رواية اقسم قسم لادوس قلبك بلقدم -11


رواية اقسم قسم لادوس قلبك بلقدم - غرام

رواية اقسم قسم لادوس قلبك بلقدم -11

جوري: وش تسوي؟
نواف: بسوي قهوه وين القهوه؟
جوري: مدري . اصحي ماما؟
نواف: لا . بدورها وبلقاها ان شاءالله
جوري: لازم قهوه؟ كفايه شاهي
نواف: صعبه الرجال بيجلس معنا حول الساعه لازم قهوه . واول مره يجينا بعد
جوري: طيب اسمع . خذ له بارد لحد ماصلح الشاهي وبصحي الشغاله
نواف: لا لا ياكرهي لشغالتكم مدري وشلون تقبلونها
جوري: طيب علمني وانا بسويها
نواف بعد ماحصل القهوه: رايقه والله ياجوري . مافيه وقت . بس جهزي لي تمر وفناجيل
جوري: طيب ( وبدت تجهز)
(( ودخل بندر))
بندر: وين القهوه يانواف؟
نواف: هذا انا اسويها اصبر
بندر وهو يناظر جوري: هيه انتي وينك فيه؟ تغطي
جوري: وشلون اتغطى وانا اشتغل؟ ماعرف
بندر: ليت امك تشوفك . ( وبعصبيه ) تغطي يالله
جوري بخوف: طيب لاتعصب ( وحطت الطرحه على راسها)
بندر: الله يعين امك عليك هذا غطى؟( والتفت لنواف) . بسرعه يانواف (( وطلع))
جوري وهي تجلس على كرسي طاولة الطعام : نواف انت ليش عصبت عشان رحت افتح الباب؟
نواف بعد ماتذكر: ايه صح . مجنونه تفتحين الباب لرجال غريب؟
جوري: هذا انا رديت عليه مع الفون ومافيها شي كل البنات يردون
نواف: مع انه المفروض ماتردين الا اذا ماصار فيه احد من العيال
جوري: الفون عندنا بالصاله اروح انادي احد يرد؟
نواف: الرد مو مشكله بس عرفتي انه رجال علمينا حنا اللي نفتحله
جوري: يعني لو مافيه احد . عادي افتح انا؟
نواف وهو يغطي البريق بعصبيه من حرارة النار وقهره منها: طبعا لا
جوري باستغراب: يقعد برى ؟
نواف وهو يلتفت عليها: جوري من جدك انتي ؟ اذا مافيه احد قولي مافيه احد لاتفتحين الباب لاي احد غريب واذا شي ضروري قولي لامك
جوري: واذا ماما مو موجوده؟
نواف بنفاد صبر: لاتفتحين
جوري: وشفيك معصب؟ لاتزعل مني احاول اسوي كل شي يرضيك
نواف: والله مازعلت منك وتعجبيني لانك تسمعين الكلام وتنفذينه . وتهتمين في مصلحتك . المهم جهزتي صينية القهوه؟
جوري: ايه
نواف: الله يعطيك العافيه ( وهو يبحث في الأدراج ) ماتدرين وين الزعفران؟
جوري: ماعرفه ( وهي تقوم تحاول تبحث معه) كيف شكله؟
نواف( رايقه) : خلاص مايحتاج
جوري وهي تطلع الزعفران : هذا هو
نواف وهو ياخذه منها ويبتسم: ياسلام عليك ( وابتسمت له خلته يحاول يشغل نفسه عنها ) وين الصينيه اللي جهزتي؟
جوري وهي تاشر عليها: هذي هي
نواف وهو ياخذ ترمس القهوه ويحطه بالصينيه ويشيلها: بعد ربع ساعه بالتمام ابدي بتصليح الشاهي
جوري: ان شاء الله( وطلع)
نواف وهو يرجع على ورى: لا تجيبينه أنا بجي اخذه
جوري وهي تبتسم بحرج: خلاص فهمت
نواف وهو يغمز لها: تعجبيني ( وطلع)

في المطبخ:

وعد: الله الله الله وش صاير في الدنيا؟ جوري في المطبخ؟
جوري: نواف عنده ضيف
وعد: نواف ؟!!!!!! نواف طلع من المستشفى؟
جوري: ايه اليوم الصباح
وعد وهي تجلس: الحمدلله يارب ( وهي تشم ) ريحة قهوه
جوري: ايه
وعد باندهاش: انتي اللي مسويتها؟
جوري وهي تجلس : لا . ماما علميني على الطبخ
وعد وهي تتذكر: انا اليوم ناويه اعلمك انتي ورهام . ان شاء الله اقفل عليكم المطبخ من بعد صلاة العصر
جوري: ماما كيف نتعلم وانتي ماعلمتينا وبتقفلين علينا؟
وعد: سولاف معكم . وبتعلمكم ( وكانها انتبهت) وش الطاري؟ اشوفك حريصه
جوري : تفشلت من نواف وهو يسويها وانا واقفه ماقدرت الا ارتب بس
وعد: لاتتفشلين عارفينك ومقدرين موقفك . هذي رهام مثلك
جوري: رهام تعرف تسوي قهوه
وعد: القهوه سهله ماتبي شي
جوري: ابي اتعلمها اول شي
وعد وهي تقوم: تعالي شوفيني بسوي قهوه لنا الحين
جوري وهي تمسك امها وترجعها تجلس: لا ياماما . علميني وانا اللي بسويها
وعد وهي تجلس: زين . اخذي البريق وعبيه الى نصه مويه وحطيه على النار واذا غلا علمتك ( واذن العصر ) بروح اتوضا وارجعلك
جوري وهي تعبي البريق مويه: طيب

ودخل نواف: هاه الشاهي جاهز؟
جوري وهي تحط يدها على فمها: يوووووه نسيت
نواف وهو يحط صينية القهوه على الطاوله: افا
جوري: سوري طلبت من ماما تعلمني اسوي القهوه ونسيت
نواف وهو يبتسم على براءتها وحرصها على تعلم القهوه اللي متاكد انها تتعلمها عشانه: طيب مو مشكله. حنا بنطلع نصلي . خليه جاهز بعد الصلاة
جوري: لاتزعل مني والله نسيت
نواف وهو يطلع: ماازعل منك مهما سويتي (( وقابل عمته اللي تمسح وجهها بعد الوضوء))
وعد: من هي اللي ماتزعل منها مهما سوت؟
نواف بارتباك: انتي طبعاً
وعد وهي تناظر جوري اللي ماتغطت : انت ماتشوف بنتي في المطبخ؟
نواف يحاول يغير الموضوع: افا . مافيه الحمدلله على السلامه؟
وعد وكانها تذكرت: يووووووه نسيت . الحمدلله على السلامه اليوم بنسوي لك حفله بهالمناسبه
نواف: الله يخليك لي ولايحرمني منك
وعد: بروح اشتري شوية اغراض عاد انت وحظك بيجربون فيك جوري ورهام (( وهي تكلم جوري)) اذا غلا حطي ثلاث ملاعق قهوة
نواف: انا بروح اصلي . جهزوا الشاهي بعد الصلاة ( وراح)


بعد الصلاة


نواف: وين جوري؟
وعد بنظره قويه له: وشو؟
نواف بارتباك:اا .. اقصد .. انا طلبت منها الشاهي . اخاف نست بعد
وعد وهي تجلس وتاشر على الشاهي: هذا هو (( وشربت مويه وقامت وطلعت))
نواف( بغيت اجيب العيد . اعوذ بالله صاير مااصبر عن شوفتها ) وخذ الصينيه وقابل جوري عند الباب
نواف بدون شعور: وينك انتي؟
جوري: رحت اصلي
نواف يحاول يخبي شعوره اللي انفضح: جيت ومالقيتك . خفت انك نسيتي الشاهي
جوري: لا لا مانسيته وان شاء الله يعجبك
نواف مارد او مايبي يرد عليها يحاول يتجاهلها ومايقدر (( راح وهو ساكت))
جوري بينها وبين نفسها: وشفيه؟ انا وش قلت ؟ اخاف زعل مني. وش اسوي . اوووووووف


في الصاله يتقهوون:

وعد: وشفيك انتي ؟
جوري وهي مو على بعضها: مافيني شي
وعد:ورى ماتقهوين معنا؟
جوري: مابي ماتعجبني
رهام بصوت واطي لجوري: وشفيك ؟
جوري: نواف شكله زعلان مني
رهام: ليش؟ وش هببتي؟
جوري: والله ماسويت شي . قلت الشاهي ان شاءالله يعجبك وراح مارد علي
رهام: بس؟ عادي
جوري: لا مو عادي . رهام بليز كلميه واساليه
رهام : لاوالله
جوري: بليز رهام . انا بيزعل مني لو كلمته
رهام : وبيزعل اكثر لو عرف انك طلبتي مني اكلمه
جوري: طيب وش اسوي؟ ودي اناديه واساله . بس اخاف من خالي بندر . واخاف هو مايبي
رهام بنفاد صبر: جوري وينا فيه؟ اكيد بيزعل لو تنادينه انتي كذا تحرجينه
جوري: اوووووووووووووووف وش اسوي طيب؟
رهام: انتي مكبره السالفه . صدقيني مازعل (( وقطعهم صوت وعد تكلم جواهر: )
وعد: راح فارس؟
جواهر: ايه الله يستر عليه
وعد: الله يحفظه . انا بكره بروح اخذ لي مع عيالي عمره . تخاوينا ياام نواف؟
ام نواف: تخاويكم العافيه
جواهر: روحي معهم ياام نواف ووسعي صدرك
ام نواف: لا والله . نواف بيوديني ان شاء الله بعد زواج جمانا
وعد: ياالله المستعان في الاجازه
ام نواف: ماعاد الا اسبوعين . الدنيا تركض
جمانا وهي تحاول تتناسى انه ماباقي الا اسبوعين : مطوله ياعمه؟
وعد: والله مدري بناخذ لنا كم لفه في جده والطايف متى ماملوا عيالي رجعنا
رهام اللي طلعت ترد على مكالمة ابوها ورجعت: قلت لابوي امي بتجلس لحالها عمتي بتسافر قال اجلسوا لين تجي عمتكم
جواهر وهي تلتفت لجمانا: قولي لابوك يعطيك فلوس تراك للحين ماجهزتي شي. وانا فاضيه هالاسبوعين. بعدها اهلي بيجون وماراح اقدر اطلع معك
جمانا: والاختبارات يمه؟
جواهر: مستواك زفت هالترم. لاحقه على خير ان شاء الله السنه الجايه
وعد: امك صادقه. لازم تكونين بمستوى حلو عند الناس ولازم تجهزين احلى جهاز
جواهر وكانها تذكرت: ساره ماعاد لها شوفه . وينها؟
جمانا: ساره منحرجه من اللي سوته خالتها
جواهر: هي مالها شغل . عسى ماانتم مضايقينها بكلمه من هنا والا هنا . ترى مايذبح الانسان الا الكلمه الجارحه
جمانا: لاوالله يمه . دايم اقول تعالي وتتعذر بالمذاكره
رهام: صادقه والله عندنا اختبارات


في المجلس ( خالد وبندر جنب بعض جالسين ونواف على الارض متسند على مركا يتابع التلفزيون وسامر قريب منه بس على الكنب)

بندر بصوت واطي: انامستغرب من نواف توقعته بيكون حزين اقل شي شهر بس اللي اشوفه العكس
خالد: نواف غارق الى شوشته بالحب
بندر وهو يعدل جلسته: بالله؟ ومن هي هاللي جابت راسه اخيرا؟
خالد: هههههههههههههههههههههه جوري
بندر: اوف اوف اوف . والله وطاح محد سمى عليه (( وصل نواف مسج وفتحه وابتسم))
خالد: اكيد منها
بندر بامتعاض: بينهم تلفون؟
خالد: لا. بس اتوقع هي اللي ارسلت
بندر بصوت عالي: وش هالمسج اللي خلاك تبتسم؟
نواف وهو يلتفت عليه: وليش السؤال؟
بندر وهو يغمز له: الشاهي ماشربه الا انت لهالدرجه حلو؟
نواف وهو يناظر سامر اللي خايف انه يفهم غمزاتهم ويرجع يتابع التلفزيون: اليوم ماشربت شاهي ومصدع



رهام: وش ارسلتي؟
جوري: ارسلت مسج عادي اذا رد معناها مو زعلان
رهام وهي تشوف الرسائل المرسله( تحاورت انا والهاجس اللي منشغل فيك / وكان الحكي عن طول فترة غيابك/ انا اقول بانك خلاص ناسي مغليك/ وهاجسي قال مستحيل تنسى احبابك/ قلنا بنبعث لك رساله ونخليك/ تحكم بنفسك صاحبي وش جوابك) حلو المسج
جوري: رهام تاخر مارد
رهام: اصبري يمكن جالس يكتب (( ووصل مسج وخذت جوري جوالها من رهام بسرعه))
جوري:هاتي (( وفتحت المسج )) الله لنا . ارسليلي مثل ماترسلين لنواف
رهام وهي تشهق: هذا عمي بندر
جوري: وش دراه؟ يعني نواف قالهم؟
رهام: لا ماظن . جوري صدقيني سببتي احراج لنواف (( ووصل مسج ثاني وفتحته))

( لو انسى الناس كلهم مانسيتك انتي بقلبي. هذا جوابي)

رهام: شفتي . هذا دليل انه مايدري عن مسج عمي


في غرفة وعد :

وعد منسدحه وتقلب في جوال جمانا وحصلت مسج ( الف مبروك . اتمنى لك التوفيق) : جمانا من هاللي مرسل ( وقرت المسج )
جمانا: ماعرفتي الرقم؟ هذا خالد. ارسله لي ليلة الملكة
وعد: مااحفظ الارقام انا . وبعدين امسحي المسج لو يشوفه محمد سوى لك مشكله
جمانا: بمسحه مو الحين


في منزل ناصر:

حصه: ومن هو هذا؟
ناصر: والله رجل اعمال مشهور ومعروف وتوه عمره 30 سنه
حصه: والله مايتفوت
ناصر: حاولي تقنعينها . هي يتيمه . وماراح تحصل انسب من هذا
حصه بمكر: والله يابو فارس . مالي كلمه عليها . ( وبدت تكذب) هي اصلا ماعاد تكلمني عشاني تزوجتك . كانت رافضه ومسببه لنا مشاكل في البيت عشاني وافقت . حتى ان امي بغت ترفض اتزوجك عشان مانسبب مشاكل
ناصر: وليش تسببون مشاكل؟
حصه: مدري . هذا كان تفكيرها . تبي رايي انت قولها . وحاول تجبرها . صدقني لمصلحتها
ناصر: على خير . اجل وشرايك نروح نسير على امك ومنها افاتحها في الموضوع؟
حصه وهي توقف: يالله


في منزل أهل محمد: ( في المجلس)

ساره مصدومه: مابيه ياعمي
ناصر بحزم: وليه؟ خالك تزوج وخالتك تزوجت وبنت خالتك . ماعاد الا ولد خالتك . وش تنتظرين؟
ساره وهي تفكر بفارس: عمي انتم باقين لي ان شاء الله . وجدتي . تو الناس على الزواج
ناصر: خلي عنك هالكلام اللي مامنه فايده . بعد الاختبارات بملك لك عليه . هذا من مصلحتك
ساره: عمي مابيه . مابيه
ناصر: اذكري الله
ساره بينها وبين نفسها: ( اذا اجبرت بنتك وهي بنتك مو غريبه تجبرني )


في غرفة البنات:

ساره تفكر في فارس اللي ماعاد اتصل عليها . وقالت لازم اكلمه لازم يدري . هو قال يبي يخطبني بس انا اللي رفضت . غبيه . يوم عرفت قيمته صار يطنشني ) ودقت عليه حصلت جواله مغلق


بعد ثلاث أيام


في غرفة خالد:

خالد يقوم على اتصال : وش هالرقم؟ والله الناس المزعجه ( ورد) الو
ساره: الو . السلام عليكم
خالد وهو يعدل جلسته: هلا وعليكم السلام
ساره: اسفه صحيتك؟
خالد: من اللي معي؟
ساره: انا ساره بنت عمك
خالد: هلا ساره . عسى ماشر؟
ساره: فارس صار لي ثلاث ايام اتصل عليه وجواله مغلق
خالد بازدراء: وليه ماسالتي خواته عنه؟
ساره( نغمة الصوت هذا مو غريبه علي ) : ما تجرأت . ليش هو فيه شي؟
خالد: فارس عنده دوره اسبوعين . وماراح يفتح جواله خلال هالاسبوعين . فيه شي ضروري؟
ساره: تقدر توصل له؟
خالد: والله على حسب الحظ . يمكن يقدر يكلمني . يمكن يفتح جواله ( وقالت ساره لخالد قصتها مع عمها)


في منزل وعد ( في المجلس)

بندر: لا حول ولاقوة الا بالله . حتى هاليتيمة ماتركها في حالها؟
خالد وهو متعاطف معها: منتهى الظلم بصراحه . آآآآآآآه بس لو يرد فارس والا يتصل . حرام لو يدري بعد مايرجع
بندر: حتى لو هو موجود . ابوك مايعترف بشي اسمه حب . وعنده هالسوسه تحركه على كيفها
خالد وهو يوقف: لو مر اسبوع وماقدرت اكلم فارس انا بتصرف
بندر وهو يجلسه: اجلس وخل عنك المهايط . ماقدرت تحل مشكلتك بتحل مشكلة بنت عمك
خالد وهو مقهور من بندر: يحلها حلال ان شاء الله


الجزء الاخييييييييييير


بعد يومين ( في الصاله) الساعه 10 مساءً

رهام: ياحليلها عمتي كانت ماليه علينا البيت
جواهر: الله يردهم بالسلامه . ماكلمكم فارس؟
جمانا: لا . هو ماكلم ابد من يوم راح؟
جواهر: الا . بس طول ماكلم بعدها
رهام وهي توقف: بروح اذاكر عندي اختبار صعب مررررررررررررررررررررره ( وراحت)
جواهر: كلمتي الكوافيرا وحجزتيها؟
جمانا وهي تتنهد: ايه
جواهر: خلاص لاتضايقين نفسك . وان شاءالله ترتاحين مع محمد
جمانا وهي تمسح دموعها: ان شاء الله . اقول يمه
جواهر: قولي
جمانا: بترجعين لخوالي بجده بعد زواجي؟
جواهر: طبعاً لا . ماقدر اخليكم . وعد الله يجزاها خير فاتحه لي بيتها
جمانا: يعني بتجلسين لحد مايتزوج فارس وتعيشين عنده؟
جواهر: حتى لو تزوج فارس . يمكن بنت الناس ماتبيني . هنا مرتاحه مع وعد . وعيالها كنهم عيالي وانتم قريبين مني( ودق جوال جواهر) هذا فارس ( وردت ) هلا وغلا
فارس: هلا والله بهالصوت بشريني عنك
جواهر: الحمدلله بخير . اشتقنالك مطول؟
فارس: ههههههههههههههههههههههههههههههههههههه باقي حول اسبوع . ويالله لقيت فرصه اكلمك
جواهر: خل جوالك مفتوح
فارس: ماقدر يمه . الا خالد عندكم؟
جواهر: لاوالله . عمك مخيم في البر . وماجانا لاخالد ولانواف
فارس: دقيت عليهم ومايردون . ان شفتيهم سلميني عليهم . يمكن الفتره الجايه انشغل مره وماقدر اكلمكم
جواهر: تكلمهم قبلي ؟ افا والله
فارس: ههههههههههههههه . والله لقيت لهم مكالمات بالهبل ومسجات يبوني ضروري
جواهر: مدري عنهم والله . المهم حاول وانا امك تكلمنا . نبي نتطمن عليك
فارس: بحاول . بس لو ماقدرت لاتشغلين بالك . سلمي على البنات ماقدر اطول
جواهر: الله يحفظك



في الصباح (في سيارة نواف)

خالد: قهر . دق علي وانا نايم وانا حاطه على السايلنت
نواف: وانا مانتبهت لجوالي كنت مخليه بالشاحن في غرفتي
خالد: ليته يتصل اليوم . الوقت قام يمر بسرعه وماعاد ادري وش صار على ساره
نواف: الله يستر . اخاف يملكها بين يوم وليله وبدون ماندري
خالد: اليوم سالت سولاف عنها وماجابت لي خبر زواج ولاشي . شكلها ماقالتلها (( ودق جوال خالد )) هذي ساره
نواف: ماراحت الجامعه؟ معقوله ماعندها اختبار؟
خالد :مدري والله ( ورد) هلا ساره
ساره وصوتها حزين: هلا خالد . اسفه ازعجتك
خالد: لا لا عادي . عسى ماشر مارحتي الجامعه اشوف ؟ صاير شي؟
ساره:عمي كلمني الفجر وقال الملكه الليله
خالد بصدمه: وشو؟ الليله؟ ليش ماطلبتي منه ياجلها بعد الاختبارات؟
ساره: انا كنت رافضه وماهتم برفضي . تفاجئت بمكالمته. فارس مارجع؟
خالد باسى: لاوالله . وباقيله حدود 10 ايام ( حاول يطمنها) ماعليك تطمني ماصاير الا الخير
ساره: تكفى ياخالد لاتخليني . وانا الحين بروح اكلم خالي قبل يطلع الدوام
خالد: ابشري . والله يكون بعونك . باي ( وسكر)
نواف: لاحول ولاقوة الا بالله . وش هالعالم اللي ماتحس؟
خالد: ارجع ارجع . وصلني للبيت
نواف: ليش؟
خالد: بروح لعمي . اكيد الحين صاحي عشان دوامه
نواف: الحين؟ ماراح يستقبلك
خالد: مو بكيفه . ماعليش بعطلك عن شغلك شوي . بس وصلني للبيت وبروح على سيارتي


في غرفة محمد

محمد: عمك يعرف مصلحتك . والرجال ولد نعمه وش تبين بعد؟
ساره وهي تبكي: بس انا مابيه
محمد : وش تبين اجل؟ نوف تزوجت وحصه تزوجت . تبين تصيرين عانس؟
ساره باندهاش: مضايقك وجودي؟
محمد يحاول يحسن اسلوبه: لا طبعا . بس خلاص نصيبك جاء . انا بروح للشغل ( وطلع)
ساره بينها وبين نفسها: الله اكبر ياخالي . انا اللي عطيتك ورثي وماسالتك عنه تسوي فيني كذا عشان فلوس . وعشان ترتاح مني . آآآآآآآآآآآآه يابنات عمي . والله انك ماتستاهل جمانا هالطيبه . وانا الغبيه اللي بغيت اضيع فارس من يدي . ههههههه وهو ماضاع؟ خلاص حياتي انتهت على يد عمي وخالي وكله بسبب خالتي الله لايوفقها )


في منزل ناصر ( في المجلس)

ناصر: وانت من علمك؟
خالد: سولاف . ساره قالت لها . وانا ابي ساره . وانا اولى فيها
ناصر: انا عطيت الرجال كلمه
خالد بهدوء: ياعمي ساره يتيمه . وحرام تجبرها . ولاتكسر خاطري للمره الثانيه . يكفي خذت مني جمانا . لاتاخذ مني ساره بعد
ناصر بعد ماتأثر بكلام خالد: لاحول ولاقوة الا بالله . خلاص خلاص . انا بتصرف . تبي ملكتك اليوم؟
خالد( يؤؤؤؤؤؤؤؤ) : اليوم لا . مايمدي . بكلم عمتي وعد وبشوف متى ترجع عشان اسوي الملكه ( هو عارف ان عمته ماراح ترجع قبل بداية الاجازه)
ناصر وهو يوقف: على خير . واعذرني عندي دوام
خالد: معذور ياعمي
ناصر وهو يحط يده على كتفه: الله يجزاك خير على وقفتك مع بنت عمك
خالد( والله لولا دموع ساره مادخلت بيتك بعد ماطردتني منه ونزعت قلبي جمانا نزع) : ولو . هذي بنت عمي
ناصر: الله يوفقك
خالد: اشوفك على خير (( وطلع ))


حصه بقهر: والرجال وش تقوله؟
ناصر: بقول مافيه نصيب
حصه: فشله والله بعد ماعطيته كلمه
ناصر وهو يلبس شماغه: عطيت ولد اخوي كلمه بعد وهو اولى بها


في شركة نواف:

نواف: وافرض الخبر انتشر؟
خالد: ماراح ينتشر . عمي مايقابل احد منا من يوم تزوج
نواف: اخاف السوسه تعلم محمد ومحمد يعلم جمانا
خالد: جمانا ماتكلم محمد اصلا
نواف: وش دراك؟
خالد: ادري . فارس قال لي
نواف: علمت ساره عشان ماتتفاجأ وترفضك بعد وتخرب خطتك؟
خالد: ايه كلمتها وعلمتها . ماتتخيل وش كثر فرحتها
نواف: الحين وشلون بتنقذ نفسك؟
خالد: اهم شي هاللي خطبها يذلف . وعمتي ماراح تجي الا بعد الاختبارات . فارس اذا جاء الله لايهينه يخطبها
نواف: تخيل فارس ماعاد يبيها وتوهقت
خالد: ههههههههههههههههههههههههههه تخيل عاد . اصلا قبل يجي فارس لازم اقول لعمي ماعاد ابيها . واذا جاء فارس يقول انا ابيها وتنحل المشكله
نواف: والله ماظن عمي يسكت . بتتوهقون
خالد: لا المسأله سهله . ومايحتاج عمي يتدخل فيها . يقدر يزوجها ابوي والا ابوك . وفارس مو ضروري يشاور ابوه قبل الملكه . واذا درى عمي ماظن بيعترض ماعليه من احد .
نواف:ههههههههههههههههههههه المفروض فارس يكافئك على هالمغامره الخطيره اللي غامرتها عشانه
خالد: ههههههههه المفروض

قبل نهاية الاختبارات بيوم:

جواهر: ماعليه يابنتي . المفروض تودين اغراضك وترتبينها زواجك ماباقي عليه الا خمس ايام
جمانا: طيب يمه روحي معي
جواهر بانفعال: اروح لبيت نوره؟
جمانا: يعني اروح لحالي؟ ليت عمتي فيه
جواهر: ايو الله ليتها فيه كان تروح معك
جمانا بترجي: يمه روحي معي . يعني وشلون منتي زايرتني ابد؟ لازم تروحين . عشان كذا روحي معي اليوم
جواهر غصب عنها: امري لله . وان قالوا لنا نجلس لاتوافقين . على طول ندخل غرفتك ونرتب الاغراض ونطلع
جمانا: ان شاء الله
جواهر: وياليت تعطين ساره خبر عشان تعلمهم وتدخلنا جناحك على طول
جمانا: اوكيه بكلمها واقولها

في منزل اهل محمد:

نوره: وراهم عاد مايقلطون ويتقهوون؟
ساره: مدري يمكن جمانا مستحيه
نوره: وامها مستحيه بعد؟
ساره: والله مدري ياجده . جمانا قالت نبي ندخل على طول للجناح (( ودق الجرس )) اكيد هم . (( وراحت تفتح ))

في غرفة محمد:

نوره: قم قم وانا امك
محمد وهو يفز من نومه: يمه؟ وشفيك متضايقه عسى ماشر؟
نوره: ايييييييييييييييييييييييييييه اللي هذا اوله ينعاف تاليه
محمد: وش صاير يمه؟
نوره: مرتك وامها جاين يرتبون اغراضها حتى السلام ماسلموا علي
محمد: معقوله؟
نوره: جمانا مكلمه ساره تقول مانبي نشوف احد بندخل الجناح على طول وهالاحد تقصدني اكيد
محمد: لا يمه ماتقصدك الله يهديك
نوره: ومن فيه غيري؟ ماهنا الا انا ونوف وساره
محمد بقهر: ولايهمك . غصب عنها اخليها تجي وتسلم عليك(( وقام وغسل وجهه وراح لجناحه))



جواهر بخوف: بسم الله
محمد بقهر: تسمين مني ياعمه؟
جواهر: ماقصدت ياولدي . بس خوفتني بفتح الباب
محمد وهو يناظر جمانا : وراك ماتبين تسلمين على امي؟
جمانا في رعب منه . تذكرت موقفها معه . اسلوبه وطريقة دخوله عليهم خوفتها منه زياده
جواهر فهمت ان نوره ماخلت طبعها وتبي تقهر جواهر وحاولت تدارك الموضوع: ياولدي جمانا مستحيه . لاتلومها . وحنا تونا داخلين . حتى عبايتنا مابعد نزلناها والشناط مافتحناها . بساعد بنتي بالترتيب وبنزلها
محمد وهو يناظر الشغالتين: وذولي وش جايبينهم له؟ خليهم يساعدونها
جواهروهي تناظر جمانا: كملي شغلك يابنتي وانا بنزل عند ام محمد ( والتفتت على محمد) علم امك اني بنزل لها
محمد وهو يناظر جمانا: زين (( وطلع))
جواهر بصوت واطي: قفلي الباب عليك ولاتفتحين لاحد . واذا خلصتي دقي علي
جمانا بخوف: ان شاء الله


في الصاله ( نوره تقهر جواهر وترمي عليها كلمات وترفع ضغطها . وتحاول جواهر تمسك اعصابها عشان ماتخرب على بنتها حياتها . بس اخر شي ماتحملت)

نوره: الله اكبر ياهالدنيا . دارت ودارت ودارت لين ناسبناكم
جواهر: الزواج قسمه ونصيب
نوره: اكيد . لو الزواج بيدك كان ماخذنا جمانا غصب عنك . ولاخذنا رجلك بعد غصب عنك
جواهر وهي توقف بعصبيه: تخسين تاخذين بنتي غصب عني
نوره: مايخسى الا انتي
محمد وساره يدخلون على الهوشه:

نوره: شفت عمتك . تقولي تخسين وفي بيتي
جواهر بعصبيه: انتي اللي قلتيها قبل ( وهي تلبس عباتها) ساره روحي نادي بنتي
ساره: ان شاء الله
محمد وهو يمسك ساره: وقفي انتي
(ساره منصدمه من خالها وجدتها ماتوقعتهم كذا . اليوم بس اكتشفت انهم السبب في القطاعه اللي صارت)

جواهر بعصبيه: وش وقفي بعد؟ مالنا جلسه بعد كلام امك
محمد وهو ياشر على الباب: الباب يوسع جمل
جواهر بخوف: وبنتي؟ (( وهي تطلع عشان تروح لبنتها)) بروحلها
محمد وهو يمسكها بقوه: ماودي اطردك ياعمه . بس بنتك ماراح تطلع من هنا الا لين تعتذر من امي
جواهر باستسلام: بناديها تعتذر
محمد: لا . تعتذر بنفسها . مو يوم تقولين لها انتي
نوره استغلت الفرصه: انتي روحي . وبنكلم ابوها يجي وبنعلمه بسواياها
محمد ماتوقع كلام امه بس مايقدر يكسر كلمتها: لاتخافين على بنتك



يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -