رواية شرع ربي ولا اعتراض -90
احتاست وماعرفت شلون تقوم تكلمه خصوصا ان عبير قاعدة مانامت وشاغلة حالها وهي ترتب باغراض نجود....
حطت البطانية فوق راسها وهي مقهورة بس ماعرفت تكلمه احتمال عبير تنتبه لها ولاتشك فيها وهي ماتبي احد يعرف عنها شي..
دزت له مسج(شقالت لك)
رد عليها(عيرتني بالشيب وهو وقار...ليتها عيرتني بماهو عار)
ردت عليها(وعيالك)
فهد/(لاتخافين كل الامور تمام,,عليك تاخذين لي موعد من ابوك بكرة اذا نزلتي وبجيه يوم الخميس)
نجود دق قلبها بقوة...السالفة صارت جدية خلاص....وقربت....بتكون لفهد وفهد بيكون لها....وبتتغير حياتها نهائيا....
ياترى هل هي فعلا قد انها تكون زوجته وتكون واقفة بوجه كل عيلته علشانه؟؟؟
ماراح تكون حياتها سهلة ابدا من جانب نجلاء وبتكون بينهم اكيد خلافات كثيرة,,,,اللحين بدا الشك يساورها ويلعب الشيطان براسها علشان تنسحب,,,,,
غمضت عيونها وتنهدت بالقوة علشان تفكر بالسالفة بعمق اكبر لانها بتكون جدية ومافيها أي لعب وتهرب!!!!
عيونه ماغمضت له جفن من وقت مضى,,,,
كل تفكيره لذاك اليوم اللي طلع فيه من ديوانية ابوه ولقى وحدة قدامه وقالت له احبك..ومن كثر ماهي تهمسهها ماقدر حتى يميز صوتها,,,
ياترى منهي ذي ياناصر....
اكيد وحدة من بنات خالي ولابنات خالتي لانهم كانوا موجودين,,,بس منهي ياربي منهي,,,,
طيب شسوي اكمل سالفة الخطوبة واقول لهم توكلوا ولاانتظر,,,طيب انتظر شنو بالضبط؟؟انتظر وحدة تجي مرة ثانية وتقولي احبك؟؟؟؟
اوووف.....وش اللي قاعد يصير بس مو فاهم,,,,ودي لو اعرف منهي وارتاح.....
طيب واذا عرفتها بكنسل سالفة الخطوبة وبروح اخطبها لمجرد اني سمعتها تقولي احبك!!!
ياربي انا راسي بينفجر من كثر ماافكر ماعندي غير ام ناصر مدري ام يوسف مدري وش قالت اسم ولدها بكرة لانزلت من الرياض اقعد معها واسولف لها عن السالفة واخذ شورها,,,بس اخاف بكرة يكونون مشغولين بسالفة عبير وماتفضى لي!!!
يالله ان شاءالله الامور تتيسر...وكل شي يكون بخير,,,,
قام من مكانه بالحديقة وكان بيطلع ولفت انتباهه صوت يبكي من جهة بيت عمه ووقف مكانه,,
ياترى منهي اللي تبكي وليش قاعدة تبكي برة؟؟؟
ام رائد/ملاك علامك يمه ماخلصتي مذاكرة الامتحان؟
ملاك بشرود/بلى خلصت من زمان...
ام رائد/وليش قاعدة للحين مدامك خلصتي؟
ملاك بضيق/افكر...
ام رائد/غريبة اليوم مخلصة بدري وامس الى روحتك المدرسة وانتي الكتاب مافارقك؟
ملاك/امس كانت المادة نحو يعني ابلة نجود يعني الاجابات لازم تكون على قد حبي لها اليوم مو مهم...
ام رائد/بالعكس المفروض ان درجاتك واجابتك كلها تبين لنجود انك مهتمة بالدراسة حييل بمجرد انك عرفتيها,,.....
ملاك بتردد/يمه انا خايفة,,
ام رائد/من شنو يمه,,,
ملاك/قالت لي انها مسوية لي مفاجاءة او بالاحرى في موضوع بتتكلم معي فيه بمجرد تنتهي الاختبارات,,
ام رائد/طب وين المشكلة؟
ملاك/وش تتوقعين انها تعرف عني علشان تكلمني فيه يمه..
ام رائد/ملاك....يمه...
ملاك بضيق اكبر/اذا ابلة نجود عرفت شي عن الموضوع انا بنتحر طيب...لاتقولين ماقلت لك؟؟؟
ام رائد بخوف/استهدي بالله...يعني هي ابلتك وممكن انها تكلمك باي موضوع,,نسيت يوم تكلمك عن البنات اللي تقعدين معهم بالمدرسة وعن طلعاتك وروحاتك ...
ملاك/مدري حاسة ها المرة غير,,,حاسة كنها عارفة شي عن الموضوع خصوصا وهي مصرة انها تزورك بالمركز,,,
ام رائد تحاول تغير الموضوع/انتي اصلا من كثر ماتفكرين بها السالفة محسسة نفسك بها الشي وقاعدة توهمين نفسك..قومي بس نامي وراك بكرة امتحان ياعيوني,,,,
بكرة بيروح يتاْجر له شقة مفروشة بدل قعدة الفندق اللي كسرته وضيقت خلقه,,,
مايدري ليش حس بالوحدة بين جدران الفندق لااهل ولااصحاب ولااي كان يسال عنه ماغير اتصالات امه له كل شوي تطمن عليه,,,,
وين اصحابه؟؟؟توه اللحين يسال نفسه عن الاصحاب وينهم,,,اللحين بس ذكر ان ماعنده اصحاب بمعنى كلمة اصحاب وكل اللي بينهم طلعات وروحات وجيات ولاوقت الشدة ماكانت علاقتهم قوية في بعض وحتى بندر ماهو جنبه يشكيه الحال بعد ماطرده ابوه من البيت,,يمكن علي ماكانت فلوس قاصرته بس ناقصه بها الوقت انيس وصاحب يفضفض عنه,,,,
طيب وين الاهل..وين عيال خاله وعيال خالته واخوانه؟؟؟اخوانه,,,,مايدري ليش تذكر ناصر ومر على باله,,,,,ساعات يحس ان ناصر صدق بيساعده ويبي يتقرب منه وساعات يحسه يبي يسوي نفسه عليه شخصية وينفخ ريشه ويثبت انه الافضل..لكن لا..انا ماراح اعطيه مجال ابدا لاهو ولاابوه انهم يتشمتون فيني,,بكرة بتزوج لمياء وبعيش حياتي سعيد بالطول وبالعرض ومايهمني احد فيهم ابدا,,,,,
ناصر بتردد/احم احم..يااهل البيت...
رفعت هنوف راسها يوم شافت ناصر واقف قريب منهم وعاطيهم ضهره..وقالت بصوت باكي/حياك ياولد عمي ماكو احد..
لف لها بسرعة بعد ماعرف انها هي اللي قاعدة تبكي,,,,
ناصر بخوف/هنوف علامك يابنية ليش تبكين؟
هنوف ناظرت بعيونه مباشرة وقالت بحزن/عبير تطلقت,,,
ناصر باسى/كلنا ندري عن ها الشي,,
هنوف قاطعته بسرعة/بس اللي انت ماتدري عنه ان ابوي مايبيها تدخل البيت مرة ثانية!!!وين بتروح ياناصر قولي؟؟ومايبينا نشوفها ولايبيها تشوفنا,,يعني بيحرمنا من بعض.....وكل السبب اخوك الكريم؟
ناصر/وش ها الكلام ياهنوف....مايقدر عمي ابدا انه يحرمكم منها ولايحرمها منكم وابو علي موجود..وبعدين شنو هاذي وين تروح...هذا بيتها يابنت عمي..هنا بيخليها ابو علي معززة مكرمة...واشر بيده على بيتهم,,,
هنوف/ولايبيها حتى تحضر عرس مضاوي...
ناصر/الافضل لها انها ماتحضر..
هنوف/ناصر انت شتقول؟
ناصر/هي نفسيتها تعبانة والعرس بيتم بوجودها وبدونه..وبعدين هي بتظل مع مضاوي طول الوقت لين تروح القاعة وين المشكلة لو ماحضرت اذا كانت هي حاسة انها ماتبي تحضر..
هنوف/هي قالت انها ماتبي تحضر؟
ناصر/لاماقالت بس انا اتوقع انها ماتبي لاتنسين توه الشي صاير ويبيلها تتاْقلم شوي على الجو؟
هنوف بعصبية/كله من اخوك ها الزفت..انا اكرهه ..انا عمري ماكرهت احد مثل ماكرهته ياناصر؟
ناصر/تعوذي من ابليس يابنت عمي....انتي ماتدرين وش اللي صار بينهم..
هنوف/مايبيلها دراية وفهامة ..كلنا عارفين علي وعارفين اطباعه اللي محد بالعالم يتحملها؟
ناصر/انا مااقولك حطي بذمتك بس احنا فعلا ماندري وش اللي صاير يمكن اللي بينهم اكبر من علي واطباعه ياالهنوف ومايصير نظلمهم وهم مايبون يتكلمون,,,,,الله يسهل على الكل ان شاءالله واللحين يالله قومي نامي علشان بكرة بتستقبلينها هي ونجود وماوصيك سوي لهم احلى فطور,,,,يالله قومي تصبحين على خير,,,
دايما كلامه وشوفته يخففون عنها وعن اللي فيها..مسحت دموعها وهي مقتنعة بكلام ناصر حتى لو ماسمعته ولادرت هو شنو قال..يكفي انه عطاها من وقته وكلمها...اه بس لو يدري اني قلت له احبك....ياترى يفكر فيها ولا ناسيها؟
اليوم الثاني....
نزلوا اهل الرياض الشرقية والكل كان يبي يشوف عبير ويتطمن عليها وكانت نجود عاطيتها الف وصية قبل لاتبكين لاتحسسينهم بضعفك..بيني لهم انك قوية وانك مو مهتمة له وان هو الخسران,,,,,
ابوعلي /عبير تعالي يبى ابي اتكلم معك لين يجهز فطورنا..
نجود/ها..بو علي وين راحت نجود؟
ابو علي/كاهي قدامي يعني وين راحت؟
نجود/ترى عندي لك سالفة مهمة وابي اسمع رايك ..استعجل بالفصحى مع عبير..
ابو علي/على امرك عمتي نجود ..في طلبات ثانية؟
نجود/لاتفضلوا...
قامت عبير مع عمها المجلس وظلت نجود مع ناصر بالصالة بعد ماقاموا الباقيين يكملون الفطور,,,
ناصر/هلا بالحلا كله...
نجود/لاتغازلني لاتفطر؟
ناصر/ههه مشاءالله..اللي يغازلك يفطر..
نجود بثقة/طبعا ولانسيت اني سكر على بطنه؟
ناصر/لاهاذي قوية يانجود اذا انتي سكر على بطنه انا شنو اطلع بالله؟
نجود باحتقار/وش تبي تطلع بالله!!!!
ناصر/مدري..اللي يصير شيره ولا عسل ولا أي شي حلو...
نجود/ماعلينا وش بغيت بكل الحلا؟
ناصر/مشكلتك فاهمتني يابنت الغوالي؟
نجود/مو بس انت اللي فاهمتك,,انا فاهمة الكل ياناصر..
ناصر/بدينا غرور..
نجود/حاجتك عندي يعني مالك مفر مني؟
ناصر/في سالفة صارت لي قبل فترة وابي اخذ شورك فيها...
نجود/خير..
ناصر/خليها موضوع السهرة اللحين كل شوي وبيقطع علينا احد جونا وانا ابي ناخذ راحتنا..
نجود/خلاص...يصير خير..
ناصر/الا انتي وش تبين من ابوي؟
ترددت تقوله ولاماتقوله بس بالنهاية قالت له/في معرس جاي لي وابي اخذ منه موعد؟
بالمجلس..
ابو علي/عبير..
عبير بهدوء/نعم عمي...
ابو علي/يايبى..انا ماابيك تزعلين نفسك وتضيقين خلقك على اللي صار...
عبير بشوية ثقة من بعد وصايا نجود/عمي هذا شرع الله..وانا وعلي من زمان مو متفقين يعني السالفة كانت ممكن تصير امس ولااللي قبله ولاباي يوم من الايام....
ابو علي بزعل/انا متحسف يابنيتي اني ضيعت عمرك معه..
عبير/يمكن ياعمي انت ضيعت عمر علي مو عمري انا....انا مو متحسفة هذا نصيبي والله كاتبه لي ..صدقني مو زعلانة..قالتها وحست بغصة وسكتت..
ابو علي/انا مدري وش فيه ها الولد قلب مليون درجة علينا..انا مو ابوه اللي جبته وربيته وكبرته...وش قصرت فيه عليه ياعبير علشان يكون بوجهي دايما...
عبير تنهدت بقوة وهي تذكر لمياء/عمي....لو سمحت لاتطلب مني شي اكبر مني وفوق طاقتي...كل شي يخص علي مالي حق اتكلم فيه ولاابي اصلا اتكلم فيه...ماابي احد يسالني عن أي شي يكفيني اللي فيني...
ابوعلي/انا معك ياعبير وبظل معك يابنيتي وصدقيني بيجيك يوم بيصونك اللي يستاهلك ياعبير..
عبير بحسرة/ماابي ها اليوم يجي..اصلا ماابي اظل تحت ظل رجال ويعذبني مثل علي ياعمي...انا شفت نصيبي مرة وكفاني......
ابوعلي/لايابعبير بعدك بنية وبعز شبابك وبنفرح فيك.....وعلي بيجيه يوم بيدري انه ضيعك من يده,,,
عبير بحزن/عمي..ابوي مايبني اروح بيتنا...
ابو علي بحنية/ليش هذا مو بيتك ياعبير يابنتي....تقومين اللحين تختارين الغرفة اللي تبينه ان شاءالله لو غرفتي وتروحين تفرشينها وتاْثثينها على كيفك....وش تبين بعد..بتظلين عند عمك معززة مكرمة الا اذا انتي مو عادتني ابوك الثاني ياعبير..
عبير بحزن/يشهد الله انك الغالي...بس انا ابي اقعد مع امي وخواتي....
ابوعلي/هو يمكن متضايق علشانك بس ان شااءلله اذا نزل بندر الليلة بخليه يكلمه لاني ماابي ادخل بالنص....
عبير بشرود/بندر...مااظن ياعمي....مااظن...
في بيت الفارس,,,,,
كانوا قاعدين على السفرة والمكان كله هدوء...حتى لمى وسارة وفيصل كانوا حاسين بالنار اللي شابة في امهم....وفي نظراتها وتصرفاتها وشايفين الا مبالاة والا اهتمام من ابوهم,,,,
قطع فيصل الصمت مرة وحدة وقال ببراْة/بابا وينها خالتي اللي بتتزوجها ليش ماجبتها نشوفها؟
صارت نظرات نجلاء بين العيال وبين فهد اللي ماعلق بشي..
وسارة لكزت فيصل علشان يسكت
فيصل/أي ليش ضربتيني؟يبى شوفها ضربتني؟
فهد/سارة..
سارة/هو مايحترم السفرة ..المفروض مايتكلم واحنا ناكل صح بابا؟
فهد اكتفى بانه يناظرهم وميطنش نظرات نجلاء اللي شوي وتطلع النيران منها...
واللي ماقدرت تمسك حالها اكثر وانفجرت بقوة وعصبية/مشاءالله!!!يعني حتى انتوا عارفين انه بيتزوج؟؟؟
فيصل/أي بابا قال لنا...ليش ماقال لك؟
نجلاء/حلو حلو...والله وقمت تشاور عيالك يافهد؟
فهد يبيها من الله يعصب ويقلب/مليون مرة قايل لك انا هنا اسمي بو فيصل؟
نجلاء وبعصبية/مايهمني شسمك..يهمني ها اللي براسك يطيح؟
فهد بتحدي/واذا ماطاح وتم شبيصير يعني؟
نجلاء/زين انا اعرف شسوي,,,
قالتها وقامت من السفرة وهي بحالة عصبية,,,,
لمى بخوف/بابا..
فهد بشدة/كملوا فطوركم يالله...
فيصل/انا ماابي مو حلو اكلكم بروح افطر في بيت عمي.....
نفس الهدوء اللي كان حاصل بسفرة فهد وعياله بالبداية كان حاصل في بيت بو بندر...
كل نظراتهم كانت في بعض وهم عارفين ان عبير وصلت مع نجود وانهم في بيت بو علي...
بو بندر بشدة/عسى ماشر ليش ماتتسممون معي ؟ولا متفقين على ذبحي باكلكم وانتوا بتطلعون منها؟
تنهدت ام بندر ومدت يدها للاكل وهي مالها نفس ومثلها سوت مضاوي وهنوف...
بو بندر/وانتي ياملكة زمانك...
لبنى/يبى..
بو بندر/خير....قاصرك فلوس لزواج اختك؟
لبنى/لا....
بو بندر/شتبين اجل؟
لبنى بتردد/عبير مابتقعد هنا؟
بو بندر بعصبية/اللي بتطري اسمها مرة ثانية بتلحقها برى ها البيت؟
تمنوا ثنتينهم هي وهنف يطرون اسمها علشان يطلعون بس هم عارفين انهم مابيطلعون بس بياخذون لهم هوشة طول بعرض ومابيستفيدون بشي..ففضلوا يسكتون,,
بو بندر وهو يكلم مضاوي/المرة اذا طلعت من بيت ابوها مالها الا بيت زوجها تقعد معه على الحلوة وعلى المرة..فاهمتني...مو تسوين سوات اختك ...ترى هي خسارنة مو غيرها..وش بتستفيد بالله اذا قعدت علة اللحين على عمها؟وهو مابيقعد يستقبل كل يوم وحدة....يعني لزمي بيتك ولاتخطين خطاها سامعتني!!
مضاوي بخوف/ان شاءالله...
بو بندر/أي خليك عاقلة بلاجنون اختك...يكفي ها الثانية قاعدة على قلبي وللحين ماجاها نصيبها ومحد يبيها خلاص مدام انك اصغر منها وتزوجتي قبلها؟
ماتدري لبنى ساعتها تبكي ولاتفرح ولاشنو يكون موقفها بالضبط,,,
تنهدت بقوة وهي تناظر بالاكل وحاسة نفسها شي مثل مايكون علة او عار قاعد على قلب ابوها....شسوي ياربي اللي يبني وانا ابيه انت ماتبيه يبى,,,تبي تعطيني واحد مابيه ومااحبه تحملني اجل,,,,لين تغير انت رايك ولا يختار رب العالمين شيصير لنا,,,,
رحاب/كلمت الكوافيرة اكدت عليها....
لمياء/وانا مريت الثوب وبعد ليلتين بيوصل...
منال/انتي مارحتي لااهلك الليلة؟
لمياء/لا..
رحاب/غريبة خليتوا فطور الشرقية؟
لمياء/اساسا هم طالعين البحرين بيفطرون هناك واستثقلنا اناو مشاري نروح...ماهو طاير الاسبوع الجاي بنشوفهم..
رحاب/أي بس عندك الاسبوع الجاي بس....واللي بعده بنكون مزحومين وبنحتاجك وبعده بيكون العيد والعرس...
لمياء/مافي مشكلة..الا صدق...هو بو فيصل بيتزوج؟
رحاب/أي....
لمياء/وانا مفكرة مشاري يلعب بعقلي.....
منال/لا صدق....بس للحين مو راضي يقول منهي اللي بيتزوجها....بيخليها مفاجاْة,,,,
لمياء/ونجلاء عرفت وسكتت؟
رحاب/والله ماندري للحين مو باين شي....
منال/هو مو مرتاح معها وعمي مو قاصره شي علشان مايتزوج..هو صدق احنا ماودنا بها الشي بس اذا كان بيريحه ليش مايسويه,,,,
لمياء/على قولتك.....
رحاب/عمتي درت ولامادرت....
منال/اكيد تدري...وانا مو شايلة همها هي اكيد مو واقفة ضد اخوها انا بس خايفة من ابو مصعب وش بيكون موقفه......
لمياء/ليش هو وش ممكن يسوي؟
رحاب/ماندري..بس تظل نجلاء اخته وماراح يسكت اتوقع يتدخل علشان يصلح بينهم ويكنسل السالفة,,,,,
لمياء/اممممم
نجود/تفضل هذا كاس شاي من يد نجود ...
ابو علي/تسلمين..
نجود/اكيد كل ليلة تفتقد ها الشاي من يدي..
ابو علي/اختصري وقول ي وش تبين بلا ها المقدمات يكون مدري فيك تبين شي,,,,
نجود/يو ..معقولة انا مفضوحة ......
بو علي/يالله قولي وش عندك,,,
نجود/يبى انا ابي اتكلم معك بموضوع يخصني...
بو علي/خير يبى فيك شي,,
نجود بتردد/يبى انت تعرف بيت الفارس,,
ابو علي/أي فارس؟اهل منال زمياتك...
نجود/أي هم..اللي زارونا..
ابو علي/أي اعرفهم..عسى ماشر فيهم شي؟
نجود/يبى....
ابو علي/نجود علامك تقولين كلمة وتسكتين..
نجود/يبى الموضوع حساس ويهمني اعرف رايك...
ابو علي/خير يبى قولي...انا اسمعك...
نجود/يبى..منال عمها يبي يتزوجني...
ابو علي/اخو بو مشاري...
نجود/أي..
ابو علي/أي..وبعدين..منهو وش اسمه وش يشتغل...
نجود/يبى اخوه بو فيصل اللي كان جاي معه ...
ابوعلي/بو فيصل..ليش ماهو متزوج؟
نجود/بلى يبى متزوج...
ابو علي/وانتي وش رايك......
تنهدت نجود وسكتت..
ابو علي/وش افهم من سكوتك يانجود ؟
نجود/يبى احنا شبه متفاهمين علشان اكون صريحة معك وهو فاتحني بالموضوع ....
ابوعلي/وانتي قد انك تاخذن واحد متزوج وعنده عيال يانجود؟
نجود/يبى.....انا ماجيت فتحت معك الموضوع الا بعد مادرست السالفة من كل النواحي...والسالفة ماهي من امس واليوم لا...صار لي فترة طويلة افكر فيها ويوم حسبت اموري وقرارتي عطيته موعد يجي بكرة بس انا ابي اعرف رايك قبل لايجيك بكرة,,
هنوف عند الدرج/اووف ابوي معسكر..
لبنى جنبها/مقيولة مايبينا نطلع بيت عمي نشوف عبير..
هنوف/لكن على مين بتجيه لحظة بتغفى عينه....
لبنى/والله ياخوفي احنا ننام قبله..
هنوف/لاوالله مو نايمة قبل لااشوف عبير واتطمن عليها..ان شاءالله اسوي روحي بموت...
لبنى/ياساتر من افكارك.....وين مضاوي؟
هنوف/تكلم الحبيب...
لبنى/ابوي عارف انها تكلمه..
هنوف/طبعا لا....
لبنى/تدرين ساعات احسد بنات عمي على ابوهم....
هنوف/وانا ساعات افكر اشيل اغراضي واروح اسكن هناك معهم علطول؟
لبنى/يالله عاد انتي مرة وحدة قالبة,,,,
هنوف/صدق...اصلا احنا اكثر ناس صابرين بالعالم على ابوي وظلمه,,,,,
لبنى/يظل ابوي ياهنوف ومانقدر نطلع من شوره.....
هنوف/بس مو لهدرجة احنا مو عايشين بعصر حجري...كل الناس تحضرت وعاشت الا احنا بنظل متخلفين....
باخر الليل رجع فهد البيت وبعد مافتح الباب وكان بيركب انتبه على صوت يناديه ولف للصالة وكانت نجلاء قاعدة مع اخوها بو مصعب وام مصعب وابو مشاري,,,
فهد/وش ها الزيارة المفاجئة؟ماقلتوالي انكم بتمرون علشان ارجع بدري....
ام مصعب/نجلاء اتصلت فينا وقالت لنا نجي...
فهد اكتفى بانه يناظرها وراح وقعد بوسط الصالة,,,,
فهد/حيا الله من زارنا...
بو مشاري بارتباك/ام فيصل قالت لنا انك ....تبي تعرس يافهد؟
فهد بثقة/أي صح..
ابو مصعب/فهد..وش ها الحكي.....
فهد/وين المشكلة,,,,
ام مصعب/ياخوي ..
فهد/هي قالت لكم اني بتزوج..طيب ماقالت لكم ليش بتزوج؟
نجلاء بحدة/صار ماصار مايعطيك هذا الحق انك تتزوج؟
فهد/وليش ماتقولين ان احنا منفصلين من مدة طويلة وكل واحد عايش بغرفة؟وبالاحرى كل واحد عايش بعالم خاص فيه..
ابو مصعب/اموركم حلوها بينكم بالتفاهم يافهد...
فهد/امورنا محلولة وصافية ياخوي يابو مصعب....ومافي أي شي ..اصلا هي مالها سالفة تدق عليكم وتخليكم تجون؟
ابو مشاري/ياخوي علشان العيال اللي بينكم راجع نفسك..
فهد/بو مشاري..عيالي مالهم الاطيبة الخاطر وانا قاعد وياهم ومكلمهم بالسالفة ولو حسيت واحد بالمية بس ان واحد منهم معارض الفكرة مابقدم عليها بس كلهم اقتنعوا وماعارضوا..
نجلاء/شها الكلام يافهد؟ عيالك تحت مشلحك وش ماقلت لهم قالوا لك أي وسايروك...
فهد/وش المطلوب مني؟
ابو مصعب/انا اقول اذا بينكم أي خلاف ومستعصي عليكم حله خلونا نتدخل ونحله ويصفى الجو بينكم,,
فهد/أي خلاف اللي تتكلمون عنه وعن حله؟؟؟من اول يوم في زواجنا وانا عاطيها فرص للتغير ومالقيت منها أي استجابة؟؟؟خلاص انا وصلت لقرار وماراح اتراجع عنه لو شيصير وبعدين انارجال وبعدني قادر اتزوج...وماني لاقي استقرار في بيتي وين المانع بالله!!!
نجلاء/اذا تزوجت ماراح تشوف عيالك مرة ثانية؟
فهد/ليش الدنيا فوضى يانجلاء ولافاكرة انك تهدديني بعيالي ؟انا محامي وفاهم بها السوالف والعيال بيضلون قاعدين بها البيت معززين مكرمين وبتكون زوجتي اختهم الكبيرة وتاكدي بتكون افضل منك باشياء كثيرة وماله داعي اذكرك في شنو....واذا تحبين تضلين في البيت محد قايل لك لا...وان بغيتي تطلعي فبتكونين قررتي بروحك ولاتنتظرين مني جية علشان اراضيك واردك لانها ماراح تصير؟؟؟؟
جواهر بلهفة/ها شصار؟
نجود بكابة/اوووف شقولك؟
جواهر بخيبة امل/ماوافق؟
نجود/ابوي....بعد روحات وجيات قال خله يجي مدامك تبينه..
جواهر/حلو وين المشكلة؟
نجود/امي...
جواهر/شفيها....
نجود/ابوي كلمها ومن قال لها شقت الارض وقالت لا...
جواهر/شلون يعني؟
نجود/ماهي مقتنعة..تقول انتي مو قاصرك شي تاخذين واحد متزوج وعنده عيال وتعيشين مع ضرة في بيت واحد....انتظري لين يجيك نصيبك...
جواهر/وش بتسوين؟
نجود/بنتظر بكرة لين يجي فهد وبعدها برجع اكلمها وبخلي ابوي يضغط عليها وان شاءالله توافق؟
جواهر/واذا ماوافقت؟
نجود بحسرة/انا مقدر اخذه وامي مو مقتنعة ياجواهر..مستحيل اسويها.....والله ماني قادرة افكر بشي وحاسة الدنيا حولي واقفة ....
جواهر/نجود...طبيعي كنتي بتمرين بها المرحلة لازم ماتضعفين؟
نجود/انا احبه وماابي اخسره وبنفس الوقت ماابي اخسر امي....
جواهر/امك عايشة السالفة وماتبيك تطيحن فيها...
نجود/عارفة...بس شسوي ..قلبي وداني لعند فهد...شوفي كاهو متصل برد عليه بعدين اكلمك....
جواهر/يالله باي..
نجود/هلا حبيبي..
فهد/رحنا الشرقية ونسينا اهل الغربية؟
نجود/ومين يقدر ينساكم يااهل الرياض؟
فهد/شدعوة موحشناك من العصر مفارقتنا لااتصال ولارسالة ولاشي يطمنا عليكم؟
نجود/قلنا نشوف لوين بياخذكم الشوق اذا قطعناكم...
فهد/لبعيد...لبعيد يانجود....ها اخذتي لي موعد من الوالد...
نجود/أي...
فهد/جد..كيف مرت السالفة؟
نجود/انت تبي الموعد ولاتبي السالفة؟
فهد/ابي اشوف امورك واستقرارك كيف صاير,,,,
صار له اكثر من ساعتين واقف عند باب بيتهم ومالقى اثر لسيارة مشاري زوجها ولاحتى لسيارة من سيارات بيتهم...
اخر شي نزل ووقف جنب البيت ...
ولقى طفل يمشي جنب بيتهم ومبين انه ساكن جنبهم ووقفه يساله....
علي/تعال يابابا...
الطفل/وش تبي فيني؟
علي/ماتدري وينهم بيت العبد الله من زمان وانا واقف هنا وماشكلهم بالبيت؟
الطفل/طالعين البحرين يفطرون ويمكن مايردون الا الصبح؟
علي بضيق/كلهم؟
الطفل/أي اعتقد يعني...
علي/طيب نسيبهم مشاري معاهم؟
الطفل/مدري....
علي/طيب شكرا..
مشى لسيارته وهو حاسس بالضيق....
يعني ياراحت مع اهلها يامانزلت من الرياض اصلا!!
اوووف ..وش ها الظروف بس...متى راح نتلقي يالمياء..متى بس..انتظر اتصالك على احر من الجمر علشان نحط النقاط على الحروف....
اليوم الثاني مر سريع على ناس وبطيء على ناس ثانية وخصوصا اللي كانت حالتهم مثل نجود وهي تحاتي فهد اللي قاعد مع ابوها وعمها وناصر وبندر اللي توه نازل...
كانت بجد على اعصابها خصوصا ان امها مولعة نار وشايلة الفكرة نهائيا من بالها وماتبيها حتى تفكر فيها مجرد التفكير,,,,
جواهر/هدي...هدي...
نجود/طولوا..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك