رواية بنات النت -15

رواية بنات النت - غرام

رواية بنات النت -15

دانه بضحك / ليكون علشان منتداك مخترقـينه انا بس اعرف منو اللي اخترقه لعنت ***

فراس / هههههه ياادوبه لا تلعنين هذا خالي تركي مع اياد

دانه / والله وليه اخترقــوه

فراس / علشان تروك الزفت متحديني

دانه / اها طيب وانت ليه متضايق

فراس / مشتاق حق منـار من يوم قلتي لي أن منار مشتركه بـ منتداي وأنـا حاس اني قريب منها والحين مافي منتدى

دانه / يابعدي يـاخوي تبي اناديها

فراس / وين تنادينها

دانه واهي تغمز له / اقولها فراس يبيك

فراس / ان سويتها والله مايحصل لك خير

دانه / ول ول خلاص ماني قايله لها شـيء

فراس / دانه لا تتهورين وتقولين لها شـيء

دانه / لا ماني قايله لها شـيء الا لما تقولي بس أنت ماتخاف إن احد ياخذها غـيرك

فراس / لا إن شاء الله ماحد ياخذها ودام منار واخوها عايشين بيت جدتـي يعني اي احد يخطب منار تركي راح يقولي

دانه / اللي تشوفه يـلا انا بدخل تامر على شـيء

فراس / عدلي غطاك هناك اياد وراكان

دانه واهي تعدل غطاها / في أوامر ثانيه

تـوه بيتكلم فراس بس شاف تركي وفارس واياد وراكان طـالعين الحديقه

دانه / وااااااي فــله بروح انادي البنات يطلعون الحديقه

راحت على طــول تناديهم وطلعــو كلهم

تجمعـــو كلهم فـي الحديقه وبتدت السـوالف والضحك عن المدرســـه ...’

تركـي / تعجبيني سـوير هههههه

ساره / أفــا عليك أنـا في المدرسه أعجبك

اياد / تروك وجــع لو تشوش أختـي على المدرسه

ساره / هاهاها اصلا خلاص انا طلعت من المدرسه

رن جوال راكان والكل التفت عليه لانه صوت الجوال عــالي تـوتر وقام ورد ع الجوال

راكان بعصبيه / كم مره قلت لك لا تتصلين علي افهمي عااد

وسن بميـاعه / حبيبي اشتقت لك

راكان / اشتااق لك الموت قولي آمين انتي ماتفهمين خلاص قلت لك بتزوجك وش تبين اكثـر

وسن / طيب ماجيت وخطبتني

راكان بكذب / جدتي اختها توفت يعني ماقدرت اقولها

وسن / آمم طيب يلا باي

راكان / بايات ولا تتصلين

.

.

في اليــوم الثاني العصـر لبست ساره وتجهزت علشان بتروح بيت صاحبتها ..

ام اياد / اسمعي قبـل الساعه ثمان تتصلين فاهمه علشان اقول لـ اخوك يمر عليك

ساره / طـيب يلا مامي بــاي

طلعت وركبت مع أخــوها اياد و وصلها بيت صاحبتها ..

وسن / هلا وغلا ساره نورتينا

ساره / اهلين وسهلين

وسن / تفضلي ادخلي غرفتي علشان أخــوي موجود

ساره / طيب .... داخل الغرفه

ساره / متى رجعتي من امريكا ...؟

وسن / صار لي اكثر من شهرين

ساره / دوبه و لا تقول اسـأل عن ساره

وسن / ههههه والله زين اني لقيت رقمك ، وبعدين ليه ماجبتي البنات معاك

ساره / قلت لهم بس كلهم مشغولين

وسن / وربي مشتاقه لكم مـــوت

وبعد الســوالف والضحك راحت ســاره لـ بيتهم


أنتظرونـــي بكــره



البارت الـعـاشر ..


.

.

جود واهي تصحي بشار / بشار بشــار قووم

فتح عيــونه ببتسامه وأخيـرا حلمــه تحقق كان يتمنى هاليـوم من زمان يصحى من النـوم بتعب ويشـوف جود قباله

استحت ونزلت راسها واهي تقول / الفطور جاهز

بشار ببتسامه / الناس يقولون صباح الخير

جود / صباح النور

بشار / هههههه طيب حبيبتي سويتي اللي قلت لك عليه ؟

جود ماده بوزها / بصراحه لا

بشار وهو يروح لها / ليه ؟

جود / أخاف اطلع السوق الحالـي تخيل عاد احد شافني

بشار / ياحياتي من شنو تخافين صديقني ماحد راح يشوفك وبعدين انتي ماعندك ملابس الا بـس ثلاثه ابي ملابس حلوه .. قالها وهو يغمز

جود / بشـار كم مره قلت لك لا تقول هالكلام

بشار وهو يحط صبعه سبابه في فمه / ماعيدها

جود / وبعدين لما تزوجنا يصير خير

بشار / يوووه مدري متى نزوج كل ماقلت لك شيء قلتي لما نتزوج

جود / انت خذتني من أهلي وتحمل عاد لو خاطبني يمكن الحين متزوجين

بشار / هههههه ولله ماخذتك الا من حبي لك فديتك

.

.

فاتحه لاب توب بـ زهق ودها تكلم عبد المليك من زمان عنـــه بس للأسف حاذفها من زمان

سكرت لاب توب واهي تقول / يااربي زهق

رن جوالها والفتت عليه واخيرآ بسد زهـقي ، تأملت في الرقم ثواني وردت بهدوء / الو

/ هلا والله

ريتال / منو معاي ؟

/ ههههههه افا ماعرفتيني ؟

ريتال / لا ماعرفتك ؟

/ انا ايــاد

ريتال / ايوا هلا وغلا اياد

اياد / اهلين وغلاتين كيفك ؟

ريتال / ماشي الحال

اياد / واخبار الحمل معك ؟

ريتال ببتسامه / بخير

اياد / طيب انا ودي اكلمك بـ موضوع

ريتال / عن وشو ؟

اياد / آآ ماقدر اقولها لك بالجوال لو نطلع مو احسن ؟

شهقت ريتال من فكرته / لا لا سوري ابد ماقدر

اياد / أممم طيب اقولها لك كذا عادي ؟

ريتال / إيـوا عادي

اياد / طيب اسمعي يابنت الخـاله انا قررت اقول حق خالي تركي عنك

ريتال بشهقه اقوه من الثانيه / أنت جنيت ناوي تفضحني اياد انت وعدتني ماتقول لـ أحد عن حملي تكفى خليك على وعدك

اياد / اسمعيني وركزي معاي انا على وعدي ماراح افضحك ولا شيء

ريتال / .....

اياد / انا بقــوله علشان مصلحتك مايصير بطنك بـ يكبر وأهلك راح يعرفون عاد انتي شوفي وش راح يسـون فيك وانتي عارفه أبــوك وصدقيني لو اقول حق تركي وهو اللي راح يطلع لك حـل

ريتال / بـس شلـون راح يطلع لي حـل اكيد راح يقـ

اياد وهو يقاطعها / انا راح افهمه إنك تحتفظين فيه وبعدين انا عندي فكره يخليك تحتفضين فيه وانتي بعيده عن اهلك

ريتال بفرحه / والله جــد قووله

اياد / بس هذي الخطه ماراح يساعدنا فيها الا تركي

ريتال / وش هي ؟

اياد / ................... قالها

.

.

ساره / يوووه مابي مابي

ام اياد / بلا عناد واستحي على وجهك هذولا عمامك

ساره / يمه مالي خلق أروح الرياض وع اصلا من زينهم عمامي علشان اروح لهم

ام اياد / استحي على وجهك وان قلتي هالكلام قدام أبــوك ياويلك

ساره / اصلا ابوي مايقول شـيء بس انتي

ام اياد / خلاص انتهى المووضوع بتروحين الرياض معانا يعني بتروحين

تأففت ساره وراحت غرفتها .. ..

.

.

/ راكان تغريد مالها ذنب بالي صار

راكان / خلاص منار فكــي عني

منار / ركوون لا تسوي كذا

راكان / منار أفهمي اللي فيني مكفيني خلاص عااد

منار / وش فيك ؟

راكان / لاحوول

منار واهي ماده بوزها / ليه تكلمني كذا

راكان / لاني متضاايق وانتي تزيدين علي

منار واهي تطلع / طيب باي

تـوه بروح لها بـس رن جواله ..

/ هلا حبيبي

راكان وهو يغضط على نفسه يتحمل / اهلين

وسن / كيفك ؟

راكان / تمام

وسن / طولت كثير وماخطبتني

راكان / خلاص الحين بكلم جدتي

وسن بـ فرحه / جد راكان ؟

راكان / أيـوا

وسن / طيب حبيبي اتصل فيني ابي اعرف ردها

راكان / طيب

سكر منها بـ ضيقه وراح عند جدته ..

ام تركي بفرحه / الف الف مبروووك ياوليدي

راكان بـ بتسامه مجامله / ربي يبارك لك

ام تركي / عطني رقــم بيتهم وأنـا اتصل فيها واتفق معاها

قام راكان وباس راس جدته حسبت أمــه و مد لها الورقه اللي فيها رقم بـيت وسن

ام تركي / وش اسم البنت ..؟

راكان بضيقه / وسن

.

.

رنيم واهي تكلم يحيى بالجوال / يلا أنـا عند المكان **** انت وينك ..؟

يحيى / رفعي يدك علشان أشــوفك

رفعت يدها رنيم وشافها وسكـر منها ..

وهو يقرب منها / هلا وغلا

رنيم بخجل / اهلين وغلاتين

كان منزل راسه لها صغــيره وناااعمه تأسف عليها على اللي تسويه

يحيى وهو يمد لها كـيس / تفضلي

أخذت الكــيس و مشت على طـــول

.

.

عارفه ان البارت قصـير بس سـوري أنا مشغوله اشويات

وهذا اللي قدرت علـــيه والبارت اللي بعده أوعدكم بأطول منووو




البارت الحادي عشـر



.

.

في السياره في طريق الريــاض ( مثــل ماقلت من قبـل أبـو اياد أهله كلهم بالرياض بس اهو الموجود بالدمام

ساره / إيــادوو وجــع ماخذ المكان كله

لـف اياد الجهه الثـــانيه بدون مايرد عليهـا .. وهو يتــذكر شكــل تركي يوم عرف بـ حمل ريتال

تركي بعصبيه / أنــــت مجنـــون مســـوي فيها الطيب والحنوووون وبتستر عليها

اياد / ياخي وش فيك ليه العصبيه قلت لك البنت مغتصبها

تركي / ومنـــو هذا الحقــير وربي مــاخليه

اياد / شوووف اذا بتحلف إنك بتضربه ولا بتسوي له شـيء ماراح اقولك منوو

تركي بشـك واضح / بتستر على ريتـال نقول بنت خالتك بس هذا اللي مغتصبها تستر عليه ليش ولا خـايف على نفسسسك

اياد / تركــي احترم نفسك وعن الغلط مو انا اللي اغتصب بنت خالتي و وحده قريبه وانت عارفني زييين اني انا بجهه والبنات بجهه

تركي بنفاذ الصـبر / طـيب قــول منو هذاا وخلصنااا

اياد / اول شـيء أذكر الله ماراح اقدر اتفااهم معاك كذا

تركي وهو يجلس ع الكنب / لا إله الا الله يلا تكلم

جلس قريب منه وهو يقول بهدوء / خـالي انا ابيك تساعد ريتال الله يخليك

تركي / طيب قول اللي عندك

اياد / أنـا بطلب منك طلب أمـا قصة ريتال أهي تقولها لك بنفسها

تركي / مافهمت ؟

اياد / أبيك تسافر مع ريتال امريكا منها تكمل دراستها ومنها تولد هناك

تركي / نــعـــم ........!

.

.

فتحت الكـيس اللي جايب لها يحيى شافت كتـاب دينــي وأشرطه وشافت رقــم جديد ، ماهتمت بالكتاب ولا بالأشرطه أخذت الرقم وقالت / رقــم ليه ؟؟!

اتصلت عليه

يحيى / الكتاب ابيك تقرينه والشريط تسمعينه والرقــم انا غيرته لك علشان الأولاد اللي يتصلون عليك تتركينهم

رنيم واهي مو فاهمه شئ / طيب وليه ؟

يحيى / شنو وليه ؟

رنيم / يعني ليه كل هذا ؟! وليه تسوي كذا

يحيى / حبيت اساعدك

رنيم / بس انا مو في ورطه علشان تساعدني

يحيى / أنتي مو بس في ورطــه انتي في مصيبه بعد

رنيم / مصيــبه يحيى ترى أنـا ابدا مو فــاهمه شئ من اللي تقووله ؟!

يحيى / رنــوم انا بكون صريح معاك

رنيم / تفضل ؟

يحيى / وربي يارنيم اني ماكذب عليك وكل اللي اقوله أنــا صادق فيه

رنيم / طيب قــول

يحيى / رنيم أنـا جبت هذولا علشان تمشين في طريـق الصح و تتركين حركات المراهقه وتتوجهين عند ربك

واهي متوتره / طيب انا ماطلبت هالشئ منك

يحيى / انتي ماطلبتيه بس أنـا بســويه

رنيم / طيب ليييه ؟

يحيى / علشاني احبك

ضحكت بستهزاء بصــوت كبير / هههههههههههه

يحيى / ليش الضحك ؟

رنيم / هههههههه ضحكتني والله منجد مستحيل مستحيل انسان يعرف اني كل شئ ويحبني والله مستحيل

يحيى / لا مو مستحيل أنـا في البدايه قلت بغيـرك بس قلــبي أنقلب وحــبك لا تستهزئين فيه وسوي اللي قلت لك عليه

.

.

جالسه منار ع النت واهي تتحلطم

تركي / هيي بس رااسي يعورني وش فيك تتحلطمين

منار واهي أشـوي وتصيح / تخيل الحيوان اللي مايخاااف ربـــه الحقــير النـذل جعل شلل فـي ايدنه وكسـر و .. الخ

تركي / بس بس بس اتوقع الولد مااات من دعاويك

منار بخوف / يمه تتوقع صج مات ؟؟!!

تركي / هههههههه تدعين عليه وتخافين المهم ماعلينا وش مسوي هالولد

منار رجع القهر لها / الكلـب منتدى انا احبه ومشتركه فيه اسمه منتديات المنار فرحانه على اسمي ومشتركه فيه وكاتبه اللي بـ قلبي يروح واحد نذل جعل إيدنه الكسسـر قول آمين يخترق

تـركي فتح عيــونه بـ صدمه يعني طول الوقت منار تدعي على اياد قال بخوف / الحين انتي دعيتي على اللي اخترق المنتدى ولا دعيتي على اللي معاه

منار / وجعل اللي معـاه كـ

قاطعها وهو يقول / لااااااا لااا بس لا تدعييييييين

منار ببرائه / وش فيك ؟

تركي / يعني عليك لسان الصراحه ينقط عسـل كل هذا دعاوي ع الولد الله يستر عسى ماصار فيه شئ

منار / منوو انا مادعيت على أحد دعيت على اللي اخترق المنتدى

مالقاها وجه واتصل على اياد ..

اياد / هلا هلا بالخال

تركي / اياد انت بخير ؟

اياد / ايوا بخير تونا واصلين الحين

تنهد برتياح وقال / الحمد الله ع السـلامه

اياد / الله يسلمك ماخبري انك تخاف علي كذا

تركي / هههههه بعدين بقولك ليش خفت الحين جنبي منار

اياد / اها السالفه فيها منار ..؟!

تركي / ايي

اياد / ههههه اوكـي سلم عليها يلا بايو

تركي / باي

منار / يعني قلة أدب متصل عليه علشان تقووووله انا جنبك وانك ماتبي تقوووله راح غرفتك وكملته

تركي ببرود / ههههههههه

منار / وجع ليه تضحك

تركي / كيفي وبعدين المره الثانيه لا تدعين كذا لو صار حق الرجال شئ ؟

منار واهي بدت تفهم / لحظه لحظه انت وش سالفتك خايف كذا من الدعاوي وش دخل أياد تتصل عليه ترى بديت اشك

تركي كالعاده زلت لسانه / ههاي لاني انا قلت له اخترق المنتدى

شهقت منار بصدمه / لـــــيش ؟

تركي / علشان اني تحديت مع فراس اخترقه

منار واهي مو فاهمه شئ / فراس ... وكملت بصوت عالي ../ هيييي انت لحظه لحظه خلني استوعب اياد اخترقه وانت تحديت مع فراس شالسالفه

تركي عقد حواجبه / انتي ماتدرين أن هذا منتدى فراس

منار شهقت أكثـر / منتدى فــــــــــراس ..؟!

حط إيده على فمه بسرعه يوم عرف ان فضح فراس ولد أختــه

.

.

بــعــد يــومــيـن ..

تــمــت خطبة وســن لـ راكان ومنااار كانت فرحـــانه إن خطــب وسن صاحبتها ، وأهي طبعاً ماتدري إن وسن سوت كل هذا علشان تقهر منــار ..

فـي الرياض ..

نواف/ خــالد قلت لك أطلع قبل لا أبـوي يشوفك الحين

خالد وهو سكران حده / خـله يشوفني يعني وش راح يسوي

نواف / ان الله وان اليه راجعـون تكفى خالد أبـوي مريـض بالقلب لو يشوفك الحين بـ يوقف قلبه

خالد وهو يشيل يد اخـوه عنه / وخـر بس وخر هههه شقال يوقف قلبه خل قلبه يوقف ومعدته بعد


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -