت لو تراعينه اكثر وتهتمين فيه اكثر...علشان لاتجي لحظة تندمين عليها....
اخذت اغراضها ومشت ووقفت نجلاء تناظر بمكانها اللي مشت منه...وهي تكلم نفسها/هاذي وش تقصد بالله!!!وبعدين فهد من متى يشتكي لااحد من اللي حواليه عن اللي يحس فيه؟؟؟؟؟
فهد ماشكى بس هذا اكيد من ام مشاري تبي تهيني وتذلني وقالت لاام مصعب ها الكلام!!!لكن زين انا لكم يابيت ابو مشاري!!!
ناصر/وش بغيت لجيتني انت؟
خالد/مو انا اللي ابي..
ناصر/ومنو بالله ظلك؟؟؟؟انا اشوف اتصالاتك انت اللي بجوالي؟
خالد/سلمك الله هذا اخوي محمد..
ناصر/وش فيه؟هو مو يشتغل بمكة؟
خالد/الا يشتغل بمكة..
ناصر/طيب وش يبي مني يعني!!
خالد/وانت ليش بصلتك محروقة جايك بالحكي انا...
ناصر/قول يالله تراك نشفت دمي...
خالد/تذكريوم يجون الاهل بيتكم لااختك يتحمدون لها بالسلامة....
ناصر/أي...
خالد/هم شافوا بنت عمك وعجبتهم وقرروا يخطبونها لمحمد اخوي وخلود قالت لها الخبر على الماشي...ومن قالوا له وهو اتصالاته ماوقفت كلم ناصر وكلم ناصر..وهاذي كل السالفة؟
ناصر/ياانكم ارعبتوني بجد!!!!طيب مو اختك كلمتها...
خالد/أي قالت لها بس الضاهر بنت عمك تدرس وبتتخرج ولا شي من كذا..وهو مو صابر يبي اللحين يجي يخطبها....
ناصر/والله لو يخليها تخلص وتتفرغ له افضل...بس على كلا وش المطلوب مني...تبي اخذ لكم موعد مع عمي حاضر...
خالد/أي تكفى..وبالقريب العاجل بعد..
ناصر/خلاص انا اشوف عمي ومتى يناسبه وارد لك خبر....
خالد/صار....وعقبالك انت ياحظي...
ناصر/هههه انا شكلي بعمر بالارض والله..
خالد/وانا شكلي نويت اجيب الثاني يانويصر ..لحلح حالك شوي وتعال معي بعد مايصير عيالنا يكون الفرق بينهم كبير...
ناصر/هههههه أي يصير خير ان شاءالله...
شمايل /يالله انا برى البيت...مو تتاْخرين؟
لبنى/يالله طالعة لك..
مضاوي/على وين؟
لبنى/بروح معها مشوار ...
مضاوي/مطولة؟
لبنى/لا مااتوقع....
مضاوي/طيب لارجعتي ابي اكلمك...
لبنى/شسالفتك انتي!!
مضاوي سكتت ونزلت راسها..
لبنى اخذت شنطتها ومشت لعند الباب وقالت بدون ماتلف لها/طيب لارجعت بنتكلم.....
ملاك/شلونك..
نجود/هلا والله...
ملاك/طلعوا ضيوفك؟
نجود/أي طلعوا...
ملاك/ماقلتيلي منو تعرفين من الرياض؟
نجود/ناس....
ملاك/وليش ماتبي تقولين لي منهم هذولا الناس؟
نجود/بكيفي....مو انتي ماتحبين تقولين لي كل شي عنك!!خلاص انا بعد بحط لي بعض الاشياء الخاصة....
ملاك/حرام عليك!!انا وش اخبي عليك..كل حياتي كتاب مفتوح بين يدينك..
نجود/كتاب..بس مو مفتوح فيه بعض الصفحات المغلقة؟
ملاك بتردد/وش تبين تعرفين يعني؟
نجود/يعني...انتي أي امور عائلية ماتتكلمين فيها ليش؟
ملاك بنرفزة/لان العلاقة بيني وبينك ليش لازم يدخلون فيها الاهل؟
نجود/مو صحيح..الاهل هم الاساس....
ملاك/طيب ابوي...
نجود قاطعتها/فكيني واللي يعافيك!!!انتي ماعندك غير ابوي وابوي!!ترى كلنا عندنا احلى من ابوك اللي مدري وش عليه نافخة ريشه!!
ملاك /ابوي...لازم انفخ ريشه على قولتك!!وبعدين كل فتاة بابيها معجبة!!!
نجود/صح كل فتاة بابيها معجبة بس مو لدرجة انها دايم تتخبى ورى اسمه وشخصيته وتاخذ اللي تبيه بها الطريقة!!هذا مرض ياملاك!!
ملاك بفزع/وش قصدك ؟؟اني مريضة!!احد قايل لك اني مريضة!!!!!
نجود/علامك انتي!!!!كل كلمة تحطين لها الف تفسير من عندك!!!!!
ملاك بخوف/بجد احد قايل لك اني مريضة ياابلة نجود!!انتي شفتي امي غير المرة اللي زرتيني فيها بالبيت!!
نجود/ومن وين بشوفها ياقلبي!!!!وبعدين وش سالفة مريضة ومامريضة!!!!يابنت الناس انا قصدي اقول..ان حلو البنت تكون تحب ابوها وتقتدي فيه لمى يكون انسان محترم وسمعته بين الناس محترمة وماش....
قاطعتها ملاك بسرعة وانفعال/ابوي محترم ومااحب احد يتكلم عنه بها الطريقة لو سمحتي!!
نجود بعصبية/اولا انا اذا تكلمت مااحب احد يقاطعني!!ثانيا انا ماكملت كلامي وماالمفروض انك تقاطعيني وتفهمين الشي مثل ماتبين!!!وثالثا تصبحين على خير انا قايمة انام!!
ملاك بتحسف/انا اسفة...
نجود/تصبحين على خير..
ملاك بخوف/ابلة نجود لاتسكرين...
نجود بصرامة/قلت لك تصبحين على خير....
وسكرت بوجهها الخط...وتاْففت...هاذي شكلها بتطلع روحي......
هنوف/اوووووووووووف ياربي وش ها الملل..كل مافتحت كتاب طلعت لي صورتك ياناصر بوجهي!!!
احبك ورب الكون احبك...بس قولي لمتى...
لين يشيب شعري ,,ولا لين تيبس عظامي!!!
بس ولايهمك ..بيظل حبك محفور بقلبي علطول...لين الله ياخذ امانته ...ياعمري وروحي انت...,,ياكل شي بحياة هنوف,,,,بس لو تحس بقلبي وبمشاعري ناحيتك,,,,
انت الحبيب اللي عشقته من صغري,,,وبظل احبه طول عمري,,,
محد بالبشر عندي له مقام مثل مقامك ياحبيبي,,,انت قلبي وروحي ودنيتي وكل امنياتي,,,
انت احلى ضحكة اشتاق اني اشوفها مرسومة وارتاح لاشفتها,,انت اغلى نظرة بالوجود تشرح الخاطر,,,
انت اللي تتغنى بك كل القصايد والالحان,,,انت وانت وانت,,,,اه,,,انت اللي يعجز لساني عن وصفك ووصف حبي لك,,,شقول فيك يازين الطبايع شقول...
اذا جيت اوصف جمالك,,ازعلت اخلاقك,,,ولامني جيت اشعر واتغزل بمقامك وقامتك ازعلت عيونك الذباحة,,,ولامني تكلمت بطيبك وحنانك غارت لمساتك الحنونة,,,,
اه ياناصر لو تدري شسويت بهنوف بنت عمك ..وش سوى فيها حبك كان رحمتها من زمان,,,لو تدري انك من الصغر واهي معتزلة العالم والالعاب والكون والبنات علشان تناظر عيونك وتسمع لحونك وعذب صوتك...كان انت اللي جيت وشلت عنها عذاب انها تصارحك بحبها اللي معذبها...
قامت وراحت لعند دولابها وفتحته وطلعت من ثوب ناصر وشماغه...وحضنتهم بقوة وهي متسندة على الدولاب...حضنتها بقوة كبيرة وكانها تحضن ناصر وتشم ريحته من ثيابه.....
دمعت عيونها دمعتين حارتين نزلوا على خدها بس مسحتهم وهي تبتسم...ياعسى يكتب لك بكل خطوة تخطيها خير ياوجه الخير انت ياحبيبي,,,
قطع عليها صوت جوالها يدق
ومشت تشوف من المتصل وفتحت عيونها على وسعها يوم شافت اسم ناصر منور شاشتها,,,
فهد بتعب/اهلين...
نجود/هلا بروحي....توك راد البيت..
فهد/هلا فيك..اي والله تصدقين حتى مانزلت من السيارة لسه...تعبان بدرجة ماتتصورينها...
نجود/اول شي تسويه تروح تاخذ لك حمام دافي وترتخي وترخي اعصابك..
فهد/علشان انعس وانام!!!
نجود/وش فيها ذي بالله اذا نعست ونمت!!!
فهد/أي بس انا ماسمعت صوتك اليوم...كل مكالمتنا صارت مقتطفات...
نجود/حبيبي احنا مابنروح عن بعض...احنا كل يوم نسمع صوت بعض..بس الاهم راحتك ياقلبي...
فهد/راحتي في اني اسمع صوتك وتريحيني...تسمعيني وتتشاورين معي مثل ماتسوين كل ليلة...وراك الليلة تبين تحرميني من ها الشي؟
نجود/حبيبي انا ابي اريحك وبس....والله لو انك عندي كان خليتك قاعد ومرتاح وجيت اسوي لك كل شي بيدني..شوي مساج على شوي دلع على تدليك خفيف واطير تعبك كله...
فهد/صدق!!ولا اذا صار وقت الجد بتنسين؟
نجود/مابرد عليك...خلك تشوف بنفسك افضل....
فهد/ليش مانورتيني المكتب بطلتك البهية يوم انك وصلتي لعنده؟
نجود/يدخلون عندك حريم عادي!!
فهد باحتقار خفيف/ياسلااام!!يعني القضايا اللي تشوفينها بالمحاكم بس للرجال ماتخص الحريم؟؟
نجود بدفاع/لامو كذا!!بس توقعت انهم يوكلون احد بدالهم!!
فهد/ليش وين عايشة انتي!!
نجود/يالله عاد!!من جد ترى ماكنت ادري ان الحرمة بالسعودية عادي تدخل مكتب محاماة خوب احنا وين مارحنا ياحرام ياممنوع ياوين المحرم يا يطلعون لهم سالفة من تحت الارض علشان يغثونه!!!
فهد/المهم ماعلينا وش كنتي تبين ...قلتي انك تبيني في شي..
نجود/أي...ابي مساعدتك..
فهد/مساعدتي انا!!!بشنو؟
نجود/بما انك رجال ابي ذوقك...في بعض الاشياء اللي ممكن تتقدم كهدية؟
فهد بغيرة/لمنو؟
نجود/لحبيبي...
فهد/ليش وش ناوية تعطيني ها المرة سيارة بالاقساط؟؟؟
نجود/اقلب وجهك لاصدقني اذا شفتك بوريك نجوم الليل بعز الظهر؟؟؟؟
فهد/لا بجد ليش تسالين؟
نجود/يعني لمنو تتوقع..اكيد جواهر تبي تعطي بندر ومحتارة وش تهديه...سالتني وقلت اشاورك انت عندك خبرة اكيد ..
فهد/وليش اكيد؟
نجود/يعني انت بالنسبة لك وش تحب انك تنهدى,,,او تتقدم لك هدية...يعني تعطيني افكار علشان اساعدها باختيار الهدية وبنفس الوقت اعرف ذوقك علشان لمى اجي اهديك مرة ثانية اكون عارفة!!!!
بمارينا مول,,,,,
دخلت لبنى المحل اللي كان يشتغل فيه عبد العزيز وهي لابسة عباية مخصرة حييل حق صاحبتها وفاتحتها نصها ومبين من تحتها بنطلون الجينز ولابسة الشيلة اسم على راسها وشعرها نصه مبين على وجهها ومن تحت الشيلة....
كانت تتمشى مع صاحبتها وهي كل شوي ترفع عينها تنتظر يرفع عينه ويشوف بس ابدا ولا كان معها كان يناظر بالارض ومحمد اللي معه يكلم بالتلفون..
شمايل بهمس/اناديه...
لبنى لفت للجهة الثانية/أي....
شمايل/لو سمحت...
رفع عبد العزيز راسه/نعم اختي..
شمايل/ممكن توريني الالوان الموجودة من ها القطعة؟
عبدالعزيز في باله(وش ها العمى اللي فيها كاهم الالوان عندها وتعال وريني!!!!ياان البنات صدق فاضيين)
تقرب منهم وكانت لبنى لافة للجهة الثانية...ويوم تقرب دق قلبها بقوة وتندمت انها سوت ها الحركة وتمنت الف مرة انها لاسوتها ولاجت له المحل اصلا!!!لان الحركة كلها على بعضها غبية ؟؟؟؟
اوووف الله يخزيك يابليس!!!
تركت القطعة اللي بيدها وطلعت بسرعة من المحل وهي بعدها عاطية عبد العزيز ظهرها يعني لاشافها ولاشافته...
شمايل باحراج/طيب شكرا...
تركت القطعة وطلعت ورى لبنى اللي راحت الحمام تلبس عبايتها ..
شمايل/وش فيك انتي!!!تعالي نروح وتعالي نروح واخرتها حتى ماتحطين عينك بعينه!!!اجل ليش جايين احنا بالله ماتقولين لي!!
لبنى بندم/الله يلعن الشيطان !!!!امسكي عبايتك بس ,,,ياليتني ماجيت ياشمايل ياليت؟؟
شمايل الف علامة استفهام على وجهها..
لبنى بزعل وندم/فكرك شافني!!!!
شمايل/مااعتقد...دقي له علشان تتاْكدين؟
لبنى بتردد/اللحين!!!لا مااطنها فكرة صايبة يمكن حتى لو مالاحظ بدخل الفكرة في باله...خليه لبعدين احسن...
توها متكلمة ودق جوالها وكان عبد العزيز المتصل...
لبنى بخوف/اه...هذا هو اتصل!!اكيد شافني؟؟
شمايل/والحل؟
لبنى/ماني رادة عليه...مستحيل...هو يبيها من الله يتركني واللحين بياخذها حجة علشان يرميني...
شمايل/يوم انك مو قد ها الحركة ليش فكرتي فيها من الاساس!!
لبنى بقهر/الله يلعن الشيطان....اوووف ياربي...قومي وصليني البيت ..مالي خلق اقعد اكثر احس ان عبد العزيز بيطلع من أي جهة...
بندر/السلام..
دلع بعصبية/صباح الليل!!!
بندر اكتفى بانه يناظرها ويرمي شماغه على الطاولة ويقعد ويمدد رجلينه...
دلع وقفت قباله وقالت بعصبية/وينك فيه...
بندر/اتمشى....
دلع/لا,,,خبرية جديدة؟؟من متى تتمشى بروحك في جدة؟
بندر باحتقار/ليش جدة مكتوبة باسمك وانا مدري!!!
دلع/كلمني عدل احسن لك!!
بندر/اقول...ورى ماتتكلمين انتي باحترام اكثر معي!!!
دلع تخصرت/شوف بندر.....اذا انت تحب خطيبتك فهذا شي راجع لك...بس انك تاخذ من وقتي وتعطيها ها الشي لايمكن اني اسمح لك فيه!!
بندر/ومن قال اني انتظرك تسمحين لي فيه ولاماتسمحين!!وبعدين انا وقتي ملكي محد يقولي وش اسوي فيه؟؟؟وبعدين من قال لك اني كنت اكلم جواهر ولاغيرها؟
دلع/لاتقعد تستهبل معي!!عارف انك كانت طايح معها سوالف حب وغرام على البحر ومسوي روحك رومنسي على اخر الزمن....انت محد علمك الرومنسية غيري!!ومابتستخدمها الا معي انا وبس!!!ولاتضطرني احلف اسوي شي ياْذيك ويتعبك؟
بندر/تهدديني؟
دلع قعدت قباله/انا مااهدد انا انفذ بمجرد الشي يخطر في بالي!!!!
دلع /طيب لنشوف....قومي بنام؟
دلع/بتنام هنا!!!!
بندر انبطح على الكنبة/عندك مانع!!
دلع بقمة الانفجار والعصبية/وش قايلة لك بنت ابليس اليوم معفوتك اياي مرة وحدة؟
بندر غمض عيونه وبس......
دلع في بالها زين ياجواهر...بتشوفين انتي معه....منهي دلع...
هنوف بفرح وحب واضحين/هلا وغلا...
ناصر/اهلين...خوب عشقانة انتي دايم سهرانة بنصوص الليالي!!
هنوف بهيام وهي ضامة ثوبه/كيف مااسهر وانا واجب عليّ افكر فيه قبل لاانام!!
ناصر/اوه ه ه عليك سوالف يالملعونة وانا مدري عنك...
هنوف انبطحت على فراشها..وقالت له وهي تلعب بشعرها/وهذا انت دريت...
ناصر/اقول هنوف...انا عازمك..
هنوف/على شنو...
ناصر/على اندومي؟؟
هنوف وجهها صار؟؟؟؟؟؟؟؟؟؟؟؟؟؟؟
هنوف بضيق/على شنو؟
ناصر بفرح/اندومي...واحد من الربع معلمني طريقة جديدة وسويته صار صراحة يهبل انا اكلت وقلت يالله اعزمك لو مانمتي اطرش لك تاْكلين وتعطيني رايك بالمرة...
هنوف/يالله جيب وش ورانا كل شي من يدك يصير حلو...
ناصر/صايرة ذربة وكلامك حلو..اخاف شابكة معه على المسن بس!!
هنوف/لاوقسم بالله مو كذا!!انا طول عمري ذربة بس مو ذنبي اذا مالاحظت!!!
ناصر/ماعلينا انا اجيبه لك واحطه عند بابكم ونزلي خذيه...
هنوف/تسلم نصور...
ناصر/مالك بالعادة والله!!بالعادة انتي نويصر!!!
هنوف/شسوي حب رباني نازل عليّلك؟
ناصر/هههههه دوم ان شاءالله مو يوم..
هنوف/هو دوم دوم محد بيغير مكانتك ياولد عمي..
ناصر/تسلمين هنوفة....اقول صراحة انا لي بعد غرض ثاني من الاندومي..
هنوف بفرح/شنو؟
ناصر/ابيك تتعلمين شلون تسوينه علشان اذا انا مو بالبيت تسوينه لي!!!
هنوف بضيق/يعني انت ماتفكر باشياء اكثر رومنسية من كذا وتصير ذرب شوي؟؟
ناصر/شسوي في الذرابة معك انا!!!انتي اتوطى في بطنك ويخب عليك؟
فوزية/شفيك...
مصعب/خالي فهد..
فوزية/شفيه؟؟
مصعب تنهد/قال..
فوزية/أي..
مصعب بزعل/قال انه بيكلم امي تخطب لي!!!
فوزية/زين يسوي...
ناظرها بزعل وماتكلم....
فوزية/لمصلحتك ياخوي...خالي فهد لو ماكان يحبك مافكر بها الشي علشانك؟
مصعب بحزن/أي بس انا ..
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -