رواية اقسم قسم لادوس قلبك بلقدم -8

رواية اقسم قسم لادوس قلبك بلقدم - غرام

رواية اقسم قسم لادوس قلبك بلقدم -8


في كوفي:


جمانا: انتم عارفين رايي في خالد من زمان
فارس: هذاك زمان . جمانا ممكن تقولين لي سبب موافقتك على محمد؟
جمانا: خلاص هذي اخر سنه لي . استنى ايش؟ ولو رفضت من محمد من راح يفكر فيني؟
فارس: هذا خالد فكر فيك وكان يفكر ولا زال يفكر
جمانا: وليش ماخطبني الا بعد ماخطبني محمد؟
فارس: خطبك قبل كذا ورفضتيه
جمانا: وليش ماتقدم بعد اللي صار؟
فارس: متوقع بترفضينه
جمانا: وليش تقدم الحين دام عارف اني برفضه؟
فارس: الحين لقاها فرصه وتوقع نسبة موافقتك عليه بتكون قويه
جمانا بازدراء: يعني عشان اللي صار راح ارضى فيه
فارس: انتي تدرين ان خالد يبيك من زمان. طيب جمانا لو خالد تقدم لك بعد اللي صار وقبل محمد بتوافقين؟
جمانا: اكيد
فارس: يعني بتوافقين عليه عشان اللي صار بس والا بالاساس ماتبينه
جمانا: مثل تصرفه الحين
فارس وهو يضرب بيده على الطاولة: خالد يحبك وانتي تعرفين هالشي زين
جمانا: مالنا شغل بخالد الحين. انتم كلكم ضدي عشان امي بس
فارس وهو يرجع على ورى ويحط يده على ذقنه: وهذا مو سبب كافي؟
جمانا: وانت اذا بغيت تخطب ساره ورفضت امي راح تسمع كلامها
فارس وهو يتقدم للطاوله ويحط يده على الطاوله: وشدراك اني ابي ساره؟
جمانا: مافيه شي يتخبى كل شي واضح
فارس: قالتلك شي؟
جمانا: لا ماقالت بس عرفت من بعض تصرفاتك ومن بعض تصرفاتها
فارس: اها . طيب وانتي وشرايك؟
جمانا: بايش؟
فارس: بساره
جمانا: كبنت عم تمام التمام لكن كزوجة اخ لا
فارس: ليش؟
جمانا: مدري بس اشوف انك تستاهل احسن منها
فارس: شفتي منها شي؟
جمانا:لاوالله . بس هذا رايي وطبعا رايي مايقدم ولا ياخر ( ودق جوال فارس)
فارس : هذا ابوي ( ورد) : هلا يبه . هلا . الحمدلله كلنا تمام . اخبارك انت . ايوى . ايوى
ناصر: شف ان كانها تبيه والا خذ رايها على محمد وردوا على الرجال تراكم تاخرتوا
فارس: كلمتها يبه ورفضت
ناصر: ومحمد؟
فارس: موافقه عليه
ناصر: خلاص كلم الرجال واتفق معه على موعد بعد يومين كذا عشان الملكه
فارس: ان شاء الله . على خير. اوكيه اوكيه. مع السلامه ( وسكر)
جمانا: وش السالفه؟
فارس: خالد طلبك من ابوي .وابوي يقول خذ ردها واذا تبي محمد الملكه بتكون بعد يومين
جمانا : بدري . ليش بعد يومين
فارس: تعرفين اشغال ابوي مو فاضي . وبعدين وشفيك ترددتي؟
جمانا بثقه وهي توقف: ماترددت . خلنا نرجع للبيت

في غرفة وعد:


وعد: هدي نفسك ياام فارس
جواهر: وش هالتخلف ترفض ولد عمها عشان ولد نوره؟
فارس: وش نسوي؟ هذي حياتها وبكيفها اللي علينا سويناه
وعد: هدي اعصابك ياام فارس . يومين يغير الله فيها من حال الى حال
فارس: خلي ام نواف تكلمها
وعد: صادق فارس. قولي لام نواف وام خالد
جواهر: ام خالد لا . صعبه . اقولها اقنعي بنتي تاخذ ولدك؟ وش موقفي منها؟
وعد: خلاص . ام نواف كفايه. انزلي الحين نتقهوى لا يشكون
جواهر: بتطلع انت؟
فارس: لا . بيجيني نواف

في الصاله

وعد: هذي الساعه المباركه اللي تجمعتوا كلكم في بيتي
ام نواف: متى بيجون عيالك؟
وعد: الخميس ان شاء الله
ام خالد: الله يوصلهم بالسلامه
وعد: امين يارب
جواهر: وشفيك ياام خالد؟ مااعجبتيني اليوم
ام خالد: سلامتك ياام فارس . بس تعرفين تعبانه شوي
وعد: طيب روحي راجعي للمستشفى
ام خالد: ان زاد علي رحت (( ودخلت سولاف ))
سولاف: واحلى صينية حلى لاحلى عائله
وعد: ان شاء الله اخدمك في عرسك
سولاف: امين هههههههههههههههههههههههه
وضحك الجميع الا جواهر وجمانا اللي جوهم متوتر
كادي: امممممممممممممممممم يجنن
سولاف: صحه وعافيه . جمانا حطي يدك ترى عمتي بتخلصها
وعد وهي تضرب سولاف : ماخلصها الا انتي يالدبا . تطبخين لنا وانتي اللي تاكلين
سولاف: ههههههههههههههههههههه تفضلي ياجمانا
جمانا: لا ماشتهي انا فيني النوم بروح انام ( وطلعت لغرفة جوري)


في المجلس:


نواف: لاحول ولاقوة الا بالله . عمي المفروض يقول تاخذ خالد
فارس: ابي ماعنده هالتحجر
نواف: ولو . هذا لو هي تحب محمد . هي تهرب من المشكله عشان تسكت الناس وراح تتعب
فارس: حنا والله اللي تعبنا
نواف: كلمت محمد؟
فارس: لا . مالي خلق. بكره اكلمه ان شاء الله
نواف: طيب عطني رقم جمانا
فارس باستغراب: ليش؟
نواف: بحاول اقنعها هات الرقم
فارس: صدقني ماراح تقتنع
نواف: انت هات الرقم وماعليك



في غرفة جوري:


جمانا: وش هالرقم الغريب؟ خل ارد اشوف ( وردت) نعم
نواف: السلام عليكم
جمانا: وعليكم السلام مين؟
نواف:انا نواف
جمانا( وش السالفه) : هلا نواف
نواف: هلا بك . اذا ماعندك مانع بكلمك بموضوع يخصك
جمانا( مشكلتي احترمك) : تفضل
نواف: يابنت عمي كلنا ندور مصلحتك وصدقيني محمد ماهو من ثوبك وانتي تستاهلين احسن منه
جمانا: من اللي احسن منه؟ تقصد خالد؟
نواف: وعندك شك ان خالد احسن من محمد؟ مافيه مقارنه مع احترامي
جمانا: بس خالد عارف رايي فيه . اعتبره مثل اخوي
نواف: طيب لا تاخذين خالد . وانتي توك صغيره والطريق قدامك طويل ان شاء الله
جمانا وعيونها تدمع: هذاك اول
نواف: خلي عنك هالخرابيط . سمعتك مثل المسك ولا احد تكلم عنك بشر
جمانا: خلاص ان عطيت اهلي كلمه نهائيه ومقتنعه فيها وماراح اغيرها
نواف: هذي حياتك ياجمانا وتخصك انتي بس. لكنها تهمنا نتمنى لك السعاده
جمانا: وليش متوقعين اني ماراح اكون سعيده مع محمد؟
نواف: لان المبدا غلط . وغير كذا مافيه توافق بينكم من جميع النواحي. لا تعليمي ولا ثقافي ولا اجتماعي ولا مادي
جمانا: هذي اشياء انا ماعترف فيها التوفيق من الله
نواف بياس: على راحتك يابنت عمي انا ماحبيت اوضحلك وجهة نظري قبل مايصير شي تندمين عليه واتمنى لك التوفيق
جمانا: مشكور يانواف
نواف: باي ( وسكر ) وشوي ودخلت ام نواف:
جمانا( اوف وشفيهم ذولا متفقين ؟) : هلا ام نواف
ام نواف: هلا بك يابنتي وراك جالسه لحالك؟ والا يعني اني عروس؟
جمانا: ههههههههههههههههه والله طفشانه ياام نواف كل مااشوف امي مو مرتاحه ومتضايقه اتضايق
ام نواف: طيب ارضيها . هذي امك. لامحمد ولاغيره يستاهلون تزعلين امك عشانهم
جمانا: بس هذي حياتي انا
ام نواف: خلي عنك كلام الافلام هذي حياة اهلك كلهم
جمانا: بس انا مقتنعه بمحمد
ام نواف: علميني بشي واحد معجبك بمحمد
جمانا: مو لازم يصير فيه شي يعجبني
ام نواف: اجل ليه متمسكه فيه؟
جمانا: لانه متمسك فيني
ام نواف: ومافكرتي ليه متمسك فيك؟
جمانا( اه ياراسي ذبحتوني خلوني بحالي) : من غير ليه . اكيد يبيني
ام نواف: ومادامه يبيك ليه سوى اللي سواه؟
جمانا تنهدت وسكتت
ام نواف: ارضي امك وريحي نفسك من هالعذاب ولد عمك يبيك لنفسك مو لنسبك او لفلوسك وانتي تعرفين خالد من زمان
جمانا: مستحيل اخذ خالد
ام نواف: والسبب؟ شفتي منه شي؟
جمانا: لا . بس كذا ماحسه الانسان اللي ابيه
ام نواف: ومحمد هو اللي تبينه؟
جمانا: محمد ماعرف عنه شي
ام نواف: وشلونتاخذين واحد ماتعرفين عنه شي؟
جمانا: ابوي مقتنع فيه . ابوي لو شايف انه مايناسبني كان رفض وانتي تعرفين ابوي زين
ام نواف: كلنا مستغربين من ابوك . بصراحه توقعنا انه هو اللي يرفض مو امك بس
جمانا: ام نواف الله يخليك تراني تعبت من هالموضوع . ورايي متمسكه فيه خلاص

في الصالة



وعد: تو الناس اجلسوا مابدت السهره
ام نواف : خلاص وبكره دوام وكادي وراها جامعه
ام خالد: وصلونا اجل معكم (( وقاموا كلهم ))


جواهر: ماوراك جامعه؟
رهام: يمه ماحنا رايحين لبيتنا؟
جواهر: نروح وش نسوي؟
رهام: ماجبت اغراضي حتى جمانا ماجابت اغراضها
وعد: روحي نامي واذا صليتوا الفجر خليت السواق يوديكم البيت ( وراحت رهام)


وعد: وسعي الخاطر ياام فارس
جواهر: ااااااااااااااااااااه يا وعد هم بقلبي
وعد: الله يعين بس
جواهر: راسي مصدع ودي اروح انام بس عارفه ماجايني نوم
وعد: الله كريم الله يهديها بس
جواهر: امين


الجزء السابع عشر



في غرفة خالد ( يرد على جواله ) ( العصر ) :


خالد: الو . هلا فارس
فارس: نايم؟
خالد: ياسؤالك غبي
فارس: ههههههههههههههههههههههه وش اسوي لك مااتصلت ولاشي
خالد: آآآآآآآآآآه يافارس بس
فارس: فيه شي يعني؟
خالد: بلاوي بلاوي يافارس . خلني اخذ شور واكل لقمه وامرك . انتي وين؟
فارس: في البيت
خالد: اوكيه ساعه بالكثير واكون عندك ان شاء الله



في الصالة:


فارس: امي ماجت؟
جمانا: لا
رهام: ماتوقع امي تجي لين يجي ابوي
فارس: طيب يارهام شكلك فاضيه سوي قهوه وشاهي خالد بيجيني
رهام: امي دقت وقالت تعالوا
فارس: اذا طلعت خذتكم على طريقي
رهام: طيب . مع ان قهوة جمانا احلى بس انت اخترتني وتحمل النتائج ( وذهبت )
فارس وهو يجلس: هههههههههههههههههههههه ( ويناظر جمانا) وش اخبار جمانا اليوم؟
جمانا: الحمدلله
فارس: الليله ان شاء الله بكلم محمد وباخذ معه موعد للملكه . عندك اعتراض
جمانا وهي تضغط على يدينها بقوه وتبلع ريقها: لا
فارس وهو يحاول يستفزها مسك جواله: وليش الليله ألحين اكلمه . ابوي موصيني اكلمه البارح مو اليوم
جمانا وهي تناظره بقلق: فارس انا مدري وش فيني
فارس : وشفيك؟ متردده؟
جمانا: مو تردد . ولا اقتناع . اخاف امي تزعل بقوه
فارس: امي زعلانه من قبل وانتي تعرفين هالشي
جمانا: اخاف يكون زعلها اقوى من كذا
فارس: تهمك أمي؟
جمانا: وش هالكلام يافارس ؟ اكيد تهمني
فارس: طيب ارضيها
جمانا وعيونها تدمع: اخاف لو رفضت محمد مايتقدم لي احد
فارس: والله ياجمانا ماتلقين احسن من خالد
جمانا وهي توقف: خالد لا . والله مثل اخوي . ومتاكده ماتقدم لي الا عشان يخلصني من كلام الناس
فارس: الحمدلله والشكر . اول مره خالد يتقدم لك؟
جمانا: خلاص يافارس فكني من سيرة خالد . والله كنه اخوي مااشعر تجاهه باكثر من كذا
فارس: طيب مو مشكله انسي خالد. المهم . تبيني اقول لمحمد انك رافضه؟
جمانا: ايه . بصراحه مابيه (( ودق جوال فارس))
فارس: هذا ابوي . اكيد بيسالني اتفقت مع محمد على موعد والا لا. انتي متاكده من قرارك؟ مو اذا كلمك تغيرينه؟
جمانا: لا لا ماراح اغيره
فارس : اوكيه ( ورد) : هلا يبه . هلا بك. الحمدلله كلنا بخير . ايوى ( ووقف ) : ايش؟ .. بس يبه جمانا ماعاد تبي محمد
ناصر بعصبيه: لعب عيال هو؟ امس تقول انها موافقه
فارس: هذا امس . وبعدين انت وصيتني اكلمه انا ماتوقعتك بتكلمه
ناصر: هو اللي كلمني وعطيته موعد بكره . وانا جاي الليله وتوني مكلم امك وهناك مولعه اقنعها تكون حرمه وتجي تستقبل اهل محمد
فارس والدنيا ضايقه فيه: يبه الله يرضى عليك ترى هذا زواج . ومافيها شي لو نكلمه ونقول مافيه نصيب ومستعد اكلمه انا
ناصر بعصبيه: خلك رجال وانطم
فارس بصدمه: انطم؟
ناصر: انا ماجيت اشاورك انا ابلغك وخلكم كلكم مستعدين . وعلم عيال عمك يكونون حاضرين . فمان الله ( وسكر)
فارس وهو يسكر الجوال ونظرات الشفقه لاخته: ابوي عطى كلمه لمحمد
جمانا: بس انا مابيه
فارس: مدري ياجمانا . ابوي ماهو ابوي انسان ثاني

في المجلس



خالد: لاحول ولاقوة الا بالله
فارس: مصيبه ياخالد مصيبه تقول ساحرينه . متمسك فيه تمسك غريب مدري وش السبب
خالد: انا اعلمك وش السبب
فارس: تكلم قول
خالد بتردد : والله مدري وش اقول
فارس: تكلم ياخالد لاتلعب باعصابي
خالد: امس خذت لي اكثر من ساعة وانا ابحث عن ارقام خالة ساره وبنت خالتها لان جوالاتهم مو باسماءهم وبعد الموت حصلتها و...
فارس بعصبيه: تكلم ياخالد
خالد: ابوك على علاقة تلفون مع خالة ساره
فارس بصدمه: خالة ساره؟ ابوي يقول لي ولاول مره في حياتي انطم عشان خالة ساره؟
خالد: مصيبه يافارس.والله لو تدري امك ان تنهار
فارس: وجمانا . يبيعها عشان وحده يحبها؟
خالد وهو يمسح وجهه بيدينه: الله يهديها جمانا هي اللي ضيعت حياتها بنفسها
فارس بعصبيه: ولو . غيرت رايها . يعني مايصير تغير رايها؟ ( وهدى شوي ) : طيب وساره؟
خالد:ساره مكالماتها نظيفه تطمن
فارس بتنهيده: اشوى
خالد: خذ خواتك وودهم لبيت عمتي عند امك . علموهم باللي صار يمكن يقدرون يتصرفون
فارس: اقول لامي ابوي على علا...
خالد يقاطعه: لا يافارس انتبه تقول هالكلام حنا الان بمصيبة جمانا ولازم نتخلص منها



في سيارة فارس


فارس بينه وبين نفسه: ابوي وشلون وصل لهاللي اسمها حصه؟ معقوله ساره هي اللي وصلتها له؟ وليش لا. ماستبعد منك شي ياساره. ااااااااااااه لو ادري انك انتي السبب والله مارحمك
رهام بنفاد صبر: فااااااااااااارس
فارس: خير قصري صوتك
رهام: اللي ماخذ عقلك يتهنى به
فارس بملل: فكينا من امثال تافهه وش تبين؟
رهام: عمتي دقت علي تقول مروا مـ ...
فارس وهو يقاطعها: رايقه عمتك هذي ماراح امر ولا محل ولا اسمع صوتك



في الصاله



جواهر بعصبيه: رفضت وبيجبرها بعد؟
فارس: يمه هدي اعصابك خلينا نتفاهم
جواهر وهي تجلس: وش نتفاهم عليه؟ انت ماسمعت ابوك وهو يكلمني بس يتامر علي . انا نوره تدخل بيتي؟ وادخل بنتي بيتها؟ وكلها بالقوه؟
وعد: الله يهديك ياجمانا كان رفضتي من البدايه
جواهر: لو مارفضت الا باخر لحظه مايحقله يجبرها
وعد: مافيه الا حل واحد . ان جمانا تقول ابي خالد
جمانا: لا
جواهر: لوى . قولي هالكلام على الاقل لين نتخلص من هالبلوه
فارس: فعلا. هذا هو الحل الوحيد
وعد: وماراح يفضل محمد على خالد
فارس( ماتدرين والله عن شي ) : جربي هالطريقه ولو اصر على رايه اصري على رفضك
وعد: ولا تخافين . انا بكلم خالد وافهمه خطتنا . وتعرفين خالد
فارس وهو يوقف: انا بروح عندي دوام ويمكن اتاخر
جواهر: خل جوالك مفتوح لاتقفله
فارس: ان شاء الله



( ناصر تعرف على حصه عن طريق مكالمه منها على جواله تشتكي له معاملة اخوه لها في المدرسه وتنقيصه لراتبها بسبب مشكله . وتطورت العلاقه بينهم بعد هالمكالمه)



في غرفة الجده:


نوره: الله يوفقك ياولدي
محمد: اااااااااااااااااه احس اني بطير من الفرحه
حصه: الف مبروك تستاهل والله
سعد: ياعيني صار في بيتنا عريس
محمد: هههههههههههههههههههههههههههههههه عقبالك
سعد: الله كريم
محمد: وشرايك اخطبلك اختها؟
سعد: الله لايقوله . انا اخذ اخت فارس؟
محمد: وشدخلنا بفارس
حصه: محمد صادق . واذا البنت مزيونه مثل اختها ليتها تكون من نصيبك
سعد: الله . وش هالنسب اللي طلعنا فوق مره وحده. انا يخب علي ساره
حصه: ههههههههههههههههههههه ياحليلك ساره اكيد بياخذونها عيال عمها
سعد بعصبيه: على كيفهم
نوره: وشفيك انت. عساهم ياخذونها. ان خذوها خذنا لك وحده منهم
سعد: والله الواثقين انتم . اذا عطوكم جمانا يعني بيعطونكم غيرها؟
حصه: وش ناقصنا؟
سعد بسخريه: ولا شي كاملين والكامل الله
نوره: ماقلتلك ياولدي كلم ابوها ترى اخوها مع امها . وان قعدت تنتظرهم بيقولون لك لا من ورى ابوهم
محمد: صدقتي والله. زين اني سمعت كلامك والا كان تطير من يدي
نوف: الله يوفقك ياخالي تستاهل
محمد: تسلمين والله . الا ساره وينها؟
حصه: نايمه
نوره: روحي صحيها ماصار نوم هذا
حصه ( بروح ابشرها ) : ان شاء الله يمه



في غرفة محمد: ( يكلم فهد)


فهد: لا لا ماعلي منك عشاكم الليله عندي بهالمناسبه
محمد: يابن الحلال الايام جايه
فهد: راح تنشغل اعرفك . بكره ملكتك وبعدها بتهل عليك الاشغال مع كل مكان . رح بس علم اهلك وانا بانتظاركم

في غرفة البنات



حصه دخلت ولقت جوال سياره . وتذكرت يوم تاخذ جوالها وتفتشه . وفتحت الجوال ولقت رسائل في الوارد من رقم بدون اسم . بس مافهمت من الرسائل شي . فتحت على الرسائل المرسله . ولقت رساله ( فارس لاتدق علي اليوم . بكون عند عمتي )


حصه وهي ترجع الجوال مكانه: ساره. ساره اصحي وش هالنوم
ساره وهي تقوم: كم الساعه؟
حصه: اذن المغرب
ساره وهي تقوم من السرير: يووووووووووه ماصليت العصر
حصه: ساره دريتي ان جمانا وافقت؟
ساره باستغراب: على خالي؟
حصه: ايه. وشفيه خالك؟
ساره: مافيه شي بس جدتي وام جمانا
حصه: وشدخلنا بمشاكل الحريم؟
ساره( وش موقفي من ام فارس) : الله يوفقه
حصه: اااااااااااااااااااامين . وعقبالك
ساره تدري ان خالتها تتطنز عليها : ياكثر العرسان بس وين اللي يدخل المزاج
حصه: معقوله ماحد من عيال عمك يبيك؟
ساره بارتباك: وشدراني عنهم؟ (( وطلعت))


بعد صلاة المغرب في الصاله


وعد: صلوا على النبي
ناصر: اللهم صل وسلم عليه
جواهر: حرام البنت تتزوج بالقوه
ناصر: البنت كانت راضيه بس انتي ضغطتي عليها
جواهر: هذي هي قالت لك ماتبيه
ناصر: اقصروا الشر وقوموا معي للبيت وتجهزوا
جواهر: نوره ماتطب بيتي
ناصر: مهوب على كيفك . الحين صارت عمة بنتك وتدخل البيت متى مابغت
جواهر: حط الملكه بمكان ثاني اكثر مافيه الاستراحات
ناصر: الملكه في بيتي وبتحضرينها غصب عنك والا تراك طالق
جواهر بصدمه: تطلقني ياناصر؟
ناصر: ماطلقتك . تبيني وتبين عيالك ارجعي لبيتك وصيري حرمه واستقبلي الضيوف وانسي اللي راح لاتدفعين عيالك ثمن غلطاتك
جواهر: انا ماغلطت على احد . نوره هي السوسه
ناصر: قومي ياجمانا انتي ورهام معي
جمانا: بنقعد مع امي
ناصربعصبيه: بلا كلام فاضي . امكم اذا تبيكم تلحقكم يالله انا انتظركم في السياره


في السياره فارس يكلم امه:


فارس: خلاص يايمه ولايهمك انا بروح البيت وبكون معهم لاتخافين
جواهر: جمانا اكيد بترفض لاخر لحظه خلك معها
فارس: يمه تطمني


في الصباح الساعه ( 9 صباحا) :


ناصر: مارحتي الجامعه؟
رهام: لا مارحت لا انا ولا جمانا
ناصر: وجمانا وينها؟
رهام: نايمه
ناصر: زين زين . خليها تنام اليوم ملكتها وتحتاج راحه
رهام: يبه عمتي بتمرني الحين وبروح معها للمستشفى
ناصر: عسى ماشر؟
رهام: كادي اليوم وهي رايحه للجامعه صار لها حادث
ناصر: افا عسى ماجاها شي؟
رهام: لا لا الحمدلله بخير
ناصر: ونواف؟
رهام: السواق اللي وداها وماجاه شي
ناصر: الحمدلله على سلامتهم

(( ودخلت وعد ))


ناصر: هلا الله حيها
وعد: الله يحييك
ناصر: الحمدلله على سلامة كادي
وعد: الله يسلمك . مانت رايح تشوفها؟
ناصر: ان شاء الله بعدين. دامها طيبه الحمدلله
وعد: مو المفروض تاجل الملكه يومين
ناصر: ماتحتاج تاجيل واكيد كادي بتطلع اليوم
وعد بعصبيه: رهام مشينا ( وطلعت )



في غرفة خالد ( الساعه 11 )


ام خالد: ياولدي الله يهديك لا رحت دوامك ولا نمت ولا قمت تفطر
خالد: ماشتهي شي يالغاليه
ام خالد: الله يهديك لاتضيق خلقي وتعوذ من الشيطان لو جمانا من نصيبك ماراحت لغيرك
خالد وهو يغطي راسه بالمخده: خلاص يمه لاعاد تجيبون لي سيرتها الله يوفقها
ام خالد: طيب قم ودني للمستشفى
خالد وهو يرمي المخده في حضنه ويجلس: تشتكين من شي يمه؟
ام خالد: لا الحمدلله . بس كادي صار لها حادث والحمدلله مافيها الا العافيه
خالد: افا . متى هالكلام؟
ام خالد: اليوم وهي رايحه للجامعه مع السواق
خالد: خلاص تجهزي ( وطلعت الام وكلم خالد على نواف )
نواف: هلا هلا خالد. بخير الله يعافيك . الله يسلمك . ماتشوف شر والله
خالد: وشفيك صوتك مايطمن
نواف: والله مدري ياخالد الدكتور مسوي لها تحاليل ويقول مشتبه ان يكون فيها سرطان الدم
خالد: لاحول ولاقوة الا بالله . ان شاء الله خير
نواف: ان شاء الله


في الانتظار


نواف: وشفيك انت؟ شكلك مانمت او تعبان
خالد وهو يتنهد: لاوالله مانمت
نواف: ليش؟
خالد وهو ينزل راسه ويسنده على يديه: اليوم ملكة جمانا
نواف: اها . طيب ياخالد هي اللي اختارت واللي مايبيك لاتبيه
خالد: بس جمانا ماعاد تبيه الحين
نواف: تبيك يعني؟
خالد باسى: ولاتبيني
نواف: وش السالفه؟
خالد:ابوها اجبرها تاخذ محمد
نواف: معقولة عمي ناصر يزوج بناته غصب؟
خالد: عمي ناصر تغيييييييييير تغير كثييييييييييييييير. عموما ماهو وقته هالكلام . بشرني عن كادي
نواف: والله مدري ياخالد خايف عليها كثير مصيبه لو تطلع التحاليل سليمه
خالد: الله يستر


بعد العشاء:


في غرفة جمانا:


جمانا: مابيه مابيه ياعمه
وعد: خلاص ياجمانا مابيدنا شي الحين
جمانا: امي ليش ماجت؟ ليش اختارت الطلاق على مقابلتهم؟
وعد: امك الزم ماعليها كرامتها
جمانا: انا بنزل لابوي واقوله ماراح اخذه
وعد وهي تمسك جمانا وبعصبيه: الحريم تحت ياجمانا
جمانا: الحريم بالصالة الجانبية ماراح يشوفوني (( ونزلت ))


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -