بداية

رواية شرع ربي ولا اعتراض -91

رواية شرع ربي ولا اعتراض - غرام

رواية شرع ربي ولا اعتراض -91

جواهر/ولاطولوا ولاهم يحزنون السالفة عادية بس انتي دايما تكبرين الامور..
نجود بنرفزة/انا ماكبرت شي ياجواهر هم صدق طولوا..
جواهر/بذمتك هو من الرياض وانتوا من الدمام جاي يخطب بيقولوا له حياك الله خذ البنت وامشي تراها موافقة عليك؟؟؟يبيلها السالفة ياخذون ويعطون معه ..يشوفون وضعك شلون بيكون...وين بتقعدين وضعك هناك شلون...
نجود/انا ماابي شي متنازلة عن كل شي بس يوافقون ويفكوني تعبت من كثر التفكير,,,
جواهر/على جواهر يانجود؟ماابي شي ومتنازلة عن كل شي!!طيب بكرة نتواجه لاوافقوا وصار الموضوع رسمي..قالت ماابي شي..
نجود/احس بطني يعورني...
جواهر بلامبالاة/عادي احساس أي بنت سعودية تنخطب....
نجود تنهدت بقوة...وجت لهم عبير....
عبير/ممكن اقعد معكم..
جواهر/هلا وغلا..تعالي شوفي ها الجنون اللي صاير...
عبير/نجود انتي تبينه..
نجود ماقالت شي بس ملامح وجهها كانت تقول أي...
جواهر/شفتي امك وخواتك اليوم؟
عبير/أي..جية فهد كانت خير علينا وقعدنا مع بعض....
نجود/وين لبنى انا داقة لها تجي للحين ماجت وين غاطسة بالله؟؟
دقت لبنى الباب وقالت من وراه/اذا تحشون فيني تراني موداخلة؟
لفوا لها وكلهم وقفت نظراتهم عليهم وهم يشوفون شكلها..
جواهر/شنو هذا؟
نجود/من وين لك؟وليش لابسة كذا؟
لبنى/وش فيكم....
تقدمت وقعدت..
عبير/من متى تلبسين عباية راس؟
لبنى بثقة/من قبل اسبوع...
ناظروا في بعض..
لبنى/وش فيكم...اقتنعت فيها وفصلت لي وحدة....فيها شي...
جواهر/لا...بس وش مميزاتها عن عباية الكتف؟
لبنى/تقدرين تقولين راحة نفسية...ووجهة نظر..
نجود/ماانتي طول عمرك تلبسين كتف وكل اللي حوالينك يلبسون كتف..وش اللي بدل وجهات النظر في اسبوع؟
لبنى/شاء القدر ان وجهة نظري تتغير...وبعدين وش فيها يعني عباية الراس؟
نجود/مافيها شي....وبعدين مو موضوع نقاشنا...بطني يعورني..دبروني شسوي..
عبير/نجود..هدي يابنت..
نجود/شلون اهدي..امي ماهي موافقة....
ام ناصر بزعل من ورى الباب/أي ماني موافقة..ولاراح اوافق بعد.....
سكتوا كلهم ونجود ناظرت بالارض,,,
دخلت امها وقعدت قبالها ..
ام ناصر/نجود انتي وش اللي حادك بالله على ها الفهد...؟
نجود/يمه..
ام ناصر/ماخلت الديرة من الرجال يابنيتي علشان تاخذين رجال متزوج؟
نجود/يعني انتي رافضته بس علشان انه متزوج؟
ام ناصر/طبعا!!يمه انتي وش لك تدخلين بيت وتاخذين رجال من عياله وزوجته..
نجود/يمه هو مو مرتاح معه وماهم متفقين ..
ام ناصر/وانتي شكوا...
نجود/يمه فهد لو ماتزوجني بيتزوج غيري..
ام ناصر/خليه يتزوج غيرك...لاترمين نفسك بتجربة مرت فيها امك من قبل يايمه....يمكن علاقتك فيهم ماتكون مثل علاقتي انا في خالتك ام علي وعيالها...يمكن تكون النار شابة بينكم....
نجود/يمه انا اقدر اخذ حقي..
ام ناصر/ماهي مسالة حق يانجود...الرجال ماراح يعدل بينكم مستحيل..هالشي مفروغ منه...ولاتظنين انك ممكن تتحملين انك تكوننين ليلة عنده والليلة اللي وراه هو معها,,,,
قاطعتها نجود بسرعة/يمه...
ام ناصر بغضب/خليني اكمل كلامي!!
يايمه يانجود انا مريت بها الحالة وعشت فيها بدون محد يقولي عنها شي...صدقيني يايمه يانجود فهد ولو يكون شاريك بكنوز الدنيا ماراح يقدر يعدل بينكم ابدا!!!هي تظل ام عياله وماله غناة عنها بعد...وبعدين انتي شزينش يايمه الف واحد يتمناك..هي بتجي على فهد اللي متزوج وعنده عيال!!!!
سي يو...في بارت اخر,،
مشكورين كلكم على روعة تواصلكم يالغلا لاعدمت طلتكم الرائعة,,,

البارت الثامن والستين والتاسع والستين

سارة/شفيك تبكي؟
فيصل/بابا طلع ماهو هنا..
سارة/واذا طلع...
فيصل/انا كنت بروح معه....
لمى/أي بس انت ماقلت له انك تبي تروح معه علشان ينتظرك..
فيصل/وهو ماقال لي انه بيطلع اصلا علشان اقوله اني بروح معك يالغبية؟
لمى/انا مو غبية وبقول لاابوي اذا رجع....
سارة/وانتوا بتتخانقون مثل البزارين....
لمى/هو غلط عليّ!
سارة/قول لها اسف.....
فيصل/ماراح اقول...
ساة/بكيفك..المهم انا بروح بيت عمي ..
لمى/ليش بتروحين؟
سارة/الخياطة اليوم بتجيب فساتينهم ويمكن اسويلي فستان مثل فستان مي هي وصفته لي وعجبني...يمكن اغير اللون بس...وبتسويللي اياه باسبوع بس....
نجلاء بحدة من وراهم/قعدي مكانك مافيه طلعة؟
لفوا لها ثلاثتهم.....
سارة بتمرد/بس انا رايحة بيت عمي...
نجلاء/وانا من اللي جايب لي المصايب غير بيت عمك...قلت لك مافي روحة يعني مافي روحة....
لمى/أي بس ياماما احنا ماخيطنا فساتين للعرس وماباقي للزواج غير اسبوعين بس...
نجلاء/مافي فساتين غير لمى نتكلم....
سارة/نتكلم بشنو....
نجلاء بحدة/من متى تدرون عن ابوكم انه بيتزوج؟
سكتوا ثلاثتهم....
نجلاء/ماتتكلمون....
فيصل/هو قال لنا...
سارة/بنفس اليوم اللي قال لك فيه.....
نجلاء/وليش ماقلتوا لي انكم تعرفون؟
لمى/مافكرنا نتدخل بسالفة انتي والبابا فيها وتخصكم بروحكم...
نجلاء/لاوالله!!!!!ماقال لكم منهي هاذي سودة الوجه اللي بياخذها..
فيصل/ابوي بياخذ وحدة سودة وتخوف وتخرع!!ليش؟
نجلاء/انت اسكت لااذبحك ترى مو قاصرة غباءك ياحظي!!!!
فيصل بنرفزة/انا مو حظك انا فيصل؟؟؟
سارة/ماما احنا مانعرف شي عن السالفة غير اللي قال له لنا البابا وبس..
نجلاء/طيب قولوا شقال لكم البابا...
سارة/قال انه بيتزوج وان زوجته بتكون اخت كبيرة لنا وبتكون واقفة معنا....
نجلاء/حلو حلو..وانا ان شاءالله وين بروح؟
سكتوا ثنتينهم وهم يناظرون في بعض وقال فيصل بسعة بال/قال اذا انتي تبين تقعدين حياك الله واذا تبين تروحين بكيفك؟
نجلاء بعصبية/هذا اللي قاله....زين يافهد زين....ولاحتى اثرت فيه اخوانه امس يوم يجون وقال بيسوي اللي براسه ومحد راده؟؟انا بس لو ادري منهي هاذي اللي بياخذها كان كنسلت كل شي بس المشكلة انه صار ذكي وتكتم عليها....
سارة/وانتي ليش تبين تعرفينها ياماما...
نجلاء/علشان......اتعرف عليها..
لمى/بس هو قال ان احنا نعرفها وشايفينها قبل...
نجلاء تغيرت ملامحها وكانها تتذكر اسماء في بالها/عارفينها وشايفينها قبل؟منهي ذي ياترى؟؟؟
جواهر/كيف شفت فهد؟
بندر/شلون يعني؟
جواهر/يعني يناسب نجود...
بندر/وش يناسبها انتي الثانية....هذا كبير عليها وفوق هذا متزوج وعنده عيال؟
جواهر/طيب وين المشكلة؟
بندر/جواهر,,,انتي من صدقك تحكين؟
جواهر/بندر...نجود تبيه وهو يبيها.....
بندر/ياشين ذوقك يانجيد...مادورتي تحطين براسك الا واحد متزوج وعنده عيال بعد....
جواهر/الحب يابندر مايعرف طريقه للقلوب...ماتشوفه الا دخل بقلبك وتعشش فيه بدون ماتسيطر عليه.....هو كذا ..حب مالك عليه حول ولاقوة....
تنهد بندر وسكت...
جواهر/الا صدق...انت كلمت ابوك...
بندر/شعنه؟
جواهر/يعني وش اللي صاير في بيتكم يستاهل انك تكلمه علشانه....
بندر/تقصدين عبير...
جواهر/وهو في سالفة غير سالفتها يابندر......
بندر/ابوي اللي براسه بيسويه وماراح يقتنع بكلامي ولابكلام غيري ابدا....
جواهر/شدعوة عاد يابندر,,,تضل ولده الكبير وكلمتك ماشية ...,حتى لو مامشت لك اكيد سيطرة وهيبة وانت تتكلم...
بندر/انا ماابي احرج نفسي وبعدين..
قاطعته جواهر/اختك يابندر تطلقت وانت تقول ماتبي تحرج نفسك؟؟؟غريبة..شلون تفكر...
بندر يبي يغير الموضوع/انا بكلمه بس سالفة نجود والمعرس ماعطوني وقت بعدين لارديت كلمته.....المهم انتي كيفك وش علومك واخبارك...
جواهر بشرود من لامبالاته/بخير....بس رمضان السنة ذي مو حلو موانت بعيد عنا....
بندر/جواهر...مو بس رمضان بكون بعيد عنكم...
جواهر بحذر/شتقصد؟
بندر وعلامات الحزن باينة عليه/حتى العيد ماراح اكون موجود...
جواهر/شلون يعني؟
بندر/عندي اجتماع بدبي...ومضطر اكون موجود هناك قبل العيد بليلتين...وماراح ارد الا بعد اسبوعين...
كان ناصر قاعد بالحديقة وجت نجود وقعدت جنبه ورفع راسه يناظرها بدون مايتكلم,,,,
وسكتت شوي وبعدها قالت..
نجود/شلون شفت فهد؟
ناصر بصراحة/مايناسبك؟؟
نجود تنهدت/من يقول؟
ناصر لف لها بسرعة/نجود انتي من صدقك؟
نجود بثقة/أي...
ناصر/وش عند فهد وماعند غيره علشان تختارينه؟
اشرت له بقلبها وقالت/هذا اللي يختار ياناصر مو بكيفك السالفة....اذا هذا اختار ماتقدر تقول لاابدا ولااي سبب....
ناصر بتنهد/بس يانجود انتي مو قاصرك شي...اصلا انا تفاجاْت من رايك ومن موافقتك على الموضوع؟؟؟يانجود انتي غير عن ها البنات بكل شي..كيف بس طاعك قلبك تفكرين بشخص بها المواصفات يانجود كيف؟
تنهدت بقوة وقالت/قلبي اختاره ياناصر صدقني مو بيدي...
ناصر باصرار/مدام قلبك اللي اختاره فااكيد الاختيار ماعليه اعتماد لان العقل اللي لازم يختار مو القلب!!
نجود بحسرة/ناصر تكفى لاتصير انت بعد ضدي؟؟مو كفاية امي ورفضها ...مقدر اقنع اثنين بمرة وحدة ياناصر مقدر....
ناصر /نجود...مو هذا قدرك يااختي..فكري عدل تكفين....
كان يمشي وهو حاير مايدري وين يروح....
دق للمياء وماردت عليه واصر انه يظل يدق يدق لين رسلت له مسج بانها مرتبطة مع اهل زوجها وماتقدر ترد عليه ويوم سالها متى بتنزل الشرقية قالت له انها ماراح تنزل الا بعد العيد علشان زواج اخت مشاري وضاق خلقه حييل...لانها مااعطته الموافقة انه يروح لها الرياض وترجته مايسويها ولابتجي الا بعد شهر كامل من اليوم!!!
طيب هو شيسوي بها الشهر وهي لاتدق عليه ولاتكلمه ولاترد عليه!!!
تنهد بقوة وهو يمشي على البحر....اكتشف وللمرة الاولى انه وحيد...وانه ماعنده احد ابدا...
ماكان عنده غير بندر وبندر اللحين توه نازل اكيد بيكون مع جواهر وماهو فاضي له...حتى الربع اللي كان مسلي نفسه معهم برمضان مايتركون اهلهم وطول وقتهم معهم...الا هو..لااهل ولابيت ولازوجة ولاولد...ابدا مامعه احد وكانه مقطوع من شجرة؟؟؟؟
تنهد بقوة وحس بخنقة وانه بيموت.....تمنى لو انه ماتسرع وطلق عبير....هي ماضرته ولاعمرها سببت له أي مشاكل...بالعكس باخر ايامه وبعد ماتقرب منها حس انه بدا يميل لها..بس طاري لمياء وشوفتها غيروا رايه بسرعة.....هي صدق كانت مفروضة عليه علشانها بنت عمه بس باخر الايام حليت بعينه وكان يحسها شي غالي وثمين ولازم يحافظ عليه ومايدري شلون قدر بلحظة يفرط فيها...
ياترى هي شلونها اللحين؟؟؟هي صدق مع نجود ولاكذب؟؟؟؟لقوها ولامالقوها؟؟؟طيب وين كانت يوم طلعت من البيت؟؟وهي لااهل ولاصديقات ممكن تشكيهم حالها؟؟؟
وعمي شكانت ردة فعله على الموضوع يوم عرف....ذبحها,,,,مو غريبة عليه انه يذبحها ابدا!!!بس ياترى هي ارتاحت مني ومبسوطة لفراقي ولازعلانة ومتكدرة؟؟؟؟؟؟؟؟
اه ياقلب علي اه!!!وش اللي صار لك وخلاك تعيش كذا بقلب اسود بين اهلك....منحرم حتى من نعمة انك تكون حوالينهم بها الشهر الفضيل وقاعد تتسكع من شارع لشارع ومن سكة لسكة,,,,
بها اللحظات بس مر عليه ابوه.....اي ابوه اللي عمره مابخل ولاقصر عليه بشي ....طول عمره مدلله وعاطيه كل اهتمام...وش مايبي كان يجيه....حتى يوم خلص الثانوية ومارضى يكمل الجامعة قال له حاضر وعلى امرك اذا هاذي رغبتك...وظل يتوسط له بكل مكان وعند كل الناس ومن وظيفة لوظيفة وعلي مو هامه كل يوم ومتهاوش مع احد ولاماهو ملتزم بالشغل ويفصلونه ويظل ابوه يدور له من جديد لين تعود على ها الحياة والامبالاة انه في موراه من يسعى له وماله داعي يكلف على عمره....
وباني له شقة مايحلم فيها غيره في بيتهم ومو فر له كل شي....بس يوم زوجه عبير واصر عليه انه ياخذها انقلبت حياته فوق تحت.....
هل ياترى ياعلي كانت عبير تستاهل منك رفضك لاابوك بها الشكل.....حس بان السؤال طرحه على نفسه متاْخر حيييل,,,,,,,,,
هاذي الليلة مرت وبندر ماسوى شي..وعمي شاد لي الضهر فيه؟؟؟
اصلا هو حتى ماكلف على عمره يتصل فيني ويواسيني ولاحتى ياخذ بخاطري!!!!
بندر اناني ...اي اناني..انا ماودي اقول عنه ها الشي بس هذا الواقع....هو مايفكر الا بنفسه ولااحنا ماعمرنا هميناه باي شي؟؟؟؟
هو حتى اذا عرف السالفة بيروح يركض لعلي ومابيجيني,,اعرفه اخوي وخابزته...لايهتم فينا ولاحتى بيفكر يهتم بعد!!!!
ليش ياربي ماعوضتنابقسوة ابوي لنا باخو يحبنا ويخاف علينا ويحمينا ويوقف قبال الكل علشانا ليش!!!!
معقولة هاذي نقمة علينا ,,طيب ليش..وش سوينا احنا بالدنيا علشان نستاهل هذا كله؟؟؟؟
وانت ياعلي مبسوط اللحين بعد ماانفرجت عن طريقك وفرغت لك الجو؟؟؟
مرتاح اللحين...انش اءالله تكون مرتاح وتاخذها وتنسعد فيها..بس صدقني حوبتي مابتتعداك ابدا!!البنت وشفناها ماتبيك ولالها خاطر فيك وتحب زوجها وبنتها واهل زوجها ,,,معقولة انت مو داري عن ها الشي,,ولاداري وقاعد تعاند نفسك؟؟؟؟
معقولة علي يكون مريض نفسي وانا اللي كنت افكر نفسي تعبانة نفسيا مو هو؟؟؟
من فينا ياترى اللحين المريض,,,انا اللي كنت متحملة خياناته لي وانه يناديني باسمها عيني عينك حتى لو ماكان قاصدها؟؟؟ولا هو اللي قاعد يفكر بوحدة متزوجة وعندها بنت..والمشكلة انها ماتبيه وتبي زوجها؟؟؟
من فينا ياعلي المريض منو؟؟؟؟؟
اه...تعبت والله تعبت من كثر ماافكر,,,,,,متى بتنزل رحمتك عليّ يارب وبرتاح من تفكيري......
فيصل بدلع/انت وين رحت عني؟
فهد بنرفزة لان نجود مادقت ولاقالت شي من طلعته من بيتهم وابوها اكتفى انه يقول له بنرد عليك بعد العيد/وخير ان شاءالله واذا طلعت وش بيصير يعني!!
فيصل بصراخ /كنت بروح معك ؟؟
فهد/وين تروح معي انت بعد!!
ف6يصل/انت وين كنت رايح؟
فهد/رايح ازور ناس؟
فيصل/منهم؟
فهد/فيصل..منو فينا اللي لازم يسال الثاني؟
فيصل/اذا ماقلت لي ماراح اقولك ان امي سالت عن خالتي الجديدة؟
فهد باحتتقار/خليها تسال وش بتعرف بالله!!!!
دق جواله بها اللحظة وكان سالم المتصل,,
فهد/هلا سالم..
سالم/هلا فيك...شسويت؟
فهد بتعب/والله مدري....مااشوفها قالت شي من طلعت منهم؟
سالم/رديت البيت؟
فهد/أي.....هي قالت مافي مجال اني اشوفها اصلا قلت شيقعدني هناك خلني ارد....
سالم/امممممم,,,تتوقع منو كان عندي قبل شوي بالبيت؟
فهد/منو؟
سالم/مامر على بالك احد؟
فهد بنرفزة/حاليا لا..
سالم/انت وينك فيه؟
فهد/بالبيت مع فيصل....
سالم/أي قلت لي.....طيب وين ام فيصل؟
فهد/مدري....فيصل وين امك؟
فيصل بزعل/طلعت...
فهد/كالعادة ماهي بالبيت؟
سالم/شويات وبتوصل...
فهد/وانت شعرفك انها بعد شوي بتوصل؟
سالم/لانها كانت عندي بالبيت؟
فهد بغضب/شنو؟؟
سالم/جت تسالني عن اللي انت ناوي تخطبها بعد قائمة سب وشتم واني انا اللي حليت بعيونك الزواج واني دخلت الفكرة براسك...واصرت انها تعرف ولامابيصير خير؟
فهد بضيق/جنتّ هاذي!!!وعسى ماقلت لها؟
سالم/لاطبعا ماقلت..
فهد بنفاذ صبر/عاد امسحها بوجهي....بس وين بتروحين يانجلاء...اذا مارديتي بيت اهلك الليلة؟
سالم/لايافهد لا...لاتتسرع وترمي عليها الطلاق؟؟هي متضايقة ومقهور ة وممكن تسوي أي شي...بس لاتكبرها انت اللحين واعتبر السالفة ماهي هامتك؟
فهد/شلون بالله!!!باي بكرة تروح توقف على باب المكتب وتسال الرايح والجاي عن الناس اللي اقبلهم ولاتمسك لي الجوال وتفتش فيه؟؟؟؟استغفر الله على ها الحرمة؟؟؟
ابوعلي/انتي فكري عدل واخذي راحتك..
ام ناصر/مافيها تفكير لايعني لا؟؟
نجود برجاء/يمه..
ام ناصر/انتي اختاري يافهد ياامك؟؟؟
نجود بتعب/يمه؟؟؟لاتصرين كذا..انتي عارفة انك امي ولايمكن تتساوين عندي باي احد بها العالم!!!
ام ناصر بثقة/انا قلت لك ياانا يافهد؟؟؟
نجود/يبى قول شي..
ابو علي/ام ناصر شها الحكي ي الغالية
ام ناصر/هذا اللي عندي...رجال اشكال والوان اللي طلبوها شمعنى ها الفهد ملا عينها مرة وحدة وهو متزوج وعنده بيت وعيال؟؟؟؟
نجود/هذا النصيب يايمه...
ام ناصر/النصيب احنا نختاره بعد مانفكر فيه مو نقرر ونقول نصيب يايمه..
ام علي/انتي ليش رافضته ياام ناصر؟
ام ناصر/وش اللي يخليني اوافق عليه عاد يابو علي؟
نجود/يمه فهد ماينعاب...
ام ناصر/بالنسبة لك بس بالنسبة لي وانا افكر بعقلي اقولك انه مايناسبك,,,
نجود/يبى كلمها عنه يمكن انها ما..
ام ناصر قاطعتها/مايحتاج يكلمني انا رافضته بالعشرة,,
نجود بترجي/يمه فهد غير..فهد مركز وسلطة ونسب وفصل واصل وخير الحمد الله وبعدين مو عيب انه متزوج ولاهو حرام انتي اخذتي ابوي وانتي عارفة انه متزوج ؟؟؟
ام ناصر وابو علي ناظروا في بعض,,
ام ناصر بنرفزة/ولاني مريت بها الشي ماابيك تمرين فيه يابنيتي؟
نجود بعناد/بس انا ابيه يايمه...واذا مااخذته مااراح اخذغيره؟؟
ام ناصر بنرفزة/بالناقص عاد!!عمرك ولاتزوجتي؟؟ولاتاخذين لي واحد عنده زوجة وعيال؟؟؟؟؟
نجود رمت المخدة اللي جنبها بنرفزة وراحت لغرفتها وهي معصبة,,,,,
مصعب/يبى..شفيك؟
ابو مصعب تنهد...
مصعب كرر سؤاله/عسى ماشر يالغالي شفيك؟
ابو مصعب/متضايق ياولدي ..
مصعب/افا..منو اللي مضايقك عاد؟
ابو مصعب/متضايق على عمتك نجلاء؟
مصعب بتردد/علشان خالي فهد بيتزوج؟
ابو مصعب/أي....
مصعب/طيب يبى هو وهي ويحلون اللي بينهم انت ليش مضايق عمرك كذا؟؟
ابو مصعب/عمتك دقت لنا قبل ليلتين ورحنا عندهم البيت ويوم وصل فهد البيت ظل مصر على رايه ومارضى احد يتدخل ولارضى يغير رايه عن الموضوع؟
مصعب/طبيعي يظل متمسك برايه هاذي حياته ومحد معاني بمعناته ولاراح يحس احد فيه...
ابو مصعب/يايبى يامصعب..انا بموقف صعب...اختي وماودي لها بالمضرة..يمكن اذا تزوج زوجته ماتتوافق معها وبلوم نفسي الف مرة.....
مصعب/بس بعد ماتقدر تمنع خالي فهد طالما انه مو مرتاح معها بحياته؟
ابو مصعب/وانت وش يخليك واثق من نفسك انه مو مرتاح معها؟
مصعب/طبيعي يايبى هذا خالي فهد وكلنا نعرفه...ماله بها السوالف ابدا ولو ماطفح فيه الكيل مااختار يتزوج...بعدين سوالف كثيرة صارت وانت بعيد ماتدري....
ابو مصعب بتعب/المشكلة انها عنيدة وتدخل الامور في بعض...
مصعب/ليش شقالت بعد!!!
ابو مصعب/داقة عليّ اليوم تقولي اذا اصر انه يتزوج وماغير رايه تزوج انت بعد على اخته وحرق قلبها علشان تغير راي اخوها؟؟؟؟
دقي يانجود دقي؟؟؟
لمتى بظل انتظرك عاد تدقين,,,,
ياترى وش اللي صاير معك هناك...وش قالوا اهلك....
كلميني فهميني احنا بنكون لبعض ولا ماراح تكونين حلالي,,,
ياربي وش اسوي...من طلعت من عندكم يانجود وانا حالتي مايعلم فيها الا الله وكملتها معي نجلاء بروحتها لسالم في بيته ولوماحلفني كان رديتها بيت اهلها الليلة على سواتها بس مشكلته حلفني,,,
نجود كلميني الله يخليك قولي بكمل معك باقي دربك..قولي مو مكملة..قولي أي شي بس كلمي وسمعيني صوتك,,,
هم مو موافقين يانجود.....علشان اني متزوج..طيب اذا يرضيهم بطلقها وبتكونين الاخيرة بحياتي اوعدك بس طمنيني انتي,,,,
نجود تعالي شوفي حالتي ..مو قادر افكر بشي ولا اقوم حتى من مكاني,,,,
طلع جواله لاشعوريا يسمع الاغنية اللي كانت راسلتها له بصوتها من قبل وصار يسمعها بلهفة وشوق ونار ...يمكن توصل انفعالاته لها وتحن وتتصل تطمنه بللي صار...
(سرقت النوم من داخل عيوني ..وخليت السهر فيها مؤبد
اقاسي الشوق ماتحرم جفوني..ونار الصبر في قلبي توقد)
نجود انا مقدر اتصل فيك ماابي احرجك انتي دقي وطمنيني..تكفيني يابنت السبيعي تكفين,,,,
طمني ها القلب اللي محترق بناره ومو داري وش بتكون النهاية بينا!!!
نجود.....تحبيني....بتوقفين ضدهم لو رفضوا وبتاخذيني ولا بيكونو اهلك اقرب لك من فهد ومن حب فهد؟؟
نجود تعالي شوفيني صرت مجنون ومو حاس بشي من اللي يدور حواليني....
انتبه على صوت سارة وهي تناديه وتنهد بقوة وقال لها بنرفزة/شتبين؟
سارة بتردد/بابا...ليش انت وماما كنتوا تتهاوشون بصوت عالي قبل شوي؟
تنهد بقوة وقال لها/هالشي بينا يابابا ومالازم تعرفون الاشياء اللي تصير بين الكبار,,,
سارة/أي بس انت كنت معصب حييل يابابا...وانا خفت عليك...
اكتفى انه يرجع لشروده ويسكت..
سارة بترجي/بابا..انت وماما تخانقتوا علشان انك بتتزوج صح؟
فهد بصرامة/سارة لاتشغلين بالك بها المواضيع,,
سارة بنفس الترجي/بابا هي قالت بتتغير خلاص عطيها فرصة تصلح اللي بينكم علشاني يابابا... مايصير تزعل امي وتتضايق ونكون احنا مبسوطين هذا مو عدل؟
فهد بقوة خوفتها/والعدل اني اظل ضاغط على نفسي اكثر من كذا معها؟؟؟لاياسارة هذا مو عدل...امك اصلا الغتني من حياتها من زمان...وصرت بالنسبة لها مجرد وسيلة ....سارة..بابا في حكي ماراح تفهمينه انتي بعدك صغيرة اذا كبرتي انا بقولك كل شي واحكمي بينا وشوفي من اللي غلط على الثاني ومن اللي ضل متحمل وعلشان منو؟؟بس اللحين ماراح تفهمين شي,,,انا ماابيك انتي واخوانك مهما اختلفت انا وامكم انكم تتاْثرون بللي بينا زين يابابا سارة,,,
سارة بلا حول ولاقوة/طيب,,,,,
رحاب/قلت لي ان في واحد متقدم لفوزية؟
مشاري/أي....
رحاب بضحكة/ومحمد اخوك عرف؟
مشاري بلااهتمام/أي...يوم تكلمنا بالسالفة انا ومصعب كان موجود بس ماكان معنا ماشفناه غير قايم معصب ولادرينا شفيه؟
رحاب/هههه قلت لي قايم معصب...حلو ياحميدان؟
مشاري/رحاب..شالسالفة يبى,,شصاير؟
رحاب/ليش انت ماتدري؟
مشاري باهتمام/ادري عن شنو؟
رحاب/عن محمد؟
مشاري/شفيه؟
رحاب/انه يبي فوزية؟
مشاري/صدق!!!محد قال لي!!!علشان كذا الملعون يوم جابوا سالفة الخطبة قام متضايق,,,,الا هو حاطها بالبال,,,,
رحاب/أي حاطها بالبال..
مشاري/طيب وابوي وامي...
رحاب/عارفين ..محمد كلمهم...وبس يعدي عرس منال بيروحون يخطبونها له؟
مشاري/علشان كذا الملعون قلب وجهه وانعفست اخباره يوم درى انها جايها معرس!!!!وليش محد قال لي بالله!!!
رحاب/يمكن ماحبوا يكبرونها خصوصا انهم ماتكلموا بالموضوع مع عمتي اصلا!
مشاري/ليش يعني...
رحاب/ولاشي بس لاعمتي ولازوجها عارفين بالموضوع وابوي فضل ان عرس منال يتم وتسافر وبعدها يروح يخطب له علشان يهداْ شوي باله سالفتين بمرة وحدة مابيقدر ,,,,,
مشاري/الله يوفقهم ان شاءالله....
رحاب/لمياء مو زعلانة انها مابتشوف اهلها ها السنة برمضان علشان ارتباطها معنا باتجهيزات حق العرس؟
مشاري/لا..لمياء تحبكم وتعدكم بحسبة خواتها...
رحاب/والله يشهد ان احنا بعد نحبها ونعتبرها وحدة منا وفينا..
مشاري بسخرية/حتى انا اشهد اني احبها..
رحاب/هههه اقلب وجهك بس...
بااخر الليل وبغرفة نجود تحديدا...
كانت قاعدة قبال مرايتها الطويلة وهي ناشرة شعرها وكله طايح على وجهها ودموعها مالية وجهها,,,,
وحاسة بهموم الدنيا كلها فوق راسها وانها خلاص منشلة ومو قادرة تتحرك وتقنع أي احد بانه يقنع امها انها تبيه.,..اصلا امها شايلة الموضضع من بالها ومو راضية تتكلم فيه وهذا اللي ماحسبت حسابه ابدا!!!

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -