رواية شرع ربي ولا اعتراض -77
رجع بندر على وقته وقعد مع امه وخواته وكانت امه تبتسم طول الوقت...
بندر/اللحين وش بتاْكلونا؟
ام بندر/يمه انت قوم دارك وبدل وبعدين فكر بالاكل؟
بندر/افا!!بدل ماتقولين تعال اوكلك بيدي تقولين قوم؟
هنوف بفتنة/شكلك خلاص انتهيت وماعادت تحبك؟
كملت لبنى/مو يقولون البعيد عن العين بعيد عن القلب؟؟
بندر/الا امي ماتسويها؟
ام بندر باصرار وضحكة/انت روح بدل وتعال؟؟؟
هنوف بخبث وضحك/شكلها ريحتك واصلة عند الوالدة؟ههههه قوم يبى قوم؟
بندر رمى عليها الوسايد/احترمي نفسك لايجيك كف!!شمي عطري جايبته لي حبيبة قلبي ريحته تبقى يومين وانتي تقولين ريحتك طالعة؟صدق ماتستحين؟اقوم اكلمها ابرك لي اقولها انا جيت وجوعان وبتشوفون اذا ماجتني تركض تباريني احسن منكم؟
ركب بندر وامه كانت تبتسم ؟
لبنى/يمه..شا السالفة؟؟؟
ام بندر/أي سالفة؟؟
هنوف/مالك بالعادة كذا مع حبيب القلب ؟
ام بندر/شسوي بعد عنده اللي بتنسيه الدنيا احسن مني ومنكم؟
لبنى/منهي؟
هنوف/تقصدين جواهر؟
ام بندر/أي جواهر؟
لبنى/أي بس جواهر مو هنا يمه؟
ام بندر/بلى موجودة,,,,فوق بداره...من زمان وهي فوق ترتب وتعدل ,,حدها راحت تحممت ولبست ورجعت من جديد؟
لبنى /وش عندها السهرة الليلة هنا مو هناك؟
ام بندر ضحكة/الليلة عيد ميلاد بندر وهي مجهزة له حفلة بسيطة بغرفته؟
هنوف وقفت بسرعة/وليش ماقلتي لنا الله يهداك؟
ام بندر/وانتي شيخصك بالله!!الحفلة له ولالك؟
هنوف مسكت يد لبنى وسحبتها معهاوقالت بسرعة/يمه انتي ضيعتي علينا الفلم من بدايته..خلنا نقوم نشوف بنلحق على شي ولا قفلوا الباب وراهم!!!
اول مادخل غرفته وفتح الباب كان المكان منور بلمبات حمران بدل لمبات الاباجوارات.الصفران..كانت ريحة المكان كلها فايحة من الفواحات المعطرة المنتشرة بطول الغرفة,,,واغنية عبد المجيد عبدالله كل عام وانت الحب تصدح بصوت هادى ومعتدل,,,وعاطية المكان روعة فوق روعته,,
ابتسم وهو يمشي لداخل ويشوف المكان بعيون متاْملة...
كانت مغيرة مفرش السرير وحاطة له واحد تركوازي ستاني وكاتبة اسمه فوقه بالورد المجفف الاحمر,,
ومن فوق السرير حاطة مثل الستاير التول اللامع ينزلون بطول السرير ...
والجهة الثانية كانت فيه طاولة مغطية بالشموع والورد وكاسين عصير وتورته,,وبجنبها كرسي مزدوج مغطى بنفس التول الازرق اللي فوق السرير وصاير كانه حديقة من كثر الورد اللي عليه,,,بس مو هذا اللي لفت انتباهه,,,اكثرحاجتين لفتوا انتباهه هم القلوب الحمرة اللي كانوا معلقين بطول الغرفة وفي كل قلب كلمة احبك واللي بعده اموت فيك واللي بعده احبك ,,لين ينتهون,,,
والشي الثاني اللي لفت انتباهه هو العروس اللي قاعدة على طرف فراشه وكانها اميرة من الف ليلة وليلة بثوبها البنفسجي القصير وصندلها الفضي وشعرها اللي كانت مسويته بريم ومع مكياج هادىْ جدا,,,,
اول ماشافته يناظرها وقفت وهي تبتسم وبيدها وردة حمرة وتقرب منها بسرعة وحضنها وهمس بااذنها..
بندر/شها الجنون هذا كله!!معقولة حقي انا!!!
جواهر قرصت باذنه/كل عام وانت بخير ياقلبي,,,
تقرب منها بيبوسها وانفتح الباب بقوة,,ولفوا اثنينهم بسرعة بعد مابعدوا عن بعض,,,
هيا/ممكن اسالك سؤال؟
نجود اللي كانت رايحة جاية بالغرفة /قولي اسمعك؟
هيا بخوف/وش اللي مضيق خلقك بالضبط؟
نجود/...........
هيا/من رجعتي وانتي مو طبيعية ابدا!!!وش اللي قالقك ومخليك كذا!!!
نجود بهدوء/ولاشي..
هيا/مو معقولة ابدا,,,شوفي شكلك كيف صاير وبعدين قولي مافي شي؟
نجود تنهدت بالقوة/هيا...انتي قد انصدمتي قبل بناس كنتي متوقعة انهم يحطون لك اكبر اعتبار بحياتهم واكتشفتي العكس!!يعني مو العكس العكس بس موقف صدمك منهم ومنتي عارفة تكملين ولاتوقفين؟
هيا/رغم ان كلامك صاير الغاز ومو مفهوم بس اللي اكيد ان ها الشخص اللي تتكلمين عنه ماهي جواهر؟
نجود/لا مو جواهر,,,,أيا كان يكون ,,,شتسوين؟
هيا/مدري..بس ردة فعلي بتعتمد على الموقف طبعا!!
نجود وهي تحاول توجد العذر لفهد علشان تتنازل عن كبرياءها/يعني يمكن يكون ها الشخص مضغوط ولامعصب ولامتضايق وصرت انا بوجهه؟
هيا بتاْييد/احتمال كبير,,ويمكن انه مدري..بس يمكن انه حاول الاتصال فيني قبل وم..
نجود بتاْييد كبير/أي ..اي صح..وارد...وانا مارديت فتولد الخوف وطلع عصبية!!صح ليش مامرت على بالي!!
هيا/منو هذا اللي قاعدة توجدين له العذر وتبرين ساحته قدامك؟
نجود بفرح داخلي وهي شبه تنازلت عن عنادها/لا..بس ماابي اظلم ها الشخص وانسى كل شي علشان لحظة ,,,بس هذا مايمنع اني نجود ومايلين راسي بسرعة!!!
كان يناظر بالرقم قدامه وهو عيونه على الباب,,
ياترى يتصل فيها اللحين ولا لا؟
طيب يدز لها مسج ويكتب فيه مشاعره اللي ماتغيرت ناحيتها حتى بعد ماعرف انها متزوجة وعندها بنت وانه ماعنده مانع تطلق من زوجها ويجي ياخذها!!
مايدري ليش ها اللحظة فكر بانانية ونزل عيونه من على الباب علشان لايفكر بللي قاعدة برى هذا الباب وماهي فاهمة شي من اللي يدور حوالينها!!!!
لا المسج مابينفع لازم يكلمها ويلتقون وجها لوجه,,,,لمياء,,,اللي ماصدق انه من فترة بسيطة مرة قدر يشيلها من بالها ويفكر بعبير,,,
رجع شافها وتغير حالها ونسى عبير وطوايفها وماعاد يفكر في غيرها؟؟؟
خلاص الرقم صار عندك ياعلي,,,قربت تعرف مصيرك مع لمياء شنو؟؟؟
هذا كان حال علي اما عبير كان حالها غير غير,,,
كانت قاعدة بالغرفة الفاضية بشقتهم والللي المفروض تكون غرفة ولدهم ولابنتهم,,
كانت متسندة ورى الباب اللي قافلته والمكان كله ظلمة بظلمة...ومسندة راسها على رجلينها..وتبكي بصمت والم!!!!
وش تبي مني ياعلي؟؟؟انت وصلتني لحالة جنون اذا كان هذا اللي تبيه؟؟؟
تعبت معك والله تعبت وماني قادرة افهم مشاعرك ناحيتي شنو؟؟؟
هي حب ولاكره ولا شنو بالضبط؟؟؟تصبحني بالورد وتمسيني باالهم!!!!!
ليش ياعلي شسويت لك...معقولة لمياء لها شغل بالسالفة وبللي يدور بينا!!اذا كانت هي اللي تخطط له الشي ولا لها يد فيه عسى ربي مايوفقها بحياتها لامعه ولامع غيره؟؟؟
هنوف/ياسلااااام!!!وش قلة الحيا هاذي بالله!!كذا تتباوسون عيني عينك وكانه البيت مافيه غيركم!!!!
بندر/اقول انتي وش مدخلك بغرفتي اصلا بدون ماتدقين الباب!!يالله وراك الباب حبيبة قلبي!!!
لبنى باعجاب/متى مداك تسوين كل هذا....سوري بس هذي جرتني معها وقالت قومي نشوف الفلم قبل لاينتهي؟
هنوف/أي وانا الصادقة...
لبنى احترمت سكوت جواهر اللي ماقالت شي اصلا من دخلواوسحبت هنوف من يدها وقالت بمرح/عموما انا بس حبيت اقولك كل عام وانت بخير اخوي حبيبي...وتعال يالله قفل الباب لانها عادي تجي مرة ثانية!!!
هنوف باعتراض/اوووف خليني اشوف وش بيسوون بعد!!ماابي اطلع؟؟
جرتها لبنى معها لبرى الغرفة وبندر طيران على الباب قفله ورجع لحضن حبيبته..
كان باين عليه شي غير الفرح وهذا اللي كدرها..
جواهر بخوف/بندر..علامك..ماعجبتك مفاْجاتي لك؟
بندر وهو يناظرها بحب/بلى ياقلبي...بس انا مااستاهل ها الشي منك!!انا فعلا مااستاهل حبك وتقديرك لي...انا ياجواهر..
حطت اصبعها على فمه..وقالت بهمس/الليلة ممنوع تعترض ولاتقول أي شي؟؟؟الليلة انت امير..وبتعيش الليلة كلها امير ...وبكرة قول اللي بخاطرك حبيبي..اتفقنا....يالله قول لي ..تبي تشوف هديتك ولا نطفي الشموع بالاول؟
بندر بندم ماعرف يبينه/ابي احضنك بالاول...صدقيني ابي احضنك بقوة يمكن حضنك يفهم اللي ابي اقوله وماني قادر....
كان وده يقولها انا خنتك ياجواهر بس صدقيني هذا مو مهم انتي اغلى شي عندي وبتظلين....وانا ندمان على كل شي وعلى كل غلطة غلطتها بحقك...
جواهر بهمس/احبك...
كان يلعب بشعرها وهو حاس نفسه مخنوق ويبي يتكلم ولاانها توقف عن دلعها له ودلالها اللي قاعدين يعذبونه...
بندر بحرقة/وانا اكثر صدقيني!!
جواهر/.........
بندر بتردد/مصدقتني ياجواهر!!
جواهر/بشنو؟
بندر/باني احبك واموت فيك؟
جواهر حطت راسها على كتفه وقالت له بهيام/طبعا وماعندي أي شك......بندر بعد ها الليلة في شي بقوله لك واتمنى تسمعني وت....
بندربمرح وهو يقلدها/مو وقته اللحين الكلام بعدين الليلة ليلتنا ومانبي نخربها بسوالف مالها طعم!!!ماابي اسمع منك غير احبك وماتسمعيني غير اموت فيك,,اتفقنا!!!
تنهدت بقوة وحضنته بقوة اكبر...بالها مشغول بمصعب وسالفته من البارح وجا في بالها تقول لبندر كل شي وتخليه يوقف مصعب عند حده لانها متاْكدة من اخلاصها لبندر وبانها ماسوت أي شي يخليها ماتقوله..هي بس تبيه يوقف مصعب ويترك عنه ها الحركات السخيفة ....
فهد/شفيك؟
مصعب رفع راسه وقال بهدوء/شفيني يعني!!مافيني شي؟
فهد/امك قالت لي انك متغير وان فيك شي؟
مصعب بضيق/امي ماعندها سالفة ؟يعني اذا الواحد نام برى البيت ليلة يصير فيه شي؟
فهد وهو يناظر مصعب من فوقه لتحته/أي بس هي خوفها عليك مو من النومة خوفها من شكلك وانت كذا كئيب وساكت وزعلان!!علامك؟
مصعب/.........
فهد بهمس/جواهر لها علاقة بالموضوع؟
رفع راسه بهدوء وبان الحزن فيه...
فهد بعصبية/يعني لها علاقة بالموضوع؟؟
مصعب بزعل/ياخالي والله ماهو بيدي اللي قاعد يصير صدقني!!
فهد بعصبية وصراخ/انا مو قايل لك شيلها من بالك يامصعب!!علامك انت!!منت قادر تفهم ان البنت حرام عليك وانها على ذمة رجال ثاني!!!
مصعب/................
فهد/انت وين شايفها ماتقولي؟لاتقولي رايح تحط وردة وتمشي مثل العادة؟
التقوا نظراتهم في بعض لان مصعب ماقال لخاله عن روحته لها كل اسبوع بس فهد كان عارف من نجود طبعا!!!
فهد بعصبية/مصعب ..لازم تفهم ان ..
ام مصعب/عسى ماقاطعتكم بس!!!
لفوا ثنينهم لها واسكتوا..
ام مصعب/انا شفت صوتكم عالي وقلت اشوف شفيكم!!
فهد بنرفزة/خلينا بروحنا ياام مصعب!!
ام مصعب كانت تناظر في ولدها وقلبها عليه وخايفة من عصبية اخوها وتمنت انها ماكلمته..
ام مصعب/شفيكم؟
فهد/خلاص قلت لك خلينا بروحنا بنتفاهم مع بعض؟
ام مصعب بخوف/مصعب فيه شي ياخوي!!
فهد بعصبية/لاحووولّ!!!قلت لك مافيه شي خلنا بروحنا وبس!!!
تركتهم وهي ماهي مقتنعة بس اخوها وتعرفه عادي يطلع ومايخلص سالفته ...
اول مااختفت من ناظرهم لف فهد بعصبية لمصعب/ماقلت لي كيف شفتها؟
مصعب بخوف/رحت لها بيتهم!!
فهد صفق بيده وهو بركان غاضب/شاطر,,برافوا...انت بذمتك هذا تصرف ناس عاقلين يامصعب!!!انا بس ابي افهم وش اللي صار لك؟ماكنت كذا يامصعب؟كيف وقعت ومحد سمى عليك!!!
مصعب بالم ودموعها باينة بعينه/خالي انا احبها مو بيدي!!مهما قالت ومهما سوت ..قلبي مابيحب غيرها صدقني...
فهد/.......مقدر اقولك شي..مو انت العاقل اللي كنت اعتمد عليه بكل شي؟
مصعب بالم اكثر/خالي افهمني...انا عارف انها لغيري وماراح تكون لي لانها تحبه ولانه يحبها...مدري ليش ساعات يجيني تفكير استغفر الله واحس انها ممكن تكون لي!!!
فهد بضيق/مصعب!!
مصعب تابع وماكانه يسمع خاله/ادري انه يحبها وانها تحبه وان تفكيري مبني على وهم وسراب...بس قلبي مو طايعني يترك تفكيري فيها....
الحب شي اقوى من ان الانسان يسيطر عليه...
احبها وبتظل بقلبي مهما صار ومهما قلتوا انت وهي والعالم كله!!!
حتى لو تزوجت وجبت عيال صدقني ياخالي مابقدر انساها ابدا!!!
فهد/.................
مصعب/ماكان ابدا مطمعي اني اشوفها البارحة...كان ودي اسمع صوتها وبس...بس تفاجاْت يوم شفتها واقفة قبالي وهي بركان ثاير...
تنهد وكانه سرح بافكاره لعند صوتها وصورتها بالامس وكان يبتسم وهو يتكلم/كنت بسيارتي وشفتها تدق عليّ ونزلت بشوف وش عندها..كنت ابي اقول أي شي بس هي ماخلتني اقول شي صارت تقول وتقول وتقول وهي معصبة حييل وانا اسمعها وكانها تقول لي كلام حب وغزل وانا متسمر بمكاني اسمعها لين لقيتها سكتت مرة وحدة ويوم ناظرتها لقيت نجود جنبها وساحبتها تدخل معها لداخل...
اسم نجود غير كيان فهد وقلبه مرة وحدة!!!
تنهد بقوة وطلعت عينه وهو يسال عنها كاْنه طفل صغير/نجود!!انت شفت نجود يامصعب!!شلونها؟
مصعب اكتفى بانه يناظر فهد اللي نسى السالفة كلها من انذكر اسم نجود وسال عنها وبس!!!
فهد بلهفة/اقولك هي بخير مافيها شي؟ولا كانت متضايقة وزعلانة؟
مصعب بربكة/خالي....انت قطعت علاقتك فيها ولا شنو السالفة بالضبط؟
فهد هو اللي تنهد ها المرة وتسند على كرسيه وغمض عيونه!!!!
من وقت اللي عطت علي الرقم وهي بحالة غايبة عن العالم اللي حولها..
حالة الاكتئاب اللي جتها اول ماشافت علي رجعت لها بشكل اكبر واقوى ها المرة لان ها المرة فيها مصير وعلي مو ماخذ الرقم بس يخوفها ويهددها اكيد بيتصل؟؟؟شتقوله اذا اتصل بس!!!
المشكلة هو قايل لها يبي يشوفها...ياربي وش ها المصيبة..اخاف اقفل جوالي واطنشه ومايتركني بحالي ويوصل لااهلي ولمشاري بعد!!واخاف ارد عليه ومدري لوين بوصل معه!!!
انا حبيتك ياعلي...ادري اني حبيتك وادري انها كانت غلطة اني اتركك بس ماكنت مقتنعة ابدا ان احنا ممكن نرتبط عن طريق علاقة بالتلفون؟؟؟؟
تزوجت مشاري ونسيتك ونسيت كل شي معك وكل كلمة قلتها لك وبديت حياة جديدة ....
حياة كلها حب وود ووفاء واخلاص واحترام,,,لين شفتك من جديد طلعت بحياتي...وبهدلتني وبهدلت مشاعري ياولد الناس؟؟وماصدقت اني افتك شوي من عقدتك وتروح عن بالي الا وطلعت لي ها المرة بشكل ثاني وبمصيبة جديدة؟؟؟
ياربي شسوي ..والله مو عارف شسوي,,,,,
اقول لمشاري ولااظل مخبية عليه؟؟؟اذا قلت له هل بيصدقني اني قطعت علاقتي فيه من تزوجته ولا بتكبر السالفة في راسه وبيطلقني!!!واذا ماقلت له انا معقول لو حقرت علي بيوصل لمشاري وبيقوله انه يعرفني ويعرف عني كل شي؟؟؟؟؟
ياربي ..ساعدني...انا خايفة ومرعوبة من بكرة لايجي واتعذب فيه...انا نسيتك ياعلي وش تبي فيني!!خليني لزوجي وبيتي وحياتي اللي بنيتها ياولد الناس,,,
مشاري بهمس/لمياء ,,عمري شفيك صافنة تفكرين؟في شي مضايقك؟
لمياء غمضت عيونها /لا...
مشاري/اكيد...
لمياء اكتفت بانها تهز راسها..
مشاري/طيب ليش مغمضة عيونك عني ولاماتبيني اشوفها واملي عيني من شوفتها؟
ماتدري ليش دمعت عيونها ها المرة بغزارة وكانها تمسح فيه ذنبها يوم تعطي علي الرقم!!بس شيفيد الندم اللحين هي عطته وانتهى الشي؟
مشاري بخوف/قلبي وش فيك؟
تقرب منها بسرعة وحضنها...
وانفجرت تبكي....تبكي وهي تشاهق من الخوف ومن اللي ممكن راح يجيها...
مشاري صار يمسح على راسها وهو يقراْ ويسمي على راسها/اسم الله عليك....اسم الله عليك..هدي ياقلبي هدي...هاذي عين ماصلت على الن بي..ولا جينا مافينا الا العافية وانتي تضحكين وتسولفين كذا دفعة وحدة تغيرتي!!!اسم الله عليك....اسم الله عليك,,,
هذا الرقم الجديد وفعلناه خلاص....
ادق عليه..ولا ماادق؟
ياترى بيكون صاحي ولانايم؟؟؟
اذا هو فهد اللي اعرفه واللي ارسل لي ها الرسايل النارية اكيد بيكون صاحي وستين الف صاحي بعد!!!
معقولة ينام وهو قلبه مشغول بزعلي!!!
تبي ارضى عنك يافهد..طيب برضى بس مو قبل لاتعرف فعلا منهي نجود وتجي انت تركض وراها وتطلب ودها وتموت اذا زعلت وتفرح لارضت؟؟؟
نجود تبيك تنحني قدامها وتعترف لها بضعفك وان قوتك كلها تتلاشى اذا حضرت وبتشوف يافهد ان نجود اذا قالت سوت!!!
كانوا حاطين لهم موسيقى كلاسيكية وهم حاضنين بعض وشبه يرقصون على انغام الموسيقى...
وكل كلامهم همس بهمس,,,
بندر/تعرفين ان هذا احلى عيد ميلاد مر علي! لانك معي!!!
جواهر/لاتكذب يابندر,,سبع سنين وانا احتفل معك بعيد ميلادك!!!
بندر/بس كانت كلها بعجلة وخوف وتبين تقومين من ذاك المطعم بسرعة!!بس اليوم غير,,اليوم انتي بحضني وكل العالم عارف ها الشي ومحد يقدر يتكلم لانك حلالي يابعد عمري...
جواهر/طيب وش رايك انت بها العيد ميلاد..اكيد عجبك ولا قاعد تجاملني بس!!
بندر/اجاملك!!!!انتي عارفة بس قاعدة تتغلين ادري فيك,,,بس حقك ولايغلى عليك....
توها بتتكلم الا جوال بندر يدق...
حضنته بقوة وقالت بهمس/ليش ماقفلت جوالك؟
بندر/ماكنت عارف ان في مفاجاْة حلوة تنتظرني!!بس ولايهمك اللحين نقفله علشانك؟؟
بعد عنها وراح لطاولة اللي كان عليها جواله وكانت دلع المتصلة خاف يحقرها وتكون قاعدة بالشرقية وتطب عليه بدون مقدمات لانها تسويها!!!
رد بضيق,,
بندر/الو نعم..
دلع بنعومة/اهلين...اللي لقى احبابه نسى اصحابه!!!!
بندر بعجلة/لا وانا اخوك بس قاعد مع الاهل؟
دلع بخبث/أي اهل فيهم جواهر ولا..
بندر/خلاص مو مشكلة اشوفك بعدين...يالله مع السلامة؟
سكر الخط بسرعة ووقف مكانه محتار,,,مو عارف يخفي انفعالاته لاتشوفهم جواهر ولا قادر يلف لها وهو بعده مرتبك بس هي كانت اسرع من قفل الجوال جته وطوقته بحضنها من ورى ضهره..
جواهر/الليلة كل لحظة غالية علينا!!!
بندر بارتباك/ها..اكيد مافيها شك؟
مسكت يده علشان يبتعدون ورجع جواله يدق مرة ثانية,,,
جواهر بضيق/شا السالفة بندر؟شفيه هذا صاحبك مو قلت له انك مع اهلك؟
بندر بارتباك/ها..اي بشوفه بس وش يبي؟
بندر/الو...
دلع بغضب/مو انا اللي ينقفل الخط بوجهي يابندر سامعني؟؟
بندر/انا مشغول ,,انا فعلا مشغول؟
دلع/شوف اذا انت قاعد مع حبيبة قلبك روح انزل اطلع ان شاءالله حتى تختفي مايهمني!!خمس دقايق وبدق عليك بقولك عن شي مهم!!يالله باي؟
قفلت الخط بوجهه وهو متسمر مكانه..
جواهر بهمس/حبيبي شفيك؟
بندر/ها....
جواهر/شيبي منك؟
بندر/لا بس هو تحت ويبي يعطيني شي...يقول امانة اوصلها لواحد..معليش حبيبتي بس باخذ منه ها الغرض وبرجع لك علطول..اكثر من خمس دقايق مو ماْخذ؟
جواهر بضيق/خذ راحتك بس تذكر انك بتعوضني عن كل دقيقة تغيبها طيب.....
بندر حضنها بقوة وطلع من الغرفة يكلم دلع,,,,
راح عند بوابة البيت بس بعدين راح عند الحوش من ورى..
بندر اتصل فيها وقال بعصبية وبدون مقدمات/خير وش عندك؟
دلع/اسم الله عليّ!!ليش تكلمني كذا بالله!!!
بندر/لاني قاعد مع اهلي؟وش تبين؟
دلع بضحكة/انت مو مع اهلك انت مع بنت الهاجري صح ولالا؟
بندر بعصبية/وليكن؟؟شعليك انتي!!!انا طول ماانا بالشرقية مالك شغل فيني!!
دلع/طيب واذا انا بالشرقية لك شغل فيني ولامالك شغل بعد!!
بندر بصدمة وكانه حاط الفكرة بس ماتوقعها/شنو يعني في الشرقية؟
دلع بفرح/مفاْجاْة مو؟نزلت خصيصا علشان احتفل معك بعيد ميلادك حبيبي....
بندر/أي بس..
دلع/يالله انا انتظرك؟
بندر/انتي شنو؟؟انا مع جواهر ومستحيل امشي!!!
كانت قاعدة على فراشه تنتظره..حست ان الشموع كتمتها وكتمت الجو وقامت تطفيهم!!!
مو معقولة بندر مايبالي..من الخمس الدقايق..صارت ساعة الاربع!!هذا شنو على باله بالله!!مااحس ولا مالي مشاعر واحاسيس,,اقلها يكلمني بدل ماهو حاطني تحت الانتظار ويقولي انه بيتاخر علشان اشوف شسوي؟
وشنو ها الشي اللي بياخذه بالله!!
قامت تمشي بالغرفة رايحة جاية وهي كل شوي تناظر بالساعة ولا تدق على بندر الا كان جواله مشغول...
اخر شي حست بالنار تحرقها من عدم اهتمامه طفت كل الشموع اللي بالفواحات وبالطاولة بعد ماصار له اكثر من ساعة وهو تاركها ولبست عبايتها وطلعت من غرفته....وراحت لبيتهم,,
دلع على الخط..
دلع بفرح/خلاص حبيبي فرجت؟
بندر/تنازلتي واخيرا!!
دلع بانتصار/لا ياقلبي مو دلع اللي تتنازل بنت الهاجري اللي تنازلت؟
بندر/جواهر؟؟؟
دلع/أي كاهي طلعت من بيتكم وراحت بيتهم شفتها توني قدام عيوني؟
بندر بخيبة امل/راحت!!!!!
دلع/يالله تعال انا بالسيارة يالله حبيبي لاتخليني انتظر اكثر ضاعت الليلة كلها؟
طبعا من كثر النعس والتعب اللي فيني مابحط لكم توقعات ولااسئلة صعبة على قولتكم(وادري انكم تبونها من الله ماهي خافية عليّ)بس معليش اليوم سماح بس ياويلكم لو ماتكرمتوا وحطيتوا توقعاتكم للي بيجي في بارت بكرة()
وعلى فكرة انا بروح احط راسي وبنام ومدري متى بقعد يعني اتوقع اني مابنزل بارت بكرة الا باخر الليل ,,
ولكم الف شكر مرة ثانية على مشاعركم الطيبة وتحملكم,,،
البارت السادس والسابع والثامن والخمسين
دلع على الخط..
دلع بفرح/خلاص حبيبي فرجت؟
بندر/تنازلتي واخيرا!!
دلع بانتصار/لا ياقلبي مو دلع اللي تتنازل بنت الهاجري اللي تنازلت؟
بندر/جواهر؟؟؟
دلع/أي كاهي طلعت من بيتكم وراحت بيتهم شفتها توني قدام عيوني؟
بندر بخيبة امل/راحت!!!!!
دلع/يالله تعال انا بالسيارة يالله حبيبي لاتخليني انتظر اكثر ضاعت الليلة كلها؟
اليوم الثاني العصر,,,
ام علي/منو رايح معك؟
نجود/المفروض جواهر ..دقيت لها قبل شوي وقالت انها جاية؟
هيا/ليش بتتنازل اليوم وبتترك بندر علشانك؟يبى مانبيها تمن علينا موجودين وبالخدمة وننتظر بس اشارة منك؟
نجود/ادري فيك ماتقصرين بس طلعتنا من المشفى بنمر نشوف فستانها...
ام علي/يالله انتي بعد تشيطري وجيبي لنا معرس خل نفرح فيك انتي وصديقتك بمرة وحدة؟
هيا با عتراض/لايمه فرحتنا بنجود مو عادية بتكون,,,وبعدين للحين ماجا واحد يستاهلها بجد؟هاذي غالية ومو أي احد ياخذها؟
ابتسمت نجود بغرور لان ها الحكي يعجبها ويعزز ثقتها بنفسها اكثر..
ام علي/انتي خلك بعيدة عنها وخلنا نفرح فيها..طيعيني يمه نجود خل نفرح فيك؟
نجود/كل شي بوقته ياخالتي صدقيني...اذا جا نصيبي باخذه يعني باخذه مدام انه مقدر لي!!!
اكثر من ها الاحساس بالالم ماحست,,,
ماتدري ليش مر على بالها مصعب من يوم ماطلعت من غرفته البارحة وماكلمها اصلا!!!!
وش اللي معقول يكون صار له؟
ايا كان ماتبي تدق عليه وتسال كفاية منزلة نفسها له كفاية!!!!
بندر صاير يفتقر الى الذوق كثير!!!
مو معقولة موقف البارحة شلون صغره بعينها؟؟؟
عمرها ماحست بالاحراج والجرح كثر ها الموقف!!
هي ذابحة عمرها ومن الصبح تسوي وتشتغل علشان سهرتهم وبالنهاية يترك كل شي ويمشي بدون أي كلمة اعتذار حتى!!!!
معقولة يكون صاير له شي كبير,,,لا ..لو صار شي سمعت من اهله ...كاهي سيارته مركونة بالكراج وماتحركت من البارحة..معناها انه ياماطلع مع صاحبه ولا راح مع بسيارته ورده؟
بس ليش ماتصل يعتذر يوم مالقاني؟؟؟؟
وش اللي شغله عني ياترى!!!وماخلاه يدق يشوفني ليش رجعت ماانتظرته!!!
بس اذا انت تنتظر مني اتصال يابندر لاتحلم ماراح اتصل,,,يكفي انك خربت علينا اخر قعدة نقعدها مع بعض,,,لاني من اليوم ماراح اشوفك لين ليلة العرس؟؟؟
اخذت اغراضها وطلعت علشان تلحق مع نجود على موعدها بالمستشفى,,,,
منال/صباح الانوار..
فهد لف لها../صباح الخير,,,
منال/ممكن اقعد ولا تبي تقعد بروحك؟
فهد/تفضلي...
منال/عمي شلونك..
فهد /بخير..
منال/من زمان عنك وعن سوالفك؟
فهد/اللي شاغلك يتهنى فيك؟
منال ابتسمت له/تراه دوم يسال عنك..ويبلغني سلامه..
فهد/وصل..ورديله سلامه....
منال/ان شاءالله...
فهد/شلونكم مع بعض..
منال/الحمد الله مرتاحين...
فهد/اهم شي الراحة..لانكم اذا فقدوتها اللحين مابتشوفونها بعدين؟
منال/لا ياعمي,,,هو متفهم وعاقل وافكاره ناضجة..ماهو من ها المكتهورين...
فهد/عرف انك مخطوبة قبل؟
منال/طبعا!!هذا الموضوع كلمته فيه من اول ليلة...وقلت ليش انفصلنا وكم قعدنا مع بعض ..وكل شي عن ها الموضوع؟
فهد/وكيف تقبله؟
منال/قلت لك هو رجل عاقل وينظر الدنيا بمنظار ابيض متفهم مو منظار اسود؟
فهد/ومتى بيكون الزواج؟
منال/ثاني ايام عيد الفطر..
فهد/خلاص حددتوا يعني؟
منال/أي لان يوم ثالث بنسافر لاامريكا....حجزنا امس قاعة اليخت...شرايك فيهاياعمي؟
فهد/اهم شي رايك انتي وهو؟
منال/ماحجزناها الا باتفاق مني ومنه...يالله ها الكم يوم نطلع السوق خبرك فيني مااحب اطلع اسواق برمضان؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك