بارت مقترح

رواية ظالم وأنا بالحب مظلوم -14

رواية ظالم وأنا بالحب مظلوم - غرام

رواية ظالم وأنا بالحب مظلوم -14

وبعدها انزفت درر وكانت الكوشه كلها ورد جوري أحمر من اختيار فؤاد وفيه بروجكتر ينعزض عليه صور درر من كانت صغيره الى صورة ملكتهم حتى وصلت الكوشه وسلموا عليها المعازيم وبعدها دخل فؤاد بالبشت الأسود الي زايد جماله جمال ومعه الجد وأبوه والوليد
تقدم فؤاد وسلم عليها باس راسها ويدها اما درر من شافت الوليد وقفت وحضنها الوليد قدام الناس وبدت دموع درر تنزل الكل تأثر بالمشهد
الوليد:لا حبيبتي مابي اشوف دموعك عشان خاطري
درر:غصبن علي ياخوي
الوليد:لا تخليني اتهور واكنسل الزواج عشان ماشوف دموعك وشوفي شيفكنا من هالعله الي ما أخذته
درر ابتسمت
الوليد:ايوه كذا ابتسمي خليني ارتاح
درر:الله لا يحرمني منك
الوليد:ولا منك
وبعد ما طلع فؤاد ودرر من القاعه وبدو خطوه جديده في طريق مليان بالحب والموده والألفه ........
بعد ماخفوا المعازيم مابقى الا عائلة الجد يعقوب دخلوا الشباب كلهم وبسام الصغير اول ما شاف امه راح يركض لها : ماما فؤاد خذا معاه درر
الكل:ههه
الوليد:اقول شباب شرايكم نرقص بصراحه فيني رقصه وابي اطلعها
هتان:ياهووو من قدك اخو العروس
الوليد وعينه ع افنان :اخو العروس والمره الجايه المعرس
هتان:الوليد انا شاك فيك افا ولا تعلمني ما هقيتها منك
الوليد:ولا يهمك بعلمك بكل شي
ضرار:يله طقولنا نبي نرقص على يا دار
وبدت الطقاقه تطق والشباب يرقصون والبنات يصفرون
وصايف ظلت تطالع هتان كيف يرقص ويضحك ويعلق وبخاطرها "الله يحلاته زوجي غطا ع الكل ويحلاة غمازته"صحت من تفكيرها ع صوت شجون:هيه خفي على أخوي شوي اكلتيه بنظراتك
وصايف:اقول شجون مو وقتك
هنوف:خخخخ قطعتي عليها الجو كانت مندمجه
وصايف :بلييييز انطموا يا حمواتي
الكل:ههه
هنوف:اوكي مقبوله منك بروح اجيب لي مويه من تبي اجيب لها معي
افنان:انا اذا ما عليك امر
ولما راحت الهنوف للمطبخ انتبه لها ضرار وعلطول راح لعندها
ضرار:هنوف
هنوف بخوف:بسم الله الرحمن الرحيم يمه خرعتني
ضرار:بسم الله عليك من الخرعه بس ابي اكلمك ادري انه
مايصير بس لازم
هنوف:ضرار روح لااحد يشوفنا انا ماتغطيت يعني مايصير تشوفني
ضرار:اوكي بس بقولك شي وجوابه قوليه للميس توصله لي
هنوف:اوكي بسرعه لحد يشوفنا
ضرار:هنوف انا احبك والكلام اللي قلته في المزرعه اقصدك انت فيه انا من شفتك حبيتك ارجوك ياليت تفكرين بالكلام اللي قلته مع السلامه وطلع وخلا وراه وحده حايره ماتدري شتسوي
(((انتهى زواج فؤاد ودرر والكل رجع لبيته )))
وفي جهه ثانيه عند فيصل
فيصل:الو مجدي جهزت اللي قلت لك عليه
مجدي: كل شي تمام
فيصل:ابي تتم العمليه بعد الفجر okوبكل سريه
مجدي:ان شاءلله انت تامر امر
فيصل:اوكي باي
جلس فيصل يضحك بصوت عالي هههاااااااااااي
هين يا هتان ان ماقلبت حياتك لجحيم مااكون فيصل ولد الوزير الي الكل يهابه
عند هتان ووصايف في السياره
هتان:يلا انزلي
وصايف:وانت مرح تنزل
هتان:لاالحين بيذن الفجر على مابال اروح المسجد يكون اذن وصايف:اوكي انتبه لنفسك قالتها لاشعوريا ونزلت بعد مانزلت استوعب هتان شقالت ودايركت ابتسم مايدري ليش يحس هالكلمه لها تاثير عليه

نرجع عند فؤاد ودرر بعد مادخلوالفندق وتجهزوعشان موعد الطياره الساعه ست الفجر
درر:حبيبي ماقلتلي وين بنروح فؤادباستهبال:بنروح المطار
درر:ادري بس اقصد وين بنسافر
فؤاد:انا كنت بخليها لك سبرايز بس عشانك بقول استراليا
درر:الله نايس
فؤاد:يعني بس عشان الدوله
درر:لوتوديني اي مكان بكون مستانسه دامني معاك
فؤاد:تسلمين ياعمري
__________________________________________________ ________
وفي جهه ثانيه عند وحده بدا شعور جديد يمتلكها وبداشخص يتسلل داخلها الي هو (ضرار) اكيد عرفتوها(هنوف)جالسه تفكر بالكلام الي قاله لها وتقول معقوله علطول حبني
آآآآآه ياضرار ليه علمتني ليه خليتني ادخل مرحله جديده اذا نجحت فيها ممكن اكون اسعد وحده في الدنيا واذافشلت يمكن انجرح جرح عمره مايبرى انا لازم اتصل على لميس واقولها تقوله انا نترك لانفسنا فرصه هي الي تقرر هل رح ينجح حبنا الي لس ماانولد
وبعدها اتصلت على لميس وقالتلها ولميس خبرت ضرار الي بدوره شوي تضايق لانه عباله انه مومتقبلته
وهنوف نامت غارقه باحلامها مع الشخص الجديد الي قدر يسيطير على تفكيرها (ضرار)
"قلت تفكيرها موقلبها لاحظو "*_^

نرجع لعند هتان بعد ماصلى الفجر رجع البيت واول مانزل من السياره ماحس الابالاشخاص الي جالسين يضربونه___
(انتهى البارت الخامس عشر)
*ارائكم توقعاتكم ؟؟؟؟
*مين تتوقعون الاشخاص ؟؟؟
*لوين رح يوصلون ابطال قصتنا ؟؟؟؟؟
كل هذا في
( البارت السادس عشر )انتظروني^_^
(البارت السادس عشر )
حس الاباشخاص جالسين يضربونه بكل عنف حاول يقاومهم لكنه ماقدر لان عددهم كثير واجسامهم ضخمه ولماحسو انه شوي ويموت راحو عنه وتركوه مصدوم ايش السبب الي خلاهم يضربونه رغم انه عمره ماسوى شي خطا وفي هذه الدوامه انرسل له مسج (لماشفتك مو مهتم من زوجتك قلت اغير شرايك بالتغير وابشر بالجاي اكثر فيصل)
هتان جلس مصدوم ومو مستوعب الي قراه ظل يقراها مره ومرتين وثلاث وجلس يقلب الكلام الي مكتوب براسه من هذا فيصل انا مااعرف احد بهاالاسم جلس يفكر ويفكر وتذكر فيصل الي تخانق معه بالمول اكيد هو اكيد اهو قال اني بندم يعني كل هذا كان من فيصل معناته اني ظلمت وصايف وان الكلام الي قالته عن حامد صحيح ياترى شكان قصده بالجاي اكثر حس بعمره تعب من كثر التفكير هذا غير التعب الجسمي حاول يسند عمره الى ان يوصل باب البيت وفتحه وبسرعه رمى نفسه على اقرب كنبه وصايف لماشافت هتان تفاجات من شكله ماكانه هتان الي كان راكب معها بالسياره بكل كشخته ووسامته كان مليان بالدم وازارير ثوبه مفتحه وشماغه على كتفه ومبين عليه انه حيل تعبان ركضت له: هتان هتان شفيك
هتان:بعدي عني مومحتاج شفقه منك
وصايف:هتان لاتقول كذا
هتان:كل المصايب صارت لي من تحت راسك
وصايف:حرام عليك لاتقول كذا اناشسويت لك
هتان وبصعوبه يتكلم:شمعنى انا الي اختارني جدي انا مابي فلوسك ولاشي
وصايف انصدمت من كلامه وظلت ساكته
هتان بدى يهذي:انا مابي فلوسك
روحي لحامد خلاص انا سامحلك انا ادري اني ظلمتك معي بس غصب عني موبكيفي الزواج زي ماانفرض عليك انفرض علي صدقيني انا لابي فلوس ولاغيره ابي راحت بالي وبس
وصايف رحمت شكله:هتان هد شوي وحامد خلاص راح للي خلقه وذا عالفلوس انا مستعده اعطيها جدي من دون مايضغط عليك
هتان مسك يد وصايف:صدق وصايف
وصايف حطت ايدها ع ايده وابتسمت >يعني صدق
هتان ابتسم:اوعديني نبدا حياه جديده نبداها من الصفر وننسى كل الي صار قبل
وصايف:اوعدك
ومرت هالليله من اهدى الليالي على وصايف وهتان رغم الحزن الي تخللها لماعرفت ان عمها وجدها كانو يبون فلوسها....
اتحبني وله تحــب الــــــدراهم اختارلك وحده على شان ما اضيع
علاقــة ٍ ماتـــنبــني بالتــــفاهـم حتى تحت نور القمر يمكن تميع
واترى هل الحب الحقيقي تراهم امشجعين احساسهم دون تشجيع
صغيرهم يدري بقيمــــة غلاهم لايـــمكن اتحصله معروض للبيع
@@@@@@
مزروع في قلبي غلاك وعساهم فدوه لبستانك وحصد المزاريع
مداك مايشبتته فعينـــي مـداهــــم ياظبي يلــــي مرتعك بالمرابيع
اذا زمانــــي مانصفـــــنـي وداهم يبغوننـــي انثر دموع التواديع
للحين بعده ماوصــل مستــــواهم المستوى شقر الحرار المفاليع
@@@@@@
استار ولايمكن عيوني تـــراهم ماهي تشوف الا النجوم الملاميع
البحــر ولا الموت انا كلاهــــم اغركهم واحذف الـــــبس الريع
الا اذا شفتـــك معاهم تســــاهم كنك تكطع قلب مغليــــــك تكطيع
لك محتوى يطغى على محتواهم ويزيدني شوق ومحبه وتلويع
@@@@@
انت القمر والشمس ولا حداهم انت الــــورود اليانعه والينابيع
اهل الحروف اتجر لجلك هداهم واهل الطرب تعزفلك اللحن تنويع
والاتقياء موحديـــن انــــدعاهم يحفظك ربي من عيون المكاليع
فرّع وعلمّ هالبنات شبــــلاهــم احبابـــك الموتى ياسيد المفاريع
@@@@@
خير بهم جنة نجم في سماهم اذاعة اهل الحسن بوصوفك تذيع
من دون ماتطلع تراك حلاهم واذا طلعت اتصدع الناس تصديع
لكن الا تبعد بفكرك معاهــــم لا الوصل يشرونه ولا الشوق للبيع
لو كل حاجه تنشره بالدراهــم كان اشريـــت العمر كدام مايضيع....
......
(بيت فهد ابوضرار)
اريج:فهد اقنع ولدك انه يتزوج بنت اختي
فهد:الولد مايبيها وانا ماابي اغصبه على شي اهو مايبيه
اريج بعصبيه:وشوالي مايبيها لو انا قايله من بنات اخوانك كان علطول رحت اقنعته ولاعشانها بنت اختي ماتبي تناسبهم
فهد:اقول لاترفعين صوتك علي فاهمه ولاتطرين بنات اخواني على لسانك والولد متى مايبي يتزوج بيقول انتي فاهمه
اريج:انا مادري ليه ماتحب اخوي معنه ماسوى لك شي
فهد:اقول اسكتي ولاترا والله ان طريت هالسالفه لانتي زوجتي ولا اعرفك وعلطول تروحين لبيت اهلك انتي فاهمه
اريج بخوف:فاهمه بس انت هد عمرك

نرجع لابطال قصتنا بعد ماقامت من النوم قومت هتان لاجل يروح الشغل وبعد ماقام
وصايف:لازم تروح الشغل ماتحس انك تعبان
هتان:لاانا مافيني الا العافيه بروح اليوم عندي شغل كثير
وصايف:طيب ممكن توصلني عند امي
هتان: يلااجهزي بسرعه

بعد ماوصلت وصايف لامها علطول ارتمت في حضنها تحس
انها طفله صغيره على المشاكل لكن القدر خلاها تعاني من المشاكل والهموم من يوم وفاه ابوها لحد هاليوم ام وصايف: وشفيك يمه صاير لك شي
وصايف:لا يمه انا الحمدلله بخير ام وصايف:اجل صاير بينك وبين هتان شي
وصايف:لا الحمدلله علاقتي مع هتان زانت عن اول
ام وصايف:اجل شفيك
وصايف:اشتقتلك اشتقت لحياتي معاك وتذكرت ابوي الله يرحمه ام وصايف بحزن:الله يرحمه مافيه شي يدوم على حاله يابنيتي ماودك تفرحينا ببيبي صغير يملا علينا حياتنا
وصايف:لايمه توالناس علي
ام وصايف:وين تو الناس صارلك متزوجه اكثر من شهرين
وصايف:يمه اذا الله كاتب شي بيصير
ام وصايف:ونعم بالله
وقضو الوقت هي وامها سوالف لحد ما وصل هتان وقالها تطلع
في السياره*
وصايف:هذاموطريق بيتنا
هتان:ادري
وبعد ماوصلت لقت نفسها عند الفيصليه
وصايف:وش جابنا هنا
هتان:ماودك تتغدين
وصايف:امبلى بس انامسويه غدا
هتان:يعني متحسفه عليه خليه عشا تعالي هذه اول مره من تزوجنا اعزمك على مطعم يالله تفضلي
وبعد ماجلسو
وصايف:هتان كلمني عن نفسك
هتان:وش تبين اقولك
وصايف:اي شي يعني شتحب شتكره اكلاتك المفضله اي شي اعتبرني صديقه اواخت
هتان:بس انتي لااختي ولاصديقتي انت زوجتي
وصايف:ادري صعب عليك تتقبلها
وصعب علي بس نحاول نعتبر بعض اصدقا اواخوان
هتان:بس الواقع يقول غير كذا وصايف:المفروض تعتبرني صديقه اواخت عشان نقدر نعيش بهدؤ
هتان:انتي قلتيها المفروض والمفروض شي والواقع شي ثاني
وصايف:ادري بس الواقع يحتم علينا نحاول ولو فشلنا ننفصل هتان:يعني تبينا نتطلق
وصايف:اظن هذاالحل المناسب عشان كل واحد منا يعيش مرتاح
هتان:يكون خير اللحين خلينا
نعيش يومنا وبعدين نفكر بالمستقبل اوكي اعتبرتك صديقه
وصايف:اوكي وانا بعد يالله عاد سولف هههه
هتان:هه
وقضو وقتهم سوالف يسولف فيها اي شخص لس متعرف عليه>>>> موسوالف ناس توهم متزوجين هه
(بيت الجوهره)
سلمان:والله فؤاد له وحشه
افنان:ايه اهو الغالي اماانا لا سلمان:شدعوه انتي الدلوعه الغاليه
رن جوال سلمان:الطيب عند ذكره
الجوهره:من ولدي فؤاد صدق الطيب عند ذكره
افنان تتكلم مصري :الا قولو جبنا سيرت الاط قانا ينط
الجوهره:الو هلا والله
فؤاد:هلابالغاليه شلونك
الجوهره:بخير شخبارك انت شخبار درر
فؤاد:كلنا بخير ونسلم عليك
افنان:يمه سلميني عليهم
الجوهره:تسلم عليكم افنان
فؤاد:الله يسلمها سلميني عليها
*بعد ماكلم فؤاد اهله وسلم عليهم وكلمت درراهلها*
فؤاد:يالله حياتي تجهزي عشان نطلع
درر:لاخلنا نرتاح شوي احسني شوي دايخه
فؤاديستهبل : لاتكونين حامل
درر:لاشدعوه ششايفي احمل في شهر العسل لابس من كثر الدوران تعبت
فؤاد:ماتشوفين شر ياعمري
درر:الشر مايجيك

(بيت محمود)
محمود:الو هلا هتان
هتان:هلايبه
محمود:ابيك ضروري
هتان:مقدر يبه اجي وراي مرضى وعمليات
محمود:يعني مرضاك اهم من ابوك
هتان:انا ماقلت كذا
محمود: خلاص لاتقول شي دامك مشغول بقولك عالتلفون
هتان:تفضل يبه
محمود:كنت بقولك ان جدك زعلان منك لانك لحد الان ماسويت شي بالموضوع الي كلفك عليه
هتان:واحنا ماخلصنا من هالموضوع
محمود:ولاراح نخلص لك مده اسبوع تدبر عمرك فيها
هتان:اوكي يبه مع السلامه وقفل السماعه وهو يفكر بالموضوع خلص شغله بسرعه وطلع من المستشفى وهو مازال تفكيره وحيرته ع نفس الموضوع رجع البيت وبسرعه دخل حتى من دون مايتكلم
وصايف:هلاهتان متى رجعت
هتان:........لارد
وصايف:هتان شفيك

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -