بداية

رواية ورود غرقت من دماء الشياطين -9

رواية ورود غرقت من دماء الشياطين - غرام

رواية ورود غرقت من دماء الشياطين -1

رياض بصدمة:نوف امك
ام نواف وهي تبي تبكي:من متى ترفعين صوتك علي
نوف بقهر:انا اسفة بس خلاص نايف بخير قلت لك
ارتاحي لاترنين بجنبي والله بخير
ام نواف:جزاتي ابي اشوف اخبارك انتي بخير او لا
نوف:امي انتي عمرك ماسالتي فيني دايم في نايف
نايف نايف نايف راح نايف جا امي نواف ابوي وامي
هو ابوي وامي مب انتوا
طلعت نوف من عندها بس وقفها صوت امها
ام نواف بعصبية:لاتطبين بيتنا مره ثانيه يانكرة
الجميل انا مااهتم فيك انا امك ياعاقله خلي ابوك
يدري وش تقولين انا مب راضيه عليك ليوم الحساب
نوف وهي تلف على امها:وش سويتي لي يمه قولي
لوش اللي سويته ماتذكرين كنت اروح المدرسة بدون
مااكل شي ماتذكرين كنتي تخليني اكل مع الخدامة
وكنتي تترجين ابوي يزوجني من السواق الهندي حق
الجيران وانا موصلت عشر سنوات والله حتى
ماكبرت و ماتذكرين كنتي تلعنين الساعة اللي شفتيني
فيها ماتذكرين كنتي تبعديني من ابوي كل ماحاول
يسولف معي ماتذكرين كنتي تخليني انام في السطح
في غرفة الخدامة وكنتي تبيني اتزوج واعيش حياتي
ونصحتيني بياسر طيب تزوجته وحسبت اني بعيش
معه حياتي شوفي وين وصلتني حياتي هذي نصيحتك
اللي زي الزفت اسمعي نواف تربى على ايد ابوي بس
لما جا نايف اهمله وشوفي وين راح نايف في الحرام
تبين تعرفين وين نايف نايف
مسك فمها رياض بسرعة وهو يبتسم:خالتي عشان
ماتتعقد الامور تعالي اوصلك بيتكم
ام نواف وهي تمسح دموعها:طيب وانتي مب راضيه
عليك
نوف بهدوء:مشكلتك مب مشكلتي عادي انا صرت
عاقة وداشرة ومطلقة وكل شي انا
طلعت غرفتها وصكت الباب بكل قوتها وهي تبكي
البارت الثامن
نايف:لاااااااا والله
فاتن:ايه
نايف:انزين كلي تبن واسكتي
فاتن:ليش
نايف:ماابي اسمع حسك
فاتن:وش تبي مني بعد مااخذتني مثل الحرامي
نايف:بتلذذ في عذابك
فاتن:الله يوفقك متى تبي تتركني لما تسلب مني شرفي
نايف:همممممم لا لما اشوفك بالدم قدامي
فاتن بخوف من الفكرة:طيب وش هذا البيت
نايف:للاسف هذا مب بيت هذي استراحة
فاتن:انت مجنون
قرب منها نايف:ادري
فاتن وهي تبعد بقوة:لالالالالا
نايف وهو يمسكها بقوة:اثبتي
قعد نايف يفتشها
فاتن:حقير
نايف:ممتاز ماعندك الان ولا وسيلة تكلمين فيها احد
فاتن:فيه شي اسمه مراكز شرطة
نايف:كان عرفوا عني من زمان هذولي الاذكياء
فاتن:صدقني بتندم فيصل شرطي وانت مجنون لو
تحسب نفسك عبقري ومحد بيكتشفك
نايف:هههه لاتخليني اضحك كثير ارجوكككك المهم
انك عندي اناظر فيك كل يوم اقوم وافطر معك واتعشا
معك واتغدا اااااه تعرفين انها امنيتي
فاتن:لاتوني ادري
مسك نايف خدها بحنيه:احبك يافاتن اسم على مسمى
مالوم قلبي لو مات فيك
فاتن بعصبية:شيل ايدك يامنحط
نايف وهو يوقف:لاتستفزيني سلامممم
فاتن بصراخ:بلا جنان تبي تتركني بروحي في
استراحة
نايف ببتسامة:ماعندي أي مانع اخليك في احظاني
فاتن:براااااااااا
طلع نايف وهو يضحك
ناصر:مب لازم تكون حقير كذا
نايف:هههههه وين الحلوات لليليه
ناصر: في الغرفة مع ثامر
نايف:قشطة وش سويتوا
ناصر:نص حبه تفي بالمطلوب صح
نايف:عليك نور يالله ورنا حفلة كبيررررة الان
ناصر:هههه مثل ماتقول
^^^^^^
ام نواف:وش رايك في كلامها
ابو نواف:بس خلاص طفشتيني من جبتها وانتي تونين
ام نواف:ياربي اشكرك اخذتها من عندي بس انا
مربيتها وتقول لي ماربيتها
ابو نواف:خلاص تعرفين نعزمها ونقول لها الحقيقة
ام نواف:لا روح لها ماابي اعزمها عندي اولادي
تمردو علي
ابو نواف:خلاص خلاص لاتقولين عن بنتي كذا بس
بقول لها لاتطفشيني ابي اناااااام
^^^^^^^^^
رياض وهو يقرب ايده ويسحبها بتوتر وهو يعيد
الحركة ميه مره:نوف
نوف...........:
رياض:اعرف انك مب نايمه نوف
نوف وهي تتعدل:وش تبي
رياض:صار لك يومين من اول مارحت امك وانتي
نايمة نوف الاكل يالله يالله يدخل في فمك وبعدين
نوف:وش تبي يارياض اخلصني
رياض:نوف قومي اقعدي معي قومي كلي
نوف:ماابي
رياض:وش اللي ماتبين الحياة ماتمشي كذا
نوف وهي تصارخ:ماابيها تمشي مابيها تمشي ابيها
توقف ابي اموت وارتاح
ضمها رياض:وانا وانا من لي بعد ماتروحين عني
نوف:اللي يكون ماابي اعيش
رياض:حبيبتي قومي لو سمحتي
نوف:وش تبي
رياض:قومي تغدي معي بس اليوم
نوف:طيب
رياض وهو يوقف:شكرا يالله انزلي
نزلت نوف وهي ماسكه ايد رياض وهي تحس انها من
تسمع صوته تنسى العالم
رهف:يمه وش ذا الكلام
فتح رياض الباب بس وقف لما سمع اخته
رغد:يمه مايصلح تقولين عن البنت كذا
ام رياض:انا وش قلت انا قلت ان نوف ماتنفع لرياض
يبيله يطلقها مافيها خير في امها ترفع صوتها عليها
وتسبها وتنكر جميلها
رغد:يمه مااسمح لك تقولين عنها كذا
ام رياض:لو مافيها خير في امها مافيها خير في
زوجها وانتي ليش تدافعين عنها سحرتك هي
رهف:امي
ام رياض:اتكلم من جد
دخل رياض بعصبية وهو ماسك ايد زوجته بقوة اللي
ماهمست ولا بحرف:بس خلاص اسكتي انا اعرف من
اتزوج مالك شغل في حياتي انا زوجتي ماسوت لك
شي لين متى بتصيرين كذا لئيمة لاتتكلمي على
زوجتي على كيفك
نوف وهي منزله راسها وتتكلم بهدوء:بس هي تتكلم
صح اللي مافيها خير في امها وابوها مافيها خير في
زوجها امك ماغلطت ليش تصيح لها صح ليش
تدافعون عني تبون تعقون امكم ليش وهي تعبت في
تربيتك تعقها يارياض هذي نهايتها بس عشان زوجة
من متى الزوجه كانت اهم من الام
سحبت ايدها بقوة وطلعت
ام رياض:وهذي هي اعترفت
رياض:اميييييييي حرام عليك كل ماصلحت اموري
مع زوجتي خربت اففففففف
ام رياض:تتتأفف مني عشانها (ولاتقل لهما اف)هذي
نهايتها
رياض:امي حاولي تتعدلين معها انا تعبت منكم
اثنينكم انا طالع
ام رياض:لها صح
رياض:يمممممممممممه
طلع رياض وهو معصب حاول يفتح الباب بس كان
مقفل انهبل ليصير فيها مثل اخر مره قفلت فيها الباب
دق بكل قوته
فتحت له نوف الباب وهي ساكته
رياض:ممكن ادخل
نوف وهي واقفه عند الباب:بس لاتفتح معي مواضيع
رياض:نوف اللي سمعتيه
نوف:اشششششش قلت ماابي مواضيع ابي انام
طفشتني
رياض:مايصلح تهربين من كل شي
نوف:اعتقد عندك دوام بعد نص ساعة روح لاتتأخر
متى ينتهي
رياض.............................:نوف
نوف:متى
رياض.................:الساعة ثلاث الفجر
نوف وهي تتغطى:اوكي لما تطلع صك النور
رياض:نوف
نوف:اطلع يارياض مابي اتكلم في الموضوع
رياض:طيب خلاص احلام سعيدة
انفتح الباب وانصك
رفعت نوف الغطا منها
رياض ببتسامة:اختفى النوم مشالله
نوف بقهر:لا كنت ابي اروح الحمام
رياض:واضح
نوف:انت ماعندك دوام
رياض:لا
نوف:وش اللي لا
رياض:لحظة.........هلا هلال
هلال:هلا رياض
رياض:اعذرني قول لهم اني مااقدر اجي اليوم عندي
شي مهم لازم اسويه
هلال:اللي هو
رياض:شي ضروري اوكي
هلال:اوكي بقول لهم
رياض:تسلم هلول باي
هلال:ههه تعال
رياض:هلا
هلال:رهف اخبارها
رياض:بخير باي
نوف:وش هذا الشي اللي اهم من الدوام
رياض وهو يجلس بجنبها:انتي
نوف:وش فيني
رياض:ابي اقعد معك حرام
نوف:لا بس انا ابي انام
رياض:ماتبين تروحين الحمام
نوف:لا هونت تصبح على خير
انسدحت وحست ان رياض انسدح بجنبها:جبت لك
شي
نوف بدون ماتلف عليه:وش هو
رياض:لفي خذيه
لفت نوف بهدوء ناظرت فيه يبتسم
نوف:تستهبل انت
رياض وهو يفتح ايده:لا تفضلي اتمنى تعجبك
نوف وهي تمسكها:من وين جبتها
رياض:بعطيك ايها بس انتبهي لا تتركينها مب رايق
انام واقوم مع فراشة
نوف وهي تمسكها بأعجاب:وااااو اول مره اشوف
فراشة ملونه
رياض:شوفي هذي
نوف:وععع
رياض:لحظة شوفي
نوف بصدمة:وش تسوي
رياض وهو يشيل للفراشة اجنحتها:الحياة فراشة
حطمنا اجنحتها بأيدينا
نوف:وش ذا التعبير
رياض:شوفي هذي وذي انا قتلت هذي صح لو قلنا
نقتل ذي
نوف وهي تبعد الثانية بسرعة:لا
رياض:شفتي الفراشة اللي كانت معي ماعجبتك نوف
الفراشة اللي قتلتها ماعجبتني بس اللي معك ماابي
اقتلها ابيها تعيش تعرفين ليش لانها ملونه وألوانها
حلوه وتحسين انها تتمتع بالحياة بس ذيك لا تحسينا
نكدة وماودك تشوفينها ابد ولا
نوف:اخلصني وش تقصد
رياض:يانوف انتي مثل الفراشة حطموا اجنحتك
بأيدهم او انتي تحطمتي منهم لما كنتي تهتمين لكل
كلمة تسمعينهم فيها نوف انا زوجك ماعشت معك كثير
بس من كثر مااشوف اللي قاعد يصير صرت اعرفك
اكثر منهم نوف انتي ممكن تصيرين مثل هذي كلك
امل وحياة بس انتي نفسك ماتبين
نوف:بس يارياض
رياض وهو يأشر على قلبها:هنا يانوف هنا الحزن
اعطيني ايه لو سمحتي ابيه بس شيليه منك ماابي
اشوفه فيك ابد انتي تعبتي من الحزن الاحزان تقول لك
ارحميني الفرح يقول لك مشتاق نوف مااحب اشوفك
حزينة افرحي يوم يومين صدقيني بتتغيرين يانوف
الدنيا ماتجي كذا ماابي افتح محاظره لك ونرجع كل
يوم على نفس السألفة بس عشان اللي
تحبينه..........عشان ياسر يانوف افرحي مااعتقد
انه يحب يشوفك كذا ارحميني عيشي على ذكراه
وماطلب منك نسيانه ولا نسيان اخوك بس ارجوك
طلب واحد ابي احس اني متزوج انسانة تفرح من قلب
انسانة تبتسم بس بفرح مب مغصوبة على الابتسامة
واذا قدرتي تسوين هذا الشي صدقيني يانوف وقتها
بحقق لك امنيتك انك ترجعين لياسر والله لأطلقك بس
ابتسمي
جا يبي يطلع مسكت ايده
نوف والدموع في عينها:تغار من ياسر يارياض ليش
من قال ان في قلبي ذرة حب لياسر غلطان قلبي عاف
الحب من زمان انا ماابي الطلاق انت الانسان الوحيد
اللي احس بالامان معه انت ومحد سواك ارحمني
وارحم عمرك اذا انت تعبت انا اكثر ......لاتطري
سالفة الشوق على معشوقك ترا شوقه تعدا
حدودك............................اعتقد اني
احب قربك ومااقدر اتحمل بعدك عني
^^^^^^^
رنا:بس ياياسر
ياسر:وش اللي بس
رنا:انا ماابي اسافر او عل الاقل مب الان
ياسر:اوكي ليش
رنا:صعبه انا حامل
ياسر:اوكي توك في الشهور الاولى
رنا:ادري بس الطيارة تأثر على الجنين
ياسر:يارنا ياحبيبتي ابيك تسافرين معي عندي شغل
رنا:اوكي كم بتقعد
ياسر:بروح انا ورياض ابوي يبينا نسوي له شي في
الشرقية ونرجع
رنا:طيب تكلم وش هو الشي هذا اللي ابوك يبيكم
تسونه
ياسر:امممم ماادري بس يرتبط في عم زوجة رياض
رنا بقهر:نوف
ياسر:ايه قالوا ان عمها يبي شي
رنا:وش يربط عمها فيكم
ياسر:شوفي ياروحي رياض ونواف اصدقاء وابائنا
اصدقاء لأبوها وعمها فهمتي
رنا:بس بعد فيه شي غامض
ياسر:هههههه والله انك مجنونة اسمعي مافي شي
غامض ولا شي اوكي
رنا:طيب من بيروح معكم
ياسر:انا ورياض مع انه يكرهني ونواف بس مب اكيد
نواف يجي
رنا:طيب رياض ونواف كبار عليك مايصلح تروح
معهم وشلون تبيني اروح معكم
ياسر:يارنا انا المحامي اللي قلت وصية الجد قبل
شهور وش فيك ثم لو وافقتي تجين معي اروح بسيارة
ثانية
رنا:نوف ماعندها قلب جدها مات قبل شهور
ياسر يقطعها:يارنا اللي مات ابو زوجة العم نوف
مالها شغل فيه
رنا:ولو
ياسر:ههههه وبعدين معك انتي قومي جهزي لي
شنطتي
رنا:طيب بس متى السفر
ياسر:بكرا الفجر
رنا:اففف طيب
^^^^^^^^
دلال:انت من جدك
هلال:ايه ليش
دلال:بس ماادري وش تبي تشوف
هلال:ياروحي انا خايف على البنت اللي سواه الاخ
طلال مب سهل مات وهي انجنت ابي اشوف حالتها
دلال:بتجيب لها المرض ياهلال اعرف انك تبي
تشوف حالتها بس هي ماكنت تعرفك لانك كنت تدرس
في الخارج ثم انك تشبه طلال لدرجة كبيرة لو وقفتوا
بجنب بعض مارح نفرق بينكم مستحيل بتظنك طلال
هلال:يادلال يادلال وبعدين معك انا طالع
دلال:وين
هلال:ابي اشوف شكلها
دلال:وين
هلال:في غرفة طلال انتي وش فيك صايرة حمارة
اففف
دلال:هلال ليكون حبيتها
هلال:لا ياروحي بس انا شايل همها
دلال:ااااه بكيفك وشلون ليزا
هلال:زوجتي
دلال:لا بنت الجيران
هلال:بخير
دلال:صاار لي يومين مااشوفها
هلال:سافرت تبي تشوف امها
دلال:اهاااا اجل ولدك اخذته معها
هلال:ايه قالت ان امها مشتاقه له
دلال:كم تبي تقعد في ايطاليا
هلال:ثلاث شهور
دلال:اهاااا طيب ماقلت لي وش تبي في صورتها
هلال وهو يطلع مع اخته الدارج:ابي اشوفها عشان
مااصير حمار واحسب ان اختها هي
دلال ووهي تفتح باب غرفة طلال:لاتفتح لنا جروح
ياهلال
هلال:لا ارتاحي لا جروح ولا روح بشوف الصورة
واطلع
دلال:اوكي صك الباب وراك وامي لاتدري انك دخلت
مب رايقين لك ولا لها
هلال:طيب
قاعد هلال يدور الصورة بس مالقى شاف تحت
السرير لقى صندوق ابيض سحبه
شاف انه مقفل
سحب التلفون :الو
دلال:وش تبي
هلال:الصندوق الابيض وش فيه
دلال:ذكريات طلال ليش
هلال:وين مفتاحه
دلال:فوق الدولاب هلال ارجوك
صك هلال الخط وسحب المفتاح شاف مفتايح كثيرة
حاول لين ماانفتح
هلال بقهر:اوراق كلها اوراق...........لحظة وش
هذا
$$لللي يقرا الورقة هذي اتمنى انه يعطيها هلال بس
بدون مايفتحها وغلاتي$$
هلال بصدمة:لي الورقة لي من طلال وش فيها
$$هلال انت اخوي الكبير واعتقد انك الوحيد اللي
تقدر تسوي لي هذي الخدمة انا اعرف انك لو قريت
هذي الورقة بأكون انا ميت ياهلال انا تزوجت رهف
وانا احبها بس المشكلة اني كنت اعرف اني بعذبها
هلال اعتقد اني كنت اعرف بموتي كنت احس اني
مريض ياهلال اعراض المرض كانت تبان علي بس
كنت اكذبها كانت رهف تقول ان فيني شي هلال انا
اكتشفت ان فيني سلطان بعد ثلاث ايام من زواجي
هلال انت الوحيد اللي اقدر اعتمد عليه وأئتمنه على
زوجتي ياهلال انا ابيك تتزوج رهف وغلاتي عندك
تتزوجها هلال انت الوحيد اللي تشبهني طلبتك
تتزوجها ياهلال ارجوك اتوسل لك تتزوجها ابيها
تنساني وغلاتي عندك تنسيها طلال انا اعرف اني
بعذبها بس انت تقدر تدأويها وغلاتي وغلاتي وغلاتي
وغلاتي ياهلال مالي احد غيرك مالي احد غيرك مالي
احد غيرك وغلاتي تتزوجها امانة تتزوجها تزوجها
تزوجها ياهلال ابيها لك ابيها لك ابيها لك ابيها لك
انت اللي بتنسيها وغلاتي ياهلال شوف الورقة انا
اعيد الكلمة ميه مره ادري الحروف صعبه تستوعبها
بس وغلاتي تتزوجها ياهلال ابيها لك ابيها لك امانة
تتحمل ثمن غلطة انا كنت فيها غلطان ارجوك ياهلال
ابوي يدري انا قلت له بس ارجوك تحاول وتضمها لك
$$
هلال بصدمة:انا ليش مستحيل ليش ياطلال
سمع صوت ابوه
ابو هلال بصوت عالي:دلال من فتح باب غرفة طلال
ناظر هلال الباب شاف ابوه يدخل
ابو هلال وهو يقرب من ولده:هلال وش فيك
دخلت ام هلال وراحت عند ولدها بسرعة:هلال
حبيبي ليش تبكي
هلال وهو يضم امه ويبكي في حضنها مثل الاطفال:
ليش انا يمه مااقدر احب ليزا احبها يمه مااقدر
ارحموني ولدكم مات وحط مسئوليه ماقدر عليها وانت
ماقلت لي ليش ماقلت لي


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -