رواية تعال جنبي وابتسم لي واسامح -39
ريم دمعت عيونها وهي تسمع الكلمات
لما ريان شاف دمعت ريم على طول سكرها ..
ريان: انا اسف
ونزل راسه ولف يبي يطلع .. ولكن وقفه صوت ريم من خلفه
ريم: لحظه !!
التفت وطاحت عينها بعينه
ريم:أنا قررت ياريان ..
ريان: اتمنى تكوني فكرتي زين وما استعجلتي بقرارك؟؟
ريم: لا هالمرة انا متاكده اكثر من اي قرار اتخذته بحياتي .. وانا مستعده اتحمل العواقب منه .. ريان أنا ..........
ريان معلق نظراته على فمها .. مستني الحكم على حياته .. اما بالموت ببعدها .. او السعاده بقربها
ريم: أحبـــــــــك ... ومستحيل اعيش حياتي بدونك .. انت النور اللي يضوي علي ظلمتي .. انت الحنان اللي يكسي وحدتي ..
قلبــي يحــب يـا غـالي يشتـاق لـك كـل ليـله
فـراقك اثـر بحـالي يـاويـل قلبـي يـا ويـله
بعـدك سـهرت الليـالي وهمـوم قلبـي ثقيـله
مـاغيـرك اللـي طرالـي والـروح عنـدك دخيـله
ليتـك تشـوف شـجرالـي الحـال صـارت نحيلـه
دمعـي عـلى الخـد سـالي ومـالي على الصبـر حيـله
ان كـان قلبـك نـوالي فـرقا وغيبـه طـويله
انـــا دخـيـــلك يــا غـالي تـرى حياتي عليـله
ريان: يعني افهم انك موافقه علي
ريم وهي منزله راسها وتهز باي زيي الاطفال
استنت ريم ثواني وهي ماتحس بشئ رفعت راسها تشوف هو وينه
لقته فاتح فمه ويهز براسه زي المجانين
ريان: احلفي .. قولي والله .. لالالالالالا موو قادر اصدق
ويركض لها ويحملها ويدور فيها
ريم: يالمجنون نزلني لا يشوفنا احد
ريان: بكيفهم خليهم يشوفونا .. خلاص اساسا انتي ملكي .. وحدي وبس
ريم: ريان يالمجنون نزلني بتحوس شعري
ريان نزلها شوي شوي وباسها على راسها وبسرعه خطف منها بوسه من شفايفها
ريم منصدمه ومو مستوعبه اللي صار
وهو على طول انحاش وطلع
ماصحت ريم الا على صوت نوف تهزها من كتفها
نوف: هي انتي .. هذا اللي مرسلتك تجيبين هالاغراض والله لو مرسلتك للصين
ريم وهي منصدمه: نوف .. اخوك قليل ادب
نوف : هههههههههههههههههههه .. ليه وش سوى لك
ريم توها تستوعب : ها ... لالالا ولا شئ .. يلا خل نروح
حان الوقت .. وانطفت انوار القاعه .. والكل عيونه معلقه على البوابة .. سكون رهيب
وبدا صوت محمد عبده يتعالى ...
الف صلي وسلم عليك ياحبيب الله محمد
تعرفين الفرق وش هو بينك انتي والقمر
انكم رغم التشابه ميزك رب العباد
القمر يكمل جماله مرة وحده بالشهر
وانتي ياتهاني جمالك كل يوم بزيادة
لا اله الا الله لا اله الا الله
لا اله الا الله لا اله الا الله
لا اله الا الله لا اله الا الله
لا اله الا الله
تعرفين الفرق وش هو بينك انتي والقمر
انكم رغم التشابه ميزك رب العباد
القمر يكمل جماله مرة وحده بالشهر
وانتي ياتهاني جمالك كل يوم بزيادة
لا اله الا الله لا اله الا الله
لا اله الا الله لا اله الا الله
لا اله الا الله لا اله الا الله
لا اله الا الله
وحدك اللي لا ابتسمتي تنتش الدنيا عطر
وان تكلمتي السوالف تلبس حروفن جداد
راقيه مثل السحابه ناعمه مثل الزهر
طيبه مثل الغدير العذب ليما يهبراا
تعرفين الفرق وش هو بينك انتي والقمر
انكم رغم التشابه ميزك رب العباد
القمر يكمل جماله مرة وحده بالشهر
وانتي ياتهاني جمالك كل يوم بزيادة
لا اله الا الله لا اله الا الله
لا اله الا الله لا اله الا الله
لا اله الا الله لا اله الا الله
لا اله الا الله
وانزفت عليها لحد ماوصلت للكوشه .. والكل يسمي عليها ويذكر الله ..
بعد السلام والتباريك .. دخل منصور هو وابوه وابوها واخوانها
باركوا لها ورقصوا شوى .. وبعدين قاموا على شان زفة نورة
طلعوا لبرا وطلعت امها معاهم .. سلمت عليها وودعتها بالدموع والدعوات
وركبوا السيارة .. وكان منصور هو اللي يسوق .. وراحوا للفندق
بعد اغنيه رقصوا عليها البنات .. انطفت الانوار للمرة الثانيه .. معلنه دخول نورة
على اغنيه راشد الماجد ...
الف صلي وسلم عليك ياحبيب الله محمد
لا اله الا الله
لا اله الا الله لا اله الا الله
لا اله الا الله لا اله الا الله
لا اله الا الله لا اله الا الله
لا اله الا الله
صلوا صلوا على النبي الف الصلاة والسلام .. سموا سموا يالحظور بسم اللي عينه ما تنام
صلوا صلوا على النبي الف الصلاة والسلام .. سموا سموا يالحظور بسم الله الفارد السلام
ياعيون سمي بالنظر وادعي الليله
لاجمل عروس بالوصايف نافله
هذي نورة بالطيب والاخلاق وحلى
سبحانه الكامل خلقها كامله
صلوا صلوا على النبي الف الصلاة والسلام .. سموا سموا يالحظور بسم اللي عينه ما تنام
صلوا صلوا على النبي الف الصلاة والسلام .. سموا سموا يالحظور بسم الله الفارد السلام
ياعيون سمي على نورن سبق شوفه ضياه ..
سمي على اللي بالحسن متكامله
طلت مكان البدر واحتلت مساه ..
والبدر مستغرب ولاهي سائله
صلوا صلوا على النبي الف الصلاة والسلام .. سموا سموا يالحظور بسم اللي عينه ما تنام
صلوا صلوا على النبي الف الصلاة والسلام .. سموا سموا يالحظور بسم الله الفارد السلام
وانزفت على الاغنيه اللين ما وصلت للكوشة وجلست جوا الحظور يباركون لها
كلها دقايق ودخل ثامر هو ابوه وابوها واخوانها للمرة الثانيه
وسلموا عليها ورقصوا عندها لين وقفوا ومسك يدها وطلعوا وهم عند الباب طلعت امها وراها وهي ميته بكي تودعها
صعب عليها بتفقد بنتين موب وحده .. خلاص البيت بيفضى عليها ..
ودعتهم بدموع ودعاوي عسى الله يحفظهم .. واخذها للسيارة ساعدها تركب ..ومشوا للفندق
........
اول مافتح لها الباب ..
منصور: برجلك اليمين ياعروس
تهاني خجلانه ............ دخلت باليمين
مشى معاها للغرفه ..
جلست على طرف السرير
ثم دخل هو وفرد السجاده وصلى له ركعتين
ثم جلس جنبها حط يده على جبينها وقال بصوت واطي
" اللهم إني أسألك خيرها وخير ما جبلت عليه، وأعوذ بك من شرها وشر ما جبلت عليه "
شال يده وطالع فيها : مبروك ..
تهاني ووجها احمر من الخجل: اللـ..ـه يـبارك فيـ..ك
منصور بضحكه : ليش الخجل ؟؟
تهاني ساكته " ياهو عليه سؤال مدري وش يبي "
منصور قام وفصخ بشته وحطه على التعليقه : انا بجلس بالصاله على بين ماتبدلين
وطلع وسكر الباب وراه
اول ماطلع تنفست بارتياح : اخيرا مابغى هههههههه
وقامت للحمام تفكك البنس وتخفف من مكياجها وتبدل فستان الزواج
........
وصلوا للفندق ودخلوا لجناحهم
مشى هو وياها ودخلوا الغرفه ..
هو على طول فصخ ثوبه وهي استحت وتطالع الارض ماتجرات ورفعت عينها
نورة" قليل ادب .. شلون يفصخ قدامي "
بدل ثامر ولبس له شورت وطلع للصالة
نورة مو مصدقه هاللي تشوفه .. معقول بيجلس بالشورت لا هذا جن
ركضت للباب وقفلته وبدلت ملابسها بسرعه
........
: ماما اللحين وش العمل ..
ام صالح: خلاص ياماما روحي انتي مع السواق على البيت .. انا بستنى عمتك .. وبروح معاها انام عندها اليوم على شان اساعدها بالضيوف اللي بينامون عندها
نوف: ماما يعني اروح لحالي ..
ام صالح وهي تعطيها ظهرها وتمشي: اي
راحت نوف واخذت عبايتها وطلعت شافت السيارة موقفه راحت لها وركبت ورى : يلا امش للبيت
السواق: وماما ؟؟
نوف: مالك دخل ... لا تكثر كلام وامش
وتو السيارة تتحرك تقفلت البيبان .. عاد نوف خوافه
نوف: هي انت ليه قفلت البيبان .. افتحها
السواق التفت عليها : لاني بخطفكي
نوف بصدمه مو قادرة تتكلم : بـ ..... در
بدر: ها وش رايك بالمفاجاه
نوف مسكت الباب تبي تفتحه .. ولكن مقفول
نوف بدموع: بدر الله يخليك فك الباب لا تتهور .. والله لو دروا اخواني يقطعوني قطع
بدر: لا ماراح افتح ..
ولف وحرك بالسيارة
ونوف تصارخ وتضربه من كتفه
نوف: بدر الله يخليك وقف .. بدر يالمجنون وش بتسوي
وهو ولا كان احد يكلمه
وظل يمشي اللين ما وقف قدام فندق ونزل من السيارة وراح لبابها وفتحه : تفضلي
نوف تهز براسها : لا
بدر بحده : نوف انزلي لا تعصبيني
نوف بترجي: استهد بالله يا بدر .. وتعوذ من ابليس ورجعني لاهلي
بدر: يووووووووه
ويمسكها من يدها ويطلعها من السيارة
نوف بدموع: اي اي اترك يدي يامجنون
كل اللي بالفندق يشتغلون عنده على شان كذا محد تحرك وسوا شئ
رمى المفاتيح على الرجال اللي واقف عند الباب
ومشى وهو يسحبها على جوا
راح للاستقبال واخذ مفتاح الغرفه وسحبها تحت تصارخها اللي ملى الفندق وركبها الاصنسير
وطلعوا للدور 12
ومشى حتى وصل للجناح حقه .. فتح الباب ودفها لجوا الجناح
طاحت نوف على الارض: بدر .. اهئ اهئ.. ليه تسوي كذا ..
بدر: وانا وش سويت يامجنونه .. لا تخافين ماراح اغتصبك ههههههه
نوف مسكت مخده كانت طايحه بالارض ورمتها عليه : لا تضحك انت وخشتك
بدر: ههههههههههههههههه .. قومي بس شوفي وش مسوي لك ..وغمز لها
قامت نوف على حيلها ولفت وشافت اللي ماكانت متوقعته .. الصالة كلها بلالين طايرة بالهوا
ولونها احمر ومكتوب عليها بالابيض I Love You ... وعلى الارض كله ورود منثرة احمر وعلى الطاولة كان في كيكه على شكل قلب ومكتوب بوسطه .. تتزوجيني ؟؟
التفت نوف على بدر ولقته يتقدم عندها ويجثي على ركبته زي الافلام الامريكيه وطلع من جيبه علبه وفتحها وكان بداخلها خاتم الماس ياخذ العقل
بدر بحب مسك يدها : انا طول عمري ماعرفت ايش معنى حب .. ولما حبيت ضيعت اللي حبيتها بيديني .. وكنت مستني اليوم اللي تجي لي وتقولي فيها سامحتك .. وزي مانت محتاج لي انا محتاجه لك اكثر وهذا حلمي تحقق .. ولقيتك بعد فراق .. ومستحيل ارتكب نفس الغلط واخليك تضيعي مني هالمرة لا يانوف ماراح اسمح لك .. تتزوجيني ؟؟ .. حتى لو قلتي لا مو بكيفك .. باخذك بالغصب .. ههههههههههه
نوف حاطه يدها على فمها كانها بفلم امريكي رومنسي : انا كنت اكرهك .. كنت ادعي عليك بالليل والنهار .. كنت انت سبب كوابيسي بالحياة .. ولكن ماتوقعت ان هالكرة بينقلب ضدي وبيتحول لحب .. انا احبك يابدر .. واكيد ايييييييييييييي
قام وحظنها : احبك احبك احبك
نوف وهي مستحيه : وانا اكثر بس ابعد هههههه
وخر عنها بدر : ترى جيت لك وتركت كل شغلي ورى ظهري كله لاجل عيونك .. وكان صراحه ودي اشوف كشختك
نوف طيرت عيونها: وشو
بدر: وريني لبسك
نوف خافت: لالا بدر الله يخليك اعقل .. وش تشوف اساسا انا تاخرت وبروح البيت لا يقلقون علي
بدر: مافي طلعه من هنا الا لما اشوف فستانك
نوف ركضت للباب وهو مسكها وشد العبايه وطلعت بيده ونوف خافت لما طاحت العبايه بيده وهي ظلت بس بطرحه على كتفها
بدر صفر : واااااو .. والله انك قمر
نوف: خلاص يلا شفت الفستان الله يخليك رجعني
بدر بحنان: لا تخافين انا اخاف عليك اكثر من نفسك
نوف اخذت عيابتها من يده ولبستها
طلعوا برا الفندق ..
وهم بالسيارة نوف فجاه تكلمت : بدر انت تتعاطى مخدرات
بدر من صدمت السؤال زلقت السيارة منه وبعدين وقف على جنب يهدي اعصابه لان بغى يسبب حادث كبير بس ربك ستر
بدر: وش هالسؤال ؟؟
نوف : امانه بدر لا تكذب علي خلك صريح معاي
بدر: فهميني وش اللي طرا على بالك هالسؤال
نوف وهي تبكي: انت مرة من المرات ارسلت لي علبه فيها حبوب مخدرات
بدر وكانه تذكر وجلس يضحك:هههههههههههههههههههههههههههههه .. اه يابطني .. بحياتي ما ضحكت مثل هالضحك
نوف وهي تبكي: بدر انا اتكلم جد مامزح
بدر: نوف انا اكتشفت انك غبيه .. يابنت والله لو انتي بس شامه هالحبوب عرفتي انها حبوب نعناع هههههههههههه
نوف فاتحه عيونها على الاخر: ايييييييييييييييييييييش
بدر مغشي عليه من الضحك : هههههههههههههههههههههههههههههههههه
نوف وهي تضربه بالشنطه: حرام عليك هاللي سويته فيني .. حرام والله حرام
بدر: احسن تستاهلين .. اجل انا بدر الرافع .. ترمين بوجهي الـ 500 ريال وكاني شحاذ
نوف: بعد انت استفزيتني وكنت وقح معاي ..
بدر عصب : انا وقح طييب انا اوريك ..
ومشى باسرع ماعنده ويمر بين السيارات بسرعه جنونيه
نوف: بدر الله يخليك شوي شوي ... يممممه انتبه .. بدر اسفه والله اسفه .. ياكلمة ارجعي مكانه .. خلاص بدر ابوس راسك
بدر عجبته الفكره : لا بوسي خدي
نوف : لا والله
بدر : خلاص اجل ... ويدعس بانزين اكثر
نوف بخوف: خلاص خلاص ..
وتقدمه شوي وباست خده بنعومه
بدر : آآآآآآآآآآآآآآآآآهـ بس متى نصير بغرفه وحده
حمر وخضر وازرق وجه نوف وبدا يعطي الوان من الخجل
شوي ووقف بدر قدام بيت نوف : يلا وصلنا
نوف: شكرا ..
بدر: عفوا
فتحت الباب ونزلت وهي داخله للبيت شافت اخوها طالع بس من دون ما يشوفها ...
طلع اخوها راكان للشارع وشاف سيارتهم واقفه قدام البيت وبوسطها واحد..
راكان بصوت عالي : لالالا ماصدق .. بدر الرافع عندنا .. وش اللي ذكرك فينا؟؟
بدر: افا والله .. صديقي واعز اصحابي وماذكره اجل اذكر من ؟؟
راكان : الا وش تسوي بسيارتنا ؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك