بداية

رواية لافارقك خلن توده وتغليه -10

رواية لافارقك خلن توده وتغليه -غرام

رواية لافارقك خلن توده وتغليه -10

العنود وهي ترد بانزعاج : الوووو
: السلام عليكم
العنود عدلت لهجتها : وعليكم السلام
: كيف الحال ؟ عساكم طيبين
العنود باقتضاب : الحمدلله .. مين بغيت
: اخبارك يالعنود ؟ معقولة ماعرفتيني
العنود : قلت الحمدلله ممكن تقولي مين انت
: امممممم انتي فكري توقعي
العنود : اذ ماقلت مين انت ؟؟ ... اسمحلي مين ماتكون بقفل السماعه بوجهك
: لا لا وعلى ايش انا ولد عمك فهاد
العنود بصدمة : فهاااااد ... متى رجعت ؟
فهاد : افااا متى رجعت طيب قولي الحمدلله ع السلامة
العنود بخجل : اسفه الحمدلله ع السلامة
فهاد : الله يسلمك يارب والله انا جيت قبل امس بالليل وكنت بجدة لاني جاي على مطار جدة وابد ريحت هناك وعقبها اخذت اقرب طيارة للرياض وو
العنود تقطع كلامة متعمدة لما حست انه بيطول السوالف معها : قرت عين اهلك بك بس لا بندر ولا ابوي ولا سعد حتى موجدين اتصل بهم على جوالتهم
فهاد بخيبة امل : بنبيك انشالله يالله مااطول عليك تامريني شي
العنود : سلامة راسك
فهاد : فمان الله
العنود : فمان الكريم
بالمزرعه 000
ام متعب : يالله يمة رشا روحي جهزي الفطور مع بنات عمك
رشا عبست بوجهها لانها ماتحب شغل المطبخ
ام متعب عطت بنتها نظرة : يالله يارشا
رشا : انشالله
اما البنات ضحكوا على تعابير رشا المحبطة واكثر وحدة ضحكت هي غلا
الجدة : يالله ياغلا قومي عاوني بنت عمتس وانجزوا علي ابي افطر واروح للبل قبل ماتحتر الشمس
غلا باحباط : انشالله يمة
فالمطبخ 00
رشا : هههههههههه من عاب استعاب
غلا : ههه ههه ههه بايخة
رشا : اشتغلي اشتغلي بس
غلا بخبث : اقول رشا سنعي فطور الرجال واهتمي فيه ترى فهد هنا بيفطر معهم
رشا ببرود : واذا فهد فيه لايكون رئيس الوزراء وانا مدري
غلا وهي حاطة في بالها انها راح تحبب رشا بفهد : لااااا هذا رئيس حياتك المستقبليه
رشا بإنفعال : اقول انطمي عااااد وانتي كل ماشفتيني بروحي غثيتيني بهالسالفه قسم اني صرت اتجنب اني اكون معك بمكان واحد وبروحنا
غلا تحاول تهدي الوضع عشان تعرف تمشي بخطتها اللي حطتها : ليه بعتدي عليك انا هههههههههاااى ترى انا مسالمة
رشا وهي تطلع بصينية الفطور : ابعدي عني بس
غلا تكلم نفسها : اوووووف متى بخلص من هالسالفه رشا راسها يابس ووجود شوق في راس فهد ملخبط الامور لو ان شوق مو بالصورة كان سيطرت ع الوضع اووووف ياااااربي
شوق تدخل : على وشو تحلطمين يالعجوووز امي سوير تنتظر الحليب وحضرتك تكلمين نفسك
غلا ارتبكت شوي : لا هاه جايه اللحين
شوق : ههههههه شفيك حمدالله والشكر
غلا بحقد : مافيني شي بس يالله خل نروح نفطر
ابو متعب : متعب ياولدي
متعب : سم يبه امرني
ابو متعب : وش سويت بآخر مرررة رحت للرياض بالشغل
متعب: كل خير يبه كل خير بس باقي كمن شغله بروح بكرة لها
ابو سعود : والله اني مدري شلون شغلكم ماشي ومتعب مايمر الشغل اسبووع وازود
متعب : بس ياعمي حنا عندنا مدراء تنفيذيين اجانب والا جانب ماعندهم لف ودوران بالشغل يشتغلون بذمة وضمير
فهد : اسمحلي يامتعب لو انا مكانكم والله ماأمن شغلي الا على نظري والا اذا مظطر ولد الديرة ولا ولد الاجانب
ابو متعب : والله انك صادق ياولدي اييييييه ربنا يعينا لين تنتهي هالسنة بعدها نشوف وش نزين بهالموظفين
متعب انزعج من رأيهم لانه برأيه واثق فيهم : الله يعينا بس على هالدنيا
سيف يساسر فهد : ياخي اخوي ذا احس انه شايب حتى بكلامة عمي ابو سطام احس انه اصغر منه خخخخخ
فهد : والله لو يسمعك ليعلمك علوووم الشياب الثانيه اسكت بس اسكت لا افتن عليك اللحين خخخخخ
سيف: هاذي اخرتها يافهيدان طيب يالخوااان
ابو سعود تنحنح دليل ان هالوضع مايعجبه ان الرجال تساسر مثل الحريم
فهد بطريقة مضحكة يحاول يغطي على اللي سووه : سيف يقولي بنروح الاسطبل وانا اقوله خلها وقتن ثاني
سيف بغباءوابتسامة بلهاء : ايه صح
متعب بإستهزاء مبطن : يالله ياراعي الاسطبل انا بروح له تروح معي
سيف : يالله قداااام
ماليزيا 00
الموت ماهو بطعنـــة السيــف // والرمح .... الموت عيونكـ يوم ترخـــي // هدبهـــا ...
سطام وهو يفطر ويكلم عهد : اليوم بنروح لأجمل مكان طاحت عيني عليه شلال كبييير حيييل وحولة اشجار وورود جوو خياااالي وكأنه رسمة مو واقع
عهد : ؟؟؟؟
سطام يعلي صوته : عهههد معي ؟
عهد وهي ترمش بعيونها بس ببطئ : امممم ايه ايه معك وبعدين بعد مامسكتوا راس العصابه الكبير وش صار
سطام : لااااه انتي منتي معي هاذي خالصين منها من زمان وانا جالس احاكي روحي
عهد ( كله مني هذا غلط بالخطة بس شسوي ياربي غصب افكر فاللي راح اسويه معه ) : اممم انا اسفه بس انا كنت قلقانه على امي ماكلمتها امس بس ولايهمك وهاذي بوووسه عشان ماتزعل .. وهي تقوم وتبوسه على خده
سطام التزم الصمت وبلع لقمتة بصعوبه وهو ماشال نظرة من عليها
عهد ( معليش انت اللي اجبرتي اسوي كذا ) : اهااا اجل انت زعلان مني للحين موو ؟
سطام : لا وفيه احد يزعل منك
عهد وهي تبتسم ارق ابتسامة ممكن يشوفها سطام بس الوضع ماعجبه عهد قاعده تضغط عليه وهي ماتدري وش عواقب هالضغط وهو يحبها الا يعشقها وبوسه وسوت فيه كذا اجل لو تتمادى البنت ايش ممكن راح يصير اسلم له ولها انه يحاول يقلل الاحتكاك فيها لما يرجعون للسعوديه بالسلامة
عند الابل فالمزرعه 00
الجدة وهي تمشي ويدها في يد سيف : مشالله هاذي المناظر اللي تسر العين وتشرح الخاطر
سيف : اجل مستانسه يمة والله لو دريت انك بفرحين هالكثر كان كل يومين موديك للمزرعه
الجدة وهي تبتسم ابتسامة رضا وسعادة : الله يخليك لي ياوليدي ولايحرمني شوفتك ولاشوفت ضناك انشالله
سيف وهو يبتسم ابتسامة راضيه او ابتسامة راحه : الله يكتب اللي فيه الخير انشالله ... مهوب وقته يمة اللحين
الجدة باستنكار : وش اللي يوخرك ( يأخرك) اشر بس يامي على البنت اللي تبيها وانا اروح اخطبها بنفسي قبل امك وابوك بعد
سيف : يمة الله يخليتس لي وانتي نسيتي متعب للحين مااعرس وانا حالف ماتزوج لمّا متعب يتزوج
الجدة التزمت الصمت وبدت دوامة الافكار والهواجيس تاخذها
فهد : باللهي شوفوا سيف هو امي سوير كأنه ولدها مهوب ولد ولدها انت ماتغار من ولدك ياعمي
ابو متعب بابتسامة ثقل وطبعن هاذي قمة الضحك عنده : ايييييه مااغلى من الولد الا ولد الولد وماندري وانا عمك يمكن هالسيف يصير اخير منا الدنيا ماتنأمن
ابو سطام : ههههههاااى عاد طلع اخير منكم كلكم ياعيال عمة في جدته
متعب : وليه ياعمي والله مانقصر معها في شي هاذي بركتنا
ابو سعود : انتم ماتقصرون بس عاد سيف غير عنا كلنا حتى حنا ياعيالها
البنات مع امهاتهم وهم في جهه بعيدة عن الرجال
نجلا : مشالله على سيف ينحط على الجرح يبرى اكثر شخص بار بامي سوير ماتمشي خطوة الا هو معها
شوق : ايه والله صدقتي كأن ربي ماخلق لأمي سوير ضنى الا سيف حتى ملامحه تدنن كنه صغير
غلا : اقول نجلا يالخبلة شكلك بتحولين من متعب لسيف قلتي بخلي الكبير وباخذ الصغير هههههههههههههههااااى
رشا : يقللللللع شكلك هههههههههااااااى عادي نجلا اذا تبين واسطة ابشرررري بعزك ههههههههههههههاااى
نجلا ( ليه بس تذكروني انه معي بنفس المكان ياشين الجروح لاجتك من ناس تعزها ياشين جروح الصمت انا طول الوقت احاول ماناظره يمكن يحس مو معقولة كل ماشفته فتحت عيوني عليه اكيد بيفهم هو وبينتبه اني اناظره
وهاللحظة تنقذها غلا وتقول : لااااه لاااه الزموا حدودكم نسينا الست فجر اللي ماخلت مشوار ماقالت انا بروح مع جدتي كل هذا لعيون السيف هههههههههههههههاااى
فجر وهي محرجة : بننننت عيب هالكلام وشو سيف وماسيف استحيييي
نجلا تحاول تداري جرحها : احلىىىىى يالحيويه
متعب ( شعندها اليوم ولا كأنها تشوفني بالعاده عينها ماتزل من علي لايكون كرهتني والا نستني يررررحم والديك ناظريني شوي بسسسس والله مالوم البنت لو كرهتني بس ولو نظرتها هاذي بس كانت تبسطني تحسسني بوجودها معي بصبرها علي بس شكلها ملت الصبر عوووونك ياااارب )
سالم : اسمعنننننني زيييين ولا تقاطعني انا رتبت وضعي بس انت اصبر شوي .. شوي بس ياسعد
سعد : أي شوي بس الرجال مبسوووط وداخل طالع في حلالي وانت ماسويت شي للحييييين
سالم : وررربي اخر خطوووة خلاص طيب ابشرح لك ايش راح اسوي بس انت اصبر كم يوم بسسس
سعد : شوف ياسلوووم لاتقول خويك واصبر علي ومادري ايش هاذي اخررر فرصه لك اذا ماسويت شي اسمحلي عندي ناااس احسن منك في هالمهمات والمكافأه راح تروح لهم
سالم باستعطاف : وربي اخر محاولة وانا وااااثق هالمرررة انت بس انتظر الاخبااار الحلوووة
سعد : اسبووووووع وااااحد يكفيك غيرة ماعندي اووووكي
سالم : اوكي
تركي : اقول بندر والله ودي اخذ اجازة الشهر الجاي ونطلع أي دولة كذا سياحيه
بندر : اووه اوووه متأكد انك تركي ماغيرة
تركي : ههههههههه ليه عشاني قلت باخذ اجازه تراني آدمي مثلي مثلك يالخبل
بندر : تصدق نسيت من كثر شغلك حسبتك آله خخخخخ
تركي : ياااااربي ياخف دمك .. هاه شقلت خلصني
بندر : وش رايك تاخذ اجاااازة طول العمر احسسسن صح خخخخخ
تركي : ماقلت لك ياخف دمك بس لهدرجة مااصدق
بندر : طيب وش رايك ناخذها هالايام ونروح دام الجوو حلوو
تركي : مااقدر وراي حسابات لها اول مالها اخر وانت عارف ان هالوقت نراجع اهم الحسابات
بندر : ماتمل انت انا لو اني مكانك بالحسابات كان تلقاني مشتغل سكيورتي ولا مدير حسابات
تركي : ايه هذا عيب الادبي بس ترى السكورتي مافيها شي كل الشغل شغل كله كسب رزق
بندر : خلاص خلاص انا طالع لاتبدأ محاضرة
تركي : ههههههههههههههههههههههههه
نجود : اووووف يااااربي اكيد عمي بيسوي حفلة عشان رجعة فهاااد
عنود : ووين المشكلة ؟؟
نجود : المشكلة ياذكية ان احنا راح نظطر نقابل وجيه بنات عمك بنات الفقر وماراح يبطلون سيرة في بطولات اخوهم فهاد اللي ماكن احد غيرة اخذ شهادة من براا
عنود بهدوء كالعاده : اول شي لا تحكين من وراهم نمبر توو الفقر مو عيب واخر شي انتي لو كنتي مكانهم اكيد ماراح تبطلي حكي عن اخوك اللي رافع راسك وماخذ الشهادة
نجود : يااااربي كووووبي عن بنات عمي انتي شكلك بنتهم مو اختتتتي نفس حكيهم اووووف
مابين المغرب والعشا والمزرعه بدت تفتح انوارها اللي لااافة كل المكان
نجلا : شرايكم نروح نلعب اللحين ليل ومايحتاج ناخذ جلال او طرحه مايحتاج نتغطى اصلن
شوق : ايه تكفووون بنات والله خاااطري انطلللللق خخخخخ
فجر : ايه عاد شوق حصلت احد مثلها على قولة السوريين طنجرة ولئت غطاها ههههههههههااااى
شوق: هه هه هه يااااااخفة دمك ياختي
رشا اوكي انا موافقه
غلا : وانا كمان موافقه
نجلا : بس بشرط نروح ورى مرررررة قريب من اخر المزرعه عشان ناخذ راحتنا بالصراخ وماإلى ذلك وبعد عشان نلعب ومحد يشوف الثاني
فجر : اوكي وانا معاكم حمستوووني
وصلوا البنات للمكان المقصوود
ورشا تعد بالارقام مثل الاطفال : واحد ثنين ثلاثه اربعه ..... يالله على جووولي
نجلا : لااااا يااااربيه يالله ماتبعدون بنات عشان احصلكم اوكي صبايا
البنات بصوت واحد : اووووكي
نجلا تسكر عيونها : يالله توزوا ترى مالي شغل اذا خلصت من العد بفتح عيوني
نجلا وهي تصرررخ : فتحت عيوووووني
في مكان ثاني من المزرعه وكعادته يشيك على كل شي بالمزرعه من الاسطبل مرورا بالابل والعمال وحتى كلاب الحراااسة يشوفوهم
متعب : كووومااااار ياكووومار
كومار : يس سير
متعب : كومار وين الكلب الثالث ليه بس هنا اثنين
كوماااار : اوووه بابا هازا كلب ربطي بعدين هو قطعي حبل ويروح هازا كلب قوي مافيه سيم سيم اسنين كلب ( اووووه بابا هذا الكلب ربطناه بس هو يقطع الحبل ويشرد هذا الكلب قوي مو مثل الكلبين الباقين )
متعب بقلق: اوووه هاذا ممكن يأذي الموجودين بالمزرعه
متعب يصرخ بأعلى صوته : راااااجو .. راااااجو روح انت والمصري هالصوب ودوروا ع الكلب وانا وكومار بنروح هذاك الصوب ندور عليه اوكي
راجوا يهز راسه : اوكي سير
نجلا وهي تدور : وينكم بنات تعبت وانا ادوركم وين رحتوا يالله عاااد اطلعوا انا الخسرانه راح ادوركم مرة ثانيه بس اطلعواا
في مكان بعيد شوي عن نجلا البنات يمشون راجعين للفله
رشا : والله حرااام علينا اللحين بتزعل علينا
شوق وهي ميته ضحك : ههههههههههه والله بتاخذ مقلب عمرها ماكلته بحياتها
فجر : والله احس بتأنيب الضمير
غلا : ياااااعمي روحي بسسسس .. تصدقون ودي اصور شكلها وهي متروعه هههههههههه
نجلا المسكينه تدور : بنات وينكم يالله عاد ترى برجع اذا ماطلعتوا .. خافت وهي ماتسمع الا صوت حشرات الليل ومافيه أي اثر للبنات
وفجأه آآآآآآآآآآآآآآآآآه يممممممممممممممممممممة
نجلا لفت وماشافت عيونها الا كلب واضح من شكله انه شرس وطبعن كعادتها اذا خافت تتسمر رجولها في مكانها
نجلا وهي تبكي : بناااااااات بنااااااااات وينكم ... ابعد انت ابعععععععد .. وهي شوي شوي تتراجع ورى
وصياحها وصراااخها يزيد ويزيد : بنااااااات .. يمممممممة ... ياااااااررررربي وينكم وين رحتوا بنات تكفون
الكلب قرب منها مرررررة وصار يصررررخ هوو هووو هووو هووو
متعب : اسمع اسمع خلنا نتبع الصوت .. وكل ماقرب متعب يسمع صراخ انثوي وهذا اللي خلاه يركض اكثر واكثر بإتجاه الصوت
نجلا اول ماشافته شافت الفرررج وعرررفته بعد : متتتتتتتعب متتتتتتعب ابعد هالكلب عني متعب تكفى
متعب على طوووول قلبه قام يضرب طبوووول : اوكي خليك مكانك لا تقربين نجلا لاتقربين .. علا صوته اقووولك لاتقربين
بس نجلا من شافته بدت تتحرك رجولها وتركض بتجاهه ومن شافها الكلب تركض ركض وراها وهي على طول ركضت لمتعب وطاحت بحضنه وتمسكت فيه بأقوى طاقتها ومتعب من شاف الكلب يركض بتجاه نجلا لف على طول وعطى الكلب ظهره والكلب عض رجلة
متعب : آآآآآآآه كومار خذ الكلب الله يااااخذك اخذة ولا تناظر .. ونجلا من الخوف لازالت ماسكة

يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -