بداية

رواية دنيتي مني إكتفت -5

رواية دنيتي مني إكتفت - غرام

رواية دنيتي مني إكتفت -5

منار : اوكي يالله

وطلعنا وشفت علي واقف مع عمي فهد و مشعل وياسر

ولما شافني علي : اخيـــــــرا شرفتي

ابتسمت له : شسوي اول ما جهوت طلعت

فهد : جود يا بنتي تبين تعتمرين معي والا مع علي

جود : ما تفرق معي عمي كله وااااحد

علي : لا خلها تعتمر معي انا ومشعل وياسر

جود : خلاص اجل توكلنا على الله

ولما اعتمرنا وخلصنا كاااان الكل تعبااااان مرره بعد العمره والسفر فأول ما رجعنا للفندق على طوووول نمنا بدوون عشاء من التعب لأن الحرم كان مررره زحمه

ومن بكرا قمت من الازعااااج وحشرة البنااااات

هلا : جوووود يالله قومي ما صارت الساعه 1 ترى

وقمت وشافتني نوف : اخييير قمت بالعاده اول من يقوم انت بالمرزعه لا يكون عطيناك عين بس

جود : قبل كل هذا مسااااء الخير والله ما ادري وش فيني اليووم مررره احس جسمي متكسر ومو قادره اقوووم

هلا : يالله قومي نرووح عند الحريم تراهم يسئلوون عنا

جود : اوكي اسبقوني وانا باخذ لي شووور ع السريييع والحقكم

وقمت واخذت لي شور و لبست عبايتي ولما طلعت حصلت احمد توه طالع من الجناح حقهم كنت برجع بس هو انتبه لي

وكلمته : مساااء الخير احمد

احمد ..بخاطره مساء الحب يا احلا حب يا ليت اقدر اقولها وه بس : مسااء النور والسرور اخبارك بعد العمره

جود : الحمد لله صح تعبت شوي بس ارتحت اليوم وانت عسى ما تعبت

احمد : لا الحمد لله لياقتي ممتازه مو زيكم يا البنات

جود : اذكر بك على نفسك ترى ما يحسد المال الا اصحابه

احمد : ههههههه اووكي

جود : يالله استأذن برووح للحريم تامر بشي قبل ما اروح

احمد : لو ما عليك كلافه نادي طيف

جود : ابشر

"" احمد .. شكلي يوم لساني بيزل معها يا ربييي بصراحه من نرجع للعمره بكلم امي مليت وانا افكر فيها بس يا خوووفي انها ترفض وكل شي حوولي يقووول انها بترفض ورفعت راسي وشفت طيف قدامي

طيف : هلا احمد بغيت شي

احمد : ايه بغيت تقولين لامي تقول للحريم ان الرجال يقولون متى تبغون نروح لـ جده اليله والا بكرا

طيف : صادق يا احمد ما امدانا ولا نسمي الا وبنروح لجده من الحين اقولك بيرفضون حتى انا نمشي بكرا

احمد : عاد انت شوفي وعطيني خبر اوكي

طيف : ان شاء الله

ومر اليوم حلو وممتع للكل سواء الحريم والا الرجال ومن بكرا اتفقو الشباب ياخذون البنات للسوق

منار : لا لا لا ما راح ارووح لواييش لا تحاولون

جود : يا ساتر كل هذا عشان نواف موجود

نوف : ترى اخووي اليف وربي اليف

غلا : هههههههههههههههههه صار نواف اليف خخخخخخخخ

منار : يا ناس يا اوادم حسوو فيني استحي منه لو في ابوي والا أي واحد من عماني كان هانت بس فشييييييله

جود : طيب احد قال انه بيلزق فيك اللهم بيمشون معنا في السوق منوو لا تكبرين الموضوع

شوق : خليها هي الخسرانه والا في وحده يحصل لها انها تكون هي وخطيبها بطلعه وحده وترفض ما اقول الا مالت على تفكيرك يا ليييت يحصل لي انا وخطيبي بمكان واحد وه بس وه فديته والله

غلا : ههههههههههههههههههه شوفو الخبله تفدا رجلها وهو توه ما طلع بحياتها

شوق : هييي كله ولا زوج المستقبل احترميه

نوف : اعترفي على مين حاطه عينك

شوق : لا تخافين حبيبتي انا ما تزوج من العاااايله هذا الناااقص

جود : ليش شفيهم عيالنا كلهم ملح ويهبلوون

طيف : والله جود صادقه هو حاصلك واحد منهم وقلتي لا

شوق : لا تخافون ولا افكر اني اخذ منهم كوووولهم اخواني

جود: احسب بتقولين شي كان وريتك شغلك

شوق : هذا وعلي اخوك بالرضاعه كيف لو لزم

جود : هههههههههههه كان علوووم

وعند الرجال كان عاصم يكلم فهد

عاصم : والله يا ابو علي اني ودي اتزوج جود لواحد من عيالنا ما ودي تطلع برى العايله

فهد : انا معك بس شكلك نسيت ان ابوها للحين عايش وهو ولي امرها واخاف نقوله انا بنزوجها لواحد من عيالنا ويخاذها ويزوجها لاي واحد من الشياااب اللي يعرفهم تعرف اخوك مو غريب عليك فعايله

عاصم : بصراحه ابي ازوجها يا لـ زياد وال لـ احمد ولد الجوهره اهم ما عندي انها ما تقعد بدون زواج وحمد خله علي بنعطيه مهرها وبيرتاح

فهد : افاا يا ابو زياد تعطي ابوها مهرها والبنت لا

عاصم : لا يا اخووي اكيد بنعطيها بس بدون ما يعرف حمد انت ما تعرف حمد وش بيسوي لو عرف ان زوجناها بدون لا يعرف الله يهديه ما ادري متى بيرجع لنا و يترك عنه الافكار اللي حاشين راسه فيها ما اقول الا حسبي الله على من كان السبب وفرقنا عن بعض

فهد : وانت الصادق حسبي الله و لو بتتزوج بيكون وراها سند ادري انا حنا معها بس مو زي اذا كان زوجها معها ويسندها ولا احد يقدر ياخذها منه

عاصم : شوف اول بنشاور الجوهره اذا تبيها لاحمد بس طبعا بنقول لها تقوله انا مو احنا قلنا لها عشان البنت ما تحس انا مرخصينها وتفهمنا غلط لان زياد ما منه فايده ما ادري وش بينه وبين الزوااااج

فهد : خلاص كلم الجوهره وشف وش بيصير والله يسهل

مشعل راح للبنات : يا صبااااايا اذا بتروحون يالله استعجلوو والا ترى العيال بيغيرون رايهم

نوف : وهذووولا جاهزين عشان يغيرون رايهم بهالسرعه اللهم لا اعتراض

غلا : اصلا هم يبغوون الفكه منا بس وين بيروحون منا خخخخخخخخ

منار : احسن قولو لهم ما نبي نرووووح

جود : وانت تبينها من الله منووو اتركي عنك الحياا الزاايد ويالله خلونا نروح نغير جو

نوف : اخر مره نقولك اذا بترووحين يالله واذا لا انت الخسرانه

شوق : منووو اخلصي والله لو نقوولك تعالي حلي مشكلة الشرق الاوسط وانا ما ادري

هلا : هههههههههههههههه حلوووه منك اقووول انا عن نفسي بطلع اللي بيرووح يلحقني

نوف : يالله مشينا

وطلعو البنات وما بقى الا انا ومناااار وما ادري كيف اقنعها تجي

كلمتها : منووو بلا دلع بناااات امشي نرووح

منار : جووود وربي استحي انا بالياااااالله اقعد معه عند عماني وكيف لو ما في احد منهم

جود : يعني بياكلك هو شوووفي خلك لاصقه فيني ونحاول ما نكون قريبين منه اوااامر ثانيه

منا : اممممممممممم

جود : وربي اذا ما رحتي ما راح ارووح ..ويرن موبايلي .. شووفي علي يدق يالله بنروووح مو على كيفك

ورديت على علي : هلا ههههههههههههه

علي : الحين انت لازم زفه عشان تطلعيييين

جوود : هههههههههههه شسوي ببنت عمك مسويه تستحي

ومنار تناظرني وتتوعد

علي : ههههههههههههههههههههه يا حليلها افتحي السبيكر بكلمها

وفتحت السبيكر

علي : مناااروووه

ومنار تتوعد فيني وشكلها يضحك : هلااا علي بغيت شي

علي : ايه بغيت 5 دقاايق والقاكم برى انا انتظركم وبدووون نقااش يالله بسرررعه انتظركم انا

رديت عليه : خلاص يالله طالعين

وطلعت بعد تهزيييئه محترمه من منار ولما طلعنا كان الكل مجتمع تحت ينتظروننا

عاد اول ما شافنا نايف

نايف : شرفوو الكونتيسااات ما بغيييتو سنه عشااااان تنزلووون

عاد منااار اسئلي عنها ما تحصلينها الكل مستغرب انها هاجده مو منار اللي تسوووي رجه بالمكان اللي هي فيه عاد انا رديت عنها

: ابد بس كنت ادوور على اغرااااض وما حصلتها

نايف : ما تسوى كل هالوقت على اغراااض

هنا احمد تكلم : خلاص يالله نمشي واهم شي انهم نزلو

وطووول الطريق سوااالف وضحك وكل شوي مشغلين اغنيه ونايف و مشعل وياسر طول الخط وهم يرقصون واستانسنا عليهم غير نغزات نايف اللي على شووق بس الشي الوحيد اللي كنت اعيشه هو احساسي الغريب اللي من اسمع احمد يتكلم او يضحك شي يجذبني له انا نفسي مو عارفته يا ربي وش اللي تغير ما كنت كذا ومن يكلمني احس اني ارتبك بزياده وهذا الشي ما احسه لا مع نواف ولا الباقين ..

ولما وصلنا السوق طبعا ما خلينا محل ما درنا فيه والعيال كانو يوقفون جنب المحل اللي احنا فيه لييييين نخلص واخر شي دخلت انا والبنات محل وشوي التفت ما احصل ولا وحده منهم دورتهم بكل المحل ما حصلتهم طلعت جوالي واتصلت على منار ونوف وكوولهم ما ردو واتصلت على شوق وردت علي على طول

قلتها : ممكن اعرف وينكم فجأه التفت ما القاكم

شوق : يؤ يؤ شوي شوي علي شسوي خذووني معاهم لان شفناك منسجمه بزياده وانت تتفرجين

جود : طيب وينكم الحين

شوق : احمد ينتظرك عند باب المحل هو قال بنتظرها لين تخلص وبعدها بتجون للمكان اللي احنا فيه اووكي

من قالت شوق احمد وانا بعالم ثاني انا واحمد لا لا ما اقدر استحي منه يا ربي من جد احرااااج

شوق : جووووود

رديت عليها : هاااااا

شوق : شفيك

جود : لا بس كنت افكر خلاص الحين بطلع يالله فمان الله

شوق : بحفظ الله

ووقفت شوي لين حسيت نفسي اقدر اطلع بدون ما يحس اني منحرجه منه وحاسبت على الاشياء اللي شريتها ولما طلعت حصلته قاعد يفكر وباااااين علييييه انه متعمق بشكل فضييييييع ولما قربت منه رفع راسه لي وابتسم وابتسامته ذوبتني

احمد : ها عسى حصلتي اللي تبغينه

رديت عليه بصوت يااااالله ينسمع : أي الحمد لله سامحني احمد خليتك تقعد لحالك

احمد : افااااا عليك لو ما قعدت عشانك اقعد عشاااان مين يا..{كنت بقولها يا الغاليه زين اني مسكت نفسي }..بنت العم

ابتسمت له وانا منحرجه مننننه : مشكور ما تقصر ها نروح لهم الحين

""احمد بخاطره ..نروح لهم يا صعبها علي انا ما صدقت اني اكون قريب منك اااه يا احمد متى تقدر تتكلم ما في الا اني ادخلها أي محل بس ابغى ادوور معها شوي وقلت لها

: جود ابغى اشتري لي كم عطر شرايك اشتريهم قبل ما نروح

جود كنت اشوف بعيونه شي غير شي حلو : اللي يريحك

وطووول ما احنا نمشي كان احمد يتكلم معي يسولف معي حسيته يبغاااني اتكلم معاه بس انا منحرجه منه فكانت ردودي عليه شوي جامده ووصلنا المحل وقال لي

: جود يالله اختاري لي كم عطر على ذوقك هالمره ما راح اختار أي شي انت اختاري لي

جود : امممممم طيب انت وش نوع العطوور اللتي تعجبك

ابتسم لي وقال : قلت لك على ذووووقك يالله اختاري لي وانا بس علي اني احاسب

قعدت شوي اشووف العطورات وحسيت احمد يراقب كل شي اسويه واخر شي اخترت له عطر فهرنهايت من ماركة ديور و بيربري واخذناهم وقال لي

: وانت ما تبغين شي

رديت عليه : لا مشكوور

احمد : واذا قلت لك عشاني ترفضين

هنا انا دوروني ما تحصلووني من الاحرااااج اللي كنت اعييييشه لدرجه اني ما قدرت ارد عليه اخر شي قال لي

: انا بختار لك على ذوقي

انا ما رديت عليه لان لساني مو قادر ينطق بحرف من اسلوب احمد اللي يخليني اتعلق فيه زياده حسيته انسان حنون وطيب ويغطي هالاشياااء بمزحه وسوالفه اللي ما تنتهي وما حسيت الا لما كلمني حصلته اختار لي عطر انفي مي من ماركه قوتشي وخلص احمد محاسب وعطاني الكيس اللي فيه العطر وطلعنا وحسيت ان لازم اشكره

:احمد

احمد : امري يا بنت العم

جود: ما يامر عليك عدو بس بغيت اشكرك

احمد : العفو وهذا اقل شي اسويه لك ..وورجع لاسلوبه المرح .. والحين خليني ادق على علي لا يرتكب فيني جريمه

ما قدرت امسك نفسي فضحكت : هههههههههههههههه وانت الجرايم تشتغل عندك

احمد : ههههههههههه خريج سجون هههههههه

ما ادري كيف طلعت مني : لا ان شاء الله ربي يحفظك

هنا احمد التفت لي ومررررررره ضعت من الاحراج : وربي يحفظك ويخليك لنا يا رب

واتصل احمد على علي اللي حسييت انه استلم احمد تهزيء واحمد كان يضحك

: يا ولد الحلاااااال اختك سليييييييمه ومعاااافاة تراني ما اكل ههههههههههههه ...طيب طيب الحين بنجيكم بس انتم وين .. اهاا ايوووه عرفته خلاص دقااايق ونكون عندكم ... ههههههههههههههه خلاص قلت لك طيب ههههههههههههه اووكي ثواااني مو دقااايق واحنا عندكم ...يالله مع السلامه

والتفت لي احمد : يا اخوووك نشبه بشكل اقوله جاييين يقول وينكم

ناظرته : يعني ما تعرف علي هذا طبعه لازم يستهبل شووي

احمد : انا للحين مو مصدق انه طيبيب لا وجراح بعد

جود : لا صدق علي ماشاء الله عليه ذكي ورجال بس انت تعرف طبعه كيف

احمد : بهاذي صادقه .. شوفيهم

واول ما وصلنا عندهم جا علي مسوي فيها انه معصب : جودي عسى ما استهبل عليك ترى امحيه من وجه الارض

احمد : يا اخي شقالو لك اكبر مغازلجي بالسعوديه تراني بري

علي : على غيري هالكلام

نواف : اقول علي بدال كل ذا كان رحت بداله وفكيتنا

علي ويناظر احمد نظرات محد فهمها الا احمد : لا بس ما راح تكرر

احمد : اقوول علي كأنك ضابط على ما راح يتكرر

وكل هذا وانا والبنات قاعدين نطالعهم عاد هلا تكلم زياد : اقووول زياد بتطولون ترى جوعااااااااانين

غلا : يلووووموووني فييييك صدق انك توأمي تحس ما يدور في خوالج نفسي

زياد : ههههههههههه الله يرجكم طيب انتم كلكم خلصتوو من السوق مو اذا طلعنا تجي وحده تقول نسيت شي ما شريته ترى مااااافي رجعه

نواف : وهو صادق ترى ما نبي نروح مره ثانيه لأسواق اذا تبغون طلعنا نتمشى بس اسواق لا عورتنا روسنا من الدوران

علي : الحين زبدة الموضوع خلصتو

ردو البنات كوولهم : أي خلصنا

واحنا ماشين نبي نطلع تجي نوف تمسكني مع يدي : اقوووول ليش تأخرتو

رديت عليها : اسكتي بعدين بقولك وش صار والله خاطري اتكلم شوي عن اشياااء لك

نوف : يوووو عاد انا وش يصبرني لين نرجع للفندق

جود : تراني خلقه مرتبكه بعد تبيني اتكلم باللي صار بروح فيها

نوف : اوووكي اول ما نرجع كوووولي اذان صاغيه لك

وبعد ما رحنا المطعم وتعشينا وخلصنا طبعا العيال خذولهم طاوله واحنا اخذنا لنا طاوله

ورجعنا للفندق اول ما وصلنا مريت على عماني وسلمت عليهم وبعدها مريت على عماتي وحريم عماني وبعد حكينا لهم وش سوينا ووش شرينا جتني نوف تجرني مع يدي

: يالله تعالي نروح للجناح حقنا ابي اعرف وش صار

جود : طيب يالله

واول ما دخلنا الجناح فصخت عبايتي ورحت انا ونوف وقعدنا في الصاله وسكت انا ما ادري كيف اقولها باللي احس فيه

نوف : يعني بتظليييين ساكته

جود : ما ادري كيف اتكلم يا نوف اممممممممممم نوف انا احس بكل شي غير لما يكلمني احمد تجذبني سوالفه ابتسامته كل شي فيه يعجبني حتى انه اليوم لو تشوفين كيف كان يتعامل معااي لما كنت انا وياه بلحالنا وربي غير ......وخبرتها بكل شي صار من شفته لين وصلنا لهم

نوف : والله احمد حركااااااات ما اتوقعته ذوووق وانت يا الدوبا يبدو انك وقعت في غرامه

ما ادري يمكن ما اعجبتني فكرة اني احب فكشرت بوجههي ونوف طالعتني

: شفيه وجهك تغير

رديت عليها : انا احب ما تدخل براسي وانا ما ابغى اتعلق بأي شخص يا نوف ما ابي انصدم ما ابي اعيش لحظات انا مو قدها

نوف : ليش تقولين كذا شوفي احمد مو من النوع اللي يلعب بالمشاعر اسئليني عنه دايم طيف تكلمني عنه لا يغرك اسلوووبه ترى بداخله انسااان يحمل مشااعر كبييره للي يقدرها وشوفي انا اضمن لك انك ما راح تخلص عدتك الا وجايك يبغى يتزوجك ولا تقولين ما ابغى اتزوج ومن هالكلام لان اذا احمد تقدم لك ورفضتي انت اللي بتخسرين ولا تقيسين كل الرجال على خالد ظروف زواجك بخالد غيييير عن لو تقدم لك احمد واولا واخييرا احمد رجال والنعم فيه بصراحه ياما وقف مع نواف وعماني وقفة رجال يعتمد عليه يكفي ان شغل الشركه كله على راسه صح نواف معه بس احمد هو اللي محيط بكل امور الشركه وما يصير فيها شي الا وهو عارف فيه

وناظرتها وانا افكر بكلامها : اللي يسمعك يقول احمد تقدم لي وبغض النظر شكلك نسيتي شي ان انا مطلقه واحمد للحين ما اتزووج

نوف : طيب لا تنسين ان انت مو اول ولا اخر وحده تتطلق وانت ما اطلقت لعيب في شخصك وانت عارفه هالشي ومو لازم نعيد الموضوع وقولي ما قالت نوف ان احمد بيتقدم لك وبتشوووووفين

حاولت اوقف تفكير بهالموضوع : لا صار شي ذيييك الساعه بينا كلام ثااااااني

نوف : اشووووفك ما اعترضتي على سالفة الزواااااااج والا الحب وعماااااايله خخخخخخخخخخ

ما ادري ضحكني كلام نوف وكان وجههي محمر من فكرة اني اتزوج احمد : ههههههههههه شرايك تسكتين مو اصرف

وشوي الا وتدخل طيف

: شعند الحلوااااات قاعديييين بلحالهم

نوف : نتغلا عليكم بنشوووف اذا فقدتوونا والا لا ههههههههه

طيف : هههههههههههه ريحي نفسك ما فقدتك بس فقدت جووود اقوووول جود شسالفه الوجه رااااااايح فيها محمر مررررره

نوف هنا ضحكت : هههههههههههههههههههههههههههههه لا ابد سلامتك ما فيها شي

جود : قاالت لك نوف ما فيني شي الحين انت اللي ليش وجهك صاااير اصفر

طيف هنا ابتسمت ما ادري ليش حسيت انها حامل : طيوووف لا يكوون انت حامل

طيف ضحكت : هههههههه أي حامل بس لا احد يعرف توني ما قلت الا لـ محمد

عاد قمت وضميتها من الفررررحه ونوف الخبله قعدت تزغرت عاد طيف هنا ضحكت : هههههههههههههههههههه نوف اسكتي لا تفضحيننا ترانا مو في المزرعه

نوف : ههههههههه شسوي من الفرررحه اخيير بيكون بعايلتنا كائنات صغنوووووونه

جود : وش كائناته انت الثانيه يا قلبووو على البيبي اللي بيشرف من الحين طيف ترى بجهز معاااك اغراض النونو

طيف : ابشررري ريحتيني لقيت احد بيدور معي غير امي امي من ندور ملت وقالت خلينا نرجع البيت

نوف : يالله الله يتمم لك على خير وتقومين بالسلامه يا رب

طيف : اميــــن يارب

وسئلتها : متى ناويه تخبرينهم عن حملك

طيف : امممممممممم بكرا ان شاء الله وهم مجتمعين

ومن بكرا....

فهد ابو علي يكلم الجوهره : ها يا ام احمد وش قلتي

الجوهره وهي مبسوووطه من كلام ابو علي : والله انا من اول يوم شفتها وهي داخله بخاطري وحتي قلت لام علي بس هي قالت ان نفسيتها للحين مو مررره فقلت ااجل الموضوع لين بعد عدتها وعلى بال ما اشاور احمد

عادل : شوفي يا احمد اهم شي نبييييك ما تقولين لـ احمد ان حنا قلنا لك عشان البنت

الجوهره : ابشر يا خوووي واكيييد والله يتمم الموضوع على خير وانا الحين بروح اكلم احمد وبشوووف وبعطيكم خبر ان شاء الله

عاصم : خلاص شاوريه وعطينا خبر عشان نشوف كيف بنتصرف مع حمد الله يهديه

الجوهره قامت بتطلع : ان شاء الله يالله انا بروح تامروني بشي

فهد : أي قولي لهم ترى بكرا بنروح لجده عشان نقعد كم يوم ونرجع الرياااض ورانا شغل الدنيا

الجوهره : سم ان شاء الله بقولهم

وطلعت الجوهره وكلمت احمد وقالت له انها تبي تطلع معه وقال لها تنزل له تحت

وبالسياره

الجوهره : احمد متى ناوي تتزوج

احمد استغرب من امه شعدنها فاتحه الموضوع بالسفر وهو متفق معها انها ما تفاتحه لما هو يطلب وجا على باله جود واحتار يقول لامه والا يصبر : ليش محصله لي عرووس مثل العاده

الجوهره : أي يا ولدي بس هالمره عروووس مثل القمر واخلاقها حلوه وماشاء الله عليها الكل يتمناها ويكفي انها منا وفينا

احمد ..يا رب وش هالورطه لا يكوون ناويه تزوجني نوف والا هلاوالا غلا والا شوق كملت والله : أي ومن هي سعيدة الحظ اللي امي حاطه عينها عليها

الجوهره : وليش تقولها وانت خايف

احمد : خايف اخاف من ايييش يمه بس ما قلتي من هي

الجوهره : جود بنت خالك حمد ما شاء الله جمال والكل حاط عينه عليها بعد اجتماع العاااايله الكبير اللي كان قبل اسبوع قبل سفرتنا كل الحريم يلمحون لام علي انها بيتقدمون لها بعد عدتها ما تنتهي

احمد .. حس بفرحه ما توووووصف وبغييره بنفس الوقت ان جود تكون لغيره ..جود يا وييييل حالي بس معقوله جود ما غيرها معقوله يجيني الموضوع بالسهوله هااااذي : موافق يمه ويا ويل اللي بشوفه متقدم لها بعدي

الجوهره مستغربه من موافقة ولدها اللي بهالسرعه : غريبه وافقت على طووول يا احمد بصراحه انت فيك شي متغييير والحين تقووول لي شفيك

احمد : بصراحه يمه انا من اول ما شفت جود وهي في بالي

الجوهره : وين شفتها يا ولدي

احمد : شفتها بالغلط في المزرعه ....وقال لامه السالفه

الجوهره : يا حليلك يا ولدي وجاااااك يا مهنا ما تمنا يعني الحين انت موافق اكيييد ما ودك تستخير قبل

احمد : ايه موافق يا يمه وانا مستخير من شفتها وكل يوم بقولك بس اقول خلي عدتها تخلص

الجوهره وهي فرحااااانه حييل من ولدها : مبرووووووك يا ولدي والله يوفقكم

احمد وهو مستااااااااانس وبنفس الوقت خايف : الله يبارك بحياتك بس مو اول نشوف راي البنت

الجوهره : خل الموضوع هذا علي

احمد وقرب لامه وحب راسها : فديييييييييييتك يا احلا ام

الجوهره تبعد ولدها عنها لانه ترك الدركسون حق السيااااره : الله يصلحك يا احمد ناوي تموتنا انت

احمد : من الفرحه انا ما ادري وش بسوي اذا قلتو انها وافقت

الجوهره تضحك على ولدها : هههههههههههههههههه نشووف

ومر اليوووووم واحمد مبسوووط ومو شايلته الفرحه وقال لعلي اللي فرح له بس كان علي خايف ان جود ترفض وهذا كان الشي الوحيييد اللي مخوفه

ومرررررت الايااام ورجعو الرياااض بعد رحله كانت تحمل اشياااااااء كثيره تغيرت جود والمشاعر اللي تكبر بداخلها يوم بعد يوم

منار اللي تعلقت بنواااف لدرجه انها صار يوضح عليها هالشي

نوف اللي تغلبت على حب المراهقه اللي كانت تعيشه او بالاحرى اعجاب المراااهقه

يوم ملكة منار 


الكل كان مرتبش والبنات كانو بالمشغل تقريبا على بعد المغرب كان الكل جاهز

نوف كانت لابسه فستان احمر والمكياج حقها خليجي وصاااير شكلها جنااان لان بشرتها بيضاء ومع الاحمر طالعه جنان ..جود لابسه فستان كله رسم خيول وكان مكياجها لبناني وكان شكلها بصفه عامه ملفت يعني تخلي اللي ما يلتفت يلتفت يطالع جمالها والفستان اللي مبرز طولها ورشاقة جسمها .. طيف كانت لابسه فستان عسلي مرررره نعووم شكله ومكياجه خليجي .. شوق >>اخت العروس لابسه فستان تركواز بـ عسلي وكان مكياجها لبناني .. هلا وغلا لابسين زي بعض فستان فوشي بأورنح وكان شكلهم مررره روعه وكيووت بنفس الوقت .. طيف لابسه فستان اخضر ومكياجها خليجي .. ونجي لـ نجمة الحفل منار .. كان فستانها في قمة الفخامه كان لونه اوف وايت بـ ذهبي وكان في رسم للفراعنه وكان يمسك الحريراللي طايح حلقات ذهبيه صايره زي الاسوره على يدها وكانت رافعه شعرها ومنزله خصل منها كيرلي فكان شكلها في قمة الرووعه

وهذا شي مو غريب على بنات الـ...........

كانت الشبكه بإستراحه ابو نواف اللي يشوف التجهيزات والاستعادادت يقول هذا زواج مو ملكه وكانو كوولهم مجتمعين وعند الرجال

كان علي وسعود


سعود صاحب علي ... صديق الغربه رجع للسعوديه من شهر تقريبا و تعرف سعود على اهل علي واهل سعود اندمجو مع اهل علي وكان لسعود ..اخوانه اثنين واخت وحده فيصل وعمره 23 و ريما 20 و اسامه 18 وكان ابوه متوفي وعم سعود هو ماسك شركتهم لانه شريك ابو سعود


سعود : مبروووك يا عريس

نواف يناظره وهو مبتسم : عقبالك انت وعلي

علي : امين يا رب خلاص نبي نودع العزوبيه يا ناس

احمد : ههههههههه اللي يسمعه يقوول اهله رافضين انه يتزوج انت بس قل لخالتي ام علي وعلى طوووول بتحصل لك بس انت تحررك

نواف: شف من يتكلم اللي يسمعك يقول خاطب والا متزوج

ابتسم احمد : قريييب ان شاء الله

شوي الا وفيصل واسامه جاين باركو لنواف اللي كان مع الشباب

سعود : الحين حضرتكم ليش متأخرين

اسامه يستهبل : ممكن ما تسأل عن الموضوع لان نفسيتي تعبت ابنتحر انا خلاااص

سعود التفت على فيصل : هههههههه شبلاه اخوك عسى ما شر

فيصل : سلامت راسك ابد بس تو هو اختك المصونه حرب عشان ريما ما خلصت وهي اللي مأخرتنا

اسامه : يا اخي لا تذكرني لو انا داري كان جيت مع سعود اصررف انا ما ادري لو هي العروس وش كانت بتسوي اظن بتقعد اسبووع بالمشغل قبل الزواج

هنا الكل ضحك علي تعليق اسامه

سعود : هههههههههه اثقل واذا ما صبرت على اختك من تبيه يصبر عليها

اسامه : مووو شغلي اهم شي اخر مره انتظرها من الحين اقولكم

علي : هدي يا ولد الحلال ما صار الا خير وعاااادي عندنا وعندك خييير

عند الحريم كانت ام علي قاعده مع ام سعود وام زياد والعنود والجوهره بطاوله وكانت ريما معهم

العنود : ريما حبيبتي روحي للبنات تراهم مخترشيييين هناك عند منووو

ريما تبتسم : عادي يا ام مشعل ما تفرق

العنود : هاذي جود شرفت جت وجابها الله

جود.. اول ما شفت ريما فرحت لانها مررره حبوبه وطيبه بصراحه كل العايله طيبه اول ما قربت للطاوله

سلمت على ام سعود اللي كانت تطالعني بإعجاب واضح

ورحت لـ ريما وقلت لها : انت وش مقعدك هنا ما احد قالي انكم جيتو

العنود : قولي لها توني اقول لها روحي للبنات بس شكلها مستحيه

ريما : لا ما استحيت بس قلت انتظر شوي

جود : خلاص يالله قومي نرووح للبنات

ورحنا للبنات اللي كانو انواااع الهبال لان منار مررره كانت مرتبكه اللي يشوفها يقول اليوم زواجها مو شبكه وبعد ما سلمت ريما على الكل

شوق كانت طالعه واول ما رجعت كانت مكشره

نوف سألتها : شوااااق شفيك شكلك حاااايمه كبدك من قلللب

شوق : منوووو جت العله جت العله يالله الثباااات

منار : لا تقولين وئااام

شوق : وفي اعل منها بالوجود

منار : يالله ثبات العقل والدين



يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -