رواية ماتت فرحتي يوم شفتك -8
هوازن:امم مازن اخوي طيب حاله حال نفسي مدري انا عن نفسي احسه بارد نادرا مااشوفه يبتسم يمكن هذي طبيعته بس انا احترمه بصراحه لانه مايغلط على احد وووبسهتوون:وانتي ايش سويتي وافقتي على سالم والا لا
هوازن:تبين الصراحه انا ماعندي مانع استخرت وانشالله يصير خير
هتون:انشالله
دخلت هيله الغرفه وشافتهم يتساسرووون
هيله :حلو حلو ايش عندهم العرايس
هوازن:اقول ضفي وجهك بس
جات وتين وسمر
سمر:لالالا ياهيله اول اوقف معك بس الحين مااقدر هذي خطيبة الغالي
هوازن استحت وقالت بحيا:اقول بس اطلعوا بنام
وتين:ايش عندها خطيبة الرجل الصامت شكلها بتجيها العدوى وبتصير مثله
هيله:ههههه ايش بيطلعون عيالهم شكلهم على الهزااز
وتين وسمر وهيله:هههه
اخذت هتون المخده ورمتها عليهم
هتون:قومي ياهوازن نروح الغرفه الثانيه مالنا ومال المبزره ذوول
سمر ووتين هيله مازالوا يضحكون عليهم
سمر حست ان هوازن موافقه على اخوها وتطمنت اخذت جوالها على طووول وارسلت مسج لاخوها
جهـــــــــــــــز اللاب توب
وإلا لاقلب راسها عليـــك
مبروووك ياحلى اخــ...
طلعوا هوازن وهتون للغرفه الثانيه حطوا اغراضهم فيها عشان يتجهزون بينزلون للمسبح تحت
شوي والا يسمعوون دق الباب
هوازن:من ادخـــــل
هيا:انا يالله يقولون البنات ترى نزلوا
هوازن:اوكي اسبقينا واحنا وراك
طلعت هتون من الحمام وهي رافعه شعرها ولابسه برمودا اسود وبلوزه حفر موف غامق
اما هوازن كانت لابسه برمودا اسود بعد وبلوزه اسود كات برسومات ملونه
هوازن:يالله اخرتينا ترى البنات سبقونا
هتون:يالله
ونزلوا البنات تحت للمسبح
اول مادخلوا سبق دخولهم اصوات اللعب والصراخ
دخلوا داخل لقوا البنات يتسبحوون ماعدا وتين
هتون:ايش عندها السباحه ماسبحت
وتين:للاسف مايمديني الاشاره حمرااا
هتون:هههههه وانا اقول ليه هشام تاركك تنامين معنا
وتين طيرت عينها : ياقليلة الحيا والله انك ماتستحين انا غير اعلم عليك الرجل الصامت يربيك
هتون:ههههههه امزح يمه اكلتيني بقشوري ياكلمه ورجعي مكانك
وتين:ايوه تعدلي والا ترى مافيه على طووول لاخوي
هيله:هوازن هتون يالله تعالو نتسابق
وتين طفشت من الجلسه لحالها وهم يتروشون قالت اروح اتمشى برى
طلعت من المسبح وطلعت للحديقه برا جلست على الكراسي الموجوده جلست تفكر بينها وبين نفسها
ايش اخر حياتي مع هشام هل بتضل اوضاعنا مستقره او وتنهدت بتعب وتوتر
فاجأتها يدعلى عينها بس هي عرفت من
وتين بهدوء:هشام
هشام بمرح :كيفف عرفتيني
وتين نزلت راسها ماقدرت تقول له انها حفظت ريحته
هشام:ليه جالسه لوحدك
وتين:البنات بالمسبح
هشام:وانتي ليه مارحتي تسبحي معهم
وتين:...
هشام: اه نسيت امممم ايش رايك نتمشى
وتين :براحتك
قام هشام واخذ يد وتين وجلسوا يتمشون
حيــره .. في ذمتي ماني عارف شي .. مدري تبي فرقــاي وإلا تبيــني !!!
**********
عنــــــــــد الرجال
((ســــــــــالم ))
من يوم ماجاه مسج سمر وهو الفرحه مو سايعته يحس انه ملك الدنيا كلها وطول الوقت وهو مبتسم
هاشم:ياابو الشباب ايش عندك مسوي دعاية سجنال تو
سالم يناظره بنص عين:عندك مانع
هاشم:هههه والله شكلك ظبطت وضعك وهو يغمز له
سالم وهو يحك راسه :مايحتاج
هاشم:هههههههه قول من الاول توزيع الابتسامات وراه القلب
سالم:الا وين هشام مااشوفه
هاشم :اذكره راح يجيب القهوه وماجا
سالم:والله تلقاه لقى المدام وسحب علينا
هاشم :ههههه شكله
جاهم وائل ومعاه القهوه
وائل:من جد اخوك ذا محد يوصيه على شي
هاشم: اهم شي جبت القهوه بلا كثرة حكي
وائل : نكالة فيك محروم من القهوه عشان ماتتعدى على اسيادك
هاشم:ياليل ايش يفكنا من الظابط عااد
خلاص حقك على العين والراس سيدي
وائل: احم احم ايوه الحين عاد وهو يصب له فنجال ويمده له =سم
هاشم:سم الله عدوك تسلم
وائل:الله يسلمك
مازن كان جالس مع اعمامه وابوه
ابو مازن: وين العيال مالهم حس
مازن:اذكرهم داخل
ابو مازن:روح نادهم وجيبوا الغدا
مازن وهو يقوم : ان شالله
خالد: اصبر وانا عمك بروح معك
قام خالد ولحق مازن ودخلوا داخل
خالد: يالله قم انت وياه جيبوا الغدا
هاشم: انا بعرف ليه حاطين عمال واحنا اللي نجيب الغدا
خالد: قم بس تعرف ان ابوك وعمك مايحبون العمال يدخلون القسم وبالذات ان البيبان مشتركه بينا وبين الحريم
وائل :نروح بس بشرط نادوا هشام مو هو يتونس وياكل بلوشي وحنا نكرف
خالد: قوموا بس عن الهذره الزايده
انا بروح داخل
طلع خالد ودق على زوجته وانتظر الين جاه الرد
وفاء: هلا
خالد:هلا فيك كيفك
وفاء:ههه توك شايفني بس تبي الصدق
انا مو تمام
خالد:افـــــــا ليه
وفاء بدلع: اشتقت لحبيبي
خالد:لالالا كذا مايصير اطلعي لي انا عند الباب يالله باي
ومااعطاها فرصه ترد قفل وجلس يستناها
شوي والا هي جايته وكانت لابسه
تنوره جنز غامق وبلوزه احمر مفتوح الصدر وعليه بدي اورنج
ومسيحه شعرها
وفاء وهي بابتسامه تقابله: هلا بقلبي
خالد وهو يبادلها الابتسامه ويطبع بوسه على خدها:هلا فيك
وهو يقرص خدها :كيفك
وفاء :تمام
خالد: اجل مارحتي مع البنات اللي صراخهم واصلنا
وفاء:لالا مارحت جلست اجهز مع ام مازن وهناء وام هشام
خالد : الله يعطيك العافيه ياقلبي ولا يهمك العصر نسبح انا وانتي
وهو يغمز لها
وفاء:هههههه هذا اذا طلعوا البنات
خالد: ماعلي فيهم حتى لوفيه
وفاء: انت مجنووون
خالد : ايوه مجنون وفيك بعد
........: انا خابره ان ذا قسم الحريم ولا هو بملتقى العشاق
.........: لا وانتي الصادقه شكلنا بنخليه جسر المحبه
سمر وهي تقرب من خالها وتسحب يده:يالله ياخال عيب كذا اثقل اثقل
خالد وهو يضحك على حركتها:والله يابنيتي مااقدر اقاوم هالقمر
هيله وهي تمسك وفاء: وانتي من تشوفينه تطلعين له تدلعي طنشي مو على طول من قالك تعالي جيتي لاتصيرين سهله
خالد وهو يمسك يد وفاء: تكفوون يارفقاء السوء انتي وهي ايش دخلكم بمرتي
وفاء ميته ضحك عليهم وهي تحب تشوفه مع اهله تحس انه مليان حنان يسع لها ولاهله
وفاء : معليش انا مااقدر بعد اقاوم القمراللي قدامي
هيله: اه ه ه ه ه بس ياعم ماتخبرلي واحد زيك منا منا تراني اعجبك شقرديه
خالد: لا والله مااقدر اخدع اصحابي اخاف يكرهوني بعدين
سمر: احم احم
خالد: وانتي بعد اردى منها لاتحاولين
سمر وهي تحك راسها المبلول: افا ونعم الخال والله
هيله: يالله عن اذنكم ياعصافير الحب لايلفحني الهوى
وفاء: ايوه حبايبي نشفوا شعوركم الجو بدا يبرد الحين
دخلت هيله وسمر وشوي الا جايه هتون وهوازن
خالد: الواحد ماياخذ راحته ابد
هوازن:ههههه اعتقد لكم جناح مو على البيبان
هتون استحت وماردت:
هوازن يالله ترى الغدا بيجهز والا ناوين تتغدون عند الباب
ودخلت بعد هوازن وهتون
خالد: يالله ياقلبي اشوفك بعدين
وفاء: اوكي حبيبي باي
طلع خالد صادف بوجهه هشام ووتين
خالد يصفر لهم:: ياسلام ياسلام من وين جايين
هشام وهو ماترك يد وتين: نتمشى
خالد : الله على ايش موصينك حنا
هشام :اوووه والله نسيت سوري
خالد: سوري وين اصرفها بالله والا من يوم شفت تونا وانت مستخف
نزلت وتين راسها من الاحراج
خالد: احسن بعدي بنيتي خليك كذا والله من اخذك وهو مستخف
هشام: لاتنفخ راسها علينا
وتين تطالع فيه بنص عين
هشام: هاه شف الحين ايش يفكني منها
وتين: بالله ليه بذبحك
خالد:ههههه شكلي ولعتها يالله بس خلنا نشوف الغدا
هشام: روح وانا اسبقك
خالد:لالالا قدامي
هشام: طيب مو انت ولعتها روح خليني اطفيها
خالد:هههههههه اذا كذا ماعليه بس ياوتين عليك فيه
طلع خالد من عندهم وجات وتين بتدخل بس مسك هشام يدها
هشام: زعلانه
وتين: لا
هشام: طيب ابتسمي
وتين بابتسامه بارده: مو زعلانه
قرب منها هشام الين صار لاصق فيها وطبع بوسه خفيفه على خدها
هشام: ابتسمي من قلبك مو تبتسمين عشاني قلت لك ابتسمي
وتين: ابتسمت ابتسامة رضا
هشام: يالله ياحلوه اتركك الحين
دخلت وتين عند الحريم وهشام راح الرجال
ليـــــه احس وانا معك
اح ســــاسي غير
شـ ع ــــــوري غير
ليه احس اني انا
مااني اــ ن ـــا
وان الهوى كله
انـــــا
ليه احس اني هواك
وانك هواااي
وانك ابعد نجمه في
ســ م ــــاي
دخلت وتين الصاله لقت البنات اللي بشعرها منشفه واللي دايخه من اللعب
وتين:هههههه اشكالكم تحف كل ذا تعب
هيله: ههههه فاتك فزت عليهم خمس مرات
وتين: ليتني اقدر كان يمديني سابقتك
هيله: لا انتي عاد محد قدك بالسباحه اشوى انه مايمديك
وتين وهي تجلس: ايوه قولي ماشالله لاتحسديني بس
هيله: الف من ذكره ماشالله تبارك الله
الا صح انسه وتين وين كنتي
وتين: اولا انا مدام مو انسه وثانيا مالك شغل
ام مازن يالله يابنات الغدا جاهز
قاموا البنات لصالة الطعام وكل وحده تسولف للثانيه وجلسوا جلسه عائليه كلها حب وموده هذي تضحك وهذي تصب الويا وهذي تقطع وتقدم لهم الفاكهه
وكذلك الحال عند الرجال كان لايخلوا من المزح والتعليق كان بس ناقصهم هتان واكرم وتكتمل الجلسه
على العصر طلعوا الشباب يلعبون كووره والبنات راحوا للخيوول
هوازن: اليوم ناويه اخاطر واركب خيل
هتون: الله ياذيك الفرس شي والله
وتين: ماتدرين هي لمين
هتون: لا والله مدري
وتين: ههههه لزوج المستقبل بس انتبهي تلمسينها تراه مايحب احد يلمس اغراضه
هتون: والله خوفتوني من اخوكم شكلي ببطل عنه اختك تقول الرجل الصامت وانتي تقولين مايحب احد يلمس اغراضه سلامات عسكريه مو اوادم
وتين وهي تطقها على كتفها: لالا يابنت والله تراه طيب بس هو متحفظ شوي يعني من كثر ماهويمكن يجلس مع ابوي وعمي صار شوي فيه شده س والله هو قلبه طيب
هتون:ههههه حزنتيني خلاص يابنتبوافق عليه بس عشان خاطرك لاتبكين ههههه
وتين: بالله وايش معنى انا اخذت اخوك وانطميت ماقلت شي يالله زيي زيك
هتون: يالبعير بالله حاقده للحين
وتين وهي تمشي ومطنشه او متجاهله كلام هتون
تحس فعلا ان هتون معاها حق هي حاقده عليهم هي مااخذت فرصه انها تستمتع بهاللحظات مثلهم
هيله:وتين وتين
وتين وهي تمشي لها : نعم نعم صجيتيني
سمر: صدق انك ماتستاهلين تعالي بنوريك شي
وتين: خير انتي واياها ايش عندكم
سمر:ايش رايك نتسابق
وتين: امممم يالله ماعندي مانع
كل وحده من البنات اخذت خيل وركبته وطبعا هم متعودين لان بكل بساطه وتين وهيله وسمر كل شي بالمزرعه يطيرون له عشان كذا حتى الخيول ماسلمت منهم
جلست تطالعه : يالله هادي مثله ووجميل حتى عيونه فيها جاذبيه مثله
........: بوووووووووو
هتوون: بسم الله عمى خرعتيني
هوازن: ايش عندك مسنتره عند خيل بعض الناس وغمزت لها
هتون:اقلبي وجهك بس افتك من اختك تجين انتي
هوازن: ايش فيك ادق على جوالك ماتردين
حطت يدها على جيبها: اوووه شكلي نسيته بروح اجيبه واجي
راحت هتون تركض تجيب جوالها وماانتبهت الا وهي صاقعه
بــ.... وكانت بتطيح لو مامسكها من خصرها
.......: ماتشوفين انتي
هتون بحرج وهي تفك نفسها: سوري
مازن بجفاء: انتبهي ثاني مره
هتون بعدت عنه وهربت لداخل قسم الحريم
دخلت الغرفه وقفلت الباب وتنهدت بقوه
((هتـــــــــــون))
يمه ايش ذا مافي حنيه مافيه بسم الله عليك
على طوول هب بوجهي شلون بعيش معه شلون لالا انا شكلي بغير رايي من اولها كذا كيف بعدين
اخذتت جوالها واتصلت على هوازن واعتذرت منها انها ماراح تجي ونزلت عند الحريم تحت ولقت وفاء مرت عمها وجلست تسولف معها
هتون: وفاء ممكن اسألك سؤال
وفاء: تفضلي حبيبتي
هتون: اممم عمي خالد من يوم تزوجتيه وهو كذا
وفاء: ههه كيف يعني
هتون: يعني حبيتيه بعد الزواج او امممم مدري بس كيف كان تعامله معك
وفاء وهي تتنهد: اممم خالد ولد عمتي كنت اشوفه من زمان مع اخواني كان يعجبني وسامته رزته ويوم خطبني وافقت عادي لانه مافي اي سبب يخليني ارفضه
ولما تزوجته اكتشفت انه كان يحبني ومن جد زاد حبي له وكل يوم يزيد لما اشوف حبه لي ولعياله ولكم من جد يزيد حبي له
هتون: الله يخليه لكم ولايحرمك منه يارب
وفاء: اميــــــن يارب الا قولي لي ليه هالسؤال
هتون: مدر يمكن حب فضوول
مسكت وفاء يدها بحنان: توكلي على الله هتون توكلي على الله
ماردت هتون واكتفت بالابتسامه بصمت
*************
وش يقول اللي تعود يلتقيك
بوم عمره مالقى عقبك غلا
ماقدر في بعدك إلا يحتريك
وماعرف في غبيتك غير الوله
كم تمنى بالوفا لو يحتويك
في خفوق باصدق الود امتلا
لوبيدينه بس يقدريجيك
مايحول الوقت والملا
جلست تقلب بالجوال من يوم وصلها المسج وهي حاسه بفرح
(( وتيــــــــن))
معقوله قاصد هالكلام والا يلعب مشاعري يارب ماابي انجرف له وبعدين اندم انا عارفه قلبه مو لي ولاهو معي اه ه ه ه ياربي ساعدني ماني قادره افرح ولا قادره اعيش
اه ه ه ليه انا ليه انا
استغفر الهه استغفر الله
جاها صوت مسج ثاني
فتحته
{{
تونا استناك برا تعالي لاتتاخرين ترى البرد ذبحني
}}
ترددت قبل لاتقوم بس بالنهايه قامت وقفت
عند المرايه تعدل شعرها
وزادت القلوس وتعطرت
اخذت نفس طوويل وطلعت
(( هشــــــــــام))
رفعت راسي لقيتها جايه كانت تمشي بحيا كانت لابسه بنطلون جنز فاتح سكيني وبلوزه اسود مفتوحه من قدام شوي ولافه شال على رقبتها باللون الاحمر وحاطه قلوس احمر وحاطه كحل اسود معطي عينها سحر وجاذبيه ولابسه بوت اسود
قربت لها وانا امد يدي لها كنت ناوي بس اسلم عليها لكن من شفتها لاشعوريا سحبتها لحضني وبستها
هالبنت تجنني تسحرني مااقدر اقاومها
((وتيــــــــــــن))
جيت له وانا احس اني مدري شلون فشله اول ماجيت مد يده لي استحيت وصافحته لكن تفاجأت انه سحبني وحضني وباسني ماانكر اني احس بحضنه بالحنان بس بعد ماانكر اني خايفه من الجاي
بعدت عنه ورفعت خصل شعري عن وجهي
هشام: اشتقت لك
وتين:توك شايفني الظهر
قرص انفها: ولو اممممم ايش رايك نتمشى
وتين: اوكي
هشام: اممممم باخذك مكان انا احبه كثير
وتين : اوكي
اخذ يدها وبدا يمشي معها الين وصلوا لهضبه مرتفه شوي وكانت كلها عشب اخضر جلس هشام وجلست وتين معه
جلس هشام قبال وتين ومسك يدها
هشام: ايدك بارده
وجلس يفرك يدها بحنان
هشام: وتين انتي مرتاحه معي يعني تحسين انك تقدرين تستمرين معي ابيك تتكلمين عنك ايش تبين ايش اللي ماتبين مابي اشوف نظرة الانكسار بعينك ماابي تعطيني اي شي عشان بس هو حقي او غصب عنك
وتين دعت عيونها وهالكلام كأنه الابره اللي خلت جروحها تنزف
حاولت تمسح دموعها بس كل مامسحت دموعها تزيد
سحب هشام يدها وبدا يمسح لها دموعها
بدت وتين تبكي بصوت مسموع
حضنها هشام وتركها تبكي تبكي عشان ترتاح
حاولت أنسا?
أنسى عطر? ..
و?ل لمسه .. من ايدي?..
و?ل شي يربطني في? ..
?نت ابى ابعد? مره عن حياتي ..
بس وربي ما قدرت..
تدري ليش..؟؟
إ?تشفت أ?بر حقيقه..
أنته بحياتي كل شي..
أنت امسي ،.
انت يومي ،
وانت احلى ذ?رياتي ..
آآه يا حبي و مناتي .. غصب عني
اشتاق ل? ]
بكت شوي وتين وانتبهت انها بحضن هشام بعدت عنه بكل حرج
هشام: هذي اول مره واخر مره اسمح لك تبكين فاهمه خلاص تونا كفايه تعب وحزن خلاص افتحي قلبك وخلينا نحاول نسعد بعض
وتين قالها وهو ينسدح على رجولها وياخذ يدها وتركها على شعره
وتين انحرجت من تصرفه بس ماقدرت ترده جلست تلعب بشعره
هشام: يالله سولفي لي تكلمي مو بس انا اتكلم انا ابي اسمعك ماابس اسمع نفسي قولي لي ايش تحسين ايش تبين
اخذت وتين نفس : احم احم آآآ يمكن لاني كنت مثلي مثل اي بنت تحلم بفارس احلامها وبالفستان الابيض
ويمكن لاني ماتوقعت بتكون ليلة العمر هي نكبتي
علشان كذا ماقدرت اتأقلم في بداية الامر بس...
هشام: بس ايش
وتين بحرج: الحين بديت اتعود عليك
قام هشام : على بالي بتقولين حبيتيني بس ماعليه الايام جايه
بس صدقيني ياوتين اني مستحيل اضرك بأي شي
صح انتي تنرفزيني بس هذا مايمنع انك بديتي تستحلين مكانه بقلبي واني فعلا اشتاقلك
وتين: امممم ممكن اسألك سؤال
هشام: تفضلي
وتين: وتجاوبني بكل صراحه
هشام: اسألي اللي تبين
وتين: اممم انت تحب مي
هشام تفاجئ من سؤالها ماتوقع انها تفكر بمي اللي هو نسيها او بالاصح تناساها
وتين: السكوت علامة الرضا
ابتسم لها هشام: يمكن لو سألتيني قبل شهر بقولك اني من جد حبيتها او يمكن حبيت اسلوبها وانا زي اي رجل عادي يحب زوجته وبالذات اذا كانت معاه اوكي
وتين: والحين
هشام : الحين مافي قلبي وعقلي الا انتي
وتين: بس هي على ذمتك ماطلقتها
هشام: ان شالله انا ناوي اذا رجعنا اخلص من ذا الموضوع
هشام: فيه اسئله ثانيه ياست وتين
هزت وتين راسها بمعنى لا
هشام: ايش رايك نرجع الجو بدا يبرد وانتي مو لابسه شي ثقيل
وقف هشام ووقفت وتين معه ورجعوا مكان ماجوو
<خذني بحضنك>
ابغفى مبطي ماغفيت
وان لمحت دموع بعيني سو نفسك ما لمحت
<خذني بحضنك>
وبعثر جروحي
هز كتوفي وقول عيب تبكي لو سمحت
<ضمني حيل يمك>
وكمل ضحكتك حتى لو اني بكيت
ودي اذكر كيف كانت ضحكتي لامني بقربك فرحت
***************
اسمحي لي احكي
"عني وعنك"
لجل تدري وش ابي فيك؟
ابي اضمك
ابي تختلط عروقي بدمك
ابي اغرق انا في بحرك
ولقى في فيظ الزمن ظلك
ابي امسح لك دموعك
واكون روحك اللي تسكن ضلوعك
يابنات لاتنسوون الدعاء والاستغفار اليوم كسوف
يارب انشالله تشيل هالغمامه وتجعلها سببا في الالتجاء الى رب العالمين
اعذروني على الاخطاء لاني والله ماراجعته زين لكم ودي ومحبتي
وفـــــــــــاي دمر دنياي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك