رواية شرع ربي ولا اعتراض -83
ولاحاقرة يابنت الناس وماتبين تردين؟؟
ولامشاري شافه وسوا لك سالفة؟؟؟
ولا ولا ولا؟؟؟
انا عقلي خلاص ماعاد يحتمل يفكر في شي ابدا,,مالازم اوقف وانتظرها اكثر يكفي عمري اللي قاعد يمشي وانا مو قادر احدد شبسوي فيه...
لازم ارجع الح عليها واشوف وش نهايتها معها....يانرسي على بر ولا نفترق للابد واشوف حياتي مع عبير؟
رجع كتب لها مسج من جدي وارسله وظل ينتظر ردها حتى لو طول لانه حط في باله يظل مزعجها بالمسجات لين تلين وترد عليه!!!!
نجود/صوتك موعاجبني!!
فهد/شكلي انا اللي بمرض ,,,
نجود بلوم/من قعدتك قبال فيصل شكله نقل لك العدوى,,,
فهد/يبى اهم شي انه طاب ومافيه الا العافية,,,
نجود بغيرة/أي واحنا قلوبنا منكسرة ومالنا احد,,,
فهد/عارفة معزتك بس شسوي بدلعك انا كل دقيقة تبين تعرفين وتسمعين!!!
نجود/ليش مو من حقي!!
فهد/ليلة بكرة زواج ولد اخت نجلاء وبجد مالي خلق احضر,,حاس بتعب مو طبيعي؟
نجود بحنان/تعال لي اضمك بصدري واغطيك بحناني وادفيك واخليك تنسى العالم!!
ضلوا ساكتين وهي انحرجت منه لانه ماعلق بشي,,,
بعدها قال بتنهيدة حارة/ليلة السبت بتكون اول ليلة برمضان وبيجي ابو مصعب..
نجود بانكسار/جد!!الله يجيبه بالسلامة...
فهد قال بدون مقدمات/انا مقدر على حكيك,,يخليني اضيع وتضيع علومي!!!!علامنا كذا مو قادرين نخلص سالفتنا!!!
ماردت عليه وحس انه لازم يضاعف مجهوده علشان لاتقلبها زعل وهي اللي صايرة على طرف ومايبيلها شي..قال بحنان رغم تعبه /مااتخيل حياتي بدونك؟
سالتها بفضول/ليه!!!
تعبه ها المرة عطاه صدق بمشاعره وقال/لاني تعلقت فيك لحد الجنون؟؟؟
عبير دخلت البيت ولقته مكركب ومقلوب فوق تحت,,,
ناظرت فيه وكانها تناظر بساحة حرب بس بدون غنايم ولاخساير ولاسبايا!!!
تنهدت بتعب ,,يكفي انها جاية من هم وبتحط همها على هم زيادة خصوصا بعد تغير علي المفاجىء ها الفترة وماتدري ليش؟؟
تنهدت وحطت شنطتها على الكنبة وانتبهت لوجوده بالصالة وانه منسدح على الكنبة وعيونه مفتوحة يعني مو نايم!!
قالت بهدوء/علي....
لف لها وكانه مو مستغرب تواجدها في البيت باي وقت وماتكلم..
حست بالاحراج وكانها قطعت عليه وقته وتفكيره ترددت تمشي ولاتكلمه...
وقررت تتكلم,,
عبير/شصاير في البيت؟؟طاب علينا حرامي!!!
بدون نفس قال/لا...بس بيت مافيه حرمة وش تبينا يكون شكله؟؟؟
هذا ردك ياعلي!!!والله ماتوقعته ,,تضايقت حيل بس ماحبت تتكلم وكتمتها بقلبها وبعدها قالت بخوف..
عبير/علي انا طلبت منك الاذن قبل مااروح وانت وافقت..
علي بدون نفس/وانا وش قايل لك بالله!!
عبير بدموع/مدري بس كلامك كانه اتهام لي على تقصيري!!
علي بملل وتاْفف/اوووووووووووف انتي تحبين النكد!!خل اقوم اطلع ابرك لي!!!!
طلع وتركها واقفة بحسرتها ولاهي عارفة وش ذنبها ولا ليش هي تتعامل من قبله ها المعاملة السيئة بس كتمت بقلبها مثل العادة لين حست ان قلبها اوشك على الانفجار وانه مو قاوي يكتم أي شي زيادة!!!
هاجر/افتقدناك صراحة...
منال/تعودت عليك بالسوق ...
نجود/اهم شي تشريتوا؟
منال/اممم ولاشي,,,
نجود/ليه؟
هاجر/كنتي ناقصتنا اصلا وماطولنا حسينا المكان ممل بدونك,,
نجود/يابعد عمري بس تدرون ماقدرت اطلع اليوم كان لازم اسلم الاسئلة,,
هاجر/يالله الجايات اكثر ان شاءالله..
نجود بثقة/أي اكيد....منال..
منال/هلا..
نجود/تصدقين فيك شي متغير شنو مدري؟
منال/انتي اللي فيك؟
نجود/انا!!!
منال/أي ولاشرايك ياهاجر؟
هاجر/مدري بس مااحس فيها شي...
منال/طيب انا مافيني شي بعد!!!شفيني يانجود؟
بلى فيك.. حلاينة.. قالتها بخبث وكملت اكيد من تركي؟
اول ماانفجرت تبكي وفتح طرحتها وشافته وشافها حس بالجنون وان دموعها الغالية مالازم تنزل لااي سبب من الاسباب مهما كان...
تقرب منها وضمها لصدره بحنان رغم اعتراض لبنى في البداية بس يوم حضنها وحست بالامان قعدت تبكي وتبكي وتبكي على صدره...
عبدالعزيز بزعل/يعني بعد ها الدموع هاذي كلها ومصرة ان مافيك شي؟
لبنى من بين دموعها/حاسة نفسي مخنوقة وبس؟؟
عبدالعزيز/طيب وش الاسباب؟
لبنى بضعف/مدري...
ضمها بقوة اكبر وقال بتردد/فتحتي مع اهلك موضوعنا وقال ابوك لا..صح؟
وقف قلبها وقالت بسرعة/طبعا مو صح؟قلت لك عند بيت خالي عزاء متى بفتح الموضوع بالله!!!!
عبدالعزيز بخوف/اجل وش اللي مضايقك؟
لبمنى/مدري..بس يمكن لاني ...لاني احبك وخايفة اموت قبل لانصير لبعض؟
عبدالعزيز/وش ها الكلام ياقلبي...عسى يومي قبل يومك انش اءالله وعسى عيوني ماتبكيك....
لبنى بهمس وضعف/اقسم لي اني حتى لو ماكنت لك بتظل تحبني وتحبني وتحبني ومابتشيلني من بالك؟
عبدالعزيز بضعف/وليش ماراح تصيرين لي!!
حست انها وقعت نفسها بغلطة كبيرة وقالت باندفاع/انا اقول لو...وابي اعرف وش رايك وشنو بتقول...طمني بظل الوحيدة في فكرك؟
عبدالعزيز بحب/وماراح يسكن قلبي غيرك يااميرته,,,,
مصعب/تصدقي يمه محمد فيه شي متغير؟
ام مصعب/محمدولد خالك؟
مصعب/أي...
ام مصعب/ مااحس..
مصعب بتاْكيييد/ بلى ماكان راكد كذا اللحين حسيته تغير بكثير عن اول..
ام مصعب بسخرية/محمد بيظل محمد العابث بنظري ومحد بيغير فيه شي اصلا!!طايش من يوم يومه...ياليته كان ربع مشاري؟؟؟
اصلا مافي مقارنة بين مشاري ومحمد اخوه اللي يشوفهم ما يقول اخوان ابدا!!!
وين الركود والثقل والسمعة ووين الطيااشة والمراهقة والصياعة..بس الحظ شوف وين ودى مشاري واخذ منو وبتشوف بكرة محمد اذا مااخذ له بنت اكابر وعيلة وناس!!دنيا ماتعطي احد اللي يستاهله ابدا!!!
تعليقكم على البارت شنو
وش بيصير في البارت الجاي,,
**وش ها الاساليب القديمة ياحبي,,بزعل ومابنشوف بعض ومابنكلم بعض؟؟وش باقي بعد ماقلته؟؟
**اذا ماقلت لي منهي ها الوحدة اللي تبيني اقعد معها وليش بموت من القهر فتكلم بسرعة؟؟
**بدون مقدمات ..وش اللي قصدته البارحة بكلامك؟؟
**اي طلبك جاهز ماطلبت شي يالغالي....
منوريني باحلى بصمات يااحلى قارئات على قلبي ياعسى ربي يحفظكم قولوا امين,,, البارت الثالث والستين,,,,
مصعب/تصدقي يمه محمد فيه شي متغير؟
ام مصعب/محمدولد خالك؟
مصعب/أي...
ام مصعب/ مااحس..
مصعب بتاْكيييد/ بلى ماكان راكد كذا اللحين حسيته تغير بكثير عن اول..
ام مصعب بسخرية/محمد بيظل محمد العابث بنظري ومحد بيغير فيه شي اصلا!!طايش من يوم يومه...ياليته كان ربع مشاري؟؟؟
اصلا مافي مقارنة بين مشاري ومحمد اخوه اللي يشوفهم ما يقول اخوان ابدا!!!
وين الركود والثقل والسمعة ووين الطيااشة والمراهقة والصياعة..بس الحظ شوف وين ودى مشاري واخذ منو وبتشوف بكرة محمد اذا مااخذ له بنت اكابر وعيلة وناس!!دنيا ماتعطي احد اللي يستاهله ابدا!!!
كانت رايحة لفصلها وصادفت ملاك واقفة في بداية المجمع تنتظرها...
ملاك بتردد/ابلة ممكن اخذ من وقتك دقايق؟
تذكرت نجود سالفة ملاك بالامس بعد مانسيتها اصلا لان ملاك امس ماكلمتها ونست سالفتها ومافضت تفكر فيها..
نجود بهدوء/خير..
ملاك وعيونها بالارض/انا اسفة على اللي صار امس..
نجود/ليش شنو صار؟
رفعت ملاك راسها باستفسار لنجود اللي قالت بسرعة/موقف يصير لااي طالبة تحاول انها تبين ان علاقتها بها الابلة تتعدى الفصل صح ولالا؟
ملاك بتاْثر/انا ماكان قصدي ابدا ابين ها الشي صدقيني بس ..اسفة والله اسفة
نجود/انا ماني زعلانة انتي اللي زعلانة؟انا بس حبيت انبهك ان بالفصل الكل عندي سواسية ومااحب ارفع احد فوق احد؟
ملاك/طول امس وانا افكر فيك وابي اعتذر لك بس ماعطيتيني رقمك الجديد وماحبيت اجيك حسيت انك ممكن تطرديني؟
نجود بضحكة/هو فعلا لو جيتيني امس طردتك لاني كنت احط اسئلة الامتحانات!!
ملاك يوم شافت ضحكة نجود ضحكت هي بعد ومشت معها للفصل وقالت بمرح/ياليتني جيت يوم السالفة فيها اسئلة الامتحان؟؟؟
مريم/ماما ابي اكل شي لاني جوعانة
بتعب قالت/ طي بروحي وانا لاحقتك...
قالتها وهي تبي تصرف مريم عنها ولاهي ماراح تقوم من مكانها من لزقت فيه البارحة ,,,وهي مو عارفة شتسوي,,, المشكلة ان قبل نص ساعة رجع ارسل لها نفس المسج مع زيادة كم كلمة تهديد لاتطنشيني ترى انا ادلك اذا ماتبين نتكلم بالتلفون!!!
تنهدت بحرقة وهي تكتب كلمة وترجع تمسحها وحاسة انها مو قادرة تفكر بشي,,
شتقوله الحين...انا احب زوجي وماابيك,,خافت تكتب له كذا يقوم يهددها ويتعبها اكثر واكثر ,,رجعت مسحتها وكتبت غيرها..وش تبي؟
أي هذا الشي اللي المفروض تساله اياه..وش تبي مني!!!
جاها الحماس مرة وحدة وكتبتها وارسلتها وبعد ماتم التسليم تندمت...ياليتني والله ماارسلت لك شي ياعلي...خايفة اكون فتحت على نفسي ابواب جهنم ومابيسكرهم شي؟؟؟؟؟؟
ام بندر/أي وانت شقلت له
ابو بندر/شتبيني اقوله بعد,, انا رافض تتزوج الصغيرة قبل الكبيرة؟
ام بندر/بس انا مع اخوك سهل عليها علشان تتسهل على اختها,,, وش فيها بالله اذا راحت وحدة قبل الثانية؟
ابو بندر/انتي ماتخافين على بناتك لايطيحون بحظك!!
ام بندر/ اللي له نصيب راح ياخذه والظلم نظلم مضاوي علشان لبنى للحين ماراحت !!!وبعدين لبنى مشاءالله عليها ماقاصرها شي ابدا...والف من يتمناها؟
ابو بندر/المشكلة مو في الاف اللي يتمنونها...المشكلة في بنتك اللي مايعجبها أي شي؟
ام بندر/خلك من لبنى اللحين وفكر بمضاوي اذا ناصر واخوك يمدحونه بعد توكل على الله وشاور البنت ...
ابو بندر/يصير خير,,خلني اقتنع بالاول؟؟؟
الضهر في مطعم اوشيانا على الكورنيش...
عبدالعزيز/مافي مجال تتهربين من الاكل اللحين عاد!!
بهدوء وضعف رسمت ابتسامة على شفايفها وقالت/حبيبي صدقني مو مشتهية..
عبدالعزيز بتصميم/حبيبتي انا معك من الصباح وانتي مااكلتي ولاشي؟؟؟مايصير بزعل منك؟
لبنى/لاعمري لاتزعل..بس صدقني ماابي اذا اشتهيت باكل؟
عبدالعزيز/نغير المطعم ماهو عاجبك؟
لبنى باعتراض/لا حلو خلينا قاعدين ليش نقوم....
عبدالعزيز/أي بس مايصير انتي ماكلتي شي وبقعد الوم نفسي لاني خليتك على لحم بطنك من الصبح وطعتك وماخليتك تاكلين؟
لبنى/ماعليك انا اصلا ابي اسوي ريجيم هنوفوا تقول اني زايدة ولازم اخفف اكل؟
عبدالعزيز/اقول خل هنوفوا تروح باللي مايحفظها ان شاءالله!!!هاذي عمية اكيد..انتي زايدة؟شلون ياحظي؟
ابتسمت له وماعلقت وحط لها شوية استيك بالشوكة ورفعه لفمها وقال بهدوء/بعد لك لين الخمسة اذا مااكلتيه مابنكلم بعض خلاص وبزعل منك ومابتشوفيني بعدها...واحد,,اثنين,,ثلاثة..اربعة..اكلتها وهي تضحك..
وابتسم لها..
لبنى وهي تبتسم/وش ها الاساليب القديمة ياحبي!!بزعل ومابنشوف بعض؟؟ومابكلمك,,وش باقي ماقلته؟
عبدالعزيز/ههه قديمة قديمة بس لها تاءثير صح ولالا؟
لبنى/لا صراحة انا ما اكلت علشانها اكلت علشان الواحد لين الخمسة ههههه وحسيت اني بيبي..
عبدالعزيز/وانتي بيبي انتي شنو؟
ناظرت فيه وناظرها بحب وقال بفرح/شوفي شحليليك وانتي تضحكين,,يارب دوم ها الابتسامة منحرم منها؟
نجود/ماقلت لك ناصر يبي يخطب؟
بتعب قال/ تمام ومنهي العروس؟
نجود/وحدة من معارفنا..
فهد/قرابيكم ولامعارفكم؟
نجود/لا.. معارفنا بس انا قلت له ينتظر شوي علشان اشوفها واقعد معها اكثر..
فهد/ومن اللي عرضها ؟
نجود/امي كانت مشجعتها من مان.. وهو سْالني وقلت له انها مناسبة بس كم شغلة باخذ وبعطي معها فيها وبرد له خبر...
فهد/على طاري كم شغلة فيني اطلب منك طلب..
نجود/تامرني...
فهد/ابيك تلتقين مع وحدة وتسولفين معها,,
نجود بفضول/منهي؟
فهد/اسمها نوف..
نجود بفضول اكبر/وش تصير لك؟؟
فهد باستهزاء/ وش لقفك انتي!!!
نجود بغيرة/ حبيبتك!!
فهد يجاريها/ أي..
نجود مسوية انها مو غيرانة/ طيب..
سكتوا وبعدها قالت/ اذا ماقلت لي لشنوتبيني اقعد معها ومنهي هي اصلا!! بموت من القهر فتكلم بسرعة؟
ضحك بتعب وقال /هاذي سالم متعرف عليها ويبي يتزوجها عاد انا قلت مالي غيرك تشوفها اذا كانت تمشي الحال مع عياله لانه يبي يخليها بالبيت نفسه معهم ولا من ها البنات اللعوبين ؟
هنوف بغرفتها و كان عقلها منشل تماما عن التفكير ومو عارفة شنو ممكن يكون الشي اللي قصده ناصر بانه شي حلو وقريب بيصير؟
معقولة بيخطب؟
ماسمعت نورة قالت وهي اللي ماتخلي شي ماتقوله؟؟
شنو اجل؟؟؟
الله ياخذك ياناصر فيك طبع مو حلو تعلقني ولاترضي فضولي وتقولي شبيصير؟؟؟
اوووف شيصبرني انا اقعد انتظر عاد!!
رفعت جوالها ودقت على ناصر..
ناصر/هلا..مرحبا..
هنوف/وليش ها الاسراف بعد؟؟وحدة تكفي!!
ناصر/ههههه
هنوف/بدون مقدمات ..وش الشي اللي قصدته البارحة بكلامك؟
ناصر/أي شي؟
هنوف/انت موقلت انك تفكر بنفسك وان في شي بيصير عن قريب؟
ناصر ابتسم/أي..
هنوف/أي..
ناصر/وانتي الفضول ذابحك تبين تعرفين طبعا؟
هنوف باندفاع/طبعا!!
ناصر/موتي قهر مابتعرفين ههههههههههه
يوم الثلاثاء وصل بسرعة بالشرقية ونزلت نجود لهم بالليل مثل كل اسبوع
ناصر/اللحين شنو.. صار يوم الاربعاء اجازة رسمية للمدارس؟
نورة/ياليت؟
ناصر يكلم نجود/وليش انتي تنزلين من ليلة الاربعاء؟
نجود/لاني اقدم حصصي حق يوم الاربعاء واخذهم الثلاثا ومنسقة مع المديرة وماعندها أي مشكلة بس شكلها الاسبوع الجاي مافيه؟؟
نورة/ليكون من عيون ناصر!!
ناصر بحسرة/ مسكين ياناصر ها العيون الكحيلة اللي مذوبة البنات ويقولون حسود؟
ابو علي دخل عليهم/ السلام عليكم,,
وعليكم السلام والرحمة...
نجود حبت راسه/شلونك يبى..
ابوعلي/هلا...شلونك انتي..بخير..
نجود/الحمد الله اهم شي انت طمنا على صحتك؟
ابوعلي/شوفي..مو كل ماشفتيني سالتيني عن صحتي!!ترى عال العال مافيني الا العافية؟؟
نورة وناصر/هههههه
نجود /خلاص مدام مافيك الا العافية تزوج انت وولدك بليلة؟
ابوعلي/على يدك يابنيتي شوفي لي بنت حلال تداريني ..
نجود/أي لا..طلبك جاهز ماطلبت شي يالغالي..
ناصر/ههه يالله لاتدخلينها براسه؟
ابوعلي/انت اسكت يالله!!يانتزوج انا وانت يامالك زواج بدوني!!
ناصر ونجود/ههههه
نورة باستهبال/من صدقك يبى بتعرس...يمه....يمه...يمه تعالي ابوي عرس!!!!
على فراشها كانت منبطحة وسماعة الجوال باذنها وتسمع صوته المحبب لقلبها ومغمضة عيونها وهي تتخيل كل اللي دار بينهم طول اللامس وهم يتهامسون مع بعض...
بدلع وبدون مقدمات قالت/ يليتني ازعل واتضايق كل يوم علشان اشوفك كذا!! جاها صوته الحنون يقول وهو يضحك/ياطماعة!!
لبنى/طماعة طماعة مو مهم..اهم شي شوفتك اللي تسوى الدنيا ومافيها بعيوني؟
عبدالعزيز بهمس/تحبيني؟
لبنى بنفس الهمس/اكيد..
عبدالعزيز/وبترضين وتقتنعين بظروفي المادية الصعبة؟
تنهدت وقالت وهي عارفة شنو مصيرها/لو كنت بالشارع مافرقت عندي بظل معك ياعبدالعزيز؟وانت تعرف ها الشي,,,,
عبدالعزيز بهمس/ودي اشوفك كل يوم.. ودي نقضي كل يوم كذا..من الصباح لين العصر واحنا مع بعض؟
لبنى ذكرته وهي تضحك/ويجي نهاية الشهر الراتب كله مخصوم علشان غيابك حضرة جنابك؟؟
عبدالعزيز/مو مهم..مدام بنقعد بالشارع انا وانتي وجنب بعض مايهم..
لبنى/تصدق...الامس حسيت اني كنت غلطانة بحسبان مشاعري ناحيتك؟
عبدالعزيز/ليه؟
لبنى بحب/لاني اكتشفت اني احبك اكثر مما كنت اتوقع!!!
هو اللي تنهد ها المرة وقال بخوف/ماابيك تروحين مني يالبنى..ماتدرين وش قد كانت كبيرة عندي ضحكتك يوم ضحكتي بعد ها الدموع اللي عذبتني!!!
لبنى بحب/انت اغلى شي بحياتي...انت كنزي وثروتي ياحبيبي وتاْكد اني مستحيل افرط فيك؟
نجود بخوف/ترى من جد صوتك رايح فيها يا فهد...رحت للمستشفى
فهد/لا..انتي ماقلتيلي روح؟
نجود بنرفزة/وانت طفل علشان الواحد يقولك روح المستشفى !!لازم تروح؟
فهد/احس ان راسي بينفجر يانجود تعبان موت ...
نجود /الله يغربل بليسك يافصيل,,, انت طلعت منها وقطيت المرض على حبيب قلبي!! المشكلة اني موجنبك ولا كان علمتك كيف ..
فهد بتعب/نجود باخذ لي حبة بندول وبريح وبكلمك بعدين طيب..
نجود/انتبه على نفسك..ولاتتحرك خلي الشغالة تسوي لك اللي تبيه...طيب...واذا ماقدرت تكلم عطني مسج حتى لو فاضي وانا بتصل فيك اتطمن عليك لاني ماابي ازعجك اخاف تكون نمت ولا ارتخيت...
فهد/طيب ...
نجود/ماتشوف شر ياقلبي....
اول ماسكرت ناظرتها جواهر وقامت تقلدها /المشكلة اني مو جنبك!!وشدعوة اذا كنتي جنبه شبتسوين؟
نجود بخبث/يكفي اخذه بحضني وادفيه بصدري بيطيب ومابيجيه شر بعدها ابدا!!
جواهر غمزت بعينها/فهيدان علمك ها الاشياء صح؟
نجود بقوة وغرور/اسمه الاستاذ فهد...
جواهر/والله مايلوق نجود تحب فهد !!!دنيا بنلاقي فيها العجايب؟
اول مانزل بندرليلة الخميس علطول لغرفة جواهر وهو عارف انها بتكون بنتظاره في بيتهم مثل كل اسبوع علشان يقعدون مع بعض هو وامه وخواته وهي طبعا معهم
ترك لها الشي اللي يبيه وطلع لبيتهم وسلم عليهم طبيعي وقعد معهم...
ام بندر/وحشتني يمه..
بندر ابتسم لها/وانتي اكثر؟
هنوف /بجد فلم مصري!!ولاشرايك جواهر هانم؟
جواهر بسخرية/لا انا احسه هندي هههههه
بندر/غيرانين !!!
هنوف/منو اللي غيران!!اذا مرتك أي اما انا فلا ؟
ابم بندر/انتي بس لو تفكينا من حنتك شوي كان احنا بخير...
بندر/أي والله...الا شلون خالي يمه؟
ام بندر تنهدت/الله يكون بعونهم ويصبرهم يمه..انا شبيدي اسوي..المكان بعيد ومقدر كل يوم اترك بيتي واروح هناك....
جواهر/الله كريم ياخالتي...ماعمره نسى عبيده ..
ام بندر/ونعم بالله يابنيتي..حنا كلنا نتاْمل رحمة اللي ماتنام عينه ونرتجيها...
هنوف/اوووف قلبوا الام وزوجة ولدها مسلسل ديني؟
بندر/فاضية هنوف حدها؟
جواهر/احقرها حبيبي ماعليك منها تبي تنرفزك بس!!!
هنوف شهقت/اه اه اه من اللحين تعلمينه يحقرنا بالله!!!هذا بكرة اذا اخذك وش بتقولين له؟
جواهر بنحاسة/بقوله لاتزورهم انا مااحبهم وهم مايحبوني وانت اختار؟
هنوف بهبالة سالت بندر/وانت شنو ب تختار؟
ناظروا ام بندر وبندر وجواهر في بعض..وقال بندر/فيوزاتها ضاربة على الاخير؟؟؟يمه مابتعشونا ترى ميتين جوع؟؟؟
تركي/خلاص بديتي تتهيئين للسالفة ترى بعد ليلتين بيدخل شهر الله وبيعدي بسرعة؟
منال/وليس تخوفني كذا!!!
ضحك لها/انا مااخوفك بس اذكرك؟
تنهدت بقوة وقالت/حاسة باالعجز وباني مو قادرة اتخذ خطوة وحدة قدام ..كل مااحس ان الوقت قرب يزداد خوفي اكثر..
كان قاعد قبالها وترك مكانه وجلس جنبها وحوطها بذراعه وقال بهمس/خايفة مني ولامن الوضع كله؟
منال بثقة/لا طبعا من الوضع!!
تركي/انا معك...انا جنبك...بكون سندك وبتكونين عوني..مو كذا اتفقنا!
منال/أي..
تركي/طيب وليش ها الخوف بعد!
منال /مو بيدي..لازم اخاف....سنة كاملة بفارقهم وبنعيش انا وانت وبس...ادعي ان امورنا تمشي وكل شي يكون تمام..
تركي/انا عندي ثقة كبيرة فيك وفي عقلك يامنال....
منال/صحيح..
ترك/أي...حاس انك بتقدرين على تحمل المسؤلية...
منال تنهدت/الله كريم....ان شاءالله اني مااخيب ظنك ياتركي واكون قد المسؤلية فعلا ...
دخلت غرفتها بعد سهرة حلوة قضتها مع بندر وامه وخواته وبعدها قامت بيتهم بعد ماوصلها بنرد لباب بيتهم برجله وتمنى لها ليلة سعيدة ودخلت..
راحت غرفتها مباشرة وفتحت الباب..
توها بتشغل النور الا النور كان شغال اصلا....
مو كله بس على الاقل جزء بسيط منه...وتحديدا على فراشها...
تقدمت ببطء وشافت فيه علبة حمرة على شكل قلب محطوطة على حامل مخملي اسود وحوالين العلبة شموع حمرة صغيرة وهي اللي كانت عاطية المكان اضاءة بسيطة ,,
تقربت اكثر من الفراش وقعدت على طرفه وشغلت الابجورة اللي جنب سريرها واخذت العلبة وفتحتها....
اول مافتحتها كانت صورة من صور خطوبتهم بوجهها وهي وبندر شبه حاضنين بعض..شالتها وابتسمت..كان كاتب وراها..(عمري مابنسى ها اليوم وها اللحظة الحلوة اللي جمعتنا وشبكتنا لبعض)
ابتسمت لكلماته وحطت الصورة على جنب وشالت العلبة اللي داخل...
كانت علبة مجوهرات بحر الالماس وفتحتها وكان فيها دبلة الماس جديدة وفوقها كرت صغير بتوقيعه(مع حبي) ابتسمت وشالت الثوب اللي تحتها..هو بالواقع ماكان
ثوب ..كان قميص نوم ستاني طويل باللون الكريمي...مزموم بجهة الصدر ويوسع من بعد الخصر بخيوط ضعيفة مرة...
ومعطره بعطره هو.. وحاط لها دبوس من فوق وكاتب لها فيه(متى بتلبسينه علشان اشوفك فيه)
ابتسمت وفتحت شنطتها وطلعت جوالها ودقت على بندر اللي حاول يخفي ضحكته بس هي كانت عارفة انه يضحك..
قالت بصوت حزين/بندر..مادريت شو صار اليوم؟
بندر/وش اللي صار؟
جواهر كملت/في حرامي دخل بيتنا!!!
بندر مسوي متفاعل مع الموضوع وهو بيموت عليها/لا!!بشري عن الاضرار؟
جواهر تنهدت/شقولك..ترك البيت ومافيه ومادخل غير غرفتي!!
بندر كمل/اخذ شي..سرق شي من اغراضك؟
جواهر بدلع/أي...
بندر/وش سرق؟
جواهر بحب وهيام/سرق قلبي بافعاله!!!!وبجنونه....احبه...قوله اني احبه يابندر....امانة,,لازم توصلها له..
بندر بنفس الحب/ليش انا اعرف الحرامي!!!
جواهر/تعرفه زين......وقوله تقولك حبيبتك....انها تموت بدونك وبدون حبك...وان اللي عطيتها اياه اليوم احلى هدية وصلتها من زمان,,,,
صباح يوم الخميس,,,,
كانت نجود تمشي الصباح بالحديقة مثل عادتها كل اسبوع وصادفت علي طالع من شقته وهو فرحان ويضحك..
تقربت منه وهو وقف يوم شافها...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك