بداية

رواية لا تظن انساك وانت قطعة مني -6

رواية لا تظن انساك وانت قطعة مني - غرام

رواية لا تظن انساك وانت قطعة مني -6

دانة : ما ابي
فاطمة : تعوذي من بليس
دانة : فطوم مالي خلق قلتلج انا الي زعلانه اروح اراضيه
فاطمة : انزين ليش زعلانه انت
دانة : يا سلام كل هذا وما تبين ازعل
فاطمة : دانوه عقلي وروحي راضيه صير احسن منه واكيد كان مضايق من شغله
دانة وهي تبجي : ويحط الحره فيني لا ما راح ارضيه
فاطمة : يا بنت الناس في حريم يتهاوشون مع ريايلهم على سوالف اكبر منها ويتراضون وانت تقولين ما ابي اراضيه
دانة : فاطمة لا تحاولين
فاطمة بعصبية : بومبه اذا ما رحتي وراضي زوجك ما راح اكلمج تسمعين
وسكرت الخط
فاطمة : اف منج يا دانة طلعين الواحد من طوره
مها من وراها : شفيج وشفيها دانوه
فاطمة قالت لمها السالفة لانهم رفيجات وما يخشون عن بعض شي
مها : غبية
فاطمة : من ناحية غبية فٍاهي غبية
مها : خل تروح تراضيه ويعن
فاطمة : ما ادري خلنا ندق على اسول بس انشوف اخبارها
فاطمة : الووو
اسيل : اممممممممممم
فاطمة : نايمه اسول
اسيل : أي شتبين
فاطمة تقلد صوتها : ابي سلامتج
اسيل : لحظة طومي
فاطمة : انزين
اسيل تكلم سامي اخوها : سامي ويع قلتلك اطلع ابي انام
سامي : يا مخدة امي تقول قومي صارلج 7ساعات نايمه
اسيل : انزين انزين قائمة
سامي عمره 19 سنة
فاطمة : الوووووووو
اسيل : اوسع اذني راحت
فاطمة : لا الشله اليوم فيها شي وحدة تبي تنام وحدة ملانه وحدة متهاوش مع ريلها وحده مسكينه تعبت وأجهزة وحالتها حاله
اسيل : منو الي تعبت من الشله فاطمة تكلمي
فاطمة تمثل انها تبكي : هاهاهاها انا
اسيل : فطوم شفيج
فاطمة : مافيني شي بس ركضت وايد المهم اخبارج
اسيل : ما عند شي ملانه وياي واحد خاطبن مثل ويه امه
فاطمة : حلوه هذي مثل ويه امه
اسيل : مهاوي يمج
فاطمة : يس لحظة احط سبيكر
مها : هاي قدساوية
اسيل : هاي الأصفر الحديد
فاطمة بصوت عالي : فديت الاصفر والله
مها واسيل : ههههههههههه
فاطمة : اسول
اسيل : نعم
فاطمة : تعالي يوم الثلاثاء بيتنا
اسيل : ليش
فاطمة : ولا شي جذي تعالي واقولج يب خالتي ام سامي معاج
اسيل : شنو امي خيشة عيش ايبها معاي
فاطمة : سخيفة
مها : بقرة هذي امج شنو خيشة عيش
اسيل بدلع : كيفي امي وكيفي
مها راحت داخل
ضاري يه من ورا فاطمة وسمع اسيل ضحك من داخله
ضاري : طومي شفيج صج تعبتي
فاطمة : عادي بس انا تعبت لان من زمان مو ياي لي الحالة
ضاري : اخ منج ومن راسج اليابس
فاطمة : طالعة على اخوي
ضاري : هههههههه
فاطمة : نسيت البنت على التلفون ... اسيل
اسيل : نعم
فاطمة : نعامه ترفسك
طبعا هذا كله سبيكر وضاري قاعد يسمع
اسيل : يا حماره انشالله ترفسك قبلي
فاطمة : انت المفروض اعطيج طراق وامشي منو اقعد اتكلم معاج
اسيل بغرور : تقدرين وانا بنت طارق
فاطمة : خلاص يا بنت طارق يوم الثلاثاء اعطيج الطراق
اسيل : نشوف باي قدساوية
فاطمة : باي الأصفر الحديد
ضاري : توكم طراق وتقدرين وبعدها قدساوية والأصفر الحديد
فاطمة : هذي عادة تعودنا عليها من احنا بالمتوسط حتى لو كنا مانكلم بعض لازم نقولها
ضاري : الله يخليكم لبعض
فاطمة من قلب : آمــــيــــــــــــن
-----------------------
الساعة 1 بالليل الكل نايم الى الشباب والبنات قاعدين بيت الشعر بالجو الحلو
كانوا قاعدين وسوالف وضحك وناسه
رائد : حبيبت خالو ما تكلمني
فاطمة : فوق شينه قوات عينه
رائد : بعدج زعلانه كلمتي الكل الى انا
فاطمة : لاني توقعتها من الكل الى انت
رائد : افا تزعلين على خالو انا رائد طومي
فاطمة : ويعني رائد بشر مثل كل البشر ما تهمني
رائد : طومي انا خالو
فاطمة راحت وحضنته : والله ما اقدر ازعل من الكل الى انت
رائد : حبي انت
فاطمه تهمس في اذنه بدون محد يسمع : وزوجتك وولدك
رائد : بس لحد يسمعج
فاطمة : قول خلص
رائد : جزء مني
فاطمة : لاتظن اني غيرانه منها هههههههه
رائد : فديت هالضحكة والله
بشار : ضحكونا معاكم
رائد : اللقافه مو زينه
بشار : اللقافه مو زينه ويهك الزين
رائد : هذا انت وهذي رنا نسخة وحدة صج دم
بشار استانس لما صار هو ورنا مع بعض انشالله بالكلام بس
بشار من النوع الي مايحب يبين لأي احد حبه ومشاعره الى المقربين منه هذي معلومة للبارتات الجايه
ضاري : بو شهاب
احمد : آمر
ضاري : ما يامر عليك ظالم يب العود ودندن لنا
احمد : مشعل قوم يبه بالسيارة
مشعل : يوه احمد مالي خلق
احمد : قوم احسن لك
مشعل بملل : انزين
احمد : يالله
فاطمة استانست ودها تقول يغني اغنية تحبها وتقوله هذي لك بداخلها تقول : "اخ يا قلبي الحب عذاب ما بعده عذاب "
مشعل ياب العود وصوت احمد حلو عشان جذي يغني ويدق عود
احمد : شنو اغني
رائد : أي شي
احمد : لا انتوا اختاروا
عبد العزيز : بما ان العيد الوطني قريب إن طاير من الفرحة راشد الماجد
احمد : احم احم
رائد : بدون تحم صوتك حلو
احمد : طاير من الفرحة طاير
قلبي على نار ناطر
داير من الشوق داير
وحشني شوف الكويت
*
مادري مادري وش اقدم هدية
كل شي اشوفه شويه
هي نجمة الشرق هي
واهي عروس الخليج
*
طاير من الفرحة طاير
قلبي على نار ناطر داير من الشوق داير
وحشني شوف الكويت
*
الكويت مني وفيني مكانها وسط عيني
ابيها وهي تبيني هذا الحكي من زمان
يا ناس قلبي دخلها من قبل مدخل بحرها
ومن كثر ما حب اهلها اموووت فيها والله
*
الكل صفق لأحمد والي يصفر
جاسم : وش هالصوت ياخي ادخل ستار اكاديمي ترى تفوز
أحمد : يا عمي انا وين والفن وين
الكل : ههههههههههه
احمد : الحين انا غنيت ابي احد يغني
ضاري : فطوم يالله
فاطمة : طير
رائد : تكفى تكفى فطوم
فاطمة : ما ابي
احمد : عشاني يابنت عمي تكفة
فاطمة بداخلها تقول :" الله يعز شانك يا بعد قلبي "
فاطمة : خلاص اوكي
ســــوا هــــا قـــلـــبــــي ياحبيبي وحبك ..
وماطاع مني وانا على الحب ناهيه ..
الظاهر مايبي الا قربك ..
عاف الجميع واول الناس راعيه ..
*
عليه ما اوصيك اذا صار جنبك ..
صبح عليه بحب وبحب مسيه ..
بنبضه وتضحياته يعجبك ..
صافي ولكن مالقى من يصافيه ..
ســـــــــــــــواها قلـــــــــبــــــــي ..
*
ســــوا هــــا قـــلـــبــــي ياحبيبي وحبك ..
وماطاع مني وانا على الحب ناهيه ..
الظاهر مايبي الا قربك ..
عاف الجميع واول الناس راعيه ..
*
خلى دروب الكل واختار دربك ..
داريه تكفى قد مافيك داريه ..
وابشر بقلب مايبي الا قربك ..
يموت وغير محبتك ماسكن فيه ..
*
ســــوا هــــا قـــلـــبــــي ياحبيبي وحبك ..
وماطاع مني وانا على الحب ناهيه ..
الظاهر مايبي الا قربك ..
عاف الجميع وأول الناس حاوييييه ..
*
عليه ما اوصيك اذا صار جنبك ..
صبح عليه بحب وبحب مسيه ..
بنبضه وتضحياته يعجبك ..
صافي ولكن مالقى من يصافيه ..
ســـــــــــــــواها قلـــــــــبــــــــي ..
ســــوا هــــا قـــلـــبــــي ياحبيبي وحبك ..
وماطاع مني وانا على الحب ناهيه ..
الظاهر مايبي الا قربك ..
عاف الجميع واول الناس راعيه ..
*
احمد استانس
رائد : عاشت طومي والله بس منو الى سواها قلبج عشانه
فاطمة : خالو رئود الى سواها قلبي عشانه
احمد بداخله : " افا "
فاطمة بداخلها :" احمد حبيب روحي الى سواها قلبي وحبيته "
نور : مو اقولكم فاطمة عاشقة خالها
فاطمة وهي تضم رائد على جنب : فديت خالو والله
ضاري : و ليش ما تقولين فديت اخوي والله
فاطمة : بعد جم شهر تيك مرتك وتقولك
الكل : هههههههههههه
ضاري : قلتيها جم شهر يمكن سنة امووت ابي اسمع احد يفديني
فاطمة : لك وعد اول ماتخطب ادق على خطيبتك اخليها تفديك
ضاري : وعد
فاطمة : وعد
رائد : علي انا فين من زمان
راكان : انا البنات الى اعرفهم بالقز بس وحده تقولها من قلب لا ويمثل (انه يبجي) أها أها أها أها
فاطمة بخبث : تزوج
راكان : ياشينة من فدوه اذا فيها زواج
الكل : هههههههههههههههههههههههههههههه
زياد : ترى والله الزواج حلو
راكان : حلو بعينك كله وين رايح وين ياي ليش لابس ليش راش عطر ليش ما وديتني ليش ما يبتلي ليش تقول جذي ليش تكلم هذي ليش و ليش و ليش
مريم : اوله اوله يا الظالم وانتوا
فاطمة : أي صح (تقلد صوت الريايل )لا تروحين لا تين لا تطلعين لا تلبسين لا ترشين عطر لا تكشخين لا ولا ولا
راكان : تكلمت المتحدثة الرسمية في حقوق المرأة
فاطمة : حبيبي حقنا و اخذنا قصبن عليك
راكان : هي ترى مو حسبالج عطوا المرأة الحق بالترشيح لمجلس الأمة ترفعين صوتك على الريايل
فاطمة بغرور : حبيبي انا فاطمة بنت فهد عبدالله الراشد ال....... ارفع صوتي على اللي أبي وانزله على الي ابي
راكان : الاحترام اخوي وابوي ويدي الراشد مو لج
فاطمة بعدم اهتمام : وانا بنتهم رضيت ولا ارضيت يا سبع البرمبة
راكان : اسمي راكان مو سبع البرمبة يا تيمون
فاطمة : وانا اسمي فاطمة مو تيمون اٍحترم أحترم
راكان عصب ورفع علبة الكلنكس (المنديل) ان يبي يطق فاطمة
فاطمة : رلاكس عمو
راكان ضغط على اسنانه
فاطمة ببرود : العصبية مو زينه تؤثر على قواه العقلية
راكان : الشرهه مو عليج علي الي قاعد معاج
فاطمة : الباب يوسع جمل
راكان طلع وهو معصب والشرار يطلع من عيونه
عبد الرحمن : فاطمة خلي حشيمه لعمج
رنا : ما تعودتوا فاطمة وراكان بس هواش وبعد دقايق احلى من العسل
فاطمة : بليز خالو حمني دونت سبيك تو مي
الكل سكت وما قال شي
بعد 10 دقايق من الصمت دخل راكان وكان اهدى شوي
راكان راح وضم فاطمة من وره : انا سبع البرمبة يا حمارة
فاطمة وهي تضحك : أي ههههههههههههههه
راكان وهو يضحك : يا حمارة
الكل بطل عيونه توهم يتهاوشون والحين يضحكون مع بعض
ضاري : انت راكان وانتي فاطمة ولا انا بحلم
احمد : قصدك انت سبع البرمبة وانتي تيمون ولا انا بحلم
فاطمة : تيمون بعينك
راكان : سبع البرمبة بعينك
احمد وقف وقام ركض : ياك الموت يا تارك الصلاة
دار حول المسبح راكان وراه وفاطمة واقفة وتضحك
فاطمة : عمو اخذي حق معاك
راكان : من عيوني
فاطمة : توم وجيري صاروا
راكان واحمد اسمعوا وراحوا لفاطمة
فاطمة : صج الحين ياك الموت يا تارك الصلاة
راكان : حددي منو توم ومنو جيري
فاطمة طالع راكان واحمد : مادري المهم انكم توم وجيري
راكان : تعالي تعالي
فاطمة : يمه لحقيني
راكان خذا فاطمة وداها ورا بيت الشعر
راكان مسك فاطمة حيل وقال لاحمد : احمد في حبال بسيارتي حق الفرس يبتهم روح يبهم ويب لزاق من المطبخ
احمد : تامر امر
فاطمة : تكفى راكان تكفى
راكان : ما يمشي عند
فاطمة : يا حمار رائد رائد تكفة لحقوني من المجرم
احمد بيه ومعاه الحبال واللصق
راكان ربط فاطمة وصكر حلجها وشالها وداها داخل بيت الشعر
رائد : شنو هذا سويت فيها
فاطمة :اممممممممممممممممممممممممم و ترفس برجولها وادينها المربطة
راكان : عقاب عيل تقول عني توم وجيري سبع البرمبة
احمد : ايه شنو توم وجيري هذا الي ناقص ريايل طول بعرض توم جيري
عزيز : هدو اختي احسن لكم
فاطمة : اممممممممممممممممممممممممم
جاسم : هدوها
راكان : لا
احمد : نهدها بس بشرط 100 الف دينار
ضاري : شنو انتوا ماخذين مقلب بعمركم صدقتوا انم عصابه هدوا فاطمة احسن لكم
راكان : لا 100 الف ولا لا
فاطمة : اممممممممممممممممممممممممممممممممممممم
نور : هدها راكان شوف البنت حرام شوي وتبجي انت لاف الحبال حيل ومصكر حلجها بلزاق قوي
احمد راح وفك حبال ايدها بعدين فك ريلها طبعا اهي شايلها راكان فاطمة انطرت لما احمد فك ريلها رفسته على بطنه وطقت راكان سطار
وقامت فكت اللزاق راكان نزلها راحت عند رائد وضمته وقامت تبجي على صدره
الكل بطل عيونه مستغربين انها غشمره ليش فاطمة تبجي ومستغربين من جرأة فاطمة انها ارسلت احمد وطقت راكان سطار
احمد حس بالذنب لما شاف فاطمة تبجي قال بقلبه :" اخ يا فاطمة دموعج عذابي عذابي يا فاطمة "
راكان راح وضم فاطمة وشالها حطها على الارض ورفع طرف بنطلونها شاف ريلها حمرا وشوي وتصب دم
وايدها أكثر وقال : فاطمة غشمره والله غشمره
فاطمة وهي تبجي : غشمرة شوف ريلي أي يمه تعور
ضاري راح عند فاطمة : خلاص طومي
رنا : قومي فاطمة احط لج دوا
فاطمة : لا ما ابي احط ولا شي خلها جذي بس ما اقول الى يعلكم المو...
ما كملت جملتها تذكرت راكان عمها واحمد ولد عمها وحبيبها شلون تدعي عليهم بالموت
مريم : خلاص فطوم كبرتي السالفة وهي صغيرة
فاطمة طالعة راكان بنص عين واحمد الي يطالع وهو مستغرب السالفة
وقفت وهي مكتوبة على مريم لان ريلها تعورها إذا مشت
الكل سكت ما قال شي
...........................
لا تحرموني من الردود بلييييييز
الجزء الثالث
ثاني يوم الصبح الساعة 8 الصبح قعدت فاطمة اول شي وقومت البنات عشان يسون المقلب بالشباب
قومتهم بالقصب قاموا غسلوا والي مو مصلية الفجر صلت
فاطمة : انا الحين بأخذ حقي من راكان واحمد لا هالمرة ما راح اعلم يدي هالمره باخذ حقي بإيدي
نور : خلاص يالله كل وحدة تيب أسلحتها
وراحوا خذوا البطوله وقاموا لشباب راحوا جناح الشباب
فاطمة عليها راكان واحمد
مريم علي ورائد
مي زياد وطلال
رنا بشار ومشعل
نور عبد الرحمن
فجر خالد
اسراء عبد العزيز
مها جاسم
ايمان ضاري
مرام ماسكه كاميرا وتصور وشايلة صندوق فيه البطولة ماي
فاطمة عدت : ............1 ............ 2........... 3.............
قطوا الماء البارد عليهم كل قام وهو مخترع
راكان : والله لوريج يا فطوم
احمد : يمه بارد الماي
الشباب قاموا ورا البنات
عزيز : والله لوريج يا اسراء
اسراء : هههههههههههه
مرام تصور
فاطمة ماسكة بطلين وحاطة واحد شنطتها اللي على خصرها
راكان : ترشين علي ماي ها
فاطمة : تستاهل
احمد : تعالي تعالي
فاطمة : الي يقرب والله ارش عليه
راكان: انا بروح اييب ماي من تحت أنت امسكها
احمد : انشالله
الكل منتشر الي بالمرر والصالة بس فاطمة بغرفة الشباب مع أحمد بروحها
فاطمة وهي تضحك : ان قربت يا احمد والله بالماي
احمد : ههههههههههه أقرب لا ما راح اقرب الحين
فاطمة استغربت
بالصالة
بشار : رنا رنو والله ياويلج تعالى والله لوريج
مشعل : تقطين علينا ماي ها
رنا : تكفه خلوني
مشعل : تو تو تو
بشار : تحلمين
جاسم : والله لوريج شغلج يا مها
مها : ام سوري جاسم والله سوري
جاسم : سوري وين صرفها
مها : لك الي تبي بس لا ترش ماي
جاسم : لا لا لا
مها : تكفى
جاسم : نو . نو . نو
عند احمد وفاطمة بالغرفة
احمد : تدرين ليش ما راح اقرب الحين
فاطمة وهي تضحك : ليش
احمد : لاني احبج احبج وراح اقرب منج بعدين لما تكونين زوجتي على سنة الله ورسوله
فاطمة اختفت الضحك واقفة مثل الصنم مندهشة من كلام احمد وتقول بقلبها :" يالله احمد يبادلني نفس الشعور "
احمد : اوعدك اقرب منج بيوم من الايام لو اخر يوم بعمري بس بالحلال وعلى سنة الله ورسوله
فاطمة قطت البطل ونزلت راسها ونزلت من السرير وراحت عند الباب
فاطمة : وانا بعد ابادلك نفس الشعور يمكن اكثر
احمد استانس الا مات من الوناسة
احمد : اخ خاطري اسمع هالكلمه من زمان
فاطمة : اقولك شي
احمد : اممممم
فاطمة : انت جريء وايد
احمد : انت اجرىء تدرين ليش لان امس رفستين بطني جدام الكل بس انا قاعدة اقول الكلام وانا وانت بس بالغرفة مو جدام الشباب والبنات كلهم
فاذا تجرأت فطالع على قلبي طومي
فاطمة طالعته بنص عين وراحت
راكان دخل : وين وين انشالله تعالي الماي زاهب
فاطمة طلعت بالبطل وقطت على راكان واخذت البطل الي عنده وقطته على احمد
احمد : والله لوريج بس مو الحين
فاطمة طالعة احمد بنظرة نارية وراحت
راكان : انت خبل ليش ما رشيت عليها
احمد : ها لا بس اكسرت خاطري اتقول هذا انتقام أمس في خليتها على راحتها
راكان : والله لوريها تعال وراي
فاطمة كانت تمشي وماسكة البطل رنا يتلها تصارخ : فطوم لحقيني من المجرمين خلصوا البطوله كلها علي
فاطمة خذت واحد ورشت على بشار الي مات من البرد
عزيز وجاسم وعلي وخالد وضاري ورائد خلصوا وخذوا حقهم
نور يت الصالة : عبد الرحمن تكفة انا نور
عبد الرحمن : نو . نو . نو
نور : بليز
عبد الرحمن : لا
نور : حمني قلبي انته تكفة لا ترش
عبد الرحمن ذاب هني : يا روح حمني وقلبه وعقله ماراح ارش خلاص
فاطمة صفرت وقالت : الله على الرومانسية احبها
نور استحت هي ما انتبهت لهم انهم موجودين
عبد الرحمن : تبين دروس
احمد توه دش يبي يرش على فاطمة : على شنو الدروس اقصد أي ماده
عبد الرحمن : الرومانسية
احمد : اها لا ما أظن تحتاج دروس
عزيز رافع حاجبة : وانت شدراك
احمد بارتباك : لا اقصد اهي بنت مو متزوجة مالها دخل بالرومانسية
فاطمة : ليش الرومانسية للمتزوجين فقط
احمد : اظن بس حتى لو أنت تمارسين الرومانسية مع منو
فاطمة : من تدخل في ما لا يعنيه سمع ما لا يرضيه
احمد : ماسمعت الي ما يرضيني
فاطمة : معترف انك توقفت
أحمد : نص اعتراف
فاطمة : امممممممممممم عيل اخذ الي ماراح يرضيك وقطت ماي بارد على رأس أحمد
احمد : بقرة وربي بقرة
عزيز وعلي وخالد ورائد وجاسم ونور وعبد الرحمن نزلوا تحت وما بقى الى راكان وضاري وأحمد وفاطمة
فاطمة : يايك الدور أستاذ راكان
راكان : كل هذا واين بعد شوفي بلوزتي كلها ماي منج
فاطمة : تستاهل مانسيت حبال أمس
راكان : الله يعن الي راح ياخذج
احمد طالع فاطمة وهو رافع حاجب ومنزل حاجب
فاطمة طالعت راكان : حمار
راكان : شكرا
فاطمة تقلد صوت راكان : عفوا
راكان : شوفي فوق الي تسوينه هم احبج واعزج وقام حضن فاطمة
فاطمة : تدري انا بوديك حق براد بيت يمكن يلاقي لك دور يناسبك تراك تعرف تمثل
راكان : افا دايما فاهمتني غلط
فاطمة : فهمني
راكان : ولا شي بس احبج انت بنت اخوي الغالي
فاطمة : راكان تعرف تذلف
راكان : ابفهم انتي من وين يايبه هالاسلوب
فاطمة : من عمو ركون حبيب قلبي
راكان : قلتيها حبيب قلبج لا ترشين عليه يرحم امج وابوج
فاطمة : الله يرحم الجميع بس هم برش
ضاري : اذا اهي رشت على حبيبها ما تبي ترش عليك
راكان : منو حبيبها انشالله
فاطمة طالعة احمد بنظرة نارية ضاري يدري ان فاطمة تحب احمد بس مو هي اللي قايله ضاري ضاري عرف بالصدفة
ضاري : انا اخوها حبيبها رشت علي
فاطمة : هذا ألي ناقص احب نفس اشكال ضاري وراكان حبايبي انا اذا بحب بحب شيخ الشباب
ضاري طالع احمد و احمد ابتسم
ضاري مو قايل لأحمد عن شعور فاطمة تجاهه مهما كان هذي أخته
فاطمة خلتهم وراحت جناح البنات
احمد يهمس باذن ضاري : احبها وربي احبها
ضاري : تراك ماخذ راحتك وايد
احمد : جب بس جب انا حبيبي احب فاطمة من عمري سنة وانت ياي الحين تقول تراك ماخذ راحتك وايد
راكان : شفيك يتساسرون
ضاري : سلامتك يالغالي
وراحوا تحت
عند البنات بالغرفة كانوا مجودين فاطمة ورنا وفجر ومي ومها وايمان وبنتها ميس
فاطمة : اخ ريلي والله يعور

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -