رواية شرع ربي ولا اعتراض -71
مصعب/انتي ليش فاهمتني غلط!!انتوا كلكم فاهميني غلط؟؟؟
فوزية/طيب فهمنا انت وش الصح يامصعب!!!وحدة مرتبطة ماشفتها غير لمحة ولالمحتينبالسريع وبدون مايدور بينكم أي نقاش حتى!!تدري عنها مخطوبة وتحب خطيبها وهو يحبها وارتباطهم قريب وتقولي منتو فاهميني!!بالله فهمني انت شنو اللي مو فاهمينه احنا يامصعب ..قول انا اسمعك....
مصعب تنهد وماتكلم...
فوزية/........
مصعب/.........
فوزية/بتظل ساكت مابتقول لك كلمة...
مصعب/فوزية...جواهر..
فوزية/شنو..
مصعب/جواهر بالنسبة لي قدري...تعرفين شنو قدر الانسان اللي يصادفه بحياته بدون مايحسب له أي حساب ويلاقيه بلحظة سريعة وبغمضة عين يتغلغل بافكاره ومايطلع منها...
هذي حكايتي معها..كل ماجيت اشيلها من افكاري وخيالي...ترفض كل ذرة فيني ها الامر وتعتبره مستحيل....
خيالي مايملاْه غير صورتها وصوتها,,,,
جواهر..شي انا مو عارف وش نهايتي مع تفكيري فيها!!
صدقيني انا نفسي تعبان ومتضايق..بس والله العظيم الشي اللي انا قاعد احس فيه مو مني يافوزية...حاولت وحاولت وحاولت اشيلها من بالي بس ماقدرت....عجزت...دايم الوم نفسي واقول يليتني ماشفتها ولاصادفتها بحياتي يليت؟؟بس شقول غير شرعك اللهم ولااعتراض!!!!!
مضاوي/لبنى انتي معي!!
لبنى كانت سرحانة بعالم ثاني..
مضاوي هزتها بكتفها/بن بن..انتي معي!!انا احاكيك...
لبنى/ها...اي معك..
مضاوي/لامنتي معي!!لو اسالك شقلت بتقولين ماانتبهتي!!
لبنى تنهدت/معليش مضاوي لاتزعلين مني سرحت شوي..وحدة من البنات صايرة عندها سالفة وكانت تبي راي فيها ..معليش سامحيني ..قولي وش عندك..؟
مضاوي بحيا/تعرفين خالد رفيق ناصر ولد عمي!!
لبنى/عاد مضاوي مالقيتي غير كلمة رفيق !!تذكرني بالهنود!!!كان قلتي صاحبه!!
مضاوي بهدوء/اللحين تركتي السالفة وعلقتي على رفيق!!!
لبنى/لانها ضيقت خلقي!!يالله قولي لااقاطعك؟
مضاوي/كانوا اهله جايين لنجود يتحمدون لها بالسلامة يوم الخميس امه وخواته وهي تعرفهم طبعا وعادي العلاقة بينهم و.........,,, ,,وش رايك انتي وش تتوقعين؟
لبنى بفرح/نجود قالت شي؟
مضاوي بخجل/مدري هي صراحة ماقالت بس تعرفين تلميحاتها...يعني شكلهم قالوا لها يوم قمت ولاطلعت لانها صارت تلمح لي بعدين بها الشي...
لبنى بفرح/الله وناسة....لو صدق...بفرح من كل قلبي علشانك؟
مضاوي بتردد/ومابتزعلين لو انخطبت قبلك لو صار ها الشي؟
لبنى/يالله عاد بلاها التخلف!!وليش ازعل!!انتي اختي حبيبتي فرحك هو فرحي!!!
مضاوي/يعني اقصد انتي مابتتضايقين لو صار ها الشي وبيحز بخاطرك؟
لبنى بفرح/طبعا لا ياقلبي!!!اصلا بظل ارقص لك طول الليل علشان تدرين اني فرحانة لك؟؟
تقربت منها وحضنتها بفرح..
لبنى بمرح/واللحين يالله قلبي وجهك وخليني اقولب بها التلفون اغازل لي واحد يجي يخطبني مثلك؟
مضاوي/ههههههه
لبنى/بكلم نجودوا باخذ منها الاخبار...عندك مانع!!
مضاوي بهدوء/طبعا لا...بس قولي لي لاعرفتي شي؟
لبنى/ياسلاااام وش عليه مستعجلة!!!اذا هو لك ونصيبك بتاْخذينه حبيبتي...
مضاوي وقفت/تصبحين على خير...
انتظرت مضاوي لين طلعت وسكرت الباب وحطت راسها على المخدة وتنهدت....عبد العزيز شاغل لها بالها وافكارها من البارحة..كلمها اليوم اكثر من مرة وماردت عليه..احساسها بالذنب تجاه حركتها اللي سوتها ماْرقها حييل ومو مخليها ترتاح!!!
فتحت جوالها تشوف رسالته البارحة اللي ماقرتها غير الصباح (حبيبتي..لاتزعلين مني والله اني اكذب عليك ..انا قلت انك شابة نار من الصباح على شغل البيت خلني اكملها معك واشوف قوة اعصابك بس الظاهر انك رايحة للنهاية!!ولامعقولة تشكين بحبي لك!!!
خلاص ياعيوني بقولك السبب الحقيقي..هذا جزاءك علشان تقولين لي كل صمول وجبن وتوست مدري وشوه من خرابيطك؟؟؟يالله حبي ردي عليذ واللي يخليك ترى مفارقني النوم على زعلك..والله احبك وماعمرها وحدة وشنو ماكانت بتاخذ غلاتك بقلبي!!ردي عليّ لبنتي...)
تنهدت باقوى شي عندها..على انها تدري انه يمزح ومو قصده بس ماتدري وش اللي خلا الفكرة تدور في راسها وتروح تسوي ها الحركة الماصخة اللي سوتها!!!!
بس الحمد الله انه ماشافها واذا شافها وكان متصل يعاتبها فتستاهل مليون مرة...
اتصل فيها وهي بعدها تناظر بالرسالة وماقدرت تتغلا اكثر ليش انها متولهة على صوته حييل..
ردت بزعل بنات/الو..
عبدالعزيز بشفاقة/حياتي..
لبنى بدون نفس ومن ورى قلبها/شبغيت!!لقيت صاروخ ثاني اليوم تبي تقولي عنه!!
عبدالعزيز بتحسر/لبنى شفيك!!والله ماتوقعتك تاْخذينها في بالك كذا!!!!انتي عارفة اني مو حق ها السوالف ولايمكن اكون!!انا كل السالفة حبيت استخف بدمي عليك وياليتني ماسويت!!!لبنى واقسم لك ها الشي ماصار انا عمري ماناظرت في أي وحدة غيرك صدقيني ولايمكن اني اسويها...اترجاك لاتزعلين وسامحيني لو غلطت معك بالحكي ترى والله مقدر اتحمل زعلك اكثر من كذا!!!
لبنى وصورته وهو يناظر بالارض يوم تدخل مع صاحبتها معششة في بالها قالت بهدوء ودلع/اسامحك بشرط؟
عبدالعزيز بحسرة/يعني انتي مصدقة ها الحكي يالبنى!!
لبنى/بغض النظر اذا كنت مصدقته ولا..
قاطعها عبدالعزيز بسرعة/لا..اذا كنتي مصدقته فهاذي مسالة ثانية يبيلنا اخذ وعطى فيها!!
لبنى/مو افق ولالا؟
عبدالعزيز/على شنو؟
لبنى/بكرة بطلع من الكلية الساعة اربع وشوي...بروح كنتاكي الاقيك هناك نتغذى مع بعض؟
عبدالعزيز/كنتاكي عاد!!!
لبنى/انت تبي تراضيني ولالا؟
عبدالعزيز/وانتي من صدقك زعلتي مني وانتي عارفة اني امزح معك!!!!!
لبنى/لاتلف وتدور!!تبي تراضيني بكون هناك بكرة وبدق لك وانا بالطريق ماتبي بكيفك ماجبرتك على شي ماتبي تسويه..واللحين تصبح على خير,,
عبدالعزيز برجاء/طيب خل نتفاهم..
لبنى/اذا في تفاهم بيكون بكرة اليوم ماعندي شي اقوله...باي...
سكرت السماعة وهي بقمة الفرح ...وقامت تناقز على السرير ...وتصارخ...يس..يس..يس...صدق رب ضرة نافعة..هذا انا كسبت شوفتك بكرة...بكنتاكي عاد ولاغيره!!اهم شي طاولة وحدة بيني وبينك !!!!
اليوم الثاني بالمدرسة,,,
طلعت من الفصل وكانت ملاك اليوم بقمة الهدوء وماحطت لسانها بلسان نجود ابدا ولاحتى نجود لفت عليها......
لفت يوم نادتها ملاك..
ملاك/ابلة نجود/
نجود/نعم..
وقفت تناظرها وبعدها نزلت راسها بالارض...
نجود/خير...في شي صاير؟
ملاك بتردد/انا اسفة....اسفة اذا كنت زعلتك وضايقتك.
نجود بلامبالاة/أي بس انا مو متضايقة ولازعلانة ابدا!!
ملاك بندم/ابلة نجود..انا مانمت طول الليل وانا متحسفة اني زعلتك!!!كنت بدق لك بس خفت ازعجك بتالي الليل؟
نجود بثقل/أي اكيد كنتي بتزعجيني!!انا مو عاطيتك رقمي علشان تدقين لي بكل وقت وباي وقت تبين؟
ملاك/والله كلمة طلعت بالغلط ماكانت قاصدتها صدقيني؟
نجود/خلاص قلت لك مو زعلانة؟انا كل ماعندي بغيت ندردش مع بعض اكثر ونتعرف على بعض اكثر...هاذي كل السالفة...
ملاك بمرح/عدنا وقت صح ولا انتي مشغولة وتبين تروحين تفطرين؟
نجلاء/فهد..
لف لها وهو اللي كان واقف قبال المرايا يضبط شماغه..
فهد/خير في شي؟
نجلاء/وليش يعني مستغرب؟حرام يكون في شي بيني وبينك؟
فهد بلامبالاة واحتقار/لا...بس انتي بالعادة يروحون بناتك المدرسة ترجعين تنامين مالك بالعادة تقعدين وقت طلعتي المكتب!!
نجلاء/كنت بسالك عن شي؟
فهد/ومالقيتي احسن من ها الوقت؟
نجلاء/فهد...انت قايل لااختك ام مصعب شي؟
فهد بدون مايرمش له جفن/شي عن شنو مثلا!!
نجلاء بتردد/يعني....اي شي..
فهد/انا مااحب تاخذين لي العالم باوسعه وتبين اجاوبك!!!سالي عن شي محدد مااحب كلمة أي شي تنرفزني؟
نجلاء/فهد لاتلف وتدور وقولي..
فهد بعصبية/وش عنه اقولك!!شايفتني مجرم تحققين معه من صباح اله خير’,,,هذا بدل ماتزهبين فطوري وتجهزين ثيابي واغراضي وتقولين لي الله يرعاك ويوفقك بكل خطوة تخطيها ..وان شاءالله يومك يكون خير وفرح وسرور!!مسويتلي مجلس تحقيقي انت وش قايل لااختك ؟؟
يبى تدرين وش قايل لها..قلت لها بتزوج ارتحتي اللحين!!!
اخذ شنطة اوراقه وطلع من الغرفة وتركها بروحها..
نجلاء بنرفزة/هذا شفيه كل ماكبر زادت سخافته وعصبيته علينا!!!!!اللحين اقوله وش قايل لااختك وعن شنو شاكي لها حالك يقولي قلت لها بتزوج!!!!زين يافهد انا اعرف شلي صار..قلت من البداية ماهو منك من ام مشاري وبناتها بس غبية يوم اني قعدت من نومي علشان الحق عليك قبل لاتطلع واساْلك !!!
بندر/لاتقولين ان يومك حلو وانتي ماسمعتي صوتي كفاية؟
جواهر/بلى سمعته الصابح ونور لي يومي كله..
بندر بزعل/أي بس انا ماكفاني ها الدقايق اللي صيحتيني فيهم من النوم!!ودي اسمع صوتك وانا موقت اني ادق اللحين وقت الفسحة..
جواهر/ههههه حبيبي عندي موجهة بتحضر لي خل اروح ارتب اموري وبس تعدي بدق لك ماشي..
بندر بلهفة/احبك..
جواهر/يعني مصر تخربها عليّ!!
بندر/افا!!ابي اعطيك مقويات ومغريات ودوافع اني بكون جنبك !!
جواهر/يابعد عمري منحرم منك يارب...
بندر/شفتي ان بندر حبيبك دايم يدعيلك بخير,,
جواهر/اه من بندر ومن حنان بندر...انا مدري بقدر اوفيه حقه..
بندر بخبث/بسيطة اول ماانزل الدمام نكون بروحنا واعلمك وشلون توفينه حقه؟
جواهر بهمس/بندر انا بالمدرسة بعدين اكلمك...
بندر بعناد/طيب ساليني شلون مثلا!!!
جواهر/قلت لك مشغولة بعدين اكلمك حبيبي...صدقني مافيني اطول اكثر..
بندر بتوعد/اكيد مو تتهربين مني مشغولة؟
جواهر بصدق/والله..
بندر/طيب انا بظل منتظرك طول اليوم ابي بس اسمع صوتك الحنون الدافي....لاتنسين حبيبتي وظلي فكري فيني مثل ماانا ماراح اشيلك من تفكيري,,,,
نجود/ممكن شوي بس عندي تلفون وبرجع لك...
ملاك/أي اكيد اخذي راحتك..
ابتعدت نجود شوي عن ملاك وردت على جوالها..
نجود/هلا حبيبي...
فهد/شلونك...
نجود/عال العال....اهم شي انت طمني عنك يالغلا..
فهد/مشكلتي بمجرد اسمع صوتك يروح الضيق اللي فيني!!
نجود/طيب حلو خلني معك طول الخط علشان لايفكر الضيق يجيك ابدا!!
فهد/مشاءالله عندك حل لكل شي....
نجود/مو انا نجود....
فهد/اليوم عندي قضية متعبتني....
نجود/ماعاش التعب اللي يجيك وانا نجود بنت ابوي......شعنه ها القضية؟
فهد/ابطال زواج..
نجود/شنو؟
فهد/اهل البنت مصرين بعدم تكافؤ النسب!!
نجود/من صدقك عاد!!!
فهد/أي...وبيفترقون..وبتشوفين...
نجود/وين عايشين احنا!!تزوجوا وخلصوا واللحين قالوا بطلان زواج وعدم تكافؤ النسب!!!!
فهد/عمرك ماسمعتي عن ها القضية؟
نجود/تبي الصدق شفتها بسنة من السنين بحلقة بمسلسل طاش ماطاش!!بس ماتوقعت احد يكلمني عنها ولا اني اسمع عنها حتى!!
فهد/شغلتك عن فطورك؟
نجود/لاابدا ياعمري انت تامرني باي وقت....والله لو شنو فيني اقولك لبيه وتحت امرك...
فهد سكت...
نجود/خلاص حبيبي بتضايق حالك على كل قضية بالمكتب وتشغل بالك فيها!!عندك انا اشغل بالك فيني ولامااستاهل!!
فهد/نجود..وش بتعشيني الليلة؟؟؟
نجود/........معليش انت تعشيني!!
فهد/أي وليش لا...وش تبين؟
نجود/قلت لك اني بمر العصر السوق مع منال هي مكلمتني وقايلة لي اروح معها اجهز معها بعض الشغالات وبنفس الوقت انا قايلة لك بدور شي لبندر...
فهد/مطولة بالسوق؟
نجود/يعني...
فهد/يعني بتنامين هناك؟؟
نجود/نوعا ما.....
فهد/خلاص لا طلعتي من المدرسة عطيني خبر بنتفاهم..
نجود/ماشي يالله الله يحفظك ياقلبي.....
سكرت ولفت وشافت ملاك بعدها بمكانها وهي نست سالفتها بالمرة..
نجود باعتذار/اسفة ياملاك..معليش عن جد اسفة والله نسيت انك موجودة ونسيت نفسي بالتلفون..
ملاك/لاعادي اخذي راحتك بظل واقفة لو لااخر الدوام ومابتحرك من مكاني....
نجود/شنو كنا نقول؟
ملاك/سالتيني عن صديقاتي والمقربات لي..
نجود/انتهينا منها ....
ملاك/هههه
نجود/ملاك..انتي عندك مشاكل...
ملاك بخوف/شنو يعني مشاكل..؟
نجود/وش تعني لك مفردة مشاكل بالله!!!
ملاك/انا ماعندي مشاكل...صحيح ماقلتيلي ..
نجود بصرامة/ملاك لاتغيرين الموضوع؟؟اذا ممكن..
ملاك/...........
نجود/حابة تتكلمين لي عن مشاكلك فتاْكدي اني بسمعك اكيد مثل مااسمعك بكل شي...
ملاك ناظرت بالارض وسكتت...
مشت نجود ومشت معها وهم ساكتين وقطعت نجود سكوتهم...
نجود/قلتيلي امك وين تشتغل؟
ملاك بلامبالاة/مديرة مركز الاعاقة...
نجود/اممم وكيف شايفة المركز؟
ملاك/مدري اصلا انا مااسالها عن شغلها ولا شي....
يتبع
رِمْشْ الْغَ‘ـلآ
العصر,,,,
لبنى/ها...جاي ولا...
عبدالعزيز/يبى صار لي ربع ساعة منتظرك من طلعت من الشركة وانا واقف عند كنتاكي..
لبنى بفرح حاولت تخفيه/طيب مشوار الطريق وبس.....
عبدالعزيز/يالله حرام عليك مت من الجوع!!مو كفاية انك بتاكليني كنتاكي بعد ها الجوع!!!
لبنى/وش فيه كنتاكي بالله مو عاجبك؟
عبدالعزيز بحلطمة/لا عاجبني بس يالله تعالي ترى اذا تاخرتي بدخل قسم الافراد وبتغذى بروحي؟
لبنى بثقة/ماتقدر!!لو كنت تقدر كنت دخلت بروحك من اول ماوصلت ؟؟ليش للحين تنتظرني؟
عبدالعزيز/يالله عمري خلاص ذليتيني على ها الغذى؟
لبنى/يعني انت مايهمك غير الغذى مو هامك شوفتي؟
عبدالعزيز/تبين تقلبينها خناقة؟
لبنى/هههههه لا..اقصر على روحي الطريق...يالله هذا انا وصلت تقريبا...
اعتقد اني كفيت ووفيت(مو متاْكدة بس اعتقد خخخخخخ)
تعليقاتكم على البارت بالمجمل وتوقعاتكم للي بيصير في بارت بكرة شنو؟
***حلفتك الله بكل صلاة ادعي ان الظروف تنفرج والله مو قادر اتحمل اكثر؟
***والله عندك وقت لغيري بس!!اما لي لاوقت ولاهم يحزنون؟
****اذا بنجرح وبتداويني انتي مافيها مشكلة؟
***فهد..علامك صاير كبريت خل نتفاهم؟
***برافو عليك..ويوم انك عارفة ليه مادقيتي تشوفيني وانا حايس ومو عارف شسوي؟؟؟
يابعد عمري انتوا كل ذا حجز لااول رد يالله بنشوف من اللي بيوصل قبل بس عطوني مجال اكتب مو وانا اكتب مااشوف الا وحدة قاطعتني بالنص خخخخ
يالله حبايبي اخليكم مع البارت واللي يبون علي وعبير صدقوني الا حداث حقهم بتجي تدرجا مع الرواية لاتستعجلون ولاتزعلون مني لان مو وقتهم اللحين...وياليت تطولون بالكم شوي..
على فكرة في تعليق محد جاوبه صح ولااحد فكر فيه حتى(عندك وقت لغيري بس ماعندك وقل لي ولاهم يحزنون)ولاحد حتى لمح له لو بالمايل..شوفوه وبتتاكدون انكم ماجبتوا سيرته ابدا..
احد يبي سنكرس تراني قاعدة اكل اذا تبون تفضلوا لاتستحون...
البارت الثاني والخمسين
بشقة علي...
علي بهدوء/ماتحسين ان اكلك قل عن اول..
عبير بنفس الهدوء/لا عادي مااحسه تغير اصلا!!!
علي/الا انا حاس انك صايرة ماتاكلين...
عبير/............
علي/عبير....
عبير/شنو..
علي/...........
عبير/.........
علي/.............
عبير/.........
علي بهدوء وهو يناظر بصحنه/انا فكرت..في ان.....
عبير/شنو...
علي/في ان احنا نفتح صفحة جديدة وننسى كل الماضي؟
عبير/.....................
علي/هذا بيكون الافضل لنا اثنينا....
عبير/...............
علي /الحمد الله سفرة دايمة.......فكري بكلامي وبتلاقينه افضل حل.....
بعد ماقام من السفرة وتركها بروحها تقطع قلبها بدون ماتحس...شي واحد بس كان ودها تسمعه..انا اسف ياعبير على خيانتي لك بتفكيري بغيرك وانتي معي!!!!بس علي ماقالها.....اصلا هو قاعد يتكلم وكاْن الصفحة اللي لازم نفتحها الزامية!!!يامبرد اعصابك ياعلي.....كل شي عندك بالهون اهم شي يدخل الشي بمزاجك ومو مهم مشاعر غيرك واحاسيسهم!!!
مو قادرة انسى اليوم اللي ناديتني فيه باسم لمياء وانت معي ياعلي مو قادرة!!!مدري ليش منتظرة منك اعتذار لها السالفة بالذات واحسه ماراح يجي!!!
في غرناطة مول...
نجود/مو قلتي ان فوزية جاية ؟وينها؟
منال/اللحين بتجي اكيد يوم كلمتني قالت لي انها قربت توصل؟
نجود/اممم...شلون ولد الحلال؟
منال/بخير.....
نجود/ها وش مسوين؟
منال/هههههه بلا تلميحات من هنا وهنا ترى انا مااعرف اسوي شي؟
نجود بخبث/اصلا ماينخاف الا منكم ياالساكتين؟
منال/ها بتقلبين عليّ انسة نجود؟لاياماما شوفي لك غيري انا ماتحمل ها الكلام يحرجني حييل؟
نجود/عدال يابنت الفارس!!!!اقول وشلون تسهرون مع بعض كله على ضوء شموع؟؟
منال/اقولك انا مو من ها الاشكال ؟؟بس انتي مصرة يابنت الحلال مدري شفيك عليّ؟
نجود/منتي خايفة يامنال..ماباقي على زواجك غير شهر ونص وبتروحين لمجتمع جديد وحياة جديدة وبتبعدين عن اهلك سنة كاملة؟
منال تنهدت/والله مدري يانجود...فيني ربكة وخوف وعدم ثقة وشوية تردد..بس احس اني قاعدة اعطي نفسي تبريرات واهية من هنا وهنا واشغل حالي باي شي علشان ماافكر بها السالفة...انا ودي اخذها نوع من المغامرة والتجربة الجديدة وان شاءالله اكون قدها,,
نجود/اذا لك عزم واصرار انك تكونين قدها بتكونين..صدقيني!!
بمكتب فهد..
فهد/أي فوزية معك....
فوزية/خالي باخذ من وقتك شوي؟
فهد/بس بسرعة انا مشغول...
فوزية/خالي انت بالمكتب..
فهد/فوزية وش ها الاسئلة بالله!!!يعني وين بكون؟
فوزية بتردد/طيب عمتي نجلاء وينها؟
فهد/بالبيت ؟؟ليش تبيني اجيبها تداوم عندي بالمكتب بعد؟
فوزية/طيب والعيال معها؟
فهد بتاْفف/فوزية واللي يعافيك بلا بياخة عليّ؟
فوزية/خالي هم ماقالوا لك بيطلعون اليوم؟
فهد بعصبية/تعالي من الاخر وقوليليل شعندك ؟ليش كل ها الاسئلة؟؟
فوزية/شوف خالي انا رايحة المول مع منال يعني هي سبقتني وانا جاية لها...وشفت سارة بنتك مع شوية بنات ومبين من مشيتهم وكلامهم انهم مش ولابد!!!وبعدين هاذي اول مرة اشوفها بروحها تطلع فقلت اخذ منك الخبر؟
فهد/؟؟؟؟؟سارة بنتي؟؟؟؟؟؟؟؟؟؟؟؟؟؟
بكنتاكي...
عبدالعزيز/وش فيك..مو هذا طلبك...اكلي ليش تطالعيني كذا!!
لبنى وهي تناظره بحب/ليش كل يوم بقعد معك ها القعدة وبشوفك وانت تاكل؟خليني امتع عيوني بشوفتك يابعد عيني!!!
عبدالعزيز ترك الاكل اللي بيدها وامتدت اصابعه ليدها اللي كانت مسندة خدها فيها...وهي مااعترضت ابدا وسلمته يدها بالكامل...
عبدالعزيز بحنان/لبنى...حلفتك الله بكل صلاة ادعي ان ظروف اهلك تنفرج بسرعة والله مو قادر اتحمل بعدك عني اكثر؟
لبنى بالم/اكيد..اكيد انا قاعدة ادعي...من قال لك اني عاجبني الوضع اصلا!!!انا ميتة اكثر منك...
عبدالعزيز بمرح/هو يعني مافي مغريات علشان نسرع بالموضوع مدام كل يوم توست وجبن بيكون غذانا بس شنسوي الحب يخلي الواحد مثل المجنون...
ابتسمت له بدون ماتعلق ورد عليها باابتسامة احلى ..خلى عيونها تدمع..
عبدالعزيز بخوف/ها حياتي وش له ها الدمعة الحلوة عاد...
لبنى/خايفة...خايفة يجي يوم وافقدك !!
عبدالعزيز شد على يدها اكثر/ليش تقولين ها الكلام!!!!
لبنى سكتت ودمعت عيونها..
عبدالعزيز بتردد/علشان ابوك مابيوافق صح!!!
لبنى/حبيبي...انا ماابي غيرك بها الدنيا لو شيصير رضوا ولاعمرهم مارضوا!!فاهمني ماراح اخذ غيرك ولاراح يلمسني غيرك ياقلبي..وابيك توعدني انك بتظل تحبني لااخر يوم بحياتك علشان ارتاح!!!
عبدالعزيز ضم يدينها لصدره وقال لها بهدوء/حتى اذا رفضوني اهلك وضلوا يرفضوني ونصيبنا ماكتب لنا نكون مع بعض ,,تاْكدي ان ماغير حبك بيعيش بقلبي يالبنى,,,,,
هنوف/ياربي وش ها الملل؟؟
نورة/انا جاية تونسني لان خلقي ضايق مو تقولون لي ملل؟
مضاوي/انتوا اصلا دايم مضيقن خلق اعماركم بسبب وبدون سبب؟
هنوف/لانها مو حالة بالله!!محبوسين بها البيت طول اليوم ؟
نورة كملت/يااخي نبي نطلع نتمشى بها الاسواق ونتعشى بها المطاعم وننفس على روحنا شوي بلاحنقة ها المدارس!!
هنوف/تعبنا من ها الموال والدراسة كل يوم !! خلاص نبي تجديد بحياتنا,,,نبي شي جديد غير عن اللي عايشينه ومتعودين عليه؟
نورة/نبي حياة جديدة..عالم جديد..لايعيشه غيرنا..
مضاوي بلاتصديق/انتوا من صدقكم!!!وش ها الحكي الجديد؟
هنوف/كله منك يانوير خربتيها اخر شي بجملتك السخيفة,,,وشو يعني عالم جديد لايعيشه الا انا!!!!
نورة/شدراني طلعت معي بمجمل الكلام وماانتبهت لها غير لمى قلتها؟
مضاوي/تصدقون مو فاهمة ولاشي من حكيكم؟
هنوف/وش فيك انتي لجوجة؟قاعدين نتمرن على حالة العصيان والتمرد اللي بنسويها على عمي وابوي اذا شفناهم قاعدين مع بعض؟
مضاوي/الحمد الله والشكر!!!!!!!!!!!مثلكم عجزت الاقى با البلاد؟
منال/فوزية شفيك منتي على بعضك؟
فوزية بشرود/ها..ولاشي...
منال/شلون ولاشي وانتي من جيتي والوانك مقلوبة...
فوزية بضيق/لا مافي شي..
نجود/اترككم على راحتكم بدخل..
فوزية قاطعتها/تعالي وين بتروحين الله يهداك بس يانجود!!!
نجود/عادي اذا تبون تتكلمون انا بدخل المحل بدخل خذوا راحتكم انا ماعندي حساسايات من ها الموضوع؟
فوزية/لا...السالفة ومافيها ان في موقف صار ومدري هل انا غلطت ولا تسرعت ولاشسويت بالضبط؟
منال/شالسالفة؟
فوزية تنهدت/بقولكم وانتوا عطوني رايكم......سمعوا وانا داخلة المول وبركب لكم...انتبهت على وحدة مع رفيقاتها مدري منهم...المهم ان اهلها مايخلونها تطلع بروحها وهي فالتها ضحك ووناسة ومكياج ومسوية روحها بنت ثلاثين سنة بعد!!!تفاْجات ..ناظرت يمين وشمال يمكن الاقي احد من اهلها بس مالقيت واضطريت اني اتصل في ابو البنت اقوله انها موجودة وكان توقعي بمحله ابوها مايدري انها طالعة من البيت!!!
منال ...........
نجود بتردد/لاتقولين انها سارة بنت فهد؟
فوزية باسى/أي..سارة بنت خالي فهد..
منال بعدم تصديق/سارة!!!!وش جابها هنا !!!ومن متى عمي يخليها تطلع بروحها اصلا!!!
فوزية بضيق/انا علشان كذا كلمته وعطيته خبر....بس ياترى موقفي كان صح ولاغلط؟
دق جوال نجود بها اللحظة وكان ناصر المتصل..
نجود/هلا نويصر ..
ناصر/شلونك...
نجود/بخير...انت شعلومك؟
ناصر/اسال عنك يالغالية...شدعوة لو مااتصل فيك ماتفكرين تتصلين ابدا!!!
نجود بتبرير/معليش ناصر ماصار عندي وقت..
ناصر/والله عندك وقت لغيري بس!!اما لي لاوقت ولاهم يحزنون.....المهم اسمعي في اخبار حلوة..تذكرين سالفة مضاوي وخوات خالد.....
نجود/أي..
ناصر/سمعي شللي تطور بالموضوع...
في جدة وتحديدا بشقة بندر ودلع بعد الصلاة...
كانوا قاعدين قبال التلفزيون وقدامهم سلة فواكه والتلفزيون مشغل ودق جوال بندر اللي كان على الطاولة وشالته دلع قبله..
دلع/بالله...!!مسميها روحك؟؟؟راحت روحها قول امين!!
بندر بعصبية/عطيني الجوال..
دلع/واذا قلت لك لا؟
بندر/بقولك عطيني اياه بدون هذرة زايدة..
دلع/بعطيك اياه..بس حط في بالك انك بتختصر بمكالمتك وبلا حبيبتي بلا عمري بلا غزل من هنا وهنا سمعتني!!!
بندر/ان شاءالله عمتي على امرك....
اخذ منها الجوال ورد بعد ماتسند على الكنبة وحط رجل على رجل..
بندر وهو يناظر دلع ويتكلم بحب/هلا بالحب كله...
جواهر/هلا حبيبي..شلونك..
بندر/بعد بسمع صوتك وشلون بيكون لوني !!اكيد طاير من الفرحة طاير....
جواهر/يابعد قلبي....
بندر/يسلم لي قلبك ياحلو؟
دلع خزته بنظرة معناها تاْدب ولا انا برفع صوتي وبفضحك بس سوى روحه ثقيل وهو خايف انها تسويها..
بندر/اقول حبي...ان شاءالله نمتي كويس اليوم؟
جواهر/أي...وحلمت فيك حلمة حلوة بعد؟
بندر اخذ له عنقود عنب وقعد ياكل فيه/صدق!!قولي شنهي حلمتك؟اكيد كنت ابوسك ولااحضنك ولا شي من ها القبيل!!!!!
دزت دلع برجلها الطاولة وهي بحالة غضب و طاحت الفازة اللي كانت موجودة وتكسرت..
جواهر/بندر...سلامات ياققلبي وش صوته هذا!!
بندر كان يناظر بدلع وقال بضحكة علشان يقهرها/ولاشي بس انفعلت حسيت اني بقوم ابوسك واضرب الطاولة واكسر الاغراض...
جواهر/ياعمري...كم مرة قلت لك بطل ها الانفعالات الزايدة!!!ياحبي اللحين مين بيشيل عنك ها الفوضى وبيكنس الزجاج!!
بندر/أي والله منو؟؟؟ماكو غير ولد السبيعي؟
جواهر/يالله روح بس انتبه على نفسك طيب لاتنجرح...
بندر/اذا بنجرح وبتداويني انتي بعدين مافيها مشكلة؟
جواهر/لا حبيبي كل شي الا ها السوالف مافيها مزح!!انتبه على نفسك اوعى اشوف فيك جرح واحد يوم الاربعاء اذبحك بيدي لانك ماانتبهت على نفسك..
بندر/ههههه طيب ماما جواهر انتي تامريني يالغلا,,,,
جواهر/يالله روح...
بندر/يالله اكلمك بعدين.....
سكر ولف لدلع وقال بهدوء/علامك انتي؟
دلع خزته بنظرة قوية وقالت بقوة/تجننت وقعدت؟
بندر بشماتة/وهذا اللي انا شايفه؟
دلع/تتريق حضرتك؟
بندر/وانا الصادق!!صايرة كبريت ومولعة بطول الدرب؟؟؟وش فيك؟
دلع اوقفت وقالت بعصبية/مااحبها..اكرها...لازم تطلقها يابندر لاني مااتحمل مجرد اسمها؟؟؟
في غرفة فهد ونجلاء...
فهد بقمة العصبية/شي واحد بس اللي ابي اعرفه..هي طلعت ولا ماطلعت!!
نجلاء/فهد علامك قلت لك البنت تذاكر ماراحت مكان روح اسالها؟
فهد/ماابي اسالها ابي الاجابة منك انتي!!!!
نجلاء/قلت لك ماطلعت كانت تذاكر..
فهد بتشكيك/متاْكدة..؟
نجلاء/وش اللي متاْكدة ياولد الناس..اقولك سارة لابغت تطلع تعطيني خبر...انت ليش صاير مخبوص كذا وجاي قبل دوام؟
فهد/انتي طلعتي اليوم؟
نجلاء/لا......
فهد/يعني كنتي قاعدة معها ؟
نجلاء/انا كنت موجودة مع الكوافيرة فوق..بس مستحيل تكون طلعت!!وبعدين انت شفتها قاعدة بالصالة ولاماشفتها؟
فهد سكت وماعرف شيقول.....رجع البيت وكانت سارة موجودة...معقولة فوزية مشبهة عليها!!!!
أي بس نجلاء كانت مع الكوافيرة يعني اكيدما مداها تطلع وترجع......
نجلاء/علامك..
فهد/ولاشي...بس ...
نجلاء/احد قايل لك انه شافها ؟
فهد/أي..
نجلاء/أي!!وش تعني ها الاي يافهد؟معناته انت شاك فيها؟
فهد/وانا ليش اسالك؟
نجلاء بعصبية/لاحبيبي مو كل من هب ودب جا يقولك بنتك طلعت تقوم تصدقه؟؟؟؟
ام بندر/شنو يعني!!
ابو بندر/يعني جايها عريس؟
لبنى سكتت....
ام بندر/طيب هي ماقالت أي شي..
ابو بندر بعصبية/مالازم تقول !!انا موجود للحين مامت لازم كلمتي اللي تمشي عليها وعلى خواتها!!
لبنى/الله يعطيك طولة العمر يبى....
ابو بندر/شقلتي؟
لبنى بتردد/يبى العرس لاحقين عليه...ليش كل يوم جايب لي معرس؟انا قاعدة بقلبك؟
ابو بندر/شوف اللي ماتستحي!!!انا مااخطب لبنتي يللي ماتستحين على وجهك!!!هو بنفسه طلبك مني!!
لبنى بخوف/وانا قلت لك مالي خاطر بالعرس اللحين؟
ابو بندر/أي مالومك يوم اختك الكبيرة حطت بافكاركم ان العرس ماهو زين وان العرس نكد ,,طبيعي بتقولون ها الكلام؟؟والله لو هي وحدة سنعة كان قبضت بيتها وزوجها وعاشت صح بس هي غبية؟؟
ام بندر بالم/بنتي مو قاصرها شي....هذا كله الشيطان اللي واقف بينهم!!
ابو بندر بسخرية/الشيطان!!!!اي قلتيليل!!لاتحطين غباء بنتك وهبالها بشماعة وتدخلون الشيطان فيها؟
وبعدين خلنا من عبير اللي ماوراها الا الوجع والالم وخلنا في المزيونة لبنى..ها وش قلتي يبى؟
لبنى بخوف/يبى..
ابو بندر/تبين تقعدين معه؟
لبنى /لايبى..
ابو بندر بعصبية/شلون يعني لا؟؟؟ترى السالفة ماهي على كيفك ولاتحسبيني جاي اشاورك انا جاي اعطيك خبر وبس!!!!ويالله قومي انقلعي عن وجهي ابي اكلم امك ؟؟
جواهر/طيب وش قلتيليه انتي!!
عبير/ماقلت شي...ظليت ساكتة
جواهر/طيب ليش سكتي!!كان قلتي أي شي...عبرتي عن موقفك.من خلاله!!..
عبيرتنهدت/اصلا هو حتى ماعطاني مجال اتكلم علشان يسمعني!!!
جواهر/أي بس حتى ولو كنتي تقدرين تقومين وراه وتقولين له عن الشي اللي انتي تبينه ومضيق خلقك...سكوتك بيخليه كذا..يتمادى ويتمادى لانه عارف انك بدون مواجهة وماراح تتكلمين معه ابدا !!
عبير/طيب وش اسوي ياجواهر؟
جواهر/انا اقول تقعدين معه بروحكم وبغرفتكم وتتكلمون بها السالفة..اشرحي له نفسيتك واللي تحسين فيه...جيبيها من هنا وطلعيها من هنا بدون ماتحسسينه انك تبينه يعتذر لك بالاول وخليه هو يعتذر بدون أي تصريح منك....
عبير اذا تبون تفتحون صفحة جديدة...افتحوها بصدق وصراحة بينكم وبين بعض لانكم بمجرد تكذبون ولاتزيفون على بعض بمشاعركم بتنكشف بلحظة من اللحظات وبتندمون بعدها ندم مايفيده أي شي!!سمعيها مني ياعبير,,,
تكلموا مع بعض بصراحة واهم شي الصراحة ومافي غيرها!!!
عبير/..........
جواهر/مدامك قلتي انه بداْ يتغير بالفترة الاخيرة وهو بنفسه طلب فتح صفحة جديدة خلاص...انتي لازم تتخذين الخطوة الجاية وماتنتظرين منه شي؟
عبير/طيب واذا مافهم تلميحاتي له؟اني ابيه يعتذر لي عن ذيك السالفة ...شسوي...بموت...جواهر انتي موفاهمة وش معنى اني اموت بحضنه كل ليلة من الهم والضيق والكدر كل مااذكر انه بلحظة من اللحظات ناداني باسم وحدة ثانية!!!!
تشب فنين نار ماتهداْ ولابتهدا ابدا!!!!
جواهر/حاسة فيك....بس سكوتك يمكن هو الحاجز اللي مو قادر علي يمر من خلاله!!افتحي قلبك له وكلميه وصارحيه واذا استحيتي تعطيه بصريح العبارة لمحي له من هنا ومن هنا...وان شاءالله الامور تعدي على خير بينكم..
عبير/انا مدري شقولك ياجواهر...انا ماقد دخلت احد بيني وبين علي قبل الا يوم عرفت نجود السالفة وماعرفت شسوي غير اني اتكلم معك ومعها..
جواهر/شها الحكي بنت السبيعي!!ناسية انك اخت الغالي وان احنا اهل وربع من زمان!!!اقول قومي غلفي لي ها الكيكة بس باخذها معي بكرة بفطر فيها بالمدرسة...يالله غناكم الله وياجعله بيتا عامر...
عبير/قعدي توها بدري...لسه ماوصلت عشر ونص؟
جواهر/مقدر والله ماجهزت لي اغراض لبكرة ولا حضرت ولاسويت أي شي....مرة ثانية ان شاءالله ويكون معنا بندر...علشان يحلي القعدة...
ظلت محتارة بغرفتها اول مارجعت....
اصلا هي طول الطريق وتفكيرها مع فهد مو بالسوق!!!
اكيد اللحين متضايق وشايل هم الدنيا فوق راسه ..ودها تكون جنبه وتخفف تعبه بس لو هو كان يبيها كان اتصل على الاقل ,,مكالمتهم من قبل لاتطلع السوق مع منال يعني بالراحة مر لها خمس ساعات كاملة ماسمعت فيها صوته وهذا الشي مو بالعادة ابدا!!!
تدق ولاماتدق....طيب لازم تعرف شقاعد يفكر فيه,,,اصلا لو مادقت بيدري انها عرفت فلازم تدق علشان تخلي الموضوع طبيعي..
توها بتمسك جوالها تتصل عليه الا هو داق لها..
نجود بارتياح وفرفشة/القلوب عند بعضها ,,تصدق كنت ماسكة الجوال وبدق ..بس انت سبقتني!!
فهد بعصبية سكتتها وضايقتها بنفس الوقت/شوفي يابنت الناس مالي خلق كلامك ابدا ورواقنك!!
صفنت مكانها وهي ساكتة.......اسلوبه جرح شي فيها شنو ماتدري...توها تفكر فيه ومتولعة تبي تكون جنبه وتمتص غضبه يجيها بها الاسلوب الراقي!!ويعاملها كذا!!!
بلعت لسانها وسكتت ماتكلمت..
فهد بنفس العصبية/وين رحتي!!
نجود بهدوء/معك على الخط....
فهد وهو بركان/وليش ساكتة بالله!!انا منو اكلم,,اكلم نفسي ولاالجدران!!!
نجود/فهد شفيك..وش اللي مضايقك؟
فهد/في غيرها ..سارة طبعا وامها...
نجود/شفيهم؟
فهد تنهد بقوة وسكت...
نجود/طلعت من غير شورك؟
فهد /ياسلاااام عليك!!برافو...يوم انك عارفة ورى مادقيتي تتصلين تشوفيني وش بسوي وانا حايس مو عارف كيف اتصرف معهم!!!
نجود بدت انفعالاتها تطلع شوي شوي/فهد علامك...صاير كبريت وماتتفاهم!!هدي شوي علشان نتكلم!
فهد/تفضلي هذا انا هديت قولي شعندك؟
نجود/لابعدك..روق...مو كذا يتفاهمون بعدين طول ماانت معصب ماراح تقدر تفكر باي شي...
فهد/.........
نجود/ها.روقت اعصابك شوي...
فهد بروقان/أي.....
بعد ماانتهت نقاشها مع ابوها على العريس الجديد اللي جاي لها راحت غرفتها مباشرة وقفلتها...
شغلت المسجل على موسيقى هادية ورفت شوي الصوت وهاذي عوايدها كل ماضاقت وبغت تبكي ..تشغل عليه..
راحت لسريرها وتنهدت بقوة وحرارة ودموعها على طرف عيونها.....
ومن تنهدت نزلوا حاريين على خدها الناعم ...
بكت وبكت وبكت...وهي ماتدري لمتى بتظل تبكي...كل اللي تعرفه انها تبيه وتحبه وانهم اذا حرموها منه ماراح تعيش وايامها بتكون معدودة من بعد غيابه!!
رمت نفسها على المخدة وارتفعت صوت شهقاتها وصارت تبكي بصوت عالي..يمكن بكيها يفجر سكوتها وقهرها ....
ياربي...ياربي ليش كذا انا وضعي...ابيه وهو يبيني...ليش ابوي مايبيه ولا بيقتنع فيه!!!
انا مابي شي من الدنيا..مابي غير وجوده معي ونفسه بقربي...
بعيش معه على الحصير ومابقول لا!!!
لقمتي هي بتكون لقمته وبنقسمها مابينا بس لايفرقونا عن بعض...
والله لاابي فلوس ولااي شي من ها العالم الزايل..مابي غير حبه يعيش ويكبر معي..اشيله ويشيلني...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك