بداية

رواية بنات النت -13

رواية بنات النت - غرام

رواية بنات النت -13


أقــول حـق فارس ولا مـاقووله يااربي بعد خمس دقايق لازم أكـون بالمزرعه وإذا مارحت صـوري راح تنتشر

صلت المغـرب وقـررت تتصل على فارس وقالت له كـل شيء

فـارس / كنت متـوقع هالشـيء بس الغلطه مو عليهم عليك انتي اللي ثقين فيه

ساره واهي تصيح / لا تـزيد علي كفايه الصدمه اللي فيني لو هشام مالحق علي كنت بـ خبر كان تكفى فارس ساعدني وش اسوي

فارس / طيب هو متى قالك تعالي ؟

ساره / بعد خمس دقايق لازم اكون هناك

فارس / طيب الحين انتي قولي حق امك انك بتطلعين وانا بـمر عليك

ساره / وين تمر علي ؟

فارس / ماعليك انتي الحين قولي اي شـيء لـ أمك انك بتطلعين

ساره / طيب ..

قدرت تكــذب على امها وطلعت وشافت سيارة فارس قبالها ، فتحت الباب اللي وراء وركبت / السلام

فارس / وعليكم السلام

ساره كانت منحرجه منه طول الوقت راسها منـزلته تحس بالجوال اذا كلمته أحسـن

فارس / وين الأستراحه هذي ؟..؟

عطــته العنــوان و وصــلو قدام الأستراحـــه ..

.

.

فــي المــزرعه كالعاده الأخــوان متجمعين عـائلة آل رواف ( تم تعرف عليهم من قبل )

وراح اقــول اسمـائهم الحين للـتذكير فقط ( بو فارس ، بو ايمن ، بو خالد ، بو عذاري )

ريتال حق سمر أخت عذاري / سمر وين عذاري غريبه من جيت من لبنان وانا ماشفتها

سمر تذكرت ان ريتال ماتدري عن شـيء ومسكتها بعيده عن البنات وقالت لها القصـه

ريتال / مـــن جـــدك طـيب وجود وش صار عليها

سمر / جود ابوها خلاها فـي غرفه بـ وسطها دورة ميـاه والفطور والغداء والعشاء كله من فضلتهم

ريتال بضيقه / ياحياتي يا جـود

سمر / مسكينه ماحد مظلوم إلا هي

ريتال / إيي والله بس لازم تطلع من اللي فيه مسكينه لـ متى بـحبسونها

سمر / مدري يمكن شهـر

ريتال / طيب وعذاري الحين كيف تركتوها بيت عمي بو ايمن الحالها والخدامه حقتهم مسافره

سمر / خدامتنا في بيت عمي بـو ايمن

ريتال / مشتــاقه لها كثـير جايبه لها شـيء من لبنان

سمر / اممممم تقدرين تتصلين عليها

ريتال / والله كيف ؟

سمر / اتصلي عليها من بيت عمي بو ايمن واكيد هي اللي بـ ترد دام مافي احد بالبيت

ريتال / ايوا فــكره حلـوه ..

اتصلت بيت عمها وبعد تردد كبـير من عذاري ردت / آآآ آلـ آلوو

ريتال بعدت عن سمر ومشت الحالها وقالت بشــوق / هــلا وغلا عذاري

عذاري بـ فرحه / ريـــتـــال ..؟

ريتال/ ايوا ريتال اللي تحبـك وتمووت فيك وعمرها مافكرت تزعل منك

عذاري واهي تصيح / ريتال انتو وين رحتو عني كلكم تخليتو عني وين الصداقه اللي بينا

ريتال / ياعمري و ربي توني أدري عنك

عذاري / حتى رنيم مافكرت تسـأل عني

ريتال / لا تلومينها عذاري تدرين كل وحده خايفه على نفسها

عذاري / ريتال انا وجود انفضحنا بس والله اول مره اتجرء كذا ليه ماحد يصدقني

ريتال / لا تبكين وربي مصدقه كـل شـيء عذاري انا مشتاقه لك كثـير وجبت لك كل اللي طلبتيهم

عذاري / فديتك ريتال طول عمــرك طيــبه وماتزعلين من احد حـ حتـ حتى فـي اليـ الياس مازعلتي مني

ريتال بـ ضيقه من طاري الياس / خلينا الحين منــه وقولي لي ابي اشوفك كيف ؟

عذاري / ياليت والله أقدر اشوفك بس ابوي قال لـ عمي بو أيمن مابي احد يشوفها حتى امها

ريتال / الله يعــين

.

.

الجهه الثانيه بالمزرعه

البنات كلهم جالسين مع بعـض مع انهم مو متقربين من بعـض كثـير ..

شادن تسـولف مع دانه ..

شادن / ههههههه انتي بتروحين الثانويه وانا بطلع

دانه / افاا لييه بتطلعين ؟

شادن / يــؤ وش بـلاك خلصت انا وبدخل الجامعه

دانه / والله ماشاء الله عليك صغيره حسبتك مع ريتال اختي

شادن / لا انا أكبـر من ريتال بس وين ريتال

دانه / مدري شفتها مع سمر يسالفون

شادن / أهـا

ابتهال / شادن اي جامعه راح تدخلين ؟

شادن ببتسامه / جامعة الملك فـيصل

ابتهال / اها وقبلوك

شادن / اكيد قبلــوني ولا ليه قلت كذا

ابتهال / مدري حسبت ماقبلوك ..

طبعاً ماعندهم سوالف وفتحو سـيرة المدرســه اللي بتفتح بعد شهـر..!

.

.

فـي مجلـس الرجــال ..

رواف / فرووس وين اخوك فارس ؟

فراس / والله مدري

ايمن / يعني مو جاي ..؟

فراس / مدري هو قال اذا خلصت شغلي بجي واذا ماخلصت مره ثانيه

ايمن / الدووب مشتاق له يعني مايقول ولد عمي جاي من كندا واسلم عليه

فراس / هههههه لا والله قال بس تـدري الشغل

رواف / وش يشتغل

فراس / مايشتغل يدرس هندسه بس اقصد انا الحين عنده شغل مع واحد من ربعه

خالد / مو كأن راكان ولد خالتك جاء من امريكا

فراس / إيــوا جاء بس لما الحين ماشفته ولا سلمت عليه تــوه هـو جاي

خالد / إيي اذا جـاء قوله خالد يسـلم عليك واذا قال منو خالد قـوله جـوليا وهو يعرف

فراس تـوهق هـو مايعرف راكان و لا عمره سـولف معااه فـي شـيء

بـو فارس حق العيال / ياعيال يلا قـومو تجهـزو حق الشـوي

رواف / واااااااو شــوي انا بـسويه

فراس بضحكه / ليه ريتال تحبـ .... ( قبـل لا يكمــل تذكر الحـادثه اللي صار بـ لبنان حق ريتال ( بعد عني انا ادري انك تكرهني وبتزوجني رواف ..

رواف / ههههه ايي ريتال اعرفها تموت ع المشـوي بشتغل فيه وانت قولها هذا رواف اللي مسويه

ابتسم فراس مجامله .. ..

.

.

رنيم / والله اني خايفه على بشار أخـوي

يحيى / ليه خايفه عليه هو صغير

رنيم / لا بشار كبير عمره 25 بس هو سافر واختفى علشان ابوي مد يده عليه كل مني

يحيى / طيب أهلـك ماسـألو سبب الهواش

رنيم / لا الحمد الله نســو كل شـيء

يحيى / وبترجعين على هذي العاده ؟

رنيم / أقــولك انا ماعندي نت بشار كســره والجوال شريت لي جديد وخلاص بـ تسم على الجوال

يحيى / في احد من الشباب يعرفون رقمك ؟

رنيم / إيوا كثــير اجل بس انت

عض على لسـانه بـ يأس ، على كل اللي صـار لها بغـت تمــُوت وفي النهايه تقول بـس جوال ...!

رنيم / الوو

يحيى / ايوا معك بس ممكن طلب رنيم

رنيم / شنو ..؟

يحيى / ابي اشوفك ؟

رنيم / هههههههه من جدك انت تبي اللي صار حق جود وعذاري يرجع لي

يحيى / اسمعي انتي انا جايب لك هديه حـلوه

رنيم / خلها لك مابيها

يحيى / لاحوول اسمعيني من الأخر

رنيم / طيب قـول ؟

يحيى / انا جايب لك هديه و مثـلا يوم قررتي تطلعين مع اهلك قولي لي المكان اللي انتي فيه وانا بجي لك واعطيك الهديه وأمشـي يعني مو شقق ولا شـيء

رنيم / بس انا ماطلع مع اهلي

يحيى / مالي شغــل انا هذي الهديــه لازم أعطــيك

رنيم / امممم طيب ليه وشــو هذي الهـديه

يحيى / لا عطيتك راح تعرفين

.

.

قدام الأستراحه ..


فـارس جـايب معاه شبـاب عددهم يقارب خمـس وطبعاً فارس ماحب يشــوه سمعة بنت خالته فـ قالهم إن هذي البنت متعرف عليها وحــاب يساعدها ..!

ساره / أدخـل ؟

فارس / إيــو ادخلي وحنا راح ندخل وراك ..

سمت بـسم الله واهي تدعي ربهـا إن يسـتر عليها و لا تــرجع بـ هذا الطريق ..

دخــلت بخــوف واهي تتلفت وراها

محمد / هلا وغلا سوير واخيرا’ نورتينا

فيصل / اوووه الحلوووه هنا

نـزلت راسها بدون ماتتكلم

محمد / ادخلي الغرفه وانا بدخل وراك

فيصل / لا انا جايبها وانا اللي راح ابتدي فيها ولا انا غلطان سـاره

سيف ( واحد من معارفهم ) / أجــل أنـا اخر واحد

فيصل / هههه اكييد اول انا بعدين محمد بعدين أنت

سيف / يـلا بس هاا مو سبعه ههههه

محمد / ههههههههه انا ابي ثــلاث

فيصل / انا ماني طماع بس الأولى والثانيه

سيف / يلا وانا لي السادسه والسـابعـ

ماكمل كــلامه الا دخل فــارس وخمسه من وراها مســكو فيصل ومحمد وسيف

محمد / بعدو عني يا أولاد الكـ***

قـرب فـارس من محمد و سكـر فـمه بـ شـيء اسـود ونفس الشيء فيصل و سيف

فارس / دخلـو هم السيـاره

وبعد الدف والطـق اللي حصلــوه الثــلاثه قدرو يدخلون سيف ومحمد وفيصل الشــاحنه ..

جلست ساره في الأرض وسدت وجهها واهي تصيح / مو مصدقه ان هذا فيـصل

فارس / علشان المره الثانيه ماتثقــين فـي اولاد الأنترنت

ساره / والله ماراح أنسى موقفك معاي أنت سويت لي شـيء كبـير مستحيل أحد يســويه

فارس / ساره انا ساعدتك مو علشان شــيء انا ساعدتك لانك تستاهلين المساعده وثنين إنك بنت خالتي

ساره / فارس وعـد ماتقول لـ احد على اللي صار

فارس / مو انا اللي افضح بنت خالتي

ساره ببتسامه / طيب والصـور وش راح تسوي

فارس / الجولات راح ناخذهم واهم لاب توبات

ساره / طيب واذا عندهم شـيء ثاني

فارس / لا تخافين كل شــيء باخذه منهم

ساره / طيب والحين وش بتســون فيهم

فارس / انتي مالك شغل الحين قومي ارجعك البـيت ولا تفكرين بـ شي ولا ترجعين لـ هذا الطريق لآن طريق الضيــاع ..

..

..

الســاعه 12 مســاءً .. بعد ماتعشت خذت القرأن وجلست تقـره لفت يمين بعد ماحست إن احد يحاول فتح البـاب

/ غريبه اهم مايفتحوون الباب الساعه عشـر ... حطت أذنها ع الباب واهي تسمع أولاد يتكلمــون بالهمس

رجعت على وراء بخــوف بعد مافتحو البــاب ..

شافت ثــلاث أولاد متلثمــين

**** / هذا انتي ياجود

جود بخوف / أنتــو منوو

***** / امسكوووها ولا تنسون تسكـرون فمها

قربــو منها الأثنين المتلثمين وخذوهــا معاهم ..., لفت يمين يسـار واهي تدور احد ينقذها منهم بــس للأسف في بيتهم السـاعه 12 الكــل يكــون نايم

.

.

فــي المزرعه ..


ساره / غــريبه أول مره نـطول هنا

شادن / إيي سمعت امي تقول يمكن نـ نام هنا

ساره / وشــو نـ نــام هناا ؟

دانه / وااااي وناسه

ابتهال بـ ستهزاء / حمد الله والشكر اول مره تنامين

دانه / لا مو أول مرره بس كيفي فرحــانه ليه حاسدتني

ابتهال / ووع شــوف بس منو احسده

سمر تغير السالفه لانها تعرف ابتهال ودانه من يجلســون جنب بعـض وابتدت المشــاجره / اقول ابتهال اخبار اختي عذاري

ابتهال / مــدري عنها دايم بالغرفه الحـالها ..

زهقت ريتال من بنــات عمها طــول عمرها ماتحب تجلــس معاهم غيــر عذاري وتتقبل شــادن علشانها اخت رواف وتحـاول تـ تقرب منها ..!

قـامت وراحت الغــرفه اللي مخصصه لها بالمزرعه .. المزرعه تكـــون كبـيره وحتـى تكــون من كبرهـا يكــون فيه دورين وكل وحده من البنات عندها غـرفه مخصصه ..

راحت غرفتها وشافت رواف بـ وجهها شهقت / رواف ..........!


أنتظرُونـــي


يـــوم الخمــيس .. لآني مسافره وبرجع بــسرعه وماراح يمديني إلا الخمــيس ..



البارت التاسع 

.

.

زهقت ريتال من بنــات عمها طــول عمرها ماتحب تجلــس معاهم غيــر عذاري وتتقبل شــادن علشانها اخت رواف وتحـاول تـ تقرب منها ..!

قـامت وراحت الغــرفه اللي مخصصه لها بالمزرعه .. المزرعه تكـــون كبـيره وحتـى تكــون من كبرهـا يكــون فيه دورين وكل وحده من البنات عندها غـرفه مخصصه ..

راحت غرفتها وشافت رواف بـ وجهها شهقت / رواف ..........!

رواف / بسم الله عليك وش فيك مخترعه كذا ..؟

ريتال / انت ليه جاي هنا ؟

رواف / ليه هو أول مره اجي ولا نسيتي اني يوم أحملك كان بـ هذا المكان .. وغمز *_^

ريتال مسكت بطنها بخوف / والحين ليه جاي ؟

رواف / اممم جاي ابوس ولدي حرام ..؟

ريتال / رواف عن هذي الحركات الماصخه واطلع براا بسرعه

رواف ماهتم لها وهو يقرب منها / ريتال افهمي اللي بـ بطنك لازم ينزل بسـرعه بطنك راح يبكر ونـ نفضح

بعدت عنه ولفت الجهه الثانيه ومسكت بطنها اكثـر / لا لا ماراح ينزل

رواف / طيب بتكلم معاك بـ هدوء ممكن ؟

ريتال / ممكن

رواف / تخيلي الحين اني بـ شهر السادس وبطنك كبر وش بتقولين حق اهلك

ريتال / لا انا اصلا بـ .....

رواف / بـ شنو كملي

ريتال / مالك شغل اطلع برررا

رواف / لا ماني طالع وبتقولين لي وش بتسوين ولي شغل مثل ماهو ولدك هذا ولدي

ريتال / لا انت ماتبيه

رواف / انا لو علي أبيه واربيه بس مجتمعنا مايسمح في هالشيء

ريتال / ......

رواف / وش قلتي ؟

ريتال / في شنو

رواف / بكره نروح وننزل الجنين

ريتال / لا لا مابي

رواف / ريتوو افهميني عاد ، اذا تزوجنا الله بعوضنـا بـ عشره غيره

ريتال / بس انا مابي الا هذا

رواف / يالله صــبرك انتي غبيه ماتفهمين

ريتال / اصلا انا مابي اتزوجك انا بتربى مع ولدي بدونك وبدون امي وابوي والعاالم كلها بنروح عالم ماحد يعلمه غير ربي

رواف / يعني وش بتسوين بتنحاشين

خافت انها تنفضح واهي فعـلا مقرره هذا الشـيء وقالت / لا ماراح انحاش بعدين تعرف وش بتسوي

رواف / وانا ابي اعرف الحين انا صراحه مو مستعد افضح نفسي وأشــوه سمعتي على ولد بالحرام

نزلت ريتال بالأرض وحطت إيدها على وجهها و تصيح بصوت عالي / اناني اناني طول عمرك ولدي مو بالحرام

رواف بـ قسوه ماحن عليها / لا وهذا تسمينه بالحلال ولا انتي متزوجه واحد ماندري عنه بالسر ترى عادي تسوينها

ريتال تصارخ بعصبيه / اطلع برااا ياحيواااااان

نزل لهاا ومسك بلوزتها من الطرف / لا تقولين حيوان واللي في بطنك راح ينزل غصـب عنك ماناقصني الا مجانين

طلع وتركها منهاره

رواف كان معصـب حــده ومتنرفــز منها صحيح قلــبه قاسي عليها وعمــره ماحن عليها بــس تـظل ريتال البنت اللي عشقها من سنــوات وأهــو بالموت خــله ريتال تـتقبــله ودامها متقبله رواف فـ اكيد بـ يجي اليوم اللي تحب فيه رواف ... هذا كان معتقدات رواف دامها تقبلتني فـ اكيد بـ يجي اليوم اللي تحبني

صادف في طريقه خالد أخـــوووه اللي عرف ان رواف معصب وهذا الـشيء مو جديد على خالد يعرف أخــوه على اقل شـيء تافه ولا مو تافه يعصب

خالد / روفي

رواف / وش تبي ؟

خالد / وش فيك ياخي معصب ترى الدنيا ماتسوى

رواف / خالد مو وقتك خلني ارووح

خالد / انا اخوك الكبير وافهمك واهي طايره علمني ريتال وش فيها ؟

رواف / مافيها شـيء

خالد / متأكد يعني مو قايل لي ؟

رواف / خالد قلت لك مافي شيء رووح بس عند زوجتك ابرك لك

خالد / أووووه نسيت جووجي يـلا باي

ضحك بخفه على أخــوه ومشى

.

.

**** / واخيرا’ ياجود طحتي بأدييني

جود / انت منووو وش تبي ؟

***** / افا ماعرفتيني

جود / لا ماعرفتك

**** / صوتي مو مألوف عليك ؟

جود بقلة صبر / قلت لك لا قوولي منو انت وليه جايبني هذا المكان

فتح اللثمـــه بـ بتسامه

جود فتحت عيونها ع الأخــر / أنـــــــــــــــت ....!!!!!!

.

.

فـــي يوم جديـــد ^_^

فــي الصبـــاح جــاء وقــت الفطــور ..

دخلت الخدامه على جــود علشان تعطيها الفطـور لفت يمين يســار مـاشافت جـــود

وبــاب الحمـام مفتـــوح وين اختفت ...!!

والغــرفه مافيها شبـاك علشان تنحــاس ..

ركضــت عند أم راشد تخبــرها إن بنتها مو موجوده ..


يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -