بارت مقترح

رواية ورود غرقت من دماء الشياطين -8

 رواية ورود غرقت من دماء الشياطين - غرام

رواية ورود غرقت من دماء الشياطين -8

جلست بجنب اخوها وهي تبكي:والله حرام عليك وش
قاعد تسوي في نفسك انت حرام عليك مافي احد
يستأهل والله ماكانت من قلب انا اختك وشلون بدعي
عليك انت اخوي
نايف:خطبتها رفضتني
نوف:انساها غيرها كثير
نايف:مب انا اللي انرفض مب انا
نوف:مب كل يوم لك يانايف نايف ارجع لربك ادخل
المسجد وابدا بستغفار ربك وادعيه وتوب حرام عليك
الللي تسويه
نايف:نوف قلت لاتنصحيني ماحب نصحك مااحبك
تنصحين مااحب النصح مابي اسمعها ابي انتقم منها
والله لاانتقم بقتلها بقتلها
صفقته نوف بكل قوتها:قوم من احلامك قوم يانايف اذا 
هي باعتك بيعها نايف مب حاله هذي البنت مريضة 
في المستشفى وانت تدعي عليها نايف شوف هذي 
والله كلمه ثانيه واصفق هذي الزجاجة الفاضيه فيك 
والله لسويها انت حمار هذي مب حياة مب انت يانايف 
اللي يصير حقود انا يمكن احزن عليك بس تستأهل 
ماتبي نصحي خذ طنزتي انت تستأهل والله تستأهل 
ليته جاك اكثر ليته اكثر عشان تحس بالبنات اللي 
لعبت عليهم هذي الشقة وش قلنا لما رحنا نشوفها هذي 
لك ولزوجتك صارت لدعارة والفساد انت كيف تجلس 
على هذا السرير ماتتقرف كم بنت نامت معك فيه كم 
وحدة يانايف ماتخاف على عمرك ليطلع لك مرض 
الايدز وش فيك انت ناظر من كل النواحي مب وحده 
ربك ربك يانايف وش سويت له في دنيتك لاصامت 
ولا صليت ولا دعيت ولا استغفرت ولا عطرت لسانك 
بذكره من خربك ناصر ولا ثامر ولا انت خربتهم متى 
تقومون متى تحسون ان فيه رب ينظاركم متى تحس 
ان فيه ملكين في كفوفك بيكتبون عنك كل شي متى 
تحس ان يوم الحساب ايدك بتقول كم بنت مسكتها ايدك 
القذرة متى تحس ان عيونك لما تناظر في اجسام 
البنات تنطق وتقول عن اللي شافت متى تحس ان 
لسانك بينطق بالي تقوله من كلام معسول تحب البنات 
تزوج مب بالحرام ارحم عمرك ارحم عمرك تسمع 
الاذان طفي الاغاني وروح صلي يرحم اصلك حس 
بأمك ابوك وش بيصير لهم انا كنت في يوم احبك بس 
الان اذا ماتعدلت انا بقول لاابوي كل شي واللي يصير 
يصير انا انا بيدي بدخلك السجن بيدي انا بدخلك 
السجن اصحى اصحى خلااااااااااااااااص طفشتني 
وطفشت نفسك معي قول الشهادة تذكرها لو تقدر قولها 
لو تذكر انا طالعه لو عرفت انك مستعد تسوي اللي 
يرضي ربك قول لي تقول انك تبي ضمه اختك مب 
امك لان امي ماتدري عنك بتبكي عليها وهي مارح 
تهتم ماتعرف عنك لو يعطوني فلوس الدنيا كلها عشان 
اضمك والله مااسويها والله مااسويها انت بتصير 
نجس لين ماترجع لربك
نايف بعصبية:قلت لك لا تنصحيني او تذميني
مسكت نوف الزجاجة ورمتها بكل قوتها عليه بس 
رياض سحبه على الجنب الثاني وهو مصدوم
طلعت من عنده وهي طالعه شافت ثامر واقف وناصر 
بجنبه مشيت من عندهم وهي ساكته
ثامر:ليش تزوجتيه
نوف وهي تناظر في رياض:لانه انسان شريف 
ويعرف ربه
ركبت السيارة وكانت هادية دق جوالها
نوف:نعم
نواف:يمه على النفس شفتيه
نوف:ايه خلك منه مايستاهل لحظة تفكر فيه
نواف:همممم خذي كلمي امي ريحيها
نوف:هلا يمه
ام نواف:وين ولدي
نوف:امي نايف مسافر لاتخافين توه سافر وبألف خير 
بس نسي يطمنك
ام نواف:طيب متى بيرجع
نوف:لما يطفش من عالمه الاسود
صكت وناظرت في رياض:وش تفكر فيه
رياض:الشابين يسمعون كلامك ويخافون منك ليش
نوف:لا مايخافون بس ثامر وناصر يحبوني من انا 
صغيرة ومستعدين يسون أي شي عشاني
رياض بغيره وعصبية :فهمت واخوك مايحتاج تلعنين 
خيره كذا
نوف:اخوي باع عمره
رياض:كنتوا تتكلمون عن من
نوف:وحده من بناته
رياض:والله ماادري بعدين انتي مجنونة ترمين 
الزجاجة على اخوك بصراحة كل يوم اكتشف شي فيك 
تحبين الناس يمشون على امرك
نوف:اذا كان صح ايه
رياض:ولا تمشين على امر احد ابد انتي غريبة
^^^^^^^^^^^^
الجزء السابع
ياسر:والله ياسامي ماادري
سامي:انت تحبها
ياسر:ماادري احبهم ثنتينهم
سامي:انزين رجعها زوجتك حامل
ياسر:يعني مارح ترجع
سامي:ياصديقي ياحبيبي عطها كلام معسول
ياسر:اممم معقولة
طلع ياسر من عند صديقه شاف محل ورد راح له 
شاف ورد الجوري الاحمر
ياسر وهو ماسك الوردة:تشبهين هذي الوردة يانوف 
احسك مثلها لونك وجوهرتك مثلها مشتاق لك اكثر من 
اول بس نفس الوقت احبها احب رنا ياربي وش اسوي 
لازم اتنازل عن شي
الرجل:شو بدك استاز
ياسر:عطني باقة ورد احمر
الرجل:اوكي
طلع ياسر
وصل عند بيت ابو رائد دق الجرس وهو يحس ان 
شكلة بالورد غلط دقه كم مره محد رد جا يبي يمشي 
انفتح الباب
ناظر رنا وشكلها نوم:انا اسف لو ازعجتك
رنا بصدمة:ياسر هلا تفضل
دخل ياسر :تفضلي اتمنى تعجبك
رنا بهدوء:مشكور بس مالقيت الا الورد
ياسر مستغرب:ماتحبينه
رنا:لا
ياسر وهو يتذكر
ياسر:حبيبتي وش اكثر شي تحبينه في العالم
نوف:امممممممممممم الورد
ياسر:مب انا
نوف:ههههه لا الورد احلى شي في العالم
ياسر:وش اللي يخليك تحبينه هل كثر
نوف:اممممم هو اصدق واروع وانقى واحلى 
ومايعيش في عالم الخيانة ولا يجرح بس انه يداوي له 
ريحه تهبل احس اني لما اشوفه بفرح يغمرني ماادري 
وش مصدره بس شوفته تنسيني كل زعلي
ياسر:جيبي لي مثال
نوف:اممممم خلنا انقول لو احد قتلك وجاب لي باقة 
ورد بتنازل عن كل الحكم واسامحه
ياسر:شوف ذي
..ز
رنا:وين وصلت
ياسر:ها لا وين اهلك
رنا:راحوا عند خالتي
ياسر:اهااا وانتي
رنا:مافيني
ياسر:رنا انا اسف
رنا وهي تجلس:ياياسر انا ماابي اسفك مافي شي 
تتأسف عليه ابي حبك لو مسموح تعطيني ايه
ياسر:اكيد مسوح انا من لي غيرك يارنا والله احبك 
بس كنت غبي اسف ابيك ترجعين لي انا ابيك وماابي 
غيرك
رنا بفرح:البس عباتي وارجع
طلعت وياسر مصدوم:على طول رضت
نزلت رنا:ياسر
ياسر:هلا
رنا...........:احبك وتوقعت انك تبي تطلقني
ياسر وهو يمسك ايدها:وش هذا التفكير المريض
^^^^^^^^^
نواف:وينها
رياض:في الغرفة
نواف:ممكن اطلع لها
رياض:ايه عادي خذ راحتك بس طردتني وماادري لو 
تدخلك
نواف:اوكي بجرب حظي
وهو طالع سمع صوت كعب ينزل رفع عيونه كانت 
الصدمة
رهف ببتسامة:هلا نواف من زمان عنك
نواف:هل ا و مر حب ا ر ه ف
رهف:ههههه وش فيك
نواف: ا ما د ر ي
رهف:اوكي ههههه اشوفك
نواف لما راحت:افففف وش فيك ياحمار
دق الباب
نوف:رياااااض لاتدخل
رياض وهو واقف على الجدار:قلت لك
نواف:انا مب رياض
نوف:نواف ارجع من مكان ماجيت
نواف:مااقدر
نوف:ماابي اشوفك
نواف:اوكي بكيفك بس كنت ابيك في موضوع لما 
تحسين انك احسن قولي لي اوكي
فتحت نوف الباب
نواف وهو يشيلها:ليش ليش الدموع
ضمته نوف وبكت على صدره
جلس نواف عند باب الغرفة:لا حبيبتي ليش ليش وش 
فيك والله الدنيا ماتسوى عيوني من زعلك
ناظر في رياض
رياض بقهر واضح:مب انا
نوف:لالالالا مب هو نواف اشتقت لك
نواف:ياحبيبتي حتى انا مشتاق لك بس وش فيك
نوف:ماادري احتجت ابكي
نواف:حبيبتي العبي على غيري
نوف:نايف نايف يشرب خمر
نواف بألم:ادري
نوف:يومين ويموت من هذا الشي
نواف:لا يانوف انشالله لا لاتخافين يومين ويرجع 
لصوابه
نوف:واذا مارجع
نواف:اقتليني
نوف:بعدين من لي اشكي له
نواف:رياض مب زوجك
نوف وهي تقوم:مشكور عموما بروح انام اخليك مع 
صديقك تصبحون على خير
دخلت الغرفة قام نواف وناظر في الباب اللي كان 
يحجز بينه وبين اخته
رياض:وش تفكر فيه
نواف:من اول ماتطلقت من ياسر صارت كذا طول 
وقتها هموما اخاف تسوي شي اعرفها متهورة بتبيع 
عمرها عشان نايف وهذا اللي مخوفني رياض خلك 
قريب منها
رياض:ههههه تتكلم كانك رايح لمعركة
نواف:ههههه لا بس اسمع بسافر اسبوعين الشرقية 
عندي اجازة ابي اخذ وقت استراحة وابيك تنتبه عليها
رياض:توصيني على روحي يانواف
نواف:في امان الله
رياض:لحظة ثامر وناصر لهم ماضي مع اختك
نواف:امممم اصدقاء نايف ايه خطبها ثامر اكثر من 
مره بس ماوفقت عليه وهو متعلق فيها وناصر يحبها 
من اول مافقش من البيضة وهو ولد عمي وانقهر منها 
لما رفضته خمس مرات
رياض:كم مره رفضت ثامر
نواف:يمكن عشرين ماادري
رياض:اهااا طيب
نواف:لاتهتم اختي بتحبك اعرفها نوف تكتم شعورها 
في الحب ماافهمها من ذي الناحية مستحيل تبين 
شعورها ولو بان عليها انها تفكر في محبوبها تخليك 
تغير رايك
رياض:اختك لها نص قلب من ورق ولها النص الثاني
نواف:تقصد حجر لا يارياض نوف قلبها ارق من 
الورق بس هي تقسيه اشوفك بعدين
طلع نواف ورياض واقف عند الباب دقه خاف يدخل 
ترمي عليه شي
نوف:ادخل يارياض مارح اسوي شي
رياض وهو يفتح الباب:انا مب قصدي تسوين فيني 
شي
نوف وهي تجلس فوق السرير:بصراحة انا اسفة على 
الزينة اللي رميتها عليك
قبل ساعتين
رياض:نوف مب حاله هذي صار لك يومين من 
رجعنا من شقة نايف وانتي تبكين ريحيني وش فيك
نوف:اطلع برا وريحني او اقعد وانت ساكت
رياض:مب ساكت ولاني طالع برا ماتفهمين فهميني 
وش فيك
سحبت نوف الزينة اللي على الكومدينة ورمتها 
عليه:براااااااا
رياض والزينة جت على راسه :نهايتها ترمين علي 
الزينة مشالله عليك ونعم البر للزوج
طلع وصفق الباب وراه
الوقت الحالي
نوف:رياض انا اسفة
رياض:لا عادي ماصار شي
نوف:اكيد صار شي اشوف
قامت تبي تشوف جرحه مسكت راسه وهي مقهورة من 
نفسها على اللي سوته الجرح صار مزرق
نوف:اسفة
جت تسحب ايدها بس مسكها بقوة
رياض:خليها خليها جرحي بلمسة ايدك يطيب
نوف وهي تحطها في قلبه :ولو حطيتها هنا
رياض برتياح:بتروح كل جروحي
سحبت نوف ايدها واعطته ظهرها :اسفة
رياض وهو يضمها من وراء:قلبك خوف ولا وشو ولا 
عصبية علميني ليش يدق هالكثر
نوف ودموعها تنزل:ماادري
رياض:وانا كل ماقول لك شي تقولين لي ماادري
نوف:لاني ماادري
ضمها بقوة:اعطفي علي
نوف:اعطف عل نفسك بيعطف غيرك عليك انا 
مأوزع صدقات على الناس اللي مايحتاجونها
تركها وطلع جلست نوف تبكي:ليش ليش فيه شي 
يصادك قولي له انك تحبينه وش اللي منع ماصارت 
هذا زوجك يانوف زوجك وش الشكوك اللي في قلبك 
ومتى بتروح
ضمت نفسها وهي ميتة بكى
^^^^^^^^^
جلس نواف في غرفته وهو يتذكر رهف
ياربي احبها احبها وش فيني مثل الحمار من شفتها 
توترت وحالتي حالة وش فيني ياربي تهبل من زمان 
ماشفتها احس اني بنهبل تجنن وتهبل
دخلت ام نواف:نواف
نواف وهو يتعدل:هلا يمه
ام نواف:يانواف يوليدي قلبي مب مطمني ابي اشوف 
ولدي
نواف:يايمه قالت لك نوف انها شافته ارتاحي
ام نواف:بس قلبي مب مطمني ونوف كانت تتكلم وهي 
تبيكي وش فيها اختك يولدي علمني حرام عليكم اللي 
تسونه فيني
نواف:يمه يايمه نوف كانت تعبانه شوي بس
ام نواف:مب تعبانه نواف انا اعرفها لما تبكي
نواف:يمه تعرفين انها تخاف من المرض ولو صار 
لها شي تصيح
ام نواف:بس
نواف:يمه وشلون افهمك ان عيالك بخير تبين 
تزورينها
ام نواف:ايه ابي ازورها اليوم
نواف:بشوفها متى فاضية
ام نواف وهي تطلع:بروح اتجهز
نواف:يمكنها مب موجودة
ام نواف:مشكلتها
نواف بعد ماطلعت امه:الو
نوف بتعب:هلا
نواف:بسرعة وقومي ابتسمي وتجهزي امي تبي تجيك
نوف:حياها الله بس وش المناسبة
نواف:خايفة عليك تقول فيك شي قومي
نوف:طيب طيب بقوم ياه
نواف:زوجك وينه
نوف:يمكنه راح ليش
نواف:اتوقع ان امي تتوقع شوفته
نوف.....................:مع السلامة
^^^^^^
نزلت نوف تدور رياض
رهف:وش فيك تدورين
نوف:رياض وينه
رهف:راح
رغد:دقي عليه توه طلع
نوف:اهاااا
رياض:الو
نوف:هلا رياض وينك
رياض:انا في المحطة اللي بجنب البيت بغيتي شي
نوف:تبي تروح مكان
رياض..............:وش بغيتي يانوف
نوف:بصراحة امممم
رياض:نوف تكلمي براحة مب انا.......صديقك
نوف:بصراحة امي تبي تجي
رياض:البيت بيتها
نوف:لا المسأله مب كذا بس
رياض:تبين اجيب لكم عشا
نوف:لا لامب كذا
رياض:نوف وبعدين
نوف/وش ذا اول مره اطلب منه يقعد معي في البيت 
وش بيقول عني/:
رياض:نوف وينك
نوف:رياض ممكن ترجع
رياض:ليش قلت للؤي بجيه بعد شوي
نوف:امي تتوقع وجودك
رياض:اهااا تبيني اقعد مع امك هههههه قولي كذا 
حسبت عندك سالفة بصراحة ماادري بس خليني اكلم 
لؤي وارجع اوكي
نوف:يعني ماعندك مشكلة
رياض:لا ابدا اقعد مع حماتي احسن من صديقي بمية 
مره
نوف:مشكور
رياض:عموما تبين شي وانا جاي
نوف:لا مشكور
رياض:حتى سلامتي ماتبينها
نوف بحرج:اكيد ابيها
رياض بجديه:مااعتقد سلام نوف
نوف وهي تصك:وش ذي اللهجة ماعجبتني
رهف وهي تصارخ من تحت:نوووووووووووف امك 
هنا
نوف:او تونا نازلــــــــــــــــــــــه
نزلت نوف تركض
نوف:هلا يمه ...رياض توني كلمتك
رياض:ادري اصلا كنت تحت من اول
نوف...:هااا
ام نواف:وين تبينه يروح ويترك زوجته
نوف:ههه ولا مكان
رياض وهو يهمس لها وش فيها امك
نوف وهي تهمس له:ابوي ماترك امه ولا راح عند 
احد لما تزوجوا الا بعد سنة وست شهور من زواجهم 
من البيت لشغل ومن الدوام للبيت وهي تتوقع زوج 
بنتها مثلها هي وزوجها
رياض:هههه تفضلي خالتي......ارحميني سنة 
وست شهور لو كنتي تحبيني ممكن بس ماتحبيني 
اخخخ بنتحر بس لو فيه حب متبأدل اوكي كان حتى 
الدوام مارحته وقعدت عندك لين مااموت
نوف:لا مشكورة خلك في دوامك ومع اصدقائك انا 
مااحب اللصقات او اللي مثل الاطفال ينشبون معي كل 
مكان
ناظر فيها رياض وهو ساكت ثم مشي وتركها
نوف بهمس:اسفة
ام نواف:نوف تعالي قولي وش اخبارك
نوف:يمه بخير وش فيك مافيني شي
ام نواف:رياض انت مازعلت بنتي في شي ابدا
رياض:جعلي مااعيش لذاك اليوم ياخالتي
ام نواف:يايمه اخوك نايف صار له شهر خارج البيت
نوف:يايمة نايف بخير تطمني
ام نواف:بس انا خايفة عليه
نوف:لاتخافين مارح يصير نايف بخير
ام نواف:بس قلبي ياكلني
نوف:مافيه شي والله مافيه شي نايف عايش حياته 
مثل مايعيشها دايم انتي بس ارتاحي
ام نواف:وشلون تبيني ارتاح وولدي بعيد عني
نوف بعصبية وهي توقف:يمه لاتصيرين حنانه وونانه 
مابي اسمع الحنه والرنه قلت لك نايف بخير خلاص 
هو بخير
رياض بصدمة:نوف امك
ام نواف وهي تبي تبكي:من متى ترفعين صوتك علي
نوف بقهر:انا اسفة بس خلاص نايف بخير قلت لك 
ارتاحي لاترنين بجنبي والله بخير

يتبع ,,,

👇👇👇



تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -