رواية تعال جنبي وابتسم لي واسامح -15
وليد : السلام عليكم
ثامر: هلا هلا وغلا باللي مدييت ههههههه
وليد:ههههه هلا بك
مهند: ها قلنا شلون الموووزة حلوة ولا طلعت فاشوش
وليد: وش هالالفاظ رقي لسانك هذول ورود هذول حديقه من الورود كل وحده لها لون وريحه مختلفه لما تشم هذي تروح وتحول على الثانيه تشمها
ثامر: وش هالوصف صدق انك ماتفهم
مهند: الله اكبر ..يلا اوصف لنا طيب يالرومنسي
ثامر: انا في بستاني مافي الا ورده وحده بالنسبه لي هالوردة لونها هي اللي عيوني انجذبت لها وريحتها من كثر ماهي فواحه ورائعه هي اللي خلت خشمي ما يشم غيرها
وليد: خشمي ههههههه هذي رومنسيه طيير بس
الشباب :ههههه
ثامر : على الاقل احسن من اني ادور على كل الحديقه ماقدر اختار لي ورده وحده وكل مامشي ادعس عليهم واكسرهم وحده ورى الثانيه
وليد: اوووووووف جاي هنا تعكننون علي خلاص غيروا هالسالفه
عبير: يلا يالغلا انا بروح لبيتنا
ريم: تو الناس
عبير: وش توا الناس الله يهديك الناس كلهم راحوا والان الساعه 3 الفجر تأخرت مرة على اهلي يلا اعذريني بس لازم اروح
ريم: طيب حبيبتي بحفظ الرحمن بس مو تنسين موعدنا بكرة
عبير:لا ان شاء الله ماراح انساه يلا مع السلامه
ريم: مع السلامه
وليد: يلا ياجماعه بروح للبيت يلا ثامر
ثامر: طيب يلا مع السلامه شباب
وصلوا للبيت
وليد: انا تعبان مرة بروح انام
ثامر: انا بجلس بالحديقه شوي
وليد: طيب تصبح على خيير
ثامر: وانت من اهله
جلس ثامر بالحديقه شوي يفكر باهله
نورة: يلا ريومه انا بروح لبيتنا
ريم: طيب حبيبتي تصبحي على خيير
نورة: يلا باي
طلعت نورة وهي تمشي بالحديقه من كثر ماهو الكعب طويل تعركفت وطاحت
نورة: اااااااااه رجلي اوووووووووف توسخ فستاني
سمع ثامر صوت احد يصارخ راح لمكان الصوت شاف هذيك البنت الخبله الطفله الصغيرة وهي تهاوش نفسها ضحك ضحكه خفيفه على هبالتها
نورة: اوووف كله بسبب ماما البسي كعب عالي لازم تصيري حرمه وش فيه يعني الزحاف ها وش في
ثامر: ابد مافيه شئ
انفزعت نورة وبدت تتلفت تشوف من وين جاي الصوت قامت من الارض تنفظ فستانها
تحسب نفسها انها تتوهم
نورة: افصخ الكعب احسن ماسفط على وجهي المرة الجايه
ثامر : بس حتتوصخ رجلك
نورة: لاااااااااا انا مو مجنونه .. مين هنا ؟؟
وبدأت تتلفت بكل مكان : وينك اطلع
ويطلع لها ثامر: اليوم طالعه قمر ربي يحفظك
نورة وهي ماسكه جزمتها بيدها رفعتها بوجهه وقالت: وانت وبعدين معاك تلاحقني بكل مكان ماتتوب ترى والله بهالكعب مانسيت سالفتك هذيك
وبعدين راحت تركض تبي تبعد عن نظراته اللي شوي وياكلها بعيونه
راح لها ثامر يركض ومسكها من خصرها: استني
نورة: وخر عني انت ما تستحي على وجهك شلون تتجرأ وتمسكني اتركني
ثامر وخر يدينه: لحظه اصبري انا اسف بس انتي عصبيه بزياده اصبري خل نتفاهم
نورة: أي تفاهم وخر بروح بيتنا
ثامر: بس كافي صراخ ترى والله لاضربك اللحين عطيتك وجه بزياده
نورة:لاوالله اقولك ابعد متخلف
ودزته ومشت
ثامر وهو يصارخ: طيب يانورة والله لا وريك
وضل يلاحقها بعيونه لين اختفت
ثامر: سحرتيني يابنت الناس .......
من بكرة قامت نورة وهي مرة مكسرة من الحفله امس شافت الساعه كم .. 6
نورة: يووه تاخرت بالنومه خل بقوم قبل ماتهاوشني هيفاء
راحت وتروشت وحطت كحل وبلاشر وقلوس
ولبست جينز وتي شيرت واخذت شنطتها ولبست عبايتها وعلى طول طلعت
دقت على هيفاء وهي بالسيارة : الو وينك
هيفاء: اهلين حبيبتي انتي اللي وينك انا بالسوق وينك انتي
نورة: هذاني بالطريق جايتك
قام وليد وهو مصدع من امس ماقدر ينام وهو بس يفكر باسيل
شاف ثامر قايم ولابس وقاضي
وليد وهو يحك عيونه: خير اشوفك لابس
ثامر: ايه ابي نطلع
وليد: على وين؟؟
ثامر: خل نروح السوق نشرب لنا كوفي وبشري لي كم تي شيرت ونروح للاستراحه
وليد: طيب ثواني اتروش والبس
ثامر: طيب احتريك تحت عند جدتي بنزل اتقهوى
نورة: الو انا بالسوق انتي وينك
هيفاء: تعالي لي عند جلسات ستار بكس
نورة: طيب
وراحت لهناك ولقت هيفاء جايتلها
هيفاء: هلا حبيبتي
نورة: هلا انتي شخبارك
هيفاء : الحمد لله يلا تعالي انا جالسه هناك في الجلسات اللي جوا
نورة :تيب
وراحوا لجلسات العوايل
وفتحت الستارة وشاف ولد جالس لفت على هيفاء
هيفاء: حياك نورة ادخلي
نورة: وش هذا هيفاء
هيفاء: هذا حموده حبيبي
نورة: تستهبلين .. انا رايحه للبيت باي
هيفاء لحقتها: الله يخليك نورة بلييز لو سمحتي اجلسي معانا الله يوفقك
نورة: هيفاء انتي عارفه اني ماحب هالسخافات
هيفاء:انا اسفه بس لو سمحتي مابغى اجلس لحالي معاه اخاف ابيك تجلسين معانا لو سمحتي طلبتك بلييز
نورة:طيب بجلس وامري لله بس ياويلك لو تعيديها مرة ثانيه
هيفاء: لا والله ماعيدها بس لو سمحتي اجلسي يلا
راحت نورة ودخلت وجلست
محمد: السلام عليكم
ماردت نورة سافهته
هيفاء انحرجت منها: وعليكم السلام معليش صديقتي مو متعوده
وجلسوا يسولفوا ويضحكوا ونورة مو طايقه الجلسه تقول متى يخلصوا على شان تروح لانها تلاحظه شلون يناظرها بنظرات مرة مقززة
وليد :يلا انزل هذانا وصلنا
ثامر:طيب
وليد:اصبر قبل مانروح فوق بروح اشري لي كافي يصحصح مخي لان من جد صاكني مو قادر افتح عيوني
ثامر:طيب امش ستار بكس
هيفاء: حبيبي ثواني بس بروح اجيب طلبنا واجي
انهبلت نورة وبدت تطالع بهيفاء نظرات تهديد
هيفاء: معليش نورة شوي بس الله يخليك شوفي هنا ثواني بس واجي انتي اجلسي وانبسطي وفكي هالثمه اكيد اختنقتي
نورة: لا أنا كذا مرتاحه
راحت هيفاء وخلتهم
وجلس يطالع فيها محمد نظرات حسست نورة ودها تمس الكاس وتصبخه بوجهه
راح محمد نزل يده من تحت الطاوله ومسك فخذ نورة
ونورة من الصدمه شرقت وبدت تكحكح
محمد فتح لها قارورة المويه وصب لها بالكاس
وليد: اوف شف هالزحمه هذي اقول خل ندخل قسم العوايل نطلب وهمن نطلع
ثامر:طيب يلا سرينا
دخلوا لقسم العوائل وراحوا يطلبون
نورة فكت اللثمه شربت مويه وقامت من مكانها وقالت: انت انسان وصخ تفوو
وفتحت الستارة وقام محمد مسك يدها
محمد:الله يخليك اجلسي والله انا اسف لو سمحتي لا تروحي ان رحتي بتروح هيفاء وانا شاريها ومابي اخسرها لو سمحتي
نورة:لو عرفت هيفاء وش سويت قبل شوي اكيد بترميك بالجزمه
محمد: والله اسف لو سمحتي اجلسي ولو تبين تروحين استني لاجت هيفاء واستأذني منها بأي حجه وروحي بس لو سمحتي لا تخربين علي وعليها
نورة: طيب .. نشوف وش اخرتها معاكم
اخذ وليد الطلبات
وليد: يلا امش
وهم طالعين وقف وليد
ثامر: وش فيك
وليد: لحظه بس بتأكد من شئ امسك الاغراض
كانت نورة حاطه يدها على الطاولة راح محمد وحط يده على يدها
بهاللحظه دخل وليد عندهم
ياترى وش بيسوي وليد لما يشوف نورة مع محمد ؟؟؟
وشلون بتصير نظرة ثامر لنورة ..؟
الجزء السادس
نورة فكت اللثمه شربت مويه وقامت من مكانها وقالت: انت انسان وصخ تفوو
وفتحت الستارة وقام محمد مسك يدها
محمد:الله يخليك اجلسي والله انا اسف لو سمحتي لا تروحي ان رحتي بتروح هيفاء وانا شاريها ومابي اخسرها لو سمحتي
نورة:لو عرفت هيفاء وش سويت قبل شوي اكيد بترميك بالجزمه
محمد: والله اسف لو سمحتي اجلسي ولو تبين تروحين استني لاجت هيفاء واستأذني منها بأي حجه وروحي بس لو سمحتي لا تخربين علي وعليها
نورة: طيب .. نشوف وش اخرتها معاكم
اخذ وليد الطلبات
وليد: يلا امش
وهم طالعين وقف وليد
ثامر: وش فيك
وليد: لحظه بس بتأكد من شئ امسك الاغراض
كانت نورة حاطه يدها على الطاولة راح محمد وحط يده على يدها
بهاللحظه دخل وليد عندهم
نورة تشوف خالها مو مصدقه وتشوف محمد اللي حاط يده على يدها شلون بتبرر لخالها وش بتقول له شلون تدافع عن نفسها وهي بهالموقف ولا جالسه لحالها مع ولد غريب
وليد مو مصدق اللي يشوفه: نورة
نورة اسحبت يدها من تحت يد محمد ووقفت تبي تشرح له وش السالفه : خالـ ...
وليد: اووووووش ولا كلمه قدامي يالحيوانه
محمد : هي انت مين؟؟ وشلون تدخل علينا كذا ؟؟
دخل عليهم ثامر يشوف وش فيه وليد وقف مصدوم قدام الموقف نورة وولد مع بعض
" نورة الطفله الصغيرة البريئه الخبله اللي تتكلم مع نفسها هذي هي هذي هي اللي سحرتني ببرائتها هذي هي اللي استولت على عقلي وتفكيري هذي هي بنت خالتي الجميله والباهرة والغدارة والخاينه لا لا هذي اكيد مو نورة انا اتوهم نورة اشرف واطهر من اني اشوفها بهالموقف"
نورة وهي تبكي: وليد اسمعني
وليد يشدها من يدها : امشي ياكلبه
نورة وهي ميته بكى : لحظه اسمع اسمع !!
وليد خاف يصير يظلمها: وشو ها اشرحيلي
نورة: والله مو انا اللي مواعدته هذي صاحبتي هيفاء والله مو انا صدقني والله مو انا
ودخلت عليهم هيفاء شايله بيدها القهوة
نورة: هيفا هيفاء الله يخليك قولي لهم قولي لهم ان محمد حبيبك انتي وانتي اللي جايه تشوفينه مو انا
هيفاء: يووه نورة حرام عليك تخربين سمعتي انتي اللي قلتي لي تعالي معي انا بقابل حبيبي ورحت اجيب لكم القهوة على شان تصيروا بلحالكم هذا جزاي بساعدك
اول ماسمع هالكلام وليد قال: ثامر خذ هالكلبه للبيت وانا بوريها شغلها بعدين خل بربي هالحيوان
هيفاء بعد ما رمت قنبلتها راحت تركض تبعد عنهم
نورة: والله مالي دخل حرام عليك يا هيفا حرام والله كذابه لا تصدقوها كذابه
ثامر وكأنه تحول لوحش مسكها من يدها باقوى ماعنده وجرها وراه: امشي ياكلبه امشي وطيتي راسنا
وودها للسيارة
وظل وليد ومحمد في الكافي
وليد هجم على محمد كأنه أسد يهجم على فريسته ومحمد يصارخ ويقول انا كنت جاي على شان اشوف هيفاء مو هي ووليد يضربه ويضربه كانه يقول بس اسكت كأنه يطلع فيه كل الظلم اللي شافه بحياته كأنه جالس يضرب نايف يوم شافه مع اسيل يبي يشل هالصورة من باله مو قادر جو السكيورتي بعدوهم عن بعض
نورة في السيارة تبكي من قلب تبكي وتقول بكل دمعه انا مضلومه صدقوني تبكي ولا هي عارفه شلون تثبت لهم براءتها شلون صايرة زي المظلوم اللي واقف مو قادر يسوي شئ على شان يدافع عن نفسه
نورة: انا مظلومه والله
ثامر: بس ولا كلمه بس بس بس
نورة: حرام عليكم حرام والله انتم ظالميني
ثامر: بس اسكتي مابي اسمع منك ولا كلمه قتلتي فيني احلى معاني الحب قتلتي فيني نورة الطفله البريئه قتلتي فيني الحب وهو توه بالمهد ليه خربتي عليك وعلي حياتنا ليه سويتي كذا ليه ليه ظلمتي اهلك بفعلتك هذي
نورة: بس بس حرام عليكم اسمعوني على الاقل
ثامر :سمعناك وماقلتي لنا الا الكذب ماعدنا نصدقك خلاص يا بنت خالتي انتي اللي الان تجنين ثمار افعالك انتي الان بقلبي بنت خالتي وبس وبس
نورة مابيدها الا البكي البكي البكي يمكن هو اللي بيخفف من شعور القسوة اللي حكموا عليها فيه
نواف: ريم يلا دقي على عبير
ريم: والله مدري وش بتسوي فيني لاعرفت انك انت اللي بتودينا
طلعت عبير وانصدمت وهي تشوف نواف بالسيارة سكتت وركبت وهي معصبه من ريم هذي ثاني مرة تسوي معاي كذا بس حسابك بعدين ياريم
نواف: داخله على يهود انتي سلمي
عبير بدون نفس: السلام
نواف: وعليكم السلام ورحمة الله وبركاته
ضحكت عبير بصوت واطي
نواف: ايوه ايوه هذا هو
عبير وريم منصدمات وش جاه هذا انهبل
ريم: وش فيك وشو ايه هذا هو
نواف طالع من المرايه :هذا اللي كنت منتضر اسمعه طول هالسنين احلى ضحكه قد سمعتها بحياتي
حرك نواف السيارة وحط أغنيه
ياربي وش هالجنون الي سكن دمي خلاص ماعاد في طاري غير طاريها غير طاريها
هالادميا اضيع ان شفتها يمي واتوه في كلمتي وافقد معانيها وافقد معانيها
هي خاربه خاربه خلينا نعميها
ساعات كني طفل اقول ياعمي وصفي النيه الي كنت ناويها الي كنت ناويها
وان شفتها اذكر الرحمن وسمي وصفي النيه الي كنت ناويها الي كنت ناويها
هي خاربه خاربه خلينا نعميها
هاتي همومك وحطيها على همي خي خاربه خاربه خلينا نعميها خلينا نعميها
وهي خاربه خاربه خلينا نعميها
وصل ثامر للبيت يلا انزلي
نورة وهي كلها دموع وحالتها حالة: ثامر ..!
ثامر: انزلي يلا مابي اسمع صوتك
نورة وهي تمسح دموعها فتحت الباب وقالت له :لاتظلم احد قبل لا تسمع منه
سكرت الباب
وهو راح لبيتهم دخل لغرفه وسكر عليه الباب وجلس يطالع حوله مو مصدق مو مصدق اللي صار
جلس لحاله بالزاويه يفكر باللي صار نزلت منه دمعه يتيمه وحيده تحكي كل شئ فيها تحكي شلون القلب انكسر وانحرم من اجمل شعور وهو الحب
خاب امله ضاعت افكاره اختفت من تفكيرة فكرة انه يبني معاها الاسرة اللي كان دوم يحلم فيها
راحت هالاحلام مع نورة اختفت خلاص من حياته صارت ماضي لا يمكن العودة له..!
نورة راحت لغرفتها وسكرت الباب عليها وهي تبكي وتبكي وتبكي
حرام يا خالي حرام يا ثامر تظنون فيني هالظن حسبي الله عليك يا هيفاء دمرتيني حسبي الله عليك
يتبع ,,,,
اللهم لك الحمد حتى ترضى وإذا رضيت وبعد الرضى ,,, اضف تعليقك