رواية نهاية عاشق -10

رواية نهاية عاشق - غرام

رواية نهاية عاشق -10

طلع رائد و راح عند الاستقبال
و سلم على فهد : هلا فهد
فهد : هلا فيك
رائد : وعد تغطت ادخل
فهد : أوكي
و راحوا للغرفه
فهد حب راس عمته و سلم على عمه
فهد : شخبارك اللحين يا وعد
وعد هزت راسها
فهد : على أجر إن شاء الله
وعد نزلت دموعها و على طول مسحتهم
فهد : أنا بروح الرياض و أنتي يا أماني جلسي عند أهلك و بجيك يوم الأربعاء الجاي
أماني : أوكي بس أنتبه على الريم
فهد : إن شاء الله
رائد : بتروح اللحين ؟؟
فهد : ايه
أم رائد : بس أنتبه على الطريق يا ولدي
فهد : إن شاء الله عمتي
فواز : و سَّلم على الوالد
فهد : يوصل يا عمي ... مع السلامه
الجميع ما عدا وعد: في حفظ الله
و طلع فهد
%%%
دخلوا العماره
و لقوا الشقه رقم 7 مفتوحه دخلوها
و شافوا البنات و الخمور و الشباب و الحاله حاله
الرقيب سعيد بضيق : استغفر الله العلي العظيم
و جاوا له رجال الشرطه : و شنسوي اللحين ؟
الرقيب سعيد : خذوهم كلهم و ودوهم قسم الشرطه و البنات ودوهم الأحداث
و فريق العميد رضوان خلوكم هنا يمكن أحد منهم يرجع
فريق العميد رضوان : أمرك سيدي
و مسكوهم كلهم و ودوهم لمركز الشرطه و البنات في الأحداث


في غرفه الرقيب سعيد


الشرطي سيف : سيدي مو معقول هاذولا بس حنا كنا نراقبهم طوال شهرين عدد الشباب أكثر من خمسه
الرقيب سعيد : أكيد البقيه هربوا
الشرطي سيف : طيب و الحل ؟؟
الرقيب سعيد : خلنا نستجوب هاذيلا و بعدين لكل حادث حديث
الشرطي سيف : هم مسويين أشياء كثيره :
أولاً/ تهريب خمور و مخدرات
ثانياً / معهم بنات و أنت شفت اللي صاير
ثالثاً / معتدين على بنات غير هالبنات
رابعاً / ذاك المحل اللي قدام باسكن روبنز
الرقيب سعيد بتفكير : قصدك محل الجوالات ؟
الشرطي سيف : ايه ذاك المحل سارقين منه حوالي 8 أجهزة جوال مشتكي صاحب المحل أمس
و لقط رقم السياره و بلغ عن السرقه و طلع نفس رقم السياره اللي عندهم
الرقيب سعيد : بنعرضهم على المحكمه بكره و نشوف وش هو الحكم اللي بينحكم عليهم
الشرطي سيف وقف : أجل خلاص أنا بروح لفريق العميد رضوان بشوف أخبارهم
الرقيب سعيد : طيب .. خل الشرطي ثامر يدَّخل الشباب علي
الشرطي سيف : إن شاء الله

و طلع الشرطي سيف

%%%
في ديوانية الشباب بالمزرعه
تركي : شباب جلسوا خلونا نلعب بلوت
طلال : فكره حلوه سلطان : لا أبي أشوف التلفزيون
طلال : جد أنك فاضي تعال خلنا نلعب
خالد ( جلس جنب تركي ) : و أنا بلعب معكم
تركي : زييييين
سلطان ( حط الريموت على جنب ) : ما في شي في التلفزيون يلا بلعب معكم
تركي : أوووكي
و هو يلعبون البلوت رمى خالد الأوراق معصب
خالد : لا أنتوا غشاشين
تركي : روح بس عشانك خسرت تقول غشاشين
خالد معصب : أجل أنا ما بلعب
طلال : هههههههه أحسن لا تلعب
خالد : انقللللللللع بطلع أشم هوا أحسن لي

و طلع خالد من الديوانيه و جلس برا جنب النافوره
و يسمع وحده تدندن
خالد في نفسه : مين ذي شكلها بتمر جهتي بطنشها
بس مشكلة الفضول ذابحه لف وجهه و طالعها طلعت هنادي
خالد في نفسه : يؤؤ وش فيني نسيت أنها أختي
راح خالد جهة هنادي : هلا هنادي
هنادي نزلت سماعة الام بي ثري من أذنها : هلا خوخه
خالد : هيييي خوخه بعينك
هنادي : ههههههههه شخبارك
خالد : أنا تمام وين البنات عنك ؟
هنادي : اللي نايمه و اللي تقرى روايه و اللي تسبح و اللي تطبخ و اللي .....
قاطعها خالد : خلاص فهمت ما يحتاج الموضوع شرح مفصل
هنادي : يلا أنا بروح لوجدان في المطبخ أخاف تحرق المكرونه
خالد : هههههههههههه الله مسويه مكرونه حسبوني معكم
هنادي تأشر على عيونها : من هالعين قبل هالعين
خالد : تسلمييييين
هنادي : أنا بروح تشاااااااو
خالد : تشاااو
و راحت هنادي
و رجع خالد للشباب في الديوانيه
%%%
في مجلس الرجال
أبو نواف : شخبار السوق اللحين يا أبو فيصل
أبو فيصل : و الله السوق نازل هاللحين ما أدري متى بيرتفع أبو نواف : الله يعينا
أبو مشاري : الا ما قلت لي يا أبو فيصل شخبار هنادي اللحين ؟
أبو فيصل : اللحين أحسن من قبل تعودت على الوضع الحمد لله
أبو نواف : زين ريحتي يا أخوي
أبو مشاري : و الله يا أخواني ضايق صدري على بنتي
أبو فيصل : قصدك شوق
أبو مشاري : ايه ما أدري وش في هالماجد تزوجها و هج
أبو فيصل : أنت غلطان يا أخوي مفروض خليت بنتك لتركي تعرف أنه يحبها و يبيها من هو صغير
أبو مشاري معصب : لا ما أبي تركي ياخذ شوق هذا ولد عبدالعزيز
و أنا مع عبدالعزيز مستحيل نتناسب
أبو مشاري : خذ أختي نوره غصب علي و تزوج عليها ذيك الغنيه
و جاب منها تركي و ماتت و رجع لنوره لين اللحين أكرهه خذ أختي
و أنا مو موافق عليه بس عشان يكسر خشمي قدام أبوي الله يرحمه و أنا ما بعطي ولده بنتي لو على جثتي
أبو فيصل بضيق : الله يهديك بس
أبو نواف : و الله ما له ذنب هالتركي و الله أنه رجال و سنافي يستاهل بنتك
أبو مشاري : لا ما أبي هالولد بالذات يعني ما أبيه
أبو فيصل : أنت بتحطم مستقبل بنتك بهالطريقه و بتقول أخوي عبدالله قال
أبو مشاري معصب : ما عليكم مني أنا مع بناتي أنجاز
أبو نواف : كيفك
%%%
عند الحريم
في مجلس الحريم
نوره : وين البنات لين اللحين ما قاموا ؟
ساره : عمتي كلهم قاموا بس كل وحده جالسه في مكان
نوره : اهااا زين أنهم قاموا
أم نواف : شخبار أماني اللحين ؟
نوره بحزن : و الله وداها فهد لأهلها الله يصبرهم
أم نواف : أي والله
أم فيصل : ساره قلبي نادي لي هنادي
ساره : ان شاء الله خالتي

راحت ساره لهنادي

ساره : هنادي تعالي
هنادي في المطبخ تاكل : هاا وش تبين ؟؟
ساره : تبيك خالتي أم فيصل
هنادي : طيب

راحت هنادي لأم فيصل
%%%
كانت شوق جالسه في الغرفه سرحانه وهي تسمع أغنية


هلي لاتحرموني منه..هلي لاتبعدوني عنه..
مثل ماهوه قطعة مني.....انا تراني قطعة منه...
يقولون: تحبه ..؟
أموت أنا.....أدوخ أنا.. أذوب أنا....والله ميت فيه.......
تحبه....؟ بعقلي و قلبي وروحي ياعلني ماابكيه....
هلي لاتحرموني منه..هلي لاتبعدوني عنه..مثل ماهو قطعه مني أنا تراني قطعه منه

هلي تكفون خلوني معه ولاتلوموني....
هلي ماأريد أنا غيره ولايغني أحد عنه,,,,,
هلي لاتحرموني منه..هلي لاتبعدوني عنه..مثل ماهو قطعه مني أنا تراني قطعه منه

هلي....الله يسامحكم إذا ماكان عاجبكم...هلي مليت ناطركم..هلي تكفون طالبكم.........
أحس بشوفه الجنة,,,,,,,,,,,,
هلي لاتحرموني منه..هلي لاتبعدوني عنه..مثل ماهو قطعه مني أنا تراني قطعه منه

حشا ماكنت له جاحد....ولا أحب من طرف واحد....
شكيت( لراشد الماجد) وبسببكم ياهلي غنى,,,
هلي لاتحرموني منـــــــــــــــــــــــــــــــــــه,,,,
<< هلي أحبه و الله أحبه ليه بعدتونا عن بعض ليـــــــــــــــــــــه !!
%%%
المغرب
دخل القصر وهو منحرج من نفسه يحس أنه أحقر مخلوق على وجه الأرض وده يعترف لهم
بس عارف أنه إذا اعترف بيحتقره صديقه و هذا اللي ما يبيه و ما بيقدر يوصل لوعد لأنها بتكون من سابع المستحيلات
غَّير من طريقه لحيته و شواربه عشان إذا طالعته وعد بالغلط ما تعرف إنه هو نفس الشخص
دخل القصر و كان رائد في استقباله
رائد : هلا زين أنك جيت
مساعد : و الله ما جيت إلا عشان خاطرك
رائد : هههه مشكور ... المهم هذا المجلس تفضل
مساعد : مشكور
دخل المجلس
شاف مساحة المجلس الكبيره و أثاثه الفخم
جلس على الكنب و هو متوتر في خاطره : ليتي ما جيت ليتني ما خطفتها هي بالذات بس وش أسوي هي هو الحل عشان أطلع أبوي من السجن
دخل عليه فواز و سلَّم : السلام عليكم
وقف له مساعد لأنه يعرف إن أبو فواز له هيبته : و عليكم السلام عمي
دخل عليهم رائد وجلس
فواز : اجلس يا ولدي جنبي
جلس مساعد جنبه
فواز : ما أدري يا ولدي شلون أشكرك لأنك أنقذت حياة بنتي
مساعد : لا شكر على واجب ما سويت يا عمي الا الواجب
رائد : أبوي مساعد أبوه مسجون عشان الديون متراكمه عليه
فواز التفت على مساعد : صدق ذا الكلام يا ولدي
مساعد بحزن : ايه هو مسجون له شهرين
فواز : كم عليه يا ولدي ؟
مساعد باستغراب : ليه يا عمي ؟
فواز : عشانك انقذت حياة بنتي بسدد ديون أبوك كلها
مساعد و هو فرحان : صدق اللي تقوله يا عمي ترى المبلغ كبير
فواز : لك من الألف إلى المليون
مساعد : أبوي عليه خمسه و تسعين ألف فواز طلع له شيك و كتب فيه : هذا مبلغ خمسه و تسعين ألف
مساعد نزلت دموعه و حب يدين فواز : و الله ما أدري وش أقول لك يا عمي كلمة مشكور قليله بحقك
فواز : لا يا ولدي أنت ما قصرت وديت بنتي المستشفى و ما طلعت الا و أنت متطمن عليها
مساعد ابتسم و هو ما بين دموعه في خاطره : أبوي ما بيطلع اللحين الا بفضل الله ثم بفضلك يا وعد
الله يشفيك يا قلبي أدري أنك حاقده علي لين اللحين بس لو أنك مكاني يا وعد كان ما لمتيني
%%%
بجنب كارفور
الناس متجمعين
على الحادث
................: لا حول و لا قوة الا بالله
....................: شكلكم ماتوا
................: و مشغلين هالأغاني
............: الله يتوب عليهم يا رب
...............: اللهم أحسن خاتمنا
السياره صادمه بالإشاره و كانوا داخل هالسياره بنت و ولد و مشغلين أغاني
وقَّف مساعد السياره مستغرب : يؤؤ وش في الناس متجمعين الله يستر
قرب من مكان الحادث و شاف السياره
مساعد مسك فمه : هاذي سياره صقر !!!!
راح لهم و دخل ما بين الناس راح لصقر اللي مغطى بالدم : صقر قوم وش فيك ؟
الشرطي : يا أخوي الولد مات ترحم عليه
مساعد مو مستوعب : روح عني ... صقر قوم خلاص أنا ما بخليكم تخطفون البنات عشان الفلوس فواز أبو وعد عطاني فلوس عشان أسدد ديون أبوي قوم أبيك تفرح معي
مسكه الشرطي : خلاص يا أخوي أصبر على وفاة صديقك و روح بلغ أهله عشان يدفنونه بكره
مساعد بحزن : أهله ميتين ما عنده أحد الا أنا و جاسم
بعدين جات سيارة الاسعاف و شالت الجثتين
مسك مساعد الجوال و دق على جاسم بصوت مبحوح : الو جاسم تعال جنب كارفور بسرعه
جاسم مستغرب : خير عسى ما شر
مساعد بحزن : صقر مات
جاسم مصدوم : شتقول !!!!!!!!!
%%%
نهاية البارت السابع

انتظر تعليقكم على الروايه
See ….u
متلثمه بشماغه
# نهاية عاشق #
البارت الثامن

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -