بارت مقترح

رواية لافارقك خلن توده وتغليه -6

رواية لافارقك خلن توده وتغليه -غرام

رواية لافارقك خلن توده وتغليه -6

الجزء (الثالث)
نجود : مشالله عليها عهد طالعه قمة على قمة بس مدري ليه ماحطت ميك أب
العنود : ايه والله مشالله عليها حتى بنات خالتها يجننون
نجود : اوما ام تركواز هاذي خياليه حتى رقصها ياناس ماشوف ولاحركة منها الاتذكرني بتركي
العنود : انا اعجبتني اللي لابسه توتي تحسين انها سوريه مو سعوديه
نجود : يمكن امها سوريه خخخخخخخ
البنات يباركون لعهد
شوق : الف الف مبروك منك العيال ومنه المال هههههههههه
رشا وهي تطقها بكوعها : مشالله عليك اسلوب العجايز ملاحقك ماثره عليك امي سوير
فجر : بنات جهزوا عباياتكم سطام بعد شوي بيدخل
عند الرجال 000
بندر وهو يدخل ويجي عند العريس ويسلم عليه ويبارك له
ابو بندر وهو يجي عند ولده معصب : وينكم انتم تأخرتوا الرجال شوي الا بيزفونه وينه تركي ماشوفه
بندر : حيلك علي يبه ليه تأخرنا لان تركي تعب ووديته المستشفى وليه ماجاء لانه اللحين ياخذ مغذي
ابو بندر لاااانت ملامحة : تركي فيه شي ؟ وليه ماقلت لي على طول وهو وش فيه بالضبط
بندر : هد بالك يبه تركي مافيه الا العافيه بس شكله اكل من هالمطاعم وجاله تسمم بس ماعليه عدت على خير
ابو بندر : والله اني قايله الولد مهوب عاجبني وعايش على اكل المطاعم من بكرة تجيب العمال يشطبون خلاص على الملحق
بندر : امرك يبه
ابو عهد يجي : هلا والله بندر
بندر وهو يسلم عليه : هلا والله ابو عهد مبروووك مبروووك وعقبال ماتشوف عيال عيالهم
ابو عهد : الله يبارك فيك والفال لك انشالله الا تركي وينه ماشوفه
بندر : اعذرة يابو عهد تركي تعيبان شوي
ابو عهد : مايشوف شر انشالله على اني والله كان ودي انه جاي
ابو بندر : يالله خيرها بغيرها
سطام بالقوة ضابط اعصابه وده يوقف هالمهزله عهد حبيبة قلبه ماتستاهل وده يصررررخ ويقول انا مااصلح لها خلوها تروح بحال سبيلها يحس انه ناقم على ابوه ناقم على العالم ناقم على الظروف اللي حوله كلها مايدري كيف بيتصرف معها كل اللي يعرفه انه يحبهاااااا مووووت لو كان بظروف غير كذا كان خلاها اسعد وحدة بحياتها كان هو بنفسه بيصير اسعد انسان على وجه البسيطة يااااااربي الهمني الصبر يااااااربي الهمني الحلم يااااااربي ارزقني السلوى عن الاحزان ياربي ماقول همي كبير اقول ياهم ربي كبير اااااااااه الطف بس يارب وخفف عني مابي وهو يتنهد بصوت مسموع وموجوع
متعب : ماقلت لك لي جلسه معك وبتصير مطوله بعد يالله ياعريس وقت الزفه مهما كان اللي فيك ابتسم عروسك مالها ذنب
سطام وعيونه تنطق ألم : انشالله
عند الحريم 0000
كلن لبس عباته وتجهزوا لان زفة العريس اللحين
يدخل سطام مع ابوه وابو عهد يمشي مشيه ملك نظرته قويه وطلته طاغيه على المكان وفوق كل هذا وذاك جماااااله الطاغي
عهد في مكانه ترتجف المسكينه وهي تشوف سطام كل ماله وهو يقرب وعلى شفاته اعذب ابتسامة ممكن تشوفها على احد
سطام لما قرب شاف اجمل ملاك ممكن تشوفه عيونه ( ياربي وش هالملاك اللي اشوفه ليش يزيد عذابي عذاب هالبنت والله ماتستاهل فديتها وفديت طلتها )
قرب سطام وقبلها على جبينها وسلموا عليها اهلها وامها كانت معها وبعد ام سطام معهم
وتمت مراسم الزواج وماكان فيه أي شي مو طبيعي قدام الناس وراحوا المعاريس على الغرفة اللي خاصة فيهم عشان التصوير
وبين كل هذا وذاك كانوا شوق وغلا يراقبون الوضع ويرصدون كل تصرف يطلع من سطام
غلا : والله انك كذابه سطام مبسوط ومستانس بعد مو باين عليه شي
شوق : حمدلله والشكر اجل تبينه يقول وسط الناس مابيها والا يسوي أي حركة قدام هالعالم كله
غلا : ايه والله صادقة بس ماقول غير الله يعين عهد على اخوك
شوق : ماهو من زين المخ اللي عندك صار تفكيرك كذا وبعدين ترى سطام حبوب واول مايقعد مع عهد بينسى كل شي قاله
غلا : ايه اخوك وانتي ادرى به
عند المعاريس 0000
المصورة تطلب بعض الوضعيات وقاعدة تواجه اعتراض من الطرفين عهد وترفض وهذا شي طبيعي للبنت انها تستحي اما سطام فلو كان بوضع طبيعي كان ماحد قدة بس مايبي يتعذب كل ماقرب لها او لامست يدينهم بعض
بعد ماطلعت المصورة منهم وهي مستغربه اعجب عريسين مروا عليها طفشوها مرررره
سطام وهو يحاول يتحاشى النظر في عيونها اللي انجبر كذا مرة يناظرها اثناء التصوير : امممممم ممكن تبدلين اللحين لان احنا طيارتنا بعد شوي
عهد هذا اللي قدرك ربي عليه وبعدين ياربي وين سفر اللحين وين بنروح ياااااربي حدي خايفه : انشالله
سطام بنص ابتسامه : كل هذا تفكرين عشان تقولين انشالله تطمني بنسافر ماليزيا ماراح نبعد مرة
عهد اكتفت بابتسامة عذبه ذوبت قلب سطام وزادت عذابه عذاب
سطام وهو يلتفت بيطلع: يالله اخليك على راحتك ( يااااااااالله ياربي الهمني الصبر ابتسامتها بلحالها سالفه الله يعين قلبك علي ياعهد )
جت ام عهد وشوق يساعدون عهد انها تنزل الفستان وتبدل
ام عهد : هاه يمة مرتاحة انشالله
عهد اكتفت بهز راسها كجواب على امها
شوق بعبط : عسى ماقالك بس سطاموه شي يضايقك انتي علميني بس وانا اوريك فيه
عهد ابتسمت بالغصب : ابد اذا سوى شي على طول بقولك تورينه شغله
شوق : ايوه كده يابت ابتسمي وئولي يارض اشتدي مافيه عليكي ائدي
هنا ام عهد وعهد ضحكوا غصب عنهم على اسلوب شوق اللي تغير فجأه
نجلا وهي تكلم فهد : طيب ماينفع بالتلفون
فهد بحماس : لا ماينفع تعالي بسررررعه نجووول ولك اللي تبين
نجلا: لو ادري بس وشو هالشي اللي مصر تعرفه ومني انا بعد
فهد ( والله ماتدرين وش سوت بي السوريه ولو الود ودي كان شفتها اللحين ) : انتي تعالي وتعرفين وبعدها اطلبي اللي تبين
نجلا : لااااااازم استغل الموقف احسن استغلال عشان كذا بتمشينا احنا يالبنات كلنا وين مانبي بالرياض قبل مانمشي للديره
فهد ( اذا كانت شوق معكم ياغالي والطلب رخيص ) : اوكي صار من عيوني
نجلا وهي مو مصدقه : جددد قول والله
فهد : بزر عندك انا تحلفيني يالله بس تعالي عند بوابة القاعه
نجلاا طيران تركض تروح عند البوابه ماودها تفوت فرصة عمرها
سطام وهو يناظر خالته : هاه جاهزة عهد
ام عهد : ايوه يمه بس هاه دير بالك عليها ولاتأذيها ترى عهد غاليه علينا وحيلتي من الدنيا كلها
سطام وكأن خالته تنبهه على اللي راح يصير : انشالله لاتوصين حريص عهد بعيوني
وبعد وداع حااااار وأثر في سطااام كثير وعرف قد ايش عهد حساسه من وداعها لامها وبعدها تسهلوا
طبعا المعاريس راحوا واللي وداهم للمطار سيف
القاعة فضت من الناس وماصار فيه الا الناس القراب بس من جهة اهل العريس واهل العروسه
ابو متعب : روح يامتعب جيب جدتك هاذي هي عند البوابه شكلها تعبت واجد اليوم
متعب : انشالله يبه
متعب واقف جوا القاعه عند البوابه يعني فيه ممر عند البوابه وحاجز يغطي على اللي جوا
وهو يحاول يدق على وحده من خواته جاء ولا لقى جدته فجأه سمع صوت عذب يقول
نجلا : شبيك لبيك نجلا بين ايديك اطلب يافهـ...
هو كان معطيها ظهره ويوم لف عليها وشافها انربط لسانها وانشلت حركتها لاهي اللي انحااااشت ولاهي اللي كملت كلامها
متعب شاف بنت سمرا عيونها عسليه وسااااع قمة بالجاذبيه يعني مو جمال قد ماهو جاذبيه وعرف انها نجلا من كلامها وده يروح يضمها يداوي جروحها اللي سببها لها يعرف انها تتألم من كل هالتأجيل وده يبرر لها وده يقول لها شكثر يحبها شكثر هو مشتاق لليوم اللي يجمعهم سوا بس ماباليد حيله وده يقولها عن سعود يسولف لها عنه تشيل بعض همة معه
نجلاا هذا متعب وش جابه طيب وفهد يااااااالله يامتعب هذا انت جامد ماتغيرت وشكل مشاعرك بعد جامده بس ماكون بنت محمد ان مارديتك زي مانت تردني اللحين واول معرس بيجي بوافق عليه وكله عشان تعرف ان انت مو مرغوب عندي
متعب قرر يبرر لها : اممممم نجلاا
نجلا في هاللحظه استوعبت هي من اليوم واقفة عند من على طووول استداااارت وانحاشت
متعب قفلت اخلاااااقه ياااااااااااااااربي وش بغيت اسوي انا وش بغيت اقولها .. اقولها انا انتظر سعود يجي ويزفك لي بتقول مجنون انت تنتظر ميت الحمدلله انها انحااااشت بس وبعدين امي سوير وين راحت بسسس اوووووه
نجلاا واخزياااااه كل هذا من فهووود وانا بعد ماصدقت على الله جايه اركض شبيك لبيك اجل ياااااربي ايش بيقول عني اللحين وهي تمشي وتمر على مرايات كبيرة وتناظر شكلها باعجاب امممم بس شكلي طالع جونااان اسم الله علي والدليل انه كان يناظرني بفهاوه .. يعني انا اللحين اللي مافهيت فيه اووووف ياااااربي .. بس اهم شي انه نسى عمره لما شافني وبعد اللي احسن من كذا اني راااح ارده ولا راااح اتزوجه لو على جثتي عشان يعرف قدري
رشااا : هههههههههههااااى نجلا شعندك مفهية بشكلك لايكون عاجبك بس خخخخ
نجلا : اكيد بيعجبني مو شكلي يالخبلة
رشا : والله انتي ماخذه مقلب كبير في نفسك ... اووووه نجووول لايكون طلعتي
نجلا وهي تغطي على نفسها : لا ماطلعت بس بطلع اللحين ليه ؟
رشاا : اشواا لا لاتطلعين متعب برا ينتظر جدتي
نجلا : اهاا
ام سطام محد قدها اليوم زوجت اكبر عيالها واول فرحتها وكذلك ابو سطام اللي ينتظر هاليوم من زمان اما الجده زواج اول احفادها ماغيب عنها الغايب من عشر سنين ولا غيب عنها مشكلة متعب اللي راح تتدخل بنفسها فيها لو اضطرت وطول الموضوع اكثر من كذا
الجده راحت مع متعب للبيت وفجر راحت معها لانها تعبت وبعد لانها مستحييييل تفارق جدتها
غلا ورشا وهم رايحين للبوابه يشوفون اهلهم جوو والا لا
غلا : اقول رشو طالعة جونان اليوم
رشا : اكيد مو انا رشا لااازم اطلع اجنن بس برضو انتي بعد طلعه عذااااب ( وهي تحط اصبعها تحت عينها وتسحبه لتحت )
غلا : مايحتاج تقولين بس تصدقين لو يشوفك فهوووود ينهبل عليك تضيع كل علومه
رشا : باللهي غلا سكري هالسالفة اللي حيل تاعبتني ترى اخوك هذا لو على جثتي ماخذيته
غلا : انا ودي ادري انتي ليه كارهه اخوي
رشا : ياغلا ياقلبي افهمي انا ماكرهه كل اللي اقوله اني مستحيل اتخيلة كزوج بمعنى اني اشوفه زي ماشوف متعب وسيف
غلا : طيب بعد الزواج بيتغير كل هذا
رشا : غلاوي تلعبين على من انتي هذا اول نتغير بعد الزواج احنا في زمن غير عن اول وبعدين تحسبين اني ماحاولت لا والله حاولت بس كل ماتخيل فهد كزوج مااقدر مخي مايستوعب والله
غلا : الله يعينك على مخك بس خخخخخ
وصلوا عند البوابه
غلا : رشوو ارجعي ارجعي فهد هنا
رشا توطي صوتها : لايكون سمعني بس
غلا بنفس النبرة : لا ماعليك انا ناظرت وجهه مابين عليه شي
رشا : اوكي بدخل جوا انا
غلا : هلا فهد من زمان انت هنا ؟
فهد : لا بس انا قلت لنجلا تجي ومابعد تجي
غلا : مدري شفتها توو راجعة من هنا انت شفتها
فهد : لا بس مايخالف انتي تسدين مكانها
غلا كبر راسها فهوود محتاج لها : امر ياستاذ فهوووودي
فهد : استاذ ومقبولة بس فهوودي بعينك اصغر عيالك انا
غلا : يالله عاد عطيتك فييييييس اخلص علي
فهد : اقول تراني واعد نجلا امشيكم بالرياض بس عشان احترامك لاخوك اللي اكبر منك بخليك ماراح اخذك معي
غلا طارت دام فيها طلعه : خلاص خلاص استاذ فهد اخوي الغالي
فهد وعرف لغلا وكيف يسحب منها الكلام : اقولك بتروحون معي انتم يالبنات ولا كل وحدة مع ابوها
غلا باستغراب : انت تبي تودينا ؟؟
فهد يحاول يسوي نفسة طبيعي : ايه ليه ماتبون ؟
غلا بااوسع ابتسامة : الا نبي اجل بروح ابشر البنات
فهد وهو يطلع ويحب يده وجة وقفا ويقول حمدلله هالبنت ماراح تعقل طول عمرها
في الطيارة 000
عهد ( اللي اعرفة عنك ياسطام ان انت مو من النوع الهادي او الساكت اغلب الوقت ياترى ايش فيه )
سطام ( ياااااربي من عهوده بتجنني ماشالت عينها من علي كنها تقول وش اللي صابك ياسطام ) : امممم قد رحتي قبل لماليزيا
عهد : لا
سطام : حلوه ماليزيا بس هالمرة بتصير غييييير دامك معي
عهد ردت بابتسامة خجوله ذوبت قلب سطام
ابو بندر : هاه ياتركي تونس شي اللحين
تركي : مابي الا عافية ربي ياعمي بس لاتكبرون الموضوع
ابو بندر : كلة من هالمطاعم اللي مدري وش حادك عليها وخالتك ام بندر موجودة
تركي : تسلم ياعمي
ابو بندر : على العمووووم بكرة تلقى الملحق جاهز مما جميعه وترجع مثل اول مابي الطلعات هاذي اللي من اول النهار لين ماترجع الا اخر الليل
تركي بارتياح : انشالله ياعمي والله لو اقعد طول عمري ارد في جمايلك ماوفيتها
ابو بندر : ووالله ياتركي انك عندي مثل بندر وسعد وان سمعت زي هالكلام ووالله اني لازعل منك زعلة مابعدها
تركي : كلش ولا زعلك ياعمي
ابو بندر : يالله اجل اتركك ترتاح تصبح على خير
تركي : وانت من اهله ياعمي
بندر وهو طالع من دورة المياة بعد الشور اللي اخذه : واالله ياتركي اخذت الغلا كله حتى امي قلقانة عليك
تركي : امك وابوك وانت وخواتك الله يعلم انكم اهلي اللي ماعرفتهم
بندر بملامح جامدة : وسعد
تركي برحابة صدر : وسعد بعد اخوي الصغير
بندر : والله طافك هالزواج شي مرتب ولا زحمممممة حيل حيل كن اهل الرياض كلهم معزومين
تركي : اكيد ابو عهد شخصية معرووووفة والكل بيلبي دعوته وخص نص ان هالزواج زواج وحيدته
بندر : اقول لاتنسى سطام بعد اشهر من نار على علم
تركي : عاد تصدق عمري ماسمعت به
بندر : سطام هذا ماتعرفة حتى لو ماتعرف انه الضابط المعروف تراه ولد عم فهد
تركي : فهد ؟ أي فهد
بندر : فهد اللي قد جاء الاستراحة قبل كذا اللي جاء مع فيصل ولد عمي
تركي : ايه ايه ذكرته بس ماشفته الا مرتين مرة كان عزيمة كبيرة بالاستراحة وزحممممة المرة الثانيه كنت طالع وهو داخل سلمت ع الماشي وطلعت
بندر : فهد هذا انسان عجييييييب لو تعرفة من قريب وتراه عازمنا فالديرة عندهم من زمان وكل اللي بالاستراحة
تركي : أي ديرة ؟
بندر : ياكثر ماتنح اليوم وياكثر ماتسأل الديرة اللي ساكن فيها فهد تراه ماهو من الرياض
تركي : باللهي اجل قلت الديرة اقول ورى ماتفكنا من فهد والديرة والزواج بكبرة وتخليني انام
بندر : وانا مربطك لاتنام خخخخخ
تركي : لا ظريييف مررررة الصراحة انت مو مربطني بس صوتك العذب يالعندليب قاعد يوز فاذوني
بندر : الشرهه مو عليك على اللي قاعد يسولف معك
تركي : الله يعينك ياتركي على حنة العجوووز اللي عندك بس هانت كلها بكرة وتفتك منه خخخخخ

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -