بارت جديد

رواية شرع ربي ولا اعتراض -97

رواية شرع ربي ولا اعتراض - غرام

رواية شرع ربي ولا اعتراض -97

ام مشاري/صار ماصار سواء بنتي كانت تعرفها ولالا..اكيد فهد ماعرفها عن طريق بنتي وانا واثقة من تربية بناتي؟
ام مصعب/ام مشاري علامك,,ماتعرفين نجلاء يعني؟هاذي اذا انعمى قلبها ماتدري وش تقول؟
ام مشاري بتاءثر/لا ياام مصعب..مو زين عليها دعواتها على بنتي وهي مسافرة باخر الليل كذا...ليش مامسكت بيتها وزوجها من البداية بدل ماهي قاعدة تلف علينا تدعي وتسب وتشتم...
ام مصعب/ماعليك لاتشيلين بخاطرك انا بقول لفهد وخله يسنعها هو يبي الزلة عليها اصلا!!!
ام مشاري/لالا تقولينه...كفاية هي شايلة علينا شيلة بعد اذا كلمها بتنفجر فينا..
ام مصعب/بللي مايردها...مو هي هدمت حياتها بيدها خلاص لازم تاْخذ باقي الحياة ركادة شوي,,,,
فهد/وجبت لك هدايا لاتخاف؟
سارة/وانا بابا؟
فهد/انتي خالتك شرت لك انتي ولمى اغراض حلوة بتعجبكم,,,
لمى/صحيح..
فهد/يالله تعالوا سلموا عليها وخليكم عاقلين علشان تعرف انكم حلوين ومؤدبين,,
لمى/بابا انا استحي,,,,
سارة/بابا هي حلوة وانيقة ولاخرطي؟
فهد/وش ها الحكي؟
سارة/مجدر سؤال؟
فيصل/بتعطينا الهدايا اللحين؟
فهد/بابا مافتحنا الاغراض يافيصل الليلة بننزل الشرقية علشان عرس صاحبتها واول مانرجع...
ماكمل الا وفيصل فاتح اذاعته وهم عند بابا نجود اللي كان فتحه فهد ودخلو المى وسارة..
فيصل بصراخ/مافي..اللحين تعطيني اياهم اللحين...ولاماتروح الشرقية؟
فهد/فيصل..اعقل يابابا,,,
فيصل بصراخ/لالالالالالالالالالا
سارة/ووجعة وش بتقول البنت عنك اللحين ,,,,
نجود وهي قبالهم/مايحتاج اقول شي عارفته ...تعال فيصل ترى انا هديتك مجهزتها لك من الصبح لاني اعرفك شطور وتسمع الحكي؟
فيصل عرفها اكيد ومافيها شك وهو يناظرها ويضحك ولمى ماكانت متذكرتها عدل بس سارة..سارة يوم سمعت ها الصوت وها اللهجة لفت بسرعة علشان تكذب عيونها بس يوم وقعت عينها بعين نجود اللي مسوية انها تبتسم لهم قدام ابوهم حسب راي سارة جتها بالفعل صدمة؟؟؟؟؟؟؟؟؟
نجود السبيعي هي اللي تزوجها ابوي؟؟؟؟؟؟؟؟
مستحيل ولايمكن بعد!!!!!
علشان كذا ها الاسبوع ملاك من تمر جنبي تضحك...لانها عارفة ان ابوي تزوجها؟؟؟؟؟
رجعها للواقع صوت ابوها..
فهد/سارة تعالي سلمي على خالتك نجود....
كانت سارة تناظر بين نجود وبين ابوها بلا تصديق....وهي حاسة ان في شي غلط بالموضوع,,,
نجود/ماله داعي يقولون خالتي اذا موحابينها وبعدين يافهد احسها تكبرني خلني على نجود وبس اريح لهم ولي!!!!سارة شلونك....
كانت تناظرها وهي على اعصابها...عارفة ان نجود ماْخذة منها موقف من اللي صار وقالت لها ماراح اسامحك ابدا...اصلا هي كل ماشافتها بالمدرسة غسلت شراعها حتى لو ماسوت شي كيف اللحين يوم صارت بوسط بيتنا؟
فيصل/ووجعة وش بتقول نجود عنك ماتعرفين تسلمين؟
سارة بهدوء وبدون ماتتقدم/السلام..
نجودوهي تناظر بفهد اللي كان بيقول شي بس نظراتها كانت تقول خلها على راحتها/وعليكم السلام,,,
فيصل/وين هديتي؟
نجود/ماتبون تفطرون؟
لمى/فطرنا بالبيت,,,,شكرا,,
نجود/انتي شلونك لمى...
لمى/بخير...
فيصل/انا بعد بخير..
نجود/أي انت اكيد بخير....
فيصل/نجود عادي العب بحوض السمك..
نجود/أي عادي بس مو تموت سمكاتي ترى من زمان وانا اربيهم,,,
سارة/بابا انا بروح اذاكر عندي امتحان..
نجود/خذي راحتك البيت بيتك وقت ماتبين تعالي...واذا حابة اشرح لك منتي فاهمته ترى ماعندي مانع؟
سارة طلعت بدون أي كلمة وهي حاسة بالمهانة..كيف ابوها يتزوج نجود؟؟؟؟؟؟؟
وحده بس فيصل الي اخذ على الجو وقام يلعب بعزومة وبدون ويدخل ويطلع ومو هامه شي..
ولمى استاْذنت وقامت علشان تسلم على عمتها ام مصعب اللي بتجي تسلم بعد شوي على نجود,,
فهد/نجود...يمكن سارة ..
نجود/وبتاخذ لها وقت طويل على ماتتقبل عارفة ها الشي...قلت لك لاتشغل بالك يافهد...هي ماتوقعتني ولاحطتني اصلا في بالها...واكيد انها عرفت اني تزوجت من البنات بس ماتصورت انك انت زوجي ويمكن عرفت من ملاك وحاسة ان ملاك تتشمت فيها...ولايهمك..اصلا قبل كل التغيرات اللي لازم تصير سارة هي اللي لازم نغيرها ونغير تفكيرها وحياتها,,,,,المهم اختك مطولة ترى ماباقي لنا شي على روحة المطار,,,,


نجود بصدمة/شنو؟
هيا/اللي سمعتيه؟
نجود بنفس الصدمة/شنو يعني اللي سمعته؟من متى؟
هيا/من اسبوع...
نجود/وانا ليش محد قال لي...
هيا/انتي عروس وماحبوا يشغلون بالك..
نجود/هيا لو كل الناس ماخبرتني بموضوع مثل كذا انتي مالازم تخشين عني؟انتي عارفة شنو يعني جواهر عندي؟
هيا/نجود كلنا عارفين ان وجودك جنبها بيخفف عنها الشي الكثير بس رغبة الكل كانت بانك تتهنين
هيا بضعف/صدقيني يانجود كلنا حزنانين عليها بس شنسوي...
نجود/وهي اكيد منهارة اللحين؟
هيا بنفس الضعف/اسبوع كامل ماتكلمت ولاكلمة مع أي احد يانجود...امها بتموت نفسها من الحسرة عليها,,,
نجود/طيب ليش..ماعرفتوا؟
هيا/ناصر يقول الليلة عرسه؟
نجود بنفس الصدمة/عرسه؟؟؟أي عرس؟
هيا/هو متزوج وحدة جداوية والليلة بيكون العرس هنا كديكور بس..وبنفس القاعة.....ناصر شاف كروت فرحهم ببيت عمي,,,
نجود/شوف النذل..شوف الحقير...كذا يسوي بجواهر..
هيا/عمي اللي مصر على العرس....اصلا,,,بندر بيموت لو تشوفينه واقف عند باب بيتهم ليل نهار وينادي باسمها مثل المجنون حتى الكل اكدوا انه جن فعلا؟
نجود/ماني قادرة اتصور.....ليش ماقلتوا لي ليش؟؟؟حسبي الله على بليسك يابنيدر كان انك جرحتها وهي اللي حبتك؟
هيا/نجود وين رايحة قعدي ارتاحي شوي بعدين روحي لها؟
نجود/انا عندي خيارين ياامر على جواهر اول ولاعلى بنيدر الحقير...بس جواهر اذا رحت لها مابطلع من عندها خلني امره اول....
هيا/بجي معك...
نجود بقهر/لاماله داعي مايسوى بندر تكلفين على حالك وتعطينا اكبر من اهميته؟
ام مصعب/................
نجلاء/شفتي كله منها سوسة القايلة ربطتهم ببعض وذلفت عسى ربي مايجيبها سالمة؟
ام مصعب/وبعدين يانجلاء مع ها الدعاوي ترى منال بنت اخوي وماارضى عليها؟
نجلاء بانفعال/وترضين لي المذلة؟ترضين لي انه ياخذها عليّ ويحرق قلبي؟؟
ام مصعب بصرامة/نجلاء....تذكرين موقف فيصل يوم يضيع ومنولقاه؟هي....ومنو اللي راح شكرها...طبعا مو انتي هو....تذكرين موقف بنتك سويرة الغبي واللي سوته مع البنت بوسط بيتنا.....وش كانت ردة فعلك..مالي وجه اقابلها روح انت يافهد كلمها واعتذر منها انت تعرف تتكلم افضل مني!!!
بذمتك من اللي قرب بينها وبين زوجك ياحظي غيرك؟
انتي...انتي فتحتي الباب له يشوفها ويتكلم معها....
بنت...ومثقفة وتاخذ وتعطي معه..والجمال ماهو قاصرها..وقاعدة بروحها هنا...
ورايح لها يعتذر والاعتذار يجر وراه كلمة وكلمتين وثلاث...وانتي عارفتها اسلوبها مثل العسل مع الكل...جابته وجابت راسه بسبك انتي يانجلاىء؟
نجلاء/انا!!!!
ام مصعب/أي انتي...وش كان بيصير لو رحتي انتي وشكرتيها بدل مايروح هو لها....وش كان بيصير لو اعتذرتي لها بنفسك بدل مايتعنى لها فهد بنفسه ويشتري رضاها.....انتي قربتي الزيت من النار ومابغيتيهم يولعون!!!
انا اقول نجود انتي جبتيها صحيح يمكن كانت بتكون غيرها لو ماكانت هي...بس هو عمره ماجاه طاري العرس وحياتكم ماتغيرتمن زمان..
ماجاه الطاري الا يوم انتي قربتيه منها ودخلت باله وافكاره....انتي بروحك تحملي نتيجة اهمالك وتصرفاتك الامبالية واتكاليتك..انا ماعندي شي اقوله ابدا!!!
بندر رفع راسه وقال بذهول وصوت متقطع/نجود....
نجود بحقد/ماكنت متوقع اني اجيك ولا شالسالفة؟
بندر بدموع/نجود انا احبها؟
نجود/انطم بس انطم قال احبها؟وين انت ووين الحب ياغدار....كذا تحرق قلبها...هذا جزا اللي حبتك ..
بندر قاطعها وهو يمسح دموعه/والله احبها يانجود والله..
نجود/ماله داعي تحلف لاني اخر انسانة بالعالم ناوية تصدقك؟
بندر بترجي/الله يخليك خليها ترد عليّ تكفين يانجود تكفين..
نجود/اذا لها نية واحد بالمية ترد عليك فتاْكد اني الوحيدة اللي بمنعها....هذي الامانة اللي كان المفروض انك تصونها يابنيدر؟؟؟هذي حياتي اللي امنتك عليها تقوم تجرحها وتكدرها...مالي معك كلام..لانك مو رجال وكل شي بقوله ضايع معك..بس تاْكد اني لي كلام ثاني معك بس مو اللحين....ولعلمك غيرك وسيد سيدك يبيها تاج على راسه وماهي بميتة على فراقك؟
تركت بندر بدموعه بدون مايهز فيها ولاشعرة وراحت بيت جواهر....
سلمت عليهم وركبت غرفتها....
فتحت الباب وسكرته وراها وجواهر كانت قبال النافذة ومالفت لها كانت فاتحة الستاير وحتى النافذة وعيونها على غرفة بندر......
نجود/جواهر..
لفت لها وماقدرت تتحرك من مكانها رجعت تناظر بالنافذة من جديد وعيونها تحكي عنها اللي مو قادر ينطقه لسانها,,,,
تمنيتك علي تقبل....اشوفك مبتسم فرحان.,,
واشوف اهلك يغنوا لك...ولدروبي يزفونك,,
وتزيد بقلبي نبضاته.. ويحمر وجهي الخجلان,,
ويرعش جسمي بقدومك..واقول امشي على هونك,,
واملاك السما تحفك..بنور الرازق المنان,,
عليك اسم الله يالغالي...وعمت عين اللي يحسدونك,,
تسابق لجلي خطواتك..تجيني محترق لهفان,,
واحط يدي على قلبي.. واقوله جاك مفتونك,,,
وتفتح طرحتي بيدك ..واتوه بسحرك الفتان,,
ياعمري والله خجلانة ..وميتة بنظرة عيونك,,
يريحني كلامك لي.. يامحلا ليلة العرسان,,
وتعاهدني بتوفي لي.. واعاهدك اني مااخونك,,
مضى عمري وانا احلم.. واضم طيوفك بالاحضان,,
واسال ليلى ياليلى.. وش سويتي بمجنونك,,,
تحقق نصف حلمي بك.. وشفتك مقبل وفرحان,,,
وشفت اهلك يغنوا لك.. وللحلوة يزفونك ,,
خنقت بنفسي عبراتي.. وخنقني قلبي الغيران,,
وحبست دموعي في عيني ..وقلت امشي على هونك,,
فضحني صوت شهقاتي.. ورجيت الواحد الديان,,
يخليها ويقدرني ..اضمد جرحي من دونك,,
اشوف شلون تضحك لك.. وقلبي يشتعل نيران,,
دعيت الله يهنيها.. معاك وتجلي شجونك,,
وانا منهو يهنيني.. ويداوي قلبي الوجعان,,
انا ونيت يوم اني.. سمعت اخواني يطرونك,,
غديت بغبنتي.. ووصفت احساسي للجدارن,,
رحلت وربي ماظنيت.. مصيري غيري تصونك,,
وناديتك ولالبيت.. وتخالط شوقي بالهجران,,
بتنهيدة انا ترجيت لي ..ربعي يجيبونك,,
يقولون ادفني ذكراه.. وانسي اللي خان,,
قسم بالله ماانساك ..ولوها الكون ينسونك,,
تروف بحالتي نجود.. وتحلف والله هو خسران,,
يواسوني رفيقاتي.. يقولواكلنا عونك,,
كبيرة بعين كل اهلي.. وعند ربعي عزي ماينهان,,
كذا تخليني اصغرهم.. مع فلانة يلاقونك!!!
انا ماابي مهر منك.. ولاشبكة ولافستان,,
طموحي احتضن حزنك .. وازين بالهوى كونك,,
ابيك تكون لي وحدي.. بديرة مابها سكان,,
تنومني بوسط عينك.. وتلحف جسمي بجفونك,,
غناتي ليه تاْخذها ..وتشمت فيني العدوان !!
وش اللي ساومك فيها.. وصغر شخصي بعيونك!!,,
وش اللي موحلو فيني.. كسرت بخاطري يافلان!!
خبر عرسك قضى فيني.. هلكت قلبي بطعونك,,
مزن ضميتها.. وبليت شعرها بمدمعي الهتان,,
يهون عليك ترخص بي ..وتجازي طيبتي بنكران!!
عشقت اهلك على شانك.. ولمت اللي يلومونك,,
اسفة.. والله اسفة..مكتوب اهيم بسكة احزان,,
ومكتوب تلقى بنت ناس.. تعيش بدالي بكونك,,
ياشين اللحظة ذي.. والله تمنيت البس الاكفان,,
واشوف الظلمة في قبري.. ولابغيري يهنونك,,
ارجوك خذ روحي.. ونادوا ياهلي الدفان,,
ابيك تحس بجروحي.. وبتابوتي يمرونك,,
ابيك تشيل تابوتي ..على كتفك ياغصن البان,,
وتعرف قدري بموتي.. وتدمع لجلي عيونك,,,
بذاك الوقت ابي امسح.. دموع الغالي باكفاني,,
دموعك اغلى ماعندي.. يامالك كل وجداني,,
فراقنا موت.. ودمعك موتي الثاني,,
خلاص ارحمني لاتبكي.. دخيل الله علشاني,,
زماني مارحم ضعفي.. هزم حسي وتحداني,,
عهد في قبري ماانساك.. تعال زورني وعاني,,
تعال خلني بحس.. انك عليّ ولهان,,
وبفرح وانا وسط ترابني,,
لاتقولون ماطولت البارت تراني طولته علشانكم حبتين بس علشان تعرفون ان قدركم عندي غالي...
وبصراحة شديدة وبيني وبينكم هذا البارت الوحيد اللي كتبته وانا نفسي كنت ابكي فيه..يمكن صارت احداث بالرواية وبتصير اثرتني بس مو مثل ها البارت اللي فعلا كنت اكتب كلمتين وتنزل مني دمعتين,,,
وكان المفروض اني اكمل لكم للنهاية بس فعلا يوم قريته من جديد تعاطفت مع جواهر وماقدرت اكمل,,,,,اشوفكم على خير بكرة ان شاءالله,,
تشكراتي حبايب قلبيي على ها التواصل الرائع والرهيب عساكم دوم على القوة يالغلا ولايحرمني منكم ابدا,,

البارت الثامن والسبعين

بروحه مصعب بس كانت افكار توديه وافكار تجيبه وهو يناظر بفستان عرسها اللي شاله معه,,
ليش ياترى ماراح تلبسك الليلة ؟؟وليش يوم سالتها عن بندر قالت لي خاين وحقير وكذاب؟؟وليش الليلة عرسها وفهد ونجود راحوا؟؟
وش سالفتك ياجواهر ياعمري..
وش اللي جرى لك وضعفك كذا...انا مااعرفك غير قوية وواثقة من حالك ومايهمك شي,,,وش ها الشي اللي صار لك وخلاك تنهارين وتفقدين حتى صوتك من الصدمة,,,
ودي بس اعرف من اللي زعلك وضايقك وخلاك مهمومة كذا..صدقيني لااذبحه واخذ فيه اعدام بس اهم شي راحتك ورضاك يالغالية..
ليش منتي راضية تردين على مسج من مسجاتي..ابي بس اتطمن عليك وعلى صحتك ..عارف الليلة عرسك وادعي الله يهنيك باختيارك..بس تاْكدي انتي بقلبي وبتظلين طول عمرك بقلبي وشرايني..متى بس بقدر اشيل حبك من بالي وفكري متى؟؟؟الوكاد اني مقدر انتي اغلى من انك تنسين بيوم وليلة يابعد كل البنات...
كان يشيل ثوبها بيدينه ويسمح لدموعه تطيح على الفستان وهو كل قهر العالم فيه لان الليلة عرسها وضاعت منه للابد...
البارحه والهواجيس اشغلت بالـي
ما غير اهوجس وحلو النوم جافيته
يالله يالواحـد المعبـود يالوالـي
ياعالم بكل ما جهر به وما خفيتـه
تفرج لعين(ن) جداها الدمع همالي
قامت تسوق العباير يـوم طريتـه
الصاحب اللي بقلبي منزله عالـي
اللي من الناس ما غيـره تمنيتـه
الصاحب اللي ملكنـي اول وتالـي
لا حل طاريه دمـع العيـن هليتـه
أحاول أنساه لكـن ايتهيـااا لـي
اني ابنسـاه وانـا مـا تناســيتـه
خزنت اســمـه وعنوانـه بجوالـي
وفي وسط قلبي وشرياني بناء بيته

نرجع لنجودوجواهر......
نجود تقربت منها بهدوء..
جواهر كانت تناظرها وبعيونها الف دمعة ودمعة ماهم راضيين ينزلون
نجود /خسارتك ببندر ماتعني انك خسرتي العالم ياجواهر....حرام عليك اللي تسوينه بنفسك والله حرام...
جواهر كانت تاْشر بيدها على نفسها بس ماهي قاوية تقول أي شي...
نجود بزعل/جواهر قولي شي لاتظلين ساكتة وقاهرة حالك,,,,
جواهر كانت تدور على جوالها او أي شي تكتب لنجود فيه...بس ماشافت شي قدامها حست بالانفجار مسكت يدها الجدار اللي كانت واقفة عليه وطاحت مرة وحدة ,,
نجود بفزع بعد ماتقربت منها/جواهر..اسم الله عليك لاتسوين كذا والله والله بنيدر مايستاهلك...صدقيني خيرة انك تركتيه هذا مايستاهلك ابدا..
جواهر بصراخ ماتدري وشلون طلع منها بعد ها المدة كلها وحست بنفسها تزلزل البيت كله من صوتها/انا احبه فاهمة وش يعني احبه؟؟؟يعني انا انخدعت ..بندر كان يتلاعب فيني...سبع سنين حب وغرام كللناها بالارتباط جازاني فيها بالخيانة؟؟؟؟فاهمة وش معنى خيانة؟؟معناته انه كان بحضن زوجته طول الاسبوع ويجيني بنار زايفة ويقعد بحضني..كل الكلام اللي كان يقوله لي ماكان طالع من قلبه ويمكن انه مايقصدني فيه...كان معها طول الوقت وانا كنت مجرد تسلية له هنا بالدمام...عارفة وش معنى خيانة يانجود ...معناته تموتين ,,عارفة وش معنى اني حبيته ونساني وخذعني وتركني...معناته اني مو قادرة حتى اوقف قبال نفسي قبال المرايا واناظر بشكلي....
بس ابي افهم منه شي واحد...ليش خدعني؟ليش تزوجها..وظل معي؟؟؟وليش....وليش..وليش اختار ليلة زواجنا مع بعض...علشان يكمل ذلي ومهانتي؟
كانت تصارخ وتصارخ وتصارخ واخر عباراتها قالتها بمرارة,,,
كانت نجود تسمع وتسمع وتسمع وهي ساكتة وتناظر..ماهي عارفة وش تقول لها وهي اكثر وحدة عارفة اللي بقلب جواهر لبندر,,ماهي قادرة تعزيها بحب انجبر على الفراق باخر لحظات واصعبها واحرجها..ماهي قادرة تقولها أي شي وسط انفعالاتها ودموعها اللي حارقتها....
كل تفكيرها كان ذيك اللحظة في بندر....لو تذبحه يمكن ماتقدر تشفي غليلها منه على الحالة اللي وصل لها صديقة عمرها....
رفعت جواهر راسها لنجود وهي بقمة انفجاراتها ودموعها اللي مغرقة وجهها وقالت بمرارة لنجود/قولي شي ليش ساكتة؟
نجود وهي تفكيرها ببندر/ابكي...صارخي..اذا هذا الشي بيريحك وبتحسين بعده انك بتهدئين وبترجعين جواهر اللي اعرفها...بس يكون بعلمك بندر مايستاهل ولانص دمعة منك...
جواهر بمرارة/انا ابكي على نفسي ..ابكي على المذلة اللي حطني فيها بندر والاهانة اللي وجهها لي قدام كل الناس....ابكي كرامتي اللي انهدرت ...ابكي لان الناس بتفكر باشياء ماهي صحيحة ولايدرون وش اللي صار؟
نجود/مين الاهم انتي ولاالناس وتفكيرهم....وبعدين ليش تبكين على نفسك بالله!!انتي وش مسوية....جواهر...انتي الف الف من يتمناك ويتمنى اشارة من اصبعك...بتظلين على بندر المصفوق اللي ماصانك,,,لاياجواهر انتي اذا قعدتي كذا بتتعبين وبتبينن له انك زعلانة علشانه وما المفروض انه يفهم ها الشي منك..
جواهر/طيب ليش يجي يبكي يبي يكلمني...مو هو غش وخان وغدر..وش يبي بعد يانجود؟
نجود بقهر/يبي يكذب كذبة جديدة ويخليك تصدقينه..بس لاياجواهر انتي عرفتيه خلاص ماله داعي تسمعينه بحياتك مرة ثانية....
فتحت عينها ببطء علشان تستوعب اللي حوالينها....
كانت راقدة بنفس مكانها اللي ذبحها فيه من الضرب البارحة
تلفتت حوالينها ولقت مطهر وشاش جنبها وتحسست جبينها لقت عليها كم ضمادة...
معقولة هو سعفها بعد مانزفت..طيب ليش ماكمل جميله وردها لغرفتها وفراشها بدل ماهو مخليها مرمية بنفس مكانها؟
حاولت تقوم بس نومتها الطويلة من البرحة بعد مااغمي عليها كسرتها وشلتها وماقدرت تقوم تنهدت بقوة وبدت تبكي..هو من الالم وهو من الخوف من اللي بيجي وهو من كل شي بها البيت وهو من مسفر نفسه...
بعد ثواني بس دخلت عليها الشغالة...
الشغالة/انتي كويس اللحين؟
لبنى/انا ليش هنا؟ليش مو بغرفتي؟
الشغالة/انا مايدري انا يجي صباح يشوف انتي هنا وينزف دم...بس..
لبنى/يعني انتي مو هو اللي كلف على عمره؟
الشغالة/سنو يقول ماما..
لبنى/وينه؟
الشغالة/بابا مسفر....
لبنى/عساه مايسمع ها الكلمة اصلا..اي...
الشغالة/تحت مع صديق هو يلعب قمار سوا سوا...
لبنى/ليش كم الساعة اللحين؟
الشغالة/اللحين سبع ونص؟
الشغالة/وليش مبكرين بالسهرة الليلة على غير العادة؟
الشغالة/لا هذا صديق مايجي مع الباقي يجي بدري وبعدين يتعشى ويطلع...
لبنى/اممم..انتي من زمان هنا؟

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -