بارت جديد

رواية شرع ربي ولا اعتراض -74

رواية شرع ربي ولا اعتراض - غرام

رواية شرع ربي ولا اعتراض -74

لفوا ثنتينهم وملاك تضايقت..
نجود/هلا الجازي...خير في شي؟
الجازي/خلاص برجع لك بوقت ثاني اذا انتي مشغولة؟
نجود/لاماعندي شي...مجرد سوالف عابرة مع ملاك....خير في شي؟
انا اليوم ماراح احط لكم توقعات لبارت بكرة يمكن لاني بعدني زعلانة ويمكن مدري لشنو(؟؟؟؟)
المهم ابي منكم كل وحدة تحط لي التوقعات اللي تتوقعها بتصير بالبارت الجاي علشان لاتقولون اسئلتك صعبةومدري شنو اليوم مفتوح اي شي يخطر ببالكم قولوه..

البارت الرابع والخمسين

في وقت الفسحة,,,
ملاك/ليش تسالين؟
نجود/ودي ازورها بشغلها واتعرف عليها وعلى طبيعة شغلها بالمركز,,,انتي ماودك؟
ملاك بخوف/لالالا..المكان مو حلو ماانصحك تروحين,,انتي انخلقتي لااماكن ثانية؟
نجود باحتقار/وش ها الحكي الخربوطي؟وانا وين قايلة لك بروح...كلها بكلها مركز امك مديرته...حابة اشوف هناك الحياة شلون وكيف يتعاملون مع ها الفئة من الناس؟وبعدين انتي اذا ماودك لاتروحين انا ابي اروح....
ملاك تغير الموضوع/والله مدري مااشوف امي تتكلم عن احد يزور المركز بعدين خلنا من ها السالفة اليوم منورة بالاحمر..عجيبة صاير شي خيالي ..ولا في الاحلام!!
نجود/هذا غزل؟
ملاك/أي...ومديح بعد!!
نجود/مشاءالله وبعد!!!
ملاك/بس....
الجازي من وراهم/ابلة نجود..
لفوا ثنتينهم وملاك تضايقت..
نجود/هلا الجازي...خير في شي؟
الجازي/خلاص برجع لك بوقت ثاني اذا انتي مشغولة؟
نجود/لاماعندي شي...مجرد سوالف عابرة مع ملاك....خير في شي؟
الجازي كان عندها كتابها وقالت وهي تاْشر بالكتاب/عندي اشياء صعبانة عليّ مو فاهمتها ؟
نجود باهتمام/شنو؟
الجازي/اعراب الجملة الشرطية وبعض الاعرابات في جمل المضاف والمضاف اليه ماني عارفة لها وكم سؤال بالادب؟
نجود بخيبة امل ضايقت ملاك وخجلت الجازي/افا!!!اذا انتي يالجازي يااملي بالفصل تقولين منتي مستوعبة باقي البنات عليهم السلام اجل!!!
الجازي/..........
نجود/عطيني اشوف...
دق جرس الفسحة منتهي.....
نجود/منو عليكم اللحين؟
ملاك/ماعلينا احد وقالوا لنا نزلوا المختبر؟.
نجود/شلون ماعليكم احد؟
الجازي/ابلة نوير غايبة وقالوا لنا الرابعة ننزل المختبر والسادسة نروح المكتبة لان محد يبينا..
نجود/خلاص تعالي نروح الفصل واشرح لك اللي تبينه..بس لاارجع الفنجانين داخل اسبقيني على فصلك؟
ملاك/انا بعد مو فاهمة بجي معكم!!
نجود دخلت وحقرتها ومشت الجازي ومشت معها ملاك...
ملاك بتردد/بتتضايقين اذا ظليت موجودة وسمعتها تشرح؟
الجازي بلامبالاة وهي تطالع بكتابها علشان لاتطالع بملاك/وليش اتضايق مافرقتي عندي اهم شي اني افهم اللي ابيه!!!
دخلوا الفصل وقعدت الجازي بمكانها وملاك بالكرسي اللي يقابل طاولة نجود وجت نجود وراهم علطول,,,,
نجود/أي الجازي وش عندك؟
الجازي/المضاف والمضاف اليه؟
نجود/تعالي هنا جلسي جنب ملاك علشان لااتشتت انا بينكم...
جلست نجود بكرسيها قبالهم والجازي قعدت جنب ملاك....
نجود/أي...انتي فاهمة شنو يعني مضاف وشنو يعني مضاف اليه؟
الجازي/أي..بس بعض الاعرابات اللخبط فيها...
نجود/طيب عطينا جملة خلنا نعربها سوا؟
الجازي......
نجود/ملاك ماعندك شي؟
ملاك/اممممم...ان تعليم الفتاة واجب..
نجود/حلو....ان تعليم الفتاة واجب.....ان...مبني على الفتح ...لامحل له من الاعراب ولا له محل؟
الجازي/لا..لامحل له من الاعراب....
نجود/طيب...تعليم...اسم وجاي بعد حرف..
الجازي/اسم ان منصوب بالفتحة الضاهرة..
نجود/ممتاز...بس باقي ماكملتي...وهو مضاف,,,,الفتاة مضاف اليه شيكون وضع المضاف اليه مرفوع ولامجزوم؟
الجازي/مجرور...
ملاك/لا..مضو م..
نجود/اقول واللي يعافيك انتي كملي نومتك مو داخلة معنا بالقضية؟؟؟
ملاك تفشلت وسكتت...
نجود/كملي صح..
الجازي/مضاف اليه مجرور بالكسرة...واجب ...
نجود/طالما ان تعليم اسم..فمعناتها ان واجب بتكون شنوللاسم؟
الجازي بتردد/خبر ان..
نجود/امم تابعي..
الجازي/خبر ان مرفوعة بالضمة...
نجود/ممتاز...طيب اعربي لي الجملة هاذي...قضى ناجحوا المدرسة اجازة الصيف سعداء؟
الجازي وهي تناظر نجود/طويلة؟؟
نجود ضحكت لها/هههههه معليش علشان تتعلمين...
ملاك بهمس/اوووف...
نجود/ملاك علامك..اذا متضايقة قومي؟
ملاك/لاطبعا مو متضايقة,.,,,
الجازي/ابدي..
نجود/أي اكيد..
الجازي/قضى فعل ماضي مبني على الضمة..ناجحوا فاعل...
نجود قاطعتها/ستوب..ستوب..ستوب...قضى...فعل ماضي مبني على الفتحة المقدرة على الالف منع من ضهورها الثقل ولاالتعذر؟
الجازي/التعذر..
نجود/كملي...
الجازي/ناجحوا..فاعل مرفوع بالواو لانه جمع مذكر سالم وحذفت النون للاضافة...
نجود/ممتاز ..تابعي...
الجازي/المدرسة مضاف اليه مجرور بالكسرة الضاهرة على اخره....اجازة...خبر...
نجود/ليش خبر....مضاف ومضاف اليه واكتملت عدنا جملة اضافة ...خلاص اللحين شوفي وش نقص بعد الفاعل؟
الجازي/أي..مفعول به منصوب بالفتحة...وهو مضاف...الصيف ..مضاف اليه مجرور.....
سعداء................
نجود/شلون كان حلهم بالاجازة؟
الجازي/حال منصوبة بالفتحة.....
نجود/ممتاز.....
الجازي/طيب الجملة الشرطية...كيف نعربها؟
نجود/اذا كانوا حروف مبنية واذا كانوا اسماء حسب موقعها من الجملة...وطبعا تحددين موقعها بعد ماتحددين جواب الشرط وفعل الشرط؟
الجازي/تعبتك ابلة نجود؟
نجود/لا عادي انا ماعندي شي اهم شي انتي تفهمين....وش عندك بالادب؟
الجازي بتردد/اذا تعبتك بلاها ..
نجود باصرار/لالا ماعندي شي....وبعدين بيني وبينك الفصل كذا هادئ ورى مايخلونا نشرح لكم وحدة وحدة بروحها اريح ؟
ملاك/الله وناسة ياليت؟بس انا بداوم بكل الحصص؟
نجود بخبث/أي حصص بالضبط؟
ملاك/طبعا العربي وفي غيرهم؟
نجود/أي الجازي..شلونك....
الجازي/بخير..
نجود/وش عندك بعد؟
الجازي/بس في شرح لبيت ماعرفت اشرحه؟
ملاك بنرفزة/تعلمي كل شي ماعرفتي ولافهمتي!!
نجود/أي مو طالبة منك انتي تشرحين لها؟
ملاك/انا ابي راحتك؟ماابيك تتعبين ابلة نجود؟
نجود /انا راحتي اذا فهمت الجازي؟؟اما اذا الجازي مافهمت مابرتاح لاني بحس ان مامعي احد بالفصل؟؟
ملاك بزعل/ومافي غير الجازي يملي عينك بالفصل؟كلنا مانسوى؟
نجود/والله ياليت كل البنات الجازي.....
الجازي/ابلة نجود لاتخجليني..هذا من ذوقك....
نجود/انا مااجامل يالجازي....
الجازي/ممكن ندردش مع بعض شوي؟
نجود/اكيد..
ملاك/اها !!يعني ماكانت بس شرح وبس!!زين اني جيت؟
بعد صلاة العصر..
بندر/اليوم صاحية بدري مالك بالعادة؟
جواهر/قصدك مانمت؟
بندر/اوووف ليش؟
جواهر بارتباك/ها..لابس عندي اسئلة اختبار وحالتي معفوسة شوي!!
بندر/أي بس الاخلاق الى حد ما كويسة مو معكرة؟
جواهر/شسوي بعد...ماقدر اسمع صوتك واعكر...يابوي صوتك بالنسبة لي مهدى؟
بندر/متاْكدة؟؟باي وقت يهداْك؟
جواهر/يعني انت لاتتليعن عليّ وتكلمني باوقات تحرجني وماتهداْني؟
بندر/هههه شفتي ان كلامك مو صحيح....اقول رحتي للفستان شفتيه؟
جواهر/بعد اسبوعين بستلمه؟
بندر/قولي والله؟
جواهر/وليش انا اكذب يعني!!
بندر بتشقق/لا بس من فرحتي....ياي واخيرا بشوفك بثوب العرس الكبير...حلمي بيتحقق ياجواهري وبشوفك فيه؟
جواهر/اصبر ياولد الناس باقي لك كم شهر وتشوفني فيه؟
بندر/توك تقولين بعد اسبوعين؟اللحين صارت كم شهر؟
جواهر/بعد اسبوعين بستلمه بس مو بلبسه وبتشوفني؟
بندر/أي بس انا خاطري اشوفه عليك؟
جواهر/لاحبيبي انا ابي اخليه مفاجاة لين يوم العرس علشان ليلتنا نقعد نتكلم بكل شي بالفستان والمكياج والتسريحة وكل شي.....
بندر/اولا ليلتنا مابكون فاضي اسولف لك عن فساتنك ومكياجك وخرابيطك عندي اشياء اهم من ها السوالف بكثير!!!!!بعدين ياقلبي وشو مفاْجاة؟؟؟على بندر ,,معقول يجيك قلب؟
جواهر/يو حبيبي خلاص لاتصير لحوح؟
بندر/احرميني من كل شي بس لاتحرميني من شوفتك بالفستان الله يخليك؟
جواهر باعتراض/حبيبي اذا شفته عليّ قبل العرس مابتحس فيه ليلة العرس؟
بندر/قلت لك ماني فاضي له ليلة العرس ابي اشوفه قبل!!وبعدين انا وريتك القاعة ,,خلاص ماراح اوريك اياها بعد ماتكتمل ويخلصون باقي الصبغ والديكور خليها مفاجاْة لين ليلة العرس؟؟؟
فهد/أي...
نجود/وقلت لها شي من امس ولا تركتها بحالها كاالعادة!!
فهد/ماحاولت احط لساني بلسانها..مدري مابغيت اتواجه معها؟
نجود/أي بس هذا غلط يافهد!!انت عارف انها غلطانة وهي عارفة بعد!!ليش تاْجل الموضوع ,,يااخي اضرب الحديد وهو حامي وكلمها بالسالفة مباشرة علشان تاْخذ تاْثيرها؟
فهد بتردد/انتي ماقلتيلي وش اسوي ولااقول معها؟
نجود/مايحتاج اقولك؟كل المواقف متشابهة والمفروض انك تكون عارف ها الشي يافهد؟؟؟يبى لاتحط بينك وبينها أي حاجز وكلمها بالشي مباشرة,,,خلها تحس انك معها بكل شي وقد ها الشعور....انت تقول انها تتاْثر اذا زعلت منها وماكلمتها وتجيك تراضيك,,هذا شيعني يافهد؟؟يعني ان مكانتك عندها محفوظة ولازالت تداري خاطرك...اليوم لازم تتكلم معها وبلاش تاْجل الموضوع زيادة طيب حبيبي...
فهد/طيب شقول لها؟
نجود/حبيبي أي شي بيخص المشكلة؟اسالها عن طلعتها ..وين كانت رايحة وليش ماعطتكم خبر وهي طالعة وليش ماوفت بوعدها معك يوم اتفقتوا انها تقول لك كل شي ووين تروح ووين تجي...وانك عتبان عليها كثير وماتوقعتها منها وانك عزمت تغير معاملتك لها مثل ماقاعد تشوف منهامن تصرفات وبتصير اكثر صرامة وحزم وماراح تعطيها مجال لااي عاطفة ولامزح وبتصير العلاقة بينكم جدية اكثر...جرب وشوف وش تكون النتايج؟
فهد/نجود...تراني اضيع بدونك..تحملي تتركيني بيوم من الايام!!!
علي فتح باب الديوانية ودخل وماكان في غير ناصر على فراشه وابوه جنبه ومحمد ولد بو جواهر وابو بندر اللي كان طالع يوم يدخل علي..
علي من بعيد/سلامات..
ناصر/الله يسلمك..
ابوعلي بدون مايناظر بعلي/لسه بدري؟؟؟كان انتظرت يمر اسبوع وبعدين جيت ساْلت؟
ناصر بتعب/يبى..علي كلمني البار
ابوعلي قاطعه بعصبية/لاتكذب عليّ!!هذا مافيه خير حق احد ابدا!!
علي عصب واخذ بعضه ومشى بدون ولاكلمة..
ناصر برجاء/علي..اوقف...
ابوعلي/لا خله يروح ليش يوقف..اساسا هذا اخوك انا غاسل يدي منه....قاعد بالبيت اسم بس!!!!
ساكن شارب ماكل ...حتى لو هو قاعد بشقة ايجار يمكن كانت اخلاقه مع جيرانه اطيب من علاقته اللحين فينا!!!لعن بوداره يمر الاسبوع والاسبوعين والثلاثة مااشوفه فيهم!!!وش بناخذ من الدنيا ياناصر معنا وش بناخذ؟؟؟
اخوك هذا بيموتني قهر...
ناصر بخوف/اسم الله عليك يالغالي...لاتقول ها الكلام لك طولة العمر ان شاءالله....
ابوعلي بتحسر/ربيت وكبرت وعلمت وهاذي النتيجة ياناصر...علي الابن البار!!!اه لو تدري شقد قلبي مهموم وتعبان من اخوك وعلاقته فيني ,,,وش تتوقع خلاه يصير كذا ياناصر!!اني ضغطت عليه يتزوج بنت عمه...معقولة هذا سبب يخلي ولد مايكلم ابوه ولايسال عنه ويعيش معه بنفس البيت كانهم اغراب مو ولد وابوه!!!
حتى خالتك ام علي طول ليلها تبكي وتدعي له بالهداية...علي اخوك مريض ياناصر...مو معقول في ناس بها النفسيات عايشين بينا!!
ناصر بدفاع/يبى ...انتوا بس خفوا عليه شوي..مايصير دايم تضغطون عليه وتحسسونه كانه مسوي جريمة؟
ابوعلي باستنكار/وبرايك تصرفاته اللي يسويها حلوة مو كاْنها جريمة؟
ناصر بارتباك/يبى انا ماقلت شي بس...يمكن علي حارقته النار وحاب يتغير بس مو قادر ومو لاقي فرصة يتكلم معنا فيها واحنا كل ماشفناه هجمنا عليه ..انا اقول نخليه على راحته وهونه احسن...
ابوعلي نزل راسه للارض وماعلق بشي بس كان الضيق باين بوجهه..
ناصر بحنية/تبي اكلمه يبى؟
لمياء/وش جاي لك الا تبي مكرونة ؟
مشاري على التلفون/ياسلااام!!يعني مو حقي اتشرط واقول وش ابي؟؟؟
لمياء/بلى بس والله تعبت توني طالعة من المطبخ ومخلصة من شغله وبروح اشوف زبالة مريم؟
مشاري/ياستي دبري حالك ابي ارجع الليلة والاقيها جاهزة؟
لمياء/اوووووووف منك ومن بنتك زين؟
مشاري/افا!!!اللحين انا مشاري ولد الرياض حبيب قلبك صرت اف مني!!لالالالا هذي تتعاقبين عليها الليلة؟
لمياء/ههههههه وش بتسوي يعني؟
مشاري /لالالا ماراح اقولك لين ارجع الليل؟
لمياء بهبال/الله حمستني ..ودي اعرف وش بيكون العقاب؟
مشاري مسوي روحه صارم ويخوف وهو يضحك/يعني مو خايفة من عقابي لك؟
لمياء بنفس الهبال/لا طبعا!!!!يالله تكفى تعال بسرعة ودي اشوف وش بتسوي ...
مشاري/يالله بس ساعتين وجاي البيت مع السلامة..
لمياء/الله يسلمك.....وينك مشاري حبيبي..
مشاري/هلا ياقلبي امريني..
لمياء بنحاسة/ههههه لاتنسى تجيب مكرونتك معك لاني بقعد افكر بالعقاب وش بيكون ماراح اسويها؟
مشاري بزعل/شنو؟؟وليش بالله انا ناوي اعاقبك اجل؟
لمياء/هههه شكلك ملخبط بالسالفة ياعيوني...تذكر يالله على هونك ليش كنت بتعاقبني..باي..
مشاري/وين بتروحين ياحظي؟تعالي ذكريني؟؟
لمياء فطست ضحك عليه...
مشاري/ماراح تقولين زين...وخلك تضحكين...العقاب تضاعف مرتين جزاء لك!!!!
ام رائد/الو..اي ملاك يمه اسمعك وش عندك؟
ملاك بعصبية/ابلة نجود كلمتك ؟
ام رائد/لا..ليش تسالين؟
ملاك بانفعال/هي قايلة تبي تمر تشوف شغلك بالمركز...بس وينك اذا سالتك قولي لها مانستقبل ابدا؟
ام رائد بهدوء/وليش اقولها؟
ملاك بعصبية/ان شاءالله تبينها تجي؟
ام رائد/وهي وش اللي خلاها تفتح الموضوع اصلا!!
ملاك/منك حضرة جنابك!!!
ام رائد/انا!!!
ملاك/أي انتي!!سالتني عنك وعن شغلك وتمخمخت الفكرة براسها وقالت بتجي تشوفك وتشوف المركز...يمه تكفين اذا اتصلت فيك لاتخلينها تجي لااي سبب كان!!
ام رائد/أي بس هذا طلبها..وبعدين وش فيها لو جت المركز؟
ملاك بصراخ/انتي تبين تفضحيني معها!!!تبيها تعرف؟
ام رائد/.,.............
ملاك/انا مو مستعدة اخسرها اذاعرفت؟صرفي حالك وقولي لها أي شي بس لاتخلينها تحس عليك انك ماتبينها...اخاف تجي ويفلت لسانك ولالسان وحدة من ها الخمة اللي معك ويقولون لها؟
ام رائد بحزن/استغفر الله العلي العظيم..
ملاك/باي....
سكرت وهي بقمة العصبية...لو عرفت نجود شنو ممكن يصير معي انا!!!لا ياربي لاتعرف...مافيني اتحمل انها تخليني وتتشمت فيني ولا تقول عني مدري شنو؟
مو كافي اليوم والجازي وسوالفهم مع بعض وانا صفطتني على جنب بكرة اذا عرفت بتخليني مسخرة العالم العربي!!!
لاماابيها تعرف ماابيها,,مستحيل لازم اكلم ابوي يشوف لي حل...يسكر المركز بكبره ويصير اللي يصير؟أي بس اذا سكره امي بتزعل؟؟؟؟هي فتحته بعد ذيك السالفة واذا تسكر بتتضايق....
ياربي انا ماابي امي تتضايق وتزعل بس بعد ماابي نجود تعرف شي عن السالفة؟؟؟؟
لبنى/علامك اليوم متضايق ومالك خلق ابدا!!
عبدالعزيز/تعبان؟؟
لبنى/من شنو؟
عبدالعزيز/من المحل ومن السوالف اللي تصير فيه..احس اني على اعصابي.....
لبنى/حبيبي هونها...ليش مكدر خاطرك كذا....
عبدالعزيز/ودي اطلع من المحل؟
لبنى بركادة/واذا طلعت وين بتروح؟
عبدالعزيز/مدري....
لبنى/حبيبي لازم تفكر بالموضو بعقلانية وروية اكثر مو كذا بجنون وبعصبية؟
عبدالعزيز بتعب/أي بس يالبنى...انا حاس اني متضايق مرة.....يعني ..
لبنى/واذا طلعت ورحت مكان ثاني بتضمن يكون افضل من ها المحل؟مابتضمن طبعا!!بعدين انت هنا بمجمع ماراح يصير شي كبير لاسمح الله ..ولاتنسى فيه امن بيتدخل باي لحظة انت ليش مضايق خلقك عاد؟
عبدالعزيز/مدري يالبنى..حاس نفسي مزعوج ..
لبنى/ماعليه حبيبي تصبر الله يعدل الامور كلها ان شاءالله؟
عبدالعزيز/الله كريم..
لبنى/مافي شركة من اللي قدمت عليهم ردت عليك؟
عبدالعزيز بسخرية/كلهم يبوني ليش ماردوا!!!
لبنى/حبيبي وش فيك انا ماخبرتك كذا ابدا!!!
عبدالعزيز/انا مخنوق يالبنى...صار لي ثلاث سنين من اشتغلت بها الشركة وانا معاشي حتى الهندي مايعطونه اياه وكل يوم وجايبين فلبيني وراتبه الشي الخيالي!!ماخليت شركة ماقدمت فيها ان شاءالله حمالي بس اطلع من ها القرف اللي انا فيه بس محد معطيني موافقته!!!ماالحق اطلع من الشركة بوجهي على المحل افتحه واقابله لين اخر الليل ..ماارجع واحط راسي على المخدة الا تعب الدنيا كله بجسمي....
لبنى بتاثر/جزاك عند ربك حبيبي...وبعدين محد ياخذ الانصيبه واللي الله كاتبه له ياعمري...هذا شرع الله ومن يعترض عليه...بعدين انت ماتدري يمكن ربك شايل رزقك لك وباي لحظة بيجيك....احنا مو قلنا ان الفلوس اخر شي بنتكلم فيه ويهمنا؟
عبدالعزيز باعتراض/انا شايل همك انتي يالبنى؟؟انا مستعد اكرف ليل نهار واجيب لك الرزق من تحت الارض بس تبقين معي تكملين دربي..بس شوفة عيونك هذا حظي من الدنيا؟؟؟
لبنى/وانا راضية بحظك وقدرك ونصيبك...يانصيبي انت....لاتشغل بالك بامور بتتعبك كثير وفكر وش بتقول للبنى من كلام حلو؟
عبدالعزيزبهمس/معليش صار عندي زباين بس افضي بدق لك مسج بقولك وش بقول طيب...
بعد صلاة المغرب...
كان ناصر قاعد بروحه بعد ماقام صلى ,,,ظل قاعد على فراشه متضايق...اليوم من بدايته ماكان حلو كان كئيب وكملت بعد مع علي وابوه!!
استغفر الله العظيم مدري لمتى بيظلون كذا!!!!
ياربي اهديه واصلحه ونور طريقه...
دق باب الديوانية واستثقل يقوم يشوف منو لان اكيد وحدة من البنات لان الباب الداخلي..
قام يمشي على هونه...
فتح الباب وكانت سلة ورد كبيرة باللون الابيض والوردي بوجهه ومغطية وجه هنوف اللي كانت كاشفة مو متغطية....
ناصر/احم احم...وش السالفة ربحت سلة ورد ولاجائزة ولاشنو بالضبط؟
هنوف بعدت السلة وابتسمت رغم الدمعتين اللي بعدهم مانشفوا بعيونها....
هنوف بصوت رايح فيها/سلامتك يالغالي...والله خوفتنا عليك؟
ناصر ابتسم لها/صدق خوفتكم...ماتقصرين ياهنوف على اهتمامك؟
هنوف بتاْثر/منت عارف غلاتك عندنا ياناصر؟؟ولا تتغلى علينا علشان تشوف اذا كنا فعلا نحبك ولالا؟
ناصر بضعف/شكلها السالفة كذا!!!
كان واقف بس وقفته غير عن كل مرة تشوفها فيه...في ذبول غريب حاصل له ..فيه ضعف وحزن قرتهم بعيونه....
مومعقولة من تعبه ومرضه..اكيد عنده شي مضيق خلقه..
هنوف بخوف وانكسار وهمس/ناصر..علامك...ليه وجهك صاير كذا مخطوف لونه؟
ناصر ناظر بالارض وقال بضعف/ولاشي..سلامتك بس حاس بشوية تعب...شكرا على اهتمامك مرة ثانية....انا بدخل تبين شي؟
هنوف ظلت واقفة تناظره وهو يناظرها.......وجت في باله فكرة بس شالها من باله مباشرة...واستبعدها,,لا مو معقولة تكون هنوف ,,مستحيل اصلا!!!
هنوف بهمس/تبي شي؟
ناصر بدون نفس وضيقة خلق/لا شكرا...
هنوف/ناصر..لو بغيت أي شي واحتجت أي شي...دق عليّ,,انا مستعدة اكون خدامة تحت رجلك بس تامرني؟
ناصر في باله(شكلها هي ياناصر,,,شوف معاملتها والخوف الواضح بصوتها وعيونها؟؟؟لا مو معقولة هنوف تعتبرني اخوها الكبير ولااقعد اهوجس وادخل الفكرة في راسي وراسها!!وبعدين هنوف اصغر مني بكم سنة!!الفرق بينا كبير واجد ومستحيل بعد)
هنوف/سمعتني ياناصر؟
ناصر بشرود/شكرا هنوف....بس انا بدخل الشباب بيجون اللحين ...شكرا على اهتمامك مرة ثانية,,,
دخل بعد ماشال سلة الورد من عندها وتركها تناظر بطيفه اللي غاب عنها وتنزل باقي دموعها اللي كانوا محبوسين بعيونها,,,
بمزرعة فهد..
كان ينتظرها مثل مااتفقوا,,,
ووصلت بعد موعدها بساعتين وتوقعت انفجار رهيب من فهد اللي كان يدق عليها وهي حاطته تحت الاتظار وماردت عليه..
وفعلا يوم دخلت المزرعة ماكان قاعد قبال البركة معناته اعصابه فلتانة وشياطينه ثايرة!!!
دخلت داخل ومالقته...دارت فوق وتحت وبد مالقته..طلعت من الباب الثاني وراحت للقسم اللي فيه محمية الاسماك والطيور وكان واقف هناك بعصبية بعيد عنهم وبيده سيجارته وهو يدخن بشراهة,,,
وقفت شوي تستجمع كلماتها وتعد موقف للاعتذار بس صوت صراخه وعصبيته كانوا اعلى من انها تفكر باي شي بذيك اللحظة؟؟؟
فهد بقمة العصبية/احلفي والله!!!زين انك تذكرتي؟
نجود/فهد انا..
فهد/اسمعي يابنت الناس اذا مفكرة انك بتمشيني ورراك ترى انتي غلطانة وستين الف غلطانة!!مو فهد اللي يمشي ورى مين ماكان؟
نجود حرقتها الكلمة وقالت بعصبية/اولا اعطيني مجال اتكلم واقول اللي عندي !!ثانيا انا مو مين ماكان لو سمحت واسحب كلمتك؟
فهد بعده بعصبيته/اعطيك وقت علشان تلفين وتدورين فيه عليّّّ!!بالله ماتقولين لي ليش حاطتني تحت الانتظار وماتردين عليّ!!على بالك بيكبر راسك وبشوفك قدامي اذا سويتي حركات التغلي والمراهقة!!!!سمعيني زين يابنت السبيعي انا ماامشي ورى بنت طايشة مثلك,,واذا مفكرتني...
قطع عليه كلامه صوت الاكياس اللي فلتت من يدها ومبين فيها اشياء تكسرت بس شنهي الله اعلم!!!
قالت له بحدة وعصبية ماصارلت لها من قبل/انا طايشة!!!انا مراهقة!!!!انا الف وادور عليك بالحكي!!طيب يافهد طيب....
فهد طيح سيجارته وقال بحرقة/على بالك بتهدديني انتي بها الطيب حقتك؟؟؟واللي يعافيك بس!!!!
نجود رمت كل الاكياس بالارض قدامه وشالت شيلتها من عليها واخذت شنطتها اللي كانت مع الاغراض تحت وطلعت جوالها منه وشالت الشريحة من الجهاز ورمتها بوجه فهد وقالت له بكل عصبية وهي ماشية وعاطيته ضهرها/روح لنجلاء..خلها تعذبك اكثر علشان يرتاح بالك,,اصلا انت متعود على الشقا ودلالي لك مضايقك لانك مو متعود عليه!!!!روح لها وروح لعيالك ربيهم!!!!بس تذكر انك ماراح تشوف نجود مرة ثانية بعد ها اليوم!!!!!
رجعت غرفتها بسرعة وقفلت الباب وفتحت الرسالة اللي جابها لها عبدالعزيز وهي كانت مع هيا في بيت عمها ومامداها تفتحها هناك...
انبطحت على سريرها ومسكت الجوال قبالها وقامت تقراْ فيه بصمت...
(لاتكدر خاطرك ضيقة حبيبك يوم قال..
أي احبك يابعدهم ,,بس انا وين اغني؟
ضيقتي ماهي بس اليوم يابنت الحلال,,
ضيقتي لها ثلاث سنين تاكل من يدي,,
ضيقتي مافي وفاها يابعد عمري جدال,,
كل ليلة تبسط يديها وتفرش مرقدي,,
ودي اسكت بس اعرف الحظ لامن مال مال,,
لين متى والصمت ينهش في ضلوعي وجسدي,,
شوفة عيونك,,هموم وضيق خلق وقل حال,,!!
ويش اسوي دام حظي يابعد عمري ردي,,!!
هي كذا عيشة حبيبك لو تظاهر بالكمال,,
اقرب ايامه سعادة بعدها بعد الجديّ!!
هي كذا وانتي بكيفك مابقى فيها سؤال,,
فيه دمعة في عيوني تنتهي او تبتدي!!
كلها مابين كلمة روح او كلمة تعال,,
كلمة فيها اضيع وكلمة منهاابتدي,,
هذا كل اللي بقوله واعذري قل الوصال,,
والله ادري بيك زعلتي ,,بس انا وين اروح؟؟؟ )
لاشعوريا قامت دموعها تنزل بحرارة ولقت نفسها تدق عليه وهي تغالب دموعها اللي كل مامسحت دمعة طلعت غيرها دمعات وكانهم ينتظرون طلعتهم من عيونها..
رد عليها بصوت حزين ومتضايق وشبه باكي..
عبدالعزيز/الو..
لبنى بدون ماتخفي دموعها/انا احبك..تفهم يعني شنو احبك؟
عبدالعزيز بالم/وانا احبك اكثر صدقيني؟
لبنى قامت تبكي وتبكي وتبكي وعلا صوتها وماقدرت تمسك نفسها وعبدالعزيز بدل مايهديها قعد يبكي معها وكانه يقول لها انا مافي يدي أي شي ..تعبت من كل شي خلاص....,,,


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -