بارت مقترح

رواية ليتها من جفاها تستفيد -11

رواية ليتها من جفاها تستفيد - غرام

رواية ليتها من جفاها تستفيد -11

وصلوا بيت بو ذياب وكان
عبدالله وزياد وياسر وذياب واقفين في الحوش
نزل عبدالرحمن يسلم على عيال عمه
ام عبدالرحمن: السلام عليكم
الكل: وعليكم السلام
ام عبد الرحمن: وش اخباركم ياعيال؟
الكل: الحمدلله....انتي اخبارك؟؟؟
ام عبدالرحمن: الحمدلله ...الحمدلله على السلامه ياذياب
ذياب: الله يسلمك ياخاله
ود: الحمدلله على السلامه ياذياب
ذياب: هلا ود الله يسلمك
رهف : الحمدلله على السلامه
ذياب من سمع صوتها دقات قلبه تتسارع
ذياب: الله يسلمك
زياد: منورين البيت خالتي
ام عبدالرحمن: منور بأهله
ذياب: تفضلوا خالتي
ام عبدالرحمن: دام فضلك
دخلو الصاله وكانت متروسه حريم
ود: اقول يمه خالتي عازمه الحاره كلها
ام عبدالرحمن: صديقاتها وقرايبنا وحريم عمامك ومرت خالك
رهف: لو انكم سامعين كلامي مو احسن لكم
شافوا سميه توها داخله
سميه: هلا وش فيكم جالسين هنا
رهف: تونا واصلين
سميه: اهااااا
رهف حست معاملت سميه تغير وكانت متوقعه هالشي
وسلموا على الحريم وراحو جلسو عند البنات
رهف: هااااااااااي صبايا
شوق وسلامه وذوق: هاااااااااااااي
سلمى: هههههههه هلا والله برهف
سميه: نعم ...نعم وانا مالي رب
سلمى: لا عاد كله ولا سوسو
الكل:ههههههههههههه
رهف: حسوده
سميه: خير عمتي تبغيني اسكت وهم يرحبون بك وانا لا
رهف: عادي مافيها شي
جوري: فضحتونا بس
سميه: هي الي بدت
رهف : انا ابدأ شوفي وجهي كل البراءه فيني
شوق: واضح
رهف: نعم
شوق: سلامتك
رهف: على بالي
ود: مو بنات
سلامه: ليه شايفتنا اولاد وحنا ماندري
جوري: الاولاد احسن منكم
اسكتو كلهم لان شافو اربع بنات جايين عندهم
البنات: السلام عليكم
الكل: وعليكم السلام
البنات: اخباركم
الكل: الحمدلله
سلامه بلقافتها الزايده: سوري بس ماتعرفنا
وحده من البنات: حنا بنات صديقات الخاله ريم
ود: هلا والله
البنات: الله يحيك
ود: تفضلوا
البنات: تسلمين
جلسو البنات سوالف وضحك تعرفو على بعض وخذو ارقام بعض
رهف وسلامه وود وجوري: عن اذنكم
الكل: خذو راحتكم
راحوا يساعدون خالتهم
ود: انا بجهز السلطه
سلامه: بساعدك
رهف: انا بجهز الحلا
جوري: انا بشوف الباقي
شوق: وانا بروح
جوري: تعالي ساعديني
شوق: اوكي
ام ذياب: ماقصرتوا
ام عبدالله: ههههههههه والله انهم حريم
سلامه: من زمان وحنا حريم
رهف: ام لسانين تكلمت
سلامه: ام لسانين انتي
رهف تطالع سلامه وتتوعد لها
سلامه: يمه شوفوها تخزني شكلها ناويه علي اليوم
الكل:ههههههههههههههههههههه
بعد ما خلصت العزيمه الكل راح بيته
........
في اليوم الثاني..
دخلت رهف المسن وشافت ذياب اون لاين
خافت ترددت انها تطلع او لا بس قررت انها تبغا
ذياب: هلا ببنت العم
رهف: اهلين
ذياب: كيفك؟؟
رهف : تمام انت كيفك وحمدالله على السلامه
ذياب: تو الناس المهم ماعلينا انا بخير
رهف: تامر شي انا طالعه
ذياب: ليه زعلانه؟؟
رهف: مدري من الزعلان على الثاني
ذياب: انتي تدرين ليه زعلان
رهف: ايه بس انت تدري انت ايش بنسبه لي
ذياب: خلاص سكري السالفه مشكوره زياب قالي كل شي عن وقفتك
رهف: ماله داعي الشكر انت ولد عمي وبعدين الي سويته كان واجبي
ذياب: رهف انا اسف على كلامي ولاني طلعت وماخليت لك مجال تتكلمي
رهف: لا عادي
ذياب: تدرين انصدمت يوم جيتي
رهف: اساس كنت مني جايه بس ود اصرت علي
ذياب: لو انك مسويتها كان زعلت منك
ذياب يبغى يعصب برهف
ذياب: رهف من البنات الي جو اليوم غير بنات عمي
رهف: ليه؟؟؟
ذياب: بس في وحده حلوه
رهف: ذياب
ذياب: عيون ذياب
رهف: بطلع
ذياب: افا اهون عليك
رهف: ايه عادي
ذياب: افا ماهقيتها منك
رهف: لا عادي توقعها مني
ذياب: ههههههههه تغارين
رهف: انا اغار؟ ليه
ذياب: مدري اسألي نفسك
رهف: ذياب
ذياب: قلب وحياة ذياب
رهف: اكرهك
ذياب: عارف انا اكثر
رهف: ذياب بلا مساخه
ذياب: رهف ممكن اسالك سؤال؟؟
رهف: تفضل
ذياب: امممممممم ايش صار على الموضوع؟؟
رهف: اممممممم عطيتهم ردي ؟؟؟
ذياب: طيب... وايش كان الرد؟؟؟
رهف: امم ذياب ردي كان الرفض
ذياب: من جدك؟؟
رهف: ايه من جدي تدري اني احبك؟؟
ذياب: رهف انا ذيك اليوم يوم قلتي لي انك انخطبتي خلاص حسيت ان الدم تجمع في وجهي وماقدرت اتكلم اختنقت عشان كذا طلعت
رهف: خلاص الي صار صار وحنا عيال اليوم
ذياب: تدرين اني احب بنت واموت عليها ومقدر اعيش بدونها
رهف: طيب من هذي ممكن اعرفها؟
ذياب: ايه ممكن هي وحده جميله وهي القمر نفسه
رهف: ومن هذي؟
ذياب: غلا
رهف: وانت وش عرفك في غلا؟؟؟
ذياب: مو هذي وحده من البنات الي جو
رهف: ذياااااااااب باااااااااي
وطلعت من المسن
ذياب:ههههههههههههههه فديت الي تغارخلني ادق عليها
دق بس ماردت
ارسلت له
لا تدق لاني موراده وخل غلا تنفعك
ضحك ذياب يوم قرى الرساله
هههههههههههههه فديتها
رسل لها
اوكي ردي بقولك شي واذا مارديتي بجي بيتكم..
مافي رد
رهف: هههههههه مسكين بس يستاهل ليه يتكلم عن بنت ثانيه قدامي
جتها رساله
طلي من النافذه
رهف استغربت .. ليه قال لها تطل من النافذه!!
طلت وتشوفه واقف عند باب بيتهم
رسلت له رساله
رهف: وش تسوي هنا؟؟؟
ذياب: عشانك مارديتي علي
رهف: ذياب الله يخليك روح بيتكم
ذياب: تدخلين المسن
رهف: طيب خلاص ادخل
ذياب: طيب اول ماادخل ابغا اشوفك موجوده
رهف:هههههههههههه ان شاء الله اوامر ثانيه
ذياب: ههههههههه لا مافيه
وصل ذياب بيتهم ودخل المسن وشافها موجوده
ذياب: هلااااااا بالحلوين
رهف: هلا بك .......اممممممممم ذياب
ذياب: هلا
رهف: وش هلا قول ..
ذياب : حبيبة ذياب
رهف: مع السلامه تعبانه ابي انام
ذياب: تصريفه
رهف: لا تعويضه
ذياب:ههههههههههههه اوكي حياتي اخليك
مع السلامه
رهف: مع السلامه
يوم طلعت من المسن وصل لها مسج من ذياب
"أبد والله سمعت بطاري عيونك وجيت أغليك...
يقول القلب سلم لي عليه ويطلب وصالك...
حبيبتي وايش تقولين بعاشق (قصة غرامه) فيك...
نسى الدنيا ومن فيها وجا ينشد عن أحوالك...
حبيبتي جيت لمصافح مواعيد الفرح بيديك...
وجيت أعطي يمينك (حب) ماتدري به شمالك...
أشوفك وأسمعك قبل أعرفك وأشتاقلك وأبيك..
وأحس آمال عمري (من عرفتك) تشبه "آمالك".. ‏
أنا ماعشت قبل أعيش "بإحساسك" وقبل أجيك...
حبيبتي جيت لك بقلبي ولو ماجيت جالك...
أحاسيسي كريمه وأنتي تستاهلين كرم غاليك...
ترى لو ماأشرقت شمسك وصل رحت أتبع ظلالك...
يقولون العرب دارن بلا مغليك ماتغريك...
وأقول إنك بليا (حب) كنك عايش %لحالك%..
ولاتزعل من اللي لازعل منك رجع يرضيك...
ولاتطرين كلام البعد فال الله ولا فالك...
أنا <لو> ماتذكرت الغلا جاب الغلا طاريك...
تعيشين وتسلمين ((لقلب)) على كف الغلا شالك...
أطالع وجهك المشرق أمل وعيوني تناديك...
وأقول الله ثم الله
*لايحرمني وصالك*
ردت له رساله
"أنا ماهزني غيرك حبيبي بالبشر انسان...
ولا حبيت ابد قبلك ولا أفكر احب ثاني...
دخيل الليل والقمر او النجم في سمانا ظال...
ودخيل الحب وعيونك ودمعا غرق اوجاني...
ابي حبك يزلزلني يفجر داخلي بركان...
ابيه يطهر جروحي يمحي باقي احزاني...
ابيك تكثر الرهبه وقلبي ممتلي ايمان"
‎........


الامتحانات قربت والكل يذاكر
ود وجوري مشغولين في تجهيزات عرس ود وعبدالله
من القاعه والكوشه والفستان
والتجهيزات الباقيه
........
شوق: اف مو عارفه المساله
جوري: ايش فيك؟؟
شوق: موعارفه لهل مساله
ذوق: روحي لسلامه
شوق: والله جبتيها ........ عبدالله
عبدالله: هلا
شوق: ودني بيت عمتي
عبدالله: دقي على سلامه اول شوفي في البيت او طالعه
شوق: طيب راحت شوق دقت على جوال سلامه
سلامه: هلا شواقه
شوق: هلا سلامه.......ز اقول سلامه انتي في البيت
سلامه: ايه في البيت
شوق: طيب انا بجي لك تشرحين لي مساله
سلامه: اوكيه تعالي ا نجيتي ارقي غرفتي ولاتخافي زياد مو موجود
شوق: اوكيه




......
رهف: اف زهقت من المذاكره
ود: هههههههههه ذوقي ماذقته في الماضي
رهف: والله مليت
عبدالرحمن: ممكن اسالك سؤال؟؟
رهف: اسال
عبدالرحمن: انتي كيف تذاكري هنا روحي حجرتك
رهف: مليت من الحجره قلت انزل الصاله
عبدالرحمن: طيب يالله روحي فوق هنا ازعاج
رهف: طيب بروح بس ممكن تجيب لي ايسكريم من باسكن بلـــيـــــــز
عبدالرحمن: طيب بجيب لك
رهف راحت رهف تحب اخوها في خده : مشكور دحوم
عبدالرحمن: انا ابغا اعرف انتي من طالعه عليه في هالخبال
رهف: عليك
عبدالرحمن: طيب روحي لاتفتحين لنا سالفه وتجلسي
رهف: يالله سيا
.....
وصلت شوق بيت عمتها
فتحت الخدامه لها الباب
شوق: وين سلامه؟؟
الخدامه: سلامه فوق
شوق: طيب
راحت فوق وهي جالسه تغني وتركض في الدرج
صقعت في شي ابيض طويل
شوق: لاااااااا لاتقلون زوج عمتي
........: ههههههههه ماخبري بيتنا العاب
شوق رجعت على ورا: لا مستحيل
زياد: ايش المستحيل ههههههه ودك تلعبين ترا بيتنا مو العاب
شوق: اف سخيف
زياد: ههههههههههههه انا سخيف يابنت العم مقبوله من القمر
شوق: انت وقح اف ومشت لغرفة سلامه
سلامه: ايش فيك تصارخين
شوق: مافي شي بس انتي تعالي شرحي لي رياضيات
سلامه: أي وحده
.....
الجزء الواحد والعشرين
........
لجلك أبيع الناس..
وألذهب "والروح"
ولجلك أذوق المر..
واقول "حالي"
ولجلك أعيش الحــــزن..
والدمع "والنوح"
ولجلك أصارع هـــم..
واقول "سالي"
وأقول سم ولوتبــيني ..روحي "تروح"
ماحد ترى بالناس غيرك طرالي..
......
انتهت الامتحانات والكل نجح
بس نتايج الثانويه للحين ماطلعت
احمد: اف مليت متى تطلع النتايج
ذوق رايحه جايه
احمد: ذوق اذا ماجلستي لا بعلبة الكلينكس براسك
ذوق: ادخل مره ثانيه شوف يمكن طلعت
شوق:الحين هالكثر خايفين
احمد: انتي اذا ماسكتي كف يجيك
شوق: سكت ...اف
رهف:ههههههههههه
شوق: خير فيه شي يضحك
رهف: جالسه اتفرج على مسرحيه اخر موديل
احمد: طلعت... وااااااو نجحت ....وقام يرقص
ود: العقل زين
ام عبدالرحمن: كم جبت
احمد: ها ماشفت
رهف وهي تاخذ الاب توب: جاب 98,55
وذوق 98,88 ومروان 90
احمد: خلني اروح ابشرهم
.......
الكل وصله خبر النتايج والكل بارك لهم على نتايجهم اللي ترفع الراس
.......
في بيت بو زياد
ياسر: وش رايكم بكره نطلع البر
ذياب: ايه والله خلونا نروح
ياسر: مره وحده اسوي حفله
زياد: حفلة وش؟؟؟
ياسر: عيد ميلاد اختي سميه بكره وابغى اسوي لها مفاجأه
الكل: صار
ياسر: اوكي نروح نشتري الاغراض
الشباب: يالله مشينا
احمد: وانتو ياشواب خبرو الاهل
بو ذياب: شواب في عينك
بو زياد: ماعليك منه خله يولي هو العجوز ماتشوفه
ركبتيه ميبسه
ذياب:ههههههههههههه جبته لنفسك
عبدالرحمن: يالله مشينا لا نتأخر
الشباب: يالله مع السلامه
الكل: مع السلامه
...
في بيت بو عبدالرحمن
العنود جالسه في الصاله تشوف التلفزيون
ولا يدخل عليها رجال
العنود: يمــــــــــــــــــــــــــه حرامي وهي تصارخ حرامي لحقوني
الله يخليك خذ كل شي بس لاتقتلني خذ فلوسي كلهم...
اهي اهي..... يمه الحقيني ابوي اخواني ااااااااااااه
حرامي يا اهل البييت الحقوني
الرجال: بس ما تعبتي من الصراخ لو حرامي كان انحاش من صراخك
العنود: ليه انت مو حرامي؟؟
الرجال: انا شبح جاي اخذك لانك مزعجه
العنود: يمه لحقينيييييي
رهف: عمى عنيد وش فيك........ وقفت من شافت الرجال
ود: عنيد ياالدبه وش عـ...... وقفت هي الثانيه
خالي سعود... وهي تنزل بسرعه عشان تسلم عليه
ورهف والعنود مو عارفين وش السالفه
ود: شفيكم هاذا خالي سعود
رهف راحت تسلم على خالها : هلا والله سوري ماعرفتك تغيرت كثير
سعود وهو يلتفت للعنود: وانتي مو جايه تسلمين
العنود: لا انت متفق معهم عشان تاخذني
ود: ههههههههههه عنيد تعالي هذا خالك سعود
العنود: ماأذكر ان عندنا خال اسمه سعود
رهف: عنيد لا تستهبلين وتعالي
العنود: امـــــــــــــي الحقيني
ولا بدخلت ام عبدالرحمن: يمه بنتي عنود وش فيك تصارخين ......شافت الرجال من هذا
العنود: شفتو امي ماعرفته انتو كذابين
سعود: افا يا اختي ماهقيت انك تنسيني
ام عبدالرحمن وهي تتذكر الصوت ...صوته الا صوته يعني رجع ايه رجع وهو قدامي اخوي سعود قدامي
وراحت حضنته: سعود يا يمه ماعاش من ينساك يا اخوي ...وهي تصيح ... اه ياسعود طولت الغيبه
سعود: بسك صياح الحين بو عبدالرحمن يدخل ويشوفك تصيحين ويهزءني
الكل: ههههههههههههههههه
ام عبدالرحمن: مازلت على حركاتك
سعود: هههههههه
ام عبدالرحمن: المهم حمدلله على السلامه
سعود: الله يسلمك
.....
سعود تذكورونه الي يدرس في امريكا
راح يكمل دراسته من خمس سنوات
عمره 25سنه
....
سعود: ههههههههههههه عنيد والله انك سوالف
العنود: اجل تبغيني اجي اسلم على حرامي
سعود: رجعنا على سالفة الحرامي اعنبوا حرامي بيدخل من الباب
العنود: ماتدري يمكن تطور في السرقه
رهف: لو حرامي داخل كان من شافك راح
العنود: وليه يروح؟؟؟؟؟؟؟
ود: لانك تزعجين بلد
سعود: تصلح ناطور في العماره اذا دخل حرامي تجلس تصارخ حتى الي في الصين يسمعها
العنود: امي شوفيهم
ام عبدالرحمن: خلو بنتي في حالها
العنود: فديت مامي الي تحبني
وهم جالسين يسولفون دخل عليهم بو عبدالرحمن
بو عبدالرحمن: السلام عليكم
الكل: وعليكم السلام
بو عبدالرحمن: سعود حمدلله على السلامه
سعود وهو يسلم على بو عبدالرحمن: الله يسلمك
بو عبدالرحمن: متى وصلت
سعود: اليوم الصبح
بو عبدالرحمن: تو مانورت البلاد
سعود: منوره باهلها
ام عبدالرحمن: تفضلوا للعشى
راحو يتعشون بعد الاكل راح سعود بيتهم وقاله ابو عبدالرحمن عن طلعة البر الكل استانس دام خالهم سعود رجع بتكون الفرحه فرحتين
...
الخميس الصباح الساعه 6 الكل رتب اغراضه
الكل تجمع في بيت بو عبدالرحمن
والكل اتفاجأ من شافوا الخال سعود نزلو خواته وعيالهم يسلمون عليه
...
د.وليد: السلام عليكم
د. عمار: وعليكم السلام اخبارك يارجال؟
وليد: الحمدلله وانت؟
عمار: بخير
وليد: اشوفك جالس هنا
عمار: ماعندي مريض ... وانت عندك ؟
وليد: عندي بروح لهم الحين
عمار: الا وش صار على الرجال؟؟؟
وليد: عطاك عمره امس الفجر توفى
عمار: الله يرحمه كيف قلتوا لاهله
وليد: كان اخوه جالس وقلت له
عمار: الله يصبر اهله
وليد: عن اذنك انا رايح
عمار: اذنك معك
.......
** في البر**
ياسر: اقول شباب خلونا نلعب كوره
الشباب: يالله
***عند البنات***
كانو جالسين فوق جبل
شوق: خالي سعود متى رجع
رهف: امس الفجر...فاتكم امس
البنات: وش صار؟؟؟
رهف قالت لهم سالفة العنود ويا خالها
سلامه:ههههههههههههههههههههه اختك عليها حركات
سميه: بس ماشاء الله عليه خالكم جميل
ذوق: ها سوسو اشوفك تغازلين خالنا
سميه: اقول ذوق انطمي لا ادوس بطنك
شوق: هيه انتي لاتصدقين عمرك حنا مانبغاك تكونين مرت خالنا
سميه: يحصلك الشرف
شوق: ههه من قص عليك
رهف: بس انتو وياها بسكم ... سلمى وش فيك ساكته
سلمى: لا مافيني شي
سلامه: افا تخبين علينا
سلمى: جد مافيني شي بس يتهيأ لكم
سلامه: الله شوفو الشباب يلعبون كوره
شوق: خلونا نشجعهم
جلسو البنات يشجعون الشباب وجاب زياد هدف على فريق عزام
عاد البنات دخلو معهم جو وجلسوا يشجعون زياد
زياد وهو يكلم البنات: عجبكم الهدف
سلامه وهي تصارخ: احلى هدف جيب مثله عشاني
زياد: تامرين امر كم سلامه عندي
عبدالرحمن: تحلم تجيب هدف ثاني
زياد: نشوف
كان الشباب منقسمين الى فريقين
فريق عزام والثاني زياد
عزام معه ( ذياب_ عبدالرحمن_ محمد_ عبدالله_)
زياد ( ياسر_ احمد_ سعود_ مروان_ ماجد)
سلامه وهي تشجع فريق اخوها وبعد احمد فيه لازم تشجعه

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -