بداية الرواية

رواية اقسم قسم لادوس قلبك بلقدم -10

رواية اقسم قسم لادوس قلبك بلقدم - غرام

رواية اقسم قسم لادوس قلبك بلقدم -10


فارس وهو يناظر ساعته: تاخرت وراي دوام اشوفك الليله ان شاء الله
بندر: اوكيه وهات خالد ونواف معك
فارس: ان شاء الله (( وطلع))
بندر: وش صار علميني
وعد وهي تتنهد: مصايب جت ورى بعض
بندر: ياساتر
وعد: ناصر طلق جواهر
بندر وهو يناظر جواهر: افا ياهالعلم
وعد: وزوج جمانا غصب عنها
بندر وهو يوقف: غصب عنها؟ وش هالكلام؟ ماراح تتزوج جمانا غصب عنها
وعد وهي تجلسه: خلاص الملكة وتملكت
بندر: الزواج غصب؟
وعد: اسمع المصيبه الثالثه
بندر: قولي
وعد: ناصر تزوج
بندر بتعجب: تزوج؟ من خذ؟


في المستشفى:


نواف: متى دخلت العناية؟
ام نواف وهي تبكي: لها ساعه. تعبت فجأة ثم دخلت في غيبوبه
نواف: طيب يمه روحي ارتاحي في البيت بوديك وبرجع لها أنا
ام نواف:لا لا بجلس هنا
نواف: يمه ماتدرين متى تطلع يمكن تطول روحي للبيت واول ماتطلع انا برجعك ( وجت وعد ومعها بندر وبعد السلام) :
نواف:متى جيت؟
بندر: توني واصل اليوم وشلونك ياام نواف؟
ام نواف: الحمدلله وشلونك انت
بندر: انا بخير بشروني عن كادي
نواف : دخلوها قبل ساعه العنايه
بندر: لاحول ولا قوة إلا بالله
وعد: الله يشفيها يارب . ام نواف تعالي معي للبيت وارتاحي
نواف: ياليت والله من اليوم وانا احاول معها
بندر: وانت وش يجلسك هنا؟
نواف: بكلم الدكتور واتطمن عليها
بندر: خلاص ياوعد انتم روحوا وبنلحقكم بعد مانتطمن من الدكتور


في المجلس الساعة 11

بندر: يوووووووووه وشفيكم كنكم في عزاء ( التفت لنواف) نواف توكل على الله وادعو لها ( والتفت على خالد) وانت جمانا ماهيب اخر بنت في العالم وكل شي قسمه ونصيب ( والتفت لفارس) وانت ممكن اعرف وش مضايقك؟ لاتقول زواج ابوي . ترى هالكلام للحريم
فارس وهو يتنهد: متضايق من كل شي
محمد: حدد
فارس وهو يناظره باندهاش: من لاشي
بندر: والله ان مقابل الامريكان ابرك من مقابل وجيهكم
خالد: افا
بندر وهو يوقف: بروح عند البنات ابرك لي ( وطلع)
نواف بتنهيده: غصب عنا وش نسوي
فارس: الله يعين وش هالعين اللي صابتنا
خالد: أي عين انت الثاني مافينا الا الغافيه بس الدنيا حظوظ


في الصاله:

بندر: ههههههههههههههههه هههه والله انكم توسعون الصدر اكثر من العيال
جمانا: على فكره بكره سارة بنت عمي بتزورنا
بندر: الله يحييها خلينا نشوفها
سولاف: الله يشفي كادي لها فقده بصراحه
يندر: آآآآآآآآآمين . ليتكم تشوفون حال نواف والله مايسر العدو
جوري: طيب ليش ماتتعالج برى؟
جمانا: ماتفرق ياجوري . وبعدين الطب عندنا تطور
وعد: الله يشفيها ويخليها لامها . يالله نامت ام نواف
بندر: الله يستر حالتها خطيره بصراحه ( وبعد خمس دقايق صمت ) الا انتي وش اخبارك مع عريس الغفله
جمانا: لاتذكرني الله يخليك
بندر: والله ناصر هذا متغير 180 درجه اليوم يقولي رح اسكن عند وعد والا شفلك سكن ثاني . صعبه تعيش معي وانا توني متزوج
وعد: الله يكون بعون جواهر
بندر: ماتوقعت ناصر يستغني عن جواهر ابد
جمانا: ابوي استغنى عنا كلنا
بندر: مرده لكم ان شاء الله
جمانا وعيونها تدمع: متى؟ بعد مااضيع؟ وتروح حياتي مع انسان تافه مثل محمد
وعد: الله يهديك ماخلينا عنك شي بس انتي ماسمعتي كلامنا ولاتحركتي الا في اللحظه الاخيره
رهام: القهر مهر مثل وجهه وسكن مثل وجه امه هالعجوز
بندر: شفتوا البيت؟
جمانا بازدراء: نفس بيتهم
بندر: تسكنين مع اهله؟
جمانا: ابوي يقول مايقدر يخلي امه
بندر: ماعنده الا امه؟
جمانا: بنت اخته بتتزوج قريب واخته بتاخذ ابوي في أي لحظه وماباقي الا ساره


في المجلس ( الساعة 3 صباحاً)

بندر: متى راح خالد؟
سامر تقريباً الساعه 1
بندر: نام يانواف عشان تصحى بدري وتروح مع امك للمستشفى
نواف اللي منسدح:ماجاني النوم ليتني انام
بندر: بروح انام بغرفتك ياسامر بعد اذنك تعبااااااااااااااااااااااااااان
سامر: خذ راحتك البيت بيتك ( وطلع بندر)
نواف: سامر ولاعليك امر كاس شاهي مصدع مرررررررره
سامر وهو يوقف: ابشر


في المطبخ:

سامر: سوري مادريت ان فيه احد بالمطبخ
رهام وهي تتغطى( طيب ارجع) : بغيت شي؟
سامر: ياليت نواف يبي كاس شاهي
رهام: خلاص بسويه ان شاء الله
سامر: اوكيه هاتيه اذا سويتيه لو سمحتي
رهام ( خييييييييير وينا فيه؟) : طيب ( وراح وسوت رهام الشاهي وراحت تنادي جوري )

جوري: اوديه؟ طيب اعطيه نواف والا سامر؟
رهام: لاطبعاً عطيه سامر وسامر يعطيه نواف
جوري: اوكيه . رهام سويلي انا وانتي اذا مافيك نوم
رهام: اوكيه بسوي (( وراحت جوري ودخلت المجلس ومالقت سامر اللي طالع لسيارته يدخن لان امه مانعته يدخن في البيت)

جوري: نواف
نواف وهو يعدل نفسه ويجلس ويلتفت يشوف من هاللي تناديه وانصدم يوم شاف بنت بدون حجاب
جوري: سوري . صحيتك؟
نواف: مانمت
جوري وهي تجلس جنبه: تفضل . انت طالب شاهي؟
نواف وهو مو قادر يشيل عنه منها: انتي اللي مسويته؟
جوري: نو . رهام سوته . وير از سامر؟
نواف ( ياويل قلبي الله لايطرحني في الحب اكيد خالد داعي علي هو وفارس) : مدري والله راح يجيب الشاهي ولاعادرجع
جوري: كيفها كادي؟
نواف بعد ماتذكر اخته نزل راسه وسنده على يدينه: الله يشفيها حالتها خطيره مره
جوري قربت منه ومسكت يده وباليد الثانيه مسكت كتفه عشان ترفع راسه: لاتتضايق يانواف وسوري اذا ذكرتك
نواف وهو مرتاح بقرب جوري له حاس انه بحاجه لمثلها في هالوقت: ادعيلها تكفين ياجوري
جوري: الله يقومها بالسلامه
نواف وهو يسحب يده من جوري: مافادتك دروس عمتي هههههههههههههه
جوري: ههههههههههههههههههههه ماما تفكيرها غريب انتم عيال خوالي مافيها شي
نواف: لا ياجوري . عيال خوالك مو محارم لك
جوري: بس انتم محترمين ليش ماما ماتثق فيكم؟
نواف: ماعليك زود يابنت عمتي
جوري: كيف يعني؟
نواف( يوووووه رايق لك والله) : جوري مادام الطرحه معك حطيها على راسك اقل شي
جوري ببراء وهي تحط الطرحه: تطيح طفشت منها
نواف : ههههههه مصيرك تتعودين
جوري: والله ممله اوف
نواف: لاياجوري هذا حجاب وواجب عليك . ومصيرك تتزوجين واحد من ديرتك وماراح يقبل انك تكشفين عند احد
جوري: ماكشفت الا عندكم وماراح يدري ههههههههه
نواف وهو يغمز لها: يمكن تاخذين احد من عيال خالك.( ويتدارك موقفه) يمكن ياخذك خالد
جوري: نو نو خالد على حسب مااعرفه يحب جمانا ومستحيل ينساها
نواف: اجل يمكن فارس
جوري: فارس عصبي وكل مره يشوفني يعصب علي ويقول تحجبي بصراحه كرهته
نواف بصوت هادي: طيب وانا؟
جوري ماتوقعت كلامه وتلخبطت : انت مثل ماي برذر واعتبرك ماي فرند
نواف: اقول خلي عنك هالخرابيط . اذا تعتبريني اخوك انا ماشوفك الا بنت عمتي بس اما الفرند وهالخرابيط مابي اسمعها منك ابد فاهمه
جوري: اوكي اوكي . ريلاكس نواف
( وقعد يلعب بجواله ويقلبه بين يديه )
جوري: نواف
نواف وهو يناظرها: سمي
جوري: ممكن نمبر تلفونك
نواف وهو مطير عيونه( ترقميني يابنت عمتي) : ليش؟
جوري: أي دونت نو
نواف: جوري وش هالتخلف عندك
جوري بشبه عصبيه: مو تخلف. انا مرتاحه لك واحيانا امر بمشاكل واحس انت الانسان اللي تقدر تحلها لي
نواف: وليش ماتقولين مشاكلك لامك؟ امك اقرب لك مني
جوري: ماما معقده واذا عاندتها عصبت علي وزعلت مني
نواف( اخاف اعصب عليها وتزعل مني وتروح تدور لها احد تشكي له) : جوري ترى تفكيرك هذا غلط . اذا امك تفكيرها يخالف تفكيرك دوري لك صديقة عندك رهام وسولاف وكادي الله يقومها بالسلامة قريبات من سنك احسن لك مني ومن غيري
جوري بعد ماطفشت من اصراره: اوكي بستخدم موبايلك بشوف وين سامر موبايلي بغرفتي
نواف عن حسن نيه : تفضلي ( وبعد دقيقه)
جوري وهي توقف: ثانكس
نواف باستغراب: ماكلمتي
جوري: دقيت على موبايلي عشان يطلعلي نمبرك
نواف بعصبيه: جوري وش هالحركات؟
جوري: مافيها شي ولاتكون معقد مثل فارس وماما . قودنايت ( وطلعت)
نواف: انا بحلم والا علم؟ بسم الله الرحمن الرحيم . معقوله كانت عندي؟ وش سالفتها تاخذ رقمي بالقوه؟ ياربيه والله لو تتصل علي لارد عليها بدون شعور . هذي بتذبحني


رهام: برد الشاهي وين غطستي؟
جوري: ايش غطستي ماغطستي . سوري كنت عند نواف
رهام باندهاش: وش تسوين؟
جوري: دردشنا شوي. ياحرام مره متضايق عشان كادي
رهام: جوري عيب اللي تسوينه ترى بتطيحين من عينه
جوري: واي؟
رهام: جوري والله الشباب عندنا يحتقرون البنت اللي تعطيهم وجه او اللي تكلمهم
جوري وهي تجلس: وانتي كيف عرفتي اني راح اكلمه؟
رهام بصدمه: عندك نيه تكلمينه؟
جوري: يس. وش المشكله
رهام: ممكن تقنعيني ليش؟
جوري وهي تعدل جلستها: بصراحه دخل قلبي . نظراته . بسمته . همسته. كل شي جذبني فيه. حتى هو شكله يحبني
رهام: جوري صدقيني لو كلمتيه او صرتي تجلسين معه هالجلسات راح يكرهك . اذا تحبينه صدق وحاسه انه يحبك لاعاد تسوين اللي سويتيه
جوري: يمكن يزعل
رهام: اذا يحبك صدق ماراح يزعل . المهم بروح اسوي شاهي ثاني وبسوي ساندوتشات انا ميتة جوع ( وراحت)


في المجلس:

جوري: نواف
نواف وهو يتعدل ومستغرب من رجعتها: جوري؟
جوري:سوري ازعجتك
نواف: لامافيه ازعاج . وشفيك؟ كنك متضايقه
جوري وهي لازالت واقفه عند الباب: نواف انت تحتقرني؟
نواف باندهاش: افا. من قال؟
جوري: رهام قالت
نواف باستغراب: رهام؟ وليش تقول كذا؟ تعالي تعالي فهميني السالفه ( يبيها تجي من عند الباب ومادرى الا وهي جنبه)
نواف وهو يبعد عنها شوي: وش السالفه ياجوري؟
جوري ببراءه: ليش تبعد؟
نواف( والله البلشه بتفهم الحين اني مابيها) : لا . بس عيب اجلس جنبك
جوري: انا اللي جلست جنبك مو انت
نواف: جوري احتراما لعمتي ولسامر ولابوك ولنفسي ولك وقبل كل شي لديني لازم ابعد عنك
جوري: وليش هذا كله؟
نواف: لانهم اهلنا . امي لو تشوفني معك راح تزعل مني ونفس الشي امك
جوري: وليش؟
نواف: لانها ماربتني على كذا
جوري: بس ماما ماربتني ليش تزعل؟
نواف( يااااااااااااالله) : طيب جوري علميني وش سالفتك مع رهام؟
جوري وهي تلعب بيدينها: رهام تقول لاتكلمي نواف ولا تجلسي معه
نواف( الله يغربلك علمتيها انك خذتي رقمي؟وش موقفي من بنت عمي الحين) : طيب انتي قلتيلها شي؟
جوري وهي تناظره وهو ماتحمل نظراتها ونزل عيونه على الأرض: تقول لو كلمتيه وجلستي معه بيحتقرك وبيكرهك . صحيح هالكلام؟
نواف وهو يناظرها: جوري انتي للحين ماتعودتي على عاداتنا . واللي تسوينه أي وحده تسويه لازم نحتقرها
جوري: يعني تحتقرني انت؟
نواف: لا طبعاً . لان تصرفك عن حسن نيه . بس ابيك تسمعين كلامي وكلام امك وتنفذينه
جوري: بس انا احبك يانواف
نواف باندهاش من جراتها: حبيتيني من جلسه؟
جوري وهي تنزل راسها: جلسه وحده كافيه . ( التفتت عليه) نواف انت تحب احد؟
نواف: لا لا لا . ولااعرف هالحركات الله يبعدني عنها
جوري: حتى معي؟
نواف( وشلون افهمها هذي؟) : جوري كثير بنات مثلك يشوفون لهم شاب ويعجبهم بس ماتوصل لمصارحته
جوري: يعني تقصد فيه وحدة تحبك بس ماصارحتك؟
نواف( لااله الا الله) : لا يابنت الحلال وانا وش يدريني عن بنات الناس
جوري: طيب فهمني
نواف وهو يناظر الساعه: ماباقي شي على الاذان واخاف عمتي تقوم وتشوفك معي وتزعل مني
جوري: لاتخاف من ماما انا بقولها اني احبك وماراح تسويلك شي
نواف( ياويلي من هالخبله) : لا الله يهديك بتجيبين العيد انتي؟
جوري: كيف اجيب العيد؟
نواف وهو يقوم: انا بروح اتوضى وبطلع للمسجد
جوري وهي توقف: استناك بعد الصلاة؟
نواف( انا لله وانا اليه راجعون) : جوري اذا تحبيني صدق التزمي بحجابك ولاعاد تتكلمين مع غريب حتى لو كان انا(( وطلع))


بعد الصلاة:

عند الباب الخارجي:

نواف: وين ذلفت انت؟
سامر: رحت ادخن وبعدين كنت بدخل البيت شفت جارنا رايح للمسجد قلت ليش ماروح للمسجد احسن لحد مايأذن
نواف: ياخي اترك التدخين والله مايجيب لك الا المرض
سامر: الله كريم راح اشترك بنادي عشان خاطر ماما
نواف: تكفى لاتقول ماما . قل امي احس اني مع مصري مو مع ولد عمتي
سامر: هههههههههههههههههههههههههههههههههههه نسيت ياشيخ سوري
نواف: جب لنا فطور تراني مت من الجوع
سامر: يووووووووه . نسيت . جابت لك رهام الشاهي؟
نواف باندهاش: وليش رهام؟
سامر: قلتلها اذا سويتيه وديه لنواف
نواف : ياسامر بناتنا مايدخلون علينا . وش هالكلام الله يهديك . رح قلهم يسوون الفطور وقل برجع بعد 10 دقايق اخذه لا تقول هاتوه
سامر: عادي مثل خواتي
نواف( مالوم اختك اجل) : اقول اخلص بس ولاتكثر كلام( ودخل المجلس)


في المجلس دق جوال نواف:

نواف: هلا فارس. صباح النور. مانمت ياشيخ
فارس: تصدق عاد توقعت بسمع تنهيدتك وبتطفشني على هالصبح بس اللي اسمعه صوت عاشق ميت من الفرح
نواف: ههههههههه وش هالحدس ياشيخ
فارس: يؤ . من جدك؟
نواف: ايوالله هذي دعوتك انت وخالد
فارس: ومن المتعوسه اللي قدرت تطرحك في شباكها
نواف وهو يقصر صوته:انا في بيتهم وخايف على نفسي بعدين اقولك التفاصيل
فارس: هههههه انا بمركم اجل الحين لين وقت الدوام طفشاااااااااااااااان قابلت ابوي بعد الصلاة وعلمني ان زواجه الليلة
نواف: يؤ. ماسرع .يالله يالله لاتتاخر بننتظرك على الفطور


بعد نص ساعه ( دخل فارس ولقى الفطور في المجلس )

فارس: الله يرجهم مخلينه مكشوف (( ودخل سامر))
سامر: هلا فارس جيت
فارس وهو مستغرب من شكل فارس: وينكم؟
سامر وهو يجلس: كادي توفت الله يرحمها
فارس وهو يجلس: لاحول ولاقوة الا بالله متى هالكلام؟
سامر: بعد ماسكر نواف منك جاه مكالمه من المستشفى
فارس: لاحول ولاقوة الابالله . الله يرحمك ياكادي

بعد اسبوع:

جواهر: لو فيه خير كان اجل زواجه شهر على الاقل مو خمس ايام بس
وعد: خليه يجرب غيرك عشان يعرف قيمتك
جواهر: ماعاد يهمني والله بس عشان ام نواف المفروض يحترم مشاعرهم
وعد: الله يعين بس انا بروح لام نواف تروحين معي؟
جواهر: اكيد بروح وش يجلسني


في غرفة جوري:

بندر: مبروك زواج خالتك
ساره بانحراج: والله مو فرحانه لها
بندر: ماعليك من احد هذي خالتك ويحقلك تفرحين لها
جوري: نو . هذي خيانه
بندر: اقول انتي اسكتي بس
جوري: واي؟
بندر: بتخربين البنات . ترى التعدد شرع
جمانا: ههههه بس مين اللي ترضى فيه
بندر وهو يلتفت على جمانا: الحين انتم بتقيمون هنا خلاص؟
جمانا: ليش؟ مضايقينك؟
بندر: الله لو انكم في بيتي بس سؤال
رهام: طبعا لا . ابوي يقول لكم اسبوع بس وترجعون
بندر: ابوك الحين نايم بالعسل ( وهو يقوم) يالله انا بمر نواف توصون شي؟
جوري: بلغه سلامي ( وكلهم ناظروها) سلامنا كلنا . وشفيكم كلتوني بعيونكم
بندر: ههههههههه لو بقوله بيفهمك غلط . بس بقول البنات كلهم يسلمون عليك
جمانا: لاياعمي ماله داعي
بندر: والله التعقيد. وشفيها اذا قلت انكم تسلمون عليه؟
رهام: مافيها شي بس ماتعودها منا
جمانا: انا اشوف مالها داعي يمكن نذكره بكادي
بندر وهو يمشي: نواف رجال ماهو بنت عشان يكون حساس مثلك (( وطلع))
سولاف: الله يكون بعونه
جوري: مسكينة ام نواف المفروض نروحلها يوميا
جمانا: امي وعمتي كل يوم عندها . مالنا داعي حنا نتسمر عندها . اهم شي امي وعمتي وام خالد
سولاف: عمتي تقول جهزوا العشاء لين اجي
رهام: عساك على القوه
سولاف: ياسلام انا اللي دايم اطبخ؟
جمانا: انا والله مالي نفس اعذروني


في منزل ام نواف:

وعد: ان شاء الله ماتفشليني . تعشي عندي الليلة واجلسي عندي كم يوم انتي وابو نواف حتى نواف خليه يختلط مع العيال ترى جلستكم كذا تتعبكم
جواهر: صادقه وعد . تعالوا ونسونا ونونسكم ترى الدنيا فانيه
ام نواف: نواف والله تعبان شوي وماظنتي يوافق
وعد: بيوافق ان شاء الله وبخلي سامر يوديه للمستشفى حرارته الظاهر مرتفعة
ام نواف: على خير ان شاء الله



في منزل وعد : في الصاله

ام نواف: جاء نواف؟
سامر: لا. تنوم . حرارته مرتفعه شوي
ام نواف: الله يستر على ولدي
جواهر: ماعليه الا العافيه ان شاء الله . عنده احد ياسامر؟
سامر: عنده فارس الى الصبح وبعدين بروح له انا عشان فارس عنده دوام
وعد: تناوبوا عليه انت وفارس وخالد وان شاء الله يطلع باقرب وقت
سامر: ان شاء الله


في غرفة جوري ( الساعة 2 صباحاً )

جوري : اووووووف ماجاني نوم
رهام: مافيك نوم اصلا . لاتجبرين نفسك
جوري: طفشانه يابنات وش اسوي؟
سولاف: انا والله فيني نوووووووووووم لحد يزعجني ونصيحه ناموا لان عمتي متحلفه لكم بكره في المطبخ
رهام: يووووووووووووووووه نسيت . شكلي ماراح اداوم بكره
سولاف: غيابك كثير مو من صالحك
جوري وهي تقوم : انا بنزل تحت (( ونزلت ))


في المستشفى:

نواف: وجمانا ماحددتوا زواجها؟
فارس: على حسب كلامهم الاول في بداية الاجازه
نواف: الله يكون بعونها ويوفقها
فارس: امين . المشكله غيابها صاير كثير . وكذا ماده ماقدمت فيهم زين وماتوقع تنجح الترم هذا
نواف: لاحقه على خير ان شاء الله . اللي مرت فيه ماهو سهل
فارس: نام يانواف
نواف: نمت لين شبعت خلني اسولف معك من زمان ماسولفت (( ودق جواله))
فارس: اكيد خالد توه مصحصح
نواف: لا . رقم غريب ( ورد ) الو
جوري: هلا نواف
نواف وهو يتعدل : هلا والله بهالصوت
فارس بصوت واطي ويغمز: ياعيني ياعيني
جوري: الف سلامه عليك
نواف: الله يسلمك والله
جوري: سوري انا ماكنت بتصل . بس ماحد طمني عليك . البنات كلهم يقولون ماندري وخالي وسامر يقولون ان شاء الله بخير . مادري مين اسال
نواف وهو حاس بموقفها وعارف انها خايفه عليه: الحمدلله انا بخير . وبصراحه مكالمتك خلتني اطيب مررررررره وحده
جوري: جد والله؟
نواف: ايوالله ياجوري . ماتتخلين وش سوت فيني هالألو
جوري: اشتقتلك متى يكتبون لك خروج
نواف: هههههههههههههههههههههههههههههه ليش ناويه تجلسين معي بعد؟
جوري: نو نو نو . بس اطلع بالسلامه

وللجزء بقية ......

تابع الجزء التاسع عشر



في الظهر: في المجلس

خالد: فارس نايم؟
بندر: ايه بالملحق اذا فيك نوم لاتجامل
خالد: لا لا توني صاحي دوامي اليوم مسائي . عمتي وينها؟
بندر وهو يتسند من الطفش: نايمه اوف ماندري وين نروح هالظهر ليت النوم يجيني كلهم نايمين جايين من دوامات حتى ام نواف وام فارس شكلهم نايمات
خالد: لانهم صاحين بدري مع عمتي
بندر: مافيه الا جوري وقاعده تقرا لها بجوالها روايه وتقول لا تزعجني
خالد: ههههههههههههههههههههههههه ياحليلها . والله ان سامر له فقده مالي الجو علينا
بندر: يارب يطلع نواف الحين ويجي عشان يونسنا هو وسامر. مليت
نواف وهو يدخل: الله استجاب دعاك هذا انا طلعت
بندر وهو يوقف: بسم الله . طالع في هالقايله؟
نواف: هههههههههههههههههههههههههههههههههه من الساعه 11 وانا طالع
سامر: ومارضى يجي معي للبيت رحنا لبيتهم وخذ شور وعزمني على الفطور وطلعت معه للشركه( وكمل وهو يجلس) ورجعنا
بندر: اوف اوف جرجرك لكل هالمشاوير
خالد: الله يهديك يانواف الشركه ماهيب طايره
نواف : مارتحت لين مريت الشغل
بندر: والله انك تدور الشقا
سامروهو يوقف: انا بروح اناااااااااااااااااااااااااااااااااام
بندر: رح للملحق الله لايهينك
خالد: هههههههههههههههههههههههههههه تذكرني ياعمي بعمتي نسخة طبق الاصل
سامر: هذا وهو بيتنا
بندر: بيتنا مابيتنا ماعندنا عيال يدخلون على بناتنا
سامر وهو يطلع: اذا على البنات شبعانين منهم (( وطلع))
خالد: مامدانا نفرح بسامر وراح ينام
بندر بعصبيه لخالد: شغل التلفزيون سو شي ياخي ملل
خالد وهو يقوم يشغل التلفزيون: لاتعصب علينا وحنا وش دخلنا
نواف: الاخلاق اليوم تجاريه
بندرلنواف: مامعك جرايد؟
نواف وهو يوقف: الا بسيارتي بروح اجيبها (( وطلع وقابل جوري عند المدخل الخارجي ))

نواف: على وين؟
جوري بفرح وهي تتغطى عن نواف: الحمدلله على السلامه . متى طلعت؟
نواف: الله يسلمك . اليوم الصباح . وين رايحه انتي؟
جوري : بروح اشوف من عند الباب
نواف باستغراب: من اللي عنده؟
جوري: مدري واحد يقول فارس موجود؟ قلت ايه وبفتح له
نواف بنفاد صبر: ادخلي داخل انا اللي بفتح
جوري: وشفيك معصب؟ انا متغطيه
نواف بصوت واطي وشبه معصب: جوري ادخلي وبعدين افهمك . بسرعه ادخلي (( ودخلت وراح يفتح الباب))

في المجلس:

بندر: حياك الله
احمد: الله يحييك .الله يهديه فارس نايم وهو عارف انا اليوم ورانا سفر
بندر: ماقال لنا شي (ودخل نواف)
بندر: هاه قام؟
نواف: ايه قام يقول بطاريته فضت
خالد لاحمد: وبتطولون؟
احمد: اسبوعين
بندر: الله يعينكم
فارس وهو يدخل: السلام عليكم
الجميع : وعليكم السلام
احمد: وينك ياشيخ؟ حتى جوالك مقفل
فارس: يارجال فضت البطاريه وطفى وانا نايم
احمد: جهزت اغراضك؟
فارس: بروح البيت الحين وبجهزها . انت تقهوى مع الشباب ساعه بالكثير وجاي ان شاء الله


في الصاله:

جوري: قهوه؟ ماعرف
نواف باندهاش: ولا شاهي؟
جوري: اعرف للشاهي بس قهوه لا
نواف وهو يوقف قدامها ويتكتف: طيب ماقلتلك لازم تتغطين؟
جوري: انت دخلت علي
نواف: اذا دخل عليك احد قومي واخذي الطرحه وتغطي
جوري وهي تمشي للمطبخ: طيب طيب . الحين بروح اسوي الشاهي وماعرف اطبخ وانا متغطيه
نواف( الله ياهالطبخ اللي معذبك) : طيب بسرعه

في المطبخ ( نواف هو يحوس بالمطبخ)


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -