رواية اقسم قسم لادوس قلبك بلقدم -9


رواية اقسم قسم لادوس قلبك بلقدم - غرام

رواية اقسم قسم لادوس قلبك بلقدم -9

في المجلس:
نواف:خالد وين فارس؟
خالد: راح يجيب القهوه عساهم مايحدرونها
نواف بضحك غير مسموع: لايسمعك عمي ثم يجلدك
خالد: ماعاد يهمني شي
ناصريرد على جمانا المتصله : نعم . وش العلم؟ زين زين (( وسكر ))
خالد: من اللي داق على عمي؟
نواف: وانا وش دراني؟
خالد: وجهه مايبشر بخير اتوقع فارس
نواف: الله يستر
خالد: ماني مرتاح بروح اشوف (( وطلع . ووصل للمقلط وسمع صوت ناصر معصب وعنده جمانا تصيح ودخل بدون شعور وفك جمانا من يده))
خالد: عمي الله يهديك ماتستاهل جمانا هالضرب
ناصر: الا تستاهل الذبح . الضيوف وصلوا وجايه تقول الحين لا
جمانا وهي متخبيه ورى خالد: من امس وانا اقول لا بس ماسمعتني
ناصروهو يحاول يضربها وخالد يدافع عنها: بتاخذينه غصب عنك
جمانا: ماراح اخذه وش بتسوي اكثر من كذا؟ الضرب وضربتني وامي وطلقتها خلاص مايهمني شي
خالد بصدمه: طلقت ام فارس؟
ناصر: ايه طلقتها وانتي بتاخذين محمد غصب عنك يكفي سمعتك هاللي تشوهت
خالد وهو معصب من تصرفات عمه اللي متاكد انه ماتخلا عن ام فارس الا عشان حصه: سمعت جمانا مثل الذهب واقطع لسانه اللي يقول عنها شي
ناصر: خالد وانا عمك اقصر الشر . ولاتفشلوني مع الناس
خالد: نتفشل ولا تبيع بنتك
ناصر وهو يمسك شعرها وخالد يحاول يبعده عنها : انا مابعتها واليوم والله ان املك لك غصب عنك وهذا انا حلفت
جمانا: ملك لي على خالد محمد مابيه مابيه
ناصر: وخالد توك ترضين فيه؟ كم مره خطبك وقلتي لا؟
جمانا: كنت غبيه ماعرفت قيمته الا اليوم وفي اللحظه هذي . ماراح اخذ غير خالد لو على قص رقبتي
خالد مصدوم من الفرحة ومقهور من اصرار عمه
ناصر: خالد مهوب لعبه لك
خالد: فداها ياعمي
ناصر: خلوا عني حركاتكم المكشوفه . هذي لعبه مسوينها عشان تتخلصون من محمد
جمانا: والله مو لعبه. لو لعبه ماقلت ملك لي على خالد الليله
ناصر: انطمي ولا كلمه. والله ان تاخذين محمد غصب عنك
خالد بعصبيه: مافيه شي بالغصب انا ولد عمها واولى بها
ناصر: انت انطم بعد واذلف من بيتي ( وجاء يطلع خالد ومسكته جمانا)
جمانا: خالد الله يخليك لاتطلع
خالد احتار بين كرامته وبين وقفته مع بنت عمه وحبيبته: عمي خاف الله في بنتك
ناصر: خالد انت ماتفهم انقلع من بيتي ولاعاد اشوف وجهك (( وطلع خالد بعصبيه وقابل فارس ))
فارس: خالد وينك؟
خالد وهو يمشي: فارس الحق اختك في المقلط حرام تزوجونها بالقوه ترى ذنبها بارقابكم (( وطلع ))
راح فارس للمقلط وقابل ابوه المعصب
ناصر: وين رايح انت ؟
فارس: وشفيه خالد؟
ناصر: طردته وش عندك انت بعد؟
فارس بعصبيه: انت مستعد تتخلا عن اهلك كلهم عشان ا.. ( وسكت)
ناصر: ومستعد اتخلا عنك بعد (( ودخل))
في الصاله:
نوره: وين العروس وام العروس ماشفناهم
وعد: ام فارس مرافقه مع بنت اخوي في المستشفى امها تعبانه شوي وجمانا اكيد مستحيه
حصه: يؤ وش تستحي منه؟ كم مره شافتنا وشفناها؟
نوره: ام فارس مالها حق تخلي ملكة بنتها كان رافقتي معها والا خليتوا احد هالشغالات اللي وش كثرهم
وعد وهي تحط رجل على رجل: والله حنا مانخلي الشغالات يرافقون مع بناتنا وحنا قلوبنا على بعض الله لايفرقنا
حصه بازدراء: ااااااااااااااااااااااااااامين ( وناظرت ساره) ساره قومي شوفي بنت عمك وينها نبي نبارك لها
ساره وهي توقف: اتوقع جمانا منحرجه وماراح تجي بروح اشوفها
وعد بكبر: ساره بلغيها سلام جدتك وخالتك

في المطبخ:

رهام: ساره ساره تعالي
ساره وهي تدخل المطبخ: نعم رهام
رهام: جمانا في المقلط مو في الغرفه
ساره باستغراب : طيب بروحلها (( وراحت وقابلت فارس في الطريق ))
فارس: الله الله . لايكون انتي العروس وانا مدري؟ وش هالحلاوه؟
ساره: عيونك الحلوين . جمانا وين؟
فارس باستغراب: ليش؟
ساره: جدتي تسال عنها هي وخالتي
فارس( الله ياخذ جدتك وياخذ خالتك ويريحنا منهم ) : قوليلهم مستحيه
ساره: فشله ماتطلع لهم . هي بالمقلط؟
فارس وهو مايبي ساره تدخل على جمانا: ايه وعندها عماني كلهم انا بقولها
ساره وهي حاسه انا فارس يصرفها: طيب ( ورجعت ودقت على جمانا )
جمانا: هلا ساره . انا بالمقلط . لا ماعندي احد تعالي ( وجت ساره)
ساره: ماتبين خالي؟
جمانا: لا ياساره مابيه مو نقص فيه بس ابوي طلق امي بسببه وطرد خالد بسببه وضربني بسببه
ساره باندهاش: وليش طرد خالد؟ ( ماسالت عن طلاق امها وسالت عن طرد خال)
جمانا: خالد يبيني من زمان وكنت رافضته واليوم اكتشفت انه هو اللي يستاهل الحب مو غيره
(( ودخل فارس وانصدم يوم شاف ساره ))
ساره تغطت وقامت: اخليك الحين (( وطلعت))
فارس وهو يجلس جنب جمانا بسرعه: وش قلتي لها؟
جمانا: قلت كل شي ساره طيوبه
فارس وهو يضرب على رجله: مجنونه انتي؟ الحين صرتي مرة خالها . تتوقعين انها بتمسك سرك؟ ماتخافين تقول لخالها عن سالفة خالد؟
جمانا: مستحيل ساره تسوي كذا . وبعدين انت تحبها وشلون تشك فيها هالشك؟
فارس: والله ساره اكبر لعابه
جمانا بصدمه: ليش تقول كذا؟
فارس: اقولها تو جمانا عندها عماني لاتروحين لها ومادريت الا وهي عندك
جمانا: دقت علي وسالتني عندي احد قلت لا
فارس: شفتي السخافه؟ من جد سخيفه

الساعه 11
في الصاله:
وعد: 30 الف . من جدك ياناصر؟
ناصر: الرجال ماعنده فلوس وين يجيب لكم منه؟
وعد بعصبيه: هذي بنتك تزوجها بـ 30 الف بس؟
ناصر: ماراح اقصر عنها بشي اللي تبيه تطلبه
وعد: مو سالفة تكفيها والا ماتكفيها . حرام محمد ياخذها بكذا المفروض انه عارف من هو يناسب ويحسب حساب هالشي
ناصر: اسكتي بس هذي جمانا ساكته وماقالت شي
جمانا وهي تناظره باحتقار: وش اقول ؟ قلت وماسمعت كلامي
ناصر وهو يوقف: والله انكم تدورون النكد بروح انام
وعد وهي تقوم: باخذ البنات معي عيالي بيجون بكره وابيهم يكونون معي
ناصر: اخذيهم (( وراح)

الجزء الثامن عشر

بعد وصول أولاد وعد بيوم:
العائلة كلها متجمعة إلا خالد
في المجلس ( فارس يدق على خالد ) : ابشرك دق
نواف: اخيرا
فارس: الو . هلا خالد. يارجال وينك ؟ وليش مقفل جوالك
خالد: والله مابي الدوام يتصلون علي
فارس: هههههههههههههههههههههههههههه طيب تعال لنا كلنا متجمعين في بيت عمتي
خالد: اهلي عندكم؟
فارس: ايه . حتى ابوك موجود من العصر سالت عنك وقالت امك نايم
خالد بتنهيده: امي تحسبني نايم بس مانمت. يالله شوي وجايكم ان شاءالله
فارس: اوكيه بانتظارك ( وسكر)
نواف: بكره بتطلع نتيجة كادي
فارس: الله يستر ان شاء الله تفاءل بالخير
نواف: الله كريم. تصدق ماقلتلها ولاقلت لامي ومايدرون عن شي
فارس: لاتنكد عليهم اذا تاكدت يحلها حلال ان شاء الله ( ودخل سامر)
سامر: هاي
فارس: سامر ياولد عمتي لاتخربنا . قل السلام عليكم
سامر: ههههههههههههههههههه توني ماخذ محاضره من امي
نواف: يازينك اذا تكلمت سعودي
سامر: افا . انا وشو اجل؟ لا امريكا ولاغيرها تغيرني
فارس: كفو والله ( ودخلت وعد)
وعد: هاي
الجميع: هههههههههههههه
فارس: افا ياعمه خربوك عيالك
وعد: ههههههه اسمعوا . انا وام فارس وام نواف وام خالد بنروح نحضر لنا زواج . والبيت بيتكم
نواف: اجل بنطلع برى
وعد: لا . البنات هنا لاتخلونهم لحالهم خلو الطلعه بعدين
فارس: اوكيه اوكيه ولايهمك
وعد: اسهروا لين تشبعون متى ماجاكم النوم تراني فارشه لكم بالملحق
نواف: يؤ . بيت عمتنا وننام بالملحق؟ هذي بحق
وعد: حتى سامر معكم. وش اسوي البيت كله بنات
فارس وهو يقلد عمته: ومايخلا الذيب مع الشاة
وعد: ههههههههه هذا انت قلتها . يالله اشوفكم على خير(( وطلعت وقابلت خالد))
خالد: اوف اوف اوف . وش هالحلوه هذي؟ ممكن نتعرف؟
وعد وهي تطقه بشنطتها: ماتخلي حركاتك يالصايع ( وطلعت وهي تضحك)
خالد وهو يضحك: هههههههههههههههههههههه خبله عمتي ( وطاحت عينه على سامر اللي مابعد شافه لانه من ملكة جمانا ماطلع من البيت) السلام عليكم ( وسلموا على بعض )
سامر: وينك من امس؟ كل هذا تغلي؟
خالد: وإلا اناشوقي بزياده ههههههههه والله ظروف وانا اخوك عساك ماتشوف اللي شفته

في الصالة ( بعد العشاء)
سولاف: عاد انا سويت العشاء وحده منكم تتكرم وتسوي شاهي
جمانا: انا والله فيني نووووووووووووووووووووووم ( وقامت) تصبحون على خير
رهام: انا بسوي لكم شاهي
كادي: خلوا الشغاله تسوي ليش تتعبون انفسكم
سولاف:ووووووووووووووع والله لو مانشرب شاهي ابد مانخليها تسوي
كادي: جوري تعرفين تسوي شاهي؟
جوري بحرج: بصراحه لا
رهام: لاتنحرجين كادي مثلك داجه ماتعرف شي بالمطبخ
سولاف وهي راجعه من المطبخ: اخس عليها هالشغاله نامت بنت الذين
رهام: هههههههههههههههههههههههههههههه هي كذا دايم تستلعن اذا صارت عمتي مو موجوده
سولاف: ومن بيغسل المواعين؟
رهام: المفروض نخليها لين تجي عمتي وتشوفها عشان تادبها
سولاف: لاوالله فشله . خلونا نتساعد عليها
كادي: انا بساعدك
جوري: حتى انا بساعدكم

في المجلس:
فارس: انا استاذن وراي دوام بدري ولازم انام ( وراح الملحق)
نواف: سامر لاتجامل ترى حنا اهل بيت شكلك فيك النوم
سامر: ايوى الله صحيت اليوم بدري ورحت مع الوالده نرتب بعض الاوراق
خالد: عادي روح
سامر:لا لا ماعندي بكره شي انام الى الظهر وش وراي؟

الساعة 12 ( في المطبخ)
سولاف: تدرون كم الساعه؟
كادي: صارت 12 الحين
رهام: بسرعه وراي برنامج بتابعه
جوري: انتي عليك الشاهي بس اذا جهز روحي
كادي وهي تجلس على كرسي طاولة الطعام: آآآآآآآآآه راسي احس بدوخه ( وحطت راسها على الطاوله)
جوري: شكلك تعبانه وجهك من اليوم اصفر
سولاف: كادي روحي ارتاحي
رهام وهي تتقدم لكادي وتحط يدها على كتفها: كادي فيك شي؟
سولاف وهي تركض باتجاههم: البنت ماترد وشفيها؟ ( ورفعوا راسها واكتشفوا انه مغمى عليها)
سولاف لجوري: جوري روحي علمي نواف بسرعه ( وراحت سولاف تركض تجيب عبايتها وعباية كادي )
( طبعاً سولاف تقصد ان جوري تروح تقول لاخوها واخوها يقول لنواف لكن جوري بكل براءة دخلت المجلس بدون حجاب ولا شي )
جوري وهي تدخل بسرعه: وين نواف؟
سامر وهو يوقف بسرعه: وشفيه ياجوري؟
نواف: كادي فيها شي؟
جوري: ايه كادي اغمى عليها بالمطبخ وماندري وشفيها (( وراح سامر ونواف ركض للمطبخ ))
خالد اللي منصدم من جوري اللي دخلت وحب يلطف الجو : اخاف انك كرفتيها في بيتكم
جوري : وات؟
خالد: اقول يمكن انك خليتيها تشتغل في بيتكم وعشان كذا تعبت
جوري بكل براءه: نو نو ( وسحبته مع يده وقامت ترطن انقليزي يعني تعال نشوف وش صار)
خالد ماتوقعها منها وخاف من ردة فعل البنات اذا شافوه : روحي انتي وانا بجي وراك (( وراحت تركض ))
خالد: ياحليلها بنت عمتي . والله لو تدري امك ان تفطر علي بكره

( نواف وسامر وسولاف راحوا مع كادي)
في الصاله:
رهام: الله يستر ( والتفتت على جوري) مافيه احد من العيال الحين؟
جوري: خالد فيه
رهام: اشوى . خلاص ودي له الشاهي وانا بكمل غسيل المواعين ( رهام على نياتها تقصد توديه وترجع وقبل هذا كله تتحجب طبعا / بس جوري راحت له مثل ماراحت له المره الاولى)
في المجلس:
خالد ( لاحول ولاقوة الا بالله هذي بتبلشني) : تعبتي نفسك مايحتاج شاهي
جوري ببراءه: رهام قالت اوديه لك . بليز خالد ممكن استخدم موبايلك؟
خالد باندهاش: هاه؟ ايه . ايه ايه ممكن ( ومده لها) تفضلي
جوري وهي تاخذه وتجلس قريب منه: ثانكس ( وتدق على جوال امها) وخالد يحاول يبعد عنها شوي ( لاتشوفك امك جنبي ثم تذبحني)
جوري: هاي ماما. ماما كادي تعبت علينا و........... الخ
خالد( ول وكالة انباء هذي)
جوري: ثانكس خالد
خالد: تحت امرك . ماكان له داعي تخوفين امك
جوري: ماما قالتلي لو صار أي شي الله يستر بلغيني
خالد( وشلون افهمها هذي) : عمتي تقصد شي ضروري تواجدها فيه . بس الحمدلله حنا متواجدين ونواف وداها للمستشفى
جوري: ماما بتجي الحين ان شاءالله
خالد( اجل روحي تكفين لاتسببين لي مشاكل) : وينها رهام؟
جوري وهي توقف: اروح اناديها؟
خالد( يالله من هذي كن رهام عاد بتجي لو ناديتيها) : لا لا بس انا اسال
جوري وكانها تذكرت: يوووووووه رهام ورطنت بالانجليزي ( يعني تغسل المواعين)
خالد: اها . تصدقين ياجوري لو بتقولين لرهام تعالي اجلسي معنا بتقول لا
جوري: اوف كورس. لانها مشغوله
خالد( لايالدلخه) : لا . لان عندنا ماتجلس البنت مع غريب
جوري تناظره باندهاش : انت غريب؟ انت ولد خالي . امممممممممممم انت ماي فرند
خالد( والله البلشه مافيه حل الا اطلع واقول اني بنام هالليله ماراح تعدي على خير) : انا بطلع الملحق بنام
جوري وهي تمسك يده: بلييييييييز خالد (ودخلت وعد )
خالد: احم احم . هلا هلا عمتي
وعد وهي تناظر جوري بعصبيه: جوري روحي عند رهام
جوري ببراءه: اوكي ماما ( وراحت)
وعد: خويلد ووجع
خالد: وربي هي اللي جتني بنتك بلشه نشبت بحلقي . ماغير تمسك يدي وانحرجت وتقول انت ماي فرند والله ياعمه كني انا البنت وهي الولد اول مره استحي . اول مره احس بشعور غريب حيا منها على خوف منك يعني خليط من الرعب والحيا
وعد وهي تضحك على حركات خالد:ههههههههههههههههههه المفروض تقولها عيب . المفروض تنصحها تتغطى
خالد: والله لمحتلها بس بنتك ماتفهم وش اسوي لها
وعد: ماعلينا. وش اخبار كادي؟ ادق على نواف مايرد
خالد: مدري والله من يوم راحوا وبنتك عندي ماخلتني اتصرف ولا حتى اسال
وعد وهي تجلس: اوووووووف حتى سامر مامعه جوال ( والتفتت على خالد) ايه صحيح قبل انسى ابيك تطلع لسامر وجوري ارقام حلوه بكره
خالد: ابشري من عيوني

في المستشفى:
سامر: نواف خلك اقوى من كذا انت رجال وشلون تبكي؟
نواف: اذا البكي ينقص الرجوله خلها تنقص. اختي بتموت ياسامر بتموت
سامر: الاعمار بيد الله
نواف: ونعم بالله. بس المرض مسيطر عليها منهيها
خالد وهو جاي: السلام عليكم
سامر: وعليكم السلام
خالد وهو يشوف نواف يبكي: وشفيها كادي؟
سامر: سرطان بالدم
وزاد بكي نواف وخالد انصدم من الخبر

في الصاله: ( ام نواف وعلى يمينها وعد وعلى يسارها جواهر وجنب وعد جوري . ومع الجهه المقابله رهام وجنبها ام خالد )
وعد: هدي نفسك يام نواف ان شاء الله خير
خالد وهو يدخل: ياولد ( وتغطوا كلهم الا جوري طبعاً اللي مامعها طرحه / جوري كانت تتامل جواهر ورهام وام نواف اللي تغطوا )
وعد وهي توقف: هاه ياخالد وش صار؟
خالد وهو متردد بنقل الخبر : والله مدري الفحوصات للحين ماطلعت بس الله يستر مشتبهين بسرطان الدم
ام نواف: ياربي على بنيتي ( واخذت تبكي)
وعد وهي تجلس: لاحول ولا قوة الا بالله
جواهر: الله يشفيها يارب ( وجلس خالد ) وبعد ربع ساعه :
جوري تكلم امها اللي معطتها ظهرها بصوت واطي: ماما ماما
وعد وهي مالتفتت لها: هاه ياجوري
جوري: ماما ليش رهام وجواهر وام نواف يتحجبون عن خالد؟
وعد وكانها انتبهت والتفتت على بنتها اللي لقتها كاشفه وشهقت وبصوت واطي : جوري عيب . تغطي عن الرجال
جوري باستغراب: هذا مو رجال
وعد: وجع . اجل وشو؟
جوري: مو ولد خالي؟
وعد وهي مو رايقه لبنتها وتفكيرها: جوري اخذي رهام واطلعوا فوق
جوري: واي؟
وعد: اسمعي الكلام بدون واي
جوري وهي توقف : اوكيه ماما . جوري بليز ماما تقول اطلعوا فوق
وعد وهي تحط يدها على راسها: ياربيه
خالد متفرج صامت ويبتسم على حركات عمته وتصرفات بنتها

في المزرعه:
امل: اخيرا ياساره جيتي؟ والا من لقى احبابه نسى اصحابه؟
ساره: والله غصب عني . مايقررون يجونكم الا اذا رحت لهم وصعبه اتركهم وانا توني جايتهم
امل: اهم شي شفناك
ساره: عيال عمتي جو من امريكا وللحين والله ماشفتهم
امل: لاحقه عليهم ان شاء الله . وين حصه؟
ساره: عند جدتي هناك . خلونا نروح نتقهوى عندهم
امل: لا لا . بنتقهوى لحالنا وبالمزرعه احس والا وشرايكم؟
نوف: والله افضل . بس خلينا نجيب عبايتنا احتياط
امل: لا لا والله فهد مايدخل المزرعه بهالوقت وبقوله لايجينا عشان ناخذ راحتنا انا بروح اجيب القهوه هنا (( وراحت ))
ودق جوال ساره وبعدت عن نوف شوي وردت عليه لانه فارس ونوف قعدت تتمشى بالمزرعه ولقت حظيرة غنم متداخل فيها زي الغرف ودخلت في الغرف تتفرج ولما جت تطلع لقت الباب مقفول بقفل واستغربت
نوف بصوت عالي: مين اللي قفل الباب؟
فهد من بعيد: من هذا صوته؟ ( ورجع )
نوف انحرجت ماعليها غطى والحظيره عباره عن ( شبك) وين تروح؟
فهد استغرب يوم شافها ونزل راسه وفتح الباب: اسف . ماكنت ادري ان فيها احد (( وراح))
نوف: يووووووووووه فشيله والله
نوف يوم شافت ساره : وينك يالسخيفه طحت بموقف لا احسد عليه
ساره وهي تكلم فارس: خلاص بعدين اتصل باي ( وسكرت) وشفيك؟
نوف: دخلت حظيرة الغنم وسكر علي فهد
ساره: هههههههههههههه صرتي غنمه اجل
نوف انقهرت من رد ساره بس كتمته في نفسها: فشيله بصراحه
وجت امل معها حصه
نوف: حسبي الله على بليسك ياامل وتقولين فهد مايجي المزرعه هالوقت
امل: يؤ. والله جاء؟
ساره: جاء وصار علوم وبتصير قصة حب تحت عنوان حب في حظيرة الغنم
نوف بقهرمكتوم: وش دخل الحب في الموقف
امل: لا لا يانوف اذا اخوي شافك الله يعينه ماراح ينام الليله
نوف بحيا: اقول اسكتي بس انتي ام المصايب
امل: ههههههههههه ( ودق جوال حصه)
حصه: عن اذنكم شوي ( وراحت )
حصه: هلا قلبي
ناصر: هلا وغلا بهالصوت
حصه: هلابك اكثر . اشتقتلك يومين ماكلمتني؟ حرام عليك
ناصر: والله اشغال مارجع الا متاخر وتعبان مره على طول انام
حصه: الله يكون بعونك . الا صحيح الخبر اللي سمعنا؟
ناصر: أي خبر؟
حصه: انك طلقت جواهر
ناصر: ايه صحيح . ومحتاج وحده باسرع وقت مكان جواهر
حصه: وبتقدر تستغني عنها؟
ناصر: والله اذا لقيت اللي بتغنيني عنها اكيد بستغني . بكلم محمد هاليومين . ابي اتزوجك باقرب فرصه . عندي سفره بعد يومين وابي الملكه تكون قبلها
حصه وهي ميته من الفرح: اللي تشوف

في منزل محمد ( بعد يوم )
محمد: عندي لك خبرين واحد منهم بمليونين
نوره: بشر
محمد: اليوم جاني عريسين واحد لحصه والثاني لنوف
نوره: ومنهم؟
محمد: نوف خطبها فهد
نوره: والنعم والله . وحصه؟
محمد: حصه خطبها واحد مايجي على بالك وعساها توافق لانها لو رفضته بتكون غبيه
نوره: من هو؟ ومعه حرمه؟
محمد: مطلق حرمته
نوره: من هو؟
محمد: ناصر ابو فارس
نوره بفرح: عم ساره؟
محمد : ايه عم ساره . بس تكفين يمه اقنعيها تراه اكبر فرصه
نوره: ان شاءالله بتوافق
محمد: موب اكيد .عمرها بعمر ولده فارس اذا ماهيب اصغر
نوره: انت متى عرسك؟
محمد: اتفقت مع ابو فارس انه يكون باول الاجازه

الجزء التاسع عشر

في غرفة البنات:
ساره وهي توقف: عمي؟
محمد: ايه عمك ( والتفت لحصه) هاه وشرايك
حصه باصطناع تردد: مدري ياخوي بصراحه الرجال كبير واخاف ارفضه ويصير مشاكل لك ولجمانا
محمد: وليش ترفضينه؟ والله فرصة العمر زواجك منه ولا كنت احلم انه يتقدملك مثل ابو فارس ( والتفت لنوف) وانتي ترى جايك عريس
ساره تناظر خالها ثم تناظر نوف باندهاش( ياترى من اللي خطبك بعد انتي)
حصه: صدق؟ من اللي خطبها؟
محمد: فهد
نوف انحرجت وطلعت من الغرفه وساره محترقه من اللي قاعد يصير قدامها جلست تفكر في لحظة خالها وخالتها يتناقشون ( ليش كذا؟ حرام جواهر ماتستاهل . وش موقفي الحين من فارس وخواته؟ اااااااه يافارس . والله ان الف بنت تتمناك . غبيه انا وشلون افكر بواحد مافكرفيني؟ وشلون ابيع انسان يحبني ومابخل علي بشي. ضيعت فارس من يدي. فارس الفتره الاخيره تغير علي كثير . واخاف زواج عمي من خالتي ينهي كل شي بينا) وقاطعها صوت محمد
محمد: ساره معنا؟
ساره: ايه
محمد: باركي لخالتك وافقت على عمك
ساره بصدمه وهي تناظر خالتها اللي نظراتها ماخلت من الحقد لها: مبروك
حصه: الله يبارك فيك عقبالك ههههههههههه عاد ماباقي الا انتي تزوجي وفضي البيت لمحمد وجمانا
ساره باندهاش: جمانا بتعيش هنا؟
محمد: اجل وين ان شاء الله؟
ساره: وعندها خبر بهالشي؟
محمد: ابوها عنده خبراكيد بيقولها

في منزل ابو نواف: في المجلس
خالد: يارجال تعوذ من الشيطان وقم اطلع معنا
نواف: والله مالي نفس . ياليت تاخذ ابوي وتوديه لبيتكم لانه طلب مني
فارس: وبتجلس في البيت كذا؟
نواف: ودي أنام شوي
فارس: تلعب على مين؟ ماراح تنام وبتطلع معنا ان شاءالله ( وصل مسج لفارس)
خالد: ياعيني على المسجات الله لنا
فارس: هههههههههههههههههههههه اكيد الجوال يقولون سدد ( وفتح المسج ولقاه من ساره)
( انا اسفه يافارس . من يوم دخلت حياتكم خربتها . وصدقني مالي يد باللي صار)
خالد: وش تقصد؟
فارس: مدري والله خل اكلمها اشوف ( ودق عليها)
ساره: هلا. وعليكم السلام. الحمدلله
فارس: ساره وش قصدك من المسج؟
ساره( معقوله مايدري) : اقصد خطبة عمي لخالتي
فارس بعصبيه وهو يوقف: ابوي خطب خالتك؟ واكيد الحقيره وافقت . وليش لا؟ ماصدقت اكيد ( وسكر )
نواف: مالك حق تسكر بوجهها
فارس: نرفزتني وجايه تقول مالي ذنب
نواف: اكيد مالها ذنب
فارس وهو يلتفت بعصبيه على نواف: وشلون ابوي عرف حصه وكلمها؟
نواف: والله انا ماعرف ساره زين . بس ماظن انها بتسوي كذا
خالد: نواف معه حق لازم تعتذر منها
فارس: بعدين لازم اقول لامي وتكون بالصوره
نواف: ارسلها مسج واعتذر منها والله حرام عليك
فارس وهو يجلس ويتنهد : اوكيه برسل لها ( وكتب: اسف ساره بس الخبر اللي قلتيه نرفزني اكلمك الليله) وارسله لها . يالله انا استاذن (( وطلع))

في منزل جواهر:

وعد: ولاتبكين ولاتهتمين هو الخسران
جواهر وهي تبكي: هذي اخرتها يطلقني ويتزوج بنت نوره؟
وعد: الله ياخذها لعبت بعقله الحيوانه
فارس: قهر ندخل بنتهم في العز ويدخلون اختي في الذل
جواهر: حسبي الله عليك يانوره اشوف فيك وفي عيالك يوم(( ودق الجرس))
وعد: فيه احد من العيال بيجي يافارس؟
فارس: لا كنت عندهم تو خالد عنده دوام ونواف ماراح يطلع
جواهر: اكيد ناصر جاي يبشرنا بخطوبته
فارس وهو يوقف: بروح اشوف (( وراح))
عند الباب:
فارس مطير عيونه: لا لا لا وش هالمفاجئة الحلوه ( وسلم عليه)
بندر : هههههههههههههههههههه كلي حلو
فارس: والله جيت في وقتك العالم كلها متنكدة
بندروهو يدخل: افا افا
وعد وهي توقف باندهاش: بندر!!!!!!!! هلا والله ( وراحت تركض تسلم عليه)
بندر: هههههههههههههههههههه للحين ماعجزتي للحين تعرفين تركضين؟
وعد وهي تسحبه للصاله: تعال وخل عنك تعليقك . ياهلا والله في بندر والله جيت في وقتك
بندر: يوووووووه حتى انتي؟ وش صاير؟ خوفتوني
جواهر: الحمدلله على السلامه يابندر نورت السعوديه
بندر: بوجودكم ياام فارس



يتبع ,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -