بارت مقترح

رواية ماتت فرحتي يوم شفتك -10

رواية ماتت فرحتي يوم شفتك - غرام

رواية ماتت فرحتي يوم شفتك -10

لكن مارد عليه خايفه عليه ناظرت مكانه على السرير
وتمنت من كل قلبها انه يكون بخير مهما كان فهو زوجها وولد عمها
وخلاص مصيرها انربط بمصيره وهو دايم يداري خاطرها ويسأل عنها تعوذت من ابليس وقررت تقوم تتنشط سحبت من شفتها ودخلت تاخذ لها شاور لعل وعسى يريحها شوي
نص ساعه وهي طالعه من الحمام جلست تنشف شعرها وتجففه وبعد ماانتهت راحت لدولاب الملابس وسحبت لها بنطلون جنز ازرق فاتح وبلوزه مقلمه كروهات باللون الازرق والموف والوردي طويله حد الركبه
رفعت شعرها ذيل حصان ولبست حلق صغير ازرق سماوي واكتفت بمرطب وردي شفاف وكحل ازرق داخلي
قررت تنزل عند هيله وهتون بماانها لوحدها وطفشت من قعدت السرير اخذت جوالها طالعت فيه لقت مكالمه لم يرد عليها فتحتها ولقتها من هشام
توقعت انه داق وهي كانت بالحمام كانت بترجع تدق عليه وترددت بالاخير قررت تنتظره هو اللي يتصل
اخذت طرحتها وطلعت من الجناح وجلست تقفل الباب لكن قطعها اتصال هشام مره ثانيه رجعت جناحها وردت عليه
بكل لهفه
وتين: الو هلا هشام كيفك
هشام انقهر من لهفتها لان ذا الشي حسسه بتأنيب الضمير
ويحسسه قد ايش انظلمت معه هالانسانه
هشام: هلا وتين انا بخير كيفك انتي
وتين: الحمدلله امممم انا دقيت عليك امس كنت ااا
هشام حس بحياها: لاتخافين ياوتين انا بخير بس صار عندي شغل
بعيد شوي عن الرياض واضطريت اني انام هناك بس
ان شالله العصر وانا عندكم
وتين: تجي بالسلامه
هشام سمع حركه بغرفة النوم وعرف ان مي خلصت
فقال ينهي مكالمته مع وتين: اوكي وتين بلغي الاهل وان شالله
العصر وانا جاي
وتين: ان شالله
هشام: يالله فمان الله وانتبهي على نفسك
وتين فمان الله
سكر هشام من وتين وتنهد بتعب وهو يفكر كيف بيتصرف كيف بيحل هالمصيبه اللي حلت عليه
لاالوقت وقتها ولا الظروف ظروفها
شلون بيبلغ اهله شلون بيواجههم وهم المشاكل مع ابو مي مره
كبيره كيف بيطالع بوجه عمه لودرى
والاهم من هذا كله كيف بيقابل ويطالع بوجه ضحية
هالمشــــــــاكل هذي كلها
هل بتسامحه او لا تنهد بشكل اكبر وهو يقول
اعذريني يا((وتيــــــــن)) ماقدرت اوفي بعهدي
ماقدرت اكون عند كلمتي خنتك بكل بساطه مع اول ظهورر
لمي خنتك وانا اللي قلتلك اني بنهي علاقتي فيها
خنتك وانا اللي من اول كلمه حلوه منها
دمرت كل شي بيني وبينك
آآآآآآآه يارب صبرني والهمني الحل
للاســـفـ
خنتـــكـ
خنتــــــكـ
دون ماتدري
للاسف
اخلفـــتـ
وعدي وخنتـــكـ
والله ماودي
لكــــــــــــن
خنتـــــــــــكـ...

قام وهو يدخل غرفة النوم لقى مي واقفه عند التسريحه
وكانت لابسه شورت زيتي وبلوزه موف فاتح ووردي
دخل هشام سحب منشفة مي اللي على السرير واتجه الى الحمام
مي: امممم هشومي
هشام بتعب اكتفى بس يناظرها بمعنى ايش تبين:
مي: ملابسك ترى حطيتها بالغساله على ماتخلص تلقاه خلصت
هز هشام راسه بمعنى خلاص ودخل الحمام
*************
بعد مانهت مكلمتها من هشام قررت تكمل طلعتها لبنات عمها وهي نوعا ما مرتاحه بعد ماكلمت هشام واتطمنت عليه
توجهت لغرفة هتون بما انها اقرب غرفه لها
دقت الباب واستنت الرد
هتون: من ادخلي
دخلت وتين: السلام عليكم
هتون: وعليكم السلام هلا وتين حياك
وتين: صباح مدري مساء الخير
هتون: هههه كله واحد الحين
قطع عليهم دخول هيله المزعج
هيله: هلا تونه ايش عندك جايه عند هتون والا يعني
عشان صارت زوجة اخوك انا قايله انك بتسحبين علي
ياحسرتك على نفسك ياهيله الحين الكل بيسحب عليك
انا الاقيها من مين والا مين هشام وصار زوجك
وهتون مرة اخوك وانا ضعت بالطوووشه
وتين بضحك: بسم الله ايش فيك اكلتيني بقشوري
وبعدين ماعاش من ياخذ مكانك
قامت وتين وهي تحضنها وتبوسها
وتين : الا صح ايش قصة مرة اخوي وهي تناظر هتون اللي انحرجت ونزلت راسها
هيله:هههههه فاتك ابوي اليوم مسوي فيها ياخذ رايها
وبدت هيله تحكي وتين اللي صار
وتين وهي تروح وتبوس هتون وتحضنها بحب وبأخوه
وتين: مبروووك الف مبروك ياهتون الله يسعدك يارب
هتون: الله يبارك فيك ويسعدك انتي مع هشام بعد
الا صح وينه هشام ماشفته اليوم ابد
وتين: طالع مشوار ويجي العصر
هيله: اشوف الاخت راضيه عن اخوي والا المزرعه دهنت السيل
وهي تغمز لها بعينها
وتين وهي ترمي الوساده عليها: اقلبي وجهك بس ولا يكثر
هيله: انا قايله انك مالك خوي وبتسحبين علي
هتون ووتيـــــــن:ههههههه

************
......: هاه ايش قلتي
هوازن: امممم عادي
وائل: حلوه ذي عادي ايش قلتي يعني ايوه او لا
هوازن وهي ترجع شعرها ورى اذنها: ماعندي مانع مدام مافيه شي
وانتم تمدحونه وهو ولد عمتي ماعندي مانع
وائل: واخيرا خليني ابشر سويلم الضعيف اللي صجني هاه اختك ردت اختك ردت
هوازن بحيا نزلت راسها:
وائل:ههههههه يالبى اللي يستحون الله يوفقك ويسعدك
يارب سالم طيب وان شالله ترتاحين معه
هوان: ان شالله
وائل: يالله خليني االحق صلاة الظهر وابلغ ابوي بعد
طلع وائل من عند هوازن واتجه لغرفته اخذ شاور وطلع لبس
ثوبه وتعطر وتكشخ ونزل يلحق على صلاة الجمعه
اما ((هـــــــــــوازن))
جلست تفكر بمازن اللي كل شي حولها يثبت لها انه يبيها وانه هو اللي اختارها كلام سمر والحين وائل اكد كلامها
تمنت من الله انه يسخره لها ويسعدها وتمنت وجود وتين تشاركها الفرحه فكرت تتصل على وتين بس شافت الوقت وانه ظهر قررت تكلمها العصر وتبلغها

********
بعد العصر
رجع ابو مازن وعياله من المسجد ودخلوا الصاله وجلسوا يتقهوون
وائل باحترام: يبه ترى هوازن ردت على سالم
ابو مازن: ايش رايها
وائل: تقول ماعندها مانع
ابو مازن : الحمدلله ان شالله ابلغ عمك ابو سالم
والتفت على مازن : ترى عمك مبلغني بالموافقه من البدايه
بس كنا نستنى اختك وبما انها وافقت ان شالله سوو التحاليل
انت واختك وبعد اسبوعين تصير الملكه
مازن بهدوء::ان شالله يبه اللي تشوفه
ام مازن من الفرحه دمعت عينها وبكل فرح: كللللللووووش
اللله يوفقكم ويسعدكم يارب
***********
في بيت ابو هشام
رجع هشام ودخل البيت ولقى امه وهتون وهيله ووتين
جالسين يتقهوون ويسولفون
هشام: السلام عليكم ورحمة الله وبركاته
الكـــــل: وعليكم السلام
اتجه لامه وباس راسها واكتفى بانه يمد يده على خواته ووتين اللي
انحرجت من وجود خالتها وبنات عمها
ام هشام: وينك ياولدي مختفي
هشام: كان عندي شغل وخلصته
ام هشام: الله يقويك
قام هشام وهو يقول: انا بروح اريح شوي
وناظر وتين اللي فهمت وراحت وراه
دخلوا جناحهم وجلس هشام على الكنبه
وتنهد بكل تعب
وتين: ايش فيك تعبان
هشام يطالع فيها وهو مقهور من نفسه وده يعترف
لها بالحقيقه بس مايقدر ماله وجه ايش بيقولها
ايش بيبرر لها: لا مافي حاجه
قربت منه وتين وسألته بكل خوف: لا فيك شي شوف
وجهك مره تعبان ايش فيك هشام
هشام: مافي شي والله لاتخافين بس يمكن من الطريق<<< كذب كذبه وصدقها
وتين: اوكي اجهز لك ملابسك
هشام: ياليت والله
راحت وتين وجهزت ملابس هشام اما هشام دخل الحمام ياخذ له
شاور لعل وعسى يريحه ويغسل الهموم اللي فيه
حس انه من جد تورط حس انه صغير قدام وتين وضعيف
قدام مي محتار يحب الثنتين ولا وده يستغنى عن اي
وحده فيهم
طلع من الحمام وهو لافه الفوطه على جسمه انتبعت له وتين
نزلت راسها على طول وطلعت من الغرفه
ابتسم على حركتها وهو يقول : مدري متى بتتعود علي
لبس ملابسه ومشط شعره وتعطر وطلع لها بالصاله
لقاها جالسه على الكنبه ومجهزه القهوه والشاي
جلس جنبها وهو يمسك يدها بكل حنيه
هشام: جهزتي اغراضك للمدرسه
وتين: يوووه هشام تكفى لاتذكرني ان بكره مدرسه
هشام: ماناقصك شي
وتين بابتسامه: لا والله تسلم
هشام: من جد اذا ناقصك شي قولي نروح نجيبه
وتين: لا ماناقصني شي اصلا انا من زمان مخلصه اغراضي
هشام براحتك
تقهوى هشام شوي وجلس يسولف مع وتين
شوي الا يدق جواله ناظر بالرقم ورجع الجوال مكانه بعد
ماحطه على الصامت
استغربت وتين بس ماعلقت على الامر
وتين:امممم هشام ممكن توديني بيت اهلي
هشام : الحين
وتين: لا بعد المغرب
هشام : اوكي انا بريح الين المغرب واذا اذن
صحيني
وتين: اوكي
راح هشام للغرفه ورمى نفسه على السرير بتعب
ودخل بدوامة التفكير اللي تعب وبيتعب بعد
بعد اللي صار واخذه النوم وهو غارق بهمه

أسولف وأبتسم وأضحك وأنا أتألم
أجامل والأسى يطحن بوجدني
أبي يد أصافحها
وأبي شخص يلملمني من أحزاني
وأبي أنسي وينساني التعب والهم
قبل لاينتهي عمري وأنا أعاني!!

**********
بدت الدراسه وانشغلوا البنات بالمدارس
وانتشر خبر خطبة هوازن لسالم وهتون لمازن
سالم اكيد متشقق من الفرح اما مازن حاس بالضيق
يحس الموضوع صار جدي وهو مو مستعد لحد الان
اما (( هشــــــــام))
ماخذ راحته وتين تجي من المدرسه تتغدا وانام الين المغرب وهو يستغل هالفتره ذي ويروح لمي
((وتيـــــن))
حاسه بضغط كبيرلان الامتحانات بعد اسبوعين وكانت من اول ماتصحى تمسك كتابها وتذاكر وبالذات ان هشام مو فيه
كانت عارفه انها مقصره بس كل شي مو بيدها لانها اخر سنه
وماتبي شي يشغلها حاسه بالفتره الاخيره بفتور
بينها وبين هشام بس قالت ان شالله بعد مااخلص امتحانات
احاول اصلح الامر
((ســــــالم))
مبسط وفرحان ويستنى بس الامتحانات متى تخلص ويرتبط اسمه
بالانسانه اللي ملكت عقله وقلبه
(( خالد ووفاء))
عندهم حالة استنفار وشادين همتهم يذاكرون لعيالهم
وخالد مجهز لهم مفاجأه بس ينجحون
((هتــــــان واكرم))
مايبقى لهم الا تسعه شهور ويخلصون
دروا بخطبة العيال وفرحوا كثير وهم يتمنون يكونون معهم
يشاركونهم الفرحه
**********
جالسه على السري وتذاكر بتعب وشعره رافعته باهمال
ووجها شاحب وهذي حالتها دايم في الامتحانات
هيله: الله يعينك بصراحه شكلك يلوع الكبد
كل ذا عشان الامتحانات
وتين: ياماما انا اخر سنه يعني لازم اشد حيلي
هيله:انا ذي السنه زيك في نسبه بس مااتعبت نفسي
وتين: اذا انتي فاشله فأانا لا ويالله تكفين جيبي لي عصير ساندويش
اي شي اكله تاركتني بغرفتك لااكل ولا شي ذبحني الجوع
هيله: تدرين الشرهه مو عليك على اللي ضافك اسبوع وانتي مرتزه
بغرفتي ماكأن عندك جناح طويل عريض
وبعدين ياعسل تبين اكل قومي اطفحي انتي والله لاانتي غريبه
ولاهم يحزنون راعية بيت واكبر دليل
انك لابسه بجامه <<<< هههه هذي الكلمه دايم اقولها لبنات عمي وعمتي اذا ناموا عندنا
وتيـــــــن:
ياربي عليك ذليتيني مالت عليك
دخلت هتون وهي معها فطائر وعصيرات مسويتها لكم
وتين: فديت خطيبة اخوي اللي تفهم بالاصول مو مثل بعض الناس
هيله اخذت المخده وراحت عند وتين وجلست تضربها
فيها وهي تصارخ عليها
يانذله يانذله انا قايله ان مالك صاحب
......: ايش عندكـ عليها لاتذبحينها
قرب منهم وهو يبعد اخته عن وتين وهو يضحك على هبالهم
اما وتين دخلت في نوبة ضحك وهي مستحيه من هشام اللي جلس
جنبها على السرير
هشام: خير ليه هالحرب ياست هيله على مرتي
هيله وهي تضحك: هههههه
هشام: كيفكم مع المذاكره اهم شي
هيله: شوف وجه مرتك واعرف اخبارنا مع المذاكره
طيرت وتين عينها على هيله وهي منحرجه من لبسها
وشكلها المبهذل
هشام: ايش فيه وجه مرتي اتحداك تصيرين ربعها
هيله: ياهووووو وهي تصفق من يشهد للعروسه
وتين منزله راسها من الحيا
هشام وهو يسأل وتين: خلصتي مذاكره
وتين: الحمدلله بس جاله اراجع
هشام: وانتي ياهتون
هتون: انا لي اسبوع بديت قبلهم بس يبقى لي ثلاثه ايام واخلص
هشام: الله يوفقكم اجمعين
هيله: ماكأنك نسيت تسال احد
هشام: مو توي سألتك وقلتي اسال مرتك
هيله: هههههه اعوذ بالله اكلتني
هشام:هههه كيف المذاكره معك
هيله: تمام الله يعين بس
هشام وهو يقوم يالله اخليكم تذاكرون طلع هشام وهتون وهيله
يأشرون لوتين تقوم وراه
اما وتين رفضت انها تقوم لانها مو فاضيه
بعد ماطلع هشام
هتون: صدق انك غبيه الحقي رجلك يابنت
وتين: ليه الحقه
هيله: ياناس اذبحها انا والا ايش الحين اخوي جاي
ومتعني وباين انه مشتاق وانتي مقابله كتابك
المشكله مخلصه مذاكره لو مو مخلصه كان قلت
هتون: مايصير ياوتين تهملين زوجك حتى لو عندك امتحان
اسألي عنه حسسيه انه مهم عندك
سكتت وتين وهي تناظر الرساله اللي وصلتها
{{
وتين ممكن اذا ماعندك مانع
تعطيني من وقتك ساعه
}}
تندمت كثير انها مالحقته وحست بالخجل من نفسها
هتون: وتين ايش فيك
وتين وهي تقوم: بروح غرفتي
هيله: استني شوي
راحت هيله وجابت المرطب الكحل وجلست تكحل وتين وصلحت
شعرها
هيله: الحين روحي
ابتسمت وتين وهي تطلع متوجهه لجناحها
فتحت الباب لقت الصاله فاضيه
دخلت غرفة النوم لقت هشام لابس وكاشخ استغربت
وتين: بتــــــطلع
هشام: قولي بنطـــــــلع
وتين: وين بنروح
هشام: البسي ومالك شغل يالله بسرعه لانتأخر عشان نرجع
بدري وتكملين المذاكره
اخذت وتين لها ملابس ودخلت الحمام
وبعد عشر دقايق طلعت وهي لابسه بنطلون
اسود ماسك وبلوزه فيروزي مفتوحه من قدام وبدي اسود
توجهت للتسريحه وشلفت وجهها شاحب شوي حطت بودرة
اساس وكحل ازرق فيروزي ومرطب فوشي اما شعرها فرفعته
بطريقه ناعمه ولبست ساعه سوداء بكريستاله فضي
ولبست صندل واطي اسود تعطرت و
طلعت برى وهي ماسكه عبايتها
هشام وهو يقوم: خلصتي
وتين وهي تلبس عبايتها: ايوه
هشام: مشينا
لحقته وهي تلبس غطاها

مـــــــــ خ ــــــــــرج
انا معكـ كلي احساس
كلي حبـ
كلي ولهـ

اتمـــــــــــــنى البارت يحوز على استحسانكم
واشكر كل من مر وقرأ ردي وكل من علق
او وضع بصمته في روايتي
دمتم بود اختــــــــــــكم
وفــــــــــــــاي دمر دنيـــــــاي
هلاليــــــــــــه صميـــــــــــم
بسم الله الرحمــــــن الرحيم
صباح الخير على الكل وصباح الحب والفرح لكل هلاليه وهلالي
والف الف مبرووك للهلال على الكأس
وهذا البارت واتمنى يحوز على رضاكم
البـــــــارت العاشر
بدت الامتحانات وانشغل الكل فيها
هيله ووتين مشغولين ووتين حدها تصحى من النوم تروح عند هيله بغرفتها
وماترجع الا اخر الليل عشان تنام واحيانا يغلبها النعس
وتنام عند هيله
اما هوازن وهتون مشغولين بملكتهم اللي بتكون بعد الامتحانات مباشرة
بعد الامتحاناتـ بيومين ,,,,,,
اتفقوا البنات يروحون السوق عشان يقضوا للملكه
وتين: هشام ترى بعد العصر بنروح السوق نقضي
هشام: اوكي واخذ بوكه واعطاها فلوس
وتين بخجل: معي والله
هشام: حتى لومعك خذي انتي زوجتي وملزومه مني
وتين اخذت الفلوس: مشكور ماتقصر
جلس هشام ووتين يسولفون شوي
وتين بدت تتعود على هشام وبدت تحس براحه بقربه
************
هيله: ايش بتشترين لون لفستان الملكه هتون
هتون: ماادري ماحطيت لون براسي اللي يعجبني باخذه
هيله: احسن لكـ كذا
جيت ايش جابكـ حبيبي من بعد طول المغيبي
من بعد طول المغيبي والا ناوي ياحبـــ.....
كانت هذي نغمة جوال هيله
هيله: هلا وغلا
سمر: هلا بك كيفك
هيله: تمام الحمدلله كيفك انتي وكيف عمتي
سمر: تمام اسمعي متى نروح السوق
هيله: بعد العصر مباشره تعرفين ورانا عروستين مو وحده
سمر: اوكي خلاص بس تمرونا والا نمركم
هيله: لاتمرينا ولا نمرك نتقابل بالسوق اوكي
سمر: اوكي يالله الحين ضفي وجهكـ باي
وسكرت سمر السماعه بوجه هيله وسط استغراب هيله وتوعدها
هيله بغضب: حسبي الله على ابليس هالسمر قفلت الخط بوجهي
هين والله لاوريها
هتون:هههههه يعني انتي غريبه عن حركات سمر
هيله: لا مو غريبه بس مو علي
هتون:هههههه احسن كيدهم بنحرهم
***********
من العصر تجهزوا البنات عشان روحة السوق وعلى الساعه 5
كان الكل متواجد بالسوق
بدأو فراره بالسوق والعرايس حايسين من الربكه وكل شوي يعجبهم
فستان ويلاقون احسن منه الين استقرت كل وحده على فستان
على الساعه 9 ونص انتهوا البنات وجلسوا يشربون كوفي في
السوق
وتين قررت اليوم تجلس مع هشام لانها مشتاقه له من زمان وحاسه
انها مقصره معه من يوم بدت الامتحانات وهو مو مقصر معها ولا
حسسها بتقصيرها
وتين: مطولين بنات
هتون: شوي بقى لنا اكسسورات وبعض الشغلات
وتين: امم اجل انا بروح
سمر:ههه ايش عندك والا اشتقتي لسي السيد
وتين تناظرها بنص عين: مالك شغل اخذت جوالها واتصلت على
هشام
هشام: هلا والله
وتين: هلا فيك اممم كيفك
هشام: تمام والله هاه خلصتي اغراضك
وتين: ايوه خلصت اممم يمديك تمرني
هشام: اكيد يمديني كم تونه عندنا
ابتسمت وتين بخجل: تسلم انتظرك
هشام: ربع ساعه بالكثير وانا عندك

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -