رواية لا تظن انساك وانت قطعة مني -7
ضاري : تراك ماخذ راحتك وايداحمد : جب بس جب انا حبيبي احب فاطمة من عمري سنة وانت ياي الحين تقول تراك ماخذ راحتك وايد
راكان : شفيك يتساسرون
ضاري : سلامتك يالغالي
وراحوا تحت
عند البنات بالغرفة كانوا مجودين فاطمة ورنا وفجر ومي ومها وايمان وبنتها ميس
فاطمة : اخ ريلي والله يعور
رنا : حطيلها دوا
فاطمة : لا ما راح احط عشان اذكر كل شوي وعلمهم شلون
فجر : بتعلمين يدي عليهم
فاطمة : لا
رنا : ليش
فاطمة : اولا : باخذ حقي بإيدي
ثانيا : السالفة ما تسوء اعلمه
ثالثا : مو كل شي اعلمه
ميس : فطوم فطوم
فاطمة نزلت لمستوى ميسي : عيونها
ميس : ابي اركب خيل
ميس عمرها 5سنين
فاطمة : بس اركبج خيل و احسن الخيل بعد
ميس : فطوم انا احبج وايد
فاطمة : وانا احبج وايد
رنا : عمتو
ايمان : نعم
رنا : ليش سميت ميس بهل الاسم
ايمان : جذي عجبني
رنا : اسمها مو كويتي
فاطمة : اسمج الكويتي رنا
رنا : انت قايله اسمي حلو
فاطمة : حلو بس مو منتشر بالكويت وايد
رنا : احسن
مي : بالسعودية تقريبا وايد بنات اساميهم رنا
ايمان : وانتي شدراج اشتغلتي إحصائية بالسعودية
مي : لا بس بالقصص وروايات الي اقرها كلها رنا
ايمان : تقرين روايات وقصص
مي : أي
ايمان : توج صغيره عليها
مي : ههههههههه الله يسلمج انا بعد جم شهر ادش 15 سنة
ايمان : ولو بعدج صغيرة عليها
مي : أنا ما أقرأ أي رواية مثل الي في بالج
ايمان : فجر انتي تدرين
فجر : أي عمتو والرواية التي تقرأها أقرها معاها يعني اعرف شنو تقرأ بعدين مايو هذي مافي شي ما تعرفه
ايمان : بنات اخر زمن
فاطمة : انت معانا عمتو ولا عجزتي
ايمان : جب يا بقره انا بعدني شباب عمري 29 سنة مو 50 سنة
فاطمة : اتغشمر
رنا : ابيخ غشمره عند ايمان
فجر : هههههههههههه
فاطمة : البس هذا الجينز ولا هذا
فجر : لا هذا الفاتح احلى
رن التلفون الي بدار البنات
فاطمة : الوو
منى : فطوم نزلي انت والبنات بسرعة تريقوا
فاطمة : ok mama
منى : لا طولون
فاطمة : ok
وسكرت السماعة
فاطمة : أمي تقول تعالوا تريقوا بسرعة
فجر انا بس البس بلوزتي
رنا : يالله مي تعالي ننزل
ايمان : أخذوا ميس معاكم
ميس : ماما
ايمان : نعم
ميس : ابي اكلم بابا
ايمان : اوكي ميس نزلي ولما انزل نتصل عليه
فاطمة البست بنطلون جينز و بلوزه لونها اسود وراسمين عليها هبي فيس اصفر وكاتبين كلام بالانجليزي ولابسه معاه جوتي (تكرمون) رياضي لونه اسود واصفر
وملفع اسود سادة حطت عطر اسكادا ولبست نظارة ماركة فندي وحطت مكياج خفيف (كحل ومسكره وقلوس)
فجر لابسة بنطلون جينز وبلوزه نص كم لونها سماوي وابيض ولابسة كاب ابيض
فاطمة : فجور تنزلين
فجر وهي تلبس نقابها : أي يالله
انزلوا راحوا غرفة الطعام لقوا الشباب والبنات يفطرون
فاطمة : هاي
الكل : هايات
راكان : توج مساحتنا والحين هاي
فاطمة : ما تبيها نسحبها
راكان : لا . لا تسحبينها
عزيز : طومي شهالنظارة
فاطمة : حلوه
عزيز : تينن
فاطمة :هذا ذوق اسوله اخت مرتك
عزيز : اسيلوه الفأرة هذي ذوقها جذي
فاطمة : لو سمحت اسوله اعز رفيجات ما اسمح احد يقلط عليها
عزيز : وين ايام اول الابتدائي كنت ما مواطنين اسيل
فاطمة : قلتها ابتدائي مو جامعة ومتوسطة وثانوي
مها : سراح عزيز الفارة بعده لقب اسيل
عزيز : صج خلاص لي دقت على اسراء ماراح اقول هلا اسيل ابقول هلا فارة
فاطمة : سخيف تراها القدساوية اسوله ما ارضى عليها
زياد : والكوبة للقادسية واسيل (زياد عرباوي)
فاطمه شهقت : شنو
زياد : و الكوبة
فاطمة : انت قد الكلام يا زيود
زياد : أي قده حبيبتي العربي الزعيم وبس
فاطمة : و الأصفر الحديد وبس تاج راسك حبيبي
زياد : هذا الي ناقص
فاطمة : هي هي هي انت ترى وايد ماخذ بعمرك مقلب انت والعربي هذا
مشعل : شنو العربي صار هذا
فاطمة تغني : بدعت والله يبطل بكيت يا الاصفر عيون
والكأس ماله الا انت وخليتهم فيه يحلمون
استاذ ومنك نستفيد حديد يا الأصفر حديد
قالوا على الي يجتهد شبل من ذاك الاسد
وأقول للأصفر انا اصفر ومن ذاك الفهد
استاذ ومنك نستفيد حديد يا الأصفر حديد
مشعل : بطل ها كأس ها نشوف حبيبتي منو يفوز هين
فاطمة : مهاوي
مها : نعم
فاطمة : الاصفر شنو
مها : الحديد
فاطمة : صح لسانج
رنا : مشعل زياد طلال أكلوا وانتوا ساكتين وكت يتهاوشون على الكرة الحين
زياد : العربي العربي العربي العربي
فاطمة : و الكوبة و الكوبة و الكوبة و الكوبة
دخل علي الغرفة الطعام : ها ها ها ها على منو و الكوبة
فاطمة : علي العربي على العربي على العربي على العربي
علي : عشت والله و الكوبة و الكوبة و الكوبة
فاطمة اطبل على الطاولة وتقول : و الكوبة و الكوبة و الكوبة على العربي على العربي على العربي
الكل : ههههههههههههههههههههه
مشعل وزياد وطلال عصبوا
زياد : نشوف منو يفوز
فاطمة وهي تقلد المصريين : مفيش شك الاصفر ولا بلاش
جاسم : لا كلام على الطعام
فاطمة : شوف منو يتكلم اللي بالع راديو
جاسم : هههههههههههه
ضاري : و الكوبة و الكوبة و الكوبة و لكوبة
بو عزيز دخل الغرفة : بس شنو هالازعاج
فاطمة راحت عند أبوها : عرباوي OR قدساوي MY FATHER
بو عزيز : دلوعة ابوها شنو تبي
فاطمة : خلاص ابي الصج
فهد : قدساوي اوردي
فاطمة باست ابوها : فديت فهود والله
فهد : يا بقرة اصغر عيالج فهود
فاطمة : لا يبه اقصد فهود ولد عزيز ورآك
لف فهد ما لقى فهد ولد عزيز : تجذبين بعد
فاطمة : رب حيله نافعة ههههههههههه
فهد : ههههههههههه يدكم يبيكم ببيت الشعر
فاطمة : MY GRANDFATHER
فهد : YES
فاطمة : اوه ما يقد شقول الحين
فهد : على شنو
فاطمة بارتباك : NO DADY BET I DON’T GO TO MY GRANDFATHER IN MORNING
فهد : روحي الله يستر عليج
فاطمة : آمين
فهد : رقله وربي رقله
فاطمة : افا
فهد : اقصد دلوعة
فاطمة : افا تبي تكحلها عميتها
فهد : اقصد اممم ... ذلفي
فاطمة : خلك على الي قبلها احسن
فهد : روحي . روحي
فاطمة : اخلص فطوري الاول
فهد : توج تتهاوشين على قدساوي وعرباوي
فاطمة : بابا هذا تحاور مو تهاوش
فهد : تهاوش ها اقول الله يعين المرضى الي راح تعالجينها
فاطمة : ههههههههههه
رنا : قول الله يعن المستشفى راح تروح أرباحا على الغرامات
الكل : هههههههههههه
فاطمة وهي تشرب العصير : خلصت
رنا : هي تشرب العصير وتأكل وتقول خلصت كملي بعدين روحي
فاطمة : الدايت يا بقرة ورانا عرس
رنا : أي عرس
فاطمة : عرسج
رنا: جب يا بقرة
فاطمة : والله انت غبية عرس منو عرس ضاري
رنا : اها
فاطمة : نظارتي استاذ عزيز يمك
عزيز : ذوق الفارة
فاطمة : عطني وانت ساكت خالة عيالك هذي
عزيز : الفارة والله للحين اذكر قبل كنا لما نقولها تبجي
فاطمة : اسراؤه يقلط على اختج وساكتة
اسراء : انا متهاوشه معاها خل يسب فيها
فاطمة : الله على اخوه الله
اسراء : عشان انت ما عندج خوات بس والله الخوات بس يتهاوشون
فاطمة ما تحب احد يقولها ما عندج خوات اهي ما فيها شي بس فاطمة ما تحب
فاطمة : من قال ما عندي خوات انا عندي وعند وايد اولهم اموله ومهاوي والشلة وانت يالدبه ما اشوف اتهاوش معاهم وايد
اسراء حست انها اجرح فاطمة : ام انت طيوبة عندج مثال جدامج مرام ورنا ما يمر يوم ما يتهاوشون
مرام : بهاذي صدقتي
فاطمة : يدي نسيته باي
الكل : باي
فاطمة راحت ليدها سلمت علية وقعدوا يسولفون
يوا البنات والشباب الى احمد وضاري فوق يكلمون واحد معاهم بأمريكا
اشواق : رنا وين سلة الحلو
رنا : فوق بالدار
اشواق : قومي يبيها
رنا : يوه يمه مالي خلق
اشواق : قومي
فاطمة : خالتي انا بصعد بيب الكاميرا وايبها
رنا عطت فاطمة بوسة طايرة : ربي ما يحرمني منج
فاطمة : مصلحة
رنا : قولي اللي تبين المهم تبينها
فاطمة راحت تيب الكاميرا من فوق
وهي تركض على الدرج صدمت بأحد خل توازنها بس الشاب كان اسرع منها مسكها من خصرها فصار راس فاطمة على سدره
: سمل عليج
فاطمة رفعت راسها : ا...ح...م...د
أحمد : عيونه
فاطمة حاولت تبعد عنه بس هو ماسكها حيل
فاطمة : ممكن توخر شوي
احمد ابتسم وهمس في أذنها : احبج وربي احبج
فاطمة : ممكن توخر
احمد : قبل لا أواخر بقول شي انا اليوم اسعد خلق الله
فاطمة بعصبية : ممكن توخر لو سمحت
احمد : تفضلي
فاطمة اصعد الدرج تركض
احمد : ابيك بالحلال
فاطمة سمعت أحمد لما يتكلم
فاطمة بنفسها "وانا ما ابي غير الحلال"
ضاري نزل شاف فاطمة : فطوم شفيج فاطمة هي ون رحتي
فاطمة : ها لا معاك
ضاري : اقصد ايدي
فاطمة : وخر عني
ضاري : انزل ليدي احسن
شنو راح يسير من احداث بين احمد وفاطمة
وهل زواج ضاري راح يتم
وهل لمياء هذي بيكون لها دور بالقصة
الجزء الرابع
وهي تركض على الدرج صدمت بأحد خل توازنها بس الشاب كان اسرع منها مسكها من خصرها فصار راس فاطمة على سدره
: سمل عليج
فاطمة رفعت راسها : ا...ح...م...د
أحمد : عيونه
فاطمة حاولت تبعد عنه بس هو ماسكها حيل
فاطمة : ممكن توخر شوي
احمد ابتسم وهمس في أذنها : احبج وربي احبج
فاطمة : ممكن توخر
احمد : قبل لا أواخر بقول شي انا اليوم اسعد خلق الله
فاطمة بعصبية : ممكن توخر لو سمحت
احمد : تفضلي
فاطمة اصعد الدرج تركض
احمد : ابيك بالحلال
فاطمة سمعت أحمد لما يتكلم
فاطمة بنفسها "وانا ما ابي غير الحلال"
ضاري نزل شاف فاطمة : فطوم شفيج فاطمة هي ون رحتي
فاطمة : ها لا معاك
ضاري : اقصد ايدي
فاطمة : وخر عني
ضاري : انزل ليدي احسن
وراحت جناح البنات تيب الكاميرا والسلة
ونزلت ولبيت الشعر فاطمة حطت السلة على طرف
منى : فطوم دوري بالسلة بعدين حطيها
فاطمة بدون نفس : انشالله ماما
بدت من يدها بعدين ابوها وعمامها بعدين الحريم واوصلت عند الشباب كان احمد وضاري قادين يم بعض فاطمة عطت احمد احمد طالعها وابتسم
وعطت ضاري وبعدين البنات وخلت السلة واقعدت
يدها : وين الكاميرا
فاطمة : هذي اهي يدو
يدها : صوري شاطرة
فاطمة : انشالله ... صورة القاعدين فيديو
رنا وهي ماسكة بطل ماي انه ميكروفون يعني : احم احم نقدم لكم أعزائي المشاهدين اجمل لقطات من رحلة عيال الجد الراشد للمزرعة نعرفكم بالجد عبد الله الراشد
كيف الحال يا الجد
بو فهد : الحمد الله بخير
رنا : ما رأيك بجو المزرعة
بو فهد : انه جو ولا احلى
رنا : اها الحمد لله رب العالمين
فاطمة لفت الكاميرا عليها : امحق مذيعة
رنا : كيف الحال يا عم
بوعزيز : بخير دامج بخير
رنا : ما هذه المزرعة الجميلة
فهد : ههههههه
رنا : ما رأيك في برنامجنا
فهد : وما اسم برنامجكم ههههههه
رنا : امممممم اسمه امممممممممممم اسمه لقطات وراحت حق ابوها
رنا : كيف الحال يا ابتاه
حسين : ههههههههههههههههههه الحمد لله يا بنتاه
فاطمة لفت الكاميرا : أحب الفصحى انا
رنا : عساه دوما يا رب
(طبعا الكلام الي تقوله رنا كله باللغة العربية الفصحى)
أحمد : أستاذة رقله قعدي ولي يرحم والديك مانبي تقديم الخايس
رنا : الحين انا رقله يا معفن
احمد : انا معفن الحين انا حبيبتي معاي أكبر شهادة من أمريكا وقدمت الماجستير عن قريب تقوليلي معفن
رنا : معفن ومغرور بعد
احمد : محتره
رنا : هذا انت وهذا فاطمة الغرور يمشي بدمكم
فاطمة عطت الكاميرا حق مرام
فاطمة شهقت : هأأأأأأأأأ انا مغرورة رنوه
رنا : أي
فاطمة : ويعي انشالله بذمتكم انا مغرورة
ضاري : الصراحة فطوم فيج نسيبة غرور
فاطمة : جم بالمية
ضاري : امممممم 40 %
فاطمة : خلاص اذا انا مغرورة فيا بخت الغرور فيني
الكل : هههههههههههه
رنا : شفتي هذا غرور
فاطمة : لي الحق اكون مغرورة وانا بنت الراشد
فهد : لا بنت الراشد على راسها ريشه
فاطمة : yea you see their wits
فهد : أي أشوف انج بنت مثل كل البنات
فاطمة : افا يبه انا بنتك مثل أي بنت كل هالجمال والدلال والطول و الحلاه مثل كل البنات
فهد : ابصم بالعشر اذا سو مسابقة لملكات الغرور تاخذين المرتبة الاولى
فاطمة : مع مرتبة الشرف
الكل : هههههههههههه
ضاري : يبه انه فاطمة حلوة فاٍهي حلوة ومغرورة لها الحق لانها اخت ضاري فهد الراشد
فهد : كملت
الكل : ههههههههههه
فاطمة : اصلن انا شافني براد بيت وخطبني على هالحاله بس انا ما رضيت
رائد : ليش ما رضيتي انشالله
احمد عصب من داخل وده يقوم يذبحها
فاطمة : قلت اولا : متزوج
ثانيا : مسيحي
ثالثا والاهم : ممثل 10 ملاين بنت الطالع فيه قلت لا . لا . لا انا الي بأخذ لي بروحي انا وبس
الكل : ههههههههههههههه
بو فهد وهو حابس الضحكة : اخطبج ها قومي عن ويهي
فاطمة : why جدو
بو فهد : والله بنات اخر زمن
فاطمة : تخيل يدو وافقت عليه شنو تسوي
بو فهد : اعلقك انت وياه بالبنكة وشغلها وتموتين
فاطمة: الله واصير شهيدة الحب ليلى
بو فهد : قومي شهدة عليه جنانوه انشالله
فاطمة : حرام يدو متزوج وعند عيال و وايد يحبونه اولهم انا
بو فهد : تحبين هذا المسيحي
فاطمة : أي
بو فهد : ويعي حبج ربج انشالله ورفع العصا
فاطمة : ياك الموت يا تارك الصلاة قبة
وقامت تركض بعد خمس دقايق رجعت
بو فهد : برد يت ها
فاطمة : هههههههههههه برد يت يدي براد بيت
بو فهد : طاح عليه سقف بيته انشالله
فاطمة : بل بل بل يدي شهل دعوه
بو فهد : خل يولي
فاطمة : يدو بعد كاكا خطبني عاد يدو كلش ولا كاكا لا تدعي علية
بو فهد : ومنو يطلع كاكا هذا
فاطمة : لاعب كرة ولا اروع
الكل : ههههههههههههههه
احمد شبت نار بصدره
بو فهد : خليتي احد قلتي ما خطبني
فاطمة : ايه
بو فهد : ومنو الي امه تحبه هذا
فاطمة : إلى أمه تكره لان ما خطبني انت يدي
بو فهد : عمه بعينج انشالله قومي
فاطمة : ههههههه يدو
بو فهد : نعم
فاطمة : ليش معصب
بو فهد : تقول ليش معصب بعد تدرين ذبحج حلال
فهد : من زمان يبه
فاطمة : من زمان ها
خذت سجينة الفواكه وقربتها من رقبتها (مينونه)
فاطمة : ورني شلون ذبح حلال
منى : يا المينونه حطي الشجين انت مو ياهل
فاطمة : لا مو ياهل بس ذبح حلال
بو فهد : حطي السجين
فاطمة : مابي مو تقول ذبحي حلال
فهد : يا بنت بلا جنون
فاطمة : جم تدفعين
بو فهد : اظن انها روحج مو روحنا
فاطمة : سيارة BMW x 6 السجين اهدها وصلها المريخ بعد
فهد : غطيها وانت ساكته
رائد : فطوم قطيها
فاطمة : لا سيارة اهدها
ام فهد : فطوم ويع هديها
فاطمة : تو تو تو
ام فهد : هديها يا مينونه
فاطمة : انزين انزين
حطت السجين بسلة الفواكه وهي قاعدة تحطها رفع جم بلوزتها شوي
بو فهد : هأأأأأأأأأأأأ فاطمة شنو هذا
فاطمه بلعت ريقها : شنو يدي
بو فهد : هذا الاحمر شنو
فاطمة بارتباك باين : هذا امس لابسة اساور ضاغطة على أيدي فصارت حمراء
فهد: اكيد
فاطمة : أكيد بابا
اشواق : تعالي اشوفها
فاطمة : مالا داعي خالتي
اشواق : تعالي
فاطمة : انشالله
راحت عند خالتها
اشواق : هأأأأأأ فاطمة هذي حمرا حيل
منى : أشوف شنو هذا
فاطمة : خالتي الاساور نمت فيهم (امحق صاروخ قطيته يا فاطمة)
اشواق تهمس في أذن فاطمة : فاطمة هذا مو أساور
فاطمة : عيل شنو خالتي
اشواق : جنها حبال ملفوفة على ايدج حيل
فاطمة : لا خالتي حبال من وين بتي
اشواق : انت ادرى
فاطمة : لا خالتي أساور
اشواق حركة كتفها : يجوز
فاطمة : خلتها و أرجعت مكانها
وقعدوا سوالف وضحك لي الساعة 11 الضحى
رائد : طومي قومي تلعبين خيل
فاطمة : أي يالله
قاموا وقامت معاهم رنا وفجر مي راحوا مسبح البنات
في الاسطبل
فاطمة : خالو سويت مع زوجتك ما كلمتها
رائد : لا تتصل وما أرد عليها
فاطمة : ليش
رائد : مالي خلقها
دق تلفون رائد : لو طاري المليون ما ياني
فاطمة : هههههههههههه عطني انا ارد نشوف الغيرة
فاطمة : الو
زوجة رائد : ابو هادي تلفون رائد
فاطمة : أي منو انت
زوجة رائد : انت الي مين
فاطمة : انا فاطمة
زوجة رائد : فاطمة مين
فاطمة : انت المتصلة وتسألين
زوجة رائد : وليك انت مين فين رائد
فاطمة : رئود كاهو حبيبي يمي
زوجة رائد : حبتك عاربه (عقربة)
فاطمة : تو تو تو شنو هالافاظ
زوجة رائد : وليك عطيني رائد
فاطمة : ما بدي
زوجة رائد : عطيني اياه وانت باحترامك
فاطمة : شنو راح تسوين
زوجة رائد : بسوي اشيا ما خطرت على بالك
فاطمة : رائد رائد حبيبي رئود قوم اقعد من النوم شوف النسرة هذي
زوجة رائد : وليك انت مين
فاطمة ما قدرت التحمل : ههههههههههههههه
زوجة رائد بعصبية : ضحكتي بلا اٍسنان انشالله
فاطمة : افا هذا وانا اقنع زوجة ينشر زواجكم
زوجة رائد : مين انت
فاطمة : لين صح اسمج لين
لين : أي نعم انت مين
فاطمة: الله يسلمج انا بنت اخت رائد رائد خالي مو حبيبي هههههههههههه
لين : انت فاطمة بنت اخته ولي شلون نسيت ان له بنت اخت اسمها فاطمة
فاطمة : ههههههههههه وحطت سبيكر
لين : ليش تسوي فيه هيك ألبي كان بدو يواف
رائد : سلامة قلبج يا روح رائد
فاطمة : احم احم ترى موجوده
رائد : هههههههههههه
لين : رائد
رائد : نعم
لين : انشرت زواجنا
رائد : لا بس قلت لفاطمة
لين : فاطمة انا بورجيها والله كنت بروح بشربت مي
فاطمة : ههههههههههه افا يا مرت خالي جذي شوفي منو يساعد ريلج على نشر الزواجكم
لين : هههههههههههه
رائد : لين وين فارس
لين : نايم امس ما نام الي الفجر
رائد : ليش ما نام الى الفجر
لين : لا ولا شي بس سهر على التلفزيون
فاطمة : خالو فارس جم عمره
رائد : 7 سنين
فاطمة : ما شالله
لين : رائد متى ترجع
رائد : ما ادري
لين : بليز رائد ارجع بسرعة
رائد : يسير خير
فاطمة : لين على الاسبوع الياي رائد عندج
رائد طق فاطمة على كتفها
فاطمة : عدلي وبخري الشقة ها ولا اقول جهزي شنطتك وشنطة فارس راح تين الكويت
رائد : هي هي بكيفج قررتي
فاطمة : انزين وهاج رقمي متى ما تبين اتصلي انشالله الساعه 5 الفجر ترى اشهر
لين : ههههههههههه
وعطتها الرقم
لين : رائد
رائد : نعم
لين بخبث : بجهز الجناط
رائد : جهزي
لين استانست
رائد : لين لا تستانسين وايد بعدني زعلان
فاطمة : استانسي استانسي ما لج دخل ترى خالي وعرفة يزعل ويرضى بسرعة بعين تعال توك سلامة قلبج يا روح رائد
رائد : انتي مالج دخل
فاطمة : لين الله بلاج بواحد عصبي
لين : يقبرني هو وعصبيته
فاطمة : الله الله
رائد : لين باي
لين : باي
فاطمة : شكلها وايد طيوبه
رائد : موووت مسكينة حتى وانا اللي مزعلها تي تراضيني
فاطمة : الله يهنيكم
رائد : يالله انا طالع بره ركبي ميو (خيل فاطمة الثاني) وتعالى
فاطمة : اوكي
طلع رائد شوي ودخل احمد الاسطبل
احمد : ممكن اعرف شنو الكلام الي قلتيه
فاطمة : أي كلام
احمد : براد بيت و كاكا اخطبوج
فاطمة : وشفيها يعني
احمد : تقولين اخطبوني وتقولين بكل برود شفيها
فاطمة : اظن انت مو ابوي و امي تي تحاسبني
احمد : بس يا شاطرة انا حبيبج اقدر وأي احاسبج
فاطمة طالعة بنص عين : ههههههه
احمد : ما قلت شي يضحك
فاطمة : أحنا كنا نضحك
احمد : هذا الضحك ما احبه
فاطمة أركبت ميو واطلعت وصلت لي باب الاسطبل
احمد : فاطمة
فاطمة : نعم
احمد : لما اكلمج ما تخليني وتمشين
فاطمة : احمد تراك مكبر المسألة وايد
احمد قعد يطالع عيون فاطمة
احمد : حبي ما اتخيل انج تكونين لغيري حتى لو بالغشمره
فاطمة سكتت ما قالت ولا كلمه
دخل ضاري
ضاري : احم احم
فاطمة طالعة ضاري ومشت
فاطمة بداخلها : انا غبية ليش قلتله اني أبادله نفس الشعور لو مو قالتله ما حطيت نفس بهالموقف بس والله يا احمد احبك و اموت بحبك
رائد بصوت عالي : فطوم فطوم
فاطمة بصوت عالي لأنه بعيد : نعم
رائد يأشر لها تعالي
فاطمة اركضت بالإحصان لي عند رائد
رائد : مراموه تقول رفيجتي اتصلت
فاطمة : منو
رائد : بومبه
فاطمة : دانة
اركضت بالخيل لي الاسطبل حطت مايو وراحت مرام تاخذ تلفونها
فاطمة: مرام وين تلفوني
مرام : هذاك اهو هناك
فاطمة راحت لقت 5 مس كول كلها من دانة : اكيد صار شي بينها وبين محمد
دقت على دانة
فاطمة : الو (كانت حاطه سبيكر ومها يمها)
دانه : الو يا خرة ليش ما تردين
فاطمة : دانوه شفيج صار شي بينج وبين محمد
دانة : فطوم شفيج لا ما صار شي بيني وبين محمد
فاطمة : تراضيتو
دانة : أي الحمد الله
فاطمة : اف ريحتني يت اركض من الخيل لي بيت الشعر تعبت
دانة : فاطمة خلي دواج يمج
فاطمة : دانوه صرتي امي وخالتي انت الثانية
دانة : فاطمة انت فيج الربو كافي العطور القوية الي تحطينها
فاطمة : دانوه مالج دخل صحتي وبكيفي
دانة : صحتج وكيفج ها فوق الستين مرة قلتي هالكلمه وانا اسكت ما همج شي يا فاطمة ارجوك ما تكلمني ثاني مرة واعتبري صداقتنا انتهت من اللحظة هذي باي
فاطمة : باي
وسكرت السماعة
مرام : فطوم شفيج معصبة
فاطمة : دانوه الخره تبط الجبد
مها : فاطمة بس عاد الحين دانوه خايفه على صحتج
فاطمة : قلت لكم صحتي وبكيفي اخذ الدوا ما أخذه كيف لي تعبت هذيك الساعة اخذه
مها عصبت : انت ما يفيد معاج شي لما تروحي من بين أدينا يالله
فاطمة خلتهم وراحت غرفتهم فوق
فاطمة خذت لها ملابس ودخلت داخل الحمام (تكرمون)
فكت الدش وخلت الماي ينزل وترسة البانيو رغوة انزلت فيه
فاطمة : يا ربي ألاقيها من وين ولا من وين من دانة ولا منها ولا أحمد ولا المرض الزفت الربو
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك