بداية

رواية وفاء لقلبه -1

رواية وفاء لقلبه - غرام

رواية وفاء لقلبه -1

السلام عليكم ورحمة الله و بركاته ...
للقسم مرتادوه أعضاء و زوار ... و من خلال متابعتي للقسم استطعت تحديد نوعية الروايات التي تنال
قسما وافرا من الردود و المشاهدات ...
فأرتأيت عرض هذه الروايه ...
وفاء لقلبه للكاتبه / دموع السحاب ..
الجزء الاول ...
وفاءً لقلبه ..وحبه ..وعطاءه ..
وفاءً لوفاءه ..وفاءً لأحساسه .
وفاءً .لسهره ..لتعبه..لأنجازه ..
وفاءً لتفاني ..وفاءً لبياض قلبه..
وفاءً لحظوره ..وفاءً للوفاء اكتب
ماأصعب الحياة عندما تكون قسوتها من أقرب الناس اليك ..
مؤلمه حد الموت عندما يكون الطعن بالظهر ..قاسيه عندما تكون الجراح من يد
من يملك الدواء ..
أحمد هو من قال هذه الكلمات بحزن وألم وجراح أحمد هو من عبر عن هذا الانين
أحمد..أه يافارس اخر شئ توقعته ان قسوتك تكون علي ..اخر شئ توقعته
انك تمد يدك علي ..خساره يافارس
غمض احمد عيونه وانعاد المشهد كامل قدامه
دخل البيت مصعب وبكل سرعه توجه لغرفة فارس وماهي اي غرفه غرفة
المكتب الي مافيه احد يتجرأ يدخلها بدون اذن وفتح الباب والتفت فارس
والشرر واضح بعيونه
فارس وهو واقف ..خير ان شاء الله من متى ندخل بدون استأذان
احمد..من اليوم ليه يافارس تعمل كذا بعمك ليه
فارس..ماعندي عم انت عن مين تتكلم
احمد بغضب..والي زرته من هو
فارس بسخريه..اها هذا كان عمي وزيارتي كانت راحه لي
احمد ..رحت تتشمت فيه
فارس ..بااستهتار ..زياره عاديه
احمد..يااخي ماراح تزيدك فلوسه انت فلوسك مغرقتك ماانت محتاج تذل
رجال كبير الشيب مالي راسه والمرض هده
فارس ..لوسمحت بكمل شغلي
احمد..انت حقير
فارس ..ماسمعت
احمد ويقرب له ..انت انسان خالي من المشاعر انت حقير
فارس وبغضب امتدت يده بكف على احمد
احمد..تضربني
فارس..واطردك
احمد بضحكه من غير نفس..كنت متوقع انك بتطردني من بيتك يافارس لكن
ماتوقعت بهالسرعه
فارس يحاول يتمالك نفسه ..احمد اطلع غرفتك
احمد وبحزن..بطلع بس مو لغرفتي لا بطلع من املاكك من بيتك بس قبل
مااطلع بقول لك كلمتين انت عندك لي مبلغ ياريت تعتبرني متنازل عنه
مقابل صرفك علي كل السنوات الي راحت يااخوي
فارس وبصوت اعلى ..احمد احترم نفسك وثمن كلامك مو فارس الي يبخل
على اخوانه بدمه وشلون حلاله
احمد..الي يدمر عمه
يقاطعه فارس بصوت غاضب..ماعندي عم
طلع احمد من المكتب بغضب وبسرعه اخذ ملابسه وصادفته امه الي كانت
تصيح من الي سمعته بين عيالها
احمد يحب راس امه..سامحيني
ام فارس ودموعها على خدها ..خساره ياعيالي خساره
طلع احمد وترك امه بحالة انكسار والم وحزن وراح هو بحالة خوف والم
وجرح كبير
ببيت فارس ماتغير شئ فارس مازال بمكتبه وامه من الحزن دخلت غرفتها
والبنات كل وحده طلعت غرفتها تفرغ حزنها بطريقتها
نوره تكلم دانا بنت خالتها..مليت من هالبيت كرهته
دانا..خلاص يانوره انتم المفروض تعودتوا على فارس
نوره بحزن..بس احمد طلع من البيت
دانا..احمد رجال والي صار كان متوقع بيجي يوم يطلع
نوره..دانا فارس كل يوم يمحي صفحه حلوه بحياتنا
دانا..نوره لاتكونين متشائمه وروحي لخالتي ووسعي صدرها واحمد تعرفون
جواله باي وقت تقدرون تكلمونه
نوره..أه بس الله يعينا على هالهموم وين دلال
دانا..دلال كالعاده عند التيلفزيون
نوره..اختك هذي مضيعه وقتها عالفاضي
دانا ..وشتبينها تسوي دراسه وخلصت ووظيفه وماحصلت وعرس مااعرست
نوره..هههههه المهم بروح لريم اشوف شتسوي
دانا ..اوكي سلمي عليها
نوره..يوصل فمان الله
في نفس الحاره كان فيه غرفتين بداخلها شخصين شايب كبير هده المرض طايح
على الفراش ماهو قارد يعمل اي شئ ..
وبغرفه ثانيه بنت بعمر الورد دمرها حقد الناس وكرههم بدأ هالاحساس يمحي
الطيبه بداخلها بدت تحس انها عايشه بغابه القوي يأكل الضعيف
غاليه بنت غاليه لان لها قلب ايبض صعب تحصله بوقتنا
غاليه وقفت عند الشباك تتفرج على بيت فارس ..او قصر فارس وبنفسها تقول
معقوله يافارس عندك كل هالحلال وتطالب ابوي خمسين الف ليه طيب ..غريب
هالانسان حضوره مخيف وبروده مخيف كلامه هادي ومعانيه جارحه ..ابتسامته
سكين وغضبه دمار اغرب انسان شافته بحياتها كل القسوه تجمعت فيه وشافتها
هي ومع هذا هو الشخص الوحيد الي ابوها يقول لازم تثقين فيه ..
تنهدت غاليه لانها كل يوم تفكر من اشهر من بعد ماخسر ابوها كل فلوسه وهي
تفكر وتفكر ليه ابوها رجعها للماضي ليه رجع لعيال عمها ليه الحين رجع لفارس
الي اسمه مثل الذهب بالرياض ليه الحين يايبه فهمني ..تعبت غاليه وطلعت تتطمن
على ابوها وقالت لنفسها بيحي يوم وكل شئ يبان
وبغرفه من الغرف بهالقصر كانت ريم انسانه عايش بعالمها وسيلتها
الوحيده لتعبير عن احزانها الكتابه عندها حلم ولازم يتحقق بينها وبين
القلم الف حكايه وهالحكايات مافي احد يعرفها الا شخص واحد مايعرف الا توقيع
الحكايه وهو فارس اخوها
ريم كانت تكتب وعايشه بعالم اخر
مااجمل الصحراء عندما تكون امان ..ومااروع رمالها عندما تكون ذهب
.مااجمل الحياة عندما تملك جوهر الاخلاق ..ومااروع الامنيات عندما تحقق ..
لااعلم من اين اكتب فلك أكتب نعم لم اكن يوم انسانه مثقفه ولم اكن يوم عالمه
بل انا انسانه عاديه احببتك وافتخرتك بك..ابكاني فراقك ..وعذبني قلمي للوفاء لك
فكان هذا النزف
وفاءً لقلبه..
-- مااجمل ابتسامتك ..ومااروع اخوتك..ومااحن من ابوتك..تحضن الصغير
..وتحترم الكبير..تقدر الاختصاص..وتراعي العادات..لاشئ قبل الدين ..
اعطيتنا الكثير والكثير لااعلم من اين ابدأ لذلك سأكتب قصة ابنه مع
..لا اعلم ماذا اسميك
كل مااعلمه انني ولدت واعطيت اسم وهو ريم وانت اعطيت اسم ربية معك عندما
تضحك تضحك امي واخوتي فااضحك معهم لانهم يضحكون وةعندما تحزن اراهم
يحزنون فااحزن معهم لااعلم لماذا اراك بكل مكان امامي كبرت ودخلت المدارس
وانت معي لااعلم غيرك انت االانسان المميز الذي يستحق ان تكون اول كتاباتي
الحقيقيه هي وفاءً لقلبه
ظل احمد محتار ويفكر وين ممكن يروح بالاخير قرر خلاص انه يعتمد على نفسه
اخذ له شقه ونزل فيه لكن فيه صوره ماهي راضيه تريحه صور تمر بباله تنهد
وجلس وهو يدقق بهالصوره
فارس باابتسامه..مبروك احمد واخيرا يااخوي
احمد ..الله يبارك فيك كان حلمي اكون مهندس واخيرا تحقق
فارس ..واطردك
احمد يتنهد ويحاول ينسى هالكلمه لانه متاكد انها مو من قلب فارس
احمد..خليني اتصل على الريم
ريم تبتسم وترد..هلا والله
احمد..هلا الريم كيفك
ريم..تمام انت وشصار عليك
احمد ..اخذت شقه
ريم بحزن..بتتركنا
احمد..خلاص ريم انا وفارس لنا فتره مو قادرين نتفق
ريم..طيب وامي
احمد..امي بعيوني بجي وبزورها ولاراح اقطعها ابدا
ريم..خساره يااخواني
احمد ..ريم خلاص
ريم وتضحك..مادامك قلت ريم ماقلت الريم يعني عصبت خلاص الي يريحكم اعملوه
احمد..وين نوره
ريم ..بغرفتها تكلم دانا
احمد..مايملون من بعض
ريم..عادي سوالف تضيع وقت
احمد..طيب انا بنام ولاتنسون اتصلوا علي صحوني لصلاة الفجر
ريم..طيب
احمد..انا بكلم امي على خطها
ريم..طيب خلاص فمان الله
احمد ..مع السلامه
وفي بيت مثل كل بيوت الرياض كانت دانا ودلال وامهم واختهم الصغير جود جالسين يسولفون
ام فهد..الله يعين اخيتي على الي هي فيه
دلال ..بعد يمه عندك ولد اخت يرفع الضغط
ام فهد..الله يهديه
دانا..بس احمد غلطان المفروض مايطلع
دلال..لا لازم يطلع خلاص فارس كل يوم ينسى نفسه ويغلط مو كفايه ممشي كلمته
حتى على امه
ام فهد وهي طالع..الله يعين هالفارس
دانا ..بعرف انا ليه امي تقدر فارس
دلال وهي تضحك..لانه شيطاني مثل ولدها
دانا ..فهد صح يشبه فارس كثير واغلب وقته معه بس فهد يضحك ويسولف معنا
مو مثل فارس
دلال ..انا ودي افهم هالانسان كيف بيتزوج
دانا..بصراحه اشك انه بيتزوج عمره الحين 32 سنه ماااعتقد يتزوج هو لاهي
بااعماله يحسب الدنيا شغل وفلوس وبس
دلا ل..بس ماننكر ان فارس بفلوسه سوى شئ كثير
دانا ..اوكي عنده فلل ومزارع واسطبل كامل للخيول بس هذا مو كفايه
دلال .. لاتنسين ان فارس معروف انه كريم ومايقصر بفعل الخير
دانا وهي بتطلع .. الله يستر عليه بسلامته
دلال ..على قولك
دلال وتلتفت على جود .. ليه تناظريني كذا
جود .. ليه ماتحبون فارس
دلال وتضحك .. وانتي ساكته من اليوم تفكرين بالاجابه
جود .. صدق دلال فارس عادي مو شيطاني
دلال .. جود روحي دوري موضوع تقرينه بالاذاعه بكرا
جود وهي معصبه .. خلاص اذا شفته سألته
دلال وبعصبيه..عشان يذبحك فهد
جود..اف
دلال..والله ماينقال عندها شئ تسويها وتقول له
وبحزن كانت غاليه تناظر ابوها قربت من عنده تصحيه
غاليه..يبه يبيه قم اخذ علاجك
ابوغاليه ..يابنتي ماله داعي العلاج مابيسوي شئ
غاليه وعلى طول نزلت دموعها..يبه وانا من بتخليني له ارجوك ساعدني عشان
تخف وترجع مثل اول
ابو غاليه يبتسم..لاتصيحين يابنتي كلنا بنموت وانتي ان شاء لله لك رب مابيتركك
غاليه..يبه ارجوك لاتقول كذا لاتعذبني
ابو غاليه ..اتصلي على فارس يجيني ضروري بكرا
غاليه..يبه ليه فارس ليه كفايه اسلوبه وكلامه معك
ابو غاليه..كلميه ولاعليك انتي
غاليه..يبه ابي افهم ليه فارس يعاملك كذا وليه احمد عكسه ليه البيت قبال البيت
ولااحد يجي يزورك فهمني
ابو غاليه بتعب ..يابنتي هذي سالفه قديمه انسيها ولاتعبيني كلمي على فارس
غاليه بحزن ..ان شاء الله بس انت خذ الدواء وارتاح
ابوغاليه..برتاح اذا شفت فارس
غاليه الحين بكلمه
طلعت نوره من غرفتها وهي حاسه بملل ودخلت لاختها وحصلتها كالعاده ماسكه
الملف الاخضر وتكتب ..دخلت بهدوء وسحبت الملف
ريم ..وجع ان شاء الله خوفتيني
نوره..ههههههههههههههههه والله شكلك نكته مامليتي من الكتابه
ريم..لا طبعا كيف امل من لكتابه عنننن
نوره وتبتسم..عن مين
ريم ..عطيني الملف
نوره وتقرأ العنوان..وفاءً لقلبه
ريم تقوم بهدوء وتمد يدها..عطيني الملف نوره
نوره ..طيب متى بيخلص بموووووت على مااقرأه
ريم ..قريب
نوره..يابختك تقدرين تعبرين عن وفاءك له
ريم باابتسامه ..وانتي تقدرين
نوره بحماس ..كيف
ريم..بالدعاء له
نوره ..الله يرحمه يارب
الجزء الثاني
بنفس المكان كان فارس جالس على المكتب وحاله من الغضب مسيطره عليه
..ظل سرحان ويفكر بهالمكتب الكبير الخالي من الحياة كل مافيه جدي.. مكتبه
تضم اكثر من 400 كتاب ..نور هادي ..ضرب قلم عالطاوله ..مافيه غير صوت
دقات الساعه ..هذا حال فارس الي كلام اخوه يذبحه ماهو متخيل انه جاء اليوم
الي اخوه يدفع له ثمن تربيته مستحيل ماكان قادر يتخيل الكلام الي قاله احمد اخوه
..ماتوقع بعد التعب والصبر اخوه يقول هالكلام ولسبب بنظر فارس قاسي حد
الموت اخوي يهيني لخاطر من ...قطع عليه تفكيره رنة التيلفون من غير نفس
رفع التيلفون
فارس بصوت جهوري..نعم
غاليه بخوف..السلام عليكم
فاري بااستغراب..وعليكم السلام
غاليه..من معي فارس
فارس زاد استغرابه..نعم من معي
غاليه تبلع ريقها..انا غاليه بنت عمك منصور
فارس وقف وكأن الفرج جاه..نعم شتبين بعد مو كفايه الي عمله ابوك
غاليه بخوف..ماسوينا شئ والله
فارس بغضب ..اف شتبين الحين
غاليه وهي تصيح..ابوي يبيك ضروري
فارس بعصبيه..ماني فاضي
غاليه بترجي..الله يخليك ابوي يبيك مايأخذ علاجه الا اذا شافك ارجوك تعال
فارس ويأخذ نفس ..بشوف
غاليه ..اترجاك يااخوي
فارس..طيب نجي نشوف المصايب
غاليه..لاتقول كذا عن ابوي
فارس ..نعم ماسمعت
غاليه..مع السلامه
سكر فارس الخط وطلع معصب من غرفته صادفته نوره وسكتت لان واضح
عليه معصب
فارس..وين امي
نوره ..بغرفتها منسدحه تريح شوي
فارس..طيب اسمعي انا بطلع مشوار وبرجع واذا صحت امي قولي لها اني ابي
اكلمها
نوره..ان شاء الله
طلع فارس وهو طالع اتصل عليه فهد
فارس..هلا
فهد..اهلين وش هالعلم الي سمعت
فارس..وصلك الخبر
فهد..ماهقيتها منك تطرد اخوك
فارس..ماطردته هو طلع
فهد ..وبعدين
فارس..عادي متى ماحب يرجع البيت مفتوح له
فهد..اوكي لنا كلام بعدين
فارس..اسمع انا رايح لبيت ابو غاليه
فهد مستغرب..عمك..؟
فارس ..انا لله وانا اليه راجعون حتى انت تقول عمك ازعجتوني
فهد عصب ..يااخي هو عمك اف اقول مع السلامه
قفل فهد من فارس وكل الاثنين معصبين
ام فارس حاولت تداري الحزن بس ماقدرت خلاص قلبها ماتحمل هالالم ماتحملت
تشوف عيالها قدام عينها يتفرقون ماتحملت تشوف ولدها الكبير ظالم وقاسي
ماتحملت تظل ساكته وساكته وهي تشوف القسوه بدت تسيطر على كل عيالها
قامت وبكل قوه لبست عباتها وطلعت تجاهلت كلام بناتها وراحت ..تمشي وهي
تتذكر كلام صار له سنين من ابو فارس كان يردده وهو خلاص بأخر ايامه
ابو فارس كان يردد كلمه وحده ..الله يسامحه الله يسامحه
ام فارس تمسح دموعها وتمشي لحد ماوصلت لشقة ابو غاليه طلعت ورنت الجرس
وفتحت لها بنت استقبلتها وسلمت عليها
ام فارس ..انتي غاليه
غاليه بخوف ..ايه من انتي
ام فارس باابتسامه..انا ام فارس
غاليه بفرح تضمها..هلا خالتي نورتي تفضلي
دخلت ام فارس وهي تشوف حالت الشقه غرفتين بس مع مطبخ صغير ودورة
مياه عزكم الله
جلست بالغرفه..شلون ابوك يابنتي
غاليه بحزن..الله يشفيه يارب
ام فارس..الله يخليه لك يارب
غاليه ..امين
ام فارس..سامحينا يابنتي مقصرين
غاليه..يكفي انك جيتي ياخالتي
رن الجرس للمره الثانيه وفتحت غاليه بعد ماعرفت انه فارس صدت عالجنب
ودخل وتفاجئ لما شاف امه
فارس مصدوم..يمه..!!
ام فارس بقوه ..ايه امك
فارس..اقدر اشوف عمي
عرفت ام فارس ان ولدها زعل وقامت..انا بدخل معك ماشفته
دخل فارس وامه وغاليه عند الباب
ام فارس..السلام عليكم ابو غاليه ماتشوف شر
ابو غاليه بفرح ..الشر مايجيك حيالله ام فارس شلونكم
ام فارس. بخير
فارس..السلام عليكم ياعم
ابو غاليه بفرح اكثر ..هلا بفارس هلا بولد اخوي
فارس بجفاء..طلبتني خير ان شاء الله
ابو غاليه ..ايه طلبتك هذا شيك فيه 120 الف لك خمسين الف والباقي عطوه بنتي
ضمان له بعدي
غاليه صاحت قهر على حال ابوها
فارس..بس انا ابي 200الف مثل ماقلت لك
ام فارس..اذكر الله يافارس

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -