بارت جديد

رواية شرع ربي ولا اعتراض -72

رواية شرع ربي ولا اعتراض - غرام

رواية شرع ربي ولا اعتراض -72

ليش ياقدري ترميني ها الرمية وماتسال فيني!!
ليش ابوي هو ابوي ومافكاره ماتتغير لو شيصير بالعالم !!!
اه منك ياقلبي اه,,,حبيته وورطتني بحبه....وزماني مو قادر ينصفني ويخليه بطريقي,,,,,
جواهر بنعس/لاوالله توني رادة من عند عبير...
بندر/ليش شفيها؟
جواهر/مافيها شي انا قايلة لك بروح ازورها صح ولالا؟
بندر/أي نسيت.....
جواهر/حبيبي...تصدق منتظرة يوم الاربعاء على ناااار...
بندر بخبث/مدري ليش احب كلمة نار منك!!يمكن لانها تحسسني باشياء حلوة بتصير..
جواهر بدلع/تصير وليش ماتصير...مو حبيبي وانا حبيبتك...مو خطيبي وكلها كم يوم وكم شهر بيمرون بسرعة وبصير زوجتك!!يصير طبعا!!
بندر بحب/وعد...
جواهر بدلع/وشو الوعد؟
بندر/في اشياء حلوة يوم الاربعاء؟
جواهر/امممم يعتمد..متى انت بتجي ومتى بتتعشى ومتى بشوفك...
بندر بجدية/انتي قولي وعد وبتلاقيني من اليوم واقف انتظر يوم الاربعاء على باب بيتكم!!
جواهر/هههه ادري فيك تسويها ماهي غريبة عنك ياولد السبيعي؟
بندر/يالله قولي...صار يوم الاربعاء...
جواهر/اممم مدري..
بندر/هو انتي اهم شي ماتخلين محمد يكون بوسطنا وبوريك ابو الحركات اللي يحبها قلبك!!
جواهر/خلاص بندوري لاتخليني استحي اكثر من كذا!!!
بندر/ههههه ياحلليلهم اللي يستحون فديتهم انا...وفري خجلك ليوم الاربعاء..يعني بعد ثلاثة ايام ياحلوة...
فهد بهدوء/انتي رايك كذا.
نجود/هاذي الخطوة خذها مبدئية وشوف وش تكون نتايجها وهل هي بتتاْثر ولا ماراح تشيل هم؟
فهد تنهد بتعب/......وتتوقعين انها بتساير الوضع ولايمكن يكون عندها طريق ثاني!!
نجود/انت مو خسران شي جرب...التجربة ببلاش وماهي ماخذة منك شي...
فهد بارتياح/طيب شورك وهداية الله..
نجود بعصبية/خلاص خلصت...
فهد بتردد/وش تقصدين؟
نجود بعصبية اقوى منه/اقصد خلصت الشحنات اللي فيك وطلعتها عليّ!!بقى شي بعد ولا انتهت وجبة اليوم؟
فهد/نجود..
قاطعته نجود بسرعة/نجود شنو؟نجود شنو يافهد؟نجود مجرد وسيلة لتفريغ كل شي مختزل فيك وامتصاص غضبك!!!مو مهم أي شي..وماتصدق أي شي...اهم شي ان نجود تجي وتاخذك وتاخذ عصبيتك وتداريك وتشاورك وبس!!هاذي وظيفة نجود عندك؟؟اقول فهد ليش ماتوظفني عندك مستشارة ولااخصائية اجتماعية على الاقل بتكلمني باسلوب ارقى من كذا!!
فهد باعتذار/حبيبي انا كنت معصب..حقك علي! يالغلا...لاتاخذين بخاطرك مني!!!
نجود بقمة العصبية/لا بلى بعصب!!!شفت شلون تعاملت مع نجلاء ؟وشفت شلون كلمتني بنفس الموضع؟هي بنتها وانا ماتخصني..ابي افهم ليش انا كذا وهي كلمتها بهدوء ليش؟
فهد/ياعمري انتي العاقلة والفاهمة ..
نجود/ماابي اكون العاقلة ولاالفاهمة حتى!!!!,,,..
ولاابي اسمعك بعد اليوم...انا مااسمح لااي كان يتعامل معي بذي الطريقة ويكلمني بها الاسلوب يافهد!!سمعتني ايا كان!!!فلو سمحت لاتتصل فيني خلاص انا ماعدت ابي اسمع صوتك,,,تصبح على خير...
سكرت وهي بقمة الضيق والقهر...
ظلت تسمعه من البداية وهي تسمع وتجمع وساكتة لين بالنهاية انفجرت بعد ماعرضت عليه الحلول اللي جت في بالها..
تنهدت من قلب ....احبه واغليه....وهو عارف وش قد قيمته عندي...وعارف اني انا الوحيدة اللي ممكن توقف جنبه وتشاوره وتشير عليه..ليش بس تعامل معي بها الاسلوب ونرفني,,,
قطع عليها حبل افكارها صوت الجوال يدق وكان فهد المتصل...
هدت شوي وابتسمت..يعني زعلها جاب تاْثير بس تثيقلت عن الرد....
ورجع دق مرة ثانية وماردت بعد وهي مبسوطة انه دمه محروق عليها وفي بالها تقول احسن مو احترق دمه اليوم على سويرة وامها خله يحرق دمه علي شوي بعد ولامااستاهل؟؟؟
جاب لها مسج بعد ثواني(نجود ياعمري ردي عليّ ابي اسمع صوتك ...براضيك بس ردي)
اتسعت ابتسامتها ومسكت جوالها وكتبت له مسج(انا متضايقة..فعلا متضايقة وبحط راسي وبنام هذا اذا جاني نوم ياحبيب نجود!!!!وبكرة يصير خير ان شاءءالله)
ارسلتها وقفلت الموبايل....
وهي تتخيل شكله شلون بيكون اللحين,,,,

شلون يعني كان شكل فهد بعد مااستلم رسالتها...سيجارة طالعة وسيجارة داخلة..وتاْنيب ضمير لاابعد حد....
كان واقف قبال البركة وهو متضايق حييل...فعلا انه غلطان...هي الوحيدة من بين ها العالم اللي فاتحة حضنها وتسمعه وتمتص غضبه وتشور عليه...والوحيدة اللي نفس فيها غضبه ومايملك نفسه واعصابه ويكون بطبيعته وبكل مافيه...
لايانجود تكفين قعدي..لاتنامين وانتي متضايقة من فهد....والله ماكان قصدي....
اوووف...
رجع طلع جواله ودق عليها وهو عارف ان عنادها مايغيره شي ولايمكن تفتح جوالها بعد ماقفلته بس قال يمكن يكون فيه شوية امل بس مافتحته!!!
رمى السيجارة من فمه بضيق ...المشكلة انها مابتنام ولاراح يجيها نوم بسبتك يافهد وها الش مو زين على عيونها بعدها تعبانة!!!!!
اووووف الله ياخذك ياسارة ويفكني منك ومن مشاكلك انتي وامك.....خليتوني ازعل نجودي واضايقها بتالي الليول وانتوا راقدين ولايهمكم!!
بس وين يانجود انا سهران معك ولاراح اخليك تسهرين بروحك!! بحرم على عيوني الرقاد لين تطلع الشمس وتقومين انتي بعد علشان اسمع صوتك واتطمن عليك......
وهاذي سهرة لعيونك يانجود...
وسحب الكرسي اللي جنبه وقعد عليه وهو شارد بافكاره لبعيد وحارم عيونه من النوم وموداري انها راحت بسابع نومة واوسع ابتسامة على وجهها كانت مرسومة ,,,,,,,,,,,
مابغى البارت يخلص..صيانة المنتدى من جهة والنت حقي من جهة ثانية وشيفو بروجها من جهة ثالثة خخخخخخ
ان شاءالله يكون البارت عجبكم وتعطوني تعليقكم الكريم عليه وعلى اللي تتوقعونه يصير بالبارت الجاي حق بكرة..
**ةزعل نجود وفهد لوين بيوصل؟
**انا قربك وتموتين من الجوع..اذا انت ناوي عليّ قول؟؟
**ابوعلي والقلق اللي بيسببه لاهله بسبب طلعته لوين بتكون ياترى؟
**وش ها القلب اللي بيطيعك وبيترك شوفتي لليل؟
**ماتقصرين يجي منك اكثر ياام...,,شوف ولد اللذينا انا ماني مسمية..بسمي يو سف ولاطلال ماابي مثل ها الاسم؟
**محمد وفوزية ليش بيلتقون؟
**(بعض الناس اللي انا اقصدهم بخيللين بمشاعرهم لدرجة لايمكن تتصورها..
انتي قد كلمتك اني بخيل؟
انت تبي تحط مشاعرك تحت مشاعري !!اصلا مافي مجال للمقارنة)
صراحة انا موجودة وكنت مترددة انزل لكم بارت ولااطنش؟؟ رغم ان مو من عوايدي التطنيش ابدا
بس مدري ليه ضايقني تفاعلكم امس
حسيته مرة بارد انتوا معوديني على احلى من كذا ليش امس كنتوا نايمين وباردين ومالكم خلق
عموما انا مااتكلم عن الكل لان في ناس مازالت تبرد خاطري وتشفي غليلي بس ياليت ياليت تفاعلكم يكون احلى من بارت امس لانه بجد ماعجبني...

البارت الثالث والخمسين

صباح يوم الاثنين,,,
قعدت بثقل على صوت الساعة تدق وقامت الحمام علطول تتحمم علشان تجهز وهي تحت الدوش تذكرت فهد وانها مقفلة موبايلها ...وخلصت بسرعة وقامت ركيض لجوالها تفتحه.....وهي على تاْهب بتشوف كم رسالة وكم مكالمة بتوصل لها من البارح يوم تقفل جوالها..
مامداها تمشي شوي الا وهو متصل,,,
غامرها احساس غريب؟...احساس فيه نشوة نصر ولذة انكساره تحتها وهزيمته وانصياعه لرغباتها وخوفه من زعلها,,,,
وقفت تاخذ نفس علشان تبعد ضحكتها وابتسامتها من فمها وتسوي مزاجها معكر,,
فهد بتعب/الو..
نجود بدون نفس/نعم...
فهد/صباح الخير...
نجود بكذب/مافرق الصباح عن الليل كله سهر وتعب ؟(ان كيدهن عظيم!!!)
فهد تنهد بالقوة/توقعتك ماتنامين؟
نجود بتصنع/قلت لك اني ماراح انام!!
فهد باستعطاف/طيب وليش قفلتي موبايلك ,,كان خليتينا نتفاهم....
نجود مسوية منفعلة/نتفاهم على شنو بس يافهد!!!مافيني اتكلم واقول أي شي...جد مالي خلق ..
فهد/نجود...وقسم بالله ماانقطعتي عن افكاري من البارح!!مافارقتيني لحظة وحدة ياعمري!!!!خلينا نتفاهم ...براضيك...
نجود بثقل وهي فرحانة/فهد معليش ممكن اخلص شغلي وراي دوام وبعدين يصير خير....
فهد باستسلام/طيب....بس بتكون بينا الو قبل لاتطلعين من المدرسة,,اليوم لازم نشوف بعض؟
نجود طارت من الفرح بس ماحبت تبين/يصير خير ان شاءالله..
فهد/مو يصير خير تجاريني فيها علشان اسكت!!لا بشوفك يعني بشوفك....
في غرفة سارة..
سارة بخوف/منو قال له ماعرفتي؟
نجلاء/سارة روحي مدرستك يامال الوجع!!ابي اعرف كيف طلعتي وماانتبهت عليك؟
سارة/ماما قلت لك اخر مرة خلاص!!بس ابوي ماقال لي شي البارح؟؟
نجلاء/انتي روحي اللحين مدرستك,,,
سارة/يعني شنو هو صدق اللي قالوا له ولاماصدقهم!!
نجلاء/والله مدري ابوك ماهو معروف ابدا!!
سارة بنرفزة/كيف مو معروف!!انتي عايشة معه كم سنة وماتدرين اذا كان صدق ولا ماصدق!!!
نجلاء/عن القرقرة الزايدة وروحي مدرستك وبنتحاسب بعدين يابنت فهد؟
بعد صلاة الضهر,,,
في شقة مشاري...
كانت لمياء بالمطبخ,,,,,
ودخل مشاري وهو يغني وطربان...
وما الحب الا للحبيب الاول...فالجرح من يده يطيب وينجلي..
وما الحب الا لللحبيب الاول...فالجرح من يده يطيب وينجلي..
زادت دقات قلبها وتغيرت الوانها بلمح البصر وبمجرد اسمعت الاغنية من مشاري!!!
طاح منها الكاْس وتكسر ومشاري ركيض للمطبخ..
مشاري/سلامات سلامات..
لمياء باضطراب حاولت تخفيه/انت بعد الله يهداك قاعدة بروحي ومااسمع الا صوتك يلعلع!!!على الاقل حمحمت صكيت الباب بالقوة سويت شي..كذا زين يوم رعبتني!!
مشاري بحب/والله مو قصدي ياحبي...جاي وفرحان مافي دوام ثاني...
لمياء/ليه..
مشاري /ابد والله سلامتك.....محمد يمشي وتعور ورحت وديته المستشفى عاد الوالد قال لاترجعون خلاص...
لمياء/وعسى بس ماتعور؟
مشاري/لا التواء بالكاحل...بس عيارته مسوي روحه تعبان ولاهو مافيه شي...
لمياء/حرام عليك...
مشاري/صدقيني هو بنفسه قال...يقول مافينين شي بس ابي اخوفهم عليّ!!
لمياء/هههه يعني كذا..
مشاري/عسى بس ماطبخيت الغذى للحين؟
لمياء/انا خبري الواحد اذا رجع بيته قبل الدوام المعتاد يسال عسى بس سويتي لنا الغذى ومو بتتاخرين!!انت ليه بالعكس؟
مشاري/طيب انتي سويتي ولالا ؟جاوبي قبل المحاضرة الطويلة العريضة؟
لمياء/طبعا لسه..شوف كم الساعة توه الاذان خالص...
مشاري/حلو,,,لاتسوين شي...امي قالت جيب لمياء ومريوم وتعالوا تغذوا عندنا بالبيت..
لمياء/يالله اريح بعد....جيب بكلم محمد اتعافى له..
مشاري/خله يولي زين!!صدقت حالها بتكلمه..قلت لك مافيه شي خله يولي..
لمياء/لاتصير مصوقع انت بعد!!بكلمه بسال عنه مايصير مااسل عن عم بنتي!!
مشاري/وليش ماقلتي اخو حبيبي!!طولتيها وعرضتيها!!!
ماتدري ليش سكتت وبلعت ريقها وماتكلمت بشي رغم ان لهجة مشاري كانت مرحة,,,
بس يمكن انها للحين متاْثرة بكلمات الاغنية اللي كان يغنيها قبل شوي؟؟؟
طلعت من المدرسة وفهد ماوقف اتصالاتها وهي حاقرته طول اليوم علشان يعرف قيمتها عنده شنو؟؟
هاذي بنت ابوها...هاذي نجود السبيعي ماهي لعبة بيدك ياولد الفارس.....
ماردت عليه الا يوم مشى السايق..
نجود /نعم...
فهد بتعب/نجود...تبين تعطيني درس بالتغلي ولا شسالفتك انتي!!!يبى والله والله عارف اني غلطان وندمت عليها بعد بس سمعيننين صوتك؟
نجود مسوية انه بدون نفس/كنت بالمدرسة يعني مشغولة مو فاضية؟
فهد/طيب وين بشوفك؟
نجود/انا ثواني وبكون عند شقتي ...وش له تبي تشوفني بعد!!
فهد/انا عازمك....
نزلت نجود من السيارة وانتبهت على سيارته اللي كانت قبال العمارة اللي هي فيها ودخلت بدون ماتقول له انها انتبهت له..
فهد/انا بظل منتظرك تخلصي علشان نمشي طيب..
نجود/وين نمشي؟
فهد/قلت لك انا عازمك..
نجود/انت مارحت المكتب اليوم؟
فهد/شفتي شلون!!!يومي كله ضاع بسبب زعلك عليّ يالله خليني اشوفك...انا واقف قبال العمارة..لاتتاْخرين عفية,,,,
في بيت السبيعي,,,
ام ناصر/انا اموت واعرف ها الرجال وين راح من بها الظهر ؟؟
ام علي/المشكلة ماله بالعادة يطلع ها الحزة...
ام ناصر/لو اعرف بس منو اتصل فيه....
ام علي/لايكون سواها وتزوج علينا!!
ام ناصر/وي منهي اللي تبيه بعد ها العمر عاد!!!شوي ويشوف عيال عياله!!!
ام علي بحسرة/الله يسمع منك ونشوفهم كلهم!!
ام ناصر/امين يارب....بس ترى قلبي ناغزني حاسة فيه شي حتى طلعته كانت بربكة وبعجلة؟؟
ام علي/لاتخلين اوسوس !!ان شاءالله مافيه الا العافية...
علي/السلام عليكم..
ام علي وام ناصر/وعليكم السلام والرحمة....
ام علي/يمه علي..اتصل في ابوك يمكن يرد عليك..
علي/اتصل فيه!!ليش وينه هو؟انا ماشفت سيارته واقفة؟(علشان كذا دخلت تسلم ياعليوي!!)
ام ناصر/والله يايمه جاه تلفون وطلع مستعجل مدري شفيه..وكل ماندق عليه مايرد علينا..
ام علي/كلمه انت يمه يمكن انه يرد عليك ويقولك هو وينه؟
علي/يايمه ابوي ماهو صغير ولا مايدري وش اللي حوالينه!!وش اكلمه اساله وينه فيه!!
ام ناصر/يمه منت خسران شي بس علشان تطمنا..
علي باحتقار/وانتوا من صدقكم ليش انه طلع ضاق خلقكم وقمتوا توسوسون؟
ام علي/يايمه ياعلي الساعة فوق الوحدة ونص ؟؟وين بيروح ها الحزة ابوك مايطلع ها الوقت!!!واذا طلع قال لنا وين بيروح...
ام ناصر/وبعدين ابوك راعي سكر طلع لاتغذى ولاحط في بطنه لقمة...وطلعته مربوكة...اتصل فيه الله يجزاك خير...
علي وقف/لاني متصل ولاني متصل...بيرجع ومافيه الا العافية وبتشوفون انكم كبرتوا السالفة على الفاضي!!بخاطركم بروح اتغذى واريح!!!
في بيت الفارس...
لمياء/ماتشوف شر يابو مشاري؟
محمد/على كيفك هي سميتيني بو مشاري؟
ام مشاري/وش فيه مشاري..شزينه وشحليله عودته بالله!!!
محمد/يايبى لا..انا مو ابو مشاري ولاتلزقونها في راسي!!!
مشاري/هذا وانا ناوي اسمي محمد بس زين انك قلت لي قبل لااتسرع!!
مريم/عمي شفيها رجلك ملفوفة؟
مشاري بسخرية/هذا عمك شوي نظره ضعيف وتغربل؟؟؟
محمد/اقول لاتقلبني مسخرة لبنتك وزوجتك؟
لمياء/هههه لاعادي متعودين عليك وعلى رباشتك من زمان...ماهي اول مرة؟
محمد/زين عاد ياام محمد ولدك ومرته وبنته جاين يتشمتون فيني!!!
ام مشاري/انا ام مشاري ماني ام محمد الله يخليلي مشاري ويبلغني واشوف عيال عياله ان شاءالله؟
مشاري/ان شاءالله..
محمد/يعني تبين تعمرين وتعيشين زمنك وزمن غيرك!!مو كفاية عياله الاحتى عيال عياله بعد تبين تشوفينهم!!صدق طماعة!!!!
ام مشاري/جب يالله جب...هذا بدل ماتقول لي طول الله بعمرك....
مريم/ههههههه صارخوا عليك عمي محمد...
محمد/اقولك جايين للشماتة انتي واهلك مو مصدقتني!!!!تعالي ابيك..
مريم/لا
محمد/لاتكفين تعالي اشتهيت ابوسك..
مريم/لاماراح اجي بعدين بتعصرني بالقوة وبترميني...
محمد/يبى هاذي لعبة حديثة ...اكيد ابوك مايسويها لك اعرفه كل العابه قديمة..قطار وحصان ومدري شنو..تعالي بعصرك شوي...
لمياء/لاحبيبي انا ها اللعبة مااحبها مو تكسر لي عظام بنتي وتقول العبها...خل نشوف عيالك ونسوي فيهم مثل ماقاعد تسوي فينا بعدين يصير خير؟
محمد/اقول يمه حطي الغذى ترى متنا من الجوع ولاتنسون اني مريض ولازم تداروني!!
مشاري/عدال عدال يالمريض...الله واكبر بس...
ام مشاري/يالله هذاني بقوم احطه..
لمياء/خذيني معك ياخالتي....
مريم/بابا وريتك القطار اللي عند احمد الكبير ابي مثله..
مشاري/لاماوريتيني اياه..بس ولايهمك باخذ لك مثله..
مريم/ابي احمر مو ازرق...
مشاري/ان شاءالله..
دق جوال محمد..
محمد/اقول مريم روحي وريه البابا شكله مايعرف شكله؟
مشاري/لاتخليها تطلعني بها الشمس!!اعرفه يبى..
محمد بنحاسة/لامايعرفه!!قوم بس قوم برد على جوالي ماابيك تسمع!!!
مشاري/ماني طالع لو شيصير..
مريم/بابا..قوم شوفه لاتخليني اصارخ!!!
مشاري وقف/لالا هذا انا قمت الله ياخذ عمك ان شاءالله...
بعد ماطلعوا...
دق علطول لفوزية اللي كانت داقة عليه...
بمطعم النافورة للاسماك,,,,
فهد/قولي شي..لاتظلين ساكتة..
نجود مصدقة انها زعلانة بجد ومسوية ثقيلة وزعلانة وهي من داخلها ميتة ضحك...
نجود بدون نفس /وش تبيني اقول..بالنهاية الشور شورك والامر امرك..
تقرب منها ومسك يدها الليل كانت على الطاولة وسرت فيها رعشة غريبة...خلته جسمها يذو ب من الحرارة,,
فهد بهمس/نجود..تدرين اني مااستغني عنك ياحياتي....وبالنهاية انتي راس مالي واذا صدر مني شي يضايقك ويزعلك...فاانتي عودتيني اكون معك بطبيعتي واتكلم بانفعلاتي مااغير شي..
نجود مسوية زعلانة وهي عيونها ذايبة في عينه اللي كانت تاكلها ومتشوفقة على زعلها
نجود/أي بس يافهد..منت ملاحظ انك مزودها حبتين معي!!!حبيبي انا ابي كل تعبك عندي ..اشيله من صدرك واحطه بصدري,,,بس بعد انا لي كرامتي اللي لازم تكون محفوظة,,ولي هيبتي ولي اسلوب خاص بالتعامل محب احد ينزل منه ولايغير....انت صدق تمون...بس مافكرت للحظة وحدة ان ها القلب اللي عندي ممكن يفيض بلحظة من اللحظات !!
فهد شد على يدها وضمها لعنده/والله مانمت طول الليل وانا افكر فيك....خلاص نجود غلطة ومااراح اعيدها..
نجود بدلع/لاحبيبي ماابيك تقول مابعيدها..اذا قلتها تحسسني انك ماراح تفضفض لي بللي يشغل بالك وبتخلي همك وضيقك بقلبك وهاالشي بيتعبني قبل لايتعبك.,,
انا ابيك ماتتغير وتظل علاقتنا مثل ماهي بس خف شوي من عصبيتك عليّّّ..تراك نشفت دمي البارح وخوفتني وماقدرت انام!!!
فهد/يابعد عمري انتي....انتي احلى شي بكوني يانجود..
نجود مسوية مهتمة/ا نا مانمت مو من زعلي عليك يافهد لاني بالاساس مقدر ازعل عليك بس من ضيقي انك قاعد تحاتي ها البنت وتحاتيني وان بالك مشوش...تصدق عاد كنت بدز لك مسج بس ترددت...
فهد/انتي اللي يعرفك يانجود مستحيل انه يتركك ولايتخلى عنك..
نجود/شلونها...
فهد/والله ماطقت البارح احط عيني بعينها...الغريبة انها كانت طبيعية وكانها ماسوت شي؟
نجود/أي بس فوزية مستحيل تشبه فيها...سالت السايق؟
فهد/هني المصيبة!!السايق اكد لي انه وصلها وانتظرها....
نجود/خلاص لاتعصب وتشغل بالك...انت سوي اللي قلت لك عليه وبعدين لكل حادث حديث....ماراح تاكلني شي تراني مت جوع!!!
فهد ناظر بعيونها مباشرة/انا قربك وتموتين جوع!!!!!
نجود ناظرت بالطاولة/فهد اذا انت ناوي عليّ قولي ها الحكي!!!
فهد/مو حقي اغازلك بدون حواجز؟
نجود /لا..
فهد/لا...
نجود/أي...ماابيك تغازلني لين اصير زوجتك..حليلتك...ساعتها شبعني غزلك الدافي...اللحين غزلك بيتعبني واحنا بعيدين عن بعض وظروفنا ماتسمح نشوف بعض كل مااشتهينا!!!
فهد/اه منك يابنت السبيعي اه....صدقيني محد بيجيب اْجلي ويومي غيرك انتي!!!
ام ناصر بقلق/حتى ناصر بالعناد تاخر اليوم؟؟
هيا/وجوالها مقفول؟
نورة/اوووف متنا جوع...وابوي ماندري وينه؟
ام علي/ووجع اللي يوجعك تحاتين الاكل بدل ابوك اللي صار له فوق الثلاث ساعات ماهو مبين؟
هيا/طيب ماسالتوا عمي يمكن يعرف هو وينه فيه؟
ام ناصر/لايمه ماحبينا نخوفه عليه وبعدين تطلع السالفة مافيها شي؟
ام علي/الله يهداك بس يبو علي؟؟؟على الاقل رد علينا طمن قلوبنا!!!
هيا ونورة كل وحدة ماسكة جوالها وام علي ماسكة تلفون البيت وام ناصر لاحول ولاقوة..
كل شوي وحدة تتصل ولا من اجابة وبعد عناء طويل رد بوعلي على هيا..
هيا بصراخ/يبى وينك؟
ام ناصر/عطيني اكلمه؟
ام علي/ساليه شفيه؟
هيا/انشغل بالنا عليك؟ليش ماترد؟.....اي.....اي....شفيه؟؟
ام ناصر/شصاير؟هيا تكلمي شصاير؟
هيا تاْشر لها تسكت..
هيا/طيب يبى........معليش .............اي....خلاص....طمنا انت بس......يالله فمان الله..
ام علي وام ناصر بصوت واحد اول ماسكرت/شصاير؟؟وينه فيه؟
هيا اخذت نفس عميق/ابوي بالمستشفى..
ام ناصر/وحسرتي!!! شفيه؟؟؟؟
ام علي/تكلمي شفيه ابوك؟
هيا/ابوي مافيه شي...ابوي مع ناصر..
ام ناصر قعدت على الكنبة/ناصر!!!شفيه ولدي!!!!
محمد/هلا وغلا..
فوزية/هلا فيك....
محمد/معليش ماقدرت ارد عليك لاني كنت بالسيارة مع اخوي وعلى مانزلني وصرت بحالي دقيت لك؟
فوزية/راد مع مشاري اليوم؟ليش مافي شركة للعصر ولا علشان ولاد صاحب الشركة داخلين وطالعين بكيفكم؟
محمد/حرام عليك..هذا بدل ماتقولين سلامتك حبيبي تقولين طالع وداخل بكيفك؟
فوزية بخوف/شفيك؟محمد شفيك؟
محمد مسوي انه تعبان/سلامتك ياروح محمد..بس اصابة صغيرة بالعمل وعدت على خير؟
فوزية بفزع وخوف/شنو؟؟؟عسى ماتعورت؟؟رحت المستشفى؟؟
محمد بعده بتمثيله/والله نوعا ما مؤلمة...
فوزية/وين؟
محمد/الكاحل اللي بساقي اليمين..
فوزية/يابعد عمري ماتشوف شر ان شاءالله..
محمد/الشر مايجيك ولايسير عليك..
فوزية/يعين الليلة ملزوم امر اشوفك؟
محمد/وش ها القلب اللي بيطيعك ويترك شوفتي لليل؟
فوزية/حبيبي الود ودي جيتك اللحين..بس شقول لاامي ؟وبعدين مصعب باالدوام وامي ماعرفت عنك ..
محمد/خلاص امري لله الليل الليل شنو وراي غير اني انتظر شوفتك الكريمة...
فوزية/تبي شي حبيبي..خاطرك بشي اسويه؟
محمد/عادي اتدلع!!
فوزية بحب/افا عليك اذا ماتدلعت انت عليّ ودلعتك!!بالله ماتقولي تدلع انت على منو وانا ادلع منو؟
محمد/يابعدي والله الليل يدلعوني فديتهم انا..
دخل مشاري بها اللحظة وقال بصوت عالي/أي طاردني علشان تغازل براحتك حضرة جنابك؟
فوزية/هذا صوت مشاري!!يالله اخليك حبيبي بتكون بينا مسجات...ماتشوف شر؟
محمد/الشر مايجيك ويجي اللي في بالي!!
مشاري/طبعا انا!!
محمد بعد ماسكر/طبعا!!!
العصر في بيت الفارس..
.سارة/ماما...ماما...
نجلاء/علامك..ليه تصارخين؟
سارة بصراخ/ابوي قايل لسايق لايوصلني مكتن؟
نجلاء/مدري..منو قال لك؟
سارة/السايق الغغبي؟؟؟يقول بابا فهد قايل له أي مشوار تبيه سارة لاتوديها؟
نجلاء/غريبة فهد ماقال لي !!يمكن انه يكذب ومايبي يطلع!!...الا انتي وين طالعة على الله!!!ماقلتيلي؟
سارة/ماما انتي تركتي القضية المهم واخذتي فتات القصة؟وسالتيني وين بروح؟
نجلاء/خلاص لاتحنين بدق عليه بشوف وش سالفته ها السايق بعد!!
فهد من وراهم/مايحتاج!!!!
خمدت سارة بمكانها ولفت له نجلاء لقته قاعد بالجهة الثانية من الصالة ..
فهدبقوة/انا مو قايل لك طلعة من البيت من غير شوري ومامعك احد ماكو؟وين كنتي رايحة؟
سارة بتردد ولعثمة/كنت..كنت بروح اخذ ......................................
فهد بعصبية لنجلاء/وانتي ليش ماتصرين تعرفين هي وينها رايحة؟
يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -