رواية شرع ربي ولا اعتراض -78
منال/والله باخذ بنصيحة نجود قالت لي لاتشترين لك اشياء ماتحتاجينها ولاتنسين انك بتسافرين سنة كاملة؟؟يعني خذي لك ثياب مبدئية حسب جو المنطقة اللي انتوا بتقعدون فيها وبعض الشغلات الخاصة وعطور ومكياجات وها السوالف يعني...ولاتكثرين ذهب انتي مو قاعدة ومتجلسة بمجلس حريم انتي بتكونين معه بروحكم سنة كالمة عيشي بطبيعتك ولاتتكلفين؟؟الحياة هناك غير هني!!عجبني كلامها واقتنعت فيه وهو ماْْيد ها الفكرة وقال لي انه هناك اسواق كثيرة وكل ماطلعنا شريت لك اللي تبينه...
فهد من انطرى اسم نجود سرح معه....الكل قاعد يسولف معها وعنها الا هو صاير شبه محروم...
فهد/شلونها؟
منال باستغراب/منهي؟
فهد بهدوء/نجود؟
منال بتعجب/انت تسال عن نجود؟
فهد تدارك نفسه/أي مو قلتي انها مسوية عملية ...
منال/أي..لا داومت ها الاسبوع وكانت بخير الحمد الله....الا مدري طلعت لها رقم ولالا..
فهد باهتمام/ليش وين رقمها؟
منال/قالت شريحتها احترقت وبس تنزل الشرقية بتطلع لها رقم....
فهد/وانتي كيف بتعرفين اذا طلعت لها رقم ولالا(لانه هو يبي يعرف)
منال/بعدين ادق على جوال جواهر واسالها عنها هي عندها موعد اليوم وبالمرة اشوف اذا طلعت لها رقم جديد...
فهد /وتركي يدري عنك كسلانة وكل شغلك لبعدين لو مايدري؟
منال/افا ياعمي افا!!اللحين انا كسلانة ؟؟بس لاني مادقيت اشوف رقمها الجديد؟
فهد بسخرية وهو يبيها تتلحح/من زمان انتي كسلانة مو جاية بس على سالفة الرقم!!
منال رفعت جوالها وقامت تحوس فيه/انا لو مااتصل فيها اللحين قدامك بتظل ماسكها علي! بس مشكلتي محب احد يمسك عليّ أي شي؟؟؟
عبير قعدت اليوم الثاني بعد نوم كسرها وكسر ضهرها,,لانها كانت متسندة ورى الباب تخفي دموعها لايشوفها علي..
قامت وطلعت من الغرفة وكانت غرفتهم مفتوحة يعني ان علي طلع ماهو موجود,,,
تقدمت شوي وطلت براسها ولقت الغرفة معفوسة فوق تحت..معناته كان معصب ويفكر بشي ومو قادر يقرر شيسوي...
الله يطولك ياروحي على علي وافعاله معي بس!!!!
تنهدت وراحت المطبخ تغسل وجهها وتاكل لها شي لانها حاسة بالم وصداع مو طبيعين!!
بالسيارة,,,
نجود/بتظلين ذابحة عمرك على سواد وجهه؟
جواهر بعصبية/قاهرني!!!وش تعني ها الحركة بالله!!!
نجود/اذا انتي قدها لاتدقين عليه لو يصير مايصير وخله يتاْدب ويتعلم؟
جواهر/ومنو قال لك بالله اني بتصل فيه اصلا!!!هو اللي لطعني امس وماسال فيني وانا اللي ذابحة عمري عليه!!بالناقص عمره ولااتصل بيفكر اني بموت يعني من دونه؟؟؟انا مليون اللي يتمنوني؟؟
ابتسمت نجود وسط عصبية جواهر وانفعالاتها وقالت بخبث/تعرفين واحد من المليون!!
جواهر/خلاص عاد نجود لاتذكريني؟؟يكفي اني بالامس ماشلته من بالي وانا قارن بين كلامه ودموعه وبين موقف بندر؟
نجود/الله يهداك ان شاءالله...
جواهر/بس هذا مايعني ان قلبي مادق ولابيدق لغير بندر؟
دق جوالها وقالت لنجود هاذي منال؟
نجود/منال.........طيب ردي عليها وقولي لها اذا سالتك عني اني داخل عند الدكتور لسه ماطلعت اخاف فهد يكون جنبها؟
مشاري بخوف/لمياء وش جاك ياعمري وقلبتي مرة وحدة؟
لمياء اللي مانامت طول الليل كانت شاردة وتناظر بجوالها..
مشاري/انا ماصدقت انك رجعتي لي حبيبة قلبي اللي اعرفها ,,ترجعين لنفس حالة الاكتئاب هاذي من جديد؟
لمياء ناظرتها وقالت بترجي/مشاري..بطلب منك طلب لاتردني فيه؟
مشاري /قولي ياعمري تدللي انا كم ام مريم عندي تطلبني والبي لها؟
لمياء بضيق/خلنا نرد الرياض!!
مشاري بتعجب/الرياض!!!!ليش!!ماتبين تقعدين عند اهلك زود ها اليومين بعد!!
لمياء/لا,,اقصد نفسيتي صارت سيئة من دخلت البيت ابي ارد هناك يمكن ترجع حالتي مثل قبل!!
مشاري/انتي بس لو تصارحيني وتتكلمين وتقولين لي شفيك..يمكن اقدر اساعدك؟
لمياء بضعف/قلت مافيني أي شي!!!اذا تبيني اصير بخير خل نرجع الرياض اليوم....
مشاري/استغفر الله العظيم,,,امري لله الرياض الرياض بس اهلك شبتقولين لهم؟
لمياء/ماعليك من اهلي انت خلنا نروح وانا بدبرها المهم ارجع الرياض ومااضل هنا,,,
منال/لا ياقلبي مشكورة ماقصرتي....بس وينك ارسلي الرقم ضروري ابي اتطمن عليها نزلت لكم من يوم الثلاثاء وماسمعت صوتها...ماشي,,تسلمين,,,,
فهد بتردد/ليش ماعطتك اياه؟
منال/اللحين بترسله......
فهد/اقول منال وش رايك لو تسوين لي فنجان قهوة من يدينك الحلوين قبل لاتطلعين؟
منال/ولايهمك....شلون تبيها مضبوطة ولاسادة؟
فهد/لا سكر زيادة,,
منال/اها..وش اللي غير قهوتك ماكانت كذا ؟؟
فهد/تغيير ..نجربها وهي سكر زيادة شلون طعمها؟
منال وقفت وهو كله امل انها ماتشيل جوالها من على الطاولة وفعلا ارتاح يوم مشت بدونه ودخلت.....واول ماسمع رنة مسج واصلة لها صار مثل المجنون وشاله بسرعة وفتحه واخذ الرقم,,,
وبعد مانقله عنده ورده مكانه..حس باحساس غريب,,,وش اللي يخليه يسوي ها الحركات!!!
قاعد يتصرف وكانه مراهق بالعشرين ماكاْن عمره تعدى الاربعين سنة!!!!
شيسوي شوقه ولهفته عليها هم خلوه كذا,,ولاالسالفة مو بيده!!!
نجود/تتوقعين فهد قاعد معها؟
جواهر بنرفزة/مدري...
نجود/اليوم الخميس وهو لازم يقعد معها ويدردش قبل لايطلع مع عياله...
دق جوال جواهر ورفعته بغضب وبعدها لفت لنجود وقالت بنرفزة/توه ذكر ولد السبيعي اني عايشة بالعالم!!!!
اخذت نجود الجوال وقرت رسالته(حبيبتي جواهر انا اسف على اللي صار البارح,,انا ادري اني غلطان بس كان ظرف طارىء فوق قصدي)
نجود باستخفاف/واجد ظريف ولد عمي!!ماقدر حتى يرسل مسجه التعبان البارح وتوه متذكر يرسله اللحين؟؟
جواهر/نجود انا حاسة ان بندر مخبي عليّ شي ومايبي يقوله؟
نجود/شي مثل شنو؟
جواهر/مدري,,,,بس مو معقولة تصرفاته والله!!بجد تقهر؟؟انتي لو تشوفينه قبل لايدق جواله كيف كان بيموت وانا بحضنه كان ماصدقتي انه هو نفسه بندر اللي تركني ولاسال فيني!!
نجود قفلت جوال جواهر وعطتها اياه وقالت بقوة/واللي مايبيك وتوه ذاكرك انتي بعد ماتبينه ولاشرايك؟
اخذت جواهر جوالها وقالت بثقة اكبر من ثقة نجود/الا و انا بنت ابوي!!!
نجود بانتصار/حلو معناته ننزل اللحين ونشوف الثوب كيف بيصير عليك يااحلى عروس بتشوفها عيني...
جواهر بارتياح/تدرين لو ماوجودك معي اليوم كان مانزلت اشوفه ولالي خاطر اشوفه؟
نجود/لاياعمري ..الفستان ماهو لبندر وبس!!الفستان لك ولي ولاامك ولااهلك ولكل الناس اللي تحب جواهر وودها تشوفها عروس؟
بعد ماقضى ليلته مع دلع وماعرف شلون يكلم جواهر وهو معها رجع البيت ضايق ومو عارف كيف يفسر لها غياب البارحة المفاجىء وعدم رده على اتصالاتها!!!
راح غرفته مباشرة وقفلها وراه...
بعده كل شي بمكانه مثل ماكان بس الشموع اللي انطفت ,,
تنهد بقوة وهو يذكر كيف كانت قاعدة البارحة على طرف سريرها بفستانها البنفسجي القصير..تنهد بقوة يوم مر شكلها في باله..
كان البارح ممكن انهم يقضون ليلة عمرهم مع بعض بها الجو اللي هي مهيئته ,,بس دلع ياعساها الموت خربت كل شي ,,,
اوووف ياربي اوووف..والله اني كنت ناوي اعتذر لها عن غلطاتي وهفواتي من وراها واخبرها ان عيني زاغت في بعدها وبطلبها السماح,,,بس هي ماعطتني فرصة وغمرتني باحلى عواطف ومشاعر واحاسيس,,,
وانا بشنو جازيتها؟؟؟جازيتها باني تركتها لاخبر ولاهم يحزنون ورحت مع ها السافلة؟
لكن لا...اكيد بقى معي وقت اروح وابين لها ردة فعلي واعتذر وان شاءالله تسامحني....
ناظر بساعته وفكر بشي وراح يركض قبل لايسكرون المحلات للصلاة,,,,
ناصر/كلمتها ماردت عليّ؟
هيا/يمكن كلمتها قبل لاتطلع من عند الدكتور..
ناصر/خوب الاخبار كلها عندك ياام الاخبار...ها طمني شلونها..,شقال لها الدكتور؟
هيا/الحمد الله كويسة...عندها موعد يوم الاربعاء الجاي علشان مدري شنو قالت وبعدها خلاص....تقدر توقف من بعدها القطرات اللي تستخدمها لعينها..
ناصر/وبعدها بتعزمينا انتي على عشى؟
هيا/بالمكان اللي تختارونه مدام ابو علي موجود؟
ناصر/شوف النذلة بعزمكم وبعزمكم واخر شي جيب ابو علي موجود؟
هيا/ياسلالاااام!!انا اولا مااشتغل وبعدين انا بعدني على ذمته ومجبور يصرف عليّ لو شنو بغيت !!والله...
ناصر/بنات مايهمكم شي بالدنيا غير الصرف والتشري وسحب الفلوس يا..
هيا/يا شنو؟
ناصر بخوف/ياحلوين,,,,
نجود/عطيني واحد واحد من الخيارين,,,يااني اسويلك هلال باعلى صوت يااني اخذك بحضني؟؟؟
كانت جواهر واقفة قبال المرايا وهي لابسة فستان عرسها اللي اكتمل تقريبا وماباقي له غير اشياء بسيطة...
كان بدون اكمام وصخمة الصدر كلها تطريز كرستالات باليد وتنورته باللون الكريمي الستاني وفيها بعض التطريزات الصغيرة الجانبية,,,,,
وقفت تتاْمل نفسها ومن وراها نجود تناظرها,,,
جواهر بقلق/متاْكدة انه حلو؟
نجود بفرح/الا يجنن!!اللهم صلي على النبي,,,,
لفت لها جواهر واخذتها نجود بحضنها.......وماتدري ليش حست بالضعف وبكت...هي دموع فرح ولادموع زعل ولادموع دلع!!!المهم انها بكت...
نجود/ماراح تروحين لبعيد جنبنا ومابيقدر يبعدك ويفرقك عنا!!
جواهر بانفعال/مدري ليش حاسة اني ماراح البسه يانجود؟؟
نجود بزعل/لاتقولين كذا ياالغبية!!!
جواهر من بين دموعها/حاسة اني فعلا ماراح البسه ومابيشوفه بندر عليّ!!!
نجود/هذا لانك زعلانة منه ومتضايقة من موقفه معك البارحة؟؟بس صدقيني وهذا وجهي وانا اعرفك اكثر من نفسي بتروحين البيت وبتشوفينه قاعد في بيتكم على عادته يوم الخميس اذا تغذى معكم..وبيراضيك بشوية من هنا وبشوية من هنا وبترضين عنه!!!وبيزول كل الزعل ؟
جواهر/تتوقعين؟؟
نجود باصرار/الا متاْكدة؟؟علشان كذا سوي فيه حركة نذالة علشاني وخلنا نطلع نتغذى خل يحترق دمه من اللحين لين المغرب ويعرف انه اذا طنش انتي بعد مو موقفة حياتك عليه وعلشانه؟؟؟
في غرفة نجلاء...
فهد/كنت جايب لك شي البارح ماشفتينه؟
لفت له نجلاء اللي كانت قاعدة قبال المرايا/لي انا!!ماشفته؟
فهد/غريبة انا حطيته بمكان يفترض تشوفينه اول ماتقومين من نومك؟
قامت نجلاء علطول جنب فراشها تشوف وش ممكن يكون مفاجئها فيه...
نجلاء/فهد..ماكو شي..انت متاْكد انك حطيتها بيدك؟
فهد/أي...
نجلاء/أي بس ماكو شي؟
فهد/غريبة ..انا قاعد اشوفها قبالي مباشرة وانتي ماتشوفينه؟
لفت نجلاء مرة ثانية للكوميدين اللي جنب فراشها/فهد,,وينه مافي شي؟
تقرب فهد منها وشال الكتاب اللي كان على الكوميدين وعطاها اياه..
ناظرته باستخفاف وقالت/شنو هذا؟
فهد بصرامة/هدية,,
نجلاء قولبت في الكتاب وهي خايب املها../كتاب عاد!!!في احد يهدي كتب ياابو فيصل؟
فهد بصرامة/الكتاب عن حياة المراهقين وكيف يتعاملون معهم الاهل,,,ياليت تقرينه زين وتطبقينه داخل ها البيت!!
نجلاء/بيتي ماشي بالسليم انت بس اللي تكبر سوالف مالها معنى؟
فهد بصرامة/انا اكبر سوالف مالها معنى يانجلاء؟؟؟وحركات بنتك من وراك وطلعاتها بدون علمك هاذي مالها أي معنى عندك؟متى ان شااءالله بيكون لها معنى اذا صاعت مرة وحدة وفلتت من يدينا!!!!
نجلاء/....................
فهد/في خيار ثاني...اني اترك المكتب واجلس بالبيت اربي العيال وتطلعين انتي تشتغلين وتوفرين احتياجاتنا كلنا وساعتها يحق لك تقولين ها الكلمة لاني فعلا بدير بالي عليهم احسن منك؟
نجلاء تاْففت/..
فهد بصرامة/سمعي نجلاء....عطيتك فرص بمافيه الكفاية علشان تحافظين على ها البيت وكيانه...وانا اكثر واحد تضرر من كثر ماعطيتك فرص وسكت وضيعت عمري,,,لكن لا,,,صدقيني لا...اكثر من ها العذاب اللي انا عايشه ماراح اعيشه,,,ديري بالك على عيالك تراني فعلا قاعد ادور على حياة جديدة بعيدا عن ها البيت ومشاكله!!
فتحت عيونها على وسعها وماعلقت باي شي,,,,,,
بندر بعد ماسوى اللي في باله رجع البيت وصلى وتحمم وخلص له كم شغلة وتملل من كثر مادق على جواهر وهو مغلق...بس بالنهاية راح بيتهم لانه موعده معهم واكيد بيلقاها....وانصدم يوم قال له محمد انها راحت مع نجود لموعدها وللحين مارجعت ,,وخابت كل اماله,,يعني ماهي بالبيت واكيد ماراح ترجع!!!!!
وفعلا ظل اكثر من ساعة الا ربع وهو يسولف مع ابوها لين اتصلت هي بالبيت وقالت انها بتتغذى مع نجود لاينتظرونها ...وجته خيبة امل لانه عارف وش تعني ها الحركة بس ماحب يبين أي شي قدام اهلها وقال انها سواء كانت موجودة ولالالا فهو بيقعد يتغذى معهم عادي مثل كل اسبوع,,,,لين خلص من غذاه وطلع من بيتهم مقهور ومتضايق ومو عارف وين يروح؟؟؟
هنوف/شلونك اليوم؟
ناصر/الحمد الله بخير..
هنوف/وش قاعد تسوي بالحوش..
ناصر/امشي,,,
هنوف/ماصارت ذي ثلاثة ايام اللي ماسويت فيها رياضة؟
ناصر/مو لان جسمي تعود على الرياضة صاير بعد ها القعدة اللي قعدتها ثقيل وما ني قادر ارفعه..
هنوف بسخرية/مشاءالله!!اجي ارفعه عنك!!
ناصر/تفكريني اسخر يابنت!!
هنوف/هههه لاادري فيك تتكلم من جدك يابابا ناصر...
ناصر/انتي جاية وش تبين؟اكيد تسوين مقلب في احد مو هاذي عوايدك ياحظي؟؟
هنوف مسوية زعلانة/كنت جاية اسال عنك بس انت دايم كذا نيتك شينة؟
ناصر/هههههه لا اجل جاية تسالين عني!!ماتقصرين..الا وش الطاري صايرة حبوبة ها اليومين ومافي مقالب من هنا ومن هنا؟
هنوف/هذا رايك الشخصي فيني بس راعية مقالب وبس!!!
ناصر/ليش وش تنتظرين مني اقول اكثر من اللي شايفه بعيني!!
هنوف بزعل/طيب مقبولة منك ياشيخ ناصر؟
ناصر/هههههههه اقول ديري بالك ترى الامتحانات عقب اسبوعين بس...
هنوف/على امرك ياشيخ...
جواهر/خلاص الناس كلها قامت من المطعم مافضل غيرنا؟
نجود/وش فيها بالله اذا قعدنا عشر دقايق زيادة؟
جواهر/وش بنسوي عاد بها العشر دقايق يابنت السبيعي!!!!
نجود/يكونون المحلات فتحت ونقوم نقطع الشارع ونتسوق...
جواهر/لابالله!!!تبيني اقطع شارع الكورنيش برجلي!!!انا مو بايعة عمري خلني اتزوج بالاول وبعدها اقطعه ولايهمك؟
نجود/انتي للحين خوافة من قطع الشوارع !!
جواهر بخجل/يعني مو خوافة خوافة بس بعد لاتلقوا بايديكم الى التهلكة وخبرك ها الشارع مايوقف لحظة!!
نجود سوت حركة بفمها كانها ماصدقك!!!
جواهر/يالله نجود عفية انا محب اقعد بعد مااخلص اكلي كثير شبيقولون يعني مو قادرة ادفع الحساب وانتظر من يدفع عني!!
نجود/مشاءالله !!هذا اللي طلع معك؟ قومي يالله وامرنا لله خوب انتي بقطع الشارع يبيلك اللحين فوق النص ساعة وهذا اللي ماحسبنا حسابه!!
توهم ماسكين شنطهم بيقومون الا جوال نجود اللي كان على الطاولة دق....وكان فيه مسج من فهد..قرته بابتسامة وعطته لجواهر تقراْه وهي ابتسامة النصر مافارقت شفايفها,,(حبيبتي نجود ,,ممكن اكلمك انا ولهان على صوتك ومو عارف شسوي...بالموت قدرت اخذ رقمك من جوال منال وابي اسمع صوتك...سامحيني بس والله حقك محفوظ يالغالية)
جواهر /والله وجبتي راسه يانجود؟
نجود وهي تناظر بجوالها/وبعده ماذاق شي من تغلي نجود وزعلها!!الايام بينا وبيشوف؟
علي وبندر على البحر...
علي كان سرحان في عالم وبندر بعد سرحان بعالم ثاني وقطع الصمت اللي بينهم بندر,,,
بندر/فكرك بتسامحتني؟
علي/انت تتوقع ان لمياء بترضى نلتقي؟
بندر/طيب لو جبت لها سبب قوي يخليها تصدق وتقتنع بتصدقني؟
علي/متى تتوقع انها تتصل فيني!!
بندر/اخاف ماتصدقني حتى لو حلفت لها على القران اني ...اووف..شسوي؟
علي/ولاتتوقع انها بتنتظرني انا ادق عليها؟
بندر/الله ياخذها ها الدلع اللي باليتني بحياتي؟
علي/طيب تتوقع لودقيت لها بترد عليّ ولابتتركني فترة وبعدها بترد؟
بندر/انا ماابيها ؟؟والله ماابيها؟؟اصلا ماعدت اطيق اسمع صوتها؟
علي/انا محتار اكلمها ولاادز لها مسج؟
بندر/وابي اقطع كل شي بينا..بس السالفة مو بالسهولة اللي انتوا تتصورونها؟
علي/احس اني مشتاق لها كثير ....ولصوتها...
بندر/والله احب جواهر..بس لحظة ضعف صارت وفرقتنا عن بعض؟
علي/طيب هل تتوقع انها تتطلق لو طلبت منها ها الشي ولاتكمل معه!!انا بنتظرها العمر كله اذا تبي هي بس تطمني!!!
بندر/حسيت وانا معها البارحة بالغرفة ان الليلة بتكون ليلة زواجنا واني بدخل عليها وبنعيش احلى لحظات عمرنا مع بعض ..بس الله ياخذ وينتقم من اللي كانت السبب؟
علي/انا اخاف انها تقولي ماابيك وبكمل حياتي مع مشاري ؟؟ساعتها بتحطم صحيح..
بندر/برايك وش الشي اللي ممكن تصدقه جواهر وتقبله كعذر عن اللي صار البارح؟
علي/انا ماصدقت اشوفها علشان ترجع لي احلى الذكريات الحلوة اللي كانت بينا..معقولة ماتبيني خلاص؟
بندر/ابي شي يخليها تصدقني وعاجز مخي عن انه يفكر باقل شي....
علي/اذا على بنتها بحطها بعيوني وبتصير بنتي المدللة واللي ماينرفض لها طلب واذا هي خايفة ان زوجها مايخليها تاخذها بحط لها اكبر محامي بالبلد علشان يعطيها اياها؟
بندر/تصدق ..حتى هي كان عندها البارح كلام وتبي تقوله..ياليتني سمعته يمكن كنت اقدر اخذ منه شوي كجزء لحل مشكلتنا؟
علي/ياربي والله انعفست حالتي وحياتي من شفتها وصادفتها واخذت رقمها منها..ابي حل بسرعة ,,ابي افكر شبسوي,,,,
بندر/راسي بينفجر ومو قادر افكر باي شي ممكن يراضيها؟
ظلوا يناظرون في بعض وكل واحد فيهم محتاج من يجاوب على اسئلته اللي قاعدة تدور براسه ومحيرته,,,,
عبير/لاحول ولاقوة الا بالله العلي العظيم...انا لله وان اليه راجعون....خلاص معليش يمه انا بكلم علي واذا وافق بجي معك مايصير,,,,,,
هنوف/منو مات؟؟؟
عبير/زوجة رياض ولد خالي توفت قبل شوي..
هنوف باسى/يو....الله يرحمها....
عبير/الله يرحمها...
هنوف/شلون ولدها المسكين..
عبير/قولي رياض المسكين ..ولدها سالي ومايدري بللي يدور حوالينه بس رياض مايدري من وين يعدلها؟
هنوف/..........
عبير باسى وحزن/مافي شغالة متوافقة معهم وكل ماجابوا وحدة سوت لهم سالفة ومشكلة وراحت بدون رجعة..ومرة خالي تعبانة وصحتها ماتسمح لها تقوم وتقعد..وبنات خالي صغار مايعتمد عليهم...شبيسوي بس بها الولد وهو رجال ماله بها الشغلات؟
هنوف/البيت من دون الحرمة يصير قبر؟
عبير/الله يصبره ويكون بعونه ويقدره انه يكون ابو صالح...ويعطيه على قد نيته؟
هنوف/ان شاءالله....عبير بنروح احنا بعد؟
عبير/اكيد طالما انكم مابديتوا اختبارات لازم تروحون وتسوون الواجب لخالي لاتنسين انها يتيمة وانهم قايمين فيها من صغرها...الله يصبرهم ويبدلهم خير عنها....
وصلها المسج اكيد...بس ياترى هل قرته ولالسه؟
طيب لو قرته ليش ماردت؟؟
لانها نجود يافهد فماراح ترد عليك لو تقطعها مسجات من اللحين لبكرة؟
طيب يمكن يكون الرقم مو صحيح؟شفيك يافهد صار لك عشرين مرة تقول ها الجملة وترجع تفتح الجوال وتناظر بالرقم وتلاقيه مزبوط..علامك مو قادر تنتظر اكثر؟؟
لاني اشتقت لها ياقلبي..اشتقت لحنانها ,,لخوفها عليّ؟؟لدلعها ,,لحبها وغزلها العاري,,,لغيرتها,,,لشورها وهي جنبي وكانها نص مني عايش بجسد ثاني,,,
لتفكيرها اللي خلاني اناظر امور كثيرة بمنظار ثاني,,,لوقفاتها معي ,,,لاختيارها لي من بين كل ها العالم وانا اكبر منها بكثير؟؟؟
لكل شي اشتقت لك يانجود لكل شي؟؟بس ياترى ممكن تسامحيني وتصفحين عني وترديني لمكاني بقلبك!!!
ماابي شي صدقيني ماابي شي غير اني اكون بقلبك وارجع له مرة ثانية...ياعمر فهد انتي..ياروحه ونباضته...يامن خليتيه يحب الحياة لانك انتي فيها..يامن علمتيه طعم الحب والغرام بعد ماكان متناسيه,,,
نجود رحمي بحالي وانا رجال كبير ومافيني حييل على محاتاة زعلك وعنادك وصدك؟؟
عمري والله رضوتك عندي,,,وش مابغيتي بقول لك تم وحاضر ان شاءالله تبين موتي يكون بين يدينك,,,بس ارضي عني..عطيني فرصة اتكلم واتسامح منك واعتذر...
والله ها اليومين اللي انتي بعيدة عني فيهم صايرين مملين وكئيبين عني بدرجة ماتتصورينها ابدا!!!
احبك..........بس ابيك تصدقيني اني احبك...
وصلوا لشقتهم بالسلامة..
في السيارة,,,
مشاري/تبين اجيب لك شي تاكلينه؟
لمياء بتعب/لا...حاسة نفسي مصدعة وبحط راسي وبنام!!
مشاري باعتراض/بس مايصير انتي مااكلتي شي من امس يالمياء..كذا مو زين لصحتك؟
لمياء فتحت باب السايرة ونزلت بدون ماتعلق...
وظل يناظر بمكانها الخالي وفي مريم اللي قعدت مكانها..
مريم/الالعاب بابا؟
مشاري/أي العاب يابابا وامك منعفسة مادري شفيها؟
مريم*/.....
مشاري/مريم..
مريم/نعم..
مشاري/انتي مزعلة الماما؟
مريم/لا..
مشاري/معاندتها؟
مريم/لا..ولاحتى صارخت عليّ ولاطقتني؟
مشاري/طيب تتوقعين اني زعلتها بدون مااحس؟
مريم/يمكن..
مشاري/طيب ضايقتها بدون قصد مني!!
مريم/أي بابا...
مشاري/طيب شسويت..وليش ماهي راضية تقول لي؟؟
مريم/مدري...
مشاري/بابا مريم..انا خايف عليها كثير..ماابيها ترجع لها الحالة من جديد ابدا!!! يكفي البرود اللي شفته منها يوم صارت بها الوضع من قبل ؟
مريم/اااووووف ابي الالعاب؟
مشاري/اموت وادفع عمري واعرف وش اللي ممكن يخليها تكون كذا..والله حياتي فداها بس ترجع لي لمياء اللي مثل قبل؟
في زارا...
جواهر/هذا حلو...
نجود كانت شاردة بعيد ومو معها..
جواهر لفت لها/الو....عبريني صار لي ساعة اكلمك؟
نجود ولاهي معها..
جواهر سحبتها من يدها وانتبهت لها نجود..
نجود/قامت الحرب!!!!
جواهر/من زمان قايمة بس فهد مو معطيك مجال تفكرين بشي من اللي حواليك ابدا!!!
نجود تنهدت وسكتت..
جواهر/يعني ماخاب ظني كنتي سرحانة فيه حضرة جنابه؟
نجود بتردد/ارد عليه اذا اتصل؟
جواهر/لا..
نجود بترحم/ليه؟
جواهر/ليش تبين تردين عليه؟؟؟انتي عايشة بدونه ولازم يفهم انك عايشة بدونه وان حياتك ماهي متوقفة عنده!!
نجود بتردد/صح كلامك...بس فهد غير عن ها العالم!!
جواهر بشماتة/والله!!وش اللي يفرقه عن ها العالم بالله!!!
نجود/يعني..فهد كتوم ومايحب احد يعرف عن شي من اللي يدور في باله..ويظل شايل الضيق بصدره ومايتكلم....ماابي ازيد عليه هم فوق هم نجلاء وبناتها؟
جواهر/والله عاد نجلاء نقطة بحياته ماممكن يتجاوزها ابدا!!!وانتي مو مسؤلة عن حياته وهمومه؟؟قادر يشوف اللي قدامه ولاماهو قادر؟خلاص انتي مالك شغل فيه؟
نجود باستعطاف/حرام لاتصيرين انتي والزمن ضده!!
جواهر/اشوف كل القواعد تصير شواذا اذا قربت صوب ها الفهد؟لاباركت فيه ولافي ولد اخته اللي شغل لي بالي بالامس!!
نجود/شفتي شقد ها العالم تحب بطريقة مختلفة؟؟وانتي تبيني اتركه وماارد عليه؟
جواهر/والله عاد اذا انتي نجود اللي اعرفها واللي كرامتها فوق الحب وطوايفه مابتردين عليه بسهولة الا اذا تعلم وعرف هو من وانتي من؟
في مارينا مول وتحديدا بالمحل اللي يشتغل فيه عبدالعزيز كانت واقفة قباله وهي تبتسم ويدينها على الفستان اللي كانت حاطته بالمحاسبة وهو يناظر بالبنت اللي واقفة بعيد ويناظر بلبنى..
لبنى بهمس/علامك؟
عبدالعزيز رجع رفع عينه للبنت اللي بالمحل..
لبنى بضحكة/لاتخاف هاذي خويتي وانا جايبتها معي!!!
ابتسم لها براحة اللحين...
لبنى/احسن شي سويته انك اشتغلت بمحل في مجمع وملابس حريم يعني اشوفك بكل وقت بدون خوف ولاتردد؟
عبدالعزيز بتهديد/شكلي بغير المكان ولابقترح على صاحب المحل يغير البضاعة ويخليها ولادي ورجالي!!
لبنى/علشان دفنتك تكون على يدي؟
عبدالعزيز بهمس/ههههه
لبنى/ولااقولك مو مشكلة عادي بجي كل يوم اتشرى لابوي واخوي ماعندي مانع!!!
عبدالعزيز/بنكتب يافطة قدام المحل ممنوع دخول النساء...للرجال فقط؟
لبنى/البس ثوب وشماغ ماهي صعبة..
عبدالعزيز/يعني عندك حل لكل مشكلة؟
لبنى/طبعا وانا لبنى....
كانت عيونهم في بعض...وبدون ماتحس حط يده فوق يدينها اللي على الفستان بس هي سحبت يدها بسرعة وابتسم لها..
عبدالعزيز بهمس/خوفتك؟
لبنى/لاتسويها مرة ثانية؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك