رواية بنات النت -14
فـــي يوم جديـــد ^_^
فــي الصبـــاح جــاء وقــت الفطــور ..
دخلت الخدامه على جــود علشان تعطيها الفطـور لفت يمين يســار مـاشافت جـــود
وبــاب الحمـام مفتـــوح وين اختفت ...!!
والغــرفه مافيها شبـاك علشان تنحــاس ..
ركضــت عند أم راشد تخبــرها إن بنتها مو موجوده ..
ماصدقت المسكينه وراحت الغرفه لها وقالت بـ غصه / جود جوود بنتي وينك ؟؟
وصــل الخبـر حق أبـوها واخــوها راشد بــأن جــود مو موجوده
بو راشد / بنت الكـ *** أكيد نحاااشت بس والله انا اعلمها
ام راشد واهي تصيح / لا تسوء الظن في بنتك يمكن مانحاشت يمكن صار لها شـيء
راشد بعصبيه / شلـــون بصير شـيء لها شـيء
ام راشد / شلـون راح تنحاش الغرفه مافيها شباك يعني وين بتروح ياحسره عليك ياجـــود
.
.
جود / بِــشـار أنت وش تبــي مني رجعني البيت والله أهلي بدورون علـي
( بشــار أخــو رنيم اللي شافها واهي عاريه اذا نسيتوه )
بشار / لا تلوميني جود انا احبك
جود واهي تصيح / اذا تحبني فكني ورجعنـي حق أهلي الله يخليك بشار انا بنت خالتك لا تسوي فيني كذا
بشار / يعني انتي مرتاحه في بيتكم غرفه وحـده ؟
جود / إيي مرتاحه وليه مارتاح هذا مهما يكـون بيتنـا احسن من اجلس معاك
بشار / جود انا انحشت من أهلي
جود / ليه ؟
بشار / علشاني شفت رنيم اختي في منظر غير لايق على مجتمعنا وانـا قتلتها
جود بشهقه / شنوو رنيم ماتت ؟
بشار / انا مدري عنها بس خفت وانحشت وجبتك انتي علشان تعيشين معاي لاني مابي أحد غيرك
جود برتياح / لا تطمن ماصار لها شيء ماسمعت
بشار ببتسامه / جود أنـا ادري إنك تكلمين شباب وطلعتي مع عذاري بنت خالتي بس على كل اللي اعرفه الا إني احبك
جود / وانا قلت لك اذا تحبني فكني وخطبني من أهلي
بشار / أبوي ماراح يوافق
جود / خـلاص أجل الله يوفقك مع غيري
بشار بحنان وهو يمسح على شعرها / خلينا نعيش بعيد عنهم ونتزوج
جود / كــيف نتزوج من غير ابوي وابوك مايدرون جنيت أنت ؟
بشار / جنيت بحـبك
جود بعصبيه / بشــار بلا هالحكي الفاضي ورجعني البيت بسـرعه
بشار / تدرين قبـل لا أخذك دخلت بيتكم وخذت الجواز حقك علشان بنسافر انا وانتي
جود / جوازي حلال عليك بس الله يخليك رجعني البيت كفاايه اللي سويته بأهلي لا تزودها علي
بشار / ماراح ارجعك بتتزوجيني وبنحطهم في الأمر الواقع
.
.
وصــل الخبـر للـ كل عن جـــود مفقـوده ..
فـي بـيت أم تـركي ..
ساره ومنار وريتال مســوين نياحه على صديقـة عمرهم ..{ جـود
تركي / لاحول ولا قوته الا بـالله بس خلاص مو زين اللي تسـونه في نفسكم إن شاء الله بترجع
/ الله يسـمع منك
طلع تركـي قطعو قلـبه بنات أختـه
فراس بخـوف على منار / تصيح كثـير
تركي / ايي والله ماشفتوهم
فارس / لاحول الله امس ريتـال طول الليل مانامت
اياد / يعني تتوقعون وين بتكون احد خاطفها ولا أهي نحاشت ؟
فارس / مو زين تتكلم عن بنت الناس كذا بس ادعي ان الله يرجعها بـ سلامه
اياد / وش قلت انا
تركي / المهم غيرو الســالفه راكان وينه
من قال تركي اسم راكان والكـل تأفف
وجـاء راكان لهم بـ بتسامه حلـوه / مرحبا
تركي / الطيب عند ذكره
فراس بصـوت صغير مايسمعه الا اياد / قصده لا طريت الحمار تلقاه وراك
اياد / ههههههه حلــوه فروس
التفتو على اياد بـ ؟
اياد يحك جبهته / لا تذكرت نكـته قالها فراس
رفع راكان حواجبه بـ ستحقار حق إيـاد بـ معنى وش هالسخافه ^_^
مالقاه ايـاد وجه وكمــل سوالف
.
.
مـر شهرين على أبطـالنا وبـالتأكيد أشيـاء كثـيره تغيرت عليهم وتغيرت عليكم
راح أكـتب لكـم اللي تغيرت حالتهم مثــل :.
ريتال : فـي مرور الشهرين كبـر بطنها واهي خايفه من الفضيحه وبنفس الوقـت فرحانه بعد خمس شهـور راح يطلع اللي تنتظره
جـــود : مـازالت تحت ســيطرة ولد خالها بشـار وبدت تتأقلم معـاه
عـذاري : غرقـــانه فـي حب ..{ أيمن}.. اللي مايدري عن هوه دارها
سـاره : واهي الثــانيه غرقـانه فـي حب ..{ فارس }.. اللي هم مايدري عن هوه دارهـا
منـار : زاادت تعلقها فـي منتديات المنار وماتدري إن فـراس عرفها *_^ ..{ راح اوضح لكم بوسط البارت كيف عرفها
رنـيم : الكــل تخلى عنها من اللي تكلمهم بالجوال وأنتو عارفين السبب لانها بطلت تفتح الكـام حـق أحد مـاعدا يحيى اللي حـلف مايعدلها غـيره وهو ينتظر لما الحين رنيم تجي تاخذ الهديـــه
فـي بيت جـود : تقريبـاً الكل حزنــان على جود اللي مايدرون وينها أمـا راشد وأبو راشد يبـون بس يعرفون وينها علشان يحطونها في (قبرها ) اللي تم حفره بـوسط الغرفه اللي كانت جالسه فـيه
.
.
جالسه بغرفتها وتفكر بـ حياتها ملــت كثـير كانت جود أهي اللي تملي عليها الجـو رغم إنها ماحترمت مشاعر جـود إلا ان جــود تموت فيها لــكــن وينها جـود الحيـن ..؟!! تذكرت أخوها بشـار لو الحين موجود تنـاجرت معاه بـس الحين وينه هـم أهو مايدرون عنـه بس اللي عرفووه عنه إن سـافر لانهم مالقو جوازهـ ، عـذاري لو الحين أهي موجوده يمكن قالت لها تجي لها البـيت وتسولف معاها لـكن وينها عذاري امها وابوها تبرو منها وقطوها بـيت عمها .. بكت بـ مراره على حالتها وحالة صديقاتها تـذكرت ريتال سـاره منار ..؟!! وينهم عنها من رجعو من لبنان ماشافتهم إلا مره كل مره تقولهم تعالو بيتنا بـس ريتال ماتوافق وساره تقول دام ريتال مو رايحه عندك انا بعد مو جايه ومنار تقـول دام ريتال وساره مو جايين ليه أنـا اجي ...! لـ هذي الدرجه تخلــو عني كلــهم حتى الأولاد اللي يملــون أميلي أكثـر من البنات ماشوفهم ...! وينهم وينهم أنــا كنت فــوق فــوق كنت غرقانه كنـت دايم مشغوله مع أحد والحين الكــل اختفى مابقى عندي غـير يحيى وبــس إيــوا يحيى وينه ليه اليوم ماتصل أحسن شـيء اني اتصل عليه
أخذت جوالها تتصل عليه لكـن رد عليها ..{ ان الهاتف المطلوب لا يمكن الأتصال بــه ..
تأففت من قلــب ورجعت تبـكي لمــا نامت ...!
.
.
دانه / رتــول يـلا بـسرعه قـومي اليوم زواج ابتهال بنت عمي بـو أيمن
ريتال في سابع نومه قالت كلام مافهمته دانه
دانه / وش تخربطين قوومي الحين العصر وانتي ماسويتي شـيء
قامت ريتال بشعرها المكــشوش رغـم نعـومته الزايد بـس مكشوش من كثر النـوم
دانه / يلا قومي غسلي وجههك ونزلي تغدي علشان بنروح المشغل
ريتال واهي تغطي نفسها مره ثانيه / ماااابي ارووح الزوااج
دانه واهي تجر الغطا منها / بتروحين غصـب عنك بنت عمك وبعدين انتي ماتبين تشوفين عذاري
من سمعت اسم عذاري على طول قـامت / جد عذاري بتروح زواج ابتهال ؟
دانه / إيي اكيد بترووح هي مو مثلك زواج بنت عمها وماتروح حمد الله والشكر
ريتال / بس انا مدري وش البس
دانه / ياااهوه غبيه وش فيك شرينا لك فستان
ريتال / إيـوا صح .... دخلت الحمام تتروش ونزلت تحت وتغدت وصعدت فـوق غرفتها وقفلت الباب علشان تلبـس الفستان ...
لبسته وراحت عند المرايـا وشهقت لآن الفستان كان مخصـر عليها وبطنها بـارز يعني أي احد يشوفها على طول راح يبصم بالميه إنها حامل ...!!
رجعت على لبسها القديم و راحت غرفة دانه / دآآآآآآآنـو
دانه / ها شرايك في الفستان
ريتال / ابي اروح السـوق
دانه / افا ماعجبك
ريتال / الا عجبني ومرره حلو بس يعني مايدخل علي
دانه / قصدك ضيق ؟
ريتال / إيوا
دانه / ايي انتي صرتي متينه ههههه
ريتال واهي تضربها على راسها / انتي المتينه
دانه / لا والله جد رتــول وين كنتي وش صرتي
ريتال / طيب خلاص واللي يعافيك بس احبـاط
دانه / ههههههههههه
ريتال / المهم تقومين معاي السـوق ولا
دانه / لا ســوري ماني قايمه بروح المشغل وأبد ماراح يمديني اروح معاك
ريتال / ياااربيه كييف كذا ابي اروح
دانه / من اشوي قلتي ماتبين تروحين ليه غيرتي رايك ؟
ريتال / ابي اشووف عذاري مشتاااقه لها موت
رن جــوالها وشافت المتصل وابتسمت / هلا والله
رنيم / هلا بك يالقاطعين
ريتال / هههههه عيوني وربي لك وحشه
رنيم / آآه يا ريتال زهقت وربي وين جــود
ريتال بـضيقه / ماوصل عنها أي خبر؟؟
رنيم / لا والله خالتي ام راشد صارت ماتطلع وأبـوها تقااعد يقول وين اودي وجههي
ريتال / إن الله الله يرجعها بـسلامه وتطلع مظلــومه لان الكل يقـول انها نحاشت
رنيم / الله يسمع منك ، المهم رتـول زهقانه بلييز تعالي عندي
ريتال / ودك ترقصين ؟
رنيم / ههههههههه شبعت ارقص
ريتال / تبين تشوفين عذاري
رنيم بفـرحه / ياااااااليت وينها ؟؟
ريتال / خلاص اليوم تعالي معاي زواج ابتهال بنت عمي بو ايمن
رنيم / بو ايمن كأن عذاري ساكنه عندهم ؟
ريتال / إيـوا بمـر عليك مع فراس اخــوي ونروح السـوق طيب ؟
رنيم / هههههه اروح السوق تبين ابوي يذبحني
ريتال / لاحوووول
رنيم / تدرين بنحــاش واللي فيها فيها
ريتال / وين تنحاشين ؟
رنيم / خخخ يعني انحاش واروح معاك وبقولهم اني في بيتكم خطه جميله مو ؟؟!
ريتال / ههههه مو
.
.
طلعت من غرفتها واهي تدري ان الكل مشغول بـ زواج ابتهال وراحت المطبخ تسوي لها شـيء
وشافت بـ طريقها ايمن شهقت لانها نست تاخذ شيله معاها
ايمن / هههههه بسم الله عليك وش فيك عادي
دخلت غرفتها ودخـل وراها / عذاري اعتبريني اخووك .... قرب منها وسحب الشيله / مابيك تتحجين مني
عذاري / لا مايصير
ايمن / لا مافي قلت لك انا اخوك وبعدين ليه مارحتي المشغل ولا مو رايحه زواج اختي ابتهال ؟
نزلت راسها بضيقه / لا مو رايحه
جلس بالسرير وهو يقول / افا ليه بنت عمك وش تبين الناس يقولون عنك
رفعت راسها له / ماعندي شـيء البسه وماحد قالي اني بروح
ايمن / مو لازم احد يقول انا قـلت بتروحين
عذاري بفرحه / جد اروح عادي .... ورجعت ماده بوزها / ماعندي شيء البسه
ايمن / قومي الحين اوديك السـوق بعد انا مارضاها على أختي ماتروح زواج اختها ..وغمز
تضايقت من كلمـــة ...{ أختــي }... هي تعتبره فـارس أحلامها حبيبها وهو بـكل برود أختي ...!
ايمن / يلا البسي وش تنظرين ؟
لبست العباااه والشيله وقامت معاه ... نزلت معاه وهو يفتح الباب رفعت راسها له وابتسمت بـ حب رد لها الأبتسامه مجامله .. كــان طـويل واهي توصل لـ صدره وكانت هذا اللي تتمناه واحــد طويل وجميل وجريئ وكل هذا فـي ايمن ..
.
.
في الزواج ..
اشترت لها ريتال فستان نــاعم و وسيع أشـوي بـ حيث مايبين إنها حامل ، جلست ع الطاوله وجبنها رنيم وسـاره ومنار ... كان الجــو رائع بالنسبه لها من زمــان ماتجمعوو ولا سالفو مع بعض واليــوم كلهم مع بعض بس ينتظرون عذاري تجي .. شافو عذاري تمشي بـ خجل وعلى طول ركضو لها وكـل وحده ضمت عذاري بـ شتياق ..
عـذاري بـ دموع الفرحه / وربي لكم وحشــه بس نـاقصنا جــود ياحياتي الله يرجعها بـ سلامه
رنيم بـ ضيقه / وربــي وحشتني الدوبــه
يوم حست ساره إن ابتدا الحـزن مره ثانيه على فراق جود غيرت السالفه / اقول وش رايكم نرقص
منار / إيــوا يلا قومو نرقـص
ريتال ودها ترقـص بس الحمل صعب عليها / خلاص انتو رقصـو وانا بصفق
ساره / لا والله ماافيه الحين يقولون ذولا يرقصون وبنت عمها جالسه ع الكرسي
ريتال / طيب يـلا بقــوم
عذاري / انا مـابي ارقص
رنيم / عذاري قومي نرقـص تكفين
عذاري / لا انا ماحب ابتهال علشان ارقص في زواجها
منار / يالهبله هذي مو فرحه حق ابتهال فرحــه لان أحنا شفناك واصلا احنا جايين علشانك لا تردينا
عذاري / طيب
رنيم بتشجيع / ومنها تقهرين زوجة عمك
عذاري / هههههههه خلاص قلت طيب بس ابي اغنية يـا أحلى اصدقائي
.
.
اياد / اقول وش رايكم نروح زواج بنت عم فارس
راكان / ليه نقط فيسنا مايقرب لنا الزواج انا خالد عزمني قالي زواج بنت عمي ومارحت وانت بتروح
اياد وهو مو متحمل راكان عض على لسانه وابتسم على طول مجامله / ماشاء الله
تركي / هههههههه راكان مايروح زواج الا اللي يقرب له
اياد / وانت يعني كذا ماخذها قاعده
راكان / لا مو كذا المهم غيرو السالفه
تركي / اذا تبي نغير السالفه تحمل الأسـأله اللي بتجيك
راكان / أي اسأله ؟
عدل اياد جلسته بحمـاس / يلا يلا اعترف كم بنت ... وغمز
رفع راكان عيــونه بـ فوق وقال بقرف بعد ماتذكر وسن / عليكم سوالف تجيب الأكتئاب عن اذنكم
قــام .. ولفو اياد وتركي على بعض مستغربين منه ..!
اياد / تلومنا اذا قلنا لك مغرور وشاايف نفسه على شنو
تركي / ههههههههه والله تراه حبوب صحيح مغرور بس حبوب
اياد / حبته القراده قول آمين قسم لو هنا فارس تشوفه يتبرى منه
تركي / هههههههه ياخي انت غلطان على منت عليه كم بنت خير
اياد / وش دراني تقول إن حبـوب قلنا بـ نشوف
تركي / بالله عليك حبوب تقول كم بنت اعترف ، سولفت له عن امريكا ودراسته
اياد / ياخي اكره ماعندي الدراسه
تركي / هههههههه انت خلك ع النت بس والبنات
اياد / والله إني مو مال بنااات
تركي / اييه صدقت
اياد / اقول عاد صدقت ولا بـ كيفك قـول فارس مال بنات بس انا البنات بكوم وانا بكـوم
تركي / المهم ماعلينا افتح النت واخترق منتدى فراس
اياد / اوه اووه وصرنا نعرف معنى الأختراق هههه
تركي / يابن الذين آمنو وش شاايفني
اياد / هههههه لا والله مو قصدي بس ليه تبيني اخترق منتدى فراس
تركي / انا متحديه
اياد / انت وهو متحدين وأنـا شكو ..؟
تركي / يلا عااد أيــود اخترقه وانت ساكت
اياد / هههههه طيب طيب
.
.
الفجـر الســاعه 3 ونــص الكــل رجـع من الزوا’ج بتعب
فـي بيت بـو ايمن عـذاري اليــوم أحلى يــوم عندها أول شـيء راحت السوق مع ايمن واشترت فستان من ذوقه وثاني شـيء شافت صديقاتها اللي من شهرين ماشفتهم وتتمنى يكمــل الفرحــه بـ جود ...
صارت الساعه خمــس صبـاح صلت الفجر وحــاولت تنام وماقدرت قـررت تــنزل تحــت وبـ صدفه شافت اسيل
اسيل / وش عندك نازله هالحزه
عذاري برتباك / كـ كنت أبي اروح المطبخ
اسيل مالها خلق تتناجر معاها مع إن عارفه ان عذاري تكذب لان المطبخ في اليمين وعذاري راحا يسـار ^_^
صعدت اسيل فــوق وكملت عذاري مشيها متجهه حـق المجلــس تشـوف التلفزيــون
.
.
بشـار / جــودي
جود / هلا بشـار ..؟
بشار / وش فيك حياتي شكلك متضايقه
جود / مشتاقه لهم
حط إيـده على شعرهـا / حبيبتي كـم مره قلت لك اذا وصلتي سن الرشد وتزوجنا بتشوفينهمم
جود ببتسامه / طيب ماتبي فطـور ؟
بشـار / فطوري أنتي
جود / يلا عاد بشوور
بشـار / ههههه إلا ابي فطور من ايدنك العســل
قـامت تســوي له فطـور ورجعت .../ تفضل
بشار / فديتك
نزلت راسها بـ حيا وقامت غرفتها المخصصه ..
.
.
يـــوم الخمـيس فـي بيت أم تـركي ..
في المجلـس الخارجي ...’
فـراس / كـل تبن ومثل ماخترقت المنتدى ترجعه أنت ماتدري أنـا بذه المنتدى أوصــل لهـا
تلعثلم أيـاد لانه راكان موجود وفـراس نسى نفسـه
فراس / لا تستهبل علـي ورجع المنتدى واصلا انت ليه تخترقه ...؟
تركي / علشان المره الثانيه ماتتحدى معاي
فراس / يعني الســالفه فيها أنت
تركي / هههههاي إيي انا قـايل لك لا تتحدى معاي والمنتدى أحلم برجوعه
أنقهـر فراس منهم وطلــع معصـــب
راكان / شسالفه ...؟
تركي / مافي شـيء اهو عنده منتدى وانا تحديت معاه وقلت لـ اياد يخترقه
فارس / اياد رجع المنتدى له
اياد / طيب بـرجعه بس أخـوك الله يهداه على طول طلع واحنـا نمزح معه
فــي حديقة بيت أم تركي ..
جـالس فراس ع الكرســي وماسك راسه بأيده ومنزل راسه ..{ يعني اللي يشــوفه يقول هموم الدنيا كلها فيه
لـف راسه على وراء بعد ماحس ان احد ماسك كتوفه التفت شـاف دانه أخته / هلا دآنــو
دانه واهي تجلـس جنبه / وش فيك ؟
فراس / مافيني شـيء اشوي متضايق
دانه / من شنو متضايق
فراس / .
دانه بضحك / ليكون علشان منتداك مخترقـينه انا بس اعرف منو اللي اخترقه لعنت ***
فراس / هههههه ياادوبه لا تلعنين هذا خالي تركي مع اياد
دانه / والله وليه اخترقــوه
فراس / علشان تروك الزفت متحديني
دانه / اها طيب وانت ليه متضايق
فراس / مشتاق حق منـار من يوم قلتي لي أن منار مشتركه بـ منتداي وأنـا حاس اني قريب منها والحين مافي منتدى
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك