رواية شرع ربي ولا اعتراض -76
ناصر بضحكة/بس شكلك زعلانة ولامتضايقة ,,انتي كذا اذا زعلتي تصيرين احلى بكثير!!!
باخر الليل في غرفة جواهر,,
جواهر/وشنو قلتي له؟
نجود بشرود/ولاشي...
جواهر/وانتي زعلانة ولامتضايقة؟
نجود/الاثنين سوا ياجواهر مافرقوا!!
جواهر/لا في فرق,,,اذا كنتي زعلانة غير عن انك تكونين متضايقة؟يمكن الضيقة ساعات وتروح بس الزعل يقعد اكثر من الضيق,,,
نجود وقفت وصارت قبال النافذة وفتحت الستارة,,,
جواهر/ليش ساكتة..منتي قادرة تحددين موقفك؟
نجود بتنهيدة حزن/انا شلته من بالي خلاص...وماابي افكر فيه!!
جواهر حطت رجل على رجل وقامت تناظرها وقالت بقوة/ودي اصدقك بس كل شي فيك يقول العكس يانجود؟
نجود/شلون يعني!!
جواهر/يعني انتي اللحين تحت تاْثير صدمة من اسلوبه معك لانك ماتعودتي احد يعاملك بها الاسلوب بس بداخلك حنين يزاحم شوق على انهم يسمعون صوته صح ولاانا غلطانة يانونو؟
رجعت تناظر من النافذة بدون ماتعلق وظلوا فترة ساكتين عن بعض وكل وحدة سارحة بافكارها لبعيد,,لين قطعت الصمت نجود وقالت بتردد/جواهر؟
جواهر رفعت راسها/خير,,,
نجود بنفس التردد وهي تناظر بالنافذة/مدري شقولك...بس..
جواهر بخوف/شنو؟
لفت لها نجود بدون ماتتكلم وقامت تناظرها لين قامت جواهر من مكانها وطلت من النافذة وقامت تناظر بنجود بصدمة..
جواهر/هذا مصعب!!!!وش قاعد يسوي قبال بيتنا بالله!!!
نجود/..........
كان مصعب قاعد بسيارته وبامان الله وكل تفكيره بها الجواهر...وده يكلمها لو يوم واحد بس !!
ان شاءالله تمسح فيه الارض هو راضي بس يسمع ويطرب لسماع صوتها اللي معذبه وحارمه النوم!!!!
مشوار كل اسبوع يتحمله لاجل يتنفس هواها اللي تتنفسه وبس!!!
المشكلة ان الكل يلومه ويعايره بالجنون..اخته وخاله وحتى اصحابه اللي عارفين قصته معها,,,بس شيسوي اللي قاعد يسيره عواطف واحاسيس ماله شغل فيها اصلا!!
هو لو قادر يتحكم في مشاعره كان تحكم فيها من زمان ورفض ان جواهر تبقى في خياله لحظة وحدة بعد ماعرف انها مرتبطة!!!!
بس مو قادريسيطر على شي ابدا!!!
الله يعينه بس ويريحه من ها الشي اللي هو اعتبره بلى من ربه,,أي بلى ,,اكيد بلى..لان مو معقولة حب جواهر يكون طبيعي !!!
وهو شارد بافكاره لبعيد قطع عليه صوت النافذة اللي تنطق ورفع راسه يناظر اللي يطقها وفتحت عيونه على وسعها ,,لانه ماتخيل ابدا الشخص اللي جاي له!!!!
في البارت الجاي وش بيكون موقف مصعب ومنو بيشوفه وهل بتمر سالفة وقفته على باب بيت جواهر بخير؟؟
**شبيصير لعلي وبيغيره من جديد؟؟؟
**شبيصير بين علي وناصر؟؟وبين نجود وفهد؟؟
**شبتشوف دلع بجوال بندر وشنو بتسوي...
يابعد قلبي كلكم والله ماقصرتوا ومشكورين على سؤالكم واهتمامكم,,
الحمد الله صارت بنوتتي احسن واستقرت حالتها وطلعنا من المستشفى وشاكرة لكم تحملكم لي وصبركم وسؤالكم عن بنتي فردا فردا ياعساكم دوم على القوة,,,
ولوين وصلنا ذكروني مدري لوين وقفنا تصدقون في بالي احط البارت الاخير وبس,,(يمشي الحال ولافيها اعتراضات)
المهم بتتركم مع البارت اللي وقفتوا عنده وقراْة ممتعة للجميع,,
البارت الخامس والخمسين
كان مصعب قاعد بسيارته وبامان الله وكل تفكيره بها الجواهر...وده يكلمها لو يوم واحد بس !!
ان شاءالله تمسح فيه الارض هو راضي بس يسمع ويطرب لسماع صوتها اللي معذبه وحارمه النوم!!!!
مشوار كل اسبوع يتحمله لاجل يتنفس هواها اللي تتنفسه وبس!!!
المشكلة ان الكل يلومه ويعايره بالجنون..اخته وخاله وحتى اصحابه اللي عارفين قصته معها,,,بس شيسوي اللي قاعد يسيره عواطف واحاسيس ماله شغل فيها اصلا!!
هو لو قادر يتحكم في مشاعره كان تحكم فيها من زمان ورفض ان جواهر تبقى في خياله لحظة وحدة بعد ماعرف انها مرتبطة!!!!
بس مو قادريسيطر على شي ابدا!!!
الله يعينه بس ويريحه من ها الشي اللي هو اعتبره بلى من ربه,,أي بلى ,,اكيد بلى..لان مو معقولة حب جواهر يكون طبيعي !!!
وهو شارد بافكاره لبعيد قطع عليه صوت النافذة اللي تنطق ورفع راسه يناظر اللي يطقها وفتحت عيونه على وسعها ,,لانه ماتخيل ابدا الشخص اللي جاي له!!!!
/////////////لمى/ماما ,,متى يصير الزواج؟
نجلاء/ليلة الجمعة...
سارة/وان شاءالله متى بتوصل ثيابنا من لبنان ياعيوني؟
نجلاء/بكرة هم عندنا..علامك؟
سارة/أي خفت انهم مايوصلون الا على نهاية الاسبوع,,,,
فيصل/انا ماابي احضر ها الزواج؟بقعد مع رحاب هي اكيد مو جاية العرس؟.
نجلاء بعصبية/انت ماتقولي ليش طول يومك لازق في بيت عمك وبرحاب!!وش عندهم بالله وماهو عندنا ها!!
فهد من وراها بعصبية/انتوا للحين مانمتوا!!!كم الساعة اللحين ولا ماوراكم مدارس؟
لمى/لا بابا احنا خلصنا خلاص..
فهد/كيف خلصتوا؟مابعد انتهت المدارس؟
لمى/بابا انا ماعندي امتحانات ولانسيت التقيم ؟
فهد وهو يناظر بسارة اللي سكتت ونزلت راسها بالارض/وانتي ياسارة؟
رفعت راسها وهي بين الخوف والتردد/الفصل كله بيغيب علشان يذاكرون استعداد للاختبارات؟
فيصل/وانا ماعندي أي شي؟
فهد/تعالي سارة ودي اغرضي بالمكتب وقعدي نطريني ابيك؟
سارة/ان شاءالله..
فيصل/بابا احملني...
فهد بدون نفس/وين اوديك؟
فيصل/أي مكان,,بس احملني.....
فهد بجفاء/تعال,,,,
لبنى /أي حبيبي معك وين رحت؟
عبدالعزيز/لابس كانت امي تبيني ..اي قولي اسمعك؟
لبنى/لالالالا انت تركتني وماقلت لي وتبيني اكمل ماتشوفه احتقار لي انك ماتقول لي بقوم انتظريني شوي؟
عبدالعزيز بخوف/ماكنت قاصد شي؟
لبنى بفرح داخلي مابينته/وش اخذت انا من كلمة ماقصدت؟لاعيوني انت مطالب لي باعتذار يحبه قلبي!!
فهم عليها عبد العزيز وقال لها بهمس/احبك..
لبنى/..........
عبدالعزيز/زين كذا...رضتك؟
لبنى/.......
عبدالعزيز/عمري وينك انا اكلمك ترى انتي اللي بتطالبين باعتذار اللحين؟
لبنى بحالمية/موجودة بس سامحني سرحت مع ها الكلمة لبعيد...لبعيد...
عبدالعزيز بضحكة حاول يخفيها/وانا بالله شلون اسامحك على شي انا مدري هو صدق ولالا؟خليني انا بعد اسرح في ها الكلمة لبعيد واشوف صدق تخلي الواحد في عالم بعيد ولاانتي تكذبين؟
لبنى ضحكت..
عبدالعزيز مسوي جديّ/يالله؟
لبنى بهمس /احبك....اموت عليك....ياحياتي صدقني مااعيش بدونك لحظة!!
عبدالعزيز تنهد بقوة/شكلي بسكر...مقدر على ها الكلام كله بمرة وحدة يالبنى!!الا اذا انتي ناوية تذبحيني؟
لبنى/اسم الله عليك..عدوانك ولاانت....
عبدالعزيز/لبونتي..وحشتيني مرة...عطيني صورتك ياقلبي اخليها قبالي!!
لبنى باعتراض/انا ماابي اعطيك صورتي وتعطيني صورتك ابي اشوفك وتشوفني على الطبيعة؟
عبدالعزيز/مافي وقت نشوف بعض شنسوي بعد؟
لبنى/مافي مجال ولا يوم عندك؟
عبدالعزيز/لا....
لبنى/ابدا!!
عبدالعزيز/باول يوم برمضان يعني بعد اسبوعين بيكون عندنا بالشركة فطور بالكارلتون معيبد؟
لبنى/ها...
عبدالعزيز/شنو؟
لبنى/شنو يعني شنو بشوفك؟
عبدالعزيز/يعني احنا نفتح المحل تسع..يمدي نشو ف بعض لو بطلع من الفندق على سبع ونص!!بس وين؟
لبنى/وليش تطلع من الفندق اصلا!!!خلنا نفطر مع بعض هناك؟ها شقلت!!!
مصعب فتح باب السيارة وهو في حالة ذهول ومو مصدق الشخص اللي واقف قباله,,,,
بالاول اكتفى بانه يفتح النافذة وماينزل بس بعد ماشاف نظرات قاسية تراقبه ناظر بالارض وفتح بابا السيارة ونزل وصار بابه يفصله عن الشحص اللي كان يغلي من العصبية,,,
مصعب بتردد وارتباك/انا..انا...انا..
جواهر وهي بركان ثاير/انت شنو؟انت ماتستحي ولالك نية تستحي بعد!!
ناظر بعيونها مباشرة وهو يترجاها تسمعه بس هي كملت وماهمها...
جواهر بنفس العصبية بس وطت صوتها لااحد يسمعها/اسمع ياولد الناس.,,,انا ماابي اشوفك بحياتي ,,,ماابي اشوفك قدامي اصلا!!!ابيك تنسى ان في شي اسمه جواهر صادفته بالعالم!!فاهمني ولاترى والله والله ,,
قاطعها مصعب برجاء/لوسمحتي سمعيني بس!!
جواهر/ماابي اسمعك!!!انت شنو,,ماعندك دم؟كل اسبوع تجي وتوقف عند باب بيتنا وتحط لي وردة وتمشي قلت ماعليه بعتبر السالفة ماهي موجهة لشخصي بالذات بس انك تضل واقف قبال بيتنا كذا بالساعات لاحبيب امك انا ماابي احد يتكلم علي!!!!انا مخطوبة واحب خطيبي وتفضل انت اول المعزوين على زواجنا وش تبي بعد!!!
مايدري ليش دمعت عينه بذيك اللحظة وهي واقفة تكلمه بكل شراسة وعصبية ومحتقرة وجوده...
كملت بنفس العصبية وهي مو شايفة اللي قدامها/تدري لو اقول لبندري وش يسوي فيك!!!!انا بس بحترم اللي بين خالك وبين صاحبتي ومني بمعلمته بس ياليت انك تشليني من بالك فعلا وماتفكر تجي ها المنطقة اللي انا ساكنة فيها؟
طاح وجهه بالارض وعيونه مغرقته بس قاعد يداري علشان لاتشوفهم,,,وفجاْة انقطع صوتها وحس بهمهات رفع راسه ولقى نجود ساحبتها من يدها وسط اعتراضها..وكل اللي فهمه من كلامها انها قالت اتركيني يانجود لازم يفهم ان ها الشي اللي يسويه تصرفات صبيانية طايشة ولازم يتاْدب منها؟ماابي احد يشوفه قبال بيتنا وتصير لي سالفة من تحت راسه!!
نادها بصوت مبحوح وهو مو قاوي,,,ولايدري شلون طلع منه ولاشلون سمعته..
كل اللي عرفه ان نجود وهي لفوا له ووقفوا يناظرونه...وان الشارع كان فاضي وبارد,,
قال ودموعه مالية وجهه ومغرقته وبنرة متقطعة من
كثر مادموعه قاعدة تنزل,,
مصعب/جواهر..انا اسف اذا كنت زعلتك ولاضايقتك...بس وغلاتك عندي انا مو قاصد انرفزك ولاحتى اخلي الضيق يزورك لحظة وحدة!!انا احبك وبظل احبك لااخر يوم بعمري,,,لازم تفهمين ان ها الشي مو بيدي غصبا علي!!حتى لو وقف العالم كله بصفي وحاربني,,بظل اقولك احبك ومابتفارقين خيالي ,,,
اليوم الثاني العصر..
علي بسيارته بعد مااخذ رقم نجود الجديد وكان الشارع مسكر فراح على الشارع الثاني وهو يكلم نفسه,,,
زين اني ذكرت الرقم لاتغربلني هاذي بعد محد يطلع منها لسانها يسبقها بكل شي؟؟؟
شلون عبير ياترى انا مارديت اليوم الضهر ولاكلمتها متعمد ابي ارجع البيت واشوف ردة فعلها,,ياترى شقالت يوم شافته,,,,
خلاص ياعبير اوعدك من اليوم بنبدي الجد وبنترك عنا كل شي؟؟؟وعد ياعبير وعد يابنت عمي صدقيني!!!
مايدري ليش وقف السيارة على جنب قبال بيت من البيوت ونزل منها ,,,يمكن لانه شاف سيارة مشاري واقفة قبال بيت لمياء ولمياء وبنتها انزلوا منها بيدخلون بيتهم ومشاري مشى عنهم!!!!
وقف قلبه ووقفت دقاته وقام عقله يشتغل بشي ثاني!!!!
هيا/دزيت لك الايميل ماشفتيه؟
نجود اللي كانت فاتحة ايميلها وسرحانة/أي شفته...
هيا/مثل اللي كنتي تقصدينه ولا؟
نجود/لسه مافتحته ؟
رجعت تناظر بالشاشة اللي قدامها وهي تفكيرها بجواهر ومصعب واللي صار البارح,,,اول ماشافت جواهر سيارة مصعب وعصبيتها حييل واصرارها انها تروح تكلمه وفعلا لبست عبايتها ونزلت كلمتها او بمعنى اخر غسلت شراعه!!
ياترى هل في حب حقيقي مثل حب مصعب لجواهر ولا هاذي حالة نادرة؟؟؟؟
معقول انه يحبها ها الكثر !!!!!!!
شلون مو معقول ودموعه كانت تنزل قدامها بكل سخاء ومو هامه أي شي ولافكر يمسح دمعة منهم وكانهم شهود على حبه لها,,,
وحلف جواهر عليها انها ماتجيب سيرته مرة ثانية لو صار ماصار لانه ماتبي تسمع عنه أي شي؟؟؟
ونومة جواهر بعد ماكلمت بندر علشان يسمعها كم كلمة تنسيها موقف مصعب...رغم ان نجود متاْكدة مية بالمية ان جواهر قاعدة تداري خوفها من مصعب وانه يحطها فعلا في باله ومايشيلها,,,كانت مرتبكة حيل من اركبت منه وحتى وهي تكلم بندر كانت تخفي ارتباكها وها الشي ماغاب عن نجود بس جواهر قوية مثل نجود ومابتعطيه أي فرصة انه يغير لها خيط واحد من خيوط حياتها؟؟؟
قطعت سرحانها وتفكيرها كذا ايميل من فهد ووقفت تقراهم بانتباه....
جواهر/الا الخدود محمرة اليوم؟عسى ماشر؟
عبير/وانتي لازم ها الاحراجات يعني ماتعدين السالفة ابدا!!
جواهر/ههه شسوي...قولي وش عندك؟
عبير بخجل/قعدت اليوم ولقيت بوكيه ورد على السرير وكان حاط فيه كرت مكتوب عليه احبك..عسى الله يخليك لي ومايحرمني منك...
جواهر/اوووف ,,اشوف عليوي قام يخور ويسوي حركات مراهقين؟؟
عبير/ياسلاااام وليش بالله!كم عمره ؟شباب!!
جواهر/ياسلااام على الشباب!!وها الشباب موناوين يتحركون ويجيبون لنا بيبي صغير يونسنا بوقت الضيق ولاناوين يكونون شباب دائم علطول؟
عبير/يماما السالفة يبيلها تفكير طويل؟مو مني والطريق؟
جواهر/أي ماعليه قلتيلي يبيلها تفكير طويل...انا تراني مو فاضية جاية اخذ بس الفواحات عموما بس افضى يبيلي قعدة معك على سالفة الموانع ابي خبرتك العريقة بها المجال؟؟؟يالله اشوفك بعدين ..وماقصرتي نردها لك بالافراح ان شاءالله..
عبير/شدعوة ياحافظ كلها كم فواحة طلبتيها,,,
جواهر/لاتنسين قعدتنا الطويلة بحاول افضي نفسي لها...
كان تفكيرها مشتت وهي تقرا كلامه,,
ماتدري ترد عليه ولالا؟
كان بمعظم الايميلات والرسايل اللي دازهم لها يطلب منها انها تعطيه فرصة يكلمها ويفهمها وتفهم منه بنفس الوقت!!
كان معظم كلامه ونصه اعتذار والنص الثاني كلام اشتياق وغزل حار الهبها وهي تقراْه كيف لو كان فهد قاعد قبالها ويقوله بنفسه,,!!!
يحبها لدرجة الجنون,,,,بس مو على نجود يافهد...مدام قلت بشيلك من بالي يعني بشيلك من بالي!!!
كان اصبعها بيضغط على المسح بس قلبها مو مطاوع حست انها تبي تقراْ كلامه كل مااشتاقت له وخلت بنفسها....
بس بنفس الوقت كل ماشافت ها الكلام بتحن له وبتشتاق وها الشي هي ماتبيه يصير ابدا!!!
شالت صبعها من على الزر وقالت بتخليهم فترة مؤقتة لين تفكر بجدية بالموضع وتشوف وش يصير معها,,,,,
اقول لنجود عن السالفة ولاماتلزم؟
اخاف اقول لها وتسوي لي سين وجيم وانت منو حاط في بالك ومدري شنو واخاف مااقول لها وبعدين اندم؟ياربي وش اسوي؟
اطنش السالفة بكبرها ومااعيرها أي اهتمام؟
شكلي هذا اللي بسويه...
ياربي انا تململت من قعدة السرير بقوم امشي رجلي شوي..ابوي الله يحفظه مسويني زارع قلب وفاتح لي الديوانية كل ليلة واستقبالات رايحة وجاية,,,
قام يتمشى وصادف علي بوجهه وناداه...
ناصر/علي...
كان علي توه داخل البيت وشكله معصب حييل ومن كثر ماهو معصب مو شايف اللي قدامه بس وقف يوم سمع احد يناديه,,,,
فوزية بهمس/اليوم راجعة بدري وش تبي؟
محمد/بس بقولك شي؟
فوزية بهمس/قول بسرعة خلصني تراني مو بروحي..معي امي واختي؟
محمد/وش يبون منك؟
فوزية/سلامتك بس اليوم مستلمين ثيابنا علشان زواج ولد عمي ليلة الجمعة وها السوالف يعني!
محمد/طيب بشوفه عليك؟
فوزية/شنو؟
محمد/الثوب!!
فوزية/وليش تشوفه؟
محمد/علشان اعطيك رايي؟
فوزية بضحكة/مايلزمني؟
محمد مسوي زعلان/افا!!
فوزية/ههههههه زعلت يالله سكر...
محمد/هذا اللي تبينه مو؟عنادا فيك مو مسكر؟
فوزية بدلع/حبيبي,,,والله مشغولة خلصني بكلمك اول ماافضي صدقني!!محمد/لالالالا انتي ملزمة تعتذرين لي!!
فوزية/اسفة..
محمد/ماتنفع لازم اشوفك علشان اسامحك؟
فوزية/ليش بالله لعبة هي ولاحلاوة كل كلمة والثانية وقلت لي بشوفك!!!محمد/انتي ناسية ان المفروض نشوف بعض لعدة اسباب وعادي اقولهامن اللحين,,
فوزية/لاتكفى مو وقتهم مرة ثانية؟
محمد/انتي علامك بخيلة ترى انا اللي متصل يعني انا اللي بدفع الفاتورة مو انتي!!!
فوزية/طيب خلصني قول وش تبي ؟
محمد/بقولك شي مهم؟
فوزية/شنو؟
محمد برومنسية/احبك....ماقدرت اصبر ومااقولها...
نورة/غريبة توقعتك مع جواهر....
نجود بشرود/لا هي مشغولة شوي؟
هيا/مانزل بندر وهي مشغولة كيف لو هو هنا ماتنشاف؟
نجود/...........
هيا/الا الصدق كيف بيكون وضعهم هو بيرجع ولاهي بتروح له ولابيلتقون كل اسبوع ليلتين وبس!
نجود/اتوقع الاختيارالثالث؟
هيا/ليش هم مااتفقوا؟
نجود بنرفزة/وها البندر احد ياخذ منه حق لو باطل؟؟
هيا/وانتي ليش تضيقين خلقك علشنه !!قلعته مايستاهل زعلك ياعمري؟
نجود بنرفزة/لانه مضايقني فعلا!!يعني شوف لك حل نهائي مو متعبها معك كذا وهي مو عارفة شتسوي!!!!
هيا بتفكير/فعلا...الموقف مؤزم الله يكون بعونها؟
نجود/المسكينة ذابحة حالها عليه وهو ماسيتاهل...استغفر الله,,,
نورة/نجود شفيك كنك مو طايقة بندر؟
نجود/............لاعادي...
نورة/الا مبين عليك...اكيد هو متهاوش مع جواهر وانتي تضايقتي علشناها؟
نجود/يخسي هذا يهاوشها وانا موجودة؟معصي مايقدر يلمس لها شعرة...ليش ان شاءالله ماخذها يحطها بعيونه ويداري عليها ولا يهاوشها؟؟يكون في علمه الف واحد يتمناها لو ماهو قد انه يصونها؟؟؟؟
نورة/بسم الله علامك انتي ماقلنا شي؟ليش شبيتي كذا مرة وحدة؟
كان بندر يتحمم ...
ودلع اخذتها فرصة وراحت فتحت جواله...
دلع/نشوف وش مهببة بنت الهاجري..هذا الجوال,,,
أي زين انه مو قافله.....
فتحت اول رسالة منها..(حبيبي بكون منتظرتك على نار الليلة عندي لك مفاجاْة وماراح اقولها ,,بعد لك الساعات اللي باعدتني عنك علشان تقصروتمر بسرعة واشوفك قبالي,,,احبك ياقلبي)
..
راحت تشوف وقت الرسالة,,,كان الضهر بعد الصلاة,,,وبعدها راحت علطول للرسايل المرسلة تشوف هل رد عليها ولالا؟؟
ولقت رده عليها..(انا اموت عليك ياعمري والله ان الساعات اللي تبعدني عنك كريهة ومااحبها بس انتي عارفة الظروف...انا اللي بحترق بناري علشان اشوف وش محضرة لي حبيبة قلبي...بموت من ناري ياعمري بموت...حبيبك,,,)
سكرت الجوال وماكملت تتفرج فيه يكفي اللي شافته,,,,
زين يابندر تلعب على الحبلين الا اخربها الليلة معك ومعها وبتشوف!!
وحضرة جنابها تقول مفاجاْة وبتنتظرك على نار!!الا اخلي نارها صدق تصير نار وتحرقها بروحها من القهر والحسرة؟؟؟؟؟
علي كان داخل والشرر يتطاير من عيونه من العصبية,,,
وقف مكانه...
ناصر/شفيك؟انا اكلمك؟
علي بدون نفس/شتبي!!
ناصر/سلامتك...مشغول؟
علي /أي....
ناصر/ياليت اذا فضيت اليوم تمرني الديوانية ابي اتكلم معك شوي؟
علي بعصبية/وان شاءالله اصغر عيالك انا تامرني امرك وقت ماتبي!
ناصر/وانت ليش معصب انا ماقلت لك شي؟
علي بعصبية اكبر/بلى...اذا مفكر ان ها الحركات بتمشي علي! فاانت غلطان انتوا ماتهموني ابدا في أي شي؟
ناصر بعصبية/من تقصد بانتوا؟
علي/اللي طرشك تجي تكلمني؟
ناصر بهدوء/محد مطرشني؟؟وبعدين انا اخوك مااحتاج احد يطرشني علشان اتكلم معك ياعلي؟
علي/اخلص وش تبي؟
ناصر بنرفزة/علامك انت تتكلم كذا ومنت طايقني؟
علي/قلت لك عارف ها الحركات زين..انت معه خابصينها؟
ناصر/انت من تقصد؟
علي/وفي غيره ياعيوني؟ابوك؟
ناصر بنرفزة/احد يتكلم عن ابوه بها الطريقة؟
ام مصعب/انتي وينك ساعة تكلمين؟
فوزية/يمه شفيك انتي ناسية اني مستلْذنة من الدوام وفي اشياء مهمة لازم يبونها ..يعني سوالف عمل؟
ام مصعب بدون تصديق/ها الضحك وها الهمس سوالف عمل؟
فوزية بارتباك/شفيك يمه عادي مافي شي...المهم وصلوا الثياب؟
ام مصعب/أي...اختك قامت تلبس وتجر ب ثوبها روحي شوفي ثوبك انتي بعد؟
فوزية/يمه انتي لبستي ثوبك شفتيه كل شي فيه تمام مثل مابغيتي؟
ام مصعب/أي...
فوزية/يمه شفيك؟
ام مصعب/ولاشي...بس مصعب من البارح وهو طالع مع ربعه وماله بالعادة يبيت معهم ومن البارحة وانا قابضني قلبي عليه رغم انه توه مسكر ويقولي انه بيرد المغرب بس مدري حسيت من صوته انه متضايق؟
فوزية في بالها اكيد هي ومن غيرها صايرة تضيق خلقه؟؟؟؟
صحيح انه كان قاعد بمكتبه بس كل افكاره بعيدة...كلها رايحة الشرقية لعند بيت السبيعي,,,,,
ياانك وحشتيني يانجود!!!معقولة هنت عليك وهان عليك حبي تقولين لي بكل بساطة لازم نفترق وكل واحد يمشي بطريق؟؟؟؟
معقولة كل قعداتنا مع بعض ولمساتنا وهمساتنا كانت كذب بكذب!!!
لا..مستحيل يانجود ياقلبي مستحيل..كل شي فيك كان صريح وصادق وواضح حتى تنهيداتك الحلوة كانت تطلع منك بكل صدق واحس فيها,,,
طيب ليش..انا عارف اني غلطان بس عطيني فرصة مالازم نظل شايلين على بعض كذا!!!ادري اني واحد حقير ونذل يعني توني قبل ليلة مزعلك ارجع الليلة اللي بعدها وازعلك بعد ولنفس الاسباب تقريبا!!!
اه ياربي شسوي,,,
طلع سيجارة يدخنها وراحت افكاره لبعيد,,,وردها مكانها بعد ماتذكر موقف نجود مع مرة من المرات وهم بالمزرعة,,,,
كان مطلع له سيجارة بيدخنها وفجاْة سحبتها منه نجود بقوة...وحطت وجهها بوجهه..
فهد/رديها؟ليش شلتيها؟
نجود بدلع وهي قباله/حدد موقفك تبي السيجارة ولانجود؟
تنهد بقوة وهو يذكر كلمتها وكانها قباله وهو يحاكي نفسه,,ابي نجود يانجود؟صدقيني ابي نجود؟بس وينها نجود؟معقولة اهون عليها وتتركني صدق!!!
دخل شقته بكامل عصبيته بعد ها المشحانة اللي صارت بينه وبين ناصر علشان ابوهم...
هذا اللي ناقص بعد نويصر يسوي روحه رجال عليّ انا ويطلع هو الزين وانا الشين؟لكن على مين على اخوك ياناصر؟؟؟؟
اوووف ياربي,,تمنيت اني ماشفتها ابدا ولاكلمتها؟؟؟وش اللي وداني ذاك الشارع اليوم؟يعني معقولة كان حكم القدر اني اشوفها والتقي فيها وهي رايحة بيت اهلها؟طيب مو قلت لنفسي اني بنساها وبديت اتغير مع عبير واشيلها من بالي؟ليش يوم شفتها كل شي رجع لي مثل اول؟
تنهد بقوة وهو يذكر لمياء اللي نزلها مشاري لعند بيت اهلها وهو مار من هناك بالصدفة ومبين ان مشاري رايح لمشوار وبعدها بيرجع واستغل علي ها الشي ونزل وراها بسرعة وكلمها...
عبير بنعومة/علي...
مارد عليها لانه كان سرحان..
نادته بصوت اعلى شوي لانها خافت انه ماسمعها/علي...
لف لها وهو شياطين الدنيا كلها تحوم حوالينه من شاف لمياء واخذ رقمها وقال لها انه بيدق ليها ضروري يكلمها وهي خافت ان احد يشوفها عطته الرقم بسرعة تبيه يبعد باي طريقة وماتدري انها ورطت عمرها بها الشي اللي سوته؟
كانت نظراته كافية انها تجمدها بمكانها...بس لانها كانت تتوقع منه شي غير عن اللي بيصير خصوصا بعد ورد الصباح والكرت اللي مكتوب عليه,,,
عبير/علي شفيك؟
علي بقمة العصبية/وانتي وش عليك وش فيني!!مالك شغل زين؟؟؟
رمى الاغراض بوجهها وقام غرفته وسكر الباب وراه وبقت هي جامدة بمكانها وحابسة اكبر دموعها وشهقاتها بصدرها,,,
أي هذا علي....علي اللي مثل الثعلب مكار بكل شي حتى بعواطفه!!!!!
مسحت دموعها اللي طاحوا على خدودها وحمدت ربها انها ماقالت له حبيبي رغم انها كانت تتدرب عليها ساعة قدام المرايا؟؟؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك