بارت مقترح

رواية شرع ربي ولا اعتراض -75


رواية شرع ربي ولا اعتراض - غرام


رواية شرع ربي ولا اعتراض -75

بمزرعة فهد,,
سالم/فهد,,وش اللي صار؟ليش دقيت عليّ؟
رفع فهد راسه علشان يشوف سالم....وماتكلم باي شي...
سالم بخوف/فهد شفيك..صار شي مع نجود..لاتكون بس بغيت منها و..
فهد بحزن/لا....
تنهد ورفع شريحتها اللي كانت في يده..
سالم باستنكار/شنو هاذي؟
فهد/شريحة جوالها؟
سالم/وانت شتسوي فيها؟
فهد بالم/هي رمتها بوجهي..ماتبيني خلاص...قالت لي اني ماراح اشوفها مرة ثانية؟
سالم جلس جنبه/فهد وش السالفة؟؟؟لايكون ثقلت عليها وشبت فيك؟
فهد بنرفزة/انا وين وانت وين؟
سالم/أي قولي شصاير خلني افهم؟؟؟
فهد طلع له سيجارة تعدل مزاجه وهو يتكلم بضيق ونرفزة/صار لي فترة وانا ادق عليها وهي حاطتني تحت الانتظار وسافطتني....ويوم جت بعد ساعتين عصبت عليها وثقلت عليها بالحكي..وهي ماسكتت عصبت بعد وتنرفزت واخر شي رمت الشريحة بوجهي وقالت لي روح لنجلاء ولعيالك انت مو متعود الا على الشقا ..الراحة والدلال انت ماتبيهم!!!
سالم/...................
فهد/...........
سالم/انت سالتها ليش ماردت عليك ولا وين كانت؟
فهد/سالتها بس ماعطيتها مجال تتكلم ولاتقول أي شي...ثرت فيها بسرعة؟
سالم بتاْنيب/وانت طبايعك لمتى بتظل كذا شينة!!!!نجود يبى هاذي نجود....الكل يبي رضاها وقربها وهي تركت الكل واختارتك وهي عارفة وش ينتظرها من ورى ها الارتباط فيك وانت زوج وابو عيال!!!!مو هاذي اللي انت بغيت تموت يوم عرفت ان مصعب يفكر فيها؟؟؟مو هاذي الا بغيت تموت وهي بالمستشفى!!مو هاذي اللي صرت ماتنام الا اذا سمعت صوتها!!مو هاذي اللي صرت تشاورها بالكبيرة قبل الصغيرة!!!مو هاذي نجود يافهد؟؟علامك ليه منت قادر تتبدل وتغير عصبيتك واطباعك لو معها هي وبس!!!ليه هي تموت ولاتشوفك متضايق وماتتركك وانت تدوسها وماتبالي,,,زعلان يافهد؟
فهد اكتفى بانه يناظره..
سالم/ابي افهم شي واحد...اذا انت زعلان عليها فمن الاساس ليش زعلتها؟
فهد بنرفزة/سالم مالي خلق ولاشي ابي افهم اللحين كيف ممكن اكلمها ولااشوفها..واراضيها!!والله لااراضيها لو تقولي عطني العالم كله ,,وش ماتبي بعطيها!!!بس ابيها ترضى ياسالم وترد لي وبلا هبال ها المراهقين شنو يعني نفترق؟
سالم/تدري وش المشكلة انك مفكر نجود مثل نجلاء...بتشتريها بفلوسك وبهداياك!!!نجود غير..واذا صح ظني فيها اللي تبيه شي ثاني..رضوتها ثانية يافهد؟
فهد بتردد/شلون يعني!!وش تبي؟
هذاك كان حال فهد بعد مامشت عنه نجود لكن حال نجود شنو كان,,,,
كانت مولعة نار طول الطريق وهي متحاملة على نفسها ومو قادرة تفكر باي شي,,,
رفعت جوالها اكثر من عشرين مرة علشان تدق على جواهر وتقولها وتخفف عنها بس تتذكر ان الشريحة مو موجودة بالجهاز وانها ماهي قادرة تكلم أي احد لاتنفجر فيه!!!
السايق لقى منها ويلات بس مشى طريقه وهو ساكت ومتصبر شيسوي لها وهي المعزبة ماله الا يتحمل مزاجيتها وبس!!
وصلت شقتها وقفلت الباب عليها وتسندت ورى الباب وهي بعدها بعبايتها....
بكت..اي بكت...ماتدري ليش عرفت طريق الدموع والقهر بعد ماعرفت فهد!!!
كان في شي بداخلها متجمع واللحين تفجر فيها...
تحبه ايه...ماودها بضيقته وزعله وكدره أي...يسوي فيها اللي يبيه علشان يرضى بعد أي بس بحدود!!هي ماعمرها سمحت لااي انسان مهما كان انه يرفع صوته عليها وفهد انعطى وجه بزيادة معها ولازم يفهم ها الشي؟؟؟
لازم يفهم ان مو نجود اللي ترضى ان حبيبها يكلمها بها الطريقة وهو حبيبها!!
لازم يفهم ان نجود تتنازل عن الحب اذا مارضخ لها ها الحب!!لازم تفهم يافهد ان الليلة كانت بتكون من احلى ليالي حياتنا وانت خليتها ليلة فراقنا!!!!
مع السلامة ياطيف فهد...فارقني ولاترجع مرة ثانية...روح له وقوله نجود تسلم عليك وتقولك دير بالك على نفسك وبيتك وعيالك؟؟؟
روح وخل نجود تفكر كيف تشيلك من بالها وفكرها وقلبها وتعيش حياتها طبيعية بدون حبك ووجودك!!!!
اول مايصبح الصباح تنتعش روح بندر لانه يسمع صوت جواهر وهو نايم ونعسان علشان تصحيه لدوامه...
سبع سنين وهو متعود على ها الصوت كل يوم يصحيه حتى بايام زعلهم وهواشهم مع بعض تتصلفيه تصحيه وتسكر,,,
كان احلى شي بالنسبة له انه ينام وتكون هي اخر شي يسمع صوته بالدنيا ويصحى وتكون هي اول شي يصحيه من رقدته,,,,
بندر بنعس كله حب/صوتك وانتي نعسانة يذوب!!!
جواهر وهي نعسانة بس تكابر/أي بس انا مو نعسانة!!!!وتثاوبت..
بندر/ بالله وهذا شنو باللله مو نعس وتثاؤب؟
جواهر/يالله قوم لاتتاخر...
بندربخبث/شكلي مابقوم وبرجع انام!!
جواهر/لامابتركك تنام برجع اتصل فيك مرة ثانية علشان اتاْكد انك قمت؟
بندر بنفس الخبث/لامايحتاج تتصلين بقوم...
جواهر/ادري فيك مابتقوم يبى اعرفك سبع سنين وانت بنفس الحالة بقوم وترجع تنام!!يالله قوم لاتاْخرني علشان اقوم اتجهز,,
بندر بلذة/تعرفين وش احلى شي من الصباح اسويه!!اني اسمع صوتك وهو ذابحه النعس يصحيني!!هاذي لذة مالها مثيل عندي!!
جواهر/تسخر حضرة جنابك!!!لكن الشره عليّ انا اللي اخاف عليك تتاْخر وماتقوم واصر اني اصحيك بنفسي!!
بندر بصدق/وقسم بالله احلى شي يطلع عليّ من الصباح صوتك اللي يعذبني ويجنني...
جواهر بدلع/طيب قوم اللحين واترك الغزل عنك لغير وقت؟
قعدت على وقتها المعتاد بعد ليلة كئيبة قضتها لاانيس ولاونيس يخفف عنها اللي فيها,,قضتها وهي كل افكارها التقت بنقطة وحدة...انها تترك فهد نهائيا!!
قامت من سريرها ترتب اغراضها وشالت الجوال وبس مسكته تذكرت ان مافيه شريحة تاءففت وردته لمكانه....وقامت تكمل باقي شغلها,,,,
وبعد ماخلصت كل شي نزلت للسايق تحت علشان تروح المدرسة والسايق طبعا ينتظر اتصاله وبما انها مااتصلت فيه ماتجهز ...وشياطين الدنيا كلها صارت واقفة قدامها خصوصا ان سيارة فهد كانت مقابلة العمارة وهو كان قاعد فيها,,,
نجود بعصبية/قوم خلصني شغل السيارة لاتاْخرني!!
جون /زين ماما..انتي مافي سوي كلام انا مايدري انتي بيروح مدرسة؟
نجود/قوم يالله عن الهذرة الزايدة,,,,
فهد بتردد وهو لاف شماغه عليه ومايبان غير وجهه وعيونه/ممكن نتكلم!!!
ماردت عليه ولاحتى فكرت تلف تشوفه...لانها لو لفت بتضعف من نظرة عيونه وبتلين وهي خلاص عزمت تشيله ومابيردها شي,,يمكن واخيرا اقتنعت ان فهد ماهو الشخص اللي يناسبها,,,,
كرر سؤاله مرة ثانية وهو يتقرب اكثر منها/نجود لو سمحتي خلينا نتكلم...وبعدين ردي شريحتك بلاجنون عليّ!مو كذا تتصرف الناس العاقلة؟
كان ماد يده بظرف صغير فيه شريحتها ولفت له وهي بركان بينفجر باي لحظة,,
نجود بعصبية/تكون جاي تسترضيني يعني من صبح الله!!!خلاص تطمن يااستاذ فهد انا مو ن الناس العاقلة ومااعرف اتصرف غير كذا ارتحت ولالسه!!!وهات الشريحة من يدك..
سحبتها بالقوة وراحت لعند الزبالة ورمتها فيها وركبت السيارة وهي متجنبة عيونه بالمرة,,,ومشت السيارة تاركة فهد بمكانه مو قاوي يحرك ساكن,,,,
ام بندر/وشولنك اليوم ياعيوني
ناصر/الحمد الله خالتي انا بخير بفضل دعواتكم لي!!
ام بندر/ماتدري شلون خوفتنا عليك وضيقت خلقنا ياولدي ياناصر,,,الله لايعود ها المرضة عليك ويلبسك ثوب العافية يارب,,
ناصر/تسلمين ياخالتي ماننحرم من ها الدعوات الحلوة الحنونة يابر...
ام بندر/انت ماتدري انت شقد غالي عندنا ياناصر,,,ياليت لو دنية بيت السبيعي فيها ثلاثة منك مو واحد بس,,كان حالتنا بتكون غير؟
ناصر/لاياخالتي لا تقولين ها الحكي كلهم خير وبركة...
ام بندر/الله يهديهم جميع ويريح بالنا وبالكم,,,
ناصر/امين يارب..
ام بندر/يالله يمه انا اترخص تبي شي مني قبل لااقوم؟
ناصر/سلامتك ياخالتي عساني منحرم من حنانك وخوفك عليّ ابدا!!!
ملاك /كنت خايفة عليك امس كل مااتصل فيك مغلق؟
نجود بشرود/أي ..
ملاك/كنتي تبين تقعدين بروحك وقفلتي جوالك مو كذا!!
نجود بتنهيدة/لا مو كذا..بس شريحتي احترقت امس وماطلعت علشان اقدم لي على خط ثاني..
ملاك/يابعد عمري بس كذا رقمك نفسه يرجع لك اليوم؟
نجود بحدة/لا انا ناوية اغير الرقم كله!!!
ملاك/طيب نغير الرقم اليوم يكون عندك الخط الجديد امري وتدللي؟
نجود بحدة/ملاك...
ملاك سكتت...
نجود/شكرا لعرض الخدمات بس انا بكرة نازلة الشرقية وبباشر اموري من هناك...
ملاك/ماقلنا شي بس ماتبين تتطمنين على اهلك وتطمنيهم عليك,,,في هاذي عاد انا مو غلطانة؟
نجود/لا بلى غلطانة ..تطمنت امس عليهم وتطمنوا عليّ وعارفين ان شريحتي احترقت وقدموا لي على خط جديد بس انزل بكرة بستلمه...في اختراع اسمه ماسنجر...اتواصل انا وخواتي فيه علطول!!!
ملاك/اففففف
نجود/معليش ملاك انا بدخل مزاجي معكر شوي وماابي احط عصبيتي فيك..
ملاك/عادي تمونين يالغلا كل شي منك حلو عصبيتك وخناقك وهواشك يجننون ...
ناصر/مشاءالله هذا كله شنو؟
هنوف/انت شتشوف؟
ناصر/اللي انا اشوفه انك غايبة اليوم عن المدرسة؟
هنوف بلامبالاة/ماعندنا شي مهم بالمدرسة؟
ناصر/وش عندك شي مهم بالبيت علشان تغيبين؟؟
هنوف وعيونها في عيونه/انت!!
ناصر بذهول/شنو يعني انت!!
هنوف بخجل وارتباك/قصدي اقول ناخذ فيك اجر ونداريك وانت تعبان ..
ناصر/ياسلاااام يعني بكرة لاسالوك بالمدرسة ليش غايبة بتقولين ولد عمي مريض وقاعدة اداريه واخذ فيه اجر ..ماعنده اهل مسكين؟؟؟
هنوف برواق/انت وش فيك معصب!!!يالله مد يدك وسمي...
ناصر/هذا فطور ولاغذى؟
هنوف/اممم لاهذا ولاذاك هذا وجبة خفيفة بين الوجبات؟
ناصر/انتي مسويته؟
هنوف/ليش تسال؟
ناصر/اذا انتي مو ماكل لايجيني تسمم كامل ها المرة واروح فيها هههههههه
هنوف/هذا اللي مريض؟
ناصر/ههههه
ضحك شوي وبعدها تنهد بالقوة وسكت وناظر بالارض...
هنوف بخوف/ناصر علامك؟
ناصر/متضايق ياهنوف؟
هنوف بخوف/اسم الله عليك من الضيق؟؟؟وش اللي مضيق خلقك قولي؟؟
ناصر/علي ياهنوف علي!!علي وابوي ..مشكلة ماهي راضية تنحل ابدا!!!
هنوف بمرح/عادي علي اصلا معادلة مستحيلة الحل لاتكدر عمرك علشانه تراه مايستاهل؟
ناصر بنفس الضيق/هنوف انا ماامزح...علي اخوي..وشايل همه بس ابوي....ابوي تعبان علشانه..متضايق...احسه بينفجر باي لحظة!!!
هنوف بحنان/وانت حتى بتعبك تفكر بغيرك !!ناصر الله يخليك فكر بنفسك وبس!!ها الفترة على الاقل لين تخف وترجع لحياتك طبيعي,,,,
ناصر/انا مافيني شي..شوية تعب وبيزول بعد كم يوم؟
هنوف/بلى فيك...انت بس لو تريح عمرك وتخلي عنك التفكير بنجود وعلي كان احنا بخير؟
رفع راسه يناظرها وابتسمت له.....
نزل راسه بالارض...وقال لها/وش معنى ها الاثنين عا!!
هنوف/لانهم دايما شاغلين بالك وماخذين تفكيرك لبعيد!!!
ناصر بمرح خفيف/وانتي وش اللي قاهرك من اخواني بالله لافكرت فيهم!!!
هنوف بزعل/بس هم اللي يهمونك بها العالم يعني وماسواهم!!!!
ناصر/بلى في سواهم بس اذا تنتظرين اقول انك وحدة من ها العالم اللي هامني تراك بتنتظرين كثير ومابتسمعينها!!!قالها وضحك,,,
هنوف بابتسامة/يكفيني احس بمقامي عندك بدون ماتتكلم!!!!
في بيت الفارس العصر,,,
في الحديقة,,,
نجلاء/فيصل....
فيصل/وش تبين انا هنا مع احمد نسبح..
نجلاء تقربت منه/انا كم مرة قلت لك لاتسبح الا اذا عطيتك الموافقة؟
فيصل/ادري مابتعطيني اياها علشان كذا قلت اسبح بدون مااوجع راسي!!
نجلاء/ياطول لسانك والله!!!!
فيصل/احمد امه رضت انه يسبح ليش انا ماترضين؟
نجلاء بسخرية/لانها ماتحبه ولاتخاف عليه وتاركته يسوي كل شي على كيفه؟
منال من وراها/لاغلطانة يانجلاء رحاب تخاف على ولدها اكثر من غيرها؟
نجلاء لفت لها وكانت منال واقفة بعيد شوي وهي لابسة عبايتها..
نجلاء بحدة/ومنو تقصدين بكلامك!!!
منال/محد معين!!!بس لو ناظرتي كان لقيتي الشغالة كاهي واقفة جنبه لايروح بعيد وبعدين هذا الكرسي في اغراضها اللهم انها دخلت بنتها يوم انها نامت وراجعة لولدها يعني ماهي تاركته بحاله؟
نجلاء/تعالي كفخيني بعد!!!مو انتوا بس تبون الكلمة وتطلعون اللي بداخلكم؟
منال/انا مدري وش عنه تتكلمين ولا من موسوس لك بها الافكار!!!
نجلاء بحدة/لاتدعين البراْة يامنال!!عارفتكم وعارفة نواياكم ضدي!!!فيصل وساحبين ولاحسين مخه وعمكم مايحتاج غسلت يدي منه؟وش تبون بعد!!!!
تركي من وراهم/السلام عليكم....
لفوا له ثنتينهم....وتغيرت الوجوه والكلمات,,,
نجلاء بابتسامة/وعليكم السلام...عاش من شافك ياتركي؟
تركي/هلا ام فيصل هلا...
منال بعصبية/كنك تاْخرت؟
تركي بابتسامة/معليش حبيبتي مسوي لك مفاجاْة بالطريق بتعرفينها....يالله لاتكشرين ...
نجلاء/ماعليك منها شلونك وشلون الاهل؟
تركي/بخير....منال عمتي داخل...بسلم عليها قبل لانمشي..
منال /لاوالله طالعة مع لمياء ومشاري مثل ماقلت لك...يالله لانتاْخر؟
تركي/يالله...ها شبابا شلونكم...
احمد/بخير...
فيصل/انا مو بخير؟
تركي/ماراح اسالك شفيك؟
فيصل/يعني ماتبيني اقولك؟
تركي/لا..هههههه
نجلاء/ادخل اشرب لك فنجان قهوة ولاحقين على الطلعة مابتطير..يالله منال عاد عن البخل دخلي تركي يتضيف؟
تركي/لا شكرا..مشروبة قهوتك ماقصرتي..سلمي على ابو فيصل والله الود ودنا نشوفه بس ماهي ضابطة....يالله منال مشينا..
كانت منال واقفة تناظر بنجلاء اللي متحاشية نظراتها...
تركي تقرب منها بعد مانادلها اكثر من مرة وكانت سرحانة وقال بخوف/منال فيك شي؟
منال/ها...لا...بس كان بيني وبين مرة عمي سوء تفاهم بسيط قبل لاتجي ومدري وش اللي غيرها؟
نجلاء بتانيب وكانها تقول لها مو قدام تركي/منال!!علامك ماتتقبلين شي وصايرة حساسة؟
تركي/لالالالا كل شي عاد الا خطيبتي انا ماارضى عليها لامنك ولامن غيرك!!!
منال/يالله مشينا....
مشوا ونظرات نجلاء تلاحقهم...وهي تقول في بالها زين يامنال...بنظل انا وانتي مترصدين لبعض !!!
سالم/وش قاعد تسوي اللحين؟
فهد/ولاشي...لاقادر اركز بقضية ولاهم يحزنون؟
سالم/أي...
فهد/ناطرها تشبك يمكن اقدر اتكلم معها بس عنادها اكبر من انها تعطيني فرصة؟
سالم/انت بعد مزودها يافهد...يعني انت عنيد وعصبي وهي كذلك مالازم تحتكون في بعض ؟
فهد بتنهيدة/سالم انا محتار مدري شسوي؟تصدق بعد مامشيت البارحة انتبهت على اكياسها وفتحتهم...كانت مجهزة لي كم كتاب عن المراهقين والتعامل معهم وماخذة هدية حق سارة ولمى وفيصل ...اشياء على قولتها هم يحبونها وانت غافل عنها!!
بس شالفايدة ...ماهي عاطيتني فرصة اقول لها اني ممتن لها على وقوفها معي وبجنبي؟سالم..كلمها انت,,,يمكن تسمع لك؟
سالم/وشلون بكلمها بالله وهي ماعندها جوال؟
فهد/مو مشكلة,,,اعطي السايق جوالي ويوصله لسايقها ويعطيها اياه وتقولها انك تبي تكلمها؟
سالم/وفي حالة انها ماخذت الجوال وقالت رده له ماابي اكلم احد شسوي ساعتها!!!
فهد بضيق/وانت ليش تسكرها بوجهي؟
سالم/ببساطة لانك مالازم تفكر بها الشي وانت عارف حبيبتك وطبايعها؟؟؟
فهد تنهد بالقوة وقال بعد تردد/نحاول شخسرانين احنا من المحاولة!!!!
ام مشاري/خلاص يمه ردوني بيتنا ماقصرتوا..
لمياء/شدعوة عمتي تمللتي من قعدتنا؟
ام مشاري/لايمه انتوا محد يمل منكم بس تعرفيني مااحب بو مشاري يرجع البيت يصلي وانا مو فيه!!
مشاري لف لها/من قده الوالد الله يحفظه للحين ام مشاري تدلعه!!
ام مشاري/وش فيه اسم الله عليه!!بعده شباب وابو الشباب؟؟
لمياء/أي بس لاتدلعين كثير مايبيلهم لبرجال دلع كثير لانهم ماينعطون وجه؟
مشاري/شفتي يمه شتقول بنت العبد الله!!!علميها فهميها اللي انتي تسوينه لاابوي خلها تسويه لي!!
ام مشاري/والله ام مريم مامنها هي بس لو تجيب لنا حفيد ثاني غير مريومة كان تطلع شزينها!!انت بس دير بالك عليها وحطها بعيونك وداريها وبتشوف انها ملاك نازل لك من السماء؟
لمياء بانتصار/سمعت شقالت لك امك؟
مشاري مسوي زعلان/اللحين يمه جايبك عون تقلبين ضدي وانا ولدك الكبير والبكر واول الفرحة!!!لالالا ماهقيتها منك ابدا يايمه!!
ام مشاري/أي وانا الصادقة يايمه..لمياء زينة البنات عسى الله يخليكم لبعض ويبعد عنكم عيون الشياطين والاباليس....
لمياء بخجل/تسلمين خالتي ماتقصرين عساني منحرم من حنانك لي....
ام مشاري/مريومة حبيبتي ماقلتي شي؟ماسمعتينا صوتك ؟
مريم اللي كانت قاعدة بحضن جدتها ومسوية نفسها نايمة /ابي انام معك اليوم جدتي في بيتكم!!
ام مشاري/بس كذا!!تمونين يالغلا هاذي الساعة المباركة اللي بتنورين فيها البيت..
لمياء/وماعندك ام وابو تشاورينهم ولابتستنصرين بجدتك؟
ام مشاري/لاعيوني بنتي مدامها قالت بتنام يعني بتنام محد بيمنعها عن بيت جدها....اللحين نروح البيت ونصلي وتلعبين مع حمود وفيصل شوي وبعدها نتعشى وتروحين تبدلين ملابسك وتغسلين وننام وش تبين بعد..
مشاري/يمه مريوم ماتتصدق بوقت الجد بتقعد تبكي تبي ترجع لنا ..
ام مشاري/لاهي تبي تنام معي صح مريومة وماتبي تبكي بعدين؟
مريم/أي ماراح ابكي؟
مشاري/أي بس انا بروح انام وبقفل جوالي واذا بكيتي مو راد ماخذك؟
لمياء/هههه انا اشهد ان ابوك يسويها هههههه
علي/السلام عليكم...
وعليكم السلام والرحمة...
ام ناصر/يعطيك العافية يمه....
علي/الله يعافيك خالتي...
ام ناصر/احط لك العشى؟
علي/لا بروح اتعشى مع عبير....
ام ناصر/.........اقول علي...اختك نجود امس شريحتها حقت الجوال احترقت وخبرك ناصر تعبان مافيه حيل يطلع ماتقدر يمه تروح تقدم لها على خط جديد علشان اذا نزلت بكرة يكون عندها ..تدري يمه انا مافيني اتطمن وانا مااسمع صوتها وهي هناك..
علي/وش اللي حرقها؟
ام ناصر/والله مدري....
علي/طيب مو مشكلة بس اللحين سكروا خلاص كاهي الساعة فوق العشر ونص...بكرة ان شاءالله وانا رايح العمل الصابح اقدم لها وماتنزل المغرب الاوهو معها باذن الله..
ام ناصر/ماتقصر يايمه عسانا نفرح فيك..قول امين..
علي/ان شاءالله..يالله تبين شي خالتي انا بروح شقتي..
ام ناصر/سلامتك يمه...
في سيارة تركي ومنال..
تركي/تراك اليوم مو طبيعية ابدا ونص الوقت كنتي سرحانة؟
منال/...................
تركي/امور عائلية؟
منال/ولو ..مافي شي بينا اسمه عائلي متفقين كل شي نقوله لبعض ولانسيت؟
تركي/لامانسيت بس اشوفك ساكتة قلت يمكن ماتبين تتكلمين؟
منال تنهدت وقالت باسى/نجلاء ياتركي نجلاء....
تركي/ام فيصل؟شفيها؟
منال/لاتفكر ان العلاقة بينا ممتازة...بالعكس العلاقة مشوشة كثير...
تركي/لا!!تصدقين مايبين عليها!!حتى انا اسولف لاامي يوم جيت اتعشى معك ذاك الاسبوع واقولها انكم كثير ماخذين على بعض قالت ان نجلاء قالت لها ها الكلام!!!
منال/هذا قدام الناس بس ياتركي من وراهم شي ثاني؟
تركي/غريبة رغم ان عمك فهد علاقته ممتازة مع ابوك؟
منال/مو هاذي البداية...
تركي/شلون يعني؟
منال/هي تبي فيلا بروحها وبعيدا عنا!!ماتبي عمي يكون جنبنا بكل وقت ولاحتى عيالها يكونون قريبين منا,,,,بالاول كانت تختلق اقل مشكلة مع امي علشان تطلع من البيت بس عمي مطنشها على الاخر ومو ماخذ برايها فاستسلمت للامر الواقع وصارت علاقتها فينا متوترة حييل يعني أي شي ممكن يضايقها منا..
تركي/أي بس هي فيلتها منفصلة عن فيلتكم نهائيا ومابينكم غير الحديقة وبس !!وش اللي مضايقها بالموضوع؟
منال ابتسمت/الحديقة اللي مضايقتها...
تركي/من جدك انتي تحكين؟
منال/عمي فهد تلاقيه ياقاعد بمكتبه ولا بالحديقة قبال البركة ماعنده مكان ثالث غيرهم وها الشي اللي يضايقها خصوصا ان احنا لمى نشوف عمي نجي نسولف معه وندردش وها الشي يضايقها لانها ماتبيه يقعد معنا!!!
تركي/طيب وعلاقتها فيك انتي ورحاب سيئة ولابس انتي!!
منال/............
تركي/ليش سكتي؟
منال/ليش طرى على بالك ها السؤال؟
تركي/مدري جاني فضول اعرف الاجابة؟واشوف مين يترصد لزوجتي من وراي!!
منال/هي ماتواطن رحاب كثير خصوصا ان فيصل ملازم لحمود طول اليوم وان رحاب بالاساس معظم الوقت بالبيت علشان عمل زوجها...بس اذا تبي الصراحة هي تكرهني اكثر لان عمي فهد متعلق فينين انا اكثر ودايم يسالني عن العيال واذا صادفته مشكلة ولاشي كان يلجاْ لي انا وفوزية ..بس هي ماتقدر تحط دوبها ودوب فوزية لانها بنت اخوها ولانها مو معنا طول اليوم بالبيت ولانها تحط لعمتي ام مصعب قدر وتخاف من زعلها بس انا صرت بوجه المدفع عندها....
تركي/ولايهمك ياحلوة طول ماانا معك ماابيك تشيلين همها ولاهم غيرها ويكفيك انك مو ضارتها بشي,,,
مرت الليلة صعبة وطويلة على فهد اللي عاف النوم وعلى نجود اللي قاعدة تتعذب لبداية فراقهم اللي صار بها الطريقة الغبية واللي ماحسبت لها حساب ابدا!!!!
ومر اليوم اللي بعده ثقيل على الاثنين وروح الياْس قاعدة تسري بفهد بضعف وبنجود بالقوة,,,,
كل ماحاول انه يكلمها وهو واقف قبال عمارتها تصده وتحقره وتمشي بدون ماتلتفت له علشان لاتضعف وترد بكلمتها وتغير رايها وماتنساه لان نسيانه صار امر مؤكد ورسمي بالنسبة لها بعد ماادركت واخيرا ان فهد مايناسبها وبتتعب معه كثير بس الفراق يانجود يبيله وقت ,,هذا اللي حطته في بالها,,,
يمكن الشي اللي كان مخفف عنها واللي مو محسسها بهيبة الفراق ابدا انها قاعدة تشوف سيارة فهد واقفة قبال العمارة كل ماراحت المدرسة وكل مارجعت منها وكل ماجت تطلع لها مشوار من هنا وهنا وترجيه انها تكلمه وتسمعه ,,,,
هذا كله يدل على انه متمسك فيها ويبيها وانها هي بس تبي الفراق وتبي عذابه!!!
لكن يستاهل مابعد انخلق اللي يكلم نجود بها الطريقة وينرفزها!!!!!
نزلت الليل لعند اهلها وكان فهد ابعث لها مع سايقها علبة شوكلاته ورسالة اعتذار وترجي انها تكلمه يبي يكلمها ضروري,,
بس طنشت وماكانها تشوف...جا في بالها ترمي علبة الشوكلاته بس غيرت رايها وقالت توديها لناصر اما الرسالة فاحسن شي تحرقها وبلا هم بلا وجع قلب مو نجود اللي بترضخ لك يافهد!!!
ابوعلي/انتي طمنينا على عيونك؟
نجود/انا بخير يبى عال العال..
ام علي/ومتى موعدك ان شاءالله؟
نجود/الخميس الصباح.....
هيا/وكيف الصداع اللحين ماصار افضل؟
نجود/الا خلاص صرت بخير ومافيني شي لاتحاتون...الا ربع نويصر ماطلعوا للحين ابي اشوفه؟
ابوعلي بحب/ولهانة على اخوك يانجود؟
نجود بثقة/ليش في احد فيكم مازعل على تعبه ومرضه يايبى؟
ام علي/أي والله وانتي الصادقة يانجود كلنا ضاق خلقنا عليه بس الحمد الله يوم اللي عطاه الصحة والعافية..
نورة دخلت/نجود طلعوا ربع ناصر..
نجود وقفت وشالت معها كيس الشوكلاته بعد ماتاْكدت ان العلبة مافيها غير الشوكلاته وبس وراحت له الديوانية...
ناصر يوم شافها ابتسم..
نجود بصوت عالي وثقة/هذا كله من فراقي وخوفك عليّّ !!يبى ارحم نفسك تراني بخير؟
ناصر ابتسم بقوة وقال لها بحب/ليش ماتستاهلين نخاف عليك؟
تقربت منه وباسته على خدوده وقعدت جنبه....
ناصر/وجايبة لي شوكلاته بعد ,,كلك ذوق...بس قولي لي شلون عيونك اللحين؟
نجود/لا خلنا مني اللحين وخلنا فيك...انتش لونك,,,اقلقتنا عليك ياخوي؟
ناصر/بجد خفتي عليّ يانجود؟
نجود بثقة/لا بس اسايرهم!!!
ناصر/ههههه ادري مو من قلبك..
نجود/الا بجد وش جاك يانويصر؟
ناصر/سلامتك اللي وصلك لااكثر ولااقل؟
نجود/وبعدك تحس بتعب ولا خفيت عن اول؟
ناصر/لا وين صحيح في تعب خفيف احسه يجيني ويروح بس واجد احسن الحمد الله...
نجود/زين...الله يعطيك الف عافية...
ناصر/الا محلوة اليوم؟وش القصة؟

يتبع,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -