بارت جديد

رواية شرع ربي ولا اعتراض -84

رواية شرع ربي ولا اعتراض - غرام

رواية شرع ربي ولا اعتراض -84

نجود/يالله صباح خير,,,ان شاءالله دوم ها الابتسامة ومع الكل؟قالتها بتشديد بس هو ماشال بخاطره وقال بفرح/أي والله اني فرحان!!
نجود/عسى ماشر..طمنا..خل نفرح معك...مترقي بالوظيفة ولامرتك حامل..ولا ربحان بالاسهم ولاشاري ارض ومتوفق فيها ..ولا شنو بالضبط؟
كانت عبير بها اللحظة واقفة عند مدخل شقتهم وتسمعهم والباب مفتوح بعده ماسكره علي...
كانت تنظف المدخل وشايلة الشمعدانات الزجاج اللي فيه علشان تمسحهم,,,
علي/لا هذا ولاهذا ولااي شي من اللي قلتيه؟
نجود/أي...وش سر ها الابتسامة اجل؟
علي بفرح/بشوفها؟
نجود بتشكيك/منهي اللي بتشوفها؟
وقف قلب عبير وضمت الشمعدانات لصدرها...
علي بفرح/لمياء ومن غيرها...
نجود باحتقار/وين بتشوفها؟
علي/اتفقت انا وياها بنلتقي اليوم بمطعم وبتجي وب...
قاطعته نجود/انت اصلا واحد ماعندك ضمير وماتحس؟؟؟انت متاْكد انك عاقل ياعلي!!انا عن نفسي بديت اشك فيك بصراحة؟؟؟انت مو صاحي بتهدم بيتك وبيتها ليش؟؟؟
علي/محد له شغل فيني..
نجود بحدة/بلى...انت طايش ومو مسؤل عن تصرفاتك ابدا؟؟؟ماتقولي بالله كيف بتواجه عبيربعد ماتشوف لمياء!!وباي عذر بتعتذر لها؟
علي بذهول/وليش بعتذر لها عاد!!!
نجود/..............
علي كمل/حياتي ومحد له شغل فيني..يكفي انها غلطة وقفت بنص حياتي وانفرضت عليّ!!!!
نجود/علي..
قاطعها علي/لاتتدخلين يا نجود؟اصلا انا غلطت يوم قلت لك؟
نجود باحتقار واشمئزاز/بعمري ماصادفت بمثل حقراتك ووساختك ياولد ابوي!!!!وش تنتظر من عبير ماتقولي؟
علي بلامبالاة/ولاشي....اصلا هي ماتعنيلي أي شي وانا كنت متحملنها علشان ابوي وعمي وبس!!!
قطعهم عن كلامهم صوت تكسر شي.لفوا اثنينهم لمصدر الصوت ولقوا عبير متسندة على الجدار اللي وراها وهي شبه طايحة ومن حوالينها الزجاج متناثر بكل جهة,,,,
ودموعها مثل الشلال بوجهها,,,,,
علي وعبير وشنو بيكون موقفها منه بعد اللي سمعته وهو شنو راح يسوي؟
**طيب,,هيء نفسك وتجهز للشي اللي بتسمعه,,,
**شبتسوي نجود لفهد وهو تعبان وهل معقولة بتتركه بتعبه كذا ,,
اشياء كثيرة بنتظاركم في البارت الجاي,,,


البارت الرابع والستين


صباح يوم الخميس,,,,
كانت نجود تمشي الصباح بالحديقة مثل عادتها كل اسبوع وصادفت علي طالع من شقته وهو فرحان ويضحك..
تقربت منه وهو وقف يوم شافها...
نجود/يالله صباح خير,,,ان شاءالله دوم ها الابتسامة ومع الكل؟قالتها بتشديد بس هو ماشال بخاطره وقال بفرح/أي والله اني فرحان!!
نجود/عسى ماشر..طمنا..خل نفرح معك...مترقي بالوظيفة ولامرتك حامل..ولا ربحان بالاسهم ولاشاري ارض ومتوفق فيها ..ولا شنو بالضبط؟
كانت عبير بها اللحظة واقفة عند مدخل شقتهم وتسمعهم والباب مفتوح بعده ماسكره علي...
كانت تنظف المدخل وشايلة الشمعدانات الزجاج اللي فيه علشان تمسحهم,,,
علي/لا هذا ولاهذا ولااي شي من اللي قلتيه؟
نجود/أي...وش سر ها الابتسامة اجل؟
علي بفرح/بشوفها؟
نجود بتشكيك/منهي اللي بتشوفها؟
وقف قلب عبير وضمت الشمعدانات لصدرها...
علي بفرح/لمياء ومن غيرها...
نجود باحتقار/وين بتشوفها؟
علي/اتفقت انا وياها بنلتقي اليوم بمطعم وبتجي وب...
قاطعته نجود/انت اصلا واحد ماعندك ضمير وماتحس؟؟؟انت متاْكد انك عاقل ياعلي!!انا عن نفسي بديت اشك فيك بصراحة؟؟؟انت مو صاحي بتهدم بيتك وبيتها ليش؟؟؟
علي/محد له شغل فيني..
نجود بحدة/بلى...انت طايش ومو مسؤل عن تصرفاتك ابدا؟؟؟ماتقولي بالله كيف بتواجه عبيربعد ماتشوف لمياء!!وباي عذر بتعتذر لها؟
علي بذهول/وليش بعتذر لها عاد!!!
نجود/..............
علي كمل/حياتي ومحد له شغل فيني..يكفي انها غلطة وقفت بنص حياتي وانفرضت عليّ!!!!
نجود/علي..
قاطعها علي/لاتتدخلين يا نجود؟اصلا انا غلطت يوم قلت لك؟
نجود باحتقار واشمئزاز/بعمري ماصادفت بمثل حقراتك ووساختك ياولد ابوي!!!!وش تنتظر من عبير ماتقولي؟
علي بلامبالاة/ولاشي....اصلا هي ماتعنيلي أي شي وانا كنت متحملنها علشان ابوي وعمي وبس!!!
قطعهم عن كلامهم صوت تكسر شي.لفوا اثنينهم لمصدر الصوت ولقوا عبير متسندة على الجدار اللي وراها وهي شبه طايحة ومن حوالينها الزجاج متناثر بكل جهة,,,,
ودموعها مثل الشلال بوجهها,,,,,
فيصل/بابا وينه؟
نجلاء بعصبية/لاتكلمني عن شي يافيصل..بعدين ابوك شكله مريض...روح اقعد مع الشغالة خلها تحط لك شي تاكله انا بالمجلس مع الكوافيرة ,,
فيصل/ليش العرس اللحين ولاالليل؟
نجلاء/عندي شغلات كثيرة بسويها وابي اخذ راحتي....
فيصل/اوووف بروح لااحمد..
نجلاء/ماهو هنا ابوهم وصل البارح وراحوا شقتهم...
فيصل/خلي السايق يوصلني لهم؟
نجلاء/لا...
فيصل/طيب وديني عند مريم؟
نجلاء/مريم راحت الشرقية لابيت جدها تزورهم؟
فيصل بعصبية/وانا شسوي؟
نجلاء/روح وقل لخواتك يلعبون معك لاني مابخلي الكوافيرة تشتغل فيهم اللحين...
محمد/صباح الخير..
فوزية بنعس/صباح النور..
محمد/عندك عرس وللحين نايمة؟
فوزية/ليش كم الساعة؟
محمد/تسع ونص؟
فوزية/اوووف لسه بدري ليه مصحيني ها الوقت عاد!!
محمد/ياسلاااام ومتى بتقومين يعني؟
فوزية بنعس/يعني مو قبل الوحدة ونص ولاالثنتين؟
محمد/يامبرد اعصابك؟؟؟
فوزية/حمود حبيبي...الكوافيرة متفقين معها تجينا الساعة ثلاث ونص...وانت مصحيني من تسع ونص ليش عاد!!!
محمد/وانا بالله شدراني؟؟قلت اكيد عندك حوسة واشوف اذا تبين شي؟
فوزية بحنان/يابعد عمري...عساني منحرم من حنانك ابد قول امين..
محمد/لا خلاص زعلت..
فوزية بخبث/يبيلي اشوفك الليلة علشان اراضيك...
محمد بفرح/اشوف عرفتي دواي اللحين؟
فوزية/من عاشر القوم ....واللحين اقلب خلني اريح الليلة سهرتي صباحي اخ محمد اكلمك بعدين باي,,,
ماتمنت نجود تشوفها بها الموقف بس الشي صار ولازم تدافع عن نفسها
توها نجود بتتكلم الا عبير اشرت لها بيدها تسكت وماتكمل وقالت من بين دموعها/انا عارفة انك مو راضية عن السالفة وماتبين ها الشي يصير بس السالفة بيني وبين علي !!
احترمت نجود وجهة نظر عبير وانسحبت وتركتهم بروحهم هي وعلي اللي كان يناظرها وهو حايس مسحت دموعها وقالت بهدوء مايناسب الحال اللي هي فيه/يمكن صار الوقت اللي لازم تطلقني فيه,,,
بلامبالاة قالها/ أي,,,
عبير/ انتظرها منك ياعلي...
علي/لاتخافين ماراح اتركك تنتظرين كثير...انتي طالق!!!
قالها ومشى وكانه رمى ورقة باْرض وماانتظر يسمع صوتها لانه عارف انها بتكون بدون صوت!!!!!
قعدت وهي حاضنة هديته بصدرها وابتسمت...
قبل لاتتحرك من مكانها رفعت الجوال تكلمه ..
بندر بنعس/حرام عليك اليوم اجازة بعد ليش تخربين نومي!!
جواهر بنعس وزعل/هذا واللي مو قادرة تكتم بصدرها اكثر وقالت تصارحك؟
بندر باهتمام رغم نعسه/وش تصارحني فيه!!
جواهر مسوية زعلانة/لا خلاص..خليها بقلبي احسن؟
بندر باصرار/لا قولي انا اسمعك....
جواهر/ماله داعي..
بندر/قولي لابسوي فلم هندي وبنط من نافذتي لنافذتك وبقتحم غرفتك وبعرف غصبا عليك؟
جواهر/متاْكد تبي تعرف..
بندر/أي..
جواهر/طيب هيىء نفسك لللشي اللي بقوله..
بندر /خلاص تهياْت قولي انا اسمعك...
سكتت جواهر ثواني وبعدها قالت بحب/احبك ....ماقدرت اصحى من النوم وهي فيني ومااقولها....
كان صوته رايح فيها من كثر الزكام والتهاب حنجرته اللي غير صوته بالمرة وقال اذا سمعت صوتك اطيب ويوم تقفلين يرجع لي التعب؟
نجود بحسرة وخوف/حبيبي طيب وين نجلاء عنك؟
فهد بتنهيدة/مع الكوافيرة اليوم عرس ولد اختها ولانسيتي!!!
نجود/اووف,,قلعته العرس بللي فيه اهم شي انت وسلامتك؟ طيب والحل؟مافير غير اني ارد الرياض اليوم؟
فهد/مايحتاج... انا عندك بالدمام؟
فتحت عيونها على وسعها مو مصدقة كلامه...وقالت بتشكيك/متاْكد انك بالدمام؟
فهد بتعب/أي....
نجود بدون نقاش/وينك فيه؟
فهد/اللحين....جنب الشيراتون...
نجود بامر/خذ طريقك على مستشفى المواساة خوب تدله؟
فهد/لا
نجود/بلى تدله..جنب المغربي اللي سويت فيه عمليتي؟
فهد/أي..طيب ليش..
نجود/روح وهذا انا جاية لك...ماتسكت عن نفسك اكثر..شوف كيف التعب ذابحك وانت جاي لي مشوار من الرياض للدمام ومو مهتم...اقل من ربع ساعة وبكون عندك يالله......
علي بالسيارة,,,,
علي بعصبية/شلون يعني مو جاية؟؟؟انتي مو قلتي ان مشاري عنده عرس بالرياض ومانزل معك؟
لمياء بهمس/أي...بس مريم تعبانة وانا معها بالمستشفى وبنيموها الليلة بطولها ومقدر اتركها؟
علي/اووووف...وش فيها بعد!!
لمياء/نزلة معوية...
علي بهدوء/ماتشوف شر....طيب انتي باي مستشفى؟
لمياء/المانع...
علي/انا جاي لك..
لمياء/لا الله يخليك..اخوي واختي معي مايصير تجي..
علي/طيب بس بتطمن عليها من بعيد لبعيد...
لمياء/علي..الله يخليك انا ماابي احد يشك فيني..لو سمحت؟
علي/طيب...بس تطيب ولاتطلع عطيني خبر؟
سكر ورمى الجوال بقوة وهو متنرفز,,وش ها الحظ الاقشر؟؟؟يوم زوجها مانزل وقررت تشوفني ونتفاهم تمرض بنتها!!عاد هذا وقته يالمياء؟؟؟
بقسم الاسعاف بمستشفى المواساة...
نجود/انت وينك؟
فهد/بالغرفة الثانية على يدك اليسار..
نجود/مو شايفتك....اي بس,,خلاص,,,,
قعدت جنبه وهي بعدها تكلمه....
والتقوا عيونهم في بعض...وسكرت جوالها...
بهمس قالت/دخلت ولالسه؟
فهد/سؤال غبي ويرفع الضغط؟مو كنتي تكلميني طول الطريق وعارفة اني مادخلت؟؟ليش تسالين؟
نجود تنهدت وقالت/بس كذا....
نادوا على اسمه وقام وقامت معه ودخلت معه...لين خلص من كل شي وطلعوا من المستشفى...
فهد/نجود..
نجود/خلاص..ولاكلمة..وش قال لك الدكتور..التزم الراحة....
فهد/طيب خليني اتكلم...
نجود بامر/ولانص كلمة....بوجهك اللحين على أي فندق..وين بتنزل؟
فهد/وليش الفندق؟
نجود/مافي سواقة وانت تعبان سامعني!!واذا كلش كلش انا بسوق عنك؟
فهد/هذا اللي قاصر؟
نجود/معناته اسمع الكلام وتخلي سيارتك هنا وتركب معي للشيراتون تروح تتغذى وتاخذ ادويتك وتريح وانا المغرب بجيك...
فهد/نجود..
نجود/بسوي لك عشى بيدي وبجيبه.....
فهد/ماله داعي..
نجود/ماراح اقدر ظل معك اكثر..شوفة عينك كم اتصال جاني من امي..هي اساسا حايسة اليوم عندها جمعة حريم...بس اهم شي ترتاح سامعني امانة عليك..يالله تعال نركب...
فهد/هذا سايقكم؟
نجود/لا هذا سايق بيت الهاجري....يالله تعال....
ام ناصر بعصبية/ياربي على ها البنية؟مدري وين هاجة طالعة من البيت من الصبح؟
ناصر/وانتي وش تبين فيها؟
ام ناصر/قايلة لها عندي حريم بيجون الليلة وابيك تساعديني بالشغل تركت كل شي وراها وطلعت,,
ناصر/لاتعصبين اللحين بتجي وبتخلص لك كل شي,,
ام ناصر/انا كنت بدق على عبير بس شكلها كانت طالعة وانا رايحة الحديقة شفتها لابسة عبايتها وطالعة,,,
ناصر/مع علي؟
ام ناصر/ماشفته معها بس يمكن يكون موقف سيارته برى البيت وينتظرها لان سيارته ماكانت داخل,,,ناصر...شلونك مع اخوك يمه؟
ناصر تنهد/ماتغيرنا,,صار حالنا اسوا يايمه,,
ام ناصر بحنية/ماعليه يايمه..هذا مهما كان اخوك الكبير ولازم تتحمله علشان ابوك,,,الله يهديه ان شاءالله ويرجع لنا علي الاولي اللي مامنه الا كل خير ,,
كان بيعلق على كلامها ويقول ان ماعمره شاف من علي خير اصلا حتى قبل لايتزوج عبير بس فضل السكوت وقام لغرفته يرتاح,,,,
عبدالعزيز/لبنى...
لبنى/لبيه..
عبدالعزيز/لبيتي بمنى ان شاءالله...
لبنى/معك حبيبي ,,,,قول امين..
عبدالعزيز/امين..
لبنى/امرني...
عبدالعزيز/مايامرون عليك الا غوالي على قلبك...بس كان ودي افتح معك موضوع ومنحرج منك؟
لبنى بزعل/ليه كذا!! انت عارف ان مابيني وبينك أي حاجز ونتقبل من بعض كل شي؟
عبدالعزيز/تتقبلين كلامي وتاخذينه بسعة صدر..
لبنى/طبعا...
عبدالعزيز بتردد/كنت بسالك....وش الفرق بين عباية الكتف وعباية الراس؟
لبنى بتعجب/مافهمت؟
عبدالعزيز/يعني انتي ليش تلبسين كتف ماتلبسين راس؟عباية الراس ماتستر مثلا!!!ولا شسالفتها بالضبط؟
لبنى/مالها سالفة...
عبدالعزيز/طيب انتي ليه تلبسين كتف وماتلبسين راس؟
لبنى/مافي سبب محدد...من كبرت ولبست عباية لبست الكتف...وكذا كل اهلي هاذي لبستهم ...بس مافي شي محدد اقوله لك؟
عبدالعزيز/يعني انتي مقتنعة فيها؟
لبنى/وشنو اللي يخليني مااقتنع بالله!!
عبدالعزيز/طيب وماتبدلينها بعباية الراْس ؟
لبنى بتردد/مدري..انا مالبستها ولامرة بس محس انها مثل الكتف ..
عبدالعزيز/في شنو يعني؟
لبنى/احس الكتف عملية اكثر من عباية الراس ,,,هي يمكن ماتكون بالضبط بس هذا احساسي,,,
عبدالعزيز/طيب امك وش تلبس عباية راس ولاكتف؟
لبنى/قلت لك كل اهلي هاذي لبستهم,,,,
عبدالعزيز بتردد/تبين رايي ولامايلزمك؟
لبنى/شلون مايلزمني؟؟طبعا ابي اسمع وش تقول؟
عبدالعزيز/انا ماتعجبني عباية الكتف؟وافضل ان بمجرد نرتبط تلبسين عباية راس..اذا ماعندك مانع...
لبنى/وليش ماتعجبك؟
عبدالعزيز/احسها تخصر الجسم وتلفت النظر غصب؟
لبنى/هذا في حال كانت ضيقة..بس لمى تكون واسعة وفضفاضة لا..تكون استر حتى من عباية الراس؟
عبدالعزيز/مدري...مااحس اني مقتنع فيها ابدا؟
لبنى/خلاص اذا بس هذا مزعلك نشيل الكتف ونحط راٍْس ومن اليوم بعد ولاتزعل حبيب قلبي؟
عبدالعزيز/يعني انتي ماعندك مانع تلبسين عباية راْس؟
لبنى/يكفي انك طلبتها مني بكل ذوق ياذوق,,,وليش يعني ارفض...ماهي مسالة عناد..السالفة ارتياح وبس..اذا انت تحس اني بمجرد امشي معك بكون ملفتة علشان عبايتي فماتلزمني ضيقتك وانت جنبي انا ابيك مرتاح ومبسوط حبيبي..
عبدالعزيز/يابعد عمري انتي...مدري ليش كل مايمر يوم يزيد حبك بقلبي عمر,,,
جته رسالة من عبير وهو بالطريق ومااهتم لها بس يوم دخل البيت ولقاه فاضي وحتى الزجاج اللي تكسر عند الباب ماشالته استغرب,,,ورجع قرأْ الرسالة مرة ثانية..(انا طمعانة بكرمك ياولد عمي,,,ممكن تخدمني خدمة ماانساها لك العمر كله وماتقول لااحد عن طلاقنا اللحين على الاقل؟انا تركت لك البيت بس لاتخبر اهلي ولااهلك اللحين لين نفكر وش بنقول لهم,,وبكون شاكرة لك من كل قلبي)
تفاجاْ من حركتها اللي ماتوقعها ابدا!!تركت البيت ومشت؟؟
طيب وين ممكن تكون راحت اذا ماراحت بيت اهلها؟؟عبير ماعندها احد لاصديقات ولابنات خالة ولاهم يحزنون؟وين ممكن تبقى بعد ماطلعت من البيت ؟؟؟
صدق حيرتيني ياعبير.....
رفع جواله بيكلمها علشان يقول لها رجعي البيت وخلينا نتفاهم بس لقاه مغلق..بالبداية حس بخوف عليها خصوصا انها للحين بحالة نفسية سيئة وها الشي ممكن يسبب لها الخطر ويكون هو محور اتهامات وتساؤلات؟بس بعدين طنش السالفة كلها ببرود اعصاب وقال هي طلعت بكيفها وشورها ومااحد جبرها تطلع,,خلها تنقلع بلللي مايحفظها...
دخل واخذ له حمام سريع ولبس وكشخ وعلى دربه للمستشفى يتطمن على لمياء وبنتها ويلازمهم وماكلف على نفسه حتى يلم الزجاج المتناثر وكانه مايعنيه ولاحط في باله انه ممكن يجرحه بمرة من المرات مثل ماهو جرح بنت عمه؟؟؟
دخلت البيت وهي بعدها تكلمه..
نجود/خلاص وصلت البيت بعدين بدق طيب..
فهد/لا انا مو موافق انك تسكرين؟
نجود/أي بس اللحين بيصير سوء فهم بسيط بيني وبين الوالدة ,,
مامداها تتكلم الا وام ناصر شبت بوجهها..
ام ناصر/حمد الله على السلامة يابعد عيني!!!وين كنتي بالله!!!مو قايلة لك بترك عليك شغل المطبخ اليوم؟وراك طلعتي وماساعدتيني؟يالله شيلي عبايتك وبوجهك على المطبخ ترى ماعندي وقت,.,,يالله امشي...قدامي..
طبعا نجود كانت بعدها حاطة سماعة الجوال باذنها وماسكرت من فهد...ومشت امها للمطبخ,,,
نجود/ها سمعت الزفة الحلوة؟
فهد/بسيطة توقعتها اكبر من كذا!!
نجود/ياسلااااام!!بس تدري..انت تمون وشوفتك تسوى كل زفات العالم عندي,,
فهد تنهد بارتياح بس سالها بقلق/في شي بها العالم ممكن يزعلك مني ويخليك تقطعين صوتك عني وماتكلميني!!!
نجود بخوف/شي مثل شنو يافهد؟
فهد/لاتشغلين بالك انا الظاهر من المرض قمت اهلوس ومدري شقول,,,يالله روحي للوالدة ساعديها لاتجيك اصابات من هنا وهنا ابيك تدخلين عليّ سالمة؟
نجود/طيب علشانك بس ولاانا مقدر افارق ها الصوت اللي يدوخني,,
فهد/بظل منتظرك اول ماتخلصين اللي بيدك كلميني طيب..
نجود/هاذي مافيها شك حبيب قلبي!!
في بيت الهاجري,,,,
ابو محمد/طيب ووين ناويين تسافرون ان شاءالله؟
بندر/والله وين ماتبي العروس الحلوة بنروح؟
محمد/لاتغازل اختي وانا قاعد؟
بندر/ياسلاااام!!!!اقول خلاص هذي صارت لي بموجب عقد بيني وبينها وبشهود ابوك ياحظي!!!وبعدين انا شقلت بالله عليك؟؟
محمد/قلت حلوة؟
بندر/وانا كذبت بالله!!!هي حلوة الا مو بس حلوة ملكة جمال العالم,,
محمد/زين مابتحشمني احشم ابوي؟؟
ابو محمد/هههههههههههههههههه أي وانت الصادق ياولدي يامحمد..
بندر/ها عمي بتقلب عليّ انت بعد وبتصير مع ولدك؟
محمد/لازم يصير معي انا ولده مثل منت ولد ابوك؟
بندر بغاها من الله وقام وقف وهو اصلا من زمان يبي يقوم /اجل مدام انت وولدك ضدي اروح لحبيبة قلبي واخليكم,,يالله بالاذن؟
محمد باعتراض/لامايصير..
مشى بندر وهو يضحك وراح لها المطبخ وماكانت امها موجودة وهي قاعدة تجهز صينية الشاي..ويوم شافته ابتسمت/هلا وغلا...
بندر غمز لها بعيونه وابتسمت له..
بندر بهمس/احبك..
جواهر وهي عيونها صوب الباب/طيب وبعدين؟
بندر بنفس الهمس/قربي علشان اثبت لك؟؟؟
جواهر /حبيبي بعدين..
بندر باعتراض/اللحين؟
جواهر/حبيبي بس ابوي يبي الشاي بروح اطلعه له طيب...
بندر/معناته بسبقك على غرفتك؟
جواهر باعتراض وهي تبتسم/الله يستر,,
بندر بخبث/من شنو؟
جواهر/من انتظارك لي!!!!بروحها هديتك البارحة سوت فيني خبر وانت بعيد كيف اللحين وانت تنتظر؟بتروح علومي كلها؟
بندر/ههههههههههه
بعد صلاة المغرب ..
في القصيم,,,,,
ابو رياض/علامك ياعبير يابنيتي؟
مسحت دمعتها وهي حاضنة محمد وقالت بهدوء /طلقني وانا ماابي ابوي يعرف خلني هنا ياخالي لين اشوف شسوي الله يخليك؟؟
ابو رياض بذهول/شنو يعني طلقك؟
عبير بغصة/هذا اللي كان المفروض يصير من زمان!!!
ابو رياض/لاحول ولاقوة الا بالله العلي العظيم,,,,طيب ليش؟؟شالاسباب اللي خلته يطلقك اللحين وبدون مقدمات؟
عبير واسم لمياء في بالها حضنت محمد بقوة وقامت تبكي بهدوء...رغم الجرح اللي هي حاسته وكابتته بصدرها..بس شتقول..تركني علشانها...والله انها تجرح وتموت بعد!!
ابو رياض بحنان/عبير..عبير يابنتي انا اكلمك رفعي راسك؟
رفعت راسها وعيونها غرقانة بالدموع....وتقرب خالها ومسحهم بهدوء وقال لها بحنان/هو الخسران ياعبير,,انتي الف واحد يتمناك ويتمنى قربك ويتمنى انك تكونين زوجته وتكملين معه دربه..بس منتي مكتوبة له يابنتي...بيجيه يوم بيعرف انه فرط فيك يااغلى الدانات,,,,
عبير بجرح ماقدرت تداريه/خالي تكفى لاتقول لاامي ولاابوي ولااي احد..ماابيهم يعرفون..
ابو رياض/بيعرفون ياعبير بيعرفون..اذا مو اليوم بكرة واذا مو بكرة اللي بعده,,انتي لمتى بتظلين مختفية عنهم عاد؟؟؟وبعدين انتي وش يضمنك ان علي مايقول لهم؟؟؟
رفعت راسها بصدمة وخوف من ردة فعل ابوها لو عرف من علي انها تطلقت وانها طلعت من البيت!!!!!
نجود/حبيبي.
فهد بتعب/هلا..
نجود/وينك انت؟
فهد بعيارة/بالرياض؟
نجود بصدمة/وين؟؟؟
فهد كمل/باالرياض...ليش تسالين؟
نجود بنرفزة حاولت تكتمها/متى رجعت وكيف؟
فهد/طيب انتي وراك تسالين؟
نجود بخيبة امل/انا مو قايلة لك اني بجيك المغرب و....اوووف..كيف رجعت الرياض ومتى وشلون؟
فهد/يبى انا باالخبر...
نجود/فهد؟؟وينك اللحين لاتلعب باعصابي!!
فهد/قلت لك بالخبر...بمنتجع الهوليدي ان..
نجود/وليش قلت لي انك رجعت الرياض؟
فهد/وش كنتي بتسوووين لو رجعت الرياض؟
نجود/بجي وراك طبعا وانا اقدر اتركك وانت تعبان!!
فهد بصدق وبراْة/جد؟؟ماتتركيني وانا تعبان؟
نجود/حبيبي..اخذت دواك؟
فهد/لا...
نجود باعتراض/ليه؟
فهد بتنهيدة/لو انتي جنبي ماعطيتيني اياه بيدك؟
نجود/لاتخاف جايتك وبعطيك اياه بيدي!!فهد..
فهد/شنو؟
نجود بحب وحنان/انا مااتخيل حياتي بدونك حبيبي...
فهد/ولاانا بعد...لو كنت استغني عنك ماجيتك هنا برجلي وانا تعبان وغرضي بس تغرقيني بحنانك وتخففين عني تعبي!!
نجود باصرار/مو بس تعبك اللي بيخف يافهد..صدقني بغير لك كل حياتك وبتشوف.
فكري ياهنوف كيف ممكن تشوفين ناصر؟
شوفته صايرة قليلة مايمديني اشوفه ...شلون ياهنوف شلون..
تقدرين تشوفينه ويشوفك باستمرار وبدون مايحس انك قاصدة ها الشي؟
ايوه ..لقد وجدتها,,,
لبست عبايتها بسرعة وراحت بيت عمها..
هنوف/مرحبا بنات.....
هيا ونورة/هلا,,
هنوف/وين عمي؟


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -