رواية لافارقك خلن توده وتغليه -29

رواية لافارقك خلن توده وتغليه -29

سطام : ناظر فالكاتب .. يالله نبدأ باسم الله ابو متعب وبدأ سطام في تحقيق طويل وأسئلة كثيرة ولكن يغلب عليها اسلوب اللين واللي مايناسب قضايا مثل كذا
بعد مرور وقت طويل من التحقيق .. وبعد ماوصل المحامي اللي وكلة عمه .. وصار له فترة طويلة حاضر معهم التحقيق ..
سطام تعب حيل صعبة يحقق مع عمه واللي فمكان أبوه : يغلق المحضر .. ويحتجز المتهم على ذمة التحقيق .. حتى تنتهي القضية .. مع النظر في شأن اطراف القضية الآخرون ..
ابو متعب هذا الشي الوحيد اللي ماحسب حسابة ابد ينحبس .. طيب كفاله أي شي ممكن يطلع فيها ..
سطام فاهم عمه حتى من حركة يدينه .. بعد ماسكروا المحضر ..
ابو متعب : طيب مافيه كفالة ممكن اطلع فيها ..

سطام بجمود وهو الى الآن من بدأ التحقيق ماحط عينه بعين عمه .. : قضيتك كبيرة ماتحتمل لا كفالة ولا غرامة هذا ترويج يعني قضية مو سهلة ابداً متى ماينتهي التحقيق ونشوف وش يطلع عليك ذاك الوقت ينتهي كل شي ..

نزل ابو متعب راسة ووجهه عابس متجهم .. ملتزم الصمت .. هو رجال كبير له ثقلة وسمعته مو سهلة عليه انه ينحبس او يتهم بقضية مثل كذا بس اللي فهمة وعرفة ان اللي ورطة هم اللي ماسكين الشركة في غيابة هو ومتعب هالاجانب اللي واثق فيهم متعب .. يستوردون بضاعة بإسم شركتة محملة بـ أطنان من الهروين والف حبة وحبة من القبتاقون .. ويدخلونها مع البضاعه المستوردة ... كانوا متمرسين في شغلهم أتعبوا السلطات لحد ماكشفهم ابو مجاهد بخبرته صاروا يمشون لهم شحنات كثير ولكن مع سحبها بالتدريج جميعها عن طريق الضباط اللي ياخذونها كمستهلكين ... كل شي مصور عليهم ووواضح وضوح الشمس وهاذي هي خطة ابو مجاهد اللي ماتحتاج لاكمين ولا غيرة بس اللي يعتبر أخطأ ابو مجاهد فيه وهو اللي مساعد موقف ابو متعب ان مامسك شي بائن على عامر لا تصوير ولاشي ولكن اعترافات الاجانب تقول كذا وغير هالشي الفلوس اللي يدخلونها حسابة ابو مجاهد يفكر انها ارباح هالممنوعات بس الصحيح هو ان هالفلوس هي ارباح البضائع اللي يستوردونها .....

طلع ابو متعب ومعه ضابط ماسكة مع يده حتى يوصله ... متعب أول ماشاف وجه ابوه كذا وشكلهم وهم ماسكينه ركض له .. بس الضباط ابعدوه عنه وقالوا له ان هاذي اوامر ...

انتظر لمّا طلع المحامي .. وراح له عشان يفهم منه وش صار .. حالة متعب حيل صعبة ... هذا ابوه ياناس ابوه ...

المحامي ماترك شي مابينه لمتعب حتى الثغرة اللي لقاها وان ابوه مافي شي ثابت عليه غير اعترافات اللي يشتغلون عند ابوة .. وهذا الشي ممكن يساعدهم كثير أما الشي اللي حطم متعب من قلب هو ان ابوه بينحبس ولاراح يطلع لمّا تثبت براءته ...

اضطر انه يبلغ عمانه وعيال عمه وبين لهم الصورة وقالهم ان شاء الله ان ماعليه شي والاكيد ان ماعليه شي ...

أما سطام داخل مكتبة ولاكلف على عمره انه يطلع لمتعب عقلة أنهكة كثرة المصايب والتفكير والشغل كل شي واقف ضدة ... مايتردد على باله الا صورة عهد وهي تضحك وتسولف .. صورة سعود فالسيارة .. مخه شغال ع طول وبعد مايغيب عن بالة وجه عمة كيف متغير من شوي .. موقفة مع متعب اول ماجاء للديره .. والاهم مرضة .. صوت الدكتور بنفسة يتردد على مسامعه كأقسى سووط ممكن يجلد فيه .. أقسى انواع التعذيب كلمة وحدة بس هي اللي تردد على أذونة تجلده فاليوم مية مرررة هو دمر عهد معه بعد مو بس هوو وهذا اللي معذبة أكثر .. صوت متعب .. سطام وش تقول انت .. صوت عهد وضحكاتها ... شكل سعود وهو فالسيارة .. وآخر شي صوت الدكتور وهو يقولة انت مصاب بالايدز .. أيدز .. أيدز .. أيدز ... السبب نقل دم أو شفرات حلاقة عند حلاق مو نظيف .. أو لاسمح الله علاقات جنسية محرمة وهالشي هو يعرفة في نفسة زين مستبعد تماما عن بالة ... خايف يموت وهو ماستسمح من عهد ع اللي سواه فيها .. خايف يموت وهو ماطلع برآءة عمه .. خايف يموت وهو ماعلم عن سعود .. ولا قال لأحد يدور عنه عن طريق لوحة السيارة ... يبي يخلص كل شي بسرعه منها يقول لعهد ويتأكد من سعود .. ويسوي كل شي بحياته قبل مماته .. يالله الصبر ...

%%

بيت ابو بندر ..

سعد : ايه يبه هذا اللي صار واذا تبي تتأكد تأكد بنفسك ..

ابو بندر منصدددددم معقولة يصير ظاااالم ... يالله هذا يعتبر من فئة الايتام .. وش سوى هوو بتهورة وقلة صبرة وحلمة ...

سعد : يبه .. مصدقني ؟؟

ابو بندر : اسمعني ياسعد الكلام هذا مابي أي احد يدري عنه لين اشوفة بنفسي بعدها لي رب يسامحني .. وان شاء الله اقدر القاه واستسمح منه

سعد وهو يبتسم : بس هو ماراح يرضى اعرفه زين عنده عزة نفس

ابو بندر : وهذا اللي قاهرني وكاسر ظهري انه ماراح يرجع مثل اول الا مستحيل يرجع

سعد بينه وبين نفسة ( وهذا اللي مونسني أكثر بعد يبه هههههه )

ابو بندر سكت شوي بعدين قال خلك معي خطوة بخطوة لين أتأكد ..

سعد وهو لازال مبتسم : ان شاء الله يبة تآمر أمر ...

راح ابو بندر يقعد مع نفسة ويحسبها شوي شوي وش اللي عرف سعد بهذا كلة بس اللي قالة صحيح مية بالمية لو فكر فيه مجرد تفكير .. ماراح يهدى له بال الا لمّا يلاقي السكرتير بنفسة بيضغط عليه لمّا يعترف له بالحقيقة ..

أما سعد اسععععد إنسان تركي ومستحيل يرجع حتى لو بانت براءته .. وسالم ههههههههههه آه ياسالم يبي يبتزني هالكلب وطاح بشر أعماله اذا ماراح للسجن .. بس ياخوفي يقول عني كلمة من هنا والا هنا انا لازم اراضية واعطية اللي يبي قبل ماينمسك .. لا لا وشوله اعطية اللي يبي الله يخلي جوالة اللي ماخلى احد من اهلة ماصورة فيه اكبر وسيلة ضغط يحكي من هنا تروح سمعته فيها من هنا ههههههههه

%%%%

ام حمد تكابر وتكمل : وانتي ياروان مالك اعتراض ان شاء الله مالك الا الله ثم هو ... هاه وش قلت ياتركي

تركي في هاللحظة الصدمة سكته شوي بس بعد فترة بسيطة استوعب كل شي حولة

تركي سكت شوي .... بعدين قال : تدرين يمة انا وش وضعي يمكن حمد ماقالكم .. بس انا ترآآي فاقد للذاكرة من عشر سنين يعني مدري انا ولد حمايل والا ولد ..... استغفر الله بس .. جاء بيكمل بس قاطعت روان ..

روان : تركي ..

سكت مارد عليها ماقدر يرد اصلن ..

كررت روان : تركي ... تركي ..

لازال ساكت شي رابط لسانه عن الكلام .. وده يرد بس يحس بقمة العجز عن الكلام ..

روان : تركي ... تركي .. تركي .....

الصمت هو الصمت هو الصمت نفسة لازال ..

روان : اووف تركي .... ترررررركي ..

فز تركي على طول من اليوم يسمعها تنادية يحسبها بالحلم فتح عيونه ورفع راسة شاف روان واقفه بعباتها وتصحية من النوم الظاهر انه غفى على الكرسي وهو ينتظر ...

وكل اللي صار حلم ... ناظر فيها وابتسم كأنه غبي .. يعني حلم .. لا راح يتزوج وحدة يشوفها طفلة .. ولا راح تموت ام حمد بعيد الشر عنها ..

روان استغربت وش فيه هذا لايكون يحلم بس وللحين ماصحى ..

روان : تركي ... ترىا امي صحت ..

استوعب تركي انه قاعد يبتسم فيه وجهها ببلاهه .. وغباء ... اعتدل وقال : الحمدلله يارب .. الحمدلله .. وكأنه مو مصدق .. من قاالك ..؟

روان : الدكتورة نادت على اسم امي وانا طلعت من الاستراحة على طول .. وقالو لي ..

تركي : اوكي روحي لها وانا اغسل وبجي اتحمد لها ع السلامة ..

تحركت روان من قدامة ... بعد ماحست انه من واجبها انها تقولة وبعد كسر خاطرها لمّا شافت شكله نايم بتعب ... وتقريبا هم كانوا على وقت آخر العصر بداية المغرب .. صارت تحس صدق ان تركي اخوها ... تعاملة وحتى اسلوبة يذكرها بحمد اكيد عشرة عمر بيكونون شبة بعض ...

%%%

فالديرة ....

سيف دق على عمه ابو سطام وقاله يجي بيت عمه ابو سعود .. وراح لبيت عمه ابو سعود .. ودخل عليهم بوجه عابس .. مليان هموم .. وكانه كبر على مرة عشرين سنة زيادة ..

انرررعب عمه من لون وجهه وشكلة المبعثر ..

ابو سعود : سيف ياولدي وش فيك .. عسى ماشر ..

سيف بزفرة : الا الشر بعينه وعلمة ...

ابوسعود : اعووذ بالله .. الله يستر استريح وقول وش عندك

سيف : عمي ابو سطام جاي اللحين نبي ننتظرة شوي

فهد ملتززززم الصمت ينتظر وش اللي قالب حآل سيف لهدرجة .. مو متعود من سيف تهويل الامور واول مرة يسمعه يقول ايه شررر ..

وصل ابوسطام وهو قلقان من سمع نبرة سيف له ..

جلسوا كلهم بعد فترة مهي طويلة .. تكلم سيف وهو كأن أحد يطعنه بسيوف كل مانطق كلمة ...

تكلم وقال كل شي بلغه به متعب اخوه ... خانقته العبرة هذا اعظم انسان بحايته واغلى انسان بعد بس مايقدر يبكي هو رجال وهذا قوانين الرجولة اللي تربى عليها من صغرة من يومه عمره عشر سنين يقولة ابوه عيب الرجال يصيح ..

ابو سطام وهو متفاجأ : سطام ولدي

هز سيف راسة ...

ابوسعود بعد صمت تكلم : مشينا للرياض مهوب وقته نخلي عامر لحالة بهالمحنة الله يفك عوووقة ويفرجها عليه .. انا متأكد ان عامر ماله في هالقضية ولا له بأصحابها بعد ...

ابوسطام وهو حاز في خاطرة اللي سواه ولده رغم انه صميم عملة : خلاص صار بس لازم واحد يقعد عن الحريم مايصير نتركهم كذا بدون رجال

ابوسعود ناظر في فهد وسيف ...

سيف : انا مهما صار رايح رايح مااقدر اترك ابوي وهو في هالموقف ..

عمانه قدروا له احساسة وفهد بعد عشان كذا قال فهد ..

فهد : خلاص انا اللي بجلس بس بلغوني كل شي اول بأول

ابوسعود : وماله داعي يعرفون الحريم عن شي قولوا لهم واحد نعرفة ويعز علينا طايح بالمستشفى ورايحين نزورة ..

كلهم ... ان شاء الله ...

%%%

متعب من قههههههره مايدري وش يسوي بهالموظفين اللي خانوه راح للشركة ودخلها وهو في قمة عصبيته .. في حالة شد اعصاب غير طبيعي ...

توجه لمكتبة على طول وصار يراجع اوراق بغير تركيز نادى ع المسؤول دائمن اذا جاء للشركة ..

سأله ع السريع وش صار ووش ماصار ... عصب كثير على تعيين موظفين بالشركة بغيابة وبأمر من اصلن يتوظفون أي شغلة حتى ولو كانت بسيطة ... مشكلة ابوة أعمته تماما ...

طلب يجيبون له الموظفين اللي تعينوا خلال غيابة واحد واحد وكلن في مجالة .. طبعا اللي تم تعيينهم مايتعدون الثلاثة اخذ ملفاتهم ورماها على مكتبة من غير مايكلف على نفسة ويفتحهم هو مقرر اصلن يمسكهم الباب .. شي جاء بدون إذنه ولا تحت عينه معناه فيه شي غلط ...

اما الموظفين مستغربين .. اول مرة يشوفون متعب بهالطريقة وبهالاسلوب ... رحموا الموظفين الجدد .. على وجيهم صار متعب كذا .. الله يعينهم عاد هم الاعرف متعب صح كريم مع المجتهد بس برضوو شديد مرررة ويروع اذا كان معصب وهالمرة عصبيته دبلات كل مرة ...

%%%

فالمستشفى ...

تركي من صحى من النوم او من الغفوة اللي اخذها على صوت روان وهو مبتسم ومتفاءل حييييييل ... وصل عند غرفة ام حمد اللي نقلوها لها بعد العناية المشددة طق الباب بخفيف ...

جت روان وفتحت بس بشويش يعني فتحته بمقدار بسيط وكأنها تشوف مين ورى الباب ..

ابتسم تركي بمزح : هاااه ياروان ... على فكره تركي ينطق اسمها بطريقة مرة حلوة .. اشوفك فاتحه الباب بشويش وكأنك استغنيتي خلاص ماتبيني ادخل ع الوالدة ماعادك تبين اخوك ..

روان ضحكت بفرحة باينه في صوتها : هههههههه لا بالعكس .. انت ماقصرت معنا ابد الله يوفقك يارب ..

ابتسم تركي .. وفتحت روان الباب وراحت لأمها عشان تغطيها بعدها دخل تركي وسلم عليها طبعا هي ماتقدر تتكلم كثير تحمد لها بالسلامة .. وراح جاب لهم كل اللي يحتاجونه وبعد أخذ إذن لروان انها تصير كمرافق لأمها لمّا تطلع بالسلامة ... عقبها أستأذن منهم انه لازم يروح للدوام اتصلوا عليه يطلبونة ضروري مايدري وش السالفة بس بيروح هذا أكل عيشة ...

%%%

فالديرة ...

نجلاء الى الآن مستغربة روحة متعب وعمها وبعده يروح ابوها وعمها ابوسطام ومعهم بعد سيف المسأله فيها شي بس لازم تسكت ماتقول شكوكها لأي احد لمّا تكلم متعب فالليل ..

الحريم مرت عليهم سالفة الرجال المريض اللي بيزورونه الا عهد من شافت وجه سطام مهو هو الاولي .. وبعد نجلاء ومعها رشا بس الكل مو قادر يتكلم .. او يقول اللي بخاطرة كلن يراعي الثاني ويحاول يغطي ... رشا قلبها شاب ضوو على ابوها ..

الوضع غير مستقر عند البنات ... الجده مرّ عليها الوضع بعد لأنها متعودة هالشي من عيالها انهم راعين واجب حتى لو كان الشخص بعيد .. بس ماتدري ليه فيه نغزة بقلبها ...

%%%

وصل تركي للشركة اللي يشتغل فيها وهو مبتسم في باله يقول المصايب تجي ورى بعض صح بس اذا انحلت كلها تنحل ورى بعض عنده امل ان حمد بيصحى قريب ان شاء الله وبعده بيلقى اهلة .. وبعدها بتبان براءته عند ابو بندر .. كذا خيالة .. كذا تفكيرة او كذا أمنياته ..

بس اللي خرب جوه كلة اول ماجاء نطق واحد من الموظفين له بهالكلام ...

زميلة بالدوام واللي سكيورتي مثلة : ويييييينك انت المدير اللي عمرك ماشفته جاء ويقولون شاااب ضوو على وجهك الله يعينك

تركي : لا لا .. وش هالخبر توني متفاءل

زميلة : ولااااه ابشرك طالبك بعد .. والظاهر والله اعلم بيهزءك .. اجل طالب سكن لك عندهم ان ماقالوا لك مع السلامة هذا وجهي ..

تركي عقد حواجبة : لااااه الا هالشي عاد انا ماصدقت تنحل معي شوي شوي

زميلة : يالله رح ودربك خضر بس ان شاء الله يدبل لك رزقك يارب ويفتح لك أبواب السماء المسكرة ..

ابتسم تركي لدعاء زميلة اللي بوجهة نظرة انه انسان على نياته وجودة نادر فهالزمان ممكن ينلعب عليه ..

توكل على الله ودخل .. لقى كذا موظف عند المدير ارتاح نسبيا يمكن مطلوبين من المدير ويمكن جايين يخلصون اوراق ويصير كلام زميلة صدق على سالفة السكن .. إستغفر الله اكثر من مرة وهو ينتظرهم يدخلونه .. بس مايدري ليه يحس بشي غريب يتحرك دواخلة في صميم قلبة ....

جاء السكرتير : تركي تفضل المدير ينتظر دعواتي لك ..

تركي : يااااارب ..

دخل ع المدير اللي كان وجهه للشباك .. وباين عليه وضعه مو طبيعي وكأنه يبي يحط حرته فيه ..

تركي : آمرني .. أستاذ ..... توهق مايعرف حتى اسمه ...

التفت له .......................؟؟؟؟؟؟؟؟؟؟؟؟ وش يشوووووف هذا

لا لا مو معقــــــــــــــــــــــول ...

سكر عيونه ورجع وفتحهم ... مين يشووووف ؟؟؟؟؟؟؟

انتهى البااااااااااااارت ........

%%

الجـــــــــــــــــــــــزء الرابـــــــــــع عــــــــــــــشر ....

دولة العشـــاق .. والرومانسيـــه ..

إيــــطاليـــــا ...

صحت العنود من نومها وهي كأنها مانامت ابد ماتدري كم الوقت اللحين اللي تعرفت ع المكان اوووه امس زواجها لفت عالجهه الثانية بسرعه الا تشوف فهاد ابتسمت له بحب ياااااااااالله وكأنه بزر شكلة طفل صغير وهو نايم ...

تذكرت شو صار أمس حسته متحمس للكلام معها فرحته باينه من خلال عيونة .. قالها انه بينتظرها لمّا تخلص شاور وبعدها بيطلعون حتى لو إن الوقت متاخر بس لمّا طلعت لقته نايم حتى بملابسة اللي سافر فيها رحمتة حيييل النوم غلبة بس هالشي ريحها لانها ماضطرت تخوض بأي حوار بينه وبينها .. نزلت جزماته وشراباته وغطتة بغت تنام برى الغرفة بس العنود بثقلها وعقلها حستها حركة باااايخه مرة ممكن تزعلة منها وهي تعرف حساسية هالخطوة بالذات بس الحمدلله انها صحت قبله ... قررت تقوم من السرير وتضبط نفسها قبل مايصحى بس احتارت ايش تلبس بس العنود حيوية بزود ماتبي تلبس أي لبس ... قررت تلبس تايور ميدي .. مع صندل واطي .. وتيشيرت ماسك على جسمها .. مشطت شعرها حطت عطر ريحته هادية جداً .. جلست بالصالة تنتظر فهاد يصحى ...

%%%%

عند تركي وروان بالمستشفى ....

تركي مييييت نوووم مو قادر أكثر من كذا بس مايقدر حتى يغفي خايف على روان تحتاج شي وهو نايم .. مرّ على حمد اللي بنفس المستشفى اللي فيها أمه ..

دخل غرفة حمد ...

وكعادته قرأ عليه وأطال فالقراءة بخشوووع وتأني .. الدكاترة يقولون فيه نسبة استجابة بسيطة من حمد مايدرون هي بداية خير وانه ممكن يصحى والا بداية انتكاسة من جديد وضع حمد حالياً افضل من قبل وكل مازاد تحسن حمد كل مازاد نور الامل عند تركي .. خلاااص حمد هو الوحيد اللي ممكن يدلة على اهلة بوجهة نظرة .. من بعد ماترك بيت ابو بندر وهو يحس انه ضايع بدون هالبيت وبدون حمد بعد ... عشر سنين طويلة وهو صابر وخصوصاً هالايام صاير يحلم كثير بأهلة بس بصورة مو واضحة .. وأكثر الاسماء اللي تكرر متعب .. متعب .. متعب .. من بعد الحادث وهالاسم ماغاب عن باله ومرهقة جداً كثرة تكراره على مخه ... يمكن حمد عنده خلفية الا أكيد يعرف هالمتعب اللي تعبني الله يقومة بالسلامة لأهله اول شي ثم لي ياااااااااارب

.

.

.

أما عند روان حالتها جداً صعبة صغر سنها مايأهلها تتحمل كثير رقبتها انعوجت من كثر ماتغفي وتقوم ماتبي تنوم عشان لو ناداها تركي .. أو صحت امها احساسها يقول امها بتكون بخير .. تعبت كثير من طاح حمد راح معه الامان تتمنى رجعته يمكن لو كان معها هاللحظة يمكن يكون الحمل أخف بكثير منه اللحين .. تنوم وتحلم بأخوها وهو يضحكها .. ويمزح معها ويدللها تبتسم وهي غافية ترجع تصحى يحل مكان هالابتسامة عبوووس .. ترجع وتغفى من جديد بدون شعور اللي هي فيه اللحين مو قده أبد شي فوق طاقتها .... طووولت بغفوتها حلمت ... حلمت بأشياء كثيرة جداً ...... استرخت شوي غاصت فالنوم .. ارتاح جسمها من التعب ارتاح مخها من التفكير .. ارتاح قلبها من القلق على أمها .. صغيرة حيل هي على هيك حمل .. الله يعينها ....

%%%

نزل متعب تحت بسرررعة لحد ماوصل للباب وفتحه وهو مبتسم ابتسامة اقرب للضحك ..

متعب : مرررررحبا ياااالله حييييية .. ههههههههههه لهدرجة ماقدرت تصبر لين يعطونك اجازة وجاي تسلم علي

سطام حس بسهوووم في قلبة تنغرز بدون رحمة .. عانقة متعب بفرررح .. اما هو كان جامد بجمود الصخررررر موقفه حيل صعب ... سطام وصل أقسسسسسى انواع التعذيب من يتحمل كثرة خلاص شي زيادة ويمكن ينهار تماما

متعب : شخبارك حياك انت ومن معك

يتبع ,,,,

👇👇👇

تعديل المقال